|
|
|
 Re: لابد من سحب الشرعية الثورية من حمدوك فورا! (Re: عمار عبدالله عبدالرحمن)
|
الأخ الفاضل /هشام هباني
التحيات لكم وللقراء الأفاضل
لما سئلت إحدى البنات السودانيات المثقفات قالت : ( أنا طلقت ذلك الرجل صاحب الاسم ( أبا يزيد ) لأنه فعلاَ أبا أن يزيد عن ذلك الواقع المعاش منذ مولده وحتى الممات !!! ) وبنفس القدر فإن الشعب السوداني قد طلق ذلك ( الحمدوك ) بذلك الطلاق الغير رجعي لأنه قد التزم بحالات الحمد والشكر والقناعة التامة في السراء والضراء وفي حالات الشدة والرخاء !! ،، ولم يشارك الشعب السوداني بمثقال ذرة من الإنجازات والأداء ،، وخاصة في مجال الأزمات الاقتصادية الخانقة ،، وبالتالي فهو ذلك ( الحمدوك ) الذي يستحق ( الطلاق بالثلاثة ) دون التردد في لحظة ودون التفكير في إعادة النظر والترجيع ؟
وفي الختام لكم خالص التحيات
| |
  
|
|
|
|
|
|
|
 Re: لابد من سحب الشرعية الثورية من حمدوك فورا! (Re: أبوبكر عباس)
|
سلامات ابوبكر
الاجراء في حد ذاته لمجرد ان تجتمع قوى الحرية والتغيير مع لجان المقاومة في مؤتمر كهذا حول هذه القضية الوطنية المصيرية فهو مطلوب جدا لتاكيد وحدتنا وتمسكنا بشرعيتنا الثورية وهذه هي المداخل الموضوعية المنطقية لاستعادة وحدتنا لن ننجح في التغلب على قوى الانقلاب العميلة التي احالته لاحتلال للوطن وسيادته لصالح اجندات قوى اقليمية معلومة بالتالي المراد من الاجراء اعمق من كونه مؤتمرا لنزع الشرعية ولكن ( سيد الرايحة بفتش خشم البقرة) كي يوجد حلا لتشظي قوى الثورة والتي لن تنتصر على قوى المؤامرة بغير وحدتها ولا اظنك تختلف معي حول هذا الغرض الوطني البعيد اي اصطياد سمكة وحدتنا بهذه الصنارة المناسبة !
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: عمر عيسى محمد أحمد)
|
سلامات اخي عمر
ان الاجراء في حد ذاته لمجرد ان تجتمع قوى الحرية والتغيير مع لجان المقاومة في مؤتمر كهذا حول هذه القضية الوطنية المصيرية وامام العالم فهو مطلوب جدا لتاكيد وحدتنا وتمسكنا بشرعيتنا الثورية وهذه هي المداخل الموضوعية المنطقية لاستعادة وحدتنا لن ننجح في التغلب على قوى الانقلاب العميلة التي احالته لاحتلال للوطن وسيادته لصالح اجندات قوى اقليمية معلومة.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: عمار عبدالله عبدالرحمن)
|
سلامات عمار
الاجراء في حد ذاته لمجرد ان تجتمع قوى الحرية والتغيير مع لجان المقاومة في مؤتمر كهذا حول هذه القضية الوطنية المصيرية فهو مطلوب جدا لتاكيد وحدتنا وتمسكنا بشرعيتنا الثورية وهذه هي المداخل الموضوعية المنطقية لاستعادة وحدتنا لن ننجح في التغلب على قوى الانقلاب العميلة التي احالته لاحتلال للوطن وسيادته لصالح اجندات قوى اقليمية معلومة.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: هشام هباني)
|
سلامات سعادة الناظر هباني
| Quote: ان تتنادى قوى الحرية والتغيير ولجان المقاومة معا في مؤتمر صحافي محضور من كل وكالات الانباء العالمية وذلك لسحب الشرعية الثورية من ( حمدوك) |
يعني يا سعادتك هي قوى الحرية والتغيير (الإتحالفت مع العسكر وعملت الوثيقة الماسورية وجابت حمدوك ورشحت وزرائها لحكومته) عندها شرعية ثورية بمقدار يؤهلها لسحب الشرعية من حمدوك؟
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
| Quote: يعني يا سعادتك هي قوى الحرية والتغيير (الإتحالفت مع العسكر وعملت الوثيقة الماسورية وجابت حمدوك ورشحت وزرائها لحكومته) عندها شرعية ثورية بمقدار يؤهلها لسحب الشرعية من حمدوك؟ |
لاحولاااااااااا شلحو يا حكم ...
هسع يجيك ودو وعلاء وناصر يطلعوك كوز ...
أنا غايتو زمااان قتا عايز اتحزب تحت راية حمدوك ...
ويا سعادة الناظر هباني حمدوك ممكن يكون الجوكر
البفك تعريجة البلد الحادة دي ... إذا نفذ العسكر ما
وعدو به من انسحاب كامل من المشهد السياسي
والتنفيذي ... البلد منقسمة انقسام لا يقبل أي شخصية
تترشح من المكونات السياسية الموجودة في الساحة ...
أضف لذلك الدعم اللامحدود من امريكا وأوروبا لحمدوك
مضاف ليها دعم الإمارات والسعودية الذين يهمهم
نجاح مبادرتهم لحل المشكلة السودانية ...
البلد محتاجة اليوم مش بكرة للدعم والدعم العاجل جدا ...
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
Quote: ايتو حسب فهمي الشرعية الثورية نظام حكم يحكم بعد حدوث تغيير يعلق العمل بالدستور
بالتوافق على الوثيقة الدستورية مافى اى جهة او شخص عندو شرعية ثورية عشان يشيلوها منو او يخلوها ليهو
كان فهمي ده غلت كلموني عشان ارجع اقرا الخلوة تاني |
سلمات يا ابوالجل
المفهومين صاح كنظام حكم وايضاً كصفة قانونية للاشخاص فى الوزارات ودواوين الحكم .
اولاً : الشرعية الثورية : ترى ان النظام القائم والقوانين التى تحكم يجب الخروج عليها لانها قوانين سالبة للحريات
ويجب هدمه واعادة البناء .
ثانياً : الشرعية الثورية هى صفة قانونية لانها بديل للآليات القانونية المعروفة .
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: علاء سيداحمد)
|
يا سلاه زوبير
لونت الحرية والتغيير وخليت لجان المقاومة لأنها في نظري الجهة الوحيدة حالياً الأقرب لتمثيل الشارع.
الشرعية الثورية والسلطة هي سلطة الشعب وله كامل الحق في تفويض من يمثله للمارسة السلطة.
رغم تحفظاتي على عدة نقاط في ميثاق سلطة الشعب الذي طرحته تنسيقيات لجان المقاومة إلا أنني أتفق معهم في إشتراطهم على كل القوى المدنية والسياسية التي قبلت وشاركت في التفاوض مع اللجنة األمنية لنظام اإلنقاذ تقديم تقييم موضوعي للتجربة التي قادت إلى إنتاج الشراكة واالعتذار الجماهيري عن األخطاء التي نتجت عنها.
وحتى تقوم قوى الحرية والتغيير بتقديم إعتذارها للشعب وقبول إعتذارها من قبل الشعب لا أجد أي موطئ قدم لقوى الحرية والتغيير في تمثيل القوى الثورية.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: علاء سيداحمد)
|
الشرعية الثورية مرحلة مؤقتة بسبب تعطيل القانون و القوانين المنبثقة عنه
و الحكم بيكون عبر الاوامر الصادرة من الجهة الحاكمة
فرض حالة الطوارئ برضو ممكن تخش الحتة دي بإعتبارها تعليق للعمل بالدستور
او بعض مواده
مولاهم
مجلت ليك لانو كل الذكرتهم ديل ما عودهم شرعية يو ية يحكى بيها في ظل وجود وييقة دستورية حاكمة
و اصلا الشرعية الثورية مرحلة لا شخص
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
قوم لف يا جلالدونا
الشرعية التي فاوضت بها قوى الحرية والتغيير العساكر في 2019 وتوافقت بها معهم على الوثيقة الماسورية هي شرعية ثورية.
وثيقتك الدستورية المتمسك بيها دي تجاوزها الزمن وتجاوزتها الثورة وقوى الحرية والتغيير لا تملك الآن لا شرعية دستورية ولا شرعية ثورية.
الناس المارقين في الشارع قالوا إلغاء الوثيقة الدستورية برمتها ومراجعة كافة الإتفاقيات المبرمة والمراسيم الصادرة منذ الحادي عشر من ابريل 2019.
إنت بعيد عن الشارع يا جلالدونا ومتخلف عن ركب الثورة بخرشمية فرسخ
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
يا مولاهم شكلك خالط زيت بين بين الشرعية الثورية و الشرعية الدستورية
الشرعية الثورية بتسندها القوة و الدستورية بيسندها القانون
الوضع الحالي الصراع بين العسكر و الشارع و لا شرعية لأحد غير شرعية الشارع
في حق اسقاط العسكر
بس الان وصف الحالة الصحيح
هي حالة ثورية بانتصارها يبقى امتلكت القوة و الشرعيتين
خلينا تفق
الشرعية الثورية مرحلة ما شخص
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
Quote:
هسع يجيك ودو وعلاء وناصر يطلعوك كوز ...
أنا غايتو زمااان قتا عايز اتحزب تحت راية حمدوك ...
ويا سعادة الناظر هباني حمدوك ممكن يكون الجوكر
البفك تعريجة البلد الحادة دي ... إذا نفذ العسكر ما
وعدو به من انسحاب كامل من المشهد السياسي
والتنفيذي
|
سلام لي صاحب البوست الناظر هشام هباني
و الله ياخوي صلاح الزبير انا شايف
دا الحل الوحيد للبلد..
كنت زعلان من موقفو في الاتفاق...طبعا
في ناس معروفين حاولوا يحرقوه...
الناس تبقى واعية و دا الحل الوحيد للبلد..
بس باشتراطات و عهود و مواثيق غليظة.
شفت يا صلاح بعد مرات ببقى عاقل.
مافي حل الا كدا
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Nasser Amin)
|
مواصلة للمداخلة الفوق...
عايز زول يجيب لي اسم شخصية
سودانية اقتصادية مهتمة بالتنمية و لها خبرة
في مؤسسات عالمية و تثق فيها المؤسسات
المالية الدولية و الدول المانحة و له علاقات
بالامم المتحدة و مؤسساتها و برامجها في دول
تشبه حالتنا و حقق نجاحات في دول افريقية...
اعداء الرجل للآن لم يوصوفوه بالكوز....طيب تجيبو
زول زي دا تاني من وين؟
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Nasser Amin)
|
والله يا جلالدونا حاولت أكون جادي معاك في النقاش لكن وحات سيدي الحسن ما فهمتك داير تقول شنو وتصل لشنو.
موضوع البوست كلو مستند على الشرعية الثورية ويحمل ذلك عنوان البوست.
وأنا ما خالط بين الشرعية الثورية و الشرعية الدستورية، وديل مفهومين واضحات تماماً بالنسبة لي وبعتبرهم من الأوليات ال ما بتخيل إني أناقش زول حول الفرق بيناتهم.
فلو نقاشك ياهو قصة الفرق بين الشرعية الثورية و الشرعية الدستورية فمعليش اعذرني لانو دا نقاش أنا ما عندي فيهو أي رغبة وما افتكر إنو ممكن يضيف لي جديد.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
Quote: والله يا جلالدونا حاولت أكون جادي معاك في النقاش لكن وحات سيدي الحسن ما فهمتك داير تقول شنو وتصل لشنو.
موضوع البوست كلو مستند على الشرعية الثورية ويحمل ذلك عنوان البوست. |
يا مولانا جلالدونا جاعل الشرعية الثورية شرعية مرحلية فقط عبر قوانين ثورية تحكم لمرحلة معينة .
وهذا صحيح ولكن يضاف اليه ايضاً انّ تلك الشرعية الثورية تشمل ايضاً صفة قانونية للافراد ( الوزراء مثلاً )
مثال ماهو وارد فى عنوان البوست ( سحب الشرعية الثورية من حمدوك )
لان حمدوك اتى عبر شرعية الثورة ولم يأتى عبر انتخابات او تعيين من حاكم .
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: علاء سيداحمد)
|
جلالدونا يا علاء ما عندو فهم واضح وداخل البوست يلقط رزق المداخلة بالمداخلة😀
في اول مداخلة قال:| Quote: بالتوافق على الوثيقة الدستورية مافى اى جهة او شخص عندو شرعية ثورية عشان يشيلوها منو او يخلوها ليهو |
وفي مداخلة ثانية قال:| Quote: مجلت ليك لانو كل الذكرتهم ديل ما عودهم شرعية يو ية يحكى بيها في ظل وجود وييقة دستورية حاكمة و اصلا الشرعية الثورية مرحلة لا شخص |
وفي مداخلة تالتة قال:| Quote: الوضع الحالي الصراع بين العسكر و الشارع ولا شرعية لأحد غير شرعية الشارع |
هسه كدي يا علاء لايق لي المداخلات الاربعة دي وطلع لي نها جملة مفيدة.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: علاء سيداحمد)
|
تعجبني يا مولاهم لامن تسرح بين غيوم علياءك الفوق للناس دي
مش ده كلامك | Quote: الشرعية الثورية والسلطة هي سلطة الشعب وله كامل الحق في تفويض من يمثله للمارسة السلطة. |
في ديمقراطاتنا التلاتة عمرنا ما انتخبنا رئيس وزراء بي انتخابات حرة مباشرة
الشعب بينخب مجلس النواب فقط و بينتخبوا لممارشة الشرعية الدستورية لا الشرعية الثورية
دي حتة اختلافي معاك
الشي التاني
مافي اي جهة مدنية الان تمتلك الشرعية الثورية طال ما هي لا تملك السلطة
يل الواقع الان ان السلطة دي فى يد العسكر
و بكرة ممكن تكون فى يد حميدتي اذا قرر استلام البلد بقوة السلاح
و يصدر من القرارات زي ما هو عاوز
صاحب البوست كان يكون مدخلو صاح لو طلب من القوى دى و معاهم قحت انها ما تعيد تكليف حمدوك بى مهام رئاسة الوزراء
من ضمن خططها لاستعادة شرعيتها الدستورية لا الثورية
لكن يحدثنا عن سحب شرعية ثورية من حمدوك
حمدوك شرعيتو الثورية دي و ين و ادوها ليهو متين
اها ان شالله تكوند تدليت و ندانيت من علاك الفوق و فهمتني داير اقول شنو
يا علاء
حمدوك ده طال ما كان حاكم عبر وثيقة دستورية اذن لا شرعية ثورية ليهو و للوزراء عشان يشيلوها منهم
الشرعية الثورية لا يجتمعان في مكان واحذ و زمن واحد
بمعني لا يمكن ان تكون السلطة شرعية يستوريا و ثورية فى نفس الوقت
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
كويس يا مولااهم انك تدليت و تدانيتQuote: في اول مداخلة قال:
Quote: بالتوافق على الوثيقة الدستورية مافى اى جهة او شخص عندو شرعية ثورية عشان يشيلوها منو او يخلوها ليهو |
نعم
في طل فترة حكم حمدوك الحاكمية كانت للوثيقة الدستورية اذن مافى حاجة اسمها شرعية ثوريةQuote: وفي مداخلة ثانية قال:
Quote: مجلت ليك لانو كل الذكرتهم ديل ما عودهم شرعية يو ية يحكى بيها في ظل وجود وييقة دستورية حاكمة و اصلا الشرعية الثورية مرحلة لا شخص |
المداخلة دى فيها اخطاء املائية اسمح لي بي تصحيح
خجلت ليك لانو كل الذكرتهم ديل ما عندهم شرعية ثورية يحكم بيها في ظل وجود وثيقة دستورية حاكمة و اصلا الشرعية الثورية مرحلة لا شخص
ما شايف أي تناقض بين المداخلتين لكن خلينا نمشي لى اقتباسك البعدو
Quote: وفي مداخلة تالتة قال:
Quote: الوضع الحالي الصراع بين العسكر و الشارع ولا شرعية لأحد غير شرعية الشارع |
و دي حقيقة الشارع من يمنح الشرعية
لكن هل منحها للاحزاب الاجابة لا
هل منحها للعسكر الاجابة لا
و كلامي واضح الشارع الان في صراع مع العسكر لاستعادة السلطة لى ممارسة شرعيتو التي هي حق اصيل له
يمنحها لمن يشاء و يحجبها عمّن يشاء عبر ادوات يعرفها جيدا
اخيرا احب ألفت اهتمام معاليكم لي انو مداحلاتي المقتبسة تلاتة ما اربعة
و لو دايرني اتخيل الرابعة و ارد عليها ما عندي مانع انت تأمر بس
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
Quote: حمدوك شرعيتو الثورية ادوها ليهو يوم اختاروه رئيس للوزراء
تسلم يا علاء
بس دي شرعية دستورية ما ثورية
و انتهت بتقديم استقالتو |
شرعية الاختيار الثورية لحمدوك سابقة للشرعية الدستورية
الوثيقة الدستورية ايضاً وثيقة ثورية .
الشرعية الثورية مستمرة حتى اقامة الانتخابات .
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: علاء سيداحمد)
|
يا علاء مش اسمها وثيقة دستورية
و مبوبة و فيها مواد و بنود
و قعدوا الناس و اتفقوا عليها و بقت هي الحاكمة للمرحلة الانتقالية
يبقا اي عمل او قرار صفتو القانونية هو دستوري لا ثوري
تعيين حمدوك تم لانو الوثيقة الدستورية كفلت الحق ده لى احزاب قحت لاختيار رئيس الوزراء
اذن هو اختيار دستوري بموجب الوثيقة الدستورية
الشرعية الثورية لا فيها دستور و لا مواد
مرجعية الحكم فيها للقرارت الجمهورية التي يصدرها الممسك بالسلطة
مثال قريب ليهو زي كم و تلاتين سنة
ارجع لى ايام الانقاذ الاولى
قرار حل مجلسي السيادة و الوزراء
قرار حل الجمعية التأسيسة
قرار تعليق العمل بالدستور
قرار ايقاف الصحف
قرار حل الاحزاب و مصادرة ممتلكاتها
و عيرا الكتير
كلها صدرت كمراسيم رئاسية بدون وجود اي دستور فى البلد
دى الشرعية الثورية كما فى نظر اهل الانقاذ
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: جلالدونا)
|
Quote: خلينا تفق
الشرعية الثورية مرحلة ما شخص |
هسه معقول يا جلالدونا دايرني أتفق معاك على كلام الطير ال في الباقير دا؟
يعني كيف الشرعية في ذاتها تكون مرحلة؟ وشنو الفايدة من إنك تقول ما شخص؟ هو أصلاً يعني كان في أي تصور إنو الشرعية دي تكون شخص حايم في السوق العربي مثلاً؟
الشرعية هي قيمة الإعتراف بالحق في ممارسة فعل معين.
الشرعية الثورية تستمد قيمة الحق من دفع الثورة بإعتبار أن الثورة تعبر عن إرادة جماهيرية أعلى من تلك التي تتضمنها القوانين والنظم التي قامت الثورة لتغييرها.
الشرعية القانونية او الدستورية هي الإعتراف بالحق في ممارسة الفعل المعين وفقاً لقانون او نظام سواء كان مكتوب او عرفي.
الثورة نفسها مرحلة للإنتقال من نظام مجتمعي او نظام حكم لنظام آخر وبالتالي فمن نافلة القول أن الإعتراف بالحق المستمد منها يكون موقوتاً بتوقيت الثورة
ورغم أن مصطلحي الشرعية الثورية والشرعية الدستورية متقابلين نظرياً ومفهوم كل واحد منهم مختلف عن الآخر إلا أنهما في الواقع طرفي خط متصل.
فالثورة مثلاً هدفها إقامة دولة مدنية ديمقراطية والوثيقة الدستورية هي في ذاتها لتنظيم فترة حكم إنتقالية تنتهي بالإتفاق على دستور أكثر ثباتاً وأكثر قبولاً لدى الشعب.
فالوثيقة الدستورية نفسها تستمد شرعيتها من الثورة وهي لم تأتي عبر إستفتاء الشعب ولا عن طريق إجازتها في برلمان منتخب.
وقوى الحرية التغيير التي توافقت مع العسكر على الوثيقة الدستورية لم تكتسب الحق في ممارستها لتمثيل الشعب عبر إنتخابات وإنما عن طريق تفويض ثوري.
| Quote: خجلت ليك لانو كل الذكرتهم ديل ما عندهم شرعية ثورية يحكم بيها في ظل وجود وثيقة دستورية حاكمة |
وأنا وين قلت إنو الذكرتهم عندهم شرعية ثورية. بالعكس تماماً أنا إستنكرت أن تكون لقوى الحرية والتغيير شرعية ثورية لأنها أصبحت لا تمثل الشارع وليس لديها تفويض منه بالقيام بأي دور نيابة عنه.
أما عن شرعيتها الدستورية والتي تستمده من الوثيقة الدستورية، فما فهمت وين الوثيقة الدستورية الحاكمة دي وحاكمة منو وحاكمة شنو؟
الواقع يقول أنه لا توجد وثيقة دستورية حاكمة، اللهم إلا إذا إعتبرنا أن مافي جعاب البرهان وحميدتي وثيقة دستورية.
أما الوثيقة الدستورية التي حكمت الفترة من أغسطس 2019 وحتى اكتوبر 2021 فهي الآن في عداد الموتى ولا يمكن العودة إليها.
فالوثيقة الدستورية التي تقصدتها إنبنت على شراكة بين العسكر وقوى الحرية والتغيير. وذلك ما يرفضه الشارع الآن تماماً بلاءاته الواضحة "لا شراكة".
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
Quote: في ديمقراطاتنا التلاتة عمرنا ما انتخبنا رئيس وزراء بي انتخابات حرة مباشرة
الشعب بينخب مجلس النواب فقط و بينتخبوا لممارشة الشرعية الدستورية لا الشرعية الثورية
دي حتة اختلافي معاك |
جلالدونا عليك الله إنت جادي؟
أنا متين قاولتك وإختلفت معاك او إتفقت معاك فيموضوع عن شرعية مستمدة من إنتخابات؟
الشرعية الدستورية دي ذاتها أحياناً تسمى الشرعية الإنتخابية.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
Quote: يا علاء مش اسمها وثيقة دستورية
و مبوبة و فيها مواد و بنود
و قعدوا الناس و اتفقوا عليها و بقت هي الحاكمة للمرحلة الانتقالية
يبقا اي عمل او قرار صفتو القانونية هو دستوري لا ثوري |
الناس القعدوا ديل إستمدوا شرعية قعادهم من الثورة وليس عن طريق إنتخاب وفقاً لدستور.
| |
|
|
|
|
|
|
|
|
|
Re: لابد من سحب الشرعية الثورية من حمدوك فورا! (Re: Hafiz Bashir)
|
Quote: يا علاء مش اسمها وثيقة دستورية
و مبوبة و فيها مواد و بنود
و قعدوا الناس و اتفقوا عليها و بقت هي الحاكمة للمرحلة الانتقالية
يبقا اي عمل او قرار صفتو القانونية هو دستوري لا ثوري
تعيين حمدوك تم لانو الوثيقة الدستورية كفلت الحق ده لى احزاب قحت لاختيار رئيس الوزراء |
يا جلال شرعية قعدة الناس دي واتفاقهم تسمى : شرعية ثورية
وحمدوك تم اخيتاره قبل صياغة الوثيقة الدستورية .
| |
|
|
|
|
|
|
| |
هشام هباني
عمار عبدالله عبدالرحمن
عمر عيسى محمد أحمد
أبوبكر عباس
Hafiz Bashir
Salah Zubeir
علي عبدالوهاب عثمان
جلالدونا
علاء سيداحمد
Nasser Amin
فيس بوك
تويتر
انستقرام
يوتيوب
بنتيريست