|
Re: فيديوات زارا خير مثال لإنفصال بناتنا في ا� (Re: صباح حسين طه)
|
العزيزة صباح، سلامات ..
هل البنت دي أهلها عارفين ما تفعل؟ ..
سؤال أخر يا صباح، هل عرفت ما هو السبب الذي أدي للتحلل الأخلاقي للبنت؟ هل تعرضت أسرتها لطلاق؟ .. هل تعرضت الفتاة لإهمال في التربية؟ هل الاسرة ما كانت تهتم بها؟ تابعت عدة فيديوهات لها .. في واحد منها ذكرت أن أمها تابعت الفيديوهات وقالت أن الناس يتابعونها .. وكأن والدتها راضية عن سلوكها.
أضف، أنها تقول هى في لندن .. وفي لندن السودانيين ملتفين حول بعضهم .. لماذا لم يتعرف السودانيون علي الظاهرة وهى قالت بدأت منذ عمر 16 سنة .. يعنى كانت قاصر .. وهى الأن عمر 18 سنة بأعتبارها إنسان ولي أمر نفسها، طلعت من يد المجتمع.
أراح نقرأوا الخلفية الأجتماعية التى أنتجت هذا النموذج .. أنا لم أصل لي شيئ عن خلفيها الأسرية .. ما وجدت أنتي أي شيئ يقودنا لتحليل هذه الحالة والاستفادة من درسها؟
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
قبل أربعين يوم قررت ألغي حسابي في الفيسبوك نهائياً قاموا قالوا لي ناس الفيسبوك؛ لو ما تراجعت عن رأيك دا لحدي يوم حداشر تسعة؛ حسابك ح ينقفل نهائياً وما ح تشوفو تاني نهائياً قلت ليهم وأنا كمان بتهدد؟! وحاتكم حالياً أنا حر نهائياً من الفيسبوك قمت رجعت لسودانيز ودي مرضتها أخفّ وراسمالها شكلة وبكري يوقفك يعني ناس رزاز ديل فارقناهم الا يلحقونا بيهم هنا ناس صباح
الحمد للرحمن الذي منحني على الكبر حرية
لكن يا صباح أقول ليك عذر للبنت دي؟ الحياة في ناس كتار بقوا يشعروا بيها عبثية ومملة وقليلُ من البنقو يشفي البدن أو كما قال سيدنا المسيح
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
سلامات استاذة صباح . أول شيء عدد المهاجرين في سنين الإنقاذ الأولي عدد ضخم من الأسر هاجرت . لكن البنيات الطلقن حبلهن قليلات جدا جدا وما بتحسبن في أصابع اليدين. بناتنا واولادنا يا استاذة صباح من السكند جنريشن في قمة الإمتياز. في العشرة سنوات المضت كانوا الاوائل في نيويورك ودينفر كلورادو ولندن وايرلندا. دخلوا اعظم الجامعات وتم تكريمهم من الحكومات الغربية. بعدين بارك الله في نظام الغرب. حتي زي البنية التاهت دي بيلتفتوا ليها ويهتموا بيها ومع شوية كم جلسة ريهاب بتكون زي البنب .
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: بسمات الشيخ)
|
استاذة بسمات سلام ليك وسلام لعطبرة الحلوة الجابتك. قبل أسبوع جونا 3 زباين والله من شكلهم ومن اديهم عرفتهم من شباب ولاية فرجينيا. بالمناسبة يا بسمات امريكا بتترك اثر ادب واضح في شكل الزول وبكون مرحمن وطيب طيبة تجبرك على احترامو. عرفتهم جايين في اجازة . الشباب ديل كلهم اشتروا سجاد مقاسات كبيرة. وخيشوها في خيش وشحنوها بالجو لفرجينيا طوالي. دي ما دعاية للمحل لكن داير احدثك بفخر عن معشر المهاجرين والمهاجرات والمغتربين والمغتربات من اهلنا الكرام.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Osman Musa)
|
Quote: فيديوات زارا خير مثال لإنفصال بناتنا في الغرب عن ثقافة أهلهن |
أنا ما عارف أنت/أنتي فهمك شنوا للثقافة الغربية أصلا؟؟
هنالك عدد كبير من السودانينن لهم فهم مغلوط تماما عن الثقافة الغربية، وهذا البوست لهو أكبر مثال على ذلك.
لكن دعوني أقول لكم، هذا الفتاة وعلى حسب الثقافة الربية فهي منحلة أخلاقيا و لا توجد اسرة محترمة في الغرب تسمح لبنت أو أبن في مثل هذا السن أن يمارس مثل هذا السلوك.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
شكراً لكل من تداخل هنالك كثير من المستلبين ىمثل دينق الذي لا يرى في ثقافة المجتمع الإمريكي إلا الجميل ويتجاهل السيء لذا ما غريب إنه يستغرب كلامي عن إختلاف الثقافة الجنسية في المجتمعات المسلمة وفي الغرب وتأثير ذلك على بناتنا العاشوا وإتربوا في الغرب بين ثقافة الأسرة وثقافة المجتمع التي وصلت تشريع جواز الجنس الواحد مثل المستلب دينق (والمدمن للغلاط) هو لا يستحق إلا التجاهل
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: صباح حسين طه)
|
Quote: شكراً لكل من تداخل هنالك كثير من المستلبين ىمثل دينق الذي لا يرى في ثقافة المجتمع الإمريكي إلا الجميل ويتجاهل السيء لذا ما غريب إنه يستغرب كلامي عن إختلاف الثقافة الجنسية في المجتمعات المسلمة وفي الغرب وتأثير ذلك على بناتنا العاشوا وإتربوا في الغرب بين ثقافة الأسرة وثقافة المجتمع التي وصلت تشريع جواز الجنس الواحد مثل المستلب دينق (والمدمن للغلاط) هو لا يستحق إلا التجاهل |
رد متوقع منك وهو بدون أي حجة أو برهان.
حتى مجتمعنا السوداني في السودان فيه أيضا الجميل والسيء. حالة هذه البنت هي حالة شاذة في أمريكا وليس حالة طبيعية.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
لا أبداً أخ أبوبكر إستغفر الله ومرحب بيك في كل وقت انت دخولك في أي بوست ببث فيه الحياة وحتى غلاطك موضوعي من ناحية العنوان لا زلت مصرة على إنه تربية بناتنا في الدول الغربية بتمثل تحدي لينا وبتحتاج الأسر لمجهودات مضاعفة حتى تحمي بناتها وأولادها من تبني شكل العلاقات بتاعات الأمريكان.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
كلام موجه لقراء ولمتابعي هذا البوست.
كاتب البوست يريد أن يوحي أن تربية البنات في امريكا مشكلة كبيرة وتحدي بالنسبة للعوائل، ولكن تربية الابناء (الاولاد) هي المشكلة الاكبر، والبنات في امريكا ناجحات اكتر من الاولاد. ولكن عقلية صاحب البوست الخربة هي التي تستهدف البنات.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
يا أخ أبوبكر وين العنصرية في البوست الفي البوست موضوع للنقاش خلاله يواصل دينق تنمره علي الاستمر سنوات طويلة رغم شكواي المتواصلة في البوستات لبكري أبوبكر الذي لا يحرك ساكنا وهذا هو السبب الرئيسي لهروب النساء من المنبر (التنمر بدون أي تصدي لا من أعضاء المنبر ولا صاحبه)
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: صباح حسين طه)
|
Quote: الفي البوست موضوع للنقاش خلاله يواصل دينق تنمره علي الاستمر سنوات طويلة رغم شكواي المتواصلة في البوستات لبكري أبوبكر الذي لا يحرك ساكنا وهذا هو السبب الرئيسي لهروب النساء من المنبر (التنمر بدون أي تصدي لا من أعضاء المنبر ولا صاحبه)
|
سلام عليكم اخت صباح يازوله ماتشتغلى بالمتنمر وواصلى فى نقاش الجاد منهم هنااتعودت على حاجات منها ناس تقرا النون وتهاجم (بتعالى) وناس تخلى الموضوع ونقاشو ويعلق ليك عن حرف ناقص فى العنوان او خطاء مطبعى بلاكبر من كدا انا فى زول بيتعامل وحاسى انو بتعامل معاى ضمنيا باسلوب انى كافر ولا يردالسلام (سنه الاسلام) ولايلقيها . رغم انى حريص على القاء السلام على الجميع وشىء من الذوق انو يرد الاان كان فى الامرموقف فقهى من رد السلام غلى فى النهايه قدمى ماعندنا ببرود (الى حد ما) عسى ان نستفيد من القاش ويستفيد القارىء من خارج المنبر . حاحاول اناقش بشكل متقطع بسبب ظروف ضغط مراقبه الامتحانات عندنا والارهاق -عجزنا على وقفه وحركه 6 ساعات يوميا -طبعا كسرت الاضراب على الارض عشان الانتهازيين السياسيين ومستمر فى الوسائط- وكمان قطوعات الكهربا مضيقه فرصه الواحديكون متابع ويدخل وقت يكون رايق . موضوع تربيه الابناء فى الغرب والصراع بين الاستلاب والاندماج الآمن فى المجتمع مع المحافظه على ملامح الثقافه الاصليه بيختلف باختلاف عقليه الوالدين وفهمهم للموضوع دا فى ناس اصلا هاجرت عشان تحلل من اى ملامح ثقافيه واجتماعيه يعتبرها قيد عليه ويكون ى حاله محاوله تخلص منها ومحاوله انسجام مع المجتمع الجديد ويتحول لحاله العراب فلا عاد غراب فى مشيتو ولا اختال كما اختال الطاؤوس وديل بيكونو هم نماذج اكيد بتنتج جيل فى العربه بشيبه النموذج موضوع البوست (طبعا لابما فى حالات تكون حريصه على تربيه ابنائها بشكل لايتخلى عن اتقاليدنا السودانيه لكن ربما لظروف الكد فى الحياه او لجهل فى اساليب التربيه يفشل فى اداره العمليه التربويه لعيالو)والاهم فى الجانب دا انو الطرفين الاب والام يكونو متفقين على اسلوبالتربيه لانو لو واحد منبهر بالمجتمع الجديد وتارك الحبل على الغارب والتانى بيحاول يربى بشكل متوازن هنا بيحصل صراع اول ضحاياهو الاطفال وحاله هزه وضياع اواصل لاحقا ارجعى يازوله ومايهمك التشويش والتنمر الاسفيرى
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: صباح حسين طه)
|
Quote: الفرق بين الثقافة البياخدوها أطفالنا في البيت من أسرهم |
زارا دي تأثير أمها ظاهر عليها وكذلك الشباب السودانيين القراب منها كان أولاد الجيران أو القرابة من الدرجة الأولي أو أصحاب وأصدقاء الأسرة من السودانيين. التعدي علي الأطفال وبالتالي الإنحراف غالبا بيكون من الأقرباء قبل الغرباء في أي مجتمع.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: محمد محمد قاضي)
|
افتكرت زارا دي مجموعة شباب وشابات تاري هي وااااحدة. معقول يعني السودانين بس يعيشو كلهم محافظين ولا واحد ولا واحدة ما ينطط من من النورم ! بنية صغيرونة لاسباب ماف زول عارفة شكلها تعاني لا يجب اخدها مثال لابناء السودانين في الغرب وبعمرها الصغير دا عادي ممكن تتلحق وتتساعد بدل تبقي تريند لقضية شعب الله النادوسي ودوورد
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: حامد عبدالله)
|
Quote: يا أخ أبوبكر وين العنصرية في البوست الفي البوست موضوع للنقاش خلاله يواصل دينق تنمره علي الاستمر سنوات طويلة رغم شكواي المتواصلة في البوستات لبكري أبوبكر الذي لا يحرك ساكنا وهذا هو السبب الرئيسي لهروب النساء من المنبر (التنمر بدون أي تصدي لا من أعضاء المنبر ولا صاحبه) |
"تنمر" مرة واحدة كده؟؟
بطل أو بطلي الاستهبال.
أنا شاكي في الشخص الذي يكتب بأسم صباح حسين طه، هل هو رجل أم أمرائة فاين التنمر هنا؟؟ أستخدام كرت المرائة هذا ما بياكل عيش خصوصا مع زول زي أنا. عدد النساء الذين ساندتهم في هذا المنبر يفوق عدد الرجال، علشان كده شوف أو شوفي لك سبب أخر.
سؤالي لك
من هو الشخص الذي يعرف صاحب هذا الاسم معرفة شخصية؟ وهل صاحبة هذا الاسم لديها أسم أخر في هذا المنبر؟؟
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
البوست كله عبارة عن تعميم وتنميط مخل ولا يعكس حقيقة أوضاع البنات في أمريكا. وأنا من السهولة جدا أنقل نماذج مماثلة لبعض البنات العايشين في السودان ولم يخرجوا من السودان أبدا، فهل ذلك يعتبر حكم على جميع البنات أو أغلب البنات في السودان؟ أكيد لا.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: محمد البشرى الخضر)
|
العبار دينق، أنت ذاتك تمثل زول ما عندك تجربة في الأنجاب والتربية ..
ورينا أنت عرفت التربية وين؟ .. ومعاناة التربية ذاتها تتمثل في شنو؟
في الغرب، كون زوجتك تكون قاعدة معاك دا في حد ذاته نجاح .. أكثر من 90% من مشاكلنا في المنزل في الغرب بسبب الأطفال .. تربية الأطفال ماخدة كل وقتنا ..
وكون البنت تطلع مثل هذه البنت دا سببه خلل في النظام الغربي .. ونحن نحاول جهدنا لدرأ مثل هذه الظواهر وهى تغلبنا لأن المجتمع أقوي من الأسرة.
كلام صباح صحيح .. إذا كان الوالدين بكل أريحية يرسلوا بنتهم لقضاء إجازة صيفية في رحلة سياحية إلي باربيدوس والباهاماس .. ويأتي الشاب ووالديه وتلتقي الأسر في المطار ويتعارفوا ويودعوا أولادهم متمنين لهم إجازة سعيدة .. أنت فاكر مرسلينهم عشان يلعبوا قولف ..؟؟
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
العبار دينق، مرة كنت شغال في أمريكا أونلاين .. واحد لوطي الله يكرمكم .. من أميز المبرمجين .. قام زعل لسبب ماء .. اللوطي جاء راجع يوم عطلة الويك أند .. ولابس تنورة وليس له لباس تحتها .. اللوطي فشّق في الكمرة بتاعت السكيورتي .. شفنا كل العدة .. حتى مؤخرته النتنه وضعها أمام الكمرة أقل شيئ 10 دقيقة ..
ثم سب الشركة و ذهب إلي منزلهم ولم يأت إلي العمل.
بعد أسبوع أرسلت له إدارة الشركة لكي يعود .. وأعتذروا له رسمياً بخطاب من الشيئ الذي زعله ..
أنت عايز تورينا سلوك الناس في الغرب ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
العبار دينق، هاك موقف أخر، نساء شغالات معنا في مكان العمل .. ويجلسن جواري .. وكنت في شركة تسمي Wireless Matrix واحدة قالت لصحبتها .. أمس زارني صديقي .. بعد الغداء ذهبنا السرير .. المستمعة صرخت بأعلي صوتها .. تقول ليها "أنت أمرأة سعيدة .. أنت أمرأة سعيدة" .. أنا قلت مذكراً لهن: "نحن في مكان عام .. مكان العمل؟" قالن لي نحن يعنى ما عارفين .. بليس mind your own business .. خليك فيما يعنيك !
سكت .. قلت في نفسي هؤلاء قوم لا يتناهون عن منكر فعلوه ..
وجاييك إلا تكره نفسك من الحكاوي يالعبار دينق
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: محمد البشرى الخضر)
|
ول أبا أحمد،
Quote: ماعرفت انها بت سعيدة صحبتها |
الموقف دا حصل لي .. وأنا عندي أقل من سنة في أمريكا .. عشان كده لصق ليك في ذهني .. الشركة التى كنا بها .. تسمى "فريدي ماك" .. شركة ضخمة حكومية .. هى وشركة أخري ماسكين كل العقارات في أمريكا في ذلك الوقت .. والمرأة بيضاء .. والمسؤولة بنت شابة سوداء .. يبدو عليها تخرجت في الجامعة وإلتحقت بالشركة ..
وجاءت المرأة البيضاء في شكل زيارة في العمل للبنت السوداء .. ودار الحديث بأريحية تامة أمام منصة جلوسي .. وأنا كنت رجل سكيورتي .. قالت ليها عندك صاحب .. البنت قالت أيوه .. ساكنين مع بعض أجابت بالأيجاب .. أثنت عليها بأنها بنت سعيدة.
لم تسألها هل تزوجتي أو حتى تمت خطوبتك .. لا .. نهائياً
أخوك عرف حاجة ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
العبار دينق، جاتك واحدة أخري .. لوطي ساكن معانا في حيينا .. وكانت الدنيا مساء حوالي التساء .. جاء اللوطي ماشي لقاني أنا وجاري واقفين برا .. وجاري سوداني بأولاده وأنا بأولادي جيران لينا سنين .. جاري كان طالع مشوار وأنا داخل المنزل .. تصافحنا وبدأنا نتحدث وأيدينا في وضع سلام ..
اللوطي جاء ماشي .. قال What is going on .. الحاص شنو؟ أنا قلت له .. في شنو؟ قال لي: أنا أحب أشوف راجلين ماسكين يدينهم مع بعض ..! قلت له الزول دا شيخ دين لا يحب سماع مثل هذه اللغة .. قال خليوه يدعو لي .. !! ومشا خلانا قاعدين ..
قلت لي جاري المعفن دا جا ما رق من وين ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
ود البشري،
Quote: أمّا انت يا بريمة فا الخليج زاتو ما تجي, سوق اولادك وامشي ام برمبيطة ولا وين محل تقدر تصفع بي راحتك لامن يدك تتلوى في صدغ اي زول |
الأمريكان البيض بدقوا أولادهم .. ويعاقبوهم عقاب الويل .. الواحد يوقف الطفل جوار الحيطة بالساعات الطويلة .. ويحرمه من اللعب .. ويقفله جوه الغرفة .. ويضربة كفوف .. وبضهر اليد دون أن تظهر فيه علامات الضرب .. عشان لو قبضوه ينكر ..
أما نحن السجمانين نعاقبوا الأطفال في الشارع العام .. كل يوم والتاني تلقاني مهنضب لي مرأة سودانية .. ديسيه جوه .. أو ديسيها جوه .. الضرب برا الشارع لا لا .. وبعد دا تسمع الكفوف كاع كاع .. وهبتتين تلاته في الضهر .. بس الله سبحانه وتعالي يصرفنا عن أنظارهم ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: muntasir)
|
يا بشرى، ما يخوفك الناس من الغرب ساكت تربية العيال هنا أسهل من السودان والخليج الحس الأخلاقي البكتسبوهو من المدارس وأقرانهم عالي جداً جداً. أقدر أقول ولدي وبنتي أرفع أخلاقاً مني بكثير وخت في بالك أنا مصنف في بلد العمى شواف.
الخواجات البيض والسود المتعلمين أخلاقهم أخلاق أنبياء وتزيد.
كمان هنا تربية البنات أسهل كثير جداً من تربية الأولاد.
دا طبعاً في العموم وأولاد السودانيين زي ما قال عثمان موسى ناجحين جداً،
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
في حتة في حكايات بريمة ضروري نفهمها قصّة البوي فريند أو الغيل فريند دي هي زي علاقة الزواج بس بدون ورق يعني ما فيها شغل غير أخلاقي ولا شيوع علاقات، دا بالنسبة للخواجات بالنسبة لينا الموضوع دا ما قاعد يحصل كتير ولو حصل والأولاد بعد وصلوا السنة القانونية قرروا يعملوا القصّة دي، ما ح يعملوها بفهمنا نحن، ح يعملوها في العلن وبتكون البنت زي زوجتو
الأولاد والبنات هنا مختلفين مننا خالص وأخلاقهم أعلى مننا بكثير.
تناول الأمور الجنسية بالطريقة القالها بريمة مضلل خالص
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: أبوبكر عباس)
|
انتوا مركزين مع امريكا.. وما فيها غجر ايوة ( الجيبس). بريمة قال جارهم( هناي ) اومال لو كانوا جيرانهم غجر كان عمل شنو؟ اول شىء مزعجين ازعاج وشحادين ياخي بشحدوا الليمونة... وكواريك ليل نهار تطلب منهم الهدوء يقول ليك اوكي .. بس نص ساعة وتسمع الهوليلة.. تشتكي .. يجي البوليس .. وفي الاخر يقول ليك ديل شوفع وما بنقدر نسكتهم ليك. دا كوم والهناي عندهم كوم تاني.......
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: محمد البشرى الخضر)
|
المستنير، سلام
Quote: تناول الأمور الجنسية بالطريقة القالها بريمة مضلل خالص |
أولاً يجب أن تعرف، بشرحك الذي طرحته .. أنا وأنت نموذجين مختلفين. أنت نموذج أندمامجي في حياة الغرب .. أنت عايز تتماهي في الثقافة الغربية .. في حين شخصي، عايز يتعايش مع الحياة الغربية ويؤسس نموذجه الخاص به .. النموذج السوداني. وهل تصدق نحن الأثنين يستوعبنا النظام الغربي .. وأنت عارف بأقل tweaking تعديل في حياتنا السودانية تضبط معك الأمور.
السؤال الذي يطرح نفسه .. ما دام نظام الأسرة السودانية هو الذي أنتجني أنا وأنت كل المجتمع السوداني، لماذا نترك شيئ مجرب ونذهب نعافر ونجرب غير المجرب؟؟ والأهم في داخل نظامنا الأسري، نحن نقيم الدين .. نؤسس لأسر أسلامية .. فيها الأطفال يتعلمون الصلاة والصيام والذهاب إلي الجمعة والأعياد .. وعلاقاتهم من الطرف الأخر ..
المشكلة النظام الغربي محيط بنا من كل الجوانب .. المدرسة تعلم الأطفال عن الجنس والعلاقات الجنسية والصحة الجنسية .. كلو كلو .. أنا بدون يقول لي شخص، رفضت أي كورسات في الثقافة الجنسية حتى يصل الطفل سن المتوسط .. لأني أحس بأني درستهم ما يكفي عن مفهوم العلاقات في الأسلام ..
نواصل ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
الحاجة الخطرة .. في تربية الأطفال هى سن المراهقة .. ولو تذكروا قصة بت الجيران، تكون حاقص لها في اللفة رغم تربية البيت .. وفي المقابل أخو البنت يكون هو الأخر أسد حصور يراقب أخته .. ولو شاف أي شوفه يكون لما في الواحد أولاد الجيران يخلوك ريحتك طير طير .. والبنت ذاتها لا تنجو من العقاب .. خلي الكلام دا في ذهنك ..
في الغرب، الجيران وأخو البنت .. هم يستقبلوا ولدك .. ويفتحوا له باب أسرتهم .. لأنه هو البوي فريند بتاع بنتهم !! ولو أنت سروالك ناصل ساكت .. ولدك ممكن يسوق البنت في أجازة ويمشي بيها جذر الكاريبي .. والأزفت بتك يسوقوها يمشوا بيها إجازة .. كله بحصل لو فرطنا .. وهذا ليس خلل في دين الأبناء وبس .. خلل في دين أبوهم وأمهم ..
والصراع هنا لا يستصغره أحد .. صراع بقاء .. صراع تكون أو لا تكون كون طفلك الذي تعبت فيه يكون كما تحب .. أو يكون كما يريد النظام الغربي ... عشان كده وأنت عارف نحن نخلق علاقات بين الأسر فيها أحترام متبادل .. والاطفال لما يشوفوا خالتو فلانه يجروا لها .. كل هذا له فهم .. لما خالتو فلانه تظهر في المشهد، تجد الطفل يتصرف أمامها بتصرف لائق .. يحترمها .. وبكده يصير كل مجتمعنا يحترم فيه الصغار الكبار .. ودا مجتمع معافي سليم ..
لكن لو طفل واحد شذ، يخرب كل الأطفال .. ويغير من ميولهم .. مثل البنت التى في الفيديوهات ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: بدر الدين الأمير)
|
Quote: طيب رايك شنو في المشن من جامعة الكوز الانتهازى مامون حميدة من قلب الخرطوم وبقن داعشيات ورجعن رجعن بأطفال مجهولى الاباء ناهيك عن الذهبو من لندن الى داعش وكلهم جيل سودانى الام والاب
|
فى تحقيق لاعلاميه جزائريه عن مجتمع داعش فى ليبيا وفظائعهم من الوثائف اللى عرضتها عقود زواج لداعشيين منهم ظهر اسم سودانى وسودانيه زوجين برضو افارقه فرق بين واحدات سافرن واتزوجن (دا عرضتو الاعلاميه فى برنامجها) واسر وابناء وهناك جهاد النكاح فى سوريا واعتقد مع قليل من الحقيق نجد انو حتى الجنسيات مختلفه سواء الرجال او النساء ليس دفاعا عنهم لكن حتىهؤلاء واختلافنا معهم وتجريمنا لعضويتهم فى جماعات ارهابيه لكن دا لايبيح لينا نستبيح الحديث عن اعراضهم بشكل من الاشكال (فرق بين زواج موثق حتى لو داعشى وبين مراه سافرت للجهاد ليستباح عرضها باسم جهاد النكاح) الخيط رفيع للفصلبين بعض الامور وان نسال الله لهم و(لنا) الهدايه وساء السبيل
تحياتى
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
ول أبا المستنير، سلام ..
Quote: الأولاد والبنات هنا مختلفين مننا خالص وأخلاقهم أعلى مننا بكثير. |
في الجوانب الأنسانية متفق معك .. أنا والمدام مرات كتيرة تصيبنا هاء السكت .. فنسكتوا بس .. المدام تكون مبهلقه فينى وأنا أبهلق فيها .. في قلبي أقول ليها أسكتي.
لو حيكت ليكم قصة تضحكوا، ولدي الكبير، حينما كان طفل وديناه الروضة .. من كل الأطفال ما أختار إلا صديق يلعب معه من جنوب شرق أسيا .. سبحان الله خلقة في أسيا كلها ما شفناها .. كلمت المدام تقولي شنو في الموضوع؟ قالت حده معه الروضة ..!! هل تصدقوا ظل أبني صديق لهذا الوالد من الروضة وإلي يومنا هذا وهم طلبة جامعيين .. لا يمر يوم وإلا يتصلوا علي بعضهم .. وحينما دخل أبني الجامعة، اسرة صديقه أقامت له "بكنك" قلبنا نحن .. ودعونا .. ولما كانوا في المتوسطة شقيقة صديق أبني وهى مديرة في مطعم .. عينت ولدي وأخوها .. باس بوي .. ولما قدموا فورمات الجامعة عبت لهم الفورمات .. ولما شقيقة صديق أبني تزوجت .. دعوا أبني أقام معهم ثلاثة أيام تجهيزات للعرس والعرس وما بعده ..
المهم، بيتنا من الروضة تربوا فيه هنود وأفغان وزنوج وبيض وصفر .. وسمي ما شئت .. وعلاقات أبنائي من الروضة .. مستمرة حتي اليوم .. علاقات تحس بها عميقة .. ومتجدرة فيها أشياء كثيرة تجمعهم ..
والأن تكون في المول إلا تشوف زول طويل يقول ليك مستر أدم أو مسيس أدم .. وتعالوا شوفوا السلام بالحضن .. دي أمي ودا أبوي وعييك .. أولادنا متربين بطريقة لا ينظرون للناس بألوانهم أو خلفياتهم .. نهائياً ..
الأطفال يفوقنا بمراحل ضوئية من ناحية الأنسانيات .. وهذه حسنة ربما لو عادوا في المستقبل للسودان ح يبنوا سودان مختلف تماماً عن السودان الأثني اليوم.
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
العبار دينق
Quote: العبار بريمة بلل
لو أمريكا بمثل هذا السؤ أنت قاعد فيها كيف وكيف نجحت في تربية أبنائك في هذا المجتمع؟
بالمناسبة كل القصص التي زكرتها هنا من السهولة جدا أن أحكي لك عن بعض القصص في السودان أيضا . |
مينو القال ليك أنا نجحت ذاتو .. يا أخي أنا يدي في قلبي كل صباح .. ونسألكم الدعاء لنا .. قسماً ما في أي ضمان بس العشم في الله ..
أنا قلت ليك ليس هناك شيئ يغلق مضاجعنا .. وأدخل أكبر قدر من المشاكل في اسرنا مثل تربية الأطفال .. والله قطعه من جهنم ..
يا أخي نحن السودانيين أدخلنا قصة البكي الكاذب fake crying .. لمّا الطفل يتعنت دت .. وما عرفنا ليهو حيلة .. نلجأوأ نبكوا ليه أمه أولاً .. فقلبه يرق ويترك ما يفعل .. الأولاد بحبوا أمهاتهم أكثر من أبائهم في الغرب .. وبعدين لو ما نفع نبكوا ليه أبوه .. أنا أبكي في المدام لمّا دموعها تكمل .. ونطبطب فيها لكي تسكت .. وحنيس .. وأهم شيئ الطفل ما يكتشف القصة "فييك" .. الأطفال يتهاشوا إيذاء مشاعر أمهاتهم .. أما نحن الأباء يفتكرونا نتحكم فيهم ..
هييي .. والله زمان لما كنت صغير وأتعنت .. يدقوني دقت العيش . لما حبوبتي رحمها الله تقع بفوق عليّ عشان تحجز مني .. ورغم العنتريات التى أقوم بها بعد الدقة، لكن أكون عارف الخطوط الحمراء وين ..
هنا تقتل نفسك لكي تغرس الفضائل في نفس الطفل .. هناك في السودان، المجتمع والقرية تساعد في التربية .. هنا تأكل نارك .. المجتمع بأكلمه ضدك ..
أنا ليس لدي أدني شك في أن الثقافة الأسلامية في العلاقات سوف تكون بديل للثقافة الغربية .. والغرب لو تمسك بالثقافة الأسلامية تاني ما بتلحق .. فهو متطور في جميع المجالات .. ما عدا تطوره في مسألة النوع والعلاقات الجندرية .. هى مشكلة الغرب.
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Biraima M Adam)
|
مع التحية للاستاذة صباح .. تحياتي الحبيب بريمة اديبنا الرائع في مواقع الاخبار السودانية عبارات شكر من الرئيس بايدن للمرأة السودانية دي شهادة معتبرة اثناء خطابه في الأمم المتحدة .. شكرا بايدن الجميل حسب ما ورد في مواقع الاخبار
Quote: أشاد الرئيس الأمريكي جو بايدن بشجاعة النساء السودانيات وقال خلال كلمة أمام الجمعية العامة للأمم المتحدة بمقر الأمم المتحدة ” إنه يعيش في السودان النساء الشجاعات اللاتي تصدين للعنف والقهر لكي يُخلع دكتاتور الإبادة الجماعية من منصبه واللاتي يواصلن العمل يوميًا للدفاع عن التقدم الديمقراطي”. واضاف الرئيس الأمريكي وفق (سونا) ” أننا يجب أن ندافع عن حقوق المرأة، حقوق النساء والفتيات في استخدام مواهبهن كاملة من أجل المساهمة اقتصاديًا وسياسيًا واجتماعيًا والسعي من أجل تحقيق أحلامهن بعيدًا عن العنف والتهديد”. https://kushnews.net/2021/09/303532[/QUOTEhttps://kushnews.net/2021/09/303532[/QUOTE]
تحياتي الاستاذة صباح
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: علي عبدالوهاب عثمان)
|
Quote: أنا ليس لدي أدني شك في أن الثقافة الأسلامية في العلاقات سوف تكون بديل للثقافة الغربية .. والغرب لو تمسك بالثقافة الأسلامية تاني ما بتلحق .. فهو متطور في جميع المجالات .. ما عدا تطوره في مسألة النوع والعلاقات الجندرية .. هى مشكلة الغرب.
بريمة |
هذا كلام لا يخلوا من عاطفة دينية، الناس جربت العيش والإقامة في الدول الإسلامية والنتائج كانت كارثية.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
Quote: واضح جدا انك محتاج لي سنين ضوئية علشان تتعلم احترام حقوق الناس و خصوصيتها محتاج لي سنين ضوئية علشان تصبح انسان متحضر يحترم نفسه علشان الناس تحترمه |
بالله شوفوا هنا البتكلم منوا!!
أنت تم جلدك بسوط عنج في حفلة عامة بسبب سواطات وقولات نقلتها أنت عن خصوصيات بعض الناس ونتيجة لذلك تم جلدك جلدة لن تنساها أبدا.
جاي هنا وبدون أي خجل جاي تتكلم عن إحترم الناس وخصوصياتهم!!
ههههههههههههه
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
Quote: بالله شوفوا هنا البتكلم منوا!!
أنت تم جلدك بسوط عنج في حفلة عامة بسبب سواطات وقولات نقلتها أنت عن خصوصيات بعض الناس ونتيجة لذلك تم جلدك جلدة لن تنساها أبدا.
جاي هنا وبدون أي خجل جاي تتكلم عن إحترم الناس وخصوصياتهم!!
ههههههههههههه |
دي الكذبة الشيلوك ليها الكذابين .... و الله تلقاهم لي اسي يضحكو عليك و محتارين في قلة عقلك ......
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
Quote: طيب لماذا تم جلدك في حفل عام وبسوط عنج كمان؟
ما هو السبب في ذلك؟
مش ياهو بسبب خفتك ونقلك للقولات الفارغة بين الناس؟ |
انت حا تتعلم متين و حا تفهم متين .... ؟؟؟ اسئلتك دي حمار ما بسألها ...... ارتقي بي نفسك شوية عشان تكون في مستوى الناس المعاك في المنبر اتعلم ما تدخل في خصوصيات الناس .... و اتعلم بالمرة تتناقش مع الناس في المواضيع البتطرح مش تسك ليك عضوة سنين بي سؤال فطير انتي رجل و ل امرأة ....
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: عمر نملة)
|
Quote: انت حا تتعلم متين و حا تفهم متين .... ؟؟؟ اسئلتك دي حمار ما بسألها ...... ارتقي بي نفسك شوية عشان تكون في مستوى الناس المعاك في المنبر اتعلم ما تدخل في خصوصيات الناس .... و اتعلم بالمرة تتناقش مع الناس في المواضيع البتطرح مش تسك ليك عضوة سنين بي سؤال فطير انتي رجل و ل امرأة .... |
الحمير هم الذين يضربوهم بسوط عنج وأنت لمن تدخلت في خصوصيات الاخرين ونقلت السواطات والقولات تم جلدك بسوط عنج في حفل عام.
صحي الاختشوا ماتوا.
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: Deng)
|
Quote: الحمير هم الذين يضربوهم بسوط عنج وأنت لمن تدخلت في خصوصيات الاخرين ونقلت السواطات والقولات تم جلدك بسوط عنج في حفل عام.
صحي الاختشوا ماتوا. |
شاويش فرقع الغبي البليد الما بفهم برضو بقولو عليه حمار و ما عايز اسيء للحمير قوم لف يا كذاب
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: ABUHUSSEIN)
|
العجيب و الغريب كل المتداخلين و القراء شافو هبالتك و عبطك و قلة عقلك سكيت صاحبة البوست المهذبة اللي ساكيها ليك سنين بي انتي رجل و ل إمرأة و زول واحد وقف معاها مافي شافو جهلك و تخلفك و زول قدر يقول ليك الكلام دا غلط مافي و اهو طفشت و خلت ليكم المنبر و كتيرين عملت معاهم نفس تخلفك دا و برضو اتكافو شرك و خلو ليك المنبر قرف يقرفك ....
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: ABUHUSSEIN)
|
بت أبا بت الشيخ، سلامات ..
Quote: ول ابا بريمة انت زول ما ساهل ، وفهمك عميق ومركز . وواصل ونحن في متابعة لصيقة والله يديك الصحة والعافية |
ألف شكر علي الأطراء الجميل .. دا من زوقك يا بت أبا .. التربية هى فن art .. لاحظي صعوبة أتقان الفنون الغنائية أو الشعرية .. أنا قضيت أسبوع كامل "أفنجفنج" في وصف ناقة الشاعر طرفة بن العبد في معلقته الرائعة .. تلك العقلية الشاعرية لم تأت من فراغ .. بالإضافة للموهبة صقلوها بعلوم مثل علم البيان وعلم المعاني وعلم البديع .. زائداً علم العروض .. هناك 16 بحر من أبحر الشعر وكم من التفعيلات والأجزاء والأوتاد والفواصل .. وهناك12 زحاف (تغيير يلحق الأجزاء والأوتاد)، توجد 11 علة وفوق ذلك 39 موطن من مواطن التغيير في التفعيلات .. الحاجات دي كلها بعد تستوفاها في القصيدة ممكن يجيك ناقد مثل بت أبا دكتورة نجاة محمود الله يطراها بالخير أو أستاذ أسامة الخواض .. يقول ليك أوووبس منتوج فاسد .. أخليت فيه بعلة من العلل .. وإذا منتوجك الشعري جاء موزون القوافي، حلو المعاني واضح البيان .. الناس ح تصفق .. ودا طفلك وصعوبة تربيته ..
كلنا جاكين محاولين نربي .. ونخرج للناس منتوج صالح وفي أسوأ الأحوال ما يكون أذي لهم وعبء عليهم .. لكن مع ضغوط الحياة المعيشية وأعباء الأهل نحاول نتهرب من مسؤوليتنا تجاه أطفالنا ونلقي بعاتق هذه المسؤولية علي المجتمع والدولة .. وعييك تلقي صباحك أصبح ..
أتعظوا ..
نحن الحياة مش أركتنا وبس .. دي بركة فينا بركة جمل هائج ودحستنا لمّا ينعدم فيك الأحساس بالألم ..
أفضل شيئ أن تخلق صداقة ذكية مع أبناءك .. نضرب ليكم مثال .. أنا عندي قصص كتيرة .. قصة سيدنا أبراهيم لما الجماعة دخلوه في البرميل الفاير .. وقصة مربي لي قرد يتجسس علي حلل الملاح بتاعت زوجات أخواني ... وقصة عجوز النوير .. وقصص كثيرة جداً .. بعضها يفقد قيمته بعامل عمر الطفل .. مثلاً قصة عجوز النوير .. نضربها لهم بأني ما زلت قادر علي إعالتهم .. ولما عجوز النوير يكبر ويكون ما قادر يقوم بالأعباء المعيشية بدفونه حيي وهو يهز .. وأنا مخبرهم لما أنا تب ما أقدر أعيشهم يحفروا لي حفرتي .. أها .. ولدي الكبير، لما مصاريف الجامعة تكون في تلتلة .. يقول يا بابا لقد جاء الوقت .. ما تسوي لينا فضيحة! .. وأنا أرفع يدي أهز .. أبشر أبشر .. أي ما زال عجوز النوير يهز وقادر علي الدفاع عن الأسرة .. والضحك يرقد .. كضاب ساكت بابا .. ورينا عضلاتك your muscle .. ولو أنت ما داخل معنا في القصة ما بتكون فاهم حاجة .. لكن ولدي تأكد لما أنا هزيت هو عرف قروش السمستر مغطية ..
بريمة
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: ABUHUSSEIN)
|
سلام لكل المشاركين اخونا بريمه كعادته اضاف للبوست حيويه بما اثاره من نقاش اتفق معك يا بريمه فيما يتعلق بتربيه الاطفال وارساء قيم تربويه ودينيه جوهرها قناعات الوالدين وخلفياتهم الثقافيه فى مهاجرهم البعيده هذا فى عموم يحتاج الى توضيح اختلف معك فيما ذكرته من انحلال الغرب وسقوطه الاخلاقى وانت هنا تعمم وتظلم دون تمييز مستخدما مقياس يمثل قناعاتك الشخصيه حول العرف والخلاق ومن هنا كان حكمك فيما ذكرت من بوى او قيرل فريند فى منظور اهل الغرب امر عادى وتحكمه اخلاق وسلوكيات ليس ملزمه لك كمسلم ولكن هذا اسلوب حياه متوارث فى تطورهم الاجتماعى العلاقات الجنسيه فى الغرب لاتصلح للقياس كمعيار اخلاقى وذلك لاختلاف تصورنا فى الحياه لكن ما يصلح ان تقيس عليه لنا ولهم قيم العمل واخلاقه وهو ما يتفقون به علينا فهم اكثر اخلاصا ومثابره نقطه اخيره ومهمه اتفق فيها معك وهى صعوبه تربيه الاطفال هنا ما لم يكن الاب او الام يستثمر طاقه وزمن وكذلك تصور سليم يوائم بين حياه الغرب ومعتقدات الوالدين المهاجرين فى تربيه أبنائه وليس ب الضروره نقل سودان مصغر داخل بيتك بل الاحتفاظ بروح المعتقد دون التمسك ب مظاهر خلرجيه ربما تعيق اكثر من ان تفيد فيغرق المركب بما حمل نسيت ان اقول ان هناك تربيه عكسيه فى الغرب يتعلمها الوالدين من اطفالهم حفاظا على الاتساق واستواء المظهر والمخبر فلاتكذب امامهم فى صغيره او كبيره وغيره من الاشياء اما من يحاول ان يعيش فى الغرب كما يفعل فى السودان فيعتبر فاقد لاغلى ما يملك الانسان....فتجده راكضا خلف هواياته وشله الكتشيته وتوابعها متناسبا ضراوه الحياه لاطفال يقفون على حدود تماس ثقافى...موزعين بين عالمين تزداد حيرتهم مع تقدم السن دون ان يجدوا من يرتب الفوضى حولهم ويفسر تباعد ثقافى حاد يحتاج ال جهد معرفى ونفسى وكذلك إتساق حتى لايضيع الجهد هناك نظريه فاشله تسرى بين المهاجرين ان انحراف الولد هنا ليس ك انحراف البنت ...وانحراف نفسها مسأله نسبيه ولم تأتى بين يوم وليله بل سبقها كسل تربوى وعدم أستدراك للتحدى القائم... والموضوع ذو شجؤون...وكلنا فى الهم غرب
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: علي عبدالوهاب عثمان)
|
Quote: يا أخ أبوبكر أنا بتكلم عن الفرق بين الثقافة البياخدوها أطفالنا في البيت من أسرهم ولما يطلعوا في المدرسة والمجتمع أقرب مثال كلهم بسمعوا أغاني الهيب هوب ودي خطيرة جداً لأنهم بتأثروا بيها والبمفردات الفيها هل سمعت في مجتمعاتنا تعامل مع كلمة الاف أو ال MF زي تداولها هنا. بعدين علاقات الصداقة بين الجنسين (البنات والأولاد) في السودان وهنا. لو سنحت ليك فرصة وقعدت في الفصل البتدرس فيه بتك قد لا تصدق الكلام الممكن تسمعه كل يوم. أما لما يدخلوا الجامعة فحدث ولا حرج هل مشيت في الشوارع وشفت في التلفزيون راجل بقبّل في راجل أو ناس بتعمل حاجات تخدش الحياة في الشوارع بتاعة المدن الإمريكية هل شاهدت مواكب العراة بالعجلات أو راجلين بتحدث بشكل عادي في المدن الإمريكية كل من ينكر إنه في فرق بين الشيء العادي والمقبول في العلاقة بين الأولاد والبنات بين السودان وإمريكا يكون محتاج يراجع الحاجة دي تاني ما ممكن يكون شراب الميروانا وسط شبابنا حتى قريب مما يحدث هنا أنا لا أنكر حسنات المجتمع الأمريكي لكن ما ممكن أكون مستلبة لدرجة إنكار الشمس في رابعة النهار أو أكون ملكية أكتر من الملك |
شكرا اختنا صباح على البوست الهادف . فعلا ، لا توجد مقارنة بين شخص جانح في مجتمع صالح وبين شخص صالح في مجتمع الجنوح فيه عادة وحق مشروع ، المقارنات مخلة ، مجتمع الرسل كان فيه الجانحون ولكنهم كانوا شواذا يرفضهم المجتمع ويعاقبهم القانون ويفعلون ما يفعلون خلسة مع علمهم بأنهم يخطئون . في الغرب يحدث العكس تماما حيث الجنوح هو الحق والأصل والمباح ، والحشمة والوقار هما الشواذ ، والفاحشة حق ومنعها تعد على الحق وحرمان من الحريات وهذا هو الفرق .... انا سافرت اوروبا كثيرا ورأيت فيها كل شيئ في المواصلات والطرق العامة والهايدبارك ولم يتبقى له من مقدمات الجماع امام العامة ما لم يفعلوه ، وحكاوي بريمة دي جنبها فضيلة ، لانها حكاوي بينما انا شفت أفعال ، والأغرب انك لو هممت بنصحهم لكنت انت المذنب !!!!!! حكى لي احد المغتربين في دولة اسكندنافية ان سياسات ما يسمى بالاندماج في المجتمع تطلب من ابنتهم ذات الثمانية سنوات ان تسبح عارية كما خلقها الله في مجموعة مختلطة بنات واولاد ومن ضمنهم اخاها ذو العشرة أعوام في المدرسة !!!!!!!!!! دخلت معه حانوتا وبرفقة الصغار من اطفاله وبينما نقلب في المجلات وقعت عيني على صورة فيها رجل وإمرأة وهما في وضع يقيم عليهما الحد ، عمرك شفت حاجة زي دي عندنا يا بكور !!!!!! لا اريد ان اسرف في الحكاوي ولكن ما رأيت لا يكتب ولا يقال الا إشارة .......... الأخت صباح تناولت فقط الجانب السلوكي من المشهد ، والجنسي فقط من السلوكي فماذا عن الجانب العقدي هناك ؟؟ هل يؤمن هؤلاء الأطفال بالخلق والخالق ، والجنة والنار واليوم الآخر ؟؟ هل يعرفون الهدف من الخلق وأهمية العبادات والصلاة والصوم والتوبة بعد الذنب والمصير القادم ؟؟؟
Quote: السؤال الذي يطرح نفسه .. ما دام نظام الأسرة السودانية هو الذي أنتجني أنا وأنت كل المجتمع السوداني، لماذا نترك شيئ مجرب ونذهب نعافر ونجرب غير المجرب؟؟ والأهم في داخل نظامنا الأسري، نحن نقيم الدين .. نؤسس لأسر أسلامية .. فيها الأطفال يتعلمون الصلاة والصيام والذهاب إلي الجمعة والأعياد .. وعلاقاتهم من الطرف الأخر .. |
الجميل بريمة انت نقطة مضيئة وعلامة فارقة في مجتمع يطبق عليه الظلام من كل الجوانب ، ويريده البعض منا ان يبقى مظلما في بيوتنا ...... وفقك الله على درب الفضيلة ......
Quote: قصّة البوي فريند أو الغيل فريند دي هي زي علاقة الزواج بس بدون ورق يعني ما فيها شغل غير أخلاقي ولا شيوع علاقات، دا بالنسبة للخواجات بالنسبة لينا الموضوع دا ما قاعد يحصل كتير ولو حصل والأولاد بعد وصلوا السنة القانونية قرروا يعملوا القصّة دي، ما ح يعملوها بفهمنا نحن، ح يعملوها في العلن وبتكون البنت زي زوجتو
الأولاد والبنات هنا مختلفين مننا خالص وأخلاقهم أعلى مننا بكثير.
تناول الأمور الجنسية بالطريقة القالها بريمة مضلل خالص |
بكور سلامات لو دا فهمك فهم عيالك حيكون كيف ؟؟ انت نموذج لما خشيت منه اختنا صباح ، استلاب ثقافي ، تنكر للقيم ، غسيل دماغ ، لدرجة لا ترى فرقا بين الفاحشة والوقار !!!!!!!
Quote: بالمناسبة كل القصص التي زكرتها هنا من السهولة جدا أن أحكي لك عن بعض القصص في السودان أيضا |
صحيح يا دينق ، ممكن تحدث في اي مكان ، لكن الفرق انه مرفوض في السودان اجتماعيا وقانونيا ومقنن في الغرب وهذا هو الفرق ، وهذا الرفض ليس خاصا بالمسلمين فقط بل الكثير من الدول الأفريقية ترفض المثلية واللواط وقد سمعت بأن الرئيس سلفاكير قد منع زواج المثليين كما سمعت ان دولة الجنوب قد طردت احدى الناشطات لان سلوكها يتجاوز الأدب العام ، وسؤالي لك يا دينق هل العلاقات بين البنات والأولاد وبين الجنس الواحد في مجتمع جنوب السودان كما هي في المجتمعات الغربية من حيث التقنين والقبول ؟؟..... الثقافة الشرقية عموما ترفض مثل هذا السلوك الذي يسعى الغرب لجعله سلوكا عاما وفرضه على العالم عن طريق المؤسسات والهيئات التي تسيطر عليها ، دا سلوك مجتمعات ومن الطبيعي ان تجد قبطي مسيحي في مصر او جنوبي في السودان يرفض سلوك بناته الجنسي قبل الزواج وكذا يستهجن المثلية بينما يقبله بكورالمسلم في الغرب كغيره ممن استلبوا ثقافيا من ابناء المسلمين .... تحياتي لدعاة الفضية في البوست الهادف .
| |
|
|
|
|
|
|
Re: فيديوات زارا خير مثال لإنفصال بناتنا في ا� (Re: محمد الزبير محمود)
|
https://sudaneseonline.com/board/500/msg/1578545424.html
محمد عبد الله الحسين :
لغة السوشيال ميديا هل هتكت أستار الحياء لدى شبابنا؟ تويتر مثالاً.
ذلك كان العنوان الأول الذي انتويت أن أجعله عنواناً للموضوع ليوضح المحتوى و لجذب القاريء حتى غير
المهتم بالموضوع (و هو ما أرمي إليه دائماً) هو: لغة السوشيال ميديا هل هتكت أستار الحياء لدى شبابنا؟ تويتر مثالاً..
و في الحقيقة أنا مسكون بفوبيا العناوين و تأثيراتها..فالعنوان بالإضافة لكونه قد يكون جذاباً فهو كذلك قد يحمل دلالات قد لا تقصدها ...
أو تحملك إلى شواطيء لا تود النزول فيها أو موجات تحملك بعيدا عن الشواطيء التي ترومها.....
.............لذلك رأيت في تعبير( هتك استار الحياء) ما قد يثير انتباه بعض حراس الحرية الغير محدودة..و هو ليس مقصدي..
| |
|
|
|
|
|
|
| |