البوست بدا بي سؤال للاخوة الحوالينا في شمال السودان للترجمة لهذا الجمال .. و لكن الابحار في عالم وردي .. له سحر عجيب ..من درر وردي المنسية ..
تحفة عمر الدوش : بلد رايح .. بلد رايح عمر الطيب الدوش حأسأل عن بلد رايح وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن... لا فح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح أعلق في جناح سفري خطابات لي زمن فجري وادخل من درب سري لكل مضاجع الأحزان واضفِّر من شجر بلدي بروقاً مارقة من صدري حأسأل عن بلد غاطٍ لحدِّ الليلهْ في الوجعة أَنط فوق سرجي واتْحزَّم أقوم من وقعة لي وقعة أخُتْ ايدي البتوجِعْني على السأم البراجِعْني واسأل.. يا وطن يا بيتنا ليه شوقك مواجهني ليه حبك مجهجهني وليه تاريخ زمن خسران موكّر لسَّه في شجني؟ حأكتب لي شجر مقطوع مسادير يمكن يتحرك خطابات لي طفل مجدوع يقوم يجرى يقع يبرُك رسالهة لكل قُمْريّة إذا دم الشقا اتوزع على كل البيوت ما تْرِك واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "!نبيع الطفلة والكراس" واصرَخ ! ياوطن! يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسأل الدفَان؟ حريمة أطلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كافر
يا سلام يا قباني الجميل .. صدقني انت تزرع جمال والفرحة في دواخلنا لي أكثر من ساعتين معزول تماما عن الدنيا الحبيب قباني ده كلام فوق لغة البشر طبعا من شعر وردي لأنه شعره بالنوبية فاق الوصف والحد .. وكان لايصرح بان الاغنية من كلماته ما بين الشوق والدموع والاعجاب .. أدخلتنا في عالم آخر .. لا اعرفه اسمه يا سلام يا الحبيب صدقني أجمل بوست وأجمل عضو في المنبر وانت تجلب لنا الفرحة والجمال وتثير فينا كل هذا السحر والابداع
أنا عاجز عن التعبير .. ====================== الاغنية بالنوبية ترجمتها إلا ان تكون حرفياً
يا سلام الجمال والروعة .. ابداع الى الاخر رحم الله هذا المبدع لا استطيع التعبير وتعجز الحروف هذا القديس النوبي يحلق بي في اجواء لا اعرف لها حدود وسمو بشري غير مسبوق
الاغنية في الفيديو ( فقون ونجي كوارتو ) فقون ( الصيف ) ونجي ( النجم ) كودار ( صافي )
عنوان الاغنية بالعربية ( نجمة ليالي الصيف المتوهجة ) تشبيه للحبيبة
وهنا يتجلى حضور البيئة التي جاء منها وردي .. حيث لا فصل خريف لدينا في منطقة النوبة والامطار نادرة جداً وغير مرحب بها لأنها لا تتناسب مع طبيعة البناء والحياة وغالباً ما تكون ليالي الصيف بدون سحب سماء صافية وهنا يمكن التغزل بوهج النجوم
شكرا قباني الحبيب ... أنا مع وردي بكون في عالم تاني لا يمكن احدده ..
فقط هذه ترجمة العنوان ,,
لا أعرف كيف اجزي شكري لك ..
كل الاسبوع سوف اكون في هذا العالم
03-26-2021, 10:17 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
سلام يا قُبة يا حبيب و شكراً على هذا الابداع انا كتبت عن وردي في كتير من المواقع و حقيقة تتقاصر كلماتي عن انصاف هذا الهرم النوبي قابلت وردي مرات كثيرة في تلفزيون السودان و أكثر من حدثني عن وردي الاستاذ الباحث النوبي مكي علي ادريس كان جاري في مدينة الرياض كانت امسياتنا مع بعض و مكي بشرح لي اللغة النوبية بطلاقة , كل ما الاقي فيديو لوردي بغني او بتكلم بالنوبية بجيبو للأستاذ مكي بديني محاضرة كاملة و تفاصيل التفاصيل بكل سلاسة كذلك زميل المنبر بشاشا متخصص في التراث النوبي و ملم بكل تفاصيله كذلك هو باحث و لديه مشروع كبير لو تنزل على أرض الواقع سيفهم العالم حضارة السودان كما ينبغى و لن انسى كتابات البروفيسور عبد الرحمن ابراهيم زميل المنبر في كتاباته عن الحضارة النوبية و السودانية على وجه الخصوص في هذا الفيديو السيد السفير صلاح محمد احمد و الاستاذ الباحث مكي علي إدريس انجوي ..
03-27-2021, 11:07 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الحبيب قباني .. البوست مساحة من الجمال والذكريات قديس النوبة وردي لديه عدد من الاغنيات النوبية من كلماته والغريب في الأمر أنه يوماً لم يذكر أنه مؤلف هذه الاغاني وهي من أجمل الاغاني النوبية لحناً وكلمات ورموز في غاية العمق ولديه اغاني في السياسة أذكر أنه تغنى بها الستينيات بعد أكتوبر عندما جاء في منطقتنا وأقام ليالي بالطمبور لصالح المرشح المحامي حسن عبدالماجد زوج أخته وكان مرشح مستقل ( يعني شيوعي ) وصاغ قصائد يختصر النظريات الاشتراكية باللغة النوبية عن الترابلة والكادحين البروليتاريا ..
وردي في النوبية تخطي أي مقياس شعرا ولحناً يحتاج الى مجلدات ..
وأهلنا في منطقة السكوت لديهم جينة متفردة موروث لحني وملكة شعرية وغناء من ايام التراتيل الكنسية أيام المسيحية في كنيسة فرس وأصدق نموذج لهذا التفرد ( وردي وخليل فرح ) وهناك كثيرين غيرهم
والتحية للحبيب خضر .. مكي رمز نوبي وهب حياته للفن والتراث النوبي
قباني الجميل لم أتخيل أن أجد بوست بهذا الجمال عن وردي حتما سيأتي الحبيب محمد بدرالدين وولياب وباقي الاخوة
تعرف الحبيب قباني أحيانا يفيض بي الشوق والذكريات واصل درجة (البسط ) كما لدى الصوفية .. بعدها لا تعبير إلا الدموع وهي قمة الاحساس ..
بصراحة مستحيل ترجمة أغاني وردي كتابة إلا بالصوت لكي تكون هناك مقدرة الاستدراك وتصحيح والاضافة والصمت وتأثير الصوتي
تحياتي يا رائع ..
03-27-2021, 11:36 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
يا نجمة ليالي الصيف الصافية المتلألئة كالمرآة في الماء او المتوهجة زي المرايا على صفحة الماء -- ترجمة اللغة النوبية خاصة الاغاني والامثال .. حتفقد معناها الحقيقي
محمد ميرغني قال ..متين الليل يصافيني.. اريت الليل يصافيني هنا يستجدي الليل لعله (يصفو) .. ولكن في (الشمال) ليالي الصيف نجومه اشد لمعانا وبهاء وصفاء وتلألأً
وعوض احمد خليفة وعثمان حسين.. اسال عليك الليل ونجمه ابوصلاح .. والحان كرومة وترنيمة اولاد شمبات يا ليل ابقالي شاهد علي نار شوقي وجنوني ياليل صار ليك معاهد .... إلى : فوق لي نجمك ظنوني عوض جبريل..ويا ظلام الليل العلي ما تزيدو
03-27-2021, 03:20 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا سلام الجمال والروعة .. ابداع الى الاخر رحم الله هذا المبدع لا استطيع التعبير وتعجز الحروف هذا القديس النوبي يحلق بي في اجواء لا اعرف لها حدود وسمو بشري غير مسبوق
الاغنية في الفيديو ( فقون ونجي كوارتو )
عمك علي يا حبيب الكل ..
انا استمتعت بيها كما انزلها وردي رضوان الله عليه .. كده ( فقون ونجي كوارتو) كلام طالع بي جمال من لسانه النوبي البديع ..
اتمنى ان اتعلم اللغة النوبية ..
03-27-2021, 03:33 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
حبيبنا احمد ياسين فنانا الجميل والرائع اصحاب البوستات الدرر قباني أجمل من استخدم ( النجم ) هو الشاعر أبوقطاطي (( نجم الليل منو عداه غيري وزاد حسابو شوية )) ربما اثبات لصفاء السماء ربما لأنه لم يستطيع النوم وفي قمة السهر في عشق وهيام لدرجة أنه تخطى المستحيل ما في عنده uncountable
كانت بينه وبين وردي علاقة حميمة وردي يحكي أنه وجد أبوقطاطي نايم في بيت وردي في انتظاره وهذه القصيدة معه
ود قباني اذا انت بتتمنى تتعلم اللغة النوبية،فعندنا الاستاذة الاميرة النوبية اميرة مستعدة تعلمك اللغة النوبية وتتحدث بها وتفهمها كأهلها تماما في ٤ شهور، ،ولا تنسى انها استاذة جامعية الان ،،،ولها فلسفة خاصة في التدريس والdeal كالاتي:- كل يوم تدرسك ٤ ساعات ..الساعة بي ١٣٠ دولار امريكي ، ما كندي،، تخصص لها غرفة في منزلك العامر للسكن لفترة الاربعة شهور الاكل عليك،،،،ولكنها لا تطلب وجبات من فنادق ٥ نجوم لكنها تاكل معاكم اكل البيت.. فترة التعليم من ١٥ مايو حتى ١٥ سبتمبر... .بعد انتهاء فترة التعليم ...ممكن استاذنا وعمنا علي عبد الوهاب يعمل ليك انترفيو باللغة النوبية عبر الهاتف ..واذا سقطت، الاميرة النوبية ترجع ليك كل المرتب الكانت هي بتاخدو منك وكل المصاريف التي تكبدتها ،،مع تعويض مادي لاية خسائر معنوية على ان لا تزيد عن ٥ الف دولار... وما تنسى الف دولار حق السمسرة( الواسطة) لامتثال... اها قصرنا معاك...
Quote: سلام يا قُبة يا حبيب و شكراً على هذا الابداع انا كتبت عن وردي في كتير من المواقع و حقيقة تتقاصر كلماتي عن انصاف هذا الهرم النوبي قابلت وردي مرات كثيرة في تلفزيون السودان و أكثر من حدثني عن وردي الاستاذ الباحث النوبي مكي علي ادريس كان جاري في مدينة الرياض كانت امسياتنا مع بعض و مكي بشرح لي اللغة النوبية بطلاقة , كل ما الاقي فيديو لوردي بغني او بتكلم بالنوبية بجيبو للأستاذ مكي بديني محاضرة كاملة و تفاصيل التفاصيل بكل سلاسة
كحظوظ انت يا صديقي ..
اللغة جميلة و حنينة ..
بتذكرني بالفرنساوي .. لغتهم ما فيها جفاف زي الانجليزي عشان كده بتطلع انيقه ..
Quote: كذلك زميل المنبر بشاشا متخصص في التراث النوبي و ملم بكل تفاصيله كذلك هو باحث و لديه مشروع كبير لو تنزل على أرض الواقع سيفهم العالم حضارة السودان كما ينبغى
بشاشا آفرو حبرتجي .. مرات بنجر و بتمها من عنده .. هههههههههه
03-27-2021, 05:06 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا نجمة ليالي الصيف الصافية المتلألئة كالمرآة في الماء او المتوهجة زي المرايا على صفحة الماء -- ترجمة اللغة النوبية خاصة الاغاني والامثال .. حتفقد معناها الحقيقي
افين
ابوحميد يا فنان ..
انا نسيتك انك من الناطقين بها و بغيرها ..
تحياتي يا فنان ..
03-27-2021, 05:08 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
أتينا في وقت متأخر وقد وجدنا الكرام علي وأحمد وإمتثال وبقية العقد الفريد أثروا البوست بجمال كلماتهم كجمال بوستك .
الفنان محمد وردي كان موسوعة في اللغة النوبية وضليعاً فيها ، فكثير من أصدقاءه وجلسائه كانوا يرجعون له لمعرفة بعض المعاني .
هذه الأغنية غزلية بالدرجة الأولى الممتازة في الأغنية النوبية ، كلماتها ثمينة وتعابيرها في الصميم .
هنا يصف جمالها وكأنها نجمة صيف صافية متلألأة كمرآة على سطح الماء وأنها منبع السماحة حيث يشع منها الجمال وينتشر ، ويصف إحمرار خدودها وشفتاه الخضراء كأنها وسط زروع الساقية ، وساقيها كرجل سرير مخروط وقوامها ممشوق ونعومة جسدها كالسمن المخفوق على الدلو .
طبعا هذه الترجمة من إجتهادي وإن كان للأخوة على عبد الوهاب وأحمد ياسين أو الاستاذة أميرة رأي آخر لابأس أن نسمع منهم .
ولكم جميعا التحية .
03-28-2021, 04:24 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ود قباني اذا انت بتتمنى تتعلم اللغة النوبية،فعندنا الاستاذة الاميرة النوبية اميرة مستعدة تعلمك اللغة النوبية وتتحدث بها وتفهمها كأهلها تماما في ٤ شهور، ،ولا تنسى انها استاذة جامعية الان ،،،ولها فلسفة خاصة في التدريس والdeal كالاتي:- كل يوم تدرسك ٤ ساعات ..الساعة بي ١٣٠ دولار امريكي ، ما كندي،، تخصص لها غرفة في منزلك العامر للسكن لفترة الاربعة شهور الاكل عليك،،،،ولكنها لا تطلب وجبات من فنادق ٥ نجوم لكنها تاكل معاكم اكل البيت.. فترة التعليم من ١٥ مايو حتى ١٥ سبتمبر..
كان كده امشي اكوس عقاب اهلي يعلموني ..
تصدقي عندي اهل قاعدين بين الجندل التاني و بين دراو .. زرتهم في السبعينات و تاني ما رجعت .. لغتهم نفس اللغة دي .. و حنينهم نفس الحنية دي ..
لكن اميره حبابها بيتها و الله تشرف اي وقت .. و انتي كمان يا بتنا ..
03-28-2021, 07:45 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الحقيقة يا ود قباني انا لمن كتبت ليك العرض السخي ده كتبته بدون ما اشاور الاميرة النوبية لكن لمن وريتها البوست قالت لي ما دام هو عاوز يتعلم لغتنا النوبية انا موافقة بكل شروطك الوضعتيها ليهو الا حكاية المرتب،،، قالت انها ممكن تعلمك مجاني وبدون سنت، بس شرطها الوحيد انها تاكل قراصةبملاح الويكة...واذا المدام ما بتعمل القراصة تسمحوا ليها تدخل المطبخ وتعمل القراصة بنفسها...."
طبعا هي خبيرة في عمل القراصة النوبية..وكل يوم احد بتدخل مطبخنا وتعمل لينا وجبة دسمة قراصةبملاح ويكة... .واسال عمنا واستاذنا النوبي علي عبد الوهاب عن الوجبة دي...دسمة ام لا...
أنا دائما ما أقول ان وردي (العبقري) فرصة اضاعها السودان برعونة حكوماته وردي كان يمكن ان يكون احد أهم عوامل وحدة السودان...لو تركت موهبته تنطلق دون قيود وردي كان يمكن ان يكون ايقونة السودان الفنية العالمية لو تركت موهبته تتفتح دون مكابح.
حكومات السودان العسكرية قيدته بالمعتقلات و ايقاف بث اغانيه و فرض اختيار المنفى الاضطراري
عندما قدم وردي (بنحب من بلدنا) جمع كل جغرافية السودان و بعض قبائله الرئيسة في لوحة فنية قاربت حد الكمال وعندما قدم يقظة شعب (هام ذاك النهر...) وضع الاسس للوحدة الجغرافية و البشرية بصورة فشلت كل السياسات الحكومية في تقديمها.
وردي غني بالتقراي و ادخل كلمات امهرية جعلت دول الجوار تدرك عمق الموسيقى السودانية و تدرك السودان نفسه أكثر من اي وزارة خارجية سودانية وردي له شعبية في تشاد و الكاميرون تفوق مجهودات الدبلوماسية السودانية...
وعندما غنى وردي بالنوبية ...لفت انتباه من تعالوا علينا كثيرا في شمال الوادي للدرجة التي جعلت بعض أشهر مغنيهم (لسرقة) ابداعاته و نسبها لانفسهم
ولا تسأل كيف فعلت اغاني وردي بالنوبية في قبائل شمال السودان....
وردي يا يحي كنز اضاعه السودان بكل رعونة ماذا استفادت حكومة عبود من اعتقاله و ايقاف بث اغانيه؟؟!! ماذا استفادت حومة مايو من اعتقاله و ايقاف بث اغانيه؟؟!! ماذا استفادت الانقاذ من اجباره على ترك البلاد في منفى طال امده ليعود بعده مريضا انهكه البعد و اوهنته الغربة؟؟!!
رحمك الله يا وردي
03-29-2021, 10:36 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
علي عبدالوهاب عثمان
خضر الطيب
Ahmed Yassin
ولياب
Zakaria Fadel
فيس بوك
تويتر
انستقرام
يوتيوب
بنتيريست