|
|
|
 Re: حيدر زين بالإنجليزي .. ممكن لحظة ..؟!! (Re: Ahmed musa)
|
Saif Eldawla
١٣ أكتوبر ٢٠١٩ ·
ما وراء طلب رفع الحصانة عن عسكريي السيادي!!
سيف الدولة حمدناالله
طلب رفع الحصانة عن الأعضاء العسكريين بالمجلس السيادي الذي تقدم به أحد المحامين للمحكمة الدستورية على خلفية جريمة فض الاعتصام، في تقديري أن هذا طلب وراءه تدبير، والمقصود منه تفجير المشهد السياسي فيما يلي العلاقة مع العسكريين بالمجلس.
بلغة القانون، هذا طلب سابق لأوانه، ذلك أن طلب رفع الحصانة، يتم تقديمه بعد أو أثناء سير التحريات، وعند ظهور بينة تشير إلى ضلوع صاحب الحصانة في إرتكاب الجريمة.
وجريمة فض الاعتصام، لم يكتمل بعد تشكيل اللجنة المناط بها التحقيق، والتي سوف يشكلها رئيس مجلس الوزراء بناء على نص الوثيقة الدستورية، واللجنة هي الجهة التي سوف تتولى تحريك إجراءات رفع الحصانة عن كل من يتمتع بها ويكون ضالعا في الجريمة، وسوف يحدث ذلك نيابة عن كل أولياء الشهداء والضحايا والمفقودين ضد كل من تظهر في مواجهته بينة سواء كان جندي نفر أو برتبة فريق أول بمجلس السيادة، ولا يتم ذلك بطلبات فردية يقدمها وكلاء ومحامين.
لا مساومة حول دماء الشهداء وحقوق الضحايا والمفقودين، ولا بد أن تطال العدالة كل من تظهر بينة تشير إلى ضلوعه في أعمال القتل والإنتهاكات الأخرى، وكل من إمتنع عن إستخدام سلطته القانونية في وقف تلك الأفعال.
| |
  
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
لحدي ما يجي حيدر زين أشكر الباشمهندس بكري أبوبكر على إهتمامه بهذه القضية
وحأتناول تفاصيل فيها
وحأناقش فيها للفائدة لجنة نبيل أديب قبل رفع الطعن
وبعده
ورأي مولانا نبيل أديب
ويشهد الله ماعلمت بنشر الخبر في سودانيز إلا اليوم من خلال رجعة عصرت فيها قلبي لغياب الأخ العوض المسلمي
وليس مجبراً كما قال أحدهم ..!!!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: HAIDER ALZAIN)
|
Quote: يا للسعادة والله .. :)
مرحبا حضرة المحامي احمد موسى عمر..
حمدلله سلامة العودة للمنبر والمشاركة..
في انتظارك وجديدك حول القضية وأي اضافة لموضوع البوست السابق ..
تحياتي |
سلمك الله من كل شر وجاييك .. نتناقش بهدوء ما أمكن
بس نخلص كلام مولانا سيف الدولة حمدنا الله
بغرابته
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
| Quote: طلب رفع الحصانة عن الأعضاء العسكريين بالمجلس السيادي الذي تقدم به أحد المحامين للمحكمة الدستورية على خلفية جريمة فض الاعتصام، في تقديري أن هذا طلب وراءه تدبير، والمقصود منه تفجير المشهد السياسي فيما يلي العلاقة مع العسكريين بالمجلس. |
طيب ...نقيف هنا لحدي ما يجي أخونا حيدر زين بالإنجليزي
نقيف عند وراءه تدبير
ونقيف عند المقصود منه تفجيز المشهد السياسي فيما يلي العلاقة مع العسكريين بالمجلس ..!!!!
أولاً وراءه تدبير غوص في نوايا طالب رفع الحصانة وهو مصاب في فض الإعتصام
أبوه كوز
أبوه شيوعي
دي تفاصيل سياسية لا علاقة لها بحقه في المقاضاة
وما كنت أظن شخص بقامة مولانا سيف الدولة يستكثر على معتصم وثائر حقه في مقاضاة البرهان أو حميدتي أو كباشي
وهل نحرمه من المقاضاة لأن والده كوز ؟؟؟؟؟
دي نقطة حنرجع ليها
نمشي لحتة المقصود منها تفجير المشهد السياسي
وهو كلام غريب ومخيف ومرعب حتى
يعني معناها لجنة مولانا نبيل أديب لو وصلت سدرة منتهى المجلس العسكري حتكبر اللفة عشان ما تفجر المشهد السياسي ؟؟؟؟
ولو من حق نبيل أديب تفجير المشهد لو إتعارض مع العدالة وما من حق محمد المجتبي الثائر ذلك
ننتظر أخونا حيدر زين بالإنجليزي
وحنرجع لكلام مولانا سيف الدولة ..!!!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
| Quote: وجريمة فض الاعتصام، لم يكتمل بعد تشكيل اللجنة المناط بها التحقيق، والتي سوف يشكلها رئيس مجلس الوزراء بناء على نص الوثيقة الدستورية، واللجنة هي الجهة التي سوف تتولى تحريك إجراءات رفع الحصانة عن كل من يتمتع بها ويكون ضالعا في الجريمة، وسوف يحدث ذلك نيابة عن كل أولياء الشهداء والضحايا والمفقودين ضد كل من تظهر في مواجهته بينة سواء كان جندي نفر أو برتبة فريق أول بمجلس السيادة، ولا يتم ذلك بطلبات فردية يقدمها وكلاء ومحامين. |
نجي هنا للفقرة دي ... و نوري الخلط بين السياسة والقانون ....
أولاً أكبر خطأ وقعت فيه الوثيقة الدستورية أو تطبيقها هو إصدار رئيس الوزراء لقرار بتشكيل اللجنة
وحنجي ليها ونوري الخطأ وين وبالقانون
وحنوري كيف تم تصحيح الخطأ وقبله لم حدث الخطأ
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
رئيس الوزراء ليس لديه صلاحيات عدلية
والزمان قارب على الإنتهاء
والضغط الجماهيري متواصل لأجل تشكيل اللجنة
هنا ما كان امام مستشار رئيس الوزراء فرداً كان أو مجموعة إلا إقتراح أن تشكل اللجنة بموجب القانون الوحيد المتاح أمامهم
وهو قانون لجان التحقيق لسنة 1954 ......!!!!!!
والقانون خلاصته في المادة (12)
وتقرأ
12ـ لا يجوز قبول أي أقوال أدلى بها أثناء أي تحقيق يجرى بموجـب أحكام هذا القانون ، كبينة أمام أية محكمة سـواء أكانت مدنية أم جنائية.
..!!!!!!!
هنا كان من الضرورة عدم الإعتراف بهذه اللجنة
التي لا يقبل ما تتوصل إليه كبينة أمام أي محكمة سواء كانت مدنية او جنائية ...!!!!
وهنا ظهرت ضرورة اللجوء مباشرة لمقاضاة المشتبه بهم مباشرة دون إنتظار أعمال تلك اللجنة
فماذا حدث بعدها ...؟!!!!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
قبل أن نسرد ما حدث بعدها نتساءل هل مولانا سيف الدولة لم يكن يعلم بأن دولة رئيس الوزراء غير معني بتشكيل لجان تحقيق جنائية ...
هل لم يكن يعلم مولانا أن أقصى صلاحيات دولة رئيس الوزراء هو لجنة تحقيق لا تقبل بينتها اما أي محكمة ؟؟؟؟؟
نذهب بعيداً إلى سؤال لم نصت الوثيقة الدستورية أساسا على تشكيل لجنة تحقيق ؟؟؟؟
لأن قوى الحرية والتغيير حينها ما كانت تثق في مؤسسات النظام البائد العدلية
فلم أصرت على اللجنة وإستمراريتها بعد تعيين نائب عام من جانبها وهو رجل مشهود له بالكفاءة
مولانا تاج السر الحبر
نعود
عذرا حيدر الزين بالإنجليزي الأمور مربوطه ببعضها البعض وسنأتي لإعتراضك على إيلاء موضوع كهذا اي درجة من الإهتمام
مبدئياً أجدك خلطت بين الشخصي والموضوعي
فهل الموضوع مهم أم لا ؟؟ هذا هو السؤال ؟؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
أوردت لك ياحيدر بوست منشور منذ 2013
كتبته ونحن بالشوارع
وأبناءنا يرتقون شهداء
وكنت حينها ومازلت ببري لم أبارحها
لإانا أحمد موسى هذا لا أخاف قولة حق
ولا أنتمي لنظام أتهمه بانه نظام قاتل
ولي قصيدة أخرى تمجيداً للشهيد الرائد سيد حسن عبدالرحيم
جاري واحد شهداء رمضان
وفيها أقول
ماك ميت
ماتو الجبناء أولاد الليل كتالين رقاب الناس
ياااا سيد
أيادينا ومبادينا وهتافنا الداوي ليك قصاص
يعلن أنو مارصاص
لكن ثمر
حيشيل شجر
يشنق جميع السارقين
فاعلي الموبقات
ويعلن لينا أنو المات
فات سودانو شان ميلاد عظيم ومجيد
هذه عقب أحداث رمضان بفترة قليلة ونشرتها هنا إبان نظام الإنقاذ البائد
وفيها أتهم النظام بالسرقة والقتل وفعل الموبقات
هذه نماذج لتبيان تأويل مالم تسطع عليه صبرا
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
حيدر ياصديقي لقد حباني الله حكمة أن أعي ما أكتب وان أكتب ما أعي وانا أعي كل كلمة كتبتها
وما كتبته حينها كان حمور زيادة أقرب فهما لما أقول من كثيرين
ربما بحكم القربى حينها وقالها أنه يعلم من انا
يا صديقي حين قلت في 2010 أن المؤتمر الوطني أفضل (حاليا) كنت أنوه لحالة سياسية
تسعى فيها كل أو جل القوى السياسية للدخول في إنتخابات النظام
وفيها أناس لا نزايد عليهم وقعو في فخ الإنتخابات
هم كانو لحظتها (أدني) من المؤتمر الوطني وكان هو (حينها) أفضل (منهم)
وموقفي الشخصي أبنته في البوست بشكل واضح
انني مع سودان يسع الجميع
سودان نتساوى فيه في الحقوق والواجبات وهو مكتوب في ثنايا البوست
ياصديقي
انا أحمد موسى عمر
أتحدى من يجمع بيني وبين أي مشاركة دستورية أو سياسية أو مهنية حتى مع نظام الإنقاذ
وسأعود أليك للتوضيح لأني أهتم بالتوضيح لك
ولو كنت غير مهم لتجاوزت تعليقك ككثير من التعليقات نضطر أحياناً لتجاوزها
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
نعود للخطأ الذي وقع فيه مولانا سيف الدولة والذي تداركته جهات قانونية بالحرية والتغيير
قامت تلك الجهات وبعد تعيين النائب العام بتعديل مسار اللجنة
ومنح النائب العام اللجنة صلاحيات عدلية
هنا أبنت لوالد الطاعن أن طعننا الدستوري أضحى بلا معنى
لأن اللجنة أصبحت لجنة عدلية
ولكن هنالك خطأ آخر وقع فيه مولانا سيف الدولة بقوله أن اللجنة ستقوم بفتح بلاغات
وسنبين ذلك
ثم نعود لصديقي حيدر الزين
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: حيدر ياصديقي لقد حباني الله حكمة أن أعي ما أكتب وان أكتب ما أعي وانا أعي كل كلمة كتبتها
وما كتبته حينها كان حمور زيادة أقرب فهما لما أقول من كثيرين
ربما بحكم القربى حينها وقالها أنه يعلم من انا
يا صديقي حين قلت في 2010 أن المؤتمر الوطني أفضل (حاليا) كنت أنوه لحالة سياسية
تسعى فيها كل أو جل القوى السياسية للدخول في إنتخابات النظام
وفيها أناس لا نزايد عليهم وقعو في فخ الإنتخابات
هم كانو لحظتها (أدني) من المؤتمر الوطني وكان هو (حينها) أفضل (منهم)
وموقفي الشخصي أبنته في البوست بشكل واضح
انني مع سودان يسع الجميع
سودان نتساوى فيه في الحقوق والواجبات وهو مكتوب في ثنايا البوست
ياصديقي
انا أحمد موسى عمر
أتحدى من يجمع بيني وبين أي مشاركة دستورية أو سياسية أو مهنية حتى مع نظام الإنقاذ
وسأعود أليك للتوضيح لأني أهتم بالتوضيح لك
ولو كنت غير مهم لتجاوزت تعليقك ككثير من التعليقات نضطر أحياناً لتجاوزها |
تقديري وشكراً الاستاذ احمد موسى للتقدير والإهتمام والتوضيح ..
ولا مزايـدة اطلاقاً على سودانوية ووطنية اي شخص ارتضى القانون والعدل طريقه ومبتغاه
ودا أساس المدنية وأساس الدولة ..
إن كانت الملاحظات أو المآخذ الأشار لها مولانا سيف الدولة من نواحي قانوينة فدا مجالكم ويهمنا توضيحك اكيد
لانه دا مجالكم وتخصصكم ..
أما الإعتراض على إثارة القضية أو التقاضي بإسم الكيزان وفلولهم فهو أكيد في مجال الاخذ والرد والإعتراض مع ايماني وتسليمي بأن من حق الطالح والفاسد
التقاضي بالحق والعدل والقانون وحقوقهم فيمن يمثلهم بموجبه القانون .. والرد والاخذ إنما هو موقف سياسي فيمن يرضى بالدفاع عن الشيطان اكتر منه قانوني وعدلي ..
وهي مهمة بتستوجب التجرد والحياد ..
وهو مايلزم التصنيف والتحزيب وتسيس من يقبل المهمة بصورة عامة ..
موقفك الشخصي من حكومة الفساد واللا قانون اشهد إني ما سمعت او رأيت عليك فساد او مشاركة للكيزان حتى اصنفك من فسادهم ومواقفك المؤيدة او المناصرة
وكتابتك عنهم هي ماتشهد وجاءت مقتبسة ..!
عموماً في بوستي السابق كتبت تقريباً آخر مداخلة لخضر بانه الكوزنة والاتهام بالكوزنةوالموالاة لعهد دام 30 سنة فأكيد في تقاطعات وتعاملات مع النظام
فالناس ما في عزلة إلا اذا اخترت المغادرة والا فاالمعاش والتواصل الإجباري في دولة تسيطر نخبة على مفاصلها بد ما منه بد وعلى أي مستوى من ساسة الدولة لساسة الخيـل..
ومن عاش بالسودان بلا وزر التعامل مع الكيزان فليرمي بحجر .. وعموم كلامي ليهو إنه التاويـل والمكاجرة والانتصار الذاتي بتلعب لعبها في كوزنة وشرفنة الناس..
مودتي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: HAIDER ALZAIN)
|
نتكلم عن محمد المجتبي ..
هو ثائر من ثوار بري ..لم يتخلف عن أي فعل مناهض للإنقاذ
وإلتزم القيادة مع بقية ثوار بري من شفاتة وكنداكات
وتمت مطاردته يوم فض الإعتصام
وإصابته و بقى طريح الفراش قرابة الشهرين
ولازمته شبه إعاقة بسبب الإصابة حيث ظلت رصاصة بجسده
خشى الأطباء إخراجه فتعطل جزء من رجله
وفاتت عليه سنة دراسية
ليجد بعد هذا كله أن اللجنة المعنية بأخذ حقوقهم لا تملك أن تقدم دليلاً مما توصلت إليه للمحكمة
لان المحكمة بنص القانون لا تقبل الادلة المتحصل عليه بواسطة اللجنة
هذا ليس لحيدر الزين ..هذا توضيح للكافة ..
محمد المجتبي مسئولية اللجان القانونية للحرية والتغيير
هي المعنية بالدفاع عنه وعن إخوته بغض النظر عن إنتماء والده أو والدته
أو إنتماءه نفسه طالما إلتزم خط الثورة وآمن بها
وسأعود لقصة ناظم سراج وبروف جلال و إبنة الكوز ....لإيضاح المسألة
وهي قصة عاصرتها بنفسي وتابعت بدايتها ونهايتها
ثم سأعرج للقانون ورفض وقبول القضايا على أساس فكري وموقف القانون منها
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: طلب رفع الحصانة عن الأعضاء العسكريين بالمجلس السيادي الذي تقدم به أحد المحامين للمحكمة الدستورية على خلفية جريمة فض الاعتصام، في تقديري أن هذا طلب وراءه تدبير، والمقصود منه تفجير المشهد السياسي فيما يلي العلاقة مع العسكريين بالمجلس.
|
مرحبتين بي عودتك أخونا المحامي أحمد موسى
بس عندي ملاحظة حبيت نتشارك فيها
ليه انت افترضت إنه ده تحرك جمعي
وليس تصرف فردي ممكن يقوم بيهو فرد عنّت ليهو الفكرة
لأي سبب من الأسباب حينها حتنتفي حكاية تفجير المشهد ..
وتخريب العلاقة مع المجلس العسكري
الاصلا انا شايف إنها خربانة وما على قدر كده
وفيها تربّص وترقّب وما ودية على الاطلاق
ثم الرابط شنو بين ده وبين اللجنة التي تم تكوينها بواسطة رئيس الوزراء
ومش بواسطة النائب العام على حسب إنه المدة شارفت على الانتهاء
هل الفعل ده بينزع عنها قانونيتها وقانونية أحكامها فيما بعد
هل لو اللجنة فقدت قانونيتها معناه إنه الطعن المتقدم به يمكن قبوله
لانتفاء قانونية لجنة فض الاعتصام الفقدت قانونيتها ..
فكرتك شنو والهدف شنو ياريت تنورنا من باب العلم بالشيء
ثم حيدر الزين ده ناديتو بالاسم ليه وعلاقته بالموضوع شنو .. 
لاني شايفو مندهش ..
ولاّ أنا المندهش براي ما عارف ..
تقديري لك ولحيدر ..
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
انضمامك للحوار الوطني الاتعمل لتلميع الإنقاذ كان تحت ياتو كيان ؟
البنعرفو إنه ناس تراجي وقريمان عملو كيان اسمه حاجة كدة فيها منفى ولا غربة ما عارف وشاركوا بيه
انت شاركت تحت ياتو لافتة؟
__________
بالمناسبة الأسئلة دي اختيارية .. الما عاوز تجاوبه جليهو عادي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: كيف تقول عليها حكومة قتلة وفي نفس الوقت تؤيد مدير أمنها ؟!
شكراً د. نافع علي نافع ...!!!شكراً د. نافع علي نافع ...!!!د. نافع علي (نافع) ....!!!د. نافع علي (نافع) ....!!!نافع هل هو رجل المرحلة؟ |
أحمد محمد عمر ..سؤال : إنت جبت النماذج دي عشان نتناقش بهدوء وروية
ولا عندك غرض ..؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: كيف تقول عليها حكومة قتلة وفي نفس الوقت تؤيد مدير أمنها ؟!
شكراً د. نافع علي نافع ...!!!شكراً د. نافع علي نافع ...!!!د. نافع علي (نافع) ....!!!د. نافع علي (نافع) ....!!!نافع هل هو رجل المرحلة؟ |
أحمد محمد عمر ..سؤال : إنت جبت النماذج دي عشان نتناقش بهدوء وروية
ولا عندك غرض ..؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: ثم الرابط شنو بين ده وبين اللجنة التي تم تكوينها بواسطة رئيس الوزراء
ومش بواسطة النائب العام على حسب إنه المدة شارفت على الانتهاء
هل الفعل ده بينزع عنها قانونيتها وقانونية أحكامها فيما بعد
هل لو اللجنة فقدت قانونيتها معناه إنه الطعن المتقدم به يمكن قبوله
لانتفاء قانونية لجنة فض الاعتصام الفقدت قانونيتها ..
فكرتك شنو والهدف شنو ياريت تنورنا من باب العلم بالشيء |
جمال ود القوز ... اللجنة قبل ما يديها مولانا تاج السر الحبر صلاحيات كانت ونسة مجالس
ماعندها قيمة
وكلام مولانا سيف بان اللجنة حتتولى الإتهام أو حتفتح بلاغات كلام غريب
لأن البلاغ بفتحه صاحب الحق وليس الجهة العدلية بطلب منه
وفي بلاغات الحق العام بكون في مبلغ
برضه المبلغ ما بكون هو عضو في اللجنة لانك ما ممكن تكون مبلغ او شاكي ومحقق في نفس الوقت
والكلام ده مولانا نبيل أديب فاهمه وفي آخر لقاء حضرته ليه في جريدة التيار
في كباية شاي
قال اللجنة ما ملزمة للمتضررين
يعني أي واحد داير يمشي يفتح بلاغ من حقه
وحالياً محمد المجتبى وغيره من حقهم يفتحو بلاغ مباشر بعيداً عن اللجنة
ده كلام القانون
وده كلام مولانا نبيل أديب
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
النظام (المخلوع) ..!!!
Last updated
0
مشاركة
صار نظام الإنقاذ نظاماً (مخلوعاً) , أو بالأحرى علمنا مؤخراً أنه كان نظاماً (مخلوعاً) و(مخلوع) هذه مردها للخُلعة التي وردت بالحكمة الشعبية (المابتشوفه في بيت ابوك بخلعك) .. فقادة الإنقاذ مؤخراً صار عقلهم الواعي صامتاً ونطق علهم الباطن بمايختلج بنفوسهم وصار جُل حديثهم عن (الطعام) فوزير المالية كل إدراكه للإقتصاد هو (الأكل) وحتى لا يشتطط المعارضون فالمقصد من (الاكل) هو الطعام دون فذلكة معارضية … فتارة ينصحنا الوير الهُمام بأكل الكسرة وتارة (ينتنا) بتعليمنا البيتزا التي لولا عناية الإنقاذ الفائقة لمتنا دون ان نعلم عنها شيئاً ويلحق بهم الرئيس بمنّة الهوت دوغ بعد ان سبقهم وزير الاستثمار بنعتنا باننا كنا شحادين وصرنا نرفل بالرفاهية والرخاء بعهد الانقاذ الميمون فالنظام بكلياته (مخلوع) بما صاروا يطعمونه لأنفسهم ولأسرهم متناسين ان السودان ومنذ القدم عرف الهوت دوغ و المارتدلا وخبز باباكوستا وأقلام الباركر واللبن الذي تتركه الشركات بعد أن تحمل زجاجات الامس وشارع الجمهورية الذي كان يتم (غسله) بالماء مساءاً …ولكنه الذي لا تراه بدار أبيك فـ (يخلعك) …. فخلعة عدد من قيادات الإنقاذ أعمت بصيرتهم وبصائرهم عن الحال الذي وجدوا به البلاد والذي صارت إليه … فحق عليه إطلاق لقب النظام (المخلوع) …..فهم وجُلهم لم يتمتعو كبقية اهل البلاد بهذه المزايا بالسابق ولكنه مال البلاد الذي نقلهم من ضيق البيوت للقصور الفارهات الواسعة التي تنسيهم ضيق اللحود …فالنظام (المخلوع) بماوجده بفعل السُلطة يتجاهل حتى فضيلة الإعتذار للشعب ويتعامل معه بسياسة جوّع شعبك يتبعك وحتى في إطار التنوير بضرورة إجراء التعديلات لا يجد النظام رغبة او ضرورة لمشاورة الشعب فيشاور فعالياته وبعض الاحزاب الصديقة ولا يهتم بمشاورة الشعب بل يكتفي بذم الشعب والإمتنان عليه بحقه … أللهم اجعله نظاماً (مخلوعاً) بحق وحقيقة
[email protected]
https://www.alrakoba.net/394062/%d8%a7%d9%84%d9%86%d8%b8%d8%a7%d9%85-%d8%a7%d9%84%d9%85%d8%ae%d9%84%d9%88%d8%b9/https://www.alrakoba.net/394062/%d8%a7%d9%84%d9%86%d8%b8%d8%a7%d9%85-%d8%a7%d9%84%d9%85%d8%ae%d9%84%d9%88%d8%b9/
أمسك ده عندك يا أحمد محمد عمر
لو حابي تتناقش بهدوء وروية ..
كسرة عاجباني روية دي فحأستخدمها كتير لحدي نصل قبف إتفاق أو إختلاف محترم
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
الرئيس لوهلة شعر أن رؤوساء التحرير هم المعنيون بالزيادات وحين نال رضاهم إطمئن وغادر إلى قصره الفخيم وهو يُمنّي نفسه بعصر جديد أقل تحديات … رؤساءالتحرير بالمقابل قدموا خدمة جليلة للمواطن السُوداني أن تبنو وجهة النظر الحكومية وبعثو بتطمينات للقيادة وتصفيقات بحال لم الأمر إلا (ثُلة) من الصحفيين من أمثال ضياء الدين بلال والطاهر حسن التوم وراشد عبدالرحيم حيث تناولو شئ من نبض الشارع وقذفو به بإستحياء بوجه الرئيس …. الرئيس بالمقابل تناول حالات منفردة من عينة جيرانه الذين يمتلكون (5) عربات ويذهبون بها جميعاً لمناسباتهم الخاصة حتى أنك تسأل نفسك من هم أولئك الجيران والرئيس يسكن كماهو معلوم في مباني حي المطار الحكومية وكل جيرانه من الحكوميين وإن كان يقصد حي كوبر فمتي وجد الرئيس الزمان لمتابعة أولئك الجيران المساكين إلا إن كان (نقل كلام) من هنا وهناك …. والشان الآخر ذلك الصحفي الذي يتقاضي راتباً اكبر من راتب الوزير وكنّا نتمنى أن يكون الرئيس سعداً وفخوراً بذلك فمايقدمه الصحفي أهم مما يقدمه الوزير او هكذا يفترض وثالثة الأمور دهب زوجات المغتربين .!!!! تلكم الحالات الفردية ماكان يجب للمؤتمر الصحفي أن يتناولها لأن المطلوب تناول حالات جماعية وكلية تبرّر زيادة الأسعار ورداً على كلام ضياء بلال عن لغة الانقاذ الاستعلائية كان الرئيس استعلائياً مرة اخرى حين قرّر أن رد الفعل لن يتجاوز مظاهرة معزولة وكم لستك يتحرق والقصة تنتهي بحسب زعم اجهزته ومستشاريه , الانقاذ في الاونة الأخيرة تناست انها جزء من الشعب واضحت تتعامل معهم بكل استعلائية وعنجهية تمن عليهم بماقدمته وماقدمته كان يمكن ان يقدمه غيرها بشكل افضل هذه الاستعلائية وتلكم العنجهية تؤكد أن الانقاذ (مُفارقة) واهلنا يقولون (المُفارق عيته قوية) … والله المُستعان
أحمد موسى عمر عبدالله
[email protected]
وامسك ده يا أحمد محمد عمر
معليش حيدر الزين .. برجع ليك مع كتير محبتي لما كتبته
وماخاب ظني فيك فكنت قدر إحترامي وزيادة
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
(طبقة) …الإنقاذ ..!
احمد موسى عمر
[email protected]
إجتماعياً وفي مسارها المحموم نحو إعادة بناء مجتمع جديد على نسق حديث عملت الإنقاذ ومنذ دخولها الحياة السياسية عبر إنقلاب 1989 م عملت الإنقاذ على تقسيم المجتمع إلى (أخوان) و (لا اخوان) … وعملت على هدم النظام الاجتماعي واتلإقتصادي القائم وبناء نظام إجتماعي وإقتصادي جديد تتقدم فيه (التزكية) على (المؤهلات) ووقف قُدامي الرأسماليين في مفترق طُرُق أن (تنتمي) أو (تنتهي) … فإنتمى من إنتمى وقاوم من إستطاع وخرج من قيّض الله خروجاً … حتى تحوّل (الاخوان) من حركة إسلاميسة إلى نظام وتنظيم ثُم مؤخراً إلى طبقة تسكن وشاهقات المباني ويركبون فارهات العربات ويتعالجون في أرقى المستشفيات العالمية وهم يشعرون بالتأفُف من المستشفيات الحكومية التابعة للحكومة التي ينتمون لها …فتلكم مستشفيات لطبقة (اللا أخوان) فقط … إلا إن دخلت معهم إحدي كاميرات الوسائط الإعلامية في زيارة السيّد (أخ) للمستشفى والإطلاع على سير العمل ووعد العاملين بـ … و … و … لتنقطع الكهرباْ بعد مغادرة المسئول مباشرة وينقطع معه الإتصال به فيلجأ المرضى وذويهم للنفير لإنقاذ المعدات ومدها بالكهرباء من الذي تبقى لهم من مال بعد دفع مبالغ هنا وهنا بدءاً من دخول المستشفى وإنتهاء بشراء الدواء الذي يتغيّر سعره كبورصة لندن كل حين … طبقة الإنقاذ حلت محل الطبقة الرأسمالية او الأرستقراطية وحتى تنتشر العدالة بين جمهور الشعب اللاأخواني فقد تم مزج الطبقة الوسيطة البرجوازية في الطبقة الدنيا الكادحة في طبقة واحدة في أبهى صّور العدالة الإجتماعية ..!! فيجب ألا يكون هنالك تمايز بين (الشعب) … هذا التغيير الكبير في البنية الإجتماعية خلّق حالة من الإستياء وهيأ الأرض يوما بعد للإنفجار يؤخره فقط إكتمال الشرط الموضوعي للإنتفاضة إن لم ينتبه أهل الأبراج العالية ويخرجون من غيهم إلى سواء السبيل وصراطه المستقيم وكما قال بحق محمد دوشكا في صفحته في الفيس بوك (الله يا اخوتى و اخواتى مرات كتيره بفكر انو الفضائيات السودانيه متآمرة مع الحكومه ضد الشعب،،،،ياناس فى ناس ما عندها بيوت تسكنها تلقى كل المحطات اعلانات للديكور و الاثاثات و الاضاءه بانواعها،،،ومرات تلقى اعلانات عن مواد عذائيه و اكلات غريبه جدا و كل ناس البيت منتظرنها،مع انو اغلب الناس البشاهدوا هذه الفضائيات مهمومين فى كيفيه ايجاد الفطور و العشاء،دى مؤامرة من الفضائيات على هذا الشعب لانها كدا بتعذب فيه،،،،،!!) فتلك الطبقة الجديدة هي التي صارت مستهدفة بواسطة الشركات والمؤسسات لترى حجم العربات والمباني والازياء حتى لتظن أنك بباريس أو لندن او واشنطن دي سي … وقد صدق ربيع عبدالعاطي حين قال ان متوسط دخل الفرد هو 1800 دولار أمريكي وقد سخر منه من سخر وهم لا يعلمون أنها الحقيقية بعينها فمتوسط دخل الفرد هو مجموع الدخل القومي على عدد السكان وبهذه المعادلة يكون ربيع عبدالعاطي قد أصاب وهو يتحدث ويفكر بصوت عالي فالمواطن حق له أن يعلم أن دخله المفترض بقسمة عادلة للثروات هو 1800دولار ولكن ولأن طبقة الإنقاذ تعلمه ملا تعلمه فإنها تحتفظ لك بالفرق بين دخلك المفترض ودخلك الحقيقي في خزائنها حتى لا تبطر وحتى تخشوشن فإن النعم لا تدوم …وحق علينا الخروج في مسيرات التأييد المطلق لهذه الطبقة العالمة المتعلمة المتدينة الدارسة للشريعة فقد حفظتنا من فتنة المال حتى لا تأخذنا الدنيا عن الدين …فطوبي لهم ….
وأمسك ده يا أحمد محمد عمر
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
القرارات الإقتصادية : حشفٌ وسوئ كيل ..!!!
احمد موسى عمر
[email protected]
في الطُرفة الشعبية أن زوجان تحاكما أمام قاض وإشتكى الزوج من كثرة (نقة) زوجته …وإشتكت الزوجة من تجاهل الزوج لحديثها فقضى بينهما القاضي بيوم للزوج (خالي نقة) ويوم للزوجة (فضفضة) فكانت الزوجة في يوم الزوج تردد حين الدخول وحين الخروج (بُكرة النقة …بكرة النقة …بكرة النقة) …وهو حال حكومتنا التي ما طفقت تُردّد على مسامعنا كل صباح مساء (بكرة رفع الدعم …بكرة رفع الدعم …بكرة رفع الدعم) ….وضحكتُ من شدة الحزن على تكبير وتهليل من يُفترض فيهم أنهم مُمثلوا الشعب والرئيس يضع الحقائق عارية أمام المجلس وهو يستمع لها كأنه يسمعها اول مرة وتضع الحكومة معالجاتها التي طمأن بها السيد وزير المالية العاملين بالدولة ان الدولة سمنحهم ما يعينهم على تلك الزيادات ولا نسأله ووماذا عن غير العاملين بالدولة ..؟!!! أليسوا سودانيون ؟؟ أم انهم يفترض قيهم أن (يتصرفوا) ..!!! والوزير قال ماقال لانه على يقين ان العاملين بالدلوة كلهم او جلهم من منسوبي الحزب الحاكم او مريديه …. وميزة برلماننا أنه لا يحاسب وهو يضع شعار (عفا الله عما سلف) نصب أعينه فليس من اللائق أن يُسأل وزير المالية عن الازمة ولم لم يتحسب لها وكيف ولم تتنبه حكومتنا الراشدة إلا بعد ردح من الزمان ان خروج النفط من الموازنة سبّب خللاً بالميزانية … ثُم هلل المجلس وكبّر حين أعلن الرئيس محاربة تجنيب الاموال وهو تهليل مشحون بالفرح كفرحتنا برجوع الكهرباء بدلاً من غضبتنا لإنقطاعها ..!!! هلل المجلس وكبر لان الحكومة وبعد عشرون عاماً ونيف إكتشفت أن التجنيب مؤذي ومضر بالإقتصاد … وأن عدم الإلتزام بقوانين المراجعة المالية والمحاسبية في ضرر بالبلاد والعباد …ولم يسأل أي من السادة النواب وماهي تلك الجهات التي تقوم بتجنيب أموالها وماهي تلك الجهات التي لا تلتزم بقوانين المالية والمحاسبية …بل صار عدد منهم يصرخ بهستيريا وطنية مطاليا بضرورة واهمية الاسراع بجازة الحزم الاقتصادية دون حتى ان يتريثوا لمعرفة تفاصيلها مما دعا الرئيس لتهدئتهم وتنبيههم بان القرارات مفصلة سياتي بها السيد وزير المالية فسكتوا على مضض وهم يرددون مع العملاق ود الامين (يايوم بكرة ماتسرع تخفف لي نار وجدي) …القرارات الإقتصادية إهتمت بكل شئ إلا المواطن …. ولم ولن تتضمن حلولاً حقيقية حول تطوير موارد الإنتاج ومحاربة الفساد وإيجاد إيرادات خارج حاجة المواطن أو دون أن تشكّل له ضغطاً إضافياً …..قرارات جاءت مفترضة لقبول المواطن لها دون مناقشة ويُحبذ تهليه لها وتكبيره … إن الشعب السوداني شعب واعي مدرك وقادر على تحمُّل الضغط ولا يمانع في وضع حجر على بطنه بشرط أن تضع الحكومة وحزبها الحاكم حجران أحدهما على الفساد والآخر على الإنفاق الحكومي البذخي … وأن تعمل الحكومة على إعادة بناء الخارطة الإجتماعية ومراجعة صور الثراء االفاحش التي ظهرت على عدد من قيادات الدولة قبل الإنقاذ لم يكونوا شيئاً مذكورا … فتطاولوا بالبنيان وإمتلأت جيوبهم وكروشهم وحساباتهم المصرفية بالمال والبنون والحفدة … ولا يستقيم في ظل هذا التباين الطبقي بين طبقة حاكمة متخمة وطبقة محكومة فقيرة أن يُتوقع وقوف الشعب مع تلك القرارات هي قرارات لا تعدوا أن تكون حشفٌ وسوء كيل وذراً للرماد بعيون الكافة مع شئ من تضليل … وهي القرارات التي قال فيهاأحد قيادات الدولة أن عائداتها ستسنزفها الأجهزة في مكافحة عمليات مقاومتها وإن كان في حدود البمبان الإيراني المضروب نافذ الصلاحية ومنتهيها …الإنقاذ بإنغلاقها على ذاتها السياسية ظنت أن الشعب هم اولئك الذين هم حولها من أصحاب المصالح ونافخي أبواق الخديعة ومطلقي البخور وتناسوا في الخضم أن الشعب هم اولئك الذين اكتوا بالضيق المعيشي لازمان طويلة والذين ستتساوى عندهم يوما ما مسألتي الموت والحياة هم الذين سيقولون (لا) …. وهم الذين سيخرجون إلى الشوارع دون تنظيم او تخطيط إلا بشعور جمعي بالضيق لا مناص معه من التفريغ بالصراخ بصوت عالي ومخلص (لا) … حتى لا يبقى أمام الحكومة الا اسقاط النظام او اسقاط القرارات الاقتصادية خاصة وانها تحسبت لذلك بالتصريح بان الشعب اذا رفضها فان الحكومة ستتراجع عنها دون ان تقول ما هي البدائل ولو كان هنالك من بدائل فلم لا تلجأ لها الحكومة ابتداءاً ..؟!! والخوف كل الخوف ان تكون الحكومة تنتهج نهج (الحنين) الإقتصادي و(الحنين) واحد من أبناء حينا ترك له والده ثروة جيدة عبارة عن منزل وأثاث فصار يبيع قطع الأثاث كلما احتاج لمال حتى لم يبقى له شئ … وصار البيت فارغاً أكثر من فؤاد أم موسى …فتلفت يمينا ويسارا ثُم قرّر (بيع البيت) ….والله المستعان ….
أحمد موسى عمر المحامي
[email protected]
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
الغرض أجيبو من وين يا أحمد موسى!
حصل اتلاقينا في أي بوست قبل كدة؟
ما كنت محتاج تسألني بالمناسبة لأني فوق قلت ليك السؤال الما عاجبك جليهو
بس معليش يا استاذ لو قصدك إنه المقالات الفوق دي إجابة على سؤالي خليها
أنا عاوز إجابات مباشرة
تراجي وقريمان برضو كانوا بكتبو مقالات زي دي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
ممكن أضيف؟
سؤال جديد يعني
شايفك مرتين بتكرر لدينق إنك سألت ناس عنه
ما فهمت إشاراتك المتكررة دي لشنو!
طالما طرحت الموضوع في العام وما رسلته لدينق في الخاص يبقى مافي مانع استوضح منك الأمر الاتكتب قدامي
الناس ديل منو وسألتهم عن شنو بالضبط؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: شايفك مرتين بتكرر لدينق إنك سألت ناس عنه
ما فهمت إشاراتك المتكررة دي لشنو!
طالما طرحت الموضوع في العام وما رسلته لدينق في الخاص يبقى مافي مانع استوضح منك الأمر الاتكتب قدامي
الناس ديل منو وسألتهم عن شنو بالضبط؟ |
هههههههه ماشايف إنك غصت زيادة ؟؟؟
لعلمك دينق أخ وصديق
صاح قاعدين نختلف لكن يظل إنسان محترم
وفي فترة غيابي عن سودانيز لأسباب نفسية خاصة بإنتقال الأخ العوض المسلمي
كنت بسأل عن دينق وأخرين وعن أخبارهم
بسأل أصدقاء بقابلهم في أزقة الفيس والواتساب ..
الإجابة كافية ؟؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
اخليها كيف المقالات ؟؟
موش هي رائي في النظام ولا شي تاني
وموش هي منشورة علناً ولا مدسوسة
موش هي مكتوبة والنظام قاعد ولا كتبتها بعد زواله ؟؟؟
أنا مابخلي سؤال لو نيتك نقاش
من حقك تسأل ومن واجبي أجاوب
دي معادلة المنبر العام
أنا ياسيدي ما حصل يوم بالغلط إشتغلت (مع) الإنقاذ في أي مؤسسة أو جهاز
و الإنقاذ عندي كمواطن نظام لو أخطأ بنتقده علناً
بدون خوف
ما عندي ليه شي زي مابقولو ..
وما كان النظام يوم مصدر رزق لي والحمدلله
يعني حتى الوظيفة العادية بتاعة الخدمة المدنية دي الحمدلله ما إشتغلتها
هل دي إجابات واضحة ؟؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
لعلمك ..في 2005 ولحدي 2010 تقريباً أنا كنت منتمي للحركة الشعبية
وكنت عضو لجنة ترشيح دستوريين في ولاية البحر الأحمر
وأحمد الله إني حتى في الفترة دي ربنا عصمني من العمل في الإنقاذ
وفي الحوار الوطني ما كنت حزب ولا محاور ولا حتى شخصية قومية
بالعكس لمن رشحوني كشخصية قومية إعتذرت والحمدلله
ولمن كلفتني أحزابنا بشرق السودان بعضوية الأمانة العامة قبلت لأنه شغل فني ماسياسي
وبعد إنتى الحوار كلهم تم إستيعابهم في أماكن مختلفة
إلا أنا ... إعتذرت ..لاني محامي ..دي الشغلة الربنا أداني ليها ..وبعرفها
ولمن أحزابنا بتاعة الشرق طلبت مني أمشي جوبا برضي إعتذرت في الأول
ولمن طلبوني لشغل فني أكتر منه سياسي وبعرفه سافرت مرتين
كل مرة أكتر من إسبوعين وقمت بشغلي ورجعت
شكروني وشكرتهم
وانا حاليا شغال نفس شغلي في الحوار الوطني (مقرر) لمسار الشرق
وده إختيار من قيادات أحترمها وأقدرها وأشكرها أنها دفعت بي للمهمة دي
اها كدة تمام ولا في شي ناقص
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
{ما أظُنّ ان تبيد هذه أبدا} … او لسان حال أهلُ الإنقاذ..!!
أحمد موسى عمر المحامي
[email protected]
يقول الطبري في تفسيره للقرآن لقصة صاحب الجنتين : يقول تعالى ذكره : هذا الذي جعلنا له جنتين من أعناب ( دخل جنته ) وهي بستانه ( وهو ظالم لنفسه ) وظلمه نفسه : كفره بالبعث ، وشكه في قيام الساعة ، ونسيانه المعاد إلى الله تعالى ، فأوجب لها بذلك سخط الله وأليم عقابه .والقصة نقراها كُل جمعة علّها تكون لنا نوراً بين الجمعتين, نقراها ويقراها كثير من قيادات الإنقاذ ويبكي بعضهم حتى تبتل لحيته بالدمع لا تُجففه إلا برودة التكييف المركزي وعلى بضع اميال منه تقبع إمرأة تفترش الأرض وتلتحف السماء ليس بينها وبين الجليل الرحيم من حجاب , ترفع أعينها وهي تتسائل في عجب عن حالها وابناءها وتُكثر من (الحمدلله) تبتغي بها رضاء الله مؤمنة بالحق وبالعدل إيمان إمراة فرعون التي قالت لما اشتد عليها العذاب ورات الموت قالت ” رَبِّ ابْنِ لِي عِنْدَكَ بَيْتًا فِي الْجَنَّةِ “قال ابن كثير ” فكشف الله لها عن بيتها فى الجنة فتبسمت ثم ماتت ” (إن أبني لي عندك بيتاً في الجنة) … ونؤمن يقيناً أن التبياين في الرزق حكمة إلهية فقد قال عز وجل )والله فضل بعضكم على بعض في الرزق( ولكنه تفضيل بحقه السماوي … وتعلو الابنية (الإنقاذية) دون ان يسال (الأخوان) بعضهم بعض (من أين لك هذا) خشية ان يرد التحية بمثلها أو (شرٌّ) منها فيُقبل بالسياق (فقه السُترة) …. ويُقبل بالسياق ان (خلوها مستورة) … وهي مستورة فيما بينهم ولكنها يقيناً ليست مستورة عند مليك مقتدر نتساءل عنده حينئذٍ {مَالِ هَذَا الْكِتَابِ لا يُغَادِرُ صَغِيرَةً وَلا كَبِيرَةً إِلاَّ أَحْصَاهَا} … ونسمع أصوات هنا وأصوات هناك تقول بأني ارى تحت الرماد وميض نار وأن الفساد تحركت نسبته من (بضع بالمئة) وغادر محطة البضع مع شيخ قال بتلك النسبة فغادر الصولجان , غادرا معاً (الشيخ والنسبة) …. فذهب الشيخ إلى المنشية وذهبت النسبة إلى الأمام عدداً وعدة … ومرت مرورها اليومي بصحائف كُتاب الرأي ونواب مازالوا (يظنون) بنفسٍ بريئة انهم يمثلون للشعب … يستدعون الوزراء ويشكلون لجاناً للتحقيق لمحاسبة الحكومة لياتي القول الفصل من (الحكومة) انني بريئة براءة الذئب من دم الشعب وماله , (فالحكومة تحقق مع الحكومة وتتوصل إلى براءة الحكومة وإدانة البرلمان ) ونحن نجلس على أرصفة الزمان ونفكر بصوت خفيض (طيّب لو الحكومة بريئة البرلمان ده مُضيّع قروشنا في لجان تحقيق فارغة ليه..؟!!!) وتسيل منّا (ريالة) كتلك التي اطلقها الباشمهندس عثمان ميرغني في لحظة يأس وحنق بعموده … ثُم تثنشئ الحكومة (مفوضية للفساد) على الهواء الطلق تفرح لها بضع نفوس متفائلة وآملة وتتحول عن صدر القرار مكتوباً إلى (آلية لمتابعة مايُكتب بالصُحُف) …!!! وهو امر لا يحتاج بظننا البسيط كشعب إلى آلية , فما يُكتب بالصُحف لا يحتاج إلى آلية بدرجة وزير دولة أو حتى وكيل وزارة , فمع وجود اجهزة مُتخصصة في الامر من امن إقتصادي وإدارة ثراء حرام ومشبوه ومُراجع عام و(برلمان) يُفترض في نوابه قراءة الصُحُف الامر لا يحتاج غلى جسم خامس إلا إن كانت (الحكومة) تُريد إنشاء جهة أكثر (حنّية) لمحاربة الفساد الذي يُكتب بالصحف … والحكومة(عندنا) هي آخر من يؤمل منها محاسبة الحكومة ولا ينبغي لها ذلك خاصة في ظل وجود (برلمان) مُمثل للشعب فالشعب عبر مُمثليه هو من (يُحاسب) الحكومة … أو هكذا نظن …!!! والفساد كما قال بحق احد قيادات الإنقاذ لا يحتاج إلى مُفوضية , فالفساد ظاهر يعلمه راعي الضان في الخلاء ,مكتوب في تقرير المُراجع العام ومرصود في جهاز الامن الإقتصادي ومعلوم للبرلمان بلجانه المختلفة … وتلوكه الصُحُف … ولكن : حتى ما فضحته الصُحُف وفُتح أُغلق سريعاً وتم تناسيه وإلا فماذا تم في قضية جوكية المصارف …وسوق المواسير …. وصيحات كرم الله عباس القديمة بوجود فساد وإستعداده لكشفه إبّان تولي د. عبدالرحمن الخضر للولاية ماذا فعل فيه بعد أن تبوا منصب الوالي إنتخاباً ……ثُم قضية التقاوي …واخيراً قضية الأقطان والتي نتجاهل عمداً سؤال حول عدم ظهورها في تقرير المراجع العام برغم قدم زمان حدوثها … الامر الذي يجعل السؤال حول حدود المراجع العام في المراجعة مشروعاً …فهل هنالك مناطق تظل ممنوع الإقتراب منها او التصوير للمراجع العام … أو ان آليات المراجعة أضغف مما هو مطلوب … أو ان معايير الخلل عند المراجع العام تُقيّد من حركته …أم أنها قصة (خلوها مستورة) صارت ديدناً للاخوان … ليبقى سؤال كيف فات ذلك التجاوز الخاص بالاقطان على الأجهزة هو الأهم والاخطر والمفترض إجابته … فتلكم إشارة إلى ان ثُقوب آليات المتابعة أكبر من ان تقبض مخالفات بهذا الحجم …فالأقطان هي قضية نظام محاسبي وقانوني يحتاج إلى مراجعة حتى لا ننتظر الصحف أو إدارة الامن الإقتصادي لإكتشاف تلك الأخطاء وبعد ردح من زمان …الفساد موجود ولو تيقنت الحكومة من عدم وجوده او كفاية الأجهزة الحالية والقوانين لمحاربته فيكون معها آلية أبوقناية هو جزء من ترضيات للصُحُف او لأبوقناية تعويضاً له وذر للرماد …وإضاعة لاموال جديدة هي تكلفة تاسيس المفوضية والامر حقاً لا يحتاج إلى آلية او مفوضية ولكنه يحتاج لتطوير الاجهزة الحالية ومراجعة القوانين المسيّرة لها يحتاج إلى فتح المجال واسعاً لنواب البرلمان بالمحاسبة فالنظام البرلماني الراهن لا يمنح البرلمان حتى حق إعفاء وزير ولكنه فقط يرفع توصية للسيّد رئيس الجمهورية يقبلها او يرفضها … وما قضية المتعافي ببعيدة عن الأذهان أدخله البرلمان (مُتهماً) وأخرجته الحكومة (بطلاً حكومياً) وكوفئ بعودته لذات الوزارة وحمد البرلمان ربه انه لم يُعاقب ..!!! … ومن آليات مكافحة الفساد المتوفرة حالياً إدارة الثرام الحرام والمشبوه … والثراء الحرام يتعلق بمعاملات السوق الربوية و الثراء المشبوه يتعلق بغيرها من معاملات كغسيل الاموال والتجاوزات المالية الحكومية وغيرها وتتقاطع تلك الصلاحيات مع نيابة المال العام فالاجدى فصل الثراء الحرام عن المشبوه وضم الإدارة لنيابة المال العام ومنحها صلاحيات اوسع على أن يكون رئيسها مستشاراً بدرجة وزير دولة يتبع لرئاسة الجمهورية عبر مستشاره القانوني او وزير العدل مع رفدها بهيئة مستشارين ويكون من أوجب واجباتها التحقيق حول ما تتناوله الصُحُف والمنابر الإلكترونية والتي تمتلك مساحة رأي اكبر بالإضافة لمايُرفع إليها من المجلس الوطني ومايُحال إليها من الاجهزة العدلية والامنية المختلفة كإدارة الامن الإقتصادي والتي يكون لها تمثيل هام في كل لجان تحقيق الادارة … الفساد قلّ او كثُر يُعطّل من مسيرة التنمية والفساد ليس هو عقود أو عطاءات خارج الشرعية الإجرائية بل هو كُل تجاوز إداري بسوء نية او نتيجة إهمال او محاباة أو عدم إتباع للطرائق القانونية ولو صحت المعاملة بعدها وغيره من تجاوزات … فمحاربة الفساد واجب على الجميع حكومة ومعارضة وشعب ومحاربة الفساد (حق) والساكت عن (الحق) شيطان اخرس والمولى (امرنا) بأن نتواصى بالصبر وان نتواصى (بالحق) والمصطفى (ص) قال ما نهيتكم عنه فإنتهوا وما امرتم به فأتو ما إستطعتم منه ) ……فهلا إستجبنا …؟!!! …. والله المستعان على الحق …
أحمد موسى عمر المحامي
[email protected]
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
فلنحذر غضبة الحليم فإنها (قِسمةٌ ضيزى) …!!!
أحمد موسى عمر ــ المحامي
[email protected]
إحتدم النقاش ساخناً بين (راكبة) و(قائد) مركبة حيث (فوجئ) كلاهما بزيادة فُرضت عليهما (ليلاً) على أسعار الوقود تفادياً لأزمة إقتصادية قبضت بخناقها على عُنق الوطن , وفي مكتب فخيم يٌبرِّر مسئولاً مالياً كبيراً بالدولة أسباب الزيادات مؤكداً أنها كان من المُفترض أن تتم قبل ردح من الزمان و(مُبشراً) بأن الزيادة تخفض من الدعم الحكومي لأسعار الوقود مايوازي (2) مليار جنيه ستُدعم منها الشرائح الضعيفة بماقيمته (1.8) مليار جنيه وإحتراماُ لمسئولية المسئول لا نسأل عن (0.2) مليار جنيه فهي إن تٌبد لنا تسوءنا … ليكون حظ الشرائح الضعيفة منها (100) جنيه شهرياً دخلاً و(300) جنيه ونيف صرفاً … ولو سأل (المسئول) كل (المسئول عنهم) لأجمعوا سكوتياً بموافقتهم على التنازل عن الـ (100) جنيه مقابل بقاء أسعار الوقود كما هي تفادياً لشجار ينشب بين مواطنة ومواطن على أمر لم يسألهم فيه أحد … وتحسباً لحُمى تنتظم البلاد بزيادات تفوق قدرة المسئول عنهم ويفوق مجملها الـ(100) جنيه بعُدّة أصفار فمُعادلة زيادة الوقود والمحروقات ليست بالمعادلة البسيطة فهي معادلة شائكة تتمدّد فيها أسعار الوقود والمحروقات بكل السلع الإستهلاكية والخدمية وتتنامى تلك الزيادات سرطانياً تنهش جسد الوطن وقدرة المواطن , والحديث عن تخفيض مخصصات المسئولين بنسبة 25% يخيب مرماها بدلاً أن يصيب (إحترام) ليشب سؤال حول هل كانت مخصصات المسئولين (أكثر) من حاجاتهم بذات النسبة ؟؟! أم أنهم الآن سيحصلون على حاجاتهم بنسبة (25%) أقل من المطلوب ؟؟! ثُم وهذا الأهم فمن أين سيعملون على تغطية العجز في ميزانياتهم المنقوصة بنسبة (25%) ؟؟! وهم (مجرد) مسئولون لا يملكون القُدرة على أداء أعمال إضافية خارج وظيفتهم الحكومية كبقية خلق الله الذين يعملون على تغطية العجز في ميزانياتهم بأعمال إضافية مسائية وبأيام الإيجازات … ثُم وقد شارفت البلاد على النقصان بنسبة الـ(30%) من مساحتها ومسئولياتها فلم لا ينقص عدد المسئولون بذات النسبة وزيادة ؟؟! لماذا لا تتقلص الوظائف الدستورية إلى حدود الـ (50%) طالما أن البلاد مُشرفة على ضغط إقتصادي حتى لا يشعر (المواطن) برهق سداد مستلزمات مسئولين لا تحتاج لهم بلاد نقصت مسئولياتها بمقدار الثُلث فإنقاص نسبة الـ (50 % ) من المسئولين من وزراء ومستشارين وأعضاء برلمان وولاة ووزراء ولائيين ومعتمدين ستفئ على البلاد اكثر مما تحتاجه من اموال تُحمّله (مواطن) مغلوب على أمره , و(الإنقاذ) ببداياتها سارت بحوالئ ربع أو ثُلث المسئولين الحاليين وأنجزت ثلاثة أو أربع أضعاف ما أنجزوه الحاليون من مسئولين … ثُم نقاش محتدم آخر بين الحكومة (قائد) مركبة البلاد والمُعارضة (الراكبة) على تخوم المركبة حول تحريك الشارع السوداني حيث (فوجئ) كلاهما بوجود شارع سوداني يُمكن تحريكه بريموت رغائب الطرفان (حاكمٌ ومُعارض) …!!! وبين زيادة أسعار الوقود والمحروقات وما تبعها من زيادات وحديث المصطفى عليه أفضل السلام (من شق على أُمتي شقّ الله عليه) هو الوشيحة و العهد النبوي ورحمة الله التي تفئ على الطائعين بالخير الوفير والسند الإلهي , وهو خارطة طريق لمن وعى الرسالة و هو دُعاء على من غرته الحياة الدُنيا … وأجمل ماكتب الأستاذ عبدالباقي الظافر في تيار الجمعة 7 يناير 2011م من أن (صحيح أن الحكومة تحسب أن المُعارضة ضعيفة ومتشرزمة .. ولكن الصحيح أن كل الإنتفاضات الناجحة في السودان لم تقدها المعارضة المنظمة ) … فإكتوبر 1964 فجرتها (غضبة حليم) هو الشعب السوداني وسرقتها احزاب لم تصمد أكثر من خمس سنوات وإبريل 1985م فجرتها (غضبة حليم) وسرقتها احزاب الديمقراطية الثالثة ولم تصمد أكثر من أربع سنوات … وفي دراسة لنيل ماجستير العلوم السياسية توصّل دارس سقط إسمه عني سهواً أن أكبر أخطاء الإنتفاضة أن قامت بها منظمات مجتمع مدني ونقابات والنقابات بحسب الدراسة ليس من مهامها تغيير الأنظمة … فالنقابات هي المخزون الجماهيري الأوسع وإنتفاضة إبريل سرقتها أحزاب تعودت البيات الشتوي والإستيقاظ بلحظات مغانم الكسب السياسي , فالثورات يُفجرها الثوار ويُفاد من الإنتهازيون ولكن الشعب السوداني لم ولن يكون يوماً اداة لتحقيق مآرب (المُعارضة) الأُخرى , والشعب السوداني يجب على الحاكمين الا يأمنوا ردات فعله حين تمس القرارات حتمية بقاءهم على قيد الوجود بشكلِ كريم , فالسوداني أبي , كريم , وطني , حريص على سيادة بلاده وأمنه وإستقرارها … هذه الصفات وتلك القيم والمبادئ تمنحه خصلة الصبر وليس الإنحناء … وبالعودة لصراع الحكومة والمعارضة على (شارع) تعود المراقبة والتقييم نجد اللغة تزداد وتيرتها وتُخطئ نبرة تهديد مسئولوا الامن بأن من يريد الخروج فليجرب والنبرة تتناسى عجز القوى السياسية عن الخروج أو الإخراج فالذي يخرج هو (الشارع) السوداني والذي يُخرجه هو بلوغ أقصى درجات الضيق والتي تؤدي إلى طريق واحد هو الإنفجار … والذي يُثير فيه الجنق الجماهيري قرارات القسمة الضيزى والتي تمنح الشعب (100) جنيه لزيادات تربو على ال(300) جنيه ونيف والامر يحتاج إلى معالجات وليس تخويف أو تخوين ( فمن يشقُّ على أُمة خير الخلق يشقُ عليه رب الخلق ) والحل في التيسير على العباد والرجوع إلى الحق فضيلة فالحق أحق أن يُتبع والحق قديم فوصية الفاروق رضي الله عنه وأرضاه لقاضيه ولكل قاضيٍ قادم في سلك القضاء أو مراكز القرار أن لا يمنعنك قضاءاً قضيت فيه وراجعت فيه نفسك أن تعود عنه , والعودة تكون بالتراجع عن القرارات السالبة .. وتكون العودة أيضاً بمراجعة حقيقية لتداعيات القرارات الآنية ووضع حلول أكثر جكمة من زيادة (100) جنيه لا تُغني ولا تُسمن من جشع السوق وهلع التُجار الذي عدلوا من كافة أسعار السلع لتضيع زيادة الراتب في جزء من الإسبوع الاول ويبقى بقية الشهر رابضاً على صدر شرائح أقرت الدولة بضعفها , فالأمر الآن ليس قُدرة المعارضة على تحريك الشارع أو عدم قُدرتها , الأمر الآن هو كيفية القضاء على أسباب إحتياج الشارع لمن يحركه من عدمه … والمسألة تبقى في إلتزام الدولة الأخلاقي في توفير سُبُل العيش الكريم وعلى الأجهزة المختصة التوقف بشكل جاد لمراجعة من يستحق نيل رضاءه هل هو الشعب أم القُوى السياسية التي تقاتل بشكل دائم من أجل زيادة حصتها في التمثيل الحُكومي وتعمل الأجهزة الحاكمة على إرضاء الساسة على حساب شعب أغلبه شرائح ضعيفة بإقرار الحكومة نفسها وتبقى ضرورة مراجعة عدد الوزارات والولايات والمعتمديات كلها مسئولية تأريخية تقع على رؤوس الحُكم بالبلاد فالتعليم بالبلاد مثلاً لا يحتاج إلى وزارات التعليم العام والعالي والتقني والموارد البشرية , التعليم يحتاج إلى اموال تسيير تلكم الوزارات ولو سخط الوزراء فستنال الدولة رضاء الشعب الذي يُعوِّض يقيناً سخط أولئك الوزراء … و تنمية المجتمع لا تحتاج إلى وزارات رعاية إجتماعية وضمان إجتماعي وشئون وأُسرة وطفل وشباب , تنمية المجتمع وترقيته تحتاج إلى وزارة واحدة وإمكانيات أربع أو خمس وزارات تعمل حقيقة على تنمية المجتمع وترقيته وليس تنمية مسئولي مجتمع وترقيتهم !!! وغيرها من معالجات تبقى هي الكي الحقيقي وليس قصم ظهر ميزانية (مواطن) تبقى شهرياً هماً له وليس فرجاً كما هو مُتوقع … مسئول المال عليه أن يُراجع قسمة المال الضيزى فما أفاء به من زيادة ألقت بأعباء حقيقية أكبر من تلكم الزيادات … وعلى مسئولي الامن بالبلاد التبحُّر في مفهوم الأمن الإجتماعي بدلاً من الامن السياسي … وعلى رؤوس الحكم بالبلاد وضع حديث أفضل الخلق بدلاً من دستورنا الإنتقالي وجعله قِبْلَة إدارية وهادياً وصراطاً مستقيم … اللهم هل بلغت , اللهم فأشهد … والله المُستعان …
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
| Quote: هههههههه ماشايف إنك غصت زيادة ؟؟؟ |
لا لا ما غصت لأنه هو سألك ذات السؤال وما جاوبته بس حبيت استفهم ما أكتر
| Quote: من حقك تسأل ومن واجبي أجاوب |
لا لا ما من واجبك .. الموضوع بكامل اختيارك ولو ما جاوبت ما ملام
| Quote: أنا ياسيدي ما حصل يوم بالغلط إشتغلت (مع) الإنقاذ في أي مؤسسة أو جهاز |
ولا الحوار الوطني؟
| Quote: هل دي إجابات واضحة ؟؟؟ |
أنا ما شايف الإجابات ذاتو عشان اقدر أقرر هل هي واضحة ولا لأ
دي الأسئلة:
1- كيف تقول عليها حكومة قتلة وفي نفس الوقت تؤيد مدير أمنها ومستشار الرئيس ؟!
2- هل كنت متبني (المنظومة الخالفة) بتاعة حسن الترابي وبتعتبرها مجهود عظيم من نابغة؟
3- انضمامك للحوار الوطني الاتعمل لتلميع الإنقاذ كان تحت ياتو كيان ؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: 1- كيف تقول عليها حكومة قتلة وفي نفس الوقت تؤيد مدير أمنها ومستشار الرئيس ؟!
2- هل كنت متبني (المنظومة الخالفة) بتاعة حسن الترابي وبتعتبرها مجهود عظيم من نابغة؟
3- انضمامك للحوار الوطني الاتعمل لتلميع الإنقاذ كان تحت ياتو كيان ؟ |
3. إنت قاعد تقرأ إجاباتي .. ولا مركز في أسئلتك بس ؟؟
أقرا فوق ..اعتذرت عن المشاركة السياسية و قبلت المهمة الفنية كقانوني أراقب حوار بين طرفين
2. للأن بعتبر د. حسن عبدالله الترابي نابغة دستورية وده راي علمي ماعارف المشكلة وين فيه
موش أنا سياسيين كبار إعترفو ليه بالنبوغ
1. وين أنا أيدت مدير أمن ومستشار الرئيس ؟؟
انا نزلت ليك نماذج لمقالات توري راي في الإنقاذ
هل إنت قريتها ؟؟؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
الرأي بتاع المقالات قلت ليك فوق ما بقنعني أنا عاوز عمل
1- كيف تم اختيارك كقانوني للحوال الوطني؟
2- وين النبوغ الدستوري لي حسن الترابي؟
3- هل دافعت عن النظام الخالف اللي جات بيه الحركة الاسلامية كقارب نجاة للإنقاذ؟
4- أوردت ليك فوق 3 بوستات ليك عن نافع على نافع مدير الأمن ومستشار الرئيس وعضو شورى الحركة الاسلامية واللي ظل ذراع البشير لحدي آخر يوم في حكمه
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: الرأي بتاع المقالات قلت ليك فوق ما بقنعني أنا عاوز عمل
1- كيف تم اختيارك كقانوني للحوال الوطني؟
2- وين النبوغ الدستوري لي حسن الترابي؟
3- هل دافعت عن النظام الخالف اللي جات بيه الحركة الاسلامية كقارب نجاة للإنقاذ؟
4- أوردت ليك فوق 3 بوستات ليك عن نافع على نافع مدير الأمن ومستشار الرئيس وعضو شورى الحركة الاسلامية واللي ظل ذراع البشير لحدي آخر يوم في حكمه
|
ممكن نمسك نقطة نقطة ؟؟
كدي أختار واحدة نخلصها ونشوف البعدها .. ممكن ؟؟
1. الأمانة العامة هي (20) عضو
إختارت الحكومة (10) والمعارضة (10)
وشرط الإختيار عدم الإنتماء
يعني إنت كعضو أمانة لازم تكون لا منتمي
ومهني
وأنا تم إختياري ضمن (10) المعارضة
والكلام ده قلته في منشور سابق
دي خلصت ولا فيها لسة شئ ؟؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
أنا قلت ليك كيف تم اختيارك؟ قصدي يعني الآلية الاختاروك بيها دوناً عن باقي الناس
المعايير اللي تم بيها الاختيار شنو؟
وكيف تم تصنيفك معارضة؟
هل كنت بتنتمي لي حزب معارض مثلاً؟
_________
بالمناسبة أكرر ليك تاني .. إنت بتجاوب تفضلاً منك فقط وما ملزم بأي حاجة
متى ما جاك احساس سالب أو حتى مزاج ساي ما داير تجاوب في امكانك تعمل نايم وانا بحترم رغبتك
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: أنا قلت ليك كيف تم اختيارك؟ قصدي يعني الآلية الاختاروك بيها دوناً عن باقي الناس
المعايير اللي تم بيها الاختيار شنو؟
وكيف تم تصنيفك معارضة؟
هل كنت بتنتمي لي حزب معارض مثلاً؟ |
للمرة التانية بقول ليك شرط الإختيار عدم الإنتماء لأي حزب
يعني أنا ما كنت منتمي لأي حزب
وآلية الإختيار كانت إجتماع لاحزاب من شرق السودان
وتداولو الامر وإتفقو على إختياري وأخطروني
المعايير كانت شخص له خبرة في المجال محل الإختيار أظن
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
بالنسبة لينا نحن عارفين إنه الحوار الوطني كان آخر محاولة لتبييض وجه المؤتمر الوطني واكتساب شرعية قومية
والشخصيات اللي شاركت في الحوار يا إما هي أصلاً موالية للحكومة يا إما منتفعة يا إما مغشوشة
عندنا مثلاً نموذج للمعارض المنتفع زي تراجي اللي قعدت سنة ونص في أفضل فنادق الخرطوم على حساب الشعب وفي النهاية تم تعيينها في البرلمان المنتخب
وأهي حتى بعد الثورة لما جات السودان من قولة تيت دعت لمليونية شكر الدعم السريع!
ما قاعد اقتنع بالمقالات المعارضة مالم ترتبط بنشاط سياسي لأنه عندي تجربة ماثلة أمامي اللي حسين خوجلي
من أكثر الناس اللي كتبت عن فساد الإنقاذ في فترات سابقة تم إغلاق جريدته عدة مرات بل وتم اعتقاله وتعذيبه لحدي ما مشى المستشفى بين الحياة والموت
بس في النهاية رجع الحظيرة زي ما حاصل حاجة
ديل الكوز عمرو ما يتعدل
________
أوكي تم اختيارك من قبل احزاب الشرق المشاركة في الحوار
إجابة مقبولة بالنسبة لي
لو ما عندك مانع واصل باقي الأسئلة
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: ما قاعد اقتنع بالمقالات المعارضة مالم ترتبط بنشاط سياسي لأنه عندي تجربة ماثلة أمامي اللي حسين خوجلي
من أكثر الناس اللي كتبت عن فساد الإنقاذ في فترات سابقة تم إغلاق جريدته عدة مرات بل وتم اعتقاله وتعذيبه لحدي ما مشى المستشفى بين الحياة والموت
بس في النهاية رجع الحظيرة زي ما حاصل حاجة
ديل الكوز عمرو ما يتعدل |
أولاً أنا مقالاتي هي تعبير عن رائي و هي نفسها نشاط سياسي في حدود إمكانياتي
لأني لا أنتمي لمنظومة سياسية يمكن أن أمارس عبرها نشاط سياسي
جماهيرياً شاركت في أغلب المسيرات و المظاهرات والإعتصامات لإسقاط النظام
ولو راجعت صفحتي في الفيس بوك كنت من ديسمبر بكتب منشور شبه يومي دعما لثورة ديسمبر
وعلني وباسمي
نقابياً عملت مع عدد من المنظمات القانونية الساعية لإسقاط النقابة
وده كل بشكل علني
حسين خوجلي كوز قد يكون نقده مرحلي لأغراض
أنا موقفي مبدئي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: ثم حيدر الزين ده ناديتو بالاسم ليه وعلاقته بالموضوع شنو ..
لاني شايفو مندهش ..
ولاّ أنا المندهش براي ما عارف .. |
لا لا انت المندهش يا ود القوز ..
انا فتحت بوست وقت القضية باسم زميل المنبر احمد موسى عمر يُقاضي البرهان وحميدتي والكباشي ..
وبكري الدخلو كمان في الموضوع طلبت منه يرفع البوست تقديراً لاعضاء المنبر تجاهل طلبي رغم تثنية المستنير دكتور ابوبكر عباس للطلب ..
وحقيقة بعد الثورة الظافرة الدكت اليكتاتورية وعرش تقييد الإعلام والحريات مفروض ومعانا الإخوة القانونيين بقيادة احمد عمر والملك يشوفوا صرفة مع استبداد بكري :)
وتنظيم موضوع رفع البوستات اعلي المنبر ومكتبة لأبوحسين .. لانه المسائل دي مامفروض تنفصل عن جو الحريات العامة بأي حال من الأحوال ..
ودا محتاج عريضة ووقفة !
ـــــــــــ..
بالمناسبة يابكري دي ماثورة ولا تحريض دا شرك لأي زول عندو رأي في قيادتكم الظافرة ..
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: HAIDER ALZAIN)
|
ما فهمتني يا أحمد موسى
أنا قصدي لا أحاكم الرأي - غير المبني على فعل - سلباً أو إيجاباً
الرأي حر .. وانت تملك كامل الحرية في كتابة آرائك عبر المقالات وما علي إلا احترمها على إنها رأي .. اختلف أو اتفق معاها بس بحترمها
ممكن أحاكم مشاركتك في الحوار لأنها فعل لكن ما ممكن أحاكم رأيك في الحكومة الكتبته في مقال
أنا بستفسر فقط عن تناقضاتك في محاربة حكومة القتلة بحسب قولك ودعمك - في ذات نفس الوقت - لكبير اراهبييها والمسؤول عن بيوت الأشباح
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: HAIDER ALZAIN)
|
يا زول أجمل حاجة غلاط المحامين .. كلام واضح ومنطقي ومرتب موش زي عمر التاج المستعد يعوس عشرة صفحات مدافع عن فكرة إنه الطاير في السماء فوق داك عتود
هنا يا عمك هزبراً أغلباً لاقى هزبرا :)
طقطقني في النقطة الأولى ! أقر واعترف وارجاهو في اللفة
في النهاية البدخل الفتيل فينا يقبلها من التاني : فلا تجزع فقد لاقيت حراً يحاذر أن يعاب فمتّ حرا
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
سلام الأحبة أحمد محمد عمر وحيدر الزين وودالقوز والمتابعين
فس البداية أنا بديت أتفهم نقطتك يا أحمد بتاعة المقال والفعل
أنا أمكن لاني شايف نفسي
ماشايغ شوفة الناس البرة مني
عشان كدة بقول المقال والفعل عندي واحد
طيب كدي نمشي لقصة الحوار الوطني
المعارضة اتقسمت نصين وكتها نص قال يحاور ونص قال مايحاور
حتى القالو مايحاورو لانهم كانو مقتنعين انه القصة دي ما حتمشي
لمن مشت قالو ما حتتنفذ
المهم الكانو مقتنعين انو الحوار ممكن يوصلهم مشو فيه و رشحو عشرة للأمانة العامة
وانا منهم ممثل للشرق
اها قبلها اختاروني محاور اعتذرت زي ماقلت ليك
لاني ما مقتنع اني سياسي
انا محامي بفهم القانون ودي حرفتي ومهنتي
اها لمن عدلو لي التكليف لتكليف فني قبلته
يلا انت كقانوني بتحمي حقوق الناس الكلفوك وده كان دوري ما كان عندي اي دور في الحوار السياسي نفسه
يعني انا لا بقترح لا بعترض
بس بحمي سلامة الاجراءات ما أكتر (كمراقب بصلاحيات أوسع)
اها أنا ممكن أجيب ليك أعضاء الأمانة العشرين وأنا كنت نمرة إتنين ونائيي نمرة تلاتة
لمن عينو ناس الأمانة عينوهم كلهم (17) منهم ... إلا نحن تلاتة
وعينو سبعة المعارضة في اللجنة العليا وسبعة المعارضة في الامانة
أنا ماعينوني ...
وده كان شي كويس بالنسبة لي ... لاسباب لقدام حنجيها ...
ده فيما يختص بالحوار
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
ده فيما يخص الحوار ..نرجع لنمرة اتنين
المنظومة الخالفة المتجددة
اها انا هي بالنسبة لي زيها وزي العولمة
يعني فكرتها ما كاملة عندي بالتالي مابقدر اقول فيها راي قاطع
انا امكن نقلت حاجات عنها لكن مابقول هي صالحة للسودان ولا لا لاني مافاهمها كويس
د.الترابي كلامي عن نبوغه من زاوية علمية أكاديمية ما أكتر
وبالمناسبة ورقة الحريات القدمها كحل للخلاف الكبير في الحوار كانت ورقة متقدمة (أأكاديميا)
وممكن نستعرضها هنا لو إتلقى زمن ونناقشها كفكرة علمية ونشوفها متقدمة ولا لا
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: المنظومة الخالفة المتجددة
اها انا هي بالنسبة لي زيها وزي العولمة
يعني فكرتها ما كاملة عندي بالتالي مابقدر اقول فيها راي قاطع
انا امكن نقلت حاجات عنها لكن مابقول هي صالحة للسودان ولا لا لاني مافاهمها كويس |
في الحقيقة الكلام دة غريب علي لأنك دافعت عنها في بوست 2016 وقلت Quote: (المنظومة الخالفة المتجددة) هي مشروع الشيخ الراحل حسن عبدالله الترابي ...
وهي ليست تنظيماً سياسياً كما يعتقد البعض ولا مشروعاً للوحدة بين الحركتين الإسلاميتين ..
إنما هي مشروعاً لنظام سياسي كُلّي |
طبعاً إذا عاوز تناقشها بي راحتك بس أنا ما بقدر اتقبلها لسببين
الأول أنا ما قانوني بالتالي ما حأفهم الأبعاد الأكاديمية حقتها
الثاني إني اكتفيت حد الشبع من تجارب الاسلاميين في السودان
الترابي اللي انقلب على النظام الديمقراطي وجاب لينا نظام عسكري ما مؤتمن على ديمقراطية وحريات
الترابي اللي استخدم نبوغه الأكاديمي القلتو دة في تجييش الشعب السوداني ضد أشقائه الجنوبيين في حرب جعلها مقدسة وجزاءها الجنة غير مؤتمن على السلام
الترابي اللي اترملت واتيتمت بسبب حربه الدينية أسر مئات الآلاف ويمكن الملايين في السودان وهو يحدثهم عن جنان الخلد الراجياهم جزاء محاربة الكافر جون قرنق كان أول من يعمل مذكرة تفاهم مع جون قرنق بعد فقدانه السلطة بمفاصلة رمضان
انت عاوزنا يا استاذ بعد 25 سنة من الدمار الشامل للسودان نجي نطبق الحلول اللي بيقترحها المدمر نفسه!!!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
الله اكرم وتصوم وتفطر على خير وجاييك للمنظومة الخالفة
كلامك المقتبس فوق ده قريته وماعارف كيف انت فهمته دفاع
ده خبر ونقل اكثر منه تحليل وماحلتتها لاني مالقيت اصلها اصلا
وهناك شكك في ان يكون احدهم على علم بها
يا مولانا احمد انا بفرق بين د حسن الترابي كمهني وبينه كسياسي
وعنده راي واضح في الاسلام السياسي ماداسي
انو الحركة الاسلامية دي ممكن تكون مقبوله عندي كحركة دعوية
تلقك في الشارع تدعوك
استجبت كان بها
ما استجبت ماعندها بيك شغلة
لكن استخدام الدين كامبريلا للسياسة هو (يشترون بايات الله ثمنا قليلا)
وهم (يقولون هو من عند الله وماهو من عند الله)
والانقاذ عندي نظام فاسد ومليان حرامية ومفروض يتحاكمو بالمادة 177/1 ويعلقو في المشانق
يايرجعو قروش البلد ويتسجنو اقل شي عشرة سنوات
معاي ؟؟؟
طيب قصة نافع دي زي قصة الترابي واحد
نافع استفز القوى السياسية من حزب امة لغيره وده كان مفرح بالنسبة لي لانهم يستاهلو
يستاهلو ليه ؟؟ لانهم ضعاف .. وجروا للمؤتمر الوطني
وعشان كدة كتبت انه المؤتمر الوطني احسن منهم لحظتها
لانه واقف في حتة وهم لافين فيه وحوله
فهمت ؟؟
انا ياصديقي عمري ما اشتغلت في مؤسسة ولا جهاز تابع للانقاذ والحمدلله
حتى شغلي في الحوار كان عمل فني وبطلب من قوى معارضة شرقية
ولمن خلص الحمدلله كلهم اتعينو الا انا
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
انا ناديت حيدر زين هنا لاني بحبه وبحترمه
وناديت خضر الطيب لاني بحبه وبحترمه
هم اخواني
اتفقنا
اختلفنا
اهم اخواني بحبهم وبحترمهم
وبحب مناكفة خضر وصديق مهدي ودينق واخرين
نجي للانقاذ ... ما أكضب عليك اني كنت متضايق جدا من الديمقراطية التالتة
مشاكل
خلافات
حقي وحقك
عيادتي وارضي
ولمن حصل انقلاب 89 ماكنت عارف ديل منه
بس قلت الحمدلله
لكن كنت عارف انو دي طريقة غلط للحكم
وكنت متاكد انو رئيس الوزراء الشرعي هو الصادق المهدي برغم رائي في الطائفية بشكل عام
المهم .. بجيك تاني
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
تعرف يامولانا ؟؟
انا قانوني .زمحامي زي ما أنت عارف
ودي مهنتي البحبها وبعرفها
ماسياسي ..
ومواطن بفرح وبزهج بحب وبكره وبهمني في النهاية اعيش
امن
مستقر
حر
مرتاح
مابهمني يحكمني يمين ولا يسار ولا وسط
طائفية ولا قوى حديثة
المهم اعيش وفق الشروط الفوق
بالجنبة بحكم الدراما
وبحاول استفيد من خبراتي الدرامية القليلة في تطوير مقدراتي القانونية في الظهور امام المحاكم
اها الخبرات دي وحبة المام بالدساتير خلت اهلي في شرق السودان يستعينو بي
في الحوار الوطني ...مشيت معاهم
لجوبا منبر السلام مشيت معاهم لانهم اهلي وطلباتهم اوامر
وهم بخدمة اهلي فانا بخدم معاهم
كقانوني ما كسياسي
دقيقة اشرب لي حبة جبنة واجيك يازميل
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
زميل دي قاصد بيها زميل منبر مو كدة؟
لأني زول بتاع كمبيوتر ساي ما عندي علاقة بالقانون من ناحية أكاديمية
| Quote: إنما هي مشروعاً لنظام سياسي كُلّي |
كلامك عن النظام الخالف في المقتبس دة كلام شخص خبير يتنافى مع ما قلته الآن إنك ما حللتها وما قريتها ذاتو
رأيك في الترابي كمهني جبته من وين؟ وهل هو اشتغل بمهنة القانون أساساً ؟
مهنيته شفناها مع نميري وغطس بيها حجر البلاد والعباد بقوانين 83 وشفناها مع الإنقاذ ولي يوم الليلة ما قادرين نطلع من الحفرة الدخلنا فيها
مهنية دي غير أكاديمية موش كدة
كونه الزول شاطر وحفار ما معناها حيكون مهني ناجح لأنه الذكاء المهني غير الذكاء الأكاديمي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
الحوار الوطني كان محاولة لشرعنة الإنقاذ
فكرة إنه أهلي حلفوا علي ورضيت عليهم ما مبرر للمشاركة في مهزلة ناس تراجي وقريمان ومن تبعهم بانتفاع
ممكن أقبل دفاعك عن الحوار الوطني نفسه وتبرير مشاركتك ليه برؤية بتخصك انت
لكن ما بقبل حتة المجاملة في المبادئ من نوع أهلي وثقوا فيني وما حبيت أخذلهم
ودي نفس مشكلتي الجاية معاك في موضوع نافع لكن خليها لحدي ما نوصلها
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
| Quote: كلامك عن النظام الخالف في المقتبس دة كلام شخص خبير يتنافى مع ما قلته الآن إنك ما حللتها وما قريتها ذاتو |
ده كلام عام عن الفكرة بشكل عام سمعته او قريته من زول ما
انو هو نظام كلي ما تنظيم
زيه وزي التوالي
والمنظومة الخالفة للان مافي زول قال انا عندي نسختها الاصلية والكاملة
Quote:
رأيك في الترابي كمهني جبته من وين؟ وهل هو اشتغل بمهنة القانون أساساً ؟
مهنيته شفناها مع نميري وغطس بيها حجر البلاد والعباد بقوانين 83 وشفناها مع الإنقاذ ولي يوم الليلة ما قادرين نطلع من الحفرة الدخلنا فيها
مهنية دي غير أكاديمية موش كدة
كونه الزول شاطر وحفار ما معناها حيكون مهني ناجح لأنه الذكاء المهني غير الذكاء الأكاديمي |
(سمعت) وما متاكد قالو هو ومنصور خالد أشطر إتنين مروا بكلية القانون جامعة الخرطوم
(سمعت) وما متاكد أنو هو وضع دساتير عدة دول منها قطر وانو عمل الإنتقال
(شفت) ورقته للحريات في الحوار الوطني وهي ورقة متقدمة
وهو مارس مهنة القانون وكان نائب عام لجمهورية السودان في الديمقراطية التالتة
اما غطس حجر نميري دي فانا ماعارف ده شئ كويس ولا كعب
لكن شكله كويس لانه الناس اتفكت من نميري
وشكله بعدها غطس حجر البشير بالحوار الوطني
وبرضه ممكن يكون شي كويس من زاوية نظر ناس تانيين
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
تشكر يا افوكاتو على المودة والاحترام المتبادل...
وزي مابيقولوا كل شئ بدربه ..
أهم شئ بالله العريبي الأسمو احمد عمر دا تعضيهو لينا لمن يكورك هنا
موقف حيلنا ومنشف ريقنا بالغلاط .. وماقادرين عليهو
فيدك والبركة
رمضانكم كريم وكل عام وانتم بخير
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: HAIDER ALZAIN)
|
Quote: وجاييك للمنظومة الخالفة
كلامك المقتبس فوق ده قريته وماعارف كيف انت فهمته دفاع
ده خبر ونقل اكثر منه تحليل وماحلتتها لاني مالقيت اصلها اصلا
وهناك شكك في ان يكون احدهم على علم بها |
طيب يا مولانا انت منظومة لا شفتها لا شفت الشافها تفتح بوست للتبشير بيها وكمان تقول هي المرحلة الجاية بل وتقرر إنه نافع هو أفضل من يطبقها ؟؟!!!!!
بسيبك بس مع اقتباساتك في بوست 2016
| Quote: وفيه سنتناول أهم ملامح المنظومة الخالفة |
ياتو ملامح؟ وانت أساساً ما عارف عنها حاجة!!
Quote: نبدأ بالمنظومة المطلوب تطبيقها وإنزالها إلى أرض الواقع
(المنظومة الخالفة المتجددة)
هي نظام سياسي وليس تنظيم , ومخطئ من يظن ان الترابي كان مهموماً بوحدة الحركة الإسلامية
الترابي ووفق تتبع مسيرته هو ميال للكونية والكلية ولا يهتم بتفصيلات العمل السياسي
ووحدة الحركة الإسلامية تفصيلات عمل سياسي
المنظومة الخالفة نظام سياسي يحتاج لتربة صالحة لينمو فيها
هذه التربة هي دولة القانون والحريات .
والمنظومة تنظم وتضمن الحريات والمساواة والعدالة الإجتماعية
ولاتقصي أحد ... تنتظم كل القوى السياسية
سنعود لتفاصيل ذلك ومرجعياته كقراءة وتحليل |
هنا بتبشرنا بي إنها بتضمن الحريات والمساواة بل وكمان بتقل إنك حترجع بالتفاصيل!! الإنت ما عارفها!! بالقراءة والتحليل!! Quote: وهو من خط (المنظومة الخالفة المتجددة)
وهي وعاء سياسي يسع الكل يقوم على العدل والمساواة |
هسة دة كلام زول ما عارف! Quote: ده البحاول أطرحه هنا للنقاش العلمي
شنو الفرق بين المنظومة الخالفة والتوالي والإتحاد الإشتراكي السوداني
مبدئياً ولحدي ما نجي للتفاصيل المنظومة الخالفة المتجددة هي تطوير لممارسات سياسية سابقة
الراحل د.الترابي درس التأريخ السياسي جيداً وبحث في أخطاء التطبيق والتنظير
وحاول الوصول لمنظومة سياسية متجددة عن المنظومات السابقة
لا يدعي فيها الكمال ولكنها تطوير لسابقاتها وتُعدّل عبر التطبيق |
دة كلام العارف الحيجيب لينا التفاصيل
هل تقر بتناقضك في كونك فتحت بوست تبشر فيه بمنظومة انت ما عارف غير اسمها؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
انت كقانوني لما تتكلم عن المهنية بتوقع منك تتكلم عنها بمهنية موش سمعت وجابوهو لي
كلنا سمعنا إنه جامعة الخرطوم كانت مصنفة الثالثة عالمياً وإنه بروف عبد الملك عندو ثابت فيزيائي بي اسمه زي ثابت كولوم كدة وإنه لبنان رفضت دخول السودان لجامعة الدول والعربية وإنه وإنه وإنه وكمية من الطلس الكانوا سايقيننا بيه زمان
لكن في زمن النت وإتاحة المعرفة ما بتوقع اقرأ كلمة سمعنا من قانوني وهو يقصد بها القوالة الواحدة دي حدثوني لكن ما متأكد
فمعليش أنا برفض جميع الـ (سمعنا) بتاعتك وبتمنى تدلل على اعتقادك في مهنية الترابي بأدلة وشواهد معتمدة كعادة القانونيين
الترابي انضم للاتحاد الاشتراكي عام 1979 وكان وزير العدل والنائب العام إبان تطبيق مهزلة شريعة 83 وما صاحبها من قطع الأيادي والرقاب وشهدنا في وزارته اعدام الاستاذ محمود بسبب الرأي. فعن أي (شفت) تتحدث وانت تتكلم عن ورقته حول الحريات؟
شخص أعدم الحريات وهو يقوم بإنقلاب عسكري على عهد ديمقراطي ودعوش حرب الجنوب ليجعل من الدم والسلاح وقتل إخواننا في الوطن مدخلاً للجنة فعن أي حريات تتحدث
في عهده عرفنا أشد أنواع التضييق على الرأي والسلوك وحتى الملبس ولم يحرك ساكناً ثم تأتي ببراءة لتشيد بـ (ورقة) كتبها في مؤتمر تلميع الإنقاذ؟
الورقة شن سماحتها وهي بتجي من شخص على رقبته دماء مئات الآلاف وعهد كامل من القتل والتعذيب؟ يعني خطه سمح مثلاً!
غطس حجر نميري وكان شريك في دستوره المعيب السفاك دي حاجة بتنقص من مهنية الترابي
غطس حجر الإنقاذ دي حاجة بتخليه أغبى دستوري لأنه مافي زول بشارك في دستور عادل بتم وضعه بواسطة قتلة
الترابي لم يمارس مهنة القانون بحسب كلامه لأحمد منصور في اعترافات الجزيرة .. قال إنه بعد تركه للجامعة تفرغ لمشروع الحركة الاسلامية وكانت تصرف عليه اسرة زوجته الغنية! بالإضافة إلى نثريات تبرعات الحركة الاسلامية
يبقى يا مولانا حتى الآن ما شفت أي مهنية وزي ما قلت ليك كونه كان شاطر في المدرسة دة ما بالضرورة يكون دليل نبوغ مهني
كونك تقرأ كتب وتحفظ مقررات تجي بيها الأول دي ما بالضرورة يكون عندها علاقة ببراعتك في الأداء المهني اللي بيتطلب خبرة عملية ما اتوفرت للترابي لأنه فيما عدا الوظائف السياسية واللي فشل فيها كلها ما شفنا ليه نشاط مهني
يبقى يا مولانا
هل تعترف بي إنه الترابي ليس مهني ؟
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: دة كلام العارف الحيجيب لينا التفاصيل
هل تقر بتناقضك في كونك فتحت بوست تبشر فيه بمنظومة انت ما عارف غير اسمها؟ |
ههههههههه ماللدرجة دي
انا عارف في مشروع اسمه المنظومة الخالفة
وهو مشروع سياسي لنظام
ما مشروع تنظيم
هو محاولة دز الترابي لتطوير مشروع التوالي السياسي (حسب فهمي)
ودي كلها اخبار او معلومات انا بنقلها من مصادر قريبة لدكتور الترابي
لا أكتر ولا أقل
موضوع نافع تاني نقوله
جزء منه حلم نقلته وهو عنده علاقة بصف الصلاة ما بنافع
وجزء منه كان غيظ من الاحزاب الكانت بتتهافت على المؤتمر الوطني
في وكت كان الشباب بحاولو يقلعوه من الحكم
سياسيا لا انتمي لاي جسم يتبع للمؤتمر الوطني
وما كانو بريدوني زاتو
المعلوم انني كنت انتمي للحركة الشعبية قبل انفصال الجنوب وحظرها من العمل
بعدها انتميت للجبهة الشعبية احد مكونات الحرية والتغيير واحد مكونات الجبهة الثورية
والان انا مباشر معاهم مفاوصات جوبا مع الحكومة كقانوني ومسئول الملف القانوني
كسرة انا معجب ومحترم طريقتك في النقاش
وكويس نتناقش
احالو اشرح
وفي اثناء الشرح بعرف غلطي شنو برضه
وفي مداخلة لحمور زيادة نبه للحتة دي
اني كتاباتي انا قاد بيها ناس ورسائل محددة او شي من هذا القبيل بجيب ليك كلامه
وكلامه صاح
وبعدها خالد ماسا تقريبا نبهني انو هو متفهم طريقتي بس بتضر
ونبهني اني عندي قراء قد يفهمو كلامي ده كدعم للمؤتمر الوطني
ومنها تقريبا وقفت من المنبر لسنوات وتزامنت مع وفاة المرحوم العوض المسلمي
رحيلة اداني حزن واصبح دافع لي للابتعاد
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote:
رمضانكم كريم وكل عام وانتم بخير |
وانت بالف خير يا صديق
Quote: تشكر يا افوكاتو على المودة والاحترام المتبادل...
وزي مابيقولوا كل شئ بدربه ..
|
اكيد كل شي بدريه وكل شوكة تطلع بدربها ياقول اهلنا
Quote: أهم شئ بالله العريبي الأسمو احمد عمر دا تعضيهو لينا لمن يكورك هنا
موقف حيلنا ومنشف ريقنا بالغلاط .. وماقادرين عليهو
فيدك والبركة
|
ههههههههههه يحلنا الحل بلة
لكن بجد مستمتع بالنقاش
ومجابدة الافكار بهدوء
دي نقاشات بتوصلك لحتات تفهمها ماكنت فاهمها
وحتات تشرحها ماكنت واضحة
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: انت كقانوني لما تتكلم عن المهنية بتوقع منك تتكلم عنها بمهنية موش سمعت وجابوهو لي
|
مع انو سمعت وجابو لي ماعجبتني لكن نمشي قدام
انا اشتغلت في دستور 2005 الإنتقالي
واشتغلت في الحوار الوطني (كفني)
وتابعت المشكلة الحصلت في ورقة الحريات
وقريت ورقة الحريات القدمها
قريت ما سعمت ولا جابو لي
وفعلا كانت متقدمة
ملامحها كالأتي : منع زواج الاكراه . منح حريات الاديان(بالغاء الردة) حدد سقوف للتقاضي . منعت الورقة التجريم السياسي
ودي كلها تفاصيل بتكد انه عارف بعمها شنو كقانوني
للان انا بقول ليك انو الترابي كسياسي انا ما جبت سيرته
والمشروع الإسلامي بكلياته انا شايف انه خطا
وانو الحركة الاسلامية انا بقبلها كحركة دعوية لا اكتر ولا اقل
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
| Quote: الورقة شن سماحتها وهي بتجي من شخص على رقبته دماء مئات الآلاف وعهد كامل من القتل والتعذيب؟ يعني خطه سمح مثلاً! |
انا مبحب السكر
في فنان بسكر
وصوته سمح
اقول شن سماحة صوته مع السكر ؟؟
سكره لنفسه وغناه لي
يا احمد انا مصر اني ما اخلط بين فعله كقانوني وفعله كسياسي
ونائب عام القصدتها انا في الديمقراطية
لمن سقطته الاحزاب جه نائب عام
اها انا ماشفت الرسول صل الله عليه وسلم
وماشفت جيفارا
سمعت وقريت عنهم
طيب في النهاية انا شايف الترابي اتقدم اقرانه في القانون وممكن انقب ليك شهادات عن ناس عاصروه وعارضوه
واجيبها ليك
اما سياسيا فده موضوع تاني قلت رائي فيه بوضوح
السؤال يا أحمد هل ننمن انت مثلا تكون بتاع كمبيوتر شاطر لكن حزب كدة مثلا
اها انا بقول احمد ده شاطر في الكمبيوتر لكنه حزب كدة مثلا
مالانه حزب كدة مثلا بقول هو بليد في الكمبيوتر ومابعرف كوعه من بوعه
طيب نتفق على شي
اي استخدام للترابي للقانون في السياسة يحاكم عليه من هذه الزاوية
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
حسن الترابي
زعيم سياسي
نتيجة بحث الصور عن الترابي
الوصف
حسن عبد الله الترابي هو مفكر وزعيم سياسي وديني سوداني.
ويعتبر رائد مدرسة تجديد سياسي إسلامي. عمل الترابي أستاذاً في جامعة الخرطوم ثم عين عميداً لكلية الحقوق بها،
ثم عين وزيراً للعدل في السودان.
وفي عام 1988 عين وزيراً للخارجية السودانية.
كما أختير رئيساً للبرلمان في السودان عام 1996.
من مؤلفاته
قضايا الوحدة والحرية (عام 1980)
تجديد أصول الفقه (عام 1981)
تجديد الفكر الإسلامي (عام 1982)
الأشكال الناظمة لدولة إسلامية معاصرة (عام 1982)
تجديد الدين (عام 1984)
منهجية التشريع (عام 1987)
المصطلحات السياسية في الإسلام (عام 2000)
الدين والفن
المراة بين تعاليم الدين وتقاليد المجتمع
السياسة والحكم
التفسير التوحيدي
عبرة المسير لاثني عشر السنين
الصلاة عماد الدين
الايمان واثره في الحياة
الحركة الإسلامية... التطور والنهج والكسب
التفسير التوحيدي
ملحوظة انا هنا مابدافع عنه بدافع عن فكرتي عنه
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
يا مولانا ما ممكن أطلب الحريات الدينية عن الشخص الذي سن الحروب الدينية وأعدم المرتدين!
إلغاء الردة دة كان وين لما أعدم محمود محمد طه وهو وزير العدل والنائب العام في أكبر جريمة قضائية تم إبطالها بعد الانتفاضة وإثبات بطلان الحكم!
في عهده قتل الطلاب جماعات وأفرادا وفي عهده فوج الطلاب القصر قسرياً للحرب المقدسة وتجي تقول لي ارجى منه تشريعات تجيب الحريات؟؟
الترابي أصلاً ما اشتغل قانوني عشان تقول لي بفصل بين دة ودة كل الوظائف اللي تنصبها من يوم خلى الجامعة وظائف سياسية
ما ممكن تكون بتأيد الترابي في اجتهاداته وبتشكك في الحركة الاسلامية المشروع اللي فرغ ليه نفسه بالكامل طوال حياته
مافي علاقة بين الفنان البسكر والسياسي البقتل
السكر دة سلوك شخصي بينما القتل جريمة جنائية
والقاتل مستحيل أأمنه على مصير شعب ومستحيل أضمنه على مستقبل اولادي وانا شايف مغامراته المقدسة غرقت مركب العيلفون وفوقها عشرات الطلاب القصر!
ما تقول لي بفصل بين الترابي السياسي والقانوني لأنه لا أنا شايف خبراته القانونية ولا انت وريتني ليها
أنا كبتاع كمبيوتر لو عاوز أمسك زول مشروع برمجي حينزل أرض الواقع ما بقول ليه وريني شهاداتك الأكاديمية ولا كتبك الألفتها
بقول ليه وريني المشاريع المشابهة العملتها وشغالة هسة
دي المهنية البتكلم عنها بتعتمد على الخبرة العملية موش المؤلفات
مؤلفات الترابي الإنت جبتها دي كلها في الاسلام السياسي يعني ما بتدعم فكرتك فكرتك عنه كقانوني
لكن حتى بفرض إنها كتب قانون دي بتخليه باحث في مجال القانون وليس قانوني محترف
انت كمحامي مثلاً عادي ممكن يلاقيك نموذج خريج القانون الشاطر القاري الحافظ القانون صم لكن برجف قدام القاضي مثلاً أو ما عندو شفتنة المحاماة البتخليهو يأثر على خصمه عشان يحقق مراده. دة ممكن عادي طالب شفت اتخرج في ضعف سنواته وكان بسقط يكن أحسن منه في مجال التقاضي
الترابي عدى حياته بالكامل في التنظير لمشروع الدولة الاسلامية وجعلنا فئران تجاربه وظل يجرب ويعدل فينا من زمن نميري لحدي أيام الحوار .. نحن بنقول خلاص كفانا دماء وانت بتقول أدوهو فرصة الزول دة كان أول السودان وكأن الآلاف والملايين اللي سفكت دماؤهم ما كفاية عشان نوصل لنتيجة فشل افكاره!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: مؤلفات الترابي الإنت جبتها دي كلها في الاسلام السياسي يعني ما بتدعم فكرتك فكرتك عنه كقانوني
لكن حتى بفرض إنها كتب قانون دي بتخليه باحث في مجال القانون وليس قانوني محترف
انت كمحامي مثلاً عادي ممكن يلاقيك نموذج خريج القانون الشاطر القاري الحافظ القانون صم لكن برجف قدام القاضي مثلاً أو ما عندو شفتنة المحاماة البتخليهو يأثر على خصمه عشان يحقق مراده. دة ممكن عادي طالب شفت اتخرج في ضعف سنواته وكان بسقط يكن أحسن منه في مجال التقاضي |
كلامك صاح في حتة الفاهم ماضروري يكون شاطر
فعلا نحن في المحاماة بجو دكاترة قدام القاضي وبجلطو
انا كلامي كمهني امكن ما كان دقيق
ما قاصد كمحامي
انا قاصد كقانوني مارس القانون
كعميد كلية
كنائب عام
كمشرع في الداخل والخارج (السودان وقطر)
كسياسي نحن مابعيدين من بعض ... الإسلام السياسي تجربته داخل السودان تحديداً كانت فاشلة
والإسلام السياسي عموما انا مازلت مامقتنع بيه
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: عميد كلية القانون وظيفة أكاديمية وليست قانونية
والنائب العام لم يصلها بتمرحل وظيفي وإنما كان تعيين سياسي وفشل فيه بدليل انتهاكات القضاء اللي تمت ممارستها وذبح العدالة في عهده |
طيب يا احمد بعيدا عن ممارسات الترابي السياسية
هو قانوني ليه مساهمات قانونية مختلفة
يشهد له عدد من الناس بالتميز
والمنظومة الخالفة انا عندي معلومات عنها
لم اطلع عليها
ولا اظن ان هناك من اطلع عليها
ولكن من مشافهات من مقربين للترابي ومناقشات عرفت فكرتها العامة
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
يا مولانا انت راجل قانوني بتوقع ردودك تكون مسنودة بالشواهد والأدلة
(ليه مساهمات قانونية مختلفة) دي ما تختها لي سمبلا ساكت وريني المساهمات دي وينها؟
(يشهد له عدد من الناس بالتميز) معقولة يا مولانا! دة معيار شنو دة؟
المنظومة الخالفة زي ما قلت ليك فوق انت لا شفتها لا شفت الشافها نحن مشافهاتها بتفيدنا بشنو؟
يا مولانا أخد راحتك في الرد للنهاية
تعال دلل على وجهة نظرك بعد يومين بعد اسبوعين أنا ما مستعجل
لكن بس الكلام الطلقيت دة ما بنفع .. أنا عاوز كلام موثق متى ما طالبتك بإثباته تجيب دليلك
هسة كل المعلومات اللي أنا طرحتها في البوست دة حول الترابي عارف مصادرها وجاهز لأي تشكيك فيها بالمصدر والمستند المنشور في الوسائل الإعلامية الرسمية
ومعيار في ناس شايفينو كويس دة بصراحة لا يليق بك .. ماهو أي مجرم في العالم أمه شايفاهو كويس مو كدي؟
المهم أنا عاوز حقائق مقيسة ما آراء
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote:
يا مولانا انت راجل قانوني بتوقع ردودك تكون مسنودة بالشواهد والأدلة
(ليه مساهمات قانونية مختلفة) دي ما تختها لي سمبلا ساكت وريني المساهمات دي وينها؟ |
ذكرتها ليك
كتب
دساتير زي دستور قطر
ورقة الحريات
عمادة كلية القانون في سن مبكر
ده العارفه
لو نقبت بلقي
وماداير انقب عشان ماداير امشي في درب الدفاع عنه باثناء مابدافع عن فكرتي
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Hafiz Bashir)
|
Quote: دساتير زي دستور قطر
ورقة الحريات
عمادة كلية القانون في سن مبكر |
هل عندك أي مستند يثبت إنه دستور قطر الحالي من صنع الترابي؟
ورقة الحريات دي اتطبقت وين؟ وكيف تعتبرها مساهمة قانونية وهي مجرد ورقة والحريات الذكرتها الإنت ذكرتها دي معروفة في كل الدساتير العالمية!
مرة أخرى بقول ليك العمادة والتدريس الجامعي وظائف أكاديمية بقوموا بيها البتخرجوا بدرجات كويسة لكن التدريس ليس ممارسة للمهنة
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote:
نقاش جميل
لكن الحتة دي ما فهمتها يا أستاذ أحمد موسى
هو إنتاج فكرة المنظومة الخالفة دي من أفعال الترابي كقانوني أم من أفعاله كسياسي؟ |
حسب مفهومي هي جهد دستوري وقانوني ذو صبغة سياسية
وهي طريقة حكم لا علاقة للتنظيم السياسي الإسلامي به
او هو جزء منه .. هو تنظير دستوري
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
Quote: هل عندك أي مستند يثبت إنه دستور قطر الحالي من صنع الترابي؟
ورقة الحريات دي اتطبقت وين؟ وكيف تعتبرها مساهمة قانونية وهي مجرد ورقة والحريات الذكرتها الإنت ذكرتها دي معروفة في كل الدساتير العالمية!
مرة أخرى بقول ليك العمادة والتدريس الجامعي وظائف أكاديمية بقوموا بيها البتخرجوا بدرجات كويسة لكن التدريس ليس ممارسة للمهنة |
قصة مستند دي غريبة يعني هسع نحن بنقرا عن المهدي فتح الخرطوم هل عندنا مستند ليه ؟؟
المهم بفتش وبشوف لو لقيت دراسة ولا خبر ولا غيره بجيبه
اما قصة العمادة دي وهل هي جهد قانوني ولا لا دي حتة مقفولة بقت
لانو انا شايف عميد كلية القانون جهد قانوني وانت شايف لا .. دي نشوف ليها حل
ورقة الحريات ما اتطبقت لانه المؤتمر الوطني ماطبق اي شي وكان الحوار الوطني عنده مضيعة زمن ما اكتر
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: Ahmed musa)
|
أيوة في مستندات كتيرة بتثبت إنه المهدي فتح الخرطوم
كتب المؤرخين مالية المكتبات
لكن عبارة الترابي عمل دستور قطر دي حاجة شفاهية ما لقيت ليها توثيق زيها وزي ثابت عبد الملك القلتو ليك فوق داك
المستند ببساطة تجيب لي أي ورقة رسمية من صحيفة أو وسيلة إعلام رسمية تقول بمشاركة الترابي في وضع دستور قطر
التدريس ليس ممارسة مهنة دي ما حتة مقفولة دي حاجة واضحة
فرق كبير بين تشتغل بي يدك وبين تمسك طبشيرة تعلم الناس كيف يشتغلوا
العمادة شغل إداري داخل الكلية نفسها عندو علاقة بالتسجيل والامتحانات والقبول والشهادات وغيرها لكن ما فيه ممارسة قضاء أو محاماة حقيقية
عندنا في الكمبيوتر الأساتذة العدو حياتهم تدريس بس ما بعرفوا برمجة ولا بشتغلوا أكواد
ولا مدرس الإعلام الشغال بالتدريس فقط دون الكتابة في الصحف أو البرامج ممكن نطلق عليه إعلامي مهني .. دة زول حافظ كتب بجي بسمعها في القاعة وبس
فما ممكن تقول لي توقيع الترابي على شهادات الطلاب وإدارة مجلس الكلية عمل قانوني!
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
وحول الفرق بين المهني والأكاديمي خليني أسألك
لماذا يطلب من الأطباء الجلوس لامتحان التسجيل الدائم بالمجلس الطبي لأجل ممارسة المهنة؟
لماذا يطلب من خريجي الإعلام الجلوس لامتحان القيد الصحفي قبل ممارسة الصحافة؟
ولماذا يطلب من القانونيين الجلوس لامتحان المعادلة؟
الفوق دي كلها اختبارات مهنية تأهلك لممارسة المهنة لأنه شهادتك الأكاديمية ليست كافية للممارسة العملية .. كدي ولا مو كدي!
هل كلية الإعلام بتطالب الخريج بقيد صحفي عشان يدرس صحافة؟ طبعاً لأ
لأنه التدريس ما صحافة
طيب هل مدرس الصحافة اللي ما عندو قيد صحفي ولا كتب في صحيفة في أي يوم من الأيام ممكن أسميهو صحفي؟
لو بقيتو لي صحفي بقبل ليك بخبرة الترابي القانونية في التدريس
| |
|
|
|
|
|
|
|
|
|
Re: حيدر زين بالإنجليزي .. ممكن لحظة ..؟!! (Re: أحمد محمد عمر)
|
Quote: نجي لورقة الحريات
شنو الجديد فيها؟
وينها الحاجة المتفردة البتبين عبقرية كاتبها؟
لأنه الكلام اللي انت قلته عنها دة ياهو الإعلان العالمي لحقوق الإنسان ذاتو لو انا ما غلطان |
طيّب الورقة فيها تناول للقضايا السياسية ...
في دستور 2005 أو للدقة في تطبيقاته ممكن تتحبس في جريمة سياسية لزمن طويل
ليه ؟؟
لان الجرائم السياسية تعتبر جرائم ضد الدولة وعقوبتها الإعدام
اها من الحاجات القدمتها الورقة او المقترح وتم اجازته هو استحقاق المتهم لجريمة سياسية للضمان
وتمنيت الوثيقة الدستورية كان تاخذ المنحي ده
بتحديد الجرائم الموجبه للإعدام حصرا
وبالضرورة ليس من بينها الجرائم السياسية
حتى لو الكلام ده موجود في الأعلان العالمي لحقوق الإنسان فالقانون الجنائي وحتى يومنا هذا بيعتبر الخلاف حول الرأي جريمة سياسية ...!!!!
الواحد حاسي ماشي يبقى مؤتمر شعبي .. :)
مايكون كلام المحامي صاحب خضر الطيب صاح ..!!!
| |
|
|
|
|
|
|
| |
Ahmed musa
HAIDER ALZAIN
جمال ود القوز
Hafiz Bashir
فيس بوك
تويتر
انستقرام
يوتيوب
بنتيريست