|
Re: اعتذار لأبي الريش (Re: Hafiz Bashir)
|
بالنسبة لما كتبت عن الفساد يا ود التاج و انه لا دين او حزب له فهذا اتفق معك فيه تماما ومع مبارك الكودة, النفس البشرية و اهواءها و ضعفها امر طبيعي لكن الفرق في القوانين و حرص الدولة على تطبيقها و الفرق في مستويات الرقابة المتعددة و الفصل بين السلطات لا احد يقول ان الحكومة الانتقالية حكومة ملائكة مبرئين, هم بشر عاديين و حينما تضعف الرقابة و تغيب المحاسبة يجد الفساد فرصة ليتسلل, الفرق بين العهد دا و الانقاذ ورغم غياب احد اهم مستويات الرقابة و هو المجلس التشريعي لكن تبقى السلطة الرابعة تقوم بالدور المطلوب منها بل و تطورت من الصحافة الورقية الي وسائط اخرى اسرع انتشارا و اقوى تأثيرا في ظل حرية وغياب للرقابة و التكميم بل و التجاهل الكان سائد ايام الانقاذ و كان احد العوامل التي عجلت برحيلها بعض ما ذكرت من شبهات بعد تفجرها في الوسائط اوقفت و بعضها تمت المحاسبة وان كان لم ترض الطموح بعد فا ما تحاول تسوط الشامي و المغربي و تقارن الوضع الحالي بالانقاذ عشان تبرر لفسادها المؤسسي والذي كان برعاية الدولة التنظيم للاسف! لا اقول خلاص يعني مبسوطين بما يتم بل العكس عايزين نمشي للافضل حتى نصل لمجتمع يعلم فيه الجميع ان الفساد باي شكل لن يمر كما كان في الماضي و يراعي فيه الجميع القوانين و سطوة الراي العام. لكن قطعا و باية حال لا مقارنة ولا تبرير لفساد الانقاذ.
بالنسبة للاربعة مداخلات زاتهن كتار عليك في رأيي حسب الهراء البتنشره :)
| |
|
|
|
|
|
|
Re: اعتذار لأبي الريش (Re: muntasir)
|
يحرد شنو يا منص انت صدّقت! هسي بتطلع مصيبة في الواتس مفبركة ح يجي جاي فرحان بيها ولامن يتزر ح يقول ليك جبتها للفحص هههه عموما بالنسبة للمتحير فا افتكر دا حسب الغنية هو الصغيّر يا محيرني و متحيّر... أو حسب العلم العنده ال both tools و ما حسم أمره بعد
و الله اعلم
| |
|
|
|
|
|
|
Re: اعتذار لأبي الريش (Re: محمد البشرى الخضر)
|
اولا يجب ان يعطى عمر التاج كامل المساحة ليكتب ويناقش ويرد اذا نظرنا الى تعريته للحكومة ولمن امتطوا ظهر الثورة، نجد عمر في جانب الحق.. وكما قال رائحة فساد تزكم الانوف. الثورات والتغيير الحقيقي نجاحها مرتبط بالكشف عن الفساد والزيف المصطنع..يعني شنو فساد الكيزان ما زي فساد هسي؟ الفساد هو فساد سواء زمن حمدوك او الكيزان او بختنصر الثاني التقليل الحالي وغض الطرف عن اشياء فظيعة تحدث هي محاولات تبريرية واهية. سيبونا من كوز وكيزان..وشوفوا القاعد يحصل . والحصل والحيحصل
| |
|
|
|
|
|
|
Re: اعتذار لأبي الريش (Re: بدر الدين الأمير)
|
جاء يكحلها فعماها ..Quote: صاحبة يعني صديقة واظن الصداقة مافيها حاجة..خاصة في عهد الحرية الجديد . ..................... . |
,,,,,,,,,,,,,,
يعني قبل عهد الحرية " الجديد' الصداقة كان فيها شئ وكانت غير مستساغة أو ربما محظورة ! والآن حدث الإنفتاح والحرية وأصبجت الصداقة شي مسموح وعادى ,,,, عبارتك هذه فسرت الماء بالماء وقد جاءت من باب جاء يكحلها فعماها ! .......................
| |
|
|
|
|
|
|
Re: اعتذار لأبي الريش (Re: كمال عباس)
|
Quote: ، لذا أفضل الانسحاب من الكتابة في المنبر حتى حين، مفسحا المجال لمتوهمي الحرية المزيفة، الظانين بالديمقراطية انها يمكن ان تتحقق بوجود محور واحد لا يري الناس الا مايرى |
حتى حين ؟
انحنا و الله و قرّاء كتار جدا برضو بفضلو انك تنسحب .. بس ما حتى حين ..
| |
|
|
|
|
|
|
Re: اعتذار لأبي الريش (Re: يحي قباني)
|
Quote: ولا يجب ان يعطى عمر التاج كامل المساحة ليكتب ويناقش ويرد اذا نظرنا الى تعريته للحكومة ولمن امتطوا ظهر الثورة، نجد عمر في جانب الحق.. وكما قال رائحة فساد تزكم الانوف. الثورات والتغيير الحقيقي نجاحها مرتبط بالكشف عن الفساد والزيف المصطنع..يعني شنو فساد الكيزان ما زي فساد هسي؟ الفساد هو فساد سواء زمن حمدوك او الكيزان او بختنصر الثاني التقليل الحالي وغض الطرف عن اشياء فظيعة تحدث هي محاولات تبريرية واهية. سيبونا من كوز وكيزان..وشوفوا القاعد يحصل . والحصل والحيحصل |
ووو أهمد امبس .. بناوي مسوود .. ان بجند هقيقو 100% .. أنا معاك الترجمة يا جماعة : الحبيب أحمد .. البناوي الجميل ( من جزيرة بنا ) كلامك 100% وأنا معاك ..
يا جماعة ما معقول مثلا كلنا نشجع الهلال أو كلنا نشجع المريخ ( الجلسة تكون بايخة) الصدام الاخوى جميل جداً لأننا نستنبض منه الحقيقة .. والاختلاف من سنن الحياة لا يمكن أن نعرف الحقيقة إلا من خلال مثل هذه البوستات
تحياتي للاحباب الكرام اختلفوا وانتم اخوان أولاد حوش واحد الخلاف كله حول آراء ومواقف فقط ..
التحية الحبيب فنانا الجميل أحمد ياسين .. يعني كده حبيبنا التاج رحل .. ما كنت متوقع بأنه سوف يستسلم
| |
|
|
|
|
|
|
Re: اعتذار لأبي الريش (Re: علي عبدالوهاب عثمان)
|
عمر أخووي خلي جلدك تخييين وأخرش ... تعال راجع الأربعه مداخلات دي لو ختيت الرحمن في قلبك بترقد الناس دي رز هههههههههههه كتاباتك في البورد دا كرباج عنج ما تفكو ياخ ... بكري دا بي يتباصر ياخ ... شوفتا الجماعه الحا يفرحو بي زعلك وحردابكما تشمتهم فيك ياخ ...
| |
|
|
|
|
|
|
Re: اعتذار لأبي الريش (Re: محمد حمزة الحسين)
|
عمنا الحبيب (ألي ابدلوحاب تود) ان هالون سرنل اكيد يا حاج علي .. زي ما قلت قعداتنا وتسامرنا فيها الدكتور وفيها التربال. فيها الشيخ وفيها الخاتي العرقي جنبه بتلقى واحد مابقدر يعبر بالعربي ...وبتلقى اختلافات بالجملة لكن الجلسة ليها طعم وفهم. والناس تتفرق والكل اخوان واكتر يستحيل الافكار والتوجهات تتوحد... عمر التاج من حقه يكتب قناعاته ورؤاه... وهو حر فيما يكتب ليه؟ بساطة لان قحت او الحكومة او ازالة التمكين او حمدوك او الجن ليسوا بملائكة تمشي على الارض .. فيهم الجبان والحرامي والخائن والمنافق وفيهم الوطني والشجاع .. وبالحاصل ... نقول: يا حكومة فيكي وياما فيكي .وبس كفى
| |
|
|
|
|
|
|
|