أين أختفت أمبارح يوم الاتنين صيدلية مليانة بالدواء داخل مستشفي النو ؟ من بداية الحرب الصيدلية مليانة دواء و مقفولة و مكيفات الصيدلية حتي ما شغالة عشان توفر مناخ كويس لحفظ الدواء لمن سالنا من المفتاح قالو ما موجود لمن قررنا نكسر الباب و نطلع الدواء منها و يتجرد و يتخت في صيدلية الطورائ لانو الناس بتموت جابو لينا قوات نظامية منعتنا و وعدت بي انها تفتح الباب بدون كسر اتفاجانا امبارح انهم جو شالو الدواء كلو و طلعوهو برا المستشفي يطلعو الدواء يودو وين ؟ ومافي مستشفي غير النو شغالة في امدرمان هل حيرجع يتخزن تاني ؟ ولا حيتباع للصيدليات بي سعر الليلة الغالي ؟ ولا حيمشي يتباع لمستشفيات الخاصة اللي فيها العمليات بي مليار ونص و اتنين مليار يبدو انو لسه في كيزان ماسكين البلد او ناس بتمارس سلوك كيزاني رجعو لينا دواءنا لانو النو في حوجة شديدة ليهو و الناس بتموت (شير عشان الدواء يرجع والفساد يقيف وننقذ حياة الناس اللسه في الخرطوم وما قادرة تطلع) شوفو الصور و الكلام المعاها و اقرو التعليقات مؤمن ود زينب
07-23-2023, 06:08 AM
عبدالقادر محمد عبدالقادر محمد
تاريخ التسجيل: 07-09-2018
مجموع المشاركات: 2780
وتم اعتقال مؤمن واي زول بقول الحقيقة حا يتم وصفه بانه خائن وعميل لازم السودان كلو يبقى حرامية وفاسدين وكضابين والا الكيزان المتضارين وراء الجيش حا يكونوا ليك بالمرصاد ومصيرك الاعتقال وتلفيق التهم والاهانة في بلد يقدل فيها المجرم احمد هارون المرتكب جرائم ابادة جماعية لمواطنين سودانيين ومتجدعين الجنجويد والولدوهم من رحمهم الخبيث في بيوت الناس وفي مقرات الجيش الذي لم يستعيد سوى مطار مروي بعد 100 يوم من الحرب اللعينة التي لم نحصد منها سوى فقدان آلاف الضحايا من المواطنين الأبرياء وتشريد ملايين النازحين من بيوتهم ودمار الممتلكات وانتهاك الاعراض وخراب البلاد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالقادر محمد
فيس بوك
تويتر
انستقرام
يوتيوب
بنتيريست