قال عبد الكريم الكابلي في سبعينيات القرن الماضي : غريب و الغربة اقسى نضال غريب و الغربة سترة حال قريب و بعيد حضور و زوال تروم الاصله ماب ينطال تراغِبْ في المجرَّة زوال عيونك ! ما عيون اجيال ،،،،،،، عيونك ما عيون اجيال يعني حسب فهمي القاصر: كانك تنظر بعيون اجيال الماضي والمستقبل! ،،،،،،، كلمات اغنية زمان الناس( منقولة): زمان الناس هداوة بال و إنت زمانك الترحال
و ليلهم عمره ما سآّل و ليلك لي صباحه سؤال
قسمتك يا رقيق الحال مكتوب ليك تعيش رحّال
تسامر في الغيوم أشكال روائع تذهل المثال
شبه سيرة زفة بطبّال وعروسه في جبينا هلال
مواكب فرحة من أطفال يحاكو السمحة بت الخال
و قبال ما الصور تنشال على خيوط الأمل و الفال
وصبح الناس يجيك مرسال
يشيلك شوق وسط عينين يوديك مقرن النيلين
يَخَدِّر فيك عقيد ياسمين
و تقوم شتلة محنَّة مثال أريجها دُعاش و حزمة نال
قبال توتي أم خَدَارَن شال عيون أم در لبيت المال
غريب و الغربة أقسى نضال غريب و الغربه سترة حال
قريب و بعيد حضور و زوال تروم الاصله ماب ينطال تراغبفي المجرّه زوال عيونك ما عيون أجيال عيييونك ما عيون اجيال! ،،،،،،، اغنية زمان الناس و شاعرها الفنان الراحل عبد الكريم الكابلي: ،،،،،،، رحم الله عبد الكريم الكابلي رحمة واسعة و الهم محبيه واسرته الصبر ، فقد حكي نضوج شعره و فنه لسان حال ومقال المهجر السوداني في (زمان الناس)
و رحمه الله اذ قضى قدره ان يكون مرقده الاخير
في مهجره ولاية " متشجن" الامريكية.
عناوين الاخبار بسودانيزاونلاين SudaneseOnline اليوم الموافق 12/06/2021
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة