طالبة مسيحية تطالب بتغيير مليونية الكريسماس ليوم اخر

Quote: الكنائس في السودان، في كل مدن السودان وفي قلب الخرطوم تمت مصادرتها وتم حرقها ولم نسمع لا بمليونية ولا بألفية ولا بمئوية حتي.

Quote: طبعا المسيحيون فى السودان هضمت الكثير من حقوقهم فى كل عهود الحكم منذ 1956

Quote: الأخ العزيز بروف كودى، سلام. أهنئ جميع المسيحيين السودانيين من أقباط وكاثوليك وغيرهم من المذاهب الأخرى، بعيد الميلاد السعيــد الممتد من يوم 25 الجارى وحتى السابع من يناير.. حسب تواقيت كل طائفة. مع كامل الإحترام فإن الكلام أعلاه فيه exaggeration ما شوية. وما تعرض له السودانيون المسلمون ما عدا الكيزان أضعاف ما تعرض له المسيحيون (كمسيحيين)، وما حدث فى جبال النوبة كان بسبب العرق والمعارضة أكثر منه بسبب الدين.. طبعا المسيحيون فى السودان هضمت الكثير من حقوقهم فى كل عهود الحكم منذ 1956.. عدم التصاديق ببناء كنائس جديدة مثال واحد فقط. لكن مؤكد الإعدامات وبيوت الأشباح والتعذيب ومصادرة الأموال والتضييق على التجار غير الإسلاميين وإخراجهم من السوق أو مشاركتهم للكيزان.. فإن تلك الممارسات لم تكن تميز بين مسلم ومسيحى. بل المسيحيين كانوا حكما فحفظوا low profile ,وأكتفوا بما سماه البشير هامش الحرية.. وهذا طبعا لا يقدح فى وطنية الكثيرين من المسيحيين الذين نافحوا الإنقاذ وضحوا فى سبيل الوطن. شخصيا أخ خالد أعتقد أن فصل الدين عن السياسة مفيد للسودان، ولو فتحنا هذه النافذة سيأتى قبيل شيعى ويطالب بتأجيل الثورة لأن اليوم عاشوراء.. أو يهود ويقولون اليوم هانوكا..الخ. Quote: الكنائس في السودان، في كل مدن السودان وفي قلب الخرطوم تمت مصادرتها وتم حرقها ولم نسمع لا بمليونية ولا بألفية ولا بمئوية حتي. كما تعلم فإن أبناء دارفور رفعوا مستوى الوعى بقضيتهم وخاصة من كان منهم فى الخارج.. وأعلنوا عنه وعملوا دعاية كبيرة جدا للقضية. أما الأقباط وكما قلت فقد آثــر (كثيرون منهم) السلامة ورضى بالواقع. وأعتقد هذا من الدين المسيحى نفسه.. (يشيل سلاح ويقتل شخص اخر ضد تعالم المسيح).. وحين تعرضت دارفور لحرب الإبادة فإن ناس الخرطوم لم يقيموا أى مظاهرة مافى مسلمين ولا مسيحيين عملوا مظاهرة ضد الإبادة فى دارفور، رغن ان الحكومة هدمت مئات القرى وليس كنائس.. بوت بسيطة تؤوى مواطنين بسطاء أحرقت وقتل الرجال وأغتصبت النساء فى دارفور.. ولم نسمع بمظاهرة فى الخرطوم من أتباع أى دين. إذا الموضوع ليس دين.. طبعاً فى زمن الإنقاذ لو فى مسيحى عنده توكيلات شركات عالمية وأعماله كبر فى السوق، فإن تماسيح المؤتمر الوطنى يدخلون الدين لينهبوا أمواله. هذه الممارسـة كانت موجودة حتى ضد المسلمين

Quote: الاخ ابو الريش أنت تحدثت عن ما حصل للدارفوريين في السودان ولكنك تجاهلت تماما ما حدث لأهل جَنُوب السودان منذ الاستقلال. كم عدد الذين فقدت أرواحهم في جنوب السودان؟ وأين شنت الحكومة حربها الجهادية في السودان؟؟

Quote: أتفهم شعور الطالبة، قد الكريسماس بالنسبة لها مثل عيد الأضحى للمسلمين، فهم يضحون حتى لو كانوا حزانى أو عندنا شهيد.بما إن الطالبة طالبت فقط فيمكن الرد و شرح ما خفى عليها بطريقة مراعية لمشاعرها و في نفس الوقت مراعية لمشاعر أُسر الشهداء.

Quote: عندي ليكم حل خطير يسر المسيح؛ مظاهرات الكريسماس تبدأ في كل مدينة من كنيستها العتيقة ونغني وتهتف بزهرة المدائن: الطفل في المغارة وأمه مريم وجهان يبكيان يبكيان لأجل من تشردوا لأجل أطفال بلا منازل لأجل من دافع وأستشهد في المداخل وأستشهد السلام في وطن السلام و كسقط العدل على المداخل سقط العدل سقط العدل سقط العدل على المداخل

Quote: السلام عليكم انا ما داير اقول كلام يتفهم تاييد او معارضه لكن علامات او اضاءات قبل ماناخد موقف متعصب او نظرى -مدزرة القياده العامه وتايحها مابعدها حمل شعار (ما عندنا عيد عندنا هيد) .والان فى السودان عندنا انقلاب وشهيد وشهيده وشهداء سودانيين من جميع الفئات والشرائح الاجتماعيه - اين موقف المجتمع المسيحى (على العلن) من وجود شخصيه وضعت فى السياى ممثله له ؟بل اين مواقفهم من مايحدث الان ؟ لاسيما ان المجتمع الدولى احرص على حمايتهم (بشراسه) من دون شرائح المجتمع السودانى الاخرى كل الشعب تم اضطهادو وقمعو وشعوب سودانيه تعرضت للقتل والمجازر بما فيها المسيحيين والديانات التقليديه . اى انهم فى طليعه المتضررين من العسكر وبنى كوز وجرائمهم وكنت اتوقع ان تنطلق المبادره من داخل مجتمعاتهم بشعار (ما عندنا عيد عندنا شهيد) تحياتى

Quote: عزيزي القاري، للاسف هذا اختذال، ابتذال لي ماساة محارق الابادة في بلدنا، وليس إلا! الصديق دينق، للاسف تحول الي كوز مسيحي!!! ياعزيزي دينق، ياخي عيب مثل هكذا تعصب للمسيحية والمسيحيين في السودان وامريكا!!! اساس محارق الابادة ل"الزرقة" حصريا هو وهم العرق، وليس الدين! دين غير العرب حسب الوهم اي "الزرقة" لايعني اي شئ اطلاقا، بالنسبة للجلابي اي العربي، من أمثال بشاشا في الشمال! لهذا رجاء نيكولا ولانها ما"زرقة" فهي ارفع مكانة وإن كانت مسيحية من حفظة القران في دارفور! ليه؟ لانهم "ذنوج" واسلامم لايعني شي اطلاقا حتي في دولة اسلامية رسالية، ولهذا ابيدو أما رجاء، وإن كانت مسيحية يدوها تعظيم سلام، "ظبية المسالمة" مش كده برضو!! هل في زول سمع بي ظبية الجبال؟ ولهذا ماصدفة كيف جابو امثال نيكولا أو ختوها فيما يسمي زورا مجلس سيادة، وليس مسيحية من جبال النوبة مثلا! نيكولا، وإن كانت مسيحية تظل صاحبة حظوة بالميلاد فقط عشان لون بشرتا، المعبود في السودان، اي اللون الفاتح أو الابيض، مقارنة بي "بنت السوداء" حتي في عيون واحد زي حمرتي، دعك من امثال بشاشا!! لونك أبيض، فانت اله، في جمهورية الزرقة، بغض النظر عن دينك، مقارنة ب"الزرق" اي السودانيين، اي "الفرووخ" بالميلاد حتي في عيون امام الدويلة الاسلامية الرسالية، اي العوقة القشير!! اذا ده هو الواقع، فمامعني هكذا تسويف للقضية ولمصلحة من؟ هذا ابتذال القضية للاسف الشديد، ياعزيزي دينق، وذر للرماد، نعم تغبيش للرؤيا! كافراد وكقاعدة ماعندنا هوس ديني، ولكن عندنا هوس كراهية ذات، أو ده هو الموضوع مش المسيحية!

(عدل بواسطة Deng on 12-08-2021, 00:13 AM)

Quote: صديقي، الكوز المسيحي دينق: محارق الابادة لامثالك في الجنوب لاعلاقة لها بالمسيحية اطلاقا، هذا للاسف ابتذال، لانك متعصب للمسيحية وهذا مؤلم! السبب هو العرق حسب الوهم وليس الدين! اها، محارق الابادة في دارفور بواسطة دويلة الخلافة الاسلامية لحفظة القران، لو كده كيف حصلت؟ لانهم مسيحيين؟ ماهذا؟ غير العربي في السودان مابشر، وبالتالي دينو لايعني شي اطلاقا، في نظر امثال بشاشا!!! حسبي امون!

Quote: شوف يا بروف خالد هنــــا وأقرأ الناس تتهمنى بالتعنصر لأهل دارفور.. وأنت تتهمنى بالتعنصر ضدهم.. أقرأ المداخلات حتى النهايـة.