|
|
|
 Re: مشروع إنشاء وتشييد قرى نموذجية منتجة بال� (Re: مامون أحمد إبراهيم)
|
السلام عليكم يا مامون
قبل فترة كنا بنتناقش في نفس موضوعك دا وقلنا الحكومة الجديدة دي لو طبقت الفكرة بتاعة السكن الإنتاجي دا بتكون ما قصرت
وحصرنا المشروع في فئة الشباب والخريجين وأي زول عاطل
الفكرة قلنا مليون فدان في غرب ام درمان ويتروي بي ترعة من النيل بمضخات
المليون فدان دي تقسم لي حواشات 6 فدان وكل حواشة يكون فيها سكن في طرفها
والسكن بسيط جداً يشغل مساحة فدان (المساحة المزروعة 5 فدان + فدان للسكن والحظائر)
ويحتوي على حظيرة وقفص جداد وبرج حمام
قلنا انو المساحة بتاعة المليون فدان دي تتزرع كلها فول سوداني
يلا انتاج الفول السوداني دا في حد ذاتو بخلق مهن كتيرة جداً بتخلي المنطقة جاذبة وشعلة من النشاط والحركة
إنتاج الفول السوداني يعني وجود معاصر
ويعني وجود إنتاج حيواني (ألبان ولحوم)
ويعني وجود وسائل لنقل الإنتاج
ويعني إنها مدينة فيها كل شيء مدارس مستشفى وخدمات متكاملة
ويعني ..ويعني الكثير
النظام يكون إنو الشاب يسلموه المساحة جاهزة ما يجيب أي حاجة .. يجي بي ضراعو بس
وبعد أن يتلقى التدريب المناسب يبدأ في العمل
ويسدد التكاليف بأقساط مريحة جداً وبدون فوائد
بعد كم سنة بتلقى المنطقة دي بقت مدينة إنتاج متكاملة
يلا بالطريقة دي بتكون خلقت وظيفة لي شاب عاطل/ ساهمت في زيادة الإنتاج والصادر
ساهمت في انخفاض الأسعار للمواد الاستهلاكية بزيادة العرض لسع مهمة جداً زي اللحوم والألبان
وربنا يسهل أمورنا وأمور حكومتنا ويوفق حمدوك ووزراءه
| |
 
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: مامون أحمد إبراهيم)
|
يا سلام يا مامون مشاريع طموحة وواعية ذكية علي الاقل ال2000000 نزاح في دارفور ديل ينقفل ملفهم وتجرب في دارفور هذه القرى المنتجة وفكرة الطاقة الشمسية ذاتا عبقرية في طلمبات موية الان تشتغل بالطافة الشمسية
لو ما رجعت الاقاليم الستة واتلغت ال18 ولاية من هسة وانتخبنا حاكم اقليم وبرلمان اقليم اولا واكتمال المؤسسات المنتخبة واشرعية الانتخابية ما بتقدر تنظف الاستمثارت المشنية في الاقاليم علي حساب الناس هناك
حتلق صينية مع المركز ده لي يوم الدين
https://up.top4top.net/
| |
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: adil amin)
|
Quote: السلام عليكم يا مامون
قبل فترة كنا بنتناقش في نفس موضوعك دا وقلنا الحكومة الجديدة دي لو طبقت الفكرة بتاعة السكن الإنتاجي دا بتكون ما قصرت
وحصرنا المشروع في فئة الشباب والخريجين وأي زول عاطل
الفكرة قلنا مليون فدان في غرب ام درمان ويتروي بي ترعة من النيل بمضخات
المليون فدان دي تقسم لي حواشات 6 فدان وكل حواشة يكون فيها سكن في طرفها
والسكن بسيط جداً يشغل مساحة فدان (المساحة المزروعة 5 فدان + فدان للسكن والحظائر)
ويحتوي على حظيرة وقفص جداد وبرج حمام
قلنا انو المساحة بتاعة المليون فدان دي تتزرع كلها فول سوداني
يلا انتاج الفول السوداني دا في حد ذاتو بخلق مهن كتيرة جداً بتخلي المنطقة جاذبة وشعلة من النشاط والحركة
إنتاج الفول السوداني يعني وجود معاصر
ويعني وجود إنتاج حيواني (ألبان ولحوم)
ويعني وجود وسائل لنقل الإنتاج
ويعني إنها مدينة فيها كل شيء مدارس مستشفى وخدمات متكاملة
ويعني ..ويعني الكثير
النظام يكون إنو الشاب يسلموه المساحة جاهزة ما يجيب أي حاجة .. يجي بي ضراعو بس
وبعد أن يتلقى التدريب المناسب يبدأ في العمل
ويسدد التكاليف بأقساط مريحة جداً وبدون فوائد
بعد كم سنة بتلقى المنطقة دي بقت مدينة إنتاج متكاملة
يلا بالطريقة دي بتكون خلقت وظيفة لي شاب عاطل/ ساهمت في زيادة الإنتاج والصادر
ساهمت في انخفاض الأسعار للمواد الاستهلاكية بزيادة العرض لسع مهمة جداً زي اللحوم والألبان
وربنا يسهل أمورنا وأمور حكومتنا ويوفق حمدوك ووزراءه |
سلام وتحية طيبة للجميع ،،
أولاً آسف جدا على التأخير عليكم لظروف العمل القاهرة ،،
الباشمهندس العزيز بدرالدين ،،
ما كتبته رؤية متكاملة وواعية جداً ،، ويمكن أن تكون لبنة جيدة من ضمن الآراء والمقترحات المحتملة لانطلاق هذا المشروع بإذن الله ،،
الآن يمكننا أن نبدأ خطوات عملية في كيفية البدء :
1- تكوين لجنة مبدئية من أعضاء سودانيز أون لاين من مناطق شتى على مستوى العالم ، ويمكن تزكية وإضافة أشخاص ذوي خبرة واهتمام بالموضوع ليسوا أعضاء ،، بواسطة أعضاء هنا .
2- عمل قروب على الواتساب باسم ( لجنة قرى نموذجية ) أو أي إسم مقترح . ( تنشر آراءهم ومداولاتهم باستمرار على موقع سودانيز أون لاين ) .
3- مهام اللجنة من وجهة نظري الشخصية : أ- إيجاد صيغة ومسمى للشراكة سواء أن كان بمسمى : شركة ، جمعية ، مؤسسة . ب- تحديد رسوم العضوية . ج- الإتصال بالجهات الرسمية لتسجيل الشركة/ المؤسسة/الجمعية .
4- الإتفاق على قيمة السهم التأسيسي : ألف دولار ( 1000 ) - ( 2000 دولار ) قابلة للتقسيط خلال سنة على سبيل المثال .
خالص تحياتي
| |
|
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: مامون أحمد إبراهيم)
|
Quote:
يستحق الشباب السوداني ان نقف معه لانهم فعلا عانو طويلا من التهميش وهذه افضل فكرة لمساعدتهم ولكن يحتاج المشروع الي تسويق كبير ودراسة جدوي حتي يحظي بالتمويل اللازم |
نعم عزيزي محمد إبراهيم ، سيكون إنشاءالله مشروع مجدي جداً للشباب ونقطة انطلاق جيدة جداً ،، وطبعاً نحن شرعنا في التسويق للمشروع في مواقع التواصل وقدمنا مقترح أن يكون السهم بمبلغ ألف دولار ( 1000 دولار ) كحد أدنى للمساهم لامتلاك شقة ومزرعة وهذا بحسب تقديري مبلغ معقول لتحقيق هذه الغاية ( الشباب العامل بالخارج أعداد مهولة جداً ويمكن لهم الإنطلاق عبر هذه المشاريع التعاونية المثمرة لأجل ازدهار وتقدم السودان ) إضافة إلى أن المشروع سوف يخلق فرص عمل كبيرة للشباب داخل السودان .
خالص تحياتي
| |
|
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: مامون أحمد إبراهيم)
|
بس يا مامون لابد من بنية تحتية محترمة لي مشروع زي دا .. لأنو بصراحة قيمة السهم الف دولار لا يمكن زول يختها ليك في حسابك لو ما شاف
خطوة جادة لإقامة المشروع .. مثلاً زي تصديق الأرض وشق ترع وتخطيط الحواشات
يعني لو عرضت علينا الحكومة المشروع دا أو نحن عرضناه عليها وهي قدمت لينا السبت نحن بنقدم لها الأحد
وأقولك حاجة مثل المشروع دا هو واحد من السبل الممكن تجذب بيها تحويلات المغتربين الماشة للتجار الكيزان الشغالين بيها استيراد لأشياء
لا تسمن ولا تغني من جوع
نحن نقترح اقتراحاتنا دي للحكومة .. ونطالبهم بي خطوات عملية وجادة وبعداك نحن ممكن نسلم قروشنا دولار حي داخل السودان
ونبدأ طوالي
يعني انا الليلة لو سلموني حواشة 5 فدان والموية في الجدول قدامها مافي شي بخوفني بخش فيها استثمار طوالي
وممكن كمان يعملوا لينا امتياز تاني مثلاً أنا محتاج ابني لي سكن داخل الحواشة دي .. ليه ما يسلموني الاسمنت بي سعر المصنع مثلاً
وتضاف عليه قيمة الترحيل فقط
الحكومة ما تنتظر من الناس ينتجوا بمجهوداتهم الفردية لأنو قدر ما يكون انتاجهم كويس ما بكون مجدي بالنسبة ليهم أو جدواه بسيطة جداً
لكن المنتج دا لامن تقدم ليهو خدمات تجيهو الموية بي سعر بسيط وكهرباء مخفضة وخدمات تانية زي المستوصف والمدارس والمساجد والميادين
والله ما أظن في زول بضيع الفرصة
انا كانت فكرتي للشباب الخريجين، يسلموهم وحدات جاهزة ومزارع مويتا فيها طوالي .. على أساس إنهم يسددوها على أقساط مريحة
لكن مالو المشروع يتعمل للشباب وللمغتربين والأرض واسعة بتشيل الشباب كلهم والمغتربين كلهم
ولك التحية
| |
|
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: Yasir Elsharif)
|
الاخ مامون احمد ابراهيم
هذه من اعظم واجمل الافكار والتي يمكن نقلها لواقع الحياة
وهي من احدى الطرق التي تقوي الاقتصاد السوداني وترفع مستوى المعيشة
وتعدل البيئة للاحسن وتحسن الطقس
فرنسا
قدمت ٦٠ مليون يرو كعون اقتصادي للفئأت الضيعفة في زيارة حمدوك لباريس
لماذا لا يخصص هذا المبلغ لتنفيذ هذه الفكرة في مساحة محددة
واظن لو اعدت دراسة تفصيلية جادة لهذا المشروع فمن الممكن حصول عون اقتصادي من الاتحاد الاوربي
هذه الفكرة تثبت ان العقلية السودانية ما زالت بكر وقادرة ان اتيحت لها فرصة الابداع
واخراج هذا الوطن من كبواته المتكررة عبر الزمان
| |
|
|
|
|
|
|
|
|
|
Re: مشروع إنشاء وتشييد قرى نموذجية منتجة بال� (Re: Nasr)
|
اقترح ان نبدأ بقرية نموذجية واحدة
prototype
وليس لدي مانع في التبرع بقطعة ارضي التي تقع على ضفاف النيل الابيض في مساحة قدرها مائة فدان ويشقها خور لامطار الخريف التي تصب في النيل الابيض
وليس لدي مانع ان اعمل امينا للصندوق أو اي موقع يراه المساهمون
واضع كل قدراتي المتواضعة من اجل انجاح الفكرة
واتكفل باجور السكرتارية المحلية في بدايتها وطابعة وكمبوتر ومكتب على أن يكون المقر الاولي في ربك بحكم ان ارضي تتبع لولاية النيل الابيض وهي على ضفاف النيل الابيض وتبعد ١٠ كيلو من قرية الشوال
ويمر بها التيار الكهربائي الممتد وسط القرى
كل هذا لتكون هذه الفكرة حية تطعي نموذجا سيكون مخرجا في مستقبل السودان الزراعي الحيواني
والله يتولى سبيل الصالحين
اطلب من الاخ بكري أن يجعل هذا الطرح متصدرا للصفحات فهو فكرة جهنمية قليلة التكلفة
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
مامون أحمد إبراهيم
بدرالدين بابكر مصطفى
Mohd Ibrahim
حامد ساكن حامد بشير
adil amin
Yasir Elsharif
Ali Alkanzi
Nasr
فيس بوك
تويتر
انستقرام
يوتيوب
بنتيريست