|
|
|
 Re: حميدتي في خطابه “البتقصو جيب نصو”.. أخخخ (Re: دفع الله ود الأصيل)
|
اديبنا الجميل ود الاصيل
صدقني لسع ما فهمت ..
معليش شغلتكم لكن دي هواية عندي أتابع اسرار العامية
وكمان أجمع الامثال والاقوال العامية في دفتر عندي
تحياتي .. يا جميل ..
( يعني مثلا يضرب هذا المثل في حالة كذا وكذا )
يا اخي معليش أتعبتك معاي .. اصلو هواياتي متعبة جداً متابعة تراث الوطن
| |
 
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Ahmed Yassin)
|
المثل يعني يا استاذنا علي ان المال الذي يأتيك وما عندك فيه حق ما تاكلوا كله ...جيب لينا نص المبلغ والنص الثاني حلال عليك .....وده الكلام الكان بيعملوهو اللصوص والحرامية في النظام القمئ السابق ...كانوا بينهبوا نص المساعدات ويتركوا النص للشعب الغلبان ...
حميدتي الكان بيعرف أسرار والحرامية عارف الكلام ده كان بيحصل....عشان كده قال المثل ده
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: امتثال عبدالله)
|
علي يا عمّك
المعنى مقروء مع السياق بتاع عايزين لجان ثقة و استدعاء قصص الفساد في العهد البائد قي مجال الاغاثة تحديدا تقول بانه يقصد زمان العاملين على الاغاثة او اي مسؤول ينجز او يطلع حاجة او ميزانية للناس بياخد حقه منها اول و اسي الكلام دا انتهى, البقص للناس يدي كل المقصوص لهم ما ياخد لروحه حاجة
و الله اعلم
| |
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: محمد البشرى الخضر)
|
حبيبنا ودالبشرى .. تحياتي يا جميل
كلامك صحيح العاملين في الاغاثة والجمعيات
يمارسون نفس السلوك
حميدتي خطير
أنام مليء جفوني عن شواردها ويسهر الخلق جراها ويختصم
الظاهر لديه دراية بالموضوع
طيب البشير قال سلم اخو حميدتي المبالغ التي
بحوزته
تحياتي ود البشري .. شكرا على المرور
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: محمد البشرى الخضر)
|
حبيبنا ودالبشرى .. تحياتي يا جميل
كلامك صحيح العاملين في الاغاثة والجمعيات
يمارسون نفس السلوك
حميدتي خطير
أنام مليء جفوني عن شواردها ويسهر الخلق جراها ويختصم
الظاهر لديه دراية بالموضوع
طيب البشير قال سلم اخو حميدتي المبالغ التي
بحوزته
تحياتي ود البشري .. شكرا على المرور
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Ahmed Yassin)
|
سلام حبيبنا على عبدالوهاب
دا كلام حرامية يا على - والمقصود بيهو الشئ البتسرقو = البتاخدو غصب - خذ نصو وجيب لينا نصو
واقرب مثل سودانى للمثل اعلاه - المال تلتو ولا كتلتو ( ومع انّ هذا المثل يضرب فى اموال الدين )
يا على اخوى هنا بوست قديم للزميل درديرى كباشى عن الامثال وقوالب شخصيات سودانية اضغط وانداح :
قوالب شخصيات سودانيةقوالب شخصيات سودانية
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Ahmed Yassin)
|
احمد الحبيب .. كرويه آنج نل
علي النعمة ما فهمت شيء
بعرف إنت عندك لغة قوية
العامية مشكلة .. نحن كنا مقفولين في جزر
عدم الاحتكاك بالاخرين مشكلة
أنا جمعت كلمات كثيرة من العامية ( حدر ، حردان ، وهيط .. عشرات الكلمات )
تحياتي يا جميل .. وو اهمد بناوي
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: علي عبدالوهاب عثمان)
|
| Quote: “البتقصو جيب نصو”.. |
ده اسمو اقتصاد الكعوك.....تقوم به الدولة المركزية المشوهة المتربطة بي البنك الدولي الخارج
ويسموها الراسمالية الطفيلية سافطين المركز يشيلو نص الثروة نفط وبترول ونصه لامريكا الصنعتهم
مثلا جبل الذهب في جبل عامر 300 طن ذهب
نصو للنظام الانقاذ(البشير وحثالته ) ونص الثاني للامارات ومن وراها طبعا البنك الدولي وامريكا تهريب الذهب
نفط الجنوب قبل انفصال الجنوب نصه(الانقاذ وحثالتها ) ونصه لي تركيا وماليزيا وومن وراها امريكا
الثروة الحيوانية نصها لشركة انعام والوليد بن طلال وليس مؤسسة تسويق الماشية واللحوم الزمان ونصه لي كيزان المؤتمر الوطني
اما في عالم الحركة الشعبية الاصل البهيج
موارد الاقاليم الخمسة المحكومة بخسمة حكام اقاليم محترمين وبرلمان اقليم محترم منتخب
%50 للاقليم و50% للمركز
وبكون كده ثروة وموارد السودان اضحت نخص شعب السودان وليس البنك الدولي ولا طفيايات المركز ولا دول الخليج المعفنة
عشان كده كتل الامريكيين جون قرنق والقذافي واي زول عنده ذرة اشتراكية اخلاقية في العالم الثالث
https://up.top4top.net/
الديمقراطية والفدرالية والمحكمة الدستورية هي العلاج للكعوك في السودان
والكعوك مصطلح اقتصادي وفي بوست طويل عريض مفتوح في المنبر بنفس العنوان
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: علي عبدالوهاب عثمان)
|
ول أبا علي،
جينا ..
حافظ وود البشري وأمتثال .. ناس لمّاحين .. الجملة وردت في الصحافة ناقصة وهي "حكاية البتقصو جيب نصو .. أنتهت" ..
دا كلام بادية ويقال في حالة الصيد .. أي صيد تذبحوا يحق لك نصفه .. حتى إن لم تكن أنت الصائد .. وحتى إن لم تذبح الصيد وحضرت القسمة يقسموا ليك.
ولو ترجمنا الكلام دا علي حسب لغة الوسط .. حميدتي يقول "الحق يذهب لأصحاب الحق .. وليس غيرهم".
هناك حديث للرسول يقول فيما معناه أن أحد أعوانه لجباية الزكاة .. جبي الزكاة وجاء بصرتين من المال .. قال هذه لبيت المال وهذه أهديت لي ... الرسول رفض رأيه وقال هلا جلست في بيت أبيك وجاءت تلك القسمة .. وأودع المال كله في بيت المال.
وهنا حميدتي يقول كون زول يشيل مال عام ويذهب به لأهل الضرر .. ويأخذ منه .. دي أنتهت .. المال يذهب لاصحاب الحق أو أصحاب الضرر.
لغة البادية صعبة وفيها تورية .. وهى محاولة ذكية من حميدتي .. ليقول سرقة المال العام أنتهت ..
بريمة
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Biraima M Adam)
|
حبيبنا الاديب بريمة .. تحياتي ..
كنت أتوقع حضورك .. وانت تقدم لنا هذا الشرح الباذخ
ومن تلك البيئة الغنية بالموروث الانساني ..
هي البادية .. جغرافية التأمل في الارض والسماء وخضرة والضرع
هكذا يكون انسان البادية لماح وذكي من العصر الجاهلي
جميل كما عهدتك .. منتظرين الاديب كبر كمان
لم أكن أتخيل أن يذهب هذا البوست إلى هذا المدى الابداعي
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: علي عبدالوهاب عثمان)
|
حبيبي الأستاذ علي عبدالوهاب عثمان
كمية من الاشواق لعلك بخير
| Quote: “البتقصــــــــــــو جيــــــــــــــب نصــــــــــــــو” |
بما انك بتعشق العامية بشدة اديك المعنى لمقولة حميدتي أعلاه بمقولة شبيهة يمكن يقعى ليك المعنى بس دايرك تعرف من القائل :
(اكسح امسح قشو قش جيبو حي آكلو ني )
بس اوع تقول لي دي زاتها عايزة شرح ههههههههههه
طلبت مني شرح شي أتيتك بالشي نفسه ولا شنو؟؟
تحياتي
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Osman Musa)
|
والقصد من المثل بيعني : قصاص درب الحرامية لو قادك للمسروق ليك الحق في قسمة
نص المسروق لو كان المسروق سلعة تجارية او دهب او حيوان .
=================
الحبيب عثمان .. تحياتي يا جميل
الجغرافية عندنا ضيقة جداً كانت على ضفاف النيل فقط على قدر مياه السواقي
ومحدودية عدد السكان .. لم ارى قصاص درب .. حتى الشرطة لم تظهر إلا قريبا
قرات كثيراً عند قصاصي الدرب ووجدت أن هناك بشر على مستوى عالي من الذكاء والحضور
المثل تحفيز لكل من يظهر المسروق ولمنع التستر ..
تحياتي عثمان الحبيب .. مزيد من الاثراء
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: محمد بدرالدين)
|
حبيبنا محمد بدرالدين .. تحياتي ..
العامية السودانية ثرية جداً بالامثال والاقوال
أنتم من حلفا إلى البطانة .. جغرافية الشعر والامثال
أتمنى يوماً ان أسافر في طريق الشرق
حتى هذا العمر لم أسافر عبر بورتسودان ولم أرى ميناء السودان
لو في العمر بقية الاجازة القادمة بالباخرة
تحياتي الحبيب محمد بدرالدين ..
| |
|
|
|
|
|
|
|
|
|
Re: حميدتي في خطابه “البتقصو جيب نصو”.. أخخخ (Re: Adam Youssif)
|
الحبيب آدم .. ما شاء الله .. أناقة ..
بعد الاستعانة بصديق .. هي عبارة قالها أحمد هارون
حالياً مرطب في سجن كوبر .. تقريباً أيام حرب الجنوب
بس المشكلة في ( جيبو ني آكلو حي )
نحن في ضواحي الدنيا هناك .. لا نأكل إلا البلح الني ( قلوك )
كل عام وأنت بخير الحبيب آدم
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
علي عبدالوهاب عثمان
صديق مهدى على
دفع الله ود الأصيل
عمر سعيد علي
Ahmed Yassin
Hafiz Bashir
محمد البشرى الخضر
علاء سيداحمد
adil amin
Biraima M Adam
Adam Youssif
محمد بدرالدين
Osman Musa
Mohammed Haroun
فيس بوك
تويتر
انستقرام
يوتيوب
بنتيريست