|
Re: يا سلام على المُضيفات الأهل.. (Re: محمد المرتضى حامد)
|
Quote: (هوي ، إنت قالوا ليك نحن ضابحين؟) |
ههههههههههههههه
مولانا الذي برانا هذه الايام بكتاباته الشيقة الممتعة
بركة بالشوفة يا رجل وارجوك لا تكتر غيابك تاني
على ذكر هوي ها قالولك نحنا ضابحين دي
تقريباً في عام 2008 سافر الى دبي دار الحي بطيران سوداني اسمو صن اير
هل تصدق انو احد الاطفال تحمله امه ضغط زر المضيف حوالي مرتين فقط
وبعدها كشر له المضيف عن انيابه واقسم امامنا نحن الركاب بان لو تكرر هذا الفعل لافعلن بهذا الطفل الافاعيل
كان هذا الحدث في رحلة العودة من دبي الى الخرطوم وكان جاري في المقعد سودانياً غاب عن السودان ربع قرن من الزمان
فاستعجب من هذا الفعل وقال دا شي غير مبشر اطلاقاً ههه
وناس صن اير ما قصروا مع هذا العائد المشتاق فاخروا له حقائبه حوالي 15 يوم فقط وكمان زعلان هههههههههه
تحياتي
| |
|
|
|
|
|
|
Re: يا سلام على المُضيفات الأهل.. (Re: Haytham Ghaly)
|
ابو أكرم ليك وحشة والله
عندما بدأت سودانير رحلة الدنو نحو الهاوية(approach) كان صديقنا الباشمهندس احمد صالح سوف يسافر على متنها من مسقط للخرطوم وكانت الحكاوي تترا ليلة وداعه وأجملها عندما حكى محمد اب نايب عن المضيفة التي طيل منها احد المسافرين " موية" بعد الإقلاع مباشرة فردت عليه: " خلاص بديتو حركاتكم دي" المهم اول حاجة يعملها احمد صالح و نحن نزفه للمطار ان قام بشراء 4 قوارير ماء ماركة العائلة فاستغربت وسألته؟ فقال " ماسمعت كلام اب نايب دا امبارح"
| |
|
|
|
|
|
|
Re: يا سلام على المُضيفات الأهل.. (Re: Haytham Ghaly)
|
الغالي هيثم، أريت حالك زين، تأسرني أغنية بعد الغياب بصوت عثمان مصطفى، عموما يا بركه، قصدت من البوست فتح كوة أمل بيني وبين أحلامي أن تعود سودانير إلى ما كانت عليه.. لكن قصص بعض مضيفاتنا ومضيفينا إبداع حقيقي يحتاج سِفرا لوحده.. بس كمان ما نظلمهم ، هنالك بعض الركاب تتمنى ألا تجمعك معهم المجموعة الشمسية أو أي مجرة مرة أخرى، كنت كتبت هنا عن تجربة في رحلة بالخطوط القطرية إلى الخرطوم وفيها بعض الأسر السودانية التي رافقتنا من الدوحة إلى الخرطوم وما الذي فعله الأطفال وأمهاتم وآبائهم ولو كنت محل أي مضيف أو مضيفة لربما تقدمت باستقالتي من الخدمه عقب عودتي إلى الدوحة..
أرجو الإطلاع على الرابط أدناه..
(مَتى مِن طول ِنـَزْفِكَ تَستـَريح؟)(مَتى مِن طول ِنـَزْفِكَ تَستـَريح؟)
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|