سيدي الحسن: نزل بالجوير غرب شندي في ضيافة جدنا العمدة بشير وضبعة، تزوج سكينة بت الخليفة النصيح وجاب منها السيدة نفيسة وعاش مع ود ضبعة بالجوير خمس وعشرين سنة قبل أن يغادرها لكسلا. سكينة دي الشقيقة الصغرى لحبوبتنا فاطمة أم السارة بت ود ضبعة والدة شيخ الطيب أبو قناية. نفيسة تزوجت من السيد المحجوب وأنجبت السيدة فاطمة. فاطمة تزوجها غوث الزمان السيد علي الميرغني شخصياً، لكنه لم ينجب منها.
قربنا نكون من آل البيت
09-24-2019, 09:05 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10235
السيد علي الميرغني إنفصل من حبوبتنا ومشى اتزوج أم ناس محمد عثمان، جاء راجع الجوير عشان يرجع حبوبتنا، وتوسط له جدنا الحسن ضبعة، لكنها رفضت بحجة أن زوجته الحالية بنت عمها ولا يمكن أن تكون ضرتها!! العنقريب البات في فيهو السيد علي الميرغني بالجوير في زيارته لمحاولة إرجاع حبوبتنا، قريب دا أهلنا كانوا محتفظين بيهو للبركة
09-24-2019, 09:10 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
هناك قصّة عجيبة تحكيها أمي عن أيام سيدي الحسن بالجوير. تقول: سيدي الحسن في أيام ضيافة بشير ود علي ود ضبعة -وبالمناسبة الحسن ضبعة سموهو على سيدي الحسن- بشير ود ضبعة عندو شجرة قدام بيتو، قال للأولاد أقطعوها عشان سيدي الحسن يصلي بالناس في المكان دا ويتوسع المكان. الأولاد جابوا الفاس ومع أول ضربة؛ الشجرة كاك صرخت وقالت لسيدي الحسن: خصمتك بجدك شفيع الناس كان تقطعني، قال ليها: زحي بأمر الله؛ الشجرة مالت
09-24-2019, 09:22 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
الطيب أبوقناية شيخ الطريقة التجانية: شيخ الطيب: تقريباً قبل دخول المهدي للخرطوم، أو قد تكون تقديراتي مخطئة، بابكر ود بشير ود أبقناية ساق مرتو السارة بت بشير ود ضبعة في مركبو أم ضُلالة من الجوير قاصد الجزيرة. لمان وصلوا جنب أم مرحي الجنب السروراب، ظهرت ليهم من المركب قبّة الشيخ الطيب راجل أم مرحي البمدحوا ليهو: يا ليلة ليك جنّ ومعشوقك أوه وجنّ أم مرحي فوق جبلنا وعود الأكسير معدنا
بابكر قال لزوجتو السارة: أسألي شيخ الطيب يعوضك أطفالك بولد، ما بغلبو دا جبل أم مرحي دا جاء سايقو من المدينة المنورة. السارة كانت قد فقدت طفلين قبل ولادة شيخ الطيب. السارة قبلت ناحية القبّة وتمتمت بكلمات وختمت الدعاء بنذر: قالت ليهو: لو جاني ولد بسميهو الطيب وبجيب أب أربعة وبجيك صادة.
نزلو في عمارة أبيد الجنب الحصاحيصا وجاور أبيد،
كعادة القناياب صعبين، بابكر شاكل ناس أبيد وقال ليهو بحليفة وزعل: والله إلا أخلي بيني وبينك بحر عبر النيل الأزرق وسكن كاروت وفيها رزقت آمنة ببحر العلوم ولي الله شيخ الطيب
09-24-2019, 09:31 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
في الغالب شيخ الطيب مولود ١٨٩١ بكاروت جنب رفاعة، وتعلم بخلاوي رفاعة، شالوهو ضمن الدفعة الأولى لكلية غردون، لكن بابكر بدري قال لجدنا بابكر: خليهو يواصل علوم الدين حكيت القصّة دي للزين صاحبي، قال لي: بابكر بدري ما بكون قال كدا جدك بكون لقوهو بليد وفصلوهو
09-24-2019, 09:33 PM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
ابوبكر عباس فى دراسة اجريت فى مايو فى جامعة الخرطوم تحت عنوان ( مدى اتساق التنوع الوراثى الوطنى مع جغرافية وتاريخ السودان ) عن طريق تحليل الحمض النووى اظهرت ان الشايقية نيجيريين والجعلين هوسا والعركيين نوير طيب اهلك ناس سيدى الحسن اين موقعهم من الاعراب هنا ههههه
مليح الزي دا يا جماعة، هو شيخ تقابة الجمهوريين الاستاذ سعيد شايب، وكان يسكن البيان مدني جنب طاحونة الدي، وسعيد شايب دا عند الجمهوريين التابعين لا يقل عن الأستاذ محمود، عندنا معاهو كاسرة ختمية محبة شديدة، وسر محبّة الجمهوريين للختمية هو الاتنين بعترفوا انو السيد علي الميرغني هو غوث الزمان كتير من بيوت الجمهوريين ديل لو دخلتها بتلقى صورة السيد علي الميرغني في الحيطة
09-24-2019, 09:53 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
مصداقاً لكلامك دا يا منّا، مرّة مشيت قطر عندي أخوي كان عيان، لقيت ساكن تحتو الكادر الخطابي للشيوعيين بجامعة الخرطوم في التمانينات عبد اللطيف، عارف اسم أبوهو منو، المهم عبد اللطيف دقّ باب شقة أخوي وأدانا قزازة فيها طين من حفير المكاشفي وقال ليهو كل مرّة زيدها مويّة وأشرب منها. الدهشة أصابتني وسكيت عبد اللطيف تحت وقلت ليهو الحكاية شنو يا زميل؟ قال لي عارفك ما بتصدق، لكن تعال معاي أحكي ليك القصّة دي نزلت معاهو وحكى لي قصّة أقرب وأغرب من الخيال
نظام تشويق وكدا بحكيها ليكم بُكرة مع الصباح، وإن كان قبل كدا حكيتها
09-24-2019, 09:59 PM
عمار عبدالله عبدالرحمن
عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
اول مرة اقرء باندهاش اتاريك ما مطموس الا غرقان ،، اها جدك أن ما قفز النيل بغادى لعمارة اليد كان فصدو ليكم قال ابيد. ناس صعبين خوف ابوسن ناظر الشكرية خلالهم واطاته ،،،
09-24-2019, 10:04 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
عشان خاطر زيارة عمار والملك بحكي ليكم قصّة عبد اللطيف تنوموا فوقها يمكن مكاشفي القوم أبو عمر يجيكم في المنام
قال عبد اللطيف: مشيت سوريا ممارض لي زول، وصفوا لينا عيادة دكتور، دخلت لقيت زول قاعد في كرسي ولابس جلابية، سلم علينا ومسح في راس المريض وقال لينا: دي ما العيادة ووصف لينا العيادة مشينا للدكتور وبعد الشفاء رجعنا السودان يوم دخلت لي بيت في السودان لقيت في الحيطة صورة زولي بتاع سوريا معلقة قلت ليهم دا منو؟ قالوا لي مكاشفي القوم أبو عمر قلت ليهم وين هسّ؟ قالوا لي مات من سنين سافرت سوريا ومشيت للبيت داك ما لقيت البيت رجعت السودان وآهو زي ما شايف السبحة والمريدين
عبد اللطيف السلطات القطرية رحلتو لكثرة الزوار للشقة
مدد مدد
09-24-2019, 10:53 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: عشان خاطر زيارة عمار والملك بحكي ليكم قصّة عبد اللطيف تنوموا فوقها يمكن مكاشفي القوم أبو عمر يجيكم في المنام
قال عبد اللطيف: مشيت سوريا ممارض لي زول، وصفوا لينا عيادة دكتور، دخلت لقيت زول قاعد في كرسي ولابس جلابية، سلم علينا ومسح في راس المريض وقال لينا: دي ما العيادة ووصف لينا العيادة مشينا للدكتور وبعد الشفاء رجعنا السودان يوم دخلت لي بيت في السودان لقيت في الحيطة صورة زولي بتاع سوريا معلقة قلت ليهم دا منو؟ قالوا لي مكاشفي القوم أبو عمر قلت ليهم وين هسّ؟ قالوا لي مات من سنين سافرت سوريا ومشيت للبيت داك ما لقيت البيت رجعت السودان وآهو زي ما شايف السبحة والمريدين
عبد اللطيف السلطات القطرية رحلتو لكثرة الزوار للشقة
مدد مدد
سلام وشكرا يا بكور الداخل لحجرة الأستاذ يلاحظ أن صورة الشيخ المكاشفي معلقة داخل زجاج البترينة الواقعة شرق عنقريبه. الأستاذ محمود يقول: (الأولياء والصالحين ما ميتين! وإنت لمّن تمِش ليهم يكرموك إكرام روحي زي ما لمّن تجيهم في بيوتهم وهم أحياء يكرموك إكرام روحي وحسي)!!
10-30-2019, 05:26 AM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
يا ناس هوووي .. قبل ما يسرح بينا المستنير .. خلونا نحققوا من صحة الأنساب
Quote: سيدي الحسن: نزل بالجوير غرب شندي في ضيافة جدنا العمدة بشير وضبعة، تزوج سكينة بت الخليفة النصيح وجاب منها السيدة نفيسة وعاش مع ود ضبعة بالجوير خمس وعشرين سنة قبل أن يغادرها لكسلا. سكينة دي الشقيقة الصغرى لحبوبتنا فاطمة أم السارة بت ود ضبعة والدة شيخ الطيب أبو قناية. نفيسة تزوجت من السيد المحجوب وأنجبت السيدة فاطمة. فاطمة تزوجها غوث الزمان السيد علي الميرغني شخصياً، لكنه لم ينجب منها.
قربنا نكون من آل البيت
الجد العمدة بشير ود ضبعة
سيدي الحسن .. تزوج سكينة بنت الخليفة النصيح
بنات العمدة الخليفة النصيح هن: 1. السيدة نفسية 2. فاطمة. ووهى زوجة العمدة ود ضبعة .. والعمدة أنجب منها السارة (والدة الشيخ أبو قناية)
نرجع للسيدة نفيسة: تزوجت المحجوب .. زوجها الثاني بعد ما سافر سيدي الحسن ونفسية أنجبت السيدة فاطمة بت المحجوب المسماة علي خالتها .. فاطمة بت النصيح
المحجوب رجل ْمجهول ليس من أسرة ود ضبعة .. ولا أسرة سيدي الحسن
فاطمة الحفيدة بت المحجوب تزوجها غوث الزمان السيد علي المرغني ..
بالنسبة لفاطمة الحفيدة ليس لديكم معها نسب شرعي .. لا ترثكم ولا ترثونها .. لأنها ليس من أسرة ود ضبعة بل من أسرة العمدة النصيح .. لأن جدكم ود ضبعة هو عديل المحجوب .. وهو ليس نسيب لغوث الزمان الميرغني ..
ما تتتسلبط ساكت ...
بريمة
09-25-2019, 10:07 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
جاني إعتراض انو سيدي الحسن ما ممكن يكون جلس بالجوير خمسة وعشرين سنة، ممكن قال لي خمسة وعشرين شهر ما مهم المهم سيدي الحسن ناسبنا ولو لا إنقطاع نسله معنا، كنا نكون أولاد خالات آل البيت المهم برضو العباس عمهم جدنا يعني أولاد عمومة
09-25-2019, 10:51 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: هسّ ناس الكنزي يشوفوا القصيدة دي يجوا يقولوا لينا: نحن قبيل شن قلنا؟ شوف عليك الله، البيت بتاع أنت ذا ذاته أنت نظراته
😁😁😁😁 شكرا يا سيدي المستنير على الهدية الجميلة، بعد ما طلعت من آل البيت نديك ترقية شوية ونسميك سيدي المستنير 😁😁، وبالمناسبة أنا من اطلق عليك لقب المستنير عند فتحي لپوست لكي يرحب بك بورداب أمريكا عند بداية دخولك لحوش بكري.
بمناسبة مدحة سيدي الحسن، برضو زمان بتذكر كان في أغنية بتقول: سيدي الحسن حَلَّمْ بي خشمو ما إتكَلَّمْ
09-26-2019, 00:43 AM
النذير حجازي
النذير حجازي
تاريخ التسجيل: 05-10-2006
مجموع المشاركات: 7160
سمعت حكاية انو القبائل في الحجاز ونجد كانوا مع بداية تأسيس المملكة العربية السعودية انو الملك عبد العزيز كان بتزوج من اي قبيلة تتحالف معاه فمرات المراءة ما بتنجب فبقوموا الجماعة بحملوها شغالين بنظرية ركوب الراس (حملت ما حملت شاحننها) عشان يكون من اولاد بتهم امير فشنو لو كان حدس ما حدس كان هسي عندكم خال من آل البيت الميرغني😂
09-26-2019, 02:57 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
Quote: (حملت ما حملت شاحننها) عشان يكون من اولاد بتهم امير فشنو لو كان حدس ما حدس كان هسي عندكم خال من آل البيت الميرغني😂
ههههههههه يجازي محنك يا ود دفع الله لكن الظاهر نظرية ركوب الرأس شغالة من زماااااان عشان كده تمشي الهند تمشي المغرب تمشي أندونيسيا تمشي الأردن تمشي تنزانيا تمشي جزر القمر تمشي فيجي تمشي أسبانيا تمشي واق الواق بتلقي مسلمين يقولوا ليك نحن من آل البيت أو العباس جدنا تقول باقي الصحابة ما ولدوا وما عندهم ذرية ... يقولوا ليك يا زول ما تطعن في الأنساب ههههه
10-28-2019, 07:46 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
سلام يا حلوين، غايتو الشيخو ما مذكور في قصيدة ود الماحي، شيخو الشيطان 😁😁 أنا غايتو جدي ود حجازي مذكور، وكذلك جدنا شرف الدين
Quote: الشيخ شرف الدين جد "العبابسه" السودانيون مذكور في قصيدة لأولاد حاج الماحي (مدحة التمساح)
صورة للمادح الشهير حاج الماحي وأولاده
كاتب هذه القصيدة هو الحاج الماحي بن محمد بن الشيخ بن أحمد بن عبدالله ولد عام 1789م بقرية الكاسنجر قرب مدينة كريمة بالولاية الشمالية وتوفي بها 1871م.
ترجع أصوله إلى أحد بطون قبيلة الجعليين وهم المسلماب حيث هاجر جدوده من قرية العقيدة التي تقع جنوب الدامر إلى ديار الشايقية منذ القرن الـ17 الميلادي.
وقد ألف العديد من القصائد ذات الطابع الديني منها: *إلهي صلي علي الخيارا *سمح الوصوفو يارب نشوفو *يا رحمن أرحم بي جودك *وا شوقي عليك يا أحمد عظيم الشان *وا شوقي للجاه الملك *طالبات النبي المحبوب، وهي قصيدة رثي فيها ابنه المجذوب الذي توفي صغيرا *يا أخوي حليل الدّرجو *القُبة التلوح أنوارا *القبة البلوح قنديلا *عيب شبابي الما سرح *الجلب الرجال سياح *يا نور *شيل من عَشِيْ *صلاة وسلام لي محمدا *شوقي لي مدينة العلم
*بتين يا عاشقين نحدَ العُتُول
ونعرض لكم هنا قصيدته الشهيرة بمدحة التمساح كوثيقة تاريخية فقط بغض النظر عن تأويل محتواها وهل هو محتوى شركي أم لا وذلك لاحتوائها على استغاثات واضحة بالأولياء والصالحين من دون الله تعالى، ونحن نذكرها فقط لاحتوائها على اسم جدنا الشيخ شرف الدين بن يعقوب مع مجموعة مقدرة من أولياء السودان ومصر والعالم العربي، وقصة هذه القصيدة تتلخص في أنه وفي عصر ليس بالبعيد قد أرهق تمساح أهلنا في شمال السودان وذلك بقتل عدد كبير من أهلنا الشوايقة في النيل وصعب عليهم اصطياده فذهب سماحة الشيخ المادح حاج الماحي إلى المنطقة وأنشد قصيدته المشهورة التمساح، وقد قيل إن الله تعالى قد استجاب لدعاء حاج الماحي، ووجد التمساح ميتا بعد ثلاثة أيام علي ضفاف النيل وهي قصة مشهورة في السودان والقصيدة هي:
يارحمـان أرحم بي جودك
دلي الغوث ينزل فى بلودك سم يا فمي أذكر معبودك قول يا واحدا حي في وجودك يا مسعد أسعد بسعودك ونحنا نصلي على مريودك ***** يا رحمان أرحم بى برك يا حافظ فى بحرك وبرك فى وليانك أطلق سرك خل نيشاتن اليتحرك ***** آمين آمين يا كاشف الغمه جنب ها الدابي تصبحه رمه تسلط واحد ايده مدمه يعجل قتله قبيح القمه ***** يا الخلفا الحالكم مرضيه يا أهل البيعه العقدوا النيه التمساح سكن الشايقيه خلوه اليروح نسيا منسيا ***** يا ابن ادريس عدل نيشانك فوق الكل عامر ديوانك هم يا شيخ الناس حيرانك في التمساح بين برهانك ***** يا ابن ادريس شيخنا النوراني يا صاحب الفتح الرباني يا إبنه العركي ويا السماني أرموا سهامكم يا فرساني ***** شي لله يا ذات التجلي صاحب السر والفتح الكلي يا الغوث البي الكون متولي التصريف هيلك عجل لي ***** يا عبد الوهاب التازي يا أب درعا منسوب بي حجازي التمساح تمساحا خازي درنا العوم أدونا الأجازي ***** يا الداسوقي وشيخه رفاعي يا حسن التواع كون واعي الشبلي وشيبان الراعي أرموا سهامكم يا شجاعي ***** شي لله يا أهل الدايره يا الفي الكون أسراركم سايره أرخوا السر في السحره الغايره خلوا الدايره التصبح نايره ***** وينكم لي وينكم يا قومنا سهرانين نحسب فى نجومنا التمساح حجر لي عومنا إن ما جيتونا عليكم لومنا ***** وينكم وينكم يا ديله يا أهل الحضره الليله الليله اجتمعوا وخلوا البهديله التمساح أحموهوا الشيله ***** وينكم لي وينكم يا كمل يا لحاق فيكن بتأمل يا الفوت البي الكون اتحمل عرض الدار روح يتهمل ***** وينكم لي وينكم يا كسر يا لحاق فيكن بدثر التمساح بالحيل انجسر أمره عليكم ما بيتعسر ***** شي لله يا حسن البصري صهيب الروم ذا النون المصري يا الدباغ أبو سرا يسري يا ابن المحجوب الناس متحسري ***** شي لله يا أب جلابيه يا عثمان شيخ الختميه يا الصلاح جمله الأوليا التمساح شوفوله أذيه ***** شي لله يا راجل البقعه يا أهل الحضره البعد الهجعه يا الفكي شيخ الهام أب تسعه شيل الدابي تحتكم بدعه ***** شي لله يا عبد القادر محي الدين البحر السادر يا ود زينب قوم ليا مبادر يا ود حاج قول جيتكم حاضر ***** شي لله يا راجل البركل يا قايم الليل ما بتكسل يا عايم بالله اتوكل قول للدود من بلدي اتفضل ***** يا أهل الركب الفات بي ليله ما فيكم واحدا شاد حيله أحمد وأحمد وأحمد شيله ود عدلان فوق راسه أديله ***** يا ياسين يا ود حميده يا أهل القبه الباقيه فريده إنتوا ما أبتا طيته أكيده ما بتغلبكم هذي الصيده ***** يا رجالة نوري إتلموا خلوا الغفله جميعكم هموا محمد صالح قام بي عمه لطم الدود بالسر فوق فمه ***** يابا حمدته أب نايبا شوكه صاحب سر وايدك مبروكه يا أب نيران ألحقنا بابوكا هم يا شيخ الناس زموكا ***** يا الفكي شيخ العبد الصالح يا لحاق فى بحر المالح ود بيلي وعووضه القارح وين حاج عيسى القدر الطامح ***** يا أب شارب وأولاد السته أماني عليكم ليش ها السكته أسمع يا شيخ القول ليك إنت جرت الحين فى بلادكم نكته ***** الزرق أبوات ود حاج موسى يا الكمل ما فيكن دوسه البلد الكانت محروسه إتحجر العوم والناس محبوسه ***** يا ود جابر ليكا بنادي قوم بأخوانك لا البولادي يا العجمي أب رزقا صيادي أخدوا الشكره العادي العادي ***** يا أولاد جابر بي عجميكن قوم الخمسه وأكربوا سريكم نادوا أب رابعه وخلوا يجيكم قتل الدود مو قاسي عليكم ***** يا وراق يجن حوباتك في التمساح بين آياتك خلو يصوب من بلداتك لا يتمسخر فى زوراتك ***** شي لله يا رجالتنا شرف الدين فرسان المتنه صالح السلمي أسمعوا كلمتنا أحبسوا الدود لا يطل صفحتنا يا النبي بي جاهك ثبتنا أحفظنا واستر غربتنا أكوي أعدانا وكيد شامتنا فى الدارين أكتب راحتنا ***** البنيان يا جمله صحابي الغوث يا قطب الأقطابي الشبلي وبدوي النشابي أرخوا السر في هذا الدابي ***** على المحبوب صل يوت يا برا عدد مخلوق جميع لا الذره نظم له الماحي قصيده وجرا تنجي الأمه فى يوم الحرا ***** صلاة الله عدد ما لبا وقاف الحج وطواف الكعبه سلاما جابه الماحي معبا يعم السيد والآل والصحبا *****
Quote: السيد علي الميرغني إنفصل من حبوبتنا ومشى اتزوج أم ناس محمد عثمان،
والدة السيد محمد عثمان الميرغنى وشقيقه السيد احمد الميرغنى هى الشريفة فاطمة بنت السيد جعفر بن السيد بكرى الميرغنى ووالدتها هى الشريفة زينب بنت السيد محمد عثمان تاج السر الميرغنى ابو زينب ...
10-29-2019, 06:55 AM
Shinteer
Shinteer
تاريخ التسجيل: 09-04-2002
مجموع المشاركات: 2525
السلام عليك يا صاحب الدار تقصد عبد اللطيف محمد عثمان؟؟؟ بتتكلم جد؟ غايتو أنا بعرف اتنين تلاتة كدا كانوا عنقالة وبقوا شيوخ وأصحاب أسرار بسبب حوادث زي الذكرتها انت دي. شيء عجيب.
10-29-2019, 06:57 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
Quote: الأستاذ محمود يقول: (الأولياء والصالحين ما ميتين! وإنت لمّن تمِش ليهم يكرموك إكرام روحي زي ما لمّن تجيهم في بيوتهم وهم أحياء يكرموك إكرام روحي وحسي)!!
دا نوع الكلام البجنن ناس الكنزي ومحمود الزبير!!
شكراً يا ياسر، على وفد البوست بصورة أبو عمر وكلام الأستاذ
10-29-2019, 09:26 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
يا إخلاص، أظن حسب حلقة تلفزيونية حضرتها بداية التسعينات مع دكتور عبد الله حمدنا الله، قصيدة الحسن صاقعة النجم قيلت في واحد من ناس البشاقرة والبشاقرة دي جنب الكاملين ناس البشاقرة ديل مشهورين بالعرس الساهل وبشجعوا العرسان الجداد بشوية غنم وبيت
وينك غائبة؟ أكيد كنتي بتلمي ليك في قروش أصلاً البكون حاتل هنا معناها مفلس
10-29-2019, 09:30 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
Quote: الخواجات ديل عزموا السيد علي وليمة وضبحوا ليهو كِلاب جابوا الصينية قدامو مدّ يدو للأكل وبدل التسمية قال بسرو: جر كل عضم قام كلِب لحالو وقامن جاريات
التلاتة خواجات خروا إليه ساجدين
مدد
مدد ساي؟ يلحقنا و ينجدنا
10-29-2019, 11:57 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
Quote: هلا الأخ محمد الحسن،شكراً على المعلومةيا ريت توقع لي السيد المحجوب الاتزوج حبوبتنا بت سيدي الحسن دا منو؟
مرحب بك ولك الشكر واتمنى ان اوفق فى الاجابة على سؤالك ... هو السيد عبدالله المحجوب الميرغنى ابن السيد محمد سرالختم بن الامام الختم السيد محمد عثمان الميرغني....وضريحه السيد المحجوب بالخرطوم بحرى حلة حمد . وزوجته هى ابنة عمه الشريفة نفيسة بنت السيد الحسن الميرغنى اب جلابية ..وايضا لها ضريح بجواره ومن ابنائه السيد إبراهيم الذي توفي بحلفا القديمة ونقل إلى حلفا الجديدة ...
يا محمد الحسن، عليك الله كدي إتاكد لي ابراهيم ود السيد المحجوب أمو منو؟ لأنو حسب حكاوي والدتي انو نفيسة بت سيدي الحسن من زوجته بت الخليفة النصيح لم تنجب من السيد المحجوب غير فاطمة والتي تزوجها السيد علي الميرغني ولم ينجب منها
يبدو من اسمك انو ريحة سيدي الحسن فيك فايحة
10-30-2019, 09:09 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
يا نذير، ود عمي علي العوض عباس جمهوري أصلي ما زي ناس عبد الله عثمان، رسّل تعليق حول البوست قال فيه: "قاعد متابع بوست المستنير.. عن سيدي الحسن.. عجبني تعليق للنذير حجازي.. غايتو الشيخو ما مذكور في قصيدة ود الماحي شيخو الشيطان"
10-30-2019, 12:21 PM
أمير محمد أحمد أبيض
أمير محمد أحمد أبيض
تاريخ التسجيل: 12-07-2015
مجموع المشاركات: 367
السيد بابكر المتعارض حفيد الشيخ حمد ود المريوم والشيخ خوجلي أبو الجاز وعالم علماء السودان في عصره أصبح أحد مريدى السيد الحسن الميرغني وأعز أصدقائه. ويحكى أنه في أحد المرات وهو مع السيد الحسن في كسلا قال له الحسن حاج الماحي بمدح في مدحة جميلة ..وللعلم حاج الماحي كان في كريمه رفع السيد الحسن كم الجلابية وقال للمتعارض هاك أسمع فسمع المتعارض حاج الماحي وهو بمدح في الكاسنجر قرب كريمة.
Quote: السيد بابكر المتعارض حفيد الشيخ حمد ود المريوم والشيخ خوجلي أبو الجاز وعالم علماء السودان في عصره أصبح أحد مريدى السيد الحسن الميرغني وأعز أصدقائه. ويحكى أنه في أحد المرات وهو مع السيد الحسن في كسلا قال له الحسن حاج الماحي بمدح في مدحة جميلة ..وللعلم حاج الماحي كان في كريمه رفع السيد الحسن كم الجلابية وقال للمتعارض هاك أسمع فسمع المتعارض حاج الماحي وهو بمدح في الكاسنجر قرب كريمة.
غايتو بوست لو مابقيت ركيب قطع شك بتقع بتقع في قيادة بإهمال هههههههههههههههههههههههههههههه
10-30-2019, 12:28 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
المستنير ده زول حكاي بس نساي المسرح سوداني بحت وصراحة عجبتني حكاية الكلاب بس الناقد لازم يكون محايد وطبعاً الناقد يُعرف بانه ( فشل )في ما نجح فيه الآخرون
خواجة بذبح كلب !!!! كان تخليها غربان وزي سيدنا إبراهيم
حكاوي المستنير دا عجبتني وراقت لي وأتمنى أن يواصل فيها حتى لو كان مستنير فعلاً (مستنير دي معناها شنو؟). أقول هذا لأني أعتقد غير جازم أن من حفظ السودان هي قِباب الصالحين وأهلها. كنت بقول الكلام دا لأصحابي بسخرية ممزوجة بالجدّية. السودان لأنو ما دولة ولا يمُت لمفهوم الدولة بأي صلة ... وما زال عايش. عبث به سياسيوه وأجرموا في حقه، وظل قائماً؛ يترنّح. ما هو السر في بقاء السودان حتى الآن؟ أظن أن لأهل القباب دوراً غير مرئي. أوتاد السودان. دي شطحة مني لكن بتراودني كتير. وشي لله يا حسن يا سلطان الزمن.
Quote: ما هو السر في بقاء السودان حتى الآن؟ أظن أن لأهل القباب دوراً غير مرئي. أوتاد السودان. دي شطحة مني لكن بتراودني كتير. وشي لله يا حسن يا سلطان الزمن.
ما عندهم اي دور في موضوع بقاء السودان دا ولا حاجة
مجرد ناس قاعدين في قبابهم دي لا حول لهم ولا قوة والصيت من الله ساااااكت
اضرب ليك امثلة على حاجات مماثلة لحالة التوهان دي
مثلاً في مطعم في شارع الاربعين بعمل بوش وبوش عادي جداً لكن لو ما جيت بدري ما بتلقى محل تقعد فيهو وحتى ما بتقدر تقيف وتحجز محل من الزحمة الناس بجوهو من سقط لقط مع انو لمن جربتو لقيت مافي اي فرق بينو وبين المطاعم الاخرى
مثال تاني سلسلة مطاعم بيتزا هوت اقسمبلاي البيتزا عندنا اطعم واشهى والذ منها الاف المرات ، ياخي امشي جرب البيتزا في مطعم لذيذ في شارع واح العمارات والله ناس بيتزا هوت كان دقو راسم بالسما ما يقدرو يعملو زيها .. الصيت من الله ومن غفلة الناس ساااي
اها على ضوء الامثلة دي نفس الشي موضوع الشيوخ دا يقوم واحد من الناس في لحظة تصالح مع النفس ونوع من الرضا يقابل ليهو زول يعجبو وهاك يا مدح وهاك يا القاب وشيخي وسيدي والغوث وشنو كدا ما عارف والناس تصدق .. والمشكلة هو زااااتو يصدق
اسع ما ياهو دا المستنير زاااتو صدق انو مستنير
10-31-2019, 06:19 AM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
هوي يا هيثم المستنير دا أنا إتأكدتا من استنارتو سنتين تلاته لي ورا ... يا زول هوي استنارة شنو ... أنا قاطع الشك في إنو من آل البيت وود صالحين عديييل لكن الصحبة المطموسة طمستو ... كدي شوف الزول دا إتبين كم مرة ... وشوف المسافات ... ٤٠٠ كيلو بين ود المجذوب وأب حراز و٤٠٠٠ كيلو بين دبي والبطانة ... يالنبي نوح ..
Quote: أول مرّة أسوق عربية من مدني للخرطوم كانت خريف ٩٣ والعربية كانت بفلو بيضا. أول ما طلعنا من مدني وجنب برج الإذاعة الفي ود المجدوب، صبت مطرةطلعت العربية من الشارع ووقفت في حتة عالية، بالرغم من أنو الوقت كان نهار إلا إنّو الواطة ضلمت وجابت ليها برق قوي، فكرت إنّو برج الإذاعة دا بشتغل مانع صواقع، جات رعدة قوية جدا جدا، قبلها بثواني ظهر برق ما شفت زيو، مباشرة شرق النيل وتحديدا في ابحراز. ما في زول بصدقني، لكن من محلي داك شفت قبّة الشيخ يوسف ابشرا البغنن ليهو البنات: بالضرى بالضرى يا ابشرا بالضرا ان شاء الله راجل مرة يا ابشرا شفت الصاقعة امتصّاها الهلال الفي قمة القبة، وشفت ابشرا قاعد ليهو في كرسي أخضر في نص القبة ومتوشح بشال اخضر بالدهبي، وشايل سبحتو يسبح: يا حسن، يا حسن، يا حسن في اللحظة ديك مرت بخيالي تلاتة حاجات:- شوف السيدة آمنة بنت وهب للنور الذي أضاء مدائن كسرى يوم وضعت الرسول (ص) - سيدنا عمر بن الخطاب من المنبر يقول لسارية: الجبل الجبل - قصة يوسف ابشرا وهو صبي برعى بالغنم في الصفيّا وبرد (يرد الماء) بيهن الرهد في ابحراز (٤٠٠ كلم)، بشرب من الرهد، لمان يصل الصفيّا، قطرات الماء البلن شنبو بكونن ما نشفت!!
Quote: كبيت بترول في محطة العوهة، العوهة دي آخر نقطة في العين المدينة، هسع الاسم قلبوهو الفوعة، ما عارفو عملوا شنو؟! لكن غيروهو. اشتريت سندوتش نقانق زيادة طماطم وخالي طحينة، وعصير مشكل، ومسكت الظلط. لمان وصلت كبري قباشة (غباشة)، نفس المطرة بتاعت ود المجدوب دوّرت، والدنيا انقلبت ليل، برق رعد خطيرين طلعت العربية من الظلط، لمان البرق شدّ، شيطاني قال لي: ديك مرقك منها ابشرا، دي بتمشي منها وين؟ تذكرت عفصة الإبريق، قلت ليهو (للشيطان): الله ما بعابي ولا ينفعل وابشرا "لحاق بعيد" الغريبة، تعبير "يا لحاق بعيد" دا كان كاتبو بابكر سالم ابو سنون في كل لواريهو (جمع لوري) في مدني ما عارف جاني من وين نابل كمال ود عمي قال لي، وكنت قاعد ابني ليهو في قفص حمام بحي مايو جمب جامع بابكر سالم ابوسنون، وأنا بالمرحلة المتوسطة، قال لي: لو تقول كل يوم الصباح "يا لحاق بعيد" تلاتة مرات، أصلا ما بتفقر. نزلت من العربية قلت انزل تحت جسر قباشة دا، آخد لي بولة، النصيحة أنا زي النوبيين بهرش من الرعد هرش شديد، قلت وأنا نازل من العربية: يا لحاق بعيد تلاتة مرات دي كانت أول مرّة استعمل وصيّة ود عمي حصلت حاجة غريبة جداً جداً دي ما ظنيت زول واحد يصدقها، أكبر من ديك وأنا نازل تحت الكبري، حصل برق وسيفو (سيف البرق) فصل بيني والعربية، بقى قدامي زي بوابة التنقل بين الماضي والحاضر البجيبوها في الأفلام الامريكية الخيالية. أول مرّة أدخل إستاد مدني كنت في بداية المرحلة الابتدائية، مع ود أختي الذي يكبرني بسبع سنوات.المباراة كانت بين المريخ العاصمي والنيل مدني، سبّطت مطرة شديدة، نزلنا ادسينا في ضهر اللوحات الجانبية، كل مرّة كان يقول:جايّة رعدة فعلا تجي بعد كلامو أدهشني صدق التنبوء بتاعو لاحقا شرح لي إنّو الضوء يسبق الصوت أها سيف البرق لمان شقّ بيني والعربة، شاهدت نفسي طفلا تبلله الأمطار في إستاد مدني، وانتظرت الصوت، لكنني وجدت نفسي في زمن مختلف خالص عن ود المجدوب وأستاذ مدني وعن قباشة!! في زمن مختلف ومكان مختلف، فتحت عيوني لقيت ارض خضراء منبسطة على مد البصر، تزين الخضرة زهرة التبر البيضاءالمكان عرفتو بطانة اب علي، وقاعدين في ضَل تاية، وجنبنا بهم ضان وشاي مشدود في نار بعر، ونغني واشيل معاهم وأقول: تالي القبلي شايف لي برقا لمع والصيد في الخمائل يا ناس اجتمع الصوت الأساسي في الغنا عرفتو صوت المداح الحكيت ليكم بيهو زمان قلت ليهو:يا يوسف أبشرا، اللماك بي هنا شنو؟قال لي: اللماني بيك اتّا عارفو، لكن قول لي: بنطلونك وجزمتك ديل غيرتهم متين؟ ووين؟
(عدل بواسطة Salah Zubeir on 10-31-2019, 06:24 AM) (عدل بواسطة Salah Zubeir on 10-31-2019, 12:13 PM)
10-31-2019, 06:30 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
مما نقل لنا يا مستنير أن منشدنا الكبير الباشمهندس عبدالله فضل الله عبدالله قد زار الشيخ يوسف أب شرا يوما فأنشد له قصيدة "شي لله يا حسن" فلما نقل ذلاك للأستاذ قال له ما معناه لولا أنك جمهوري لعطبك أو شيء من هذا القبيل هسي دحين جدك الحسن ود ضبعة وقاك ---- وصفك للبطانة وخريف الرتوع ذكرني بلطيفة لدالي قال أن راعيا أعجبه حال بهمه والخريف فيهو راتعات ... تذكر الموت قال والله الله دا إن خلانا من موتا دي جنتو ولا دايرنها
ما سألتني من سالفة المحمد عثمانون
10-31-2019, 08:53 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
Quote: يا نذير، ود عمي علي العوض عباس جمهوري أصلي ما زي ناس عبد الله عثمان، رسّل تعليق حول البوست قال فيه: "قاعد متابع بوست المستنير.. عن سيدي الحسن.. عجبني تعليق للنذير حجازي.. غايتو الشيخو ما مذكور في قصيدة ود الماحي شيخو الشيطان"
😁😁😁 أبلغه تحياتنا يا سيدي المستنير، ولو معانا هنا في أمريكا عازمكم أنتو الاتنين قعدة في ستاربكس. كسرة: مادام رواد وقُراء الپوست من الجمهوريين الجميلين، عندي سؤال عن الأستاذ محمود محمد طه في صغره كان يتبع إلى أي طريقة؟! نقد قُبيل مماته وصى أن يصلي عليه صوفي، عجبتني وصيتو، كلنا ما عايزين سلفي او أخ مسلم صلي علينا في موتنا.
11-02-2019, 08:13 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
Quote: كسرة: مادام رواد وقُراء الپوست من الجمهوريين الجميلين، عندي سؤال عن الأستاذ محمود محمد طه في صغره كان يتبع إلى أي طريقة؟!
في لقاء الأستاذ محمود محمد طه بمندوبي معهد الدراسات الأفريقية والآسيوية، الذي تم في نوفمبر 1975، نقرأ السؤال التالي وإجابة الأستاذ عليه:
س: نرجع كدا لنقاط صغيرة: صلتك بالركابية، طبعا أسرتك ركابية وكدة.. كان في أي دور ديني في الفترة دي؟ الصلات الدينية الكانت مؤثرة.. المناطق دي كانت مناطق بيوتات دينية؟
في ناحية النشأة الدينية، الركابية الغالب عليهم الطريق الختمي.. ونحن عندما وعينا وجدنا أهلنا في اتجاه الطريق الختمي لكن ما كان في حرص على إقامة الشعائر بتاعة الطريقة بمعنى الليالي والأذكار والمدائح.. لكن كان معلوم عندنا أنهم أهلنا ختمية.. في، هم الركابية بطبيعتهم متدينين فكنا بنرى والدنا شديد التدين شديد الوفاء في أعماله وصلاته بالناس، التجارية بصورة خاصة.. كنا من جدتنا برضو بنشوف حال من التدين كبيرة لاتزال راسخة في أذهاننا، لكن ما فيش بيت ديني كنا بنتلقي منه شيء من تعاليم الدين بصورة انتماء..
وقد قرأت في صالون الجمهوريين عن إفادة تقول:
وفي يوم سماية الاستاذ برفاعة حيث ولد بالديم قرأوا عليه المولد العثماني تيمنا و تبركا..
11-02-2019, 02:32 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7160
ألف شكر يا حبيبنا د. ياسر على المعلومات الضافية، لدي سؤال آخر هل يمكننا إعتبار الفكر الجمهوري طريقة صوفية؟! أعلم أنه أكبر من طريقة، وهو مذهب قائم بذاته، وبعض الناس يصنفونه ديانة قائمة بذاتها، فأي تصنيف أقرب لها؟ مع فائق الشكر مقدماً
11-02-2019, 03:19 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
Quote: ألف شكر يا حبيبنا د. ياسر على المعلومات الضافية، لدي سؤال آخر هل يمكننا إعتبار الفكر الجمهوري طريقة صوفية؟! أعلم أنه أكبر من طريقة، وهو مذهب قائم بذاته، وبعض الناس يصنفونه ديانة قائمة بذاتها، فأي تصنيف أقرب لها؟ مع فائق الشكر مقدماً
لا يمكن اعتبار الفكر الجمهوري طريقة صوفية، ولكنه في مجال السلوك، دعوة إلى طريق النبي محمد صلى الله عليه وسلم، وقد أسماها الأستاذ بطريقة الطرق. وقد كتب في كتابه "محمود محمد طه يدعو إلى طريق محمد: تمهيد إن دولة القرآن قد أقبلت، وقد تهيأت البشرية لها بالمقدرة عليها وبالحاجة إليها، فليس عنها مندوحة.. وهذا يلقي على عاتق المسلمين المعاصرين واجبا ثقيلا، وهو واجب لن يحسنوا الاضطلاع به إلا إذا جعلوا مُحمّدا، وحده إمامهم ووسيلتهم إلى الله.. لقد خدمت الطـرق الصوفية غرضا جليلا، في نشر الدين الحق، ولقد ربّت رجالا أفذاذا، كانوا منارات هدى، ومثابات رشد للأمة، عبر تاريخها الطويل، في ارتفاعه وانخفاضه، عندهم التمست دينـها وخلقهـا وتربيتها.. ولكن اليـوم!! فإن تحديات العصر أكبـر من الطرق وأكبـر من المشائـخ، وليس لها غير مُحمّد.. ونحن ندعو جميع أصحاب الطرق إلى العودة إلى طريقة الطرق ـــ طريقة مُحمّد ـــ إذ بتقلّيد مُحمّد تتوحد الأمة ويتجدّد الدين، ونحـن، إذ نخـرج هذا النمـوذج من طريقة مُحمّد، إنما نفعـل ذلك على سبيل المثال، لا على سبيـل الاستقصاء، وهـو نموذج قـد يغني كثيرا من السالكيـن، ريثما تتفتح لهم آفاق الحقيقة المُحمّدية..
وكتب في خاتمة الكتاب: خاتمة
أما بعد فهذه طريقة مُحمّد، وهي طريقة الطرق - هي النهر الذي فيه تصب جميع الخيران - وهي البحر الذي فيه تلتقي الأنهار.. لقد كانت طريقة مُحمّد عبادة بالليل، وخدمة بالنهار.. خدمة لله بالليل، وخلوة به ومناجاة له بحديثه، على تقلب وسجود.. وخدمة لخلـق الله بالنهـار، وبراً بهـم، وكلفاً بتوصيل الخيـر إليهـم، في محبة وفي إخلاص وفي إيثـار.. وبهذا وذاك تصبح حياة الحي كلها عبادة.. وهذا هو مراد الله من العبادة حين قال ((وما خلقت الجن والإنس إلا ليعبدون)).. وطريقة مُحمّد جماعها هذه الآيات: ((قل إنني هداني ربّي إلى سـراط مستقيم، ديناً قيماً، ملّة إبراهيم، حنيفاً، وما كان من المشركين * قل إنّ صلاتي ونسكي ومحياي ومماتي لله ربّ العالمين * لا شريك له، وبذلك أمرت، وأنا أول المسلمين)) كل شيء فيها لله.. معاملة للحق في الحق، ومعاملة للحق في الخلق.. وهذا ما عناه المعصوم حين قال ((الدين المعاملة)).. ثم أما بعد، فإن هذه دعوة إلى الله، داعيها مُحمّد، وهاديها مُحمّد.. وهي دعوة وجبت الاستجابة لها أمس وتجب الاستجابة لها اليوم، كما وجبت أمس، وبقدر أكبر، إذ الحجة بها اليوم ألزم منها بالأمس.. ((قل إن كنتم تحبون الله فاتّبعوني يحببكم الله)) وإلا فلا.. يا أهل القرآن، لستم على شيء، حتى تقيموا القرآن.. وإقامة القرآن كإقامة الصلاة، علم، وعمل بمقتضى العلم.. وأول الأمر في الإقامتين، اتّباع بإحسان، وبتجويد لعمل المعصوم.. أقام الله القرآن، وأقام الصلاة، وهدى إلى ذلك البصائر والأبصار، إنّه سميع مجيب..
وقال في حديث مسجل من جلسة داخلية للأخوان الجمهوريين:
الطرق ماشة لينسحب النور منها قليل قليل.. لكن برضها زي ما قلنا لا يزال في بقية نور فيها.. ودي دايما كنا بنقولها.. والسيد أحمد ابن ادريس لمن قال عنها قال تزحزحت أبواب جميع أهل الله للانغلاق إلا باب محمد.. والعبارة عرفانية.. والعبارة العرفانية أصلها بتكون معنى مجسد.. ما قال انغلقت.. يجوز لو كان شاعر جايز يقول انغلقت الأبواب، لأنه الاتجاه للمبالغة.. لكن هو عنده تزحزحت.. فالباب لمن يزحزح، لما تشوف الباب يعني سيييييييك، كَرَبْ.. يمر كدا!! دي معنى تزحزحت.. يعني اتحركت.. وبتنقفل قليل قليل.. لا يزال في الطرق شيء من الأنوار.. لكن العارفين والبيعملوا أورادها شاعرين أنه ما أصبحت زي زمان..
أما في المجال العام فإن الفكرة الجمهورية، باختصار شديد، هي دعوة إسلامية بفهم جديد يقوم على تطوير التشريع.
11-03-2019, 00:53 AM
النذير حجازي
النذير حجازي
تاريخ التسجيل: 05-10-2006
مجموع المشاركات: 7160
Quote: أما في المجال العام فإن الفكرة الجمهورية، باختصار شديد، هي دعوة إسلامية بفهم جديد يقوم على تطوير التشريع.
يديك العافية يا د. ياسر، إذن هي دعوة فقط للمسلمين لفهم جديد للإسلام يقوم على تطوير التشريع. بمعنى أن تؤمن بالفكرة الجمهورية لابد لك من الإيمان بالرسالة المحمدية الأولى، إذا كان المدعو لها غير مؤمن او له رأي في الرسالة الأولى من الصعب إقناعه بالرسالة الثانية، لأن الثانية قائمة على الأولى، ما لم تكون آراؤه مقصورة فقط على الشريعة الأولى، فسيجد في الفكرة ضالته، ولكن إن كان مضطلعاً بالرسالة الأولى وغير مؤمنٍ بها أوتوميكياً لن يؤمن بالثانية. ما رأيك؟! هل غير المسلمين إعتنقوا الرسالة الثانية؟! مع تقديري الذي تعلمه
حاشية بخصوص دعوة المسلمين إلى الإسلام: في سنة ٢٠٠١ بعد أحداث سبتمبر مباشرة، حكى ليس صديقي الأمريكي وهو قد تحول حديثاً إلى الإسلام، وبعد صلاة الجمعة مسك أحدهم المايك في الجامع وطلب من المصلين دعوة الأمريكان إلى الإسلام، فوقف الأمريكي حديث العهد بالإسلام وقال: لو زول عادي عايز يدعو الناس لبيته، لابد من نظافة منزله أولاً قبل دعوة الآخرين إلى منزله، وأردف قائلاً نحن نريد أولاً بنظافة بيتنا أي دعوة المسلمين إلى الإسلام.
11-04-2019, 06:54 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
السلام عليكم في مدحة متذكرة منها فقط من يقول يا حسن استراح والشئ بالشئ يذكر جدي لأمي ذهب للسيد علي الميرغني يخبره ب أن والدتي وضعت ويسأل عن الاسم السيد علي قال له سميه حسن رد جدي ولدي اسمو حسن جاوبه السيد علي البيت كلو يقول يا حسن كسرة اولي جدي ده السيد علي سامح له بالخروج عليه يعني ما بسختنا كسرة تانية
ح يعلنو اسماء قيادة قوي الحرية والتغيير بكة أكيد منهم ومولانا الملك
صبراً يبل الأبري
11-04-2019, 08:32 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
Quote: أما في المجال العام فإن الفكرة الجمهورية، باختصار شديد، هي دعوة إسلامية بفهم جديد يقوم على تطوير التشريع.
كانت هذه كتابتي باختصار. وجاء تعليقك التالي:
Quote: يديك العافية يا د. ياسر، إذن هي دعوة فقط للمسلمين لفهم جديد للإسلام يقوم على تطوير التشريع. بمعنى أن تؤمن بالفكرة الجمهورية لابد لك من الإيمان بالرسالة المحمدية الأولى، إذا كان المدعو لها غير مؤمن او له رأي في الرسالة الأولى من الصعب إقناعه بالرسالة الثانية، لأن الثانية قائمة على الأولى، ما لم تكون آراؤه مقصورة فقط على الشريعة الأولى، فسيجد في الفكرة ضالته، ولكن إن كان مضطلعاً بالرسالة الأولى وغير مؤمنٍ بها أوتوميكياً لن يؤمن بالثانية. ما رأيك؟! هل غير المسلمين إعتنقوا الرسالة الثانية؟! مع تقديري الذي تعلمه
بما أن الإسلام رسالة للناس كافة، يصبح بالضرورة أن يكون الفهم الجديد فيه، متوجه أيضا لكافة الإنسانية. ومن يتبنى منهج الدعوة الجديدة يكون بالضرورة يشهد ألا إله إلا الله وأن محمدا رسول الله.
Quote: حاشية بخصوص دعوة المسلمين إلى الإسلام: في سنة ٢٠٠١ بعد أحداث سبتمبر مباشرة، حكى ليس صديقي الأمريكي وهو قد تحول حديثاً إلى الإسلام، وبعد صلاة الجمعة مسك أحدهم المايك في الجامع وطلب من المصلين دعوة الأمريكان إلى الإسلام، فوقف الأمريكي حديث العهد بالإسلام وقال: لو زول عادي عايز يدعو الناس لبيته، لابد من نظافة منزله أولاً قبل دعوة الآخرين إلى منزله، وأردف قائلاً نحن نريد أولاً بنظافة بيتنا أي دعوة المسلمين إلى الإسلام.
ولهذا بدأت الدعوة الإسلامية الجديدة بالتوجه إلى المسلمين، وبالتحديد في السودان، أولا. وكتبها، ومحاضراتها التي تدعو إلى تحقيق الديمقرطية والاشتراكية في جهاز واحد، موجودة الآن في شبكة الإنترنيت للسودانيين وغيرهم، وللمسلمين وغيرهم. والواقع يرتفع نحوها كل يوم جديد. وليس أدل على ذلك من ظهور بعض التوجه نحو الاشتراكية في أعتى دول الرأسمالية، وذلك بعد عقود من انهيار المعسكر السوفيتي بعد أن فشل في تحقيق الاشتراكية، مثلما فشل قبلها في تحقيق الحرية والديمقراطية.
11-06-2019, 09:17 AM
ود محجوب
ود محجوب
تاريخ التسجيل: 04-22-2003
مجموع المشاركات: 7643
يا طير القدس طير بينا لحضرة علا مربينا يا روح الرسول حِبّينا من شرباتو لا تغِبّينا بهيكل قواك مِدّينا فى قلب الحبيب وَدّينا بالاسم العظيم شِدّينا كافور التجلى اسقينا من كل الدنس نَقّينا بلحيل صحيح ريدينا فى الحب دايما زيدينا من سفل الكيان رَقّينا بالذات والصفات اسقينا
ختمو المنطبع فوق كتفو حيّر كل عالم وصفو منّو المرسلين بيغرفوا والاغواث من فيضو يصرفوا
بيك طهرنى من ارجاسى واخرج من جميع اجناسى ذاتك تبقى اصلى وساسى تاجك ينطبع فى راسى
اقلب ذاتى واسمى ووصفى بكنه التجلى الصرفِ بيك سلمنى من الحتف ختمك ينطبع فوق كتفى
يا باطن بواطن روحى يا قلب النبى المشروح داير بيك يبقى فتوحى وفى اطلاقك يبقى سروحى
شاف بعينو ليلة اسرى سلطان القيامة الكبرى قال يا فاطمة ليكِ البشرى يخرج منك اصل الحضرة
فى جناحيى غزز ريشك وادخلنى مكان تفتيشك ضوقنى حلاوة عيشك علمنى علوم ما فيشك
بيك الكون تضوى اركانو يخرج من جهات اركانو فى الحضرات تغيب سكانو يبقى كأنهم ما كانوا
دايرين يا الحبيب ما نفوتك نسكن فى عوالى بيوتك نسكر من لذيذ شربوتك ونفهم لحقائق موتك
فى ذاتك نموت وبيك نحيا نشهد صورتك المستحيا يا مالك الملك مندحيا ارضا بيك تبقى المحيا
الوف السلام متوالى من اول علا الآزال للآباد ضوّو يلالى ذات سيدى الحسن نور حالى
11-07-2019, 00:56 AM
عمر نملة
عمر نملة
تاريخ التسجيل: 11-08-2009
مجموع المشاركات: 2550
نفس الشي موضوع الشيوخ دا يقوم واحد من الناس في لحظة تصالح مع النفس ونوع من الرضا يقابل ليهو زول يعجبو وهاك يا مدح وهاك يا القاب وشيخي وسيدي والغوث وشنو كدا ما عارف والناس تصدق .. والمشكلة هو زااااتو يصدق اثبتت حيث حاولت النفي..ََ.... َََََََََََحين تدافع الجموع على السيد المسيح بين شاد وجاذب الا امرأة لمست ثوبه وقالت في قرارات نفسها انا ان لمست ثوبة شفيت... فسالهم المسيح من لمس ثوبي.. قالت انا يا سيدي.. فقال لها لها ما بك.. قالت بي دم لم ينقطع منذ سنيين.. قال اذهبي فقد شفاك إيمانك.... شفت كيف ياغالي قمة الاحساس هي اكتفت بلمسة... وهو استشعر لمستها برغم الدفع والجذب والشد والبنج والشلالييت وأم دلدوم. الشفاء بالإيمان يا غالي من المعالج والمعالج... من دونه يستحيل العلاج او بيع سلعة... جرب اؤمن بشي تنوي عمله واذا لم ينجح كسر قبة المهدي
Quote: الشفاء بالإيمان يا غالي من المعالج والمعالج... من دونه يستحيل العلاج او بيع سلعة... جرب اؤمن بشي تنوي عمله واذا لم ينجح كسر قبة المهدي
هههههه
ازي الحال عمر نملة
المشكلة يا عمر انو زي القصة الجبتها دي كللها كدا بي رمتها انا ما بقدر اصدقها
والله كنت اتمنى انو اصدقها واؤمن انها حقيقة لكن مااا بقدر .. الا انافق ساي
هل الايمان يشفى الامراض العضوية؟؟؟ دا كلام غريب طبعاً
لو قلت مرض نفسي او اي شيء روحاني كان ممكن الواحد يجازفا لكن قالت بي دم لم ينقطع ويعالجها ايمانها !!!!!!!!!!
اسع انت بتصدق انو في بعض الشيوخ بعملو حاجات غريبة وفوق العادة
زي واحد كدا قال لي الشيخ فلان الفلاني قعد تلاتة يوم تحت الموية
وبعضهم يقولك الشيخ فلان طار من وين كدا لي وين كدا
ياخي ما بقدر اوصف الحاجات دي غير انها هالات اعلامية تصدر من البعض بغرض التسويق الواااحد دا زي غرض الخليفة عبدالله التعايشي عندما اوحى لمحمد احمد بانه المهدي المنتظر و زي مطاعم بيتزا هوت وكنتاكي وغيرها الاكلها بايخ وسخيف لكن اكتسبت شهرة خرافية ساااااي
اي نعم الدرب طوييييل لكن حا يجي اليوم والناس تخلي الخرافات دي ويعيشو حياتهم بسلام وامان
11-07-2019, 07:23 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
تسلم كتير يا حبيبنا د. ياسر. يا ابو علوة وهيثم غالي وعمر نملة، برضو أهل الكهف ناموا أكتر من ٣٠٠ سنة وعُزير ١٠٠ وسيدنا موسى إنشق له البحر وكذلك إنزال التابوت من السماء للبركة، دي كلها متسقة مع الصوفية أما السلفية يؤمنون بهذه ويكفرون بتلك أرآه عدم إتساق منهم.
حاشية: حكى لي صديق سعودي شيعي من القطيف، فلقد عشت فترة من عمري بالمنطقة الشرقية من المملكة العربية السعودية، فقال لي صديقي الشيعي وكانوا في الحرم المدني وجاء شيخي وهابي وجمع الشيعة والصوفية وعمل زي ركن نقاش كدا، علشان يثبت لهم خطل التبرك بالنبي ونديهته والواجب دعاء الله فقط، فوضع الوهابي قلم في جيبه وقال: يا محمد خذ القلم ثم أردف وهو يشعر بزهو الإنتصار وقال لهم: شوفتوا؟! الميت لا يستطيع فعل أي شيءثم تصدى له شيخ سوداني صوفي وقال له أعطني القلم فوضعه في جيبه وقال: يا الله خذ القلم ثم إلتفت إلى الشيخ الوهابي وقال: هل هذا يعني أن الله لا يستطيع فعل أي شيء؟!
(عدل بواسطة النذير حجازي on 11-07-2019, 01:03 PM) (عدل بواسطة النذير حجازي on 11-07-2019, 01:05 PM) (عدل بواسطة النذير حجازي on 11-07-2019, 01:18 PM)
11-07-2019, 03:05 PM
عمر نملة
عمر نملة
تاريخ التسجيل: 11-08-2009
مجموع المشاركات: 2550
يمكن لمريض ان يتعالج بقوة الاقتناع كما يمكن العلاج بالإيحاء ويمكن أن تشفى بالبلاسيبو ويعجز الدواء فنحن لم نكتشف الإ بضعاً من مئة من قدرات العقل البشري وهنا تأتي the power of prayer
11-07-2019, 05:26 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
يا مستنير سلام . أسأل أهلك المراغنة ليه ناسبوا الأرتيقا أهلي لما جو الشرق .. نحنا من آل البيت ..ومن الحجاز لسواكن هيتة بالهيتة ..مش باللفة من أفغانستان وللا باكستان...يا ناس ( المير ..غني ) 😹
11-07-2019, 07:57 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
الشريفة مريم الميرغنية : لا يختلف اثنان في شـرق السودان على احترام وتوقير الشريفة مريم ، ولا تجد أسرة في شرق السودان لا يوجد ضمن أسماء أبنائها أسم مريم تيمنا بالشريفة . فقد كانت الشريفة مريم بنت السيد هاشم الميرغني علما من أعلام الشرق . وكانت رحمها الله أريجاً طيبا لا يزال الناس في شرق السودان يتنسمون عبيره ، وكانت رحمها الله ظلا ظليلا لا يزال الناس في الشرق يتفيئون ظلاله ، وكانت يد بيضاء حانية وأماً للجميع . حضر السيد هاشم بن الأستاذ محمد عثمان الميرغني الختم إلي سواكن وطلب مقابلة أحمد عاولي عمر وأخبره بأنه جاء طالبا مصاهرته وانه يطلب يد ابنته فاطمه ، وافق السيد احمد عاولى على طلب السيد هاشم وجاء أهله (الأرتيقه ( إلي سنكات وتم زواج السيد هاشم من فاطمة بنت أحمد عاولى في نفس مكان مسجد الشريفة الحالي . حيث نحرت الذبائح وأقيمت الولائم . بعد خمسة عشر يوما أو اكثر بقليل غادر السيد هاشم سنكات عائدا إلى مصوع حيث مقر اقامته هناك. بعد أن أوصى بتسمية المولوده باسم (مريم) ان كانت بنتا. ولدت الشريفة مريم وسط أهلها (الأرتيقه ) واعتنوا بها أيما عنايه وحرص والدها على تربيتها وتعليمها فاحضرلها معلمين أكفاء من جده ومكة لتعليمها علوم العربية والعلوم الشرعية. شبت الشريفة مريم فكان اول ما خطر على بالها زيارة والدها في مصوع فسافرت إلى مصوع حيث قضت هناك شهرين بمعيته تنهل من علمه واخلاقه ومن ثم عادت إلى سواكن. اقترنت الشريفة مريم بالسيد محمد عثمان تاج السر(أبوزينب) الذي أنجب السيدة زينب من زوجة أخرى وتربت السيده زينب في كنف الشريفة مريم إلى أن تزوجها السيد جعفر بن السيد بكري فانجب الشريفة فاطمة زوجة السيد علي الميرغني ووالدة ابنيه السيدين محمد عثمان وأحمد الميرغني. استقرت الشريفه مريم بسنكات ترعى شؤون أهلها ومحبيها و تتفقد اليتامى والمساكين. ولا يكاد بيت من بيوت سنكات وسواكن يخلو من أثر من أثارها الكريمة . اعتقلت سلطات المهدية الشريفة مريم ضمن من اعتقلت من المراغنة ولما علم الأمير عثمان دقنة بالأمر تحرك مسرعا لإطلاق سراحها وذلك لمكانتها في نفوس أهل الشرق الذين انخرطوا في صفوف الثورة المهدية مقاتلين ومناصرين إلا انهم كانو يحتفظون للشريفه مريم بمكانة خاصه ، ولذا كان الامير عثمان دقنه حريصا على اطلاق سراحها حتى لا يفقد تأييد أهل الشرق للثوره المهدية. وصلت الشريفه لديارها في سنكات عزيزة مكرمة بمعية كل حشمها وتابعيها . وضمت الشريفة مريم أبناء محمد عثمان بن السيد جعفر بن السيد بكري الثلاثة،محمد سر الختم وهاشم ومريم المشهورة ب (باقدبسيت) إليها في سنكات. تزوج السيد محمد عثمان بن السيد علي الميرغني من الشريفة مريم (باقدبسيت) وتزوج السيد محمد سرالختم من الشريفة رقيه من الأشراف، وتزوج السـيد هاشم من كريمة الشيخ طـه محمد سـعد. بعد انتهاء فترة المهدية ورجوع الحكم البريطاني شاركت الشريفة مريم في الحياة العامة من خلال موقعها الاجتماعي فناهضت قيام الجمعية التشريعية وعملت على دعم الفصائل الحركة الوطنية في منطقة البحر الأحمر مما أدى إلى التفاف كافة المواطنين حولها . وكان سائقو القطارات يطلقون صفارة معينة عند مرورهم بدارها الكريمة في سنكات كإشارة لالتزامهم المبدئي الثابت بروح المقاومة الشعبية التي عمقتها في نفوسهم وهي ترفض التكريم البريطاني بعرض رتبة (ليدي) عليها وبالرغم من الضغوط التي تعرضت لها بقيت على موقفها الرافض للاستعمار البريطاني سافرت الشريفة مريم إلى مكة المكرمة وبعد وصولها الى الاراضي المقدسة اصيبت بوعكه الزمتها الفراش واجبرتها على العودة الى سنكات . علم السيد على الميرغني بمرضها فاتصل بالسلطات الإنجليزية الحاكمة آنذاك لتوفير طبيب معالج للشريفة ، غير أن الإنجليز لم يهتموا بالأمر ، مما دعى السيد على الميرغني الاتصال بالحكومة المصرية لعلاج الشريفة فأرسلت الحكومة المصرية طائرة خاصة بها طاقم طبي إلى سنكات .وبعد عمل التحليلات الطبية، اللازمة رأى الطاقم الطبي المرافق للطائرة عدم إمكانية علاج الشريفة بسنكات ، مما استدعى نقلها إلى مصر لتلقي العلاج هناك ، وكان ذلك في منتصف عام 1951م . اصطحبت الشريفة معها في سفرتها هذه السادة أحمد عاولى وهاشم محمد سعد وآخرين. كما أمرت السيد طه محمد سعد وسكرتيرها الخاص رحمة الله أن يلحقا بها برا عن طريق ميناء حلفا. وصلت الشريفة لمصروفور وصولها أدخلت مستشفى (المواساة) الذي كان معدا لاستقبالها .على أثر وصولها لمصر عمل حزب الوفد بقيادة النحاس باشا على تكريمها وتأكيد تقدير شعب مصر لدورها الوطني .وتمثل ذلك في زيارة النحاس باشا لها بالمستشفى ، كما قامت الملكة ناريمان صادق زوجة الملك فاروق مع والدتها أصيلة هانم بزيارتها وظلت الإذاعة المصرية تبث يوميا الأخبار المتعلقة بصحتها وأخبار زوارها بعد نشرات الأخبار. في نهاية 1951م عادت الشريفة إلى السودان لتلحق برحاب ربها بعد أشهر قليلة وتدفن في البلدة التي شهدت مراسيم عقد قران والدها السيد هاشم الميرغني بوالدتها السيدة فاطمة بنت أحمد عاولي . وكانت أختها الشريفة علوية (الحربيه) توفيت قبلها بعشرة سنوات أي في العام 1360هـ / 1940م..رحمهما الله . وبفقدها فقد الشرق حاديا ودليلا ومرشدا ومعلما ، فقد كانت رحمها الله تعمل ليلا ونهار لربط المجتمع بالله سبحانه وتعالى بنشر تعاليم التصوف التي تدعو لنكران الذات وتفويض الامر لله ، مع تشيد المدارس القرآنيه (الخلاوي) وبث روح التكافل والتراحم بين افراد المجتمع . وقد رثاها الشعراء والادباء معددين مآثرها .
شمس الفضل - للشاعر محمد ابراهيم العبادي عرج أخ الود نحو الحي فى سلم* وأنزل بساحة اهل العلم والعمل تلقى السيادة مضروب ســـرداقها *** فى ارض عز سقاها الله بالهطل تدعى بسنكات نعم القاطنين بها ***فى دار فخر بها عزت عن المثل فيها التى قد تجلت فى مهابتها***والسعد يخدمها من سابق الأزل فيها غياث الورى من كل نازلة***عرب وعجم ثم حاف ومنتعل فيها التى خصها الرحمن من قدم***بالقرب والعز والانوار يا أملى فيها التى شرف الرحمن طلعتها*عزت عن المثل فى التفصيل والجمل فيها التى فى الورى كالشمس ظاهرة *أن خلتها بالتقى تختال فى حلل ميم وراء وياء ميم سطعت ***من نور هاشم ذاك السيد البطل من نور فاطمة الزهراء قد نشأت *** وتنتسب لخيار الخلق والرسل سر لها قد سرى من سر جدتها ***وارثه قدرت من سابق الأزل وقد غدت شمس فضل من جلالتها *** وألبست حلل من أفخر الحلل أذا وصلت الحمى فأخضع لهيبتها *** وانكس الرأس تأديب بلا ملل فأن اتاك الرضى بالبشر مكرمة *** ونلت قصدك يا خلى بلا مهل ردد عليها تحيات مكررة بعد ***نبت الفضى فى والوعر والسهل وأشرح لها جل حالى لاتضن به *** وقل لها رقك العبادى في وجل محمد نجل ابراهيم خادمكم *** يرجو القبول وغفر الذنب والزلل يرجوا عواطفكم في ريف رأفتكم *** حتى يفوز بنيل القصد والأمل يا كعبة القصد ياغوث الأنام ***ويا كنز المعارف غيينى على عجل لي مقصد عند مولى العرش راجيه* أرجوك واسطة كونى الشفيعة لي فالران غط على قلبى وضر به*** أرجو اجلا الصدا منكم بلا مهل أنت الملاذ لنا من كل نايبة *** داوي لقلب من الأمراض والعلل كذا غريق ببحر الذل مرتهن*** أرجو الخلاص بكم من شدة الوحل ودعوة لي بالتوفيق أطلبها *** لأنني تارك الأعمال للكمل عسى قيام للطاعات يسهل بي*** تنفك عني قيود العجز والملل ثم الصلاة على المختار من مضر * ما أنهل غيث وأحيا الارض من محل والآل والصحب ثم التابعين لهم *** السالمين من الزلات والخلل
الشريف الأرتيقي محمود أبو عائشة نقيب السادة الأشراف في شرق السودان
11-09-2019, 05:31 AM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
. قبل فترة كنت قاعد مع واحد من جدودي فقال لي زمان كنا بنسمع كلام الشيخ فرح ود تكتوك انه آخر الزمن الكلام ببقى بالخيوط والسفر ببقى بالبيوت قال لي كنا مستغربين وقلنا كيف السفر يبقى بالبيوت هل بيوت الجالوص حا نركب فيها وتتحرك بينا ...... . . المهم وزي ما شايفين انه في ام سودان كل كتلة بشرية منه عاملة ليها الهة وقاعدين يعبدوا فيها زي قوم سيدنا موسى قالوا ليه أعمل الهة كما لهم آلهة ... في الشمال ناس بشاشا عاملين آمون رع وفي الوسط ناس بكة عاملين سيدهم الحسن وفي سنار ناس علي دفع الله عاملين منو كدا ما عارف واخيرا جاء الجمهوريين وعمدوا م م طه اله كامل الدسم ... فاااا سيروا وعين اللهتكم ترعاكم ... . وعشان ما تقولوا الزول دا جاء و يدو فاضية اهديكم نص من منبع الصوفية في شمال افريقيا ... وارجو انه واحد من الزملاء ينزلها فيديو ... . .
Quote:
عبد القادر يا بو علم ضاق الحال علي داوي حالي يا بو علم سيدي ارؤف علي
ااه سيدي عبد الرحمن تدير مجهودك و تحسن و انت راجل قائم خدمك ذي رمزية
يا سيدي بو مدين وانا في ارضك نتأمن يا سيدي بو مدين وانا في ارضك نتأمن يا سيدي الهواري سلطان غالي و اشفيني عبد الله سلطان الا عالي اه
سلام يا بكور البوست جميل أو في الحقيقة لزيز كحال روح بكري، بدون ما نركز مع موضوع الزاي والذال. وبدون ما نركز على أن بعض الناس ربما لا يفهموا الروح التي يكتب بها بكور
قلت أشوف بكور دا بكتب في شنو وكنت متابع من قبل زول الكورة داك بتاع مدني في أحد البوستات القديمة لك وهنا لقيت الكلام عن أهلنا الجعليين، رغم اختلاف رؤاي عن من هم الجعليون في الحقيقة يعجبني ذكاءك وتعجبني جُمَلك القصيرة النابهة يا بكور لو أي زول عندو سيد فأنا والله لن أقبل أن يكون لي سيد وما عندي مشكلة إطلاقا إنو تكون عندي ست أنا ستي الفاتحة بداية القرآن وكذلك ستي مريم ابنت عمران وأنا مغرم يا أخوانا بالستات ومن شاء فليراجع أغنية ود البادية عن الستات
كلام أهلنا المراغنة جميل، وأهو توثيق لما كان وما كنت بعرف أن هناك علاقة تربط بين المرغني والحسن ود ضبعة سيد محكر الديوان وثابت يا أب قلب ركازة للضيفان ومين متل الحسن؟ بعدين أنا بقول لجماعتي بكور دا أهلو من أهلنا الجعليين مؤسسي برجوازية ود مدني بكور الذي زارني في زمن تفرق فيه الأصدقاء وأكرمني بمحبته التي لا أرغب في ابتذالها بتحويلها لمتاع ولُقى
أنا الأيامات دي في أبو ظبي والآن بكتب ليك من بيت محمد حسبو خلينا نتلاقى لو قدرت ومشتاقين يا زول
11-09-2019, 07:38 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
اللهم انفعنا بجاههم. السودان بلد صوفي من ألفه إلى آخر حرف من حروفه. نعم حصل تردّي في التصوف ... وغاب عنه الفكر الصوفي الأصلي وتحول في السنوات الأخيرة (السنوات الأخيرة دي طويلة خالس) إلى شيء أقرب إلى الشعوذة. يبدو لي أن أرباب التصوف الأُوَل في السودان كانوا على نهج المتصوِّفة الأُوَل. التصوف تاريخياً هو ما حفظ السودان ... وليوم الليلة السودان حافظاه قباب الأقدمين من المتصوّفة، من كل جهاته. وكلما تلاشى دور هذه القباب العتيقة ... تفتت السودان إرْباً بعَدَ إرْب مثل مريض السكري، عافانا الله. أها شن قولكم في الكلام دا؟ نحن لم ندرس التصوف كفلسفة حتى الآن ولا نعلم عنه سوى المظاهر. أبقوا على التصوُّف يرحمكم الله .... ففيه متسع لكل مخلوقات الله التي خلقها الله ومستحيل أن يضيّق الله على مخلوقاته بالطريقة التي نراها في السلفية والوهابية والمتشنجين (ما بعرف ليه كل واحد عمل ليه دقن بقى متشنج!!!). متشنجين على شنو؟ عشان نحن نستقيم في التديّن على طريقتكم؟ ليه؟ عشان ندخل الجنة؟ يعني يا سلفي انت مهموم شديد كدا وكريم للدرجة دي وحريص علينا عشان ندخل الجنة؟ كذاب والله وعندك خازوق شيطاني مدقوق في نص راسك. والله لو أنك متأكد من دخول نفسك في حديقة محظورة لما أخبرتنا عن كيفية دخولها ولكتمتَ ذاك السر في نفسك لأنك بخيل من شكلك. حاجة غريبة. لماذا كل هذا الغضب والسب؟ الناس دي حصل ليها mental confusion ... بسبب التراث الفقهي المضحك المبكي الذي اتخذوه ديناً من دون دين الله. ونحن دين الله الحق دا (القرآن الواحد) قاعدين نباصر فيه مباصرة، يا لطيف ويا لطيف، ويمكن نخليه ضُمّة، تقوموا تجيبوا لينا دين أبو هريرة والطبري والبخاري وأساطير الأولين. أقول قولي هذا لشُبهةٍ في إيماني بما قلت ... وما زلت أظن أن الصوفية حفظوا السودان والمجتمع السوداني ... ونحن (أقصد جل المتعلمين) جاهلين تماماً بالفلسفة الأساس القايم عليها التصوف.
وشيْ لله يا حسن ... يا سلطان الزمن.
11-11-2019, 11:55 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
" الخليفة أبو بكر (بابكر)(الملقب بود المتعارض) ابن محمد بن أبي المعالي بن المقبول بن الشيخ حمد ود أم مريوم الولي المعلوم، والمسماة عليه (حلة حمد) بالخرطوم بحري. و(من جهة أمه) هو الخليفة أبو بكر (بابكر) بن رابعة بنت البدري ابن إبراهيم ابن الشيخ خوجلي أبو الجاز الولي المقبور بمسجده بحلة خوجلي بالخرطوم بحري والمنتهي نسبه إلى المحس وهم سلالة سيدنا أبي بن كعب رضي الله عنه . وله أربعة أولاد وثلاثة بنات وهم أحمد، ومحمد الحسن ومحمد، وعثمان، وفاطمة، ونفيسة، وزينب.
مولده: ولد بضاحية الخرطوم بحري بحلة حمد في منازل آبائه الكرام قبل قدوم الأتراك إلى السودان تقريبًا في 1230ه - 1810م.
تعليمه : تلقى تعليمه الديني بمساجد آبائه الكرام الشيخ حمد والشيخ خوجلي تحت إشراف أعمامه وأخواله، فحفظ القرآن الكريم وتفقه في علوم الشرع الحنيف وتبحّر في علوم اللغة، ثم هاجر إلى مصر والتحق بالأزهر الشريف وازداد نورًا على نور، ومعرفة على معرفة. ثم عاد معلمًا للقرآن الكريم والعلوم الشرعية بمسجد آبائه بحلة حمد.
تصوفه: لم يكن الخليفة بابكر في بداية أمره ذا شغل بمسلك الصوفية إذ أولى كل اهتمامه لدراسة وتدريس القرآن الكريم وعلم الشريعة حتى جذبته يد العناية لحضرة الأستاذ الأكبر والعلم الأنور السيد الشريف والمنار المنيف الغني عن التنويه والتعريف مولانا السيد محمد الحسن الميرغني أبو جلابية.. والذي صاهر أخواله وأنجب فيهم ابنيه الكريمين.. السيد محمد عثمان الأقرب والسيد أحمد. فانتسب الخليفة بابكر إليه وجعل معوّله عليه - ولم يلتفت إلى سواه ولم ينتسب إلى عداه. فسنده في الطريق.. أقرب سند في التحقيق إذ أخذ الطريقة الختمية بأسانيدها البهية؛ عن شيخه السيد محمد الحسن عن شيخ الطريقة ومعدن الحقيقة مولانا الإمام السيد محمَّد عثمان الختم فحصل له الفتح الأكبر .. وحاذ على المقام الأفخر بفضل نظرات شيخه وإرشاده عونُه إمدُاده وكأنه لذيوع صيته .. واشتهار ذكره لم يعرف للسيد الحسن تلميذ غيره مع أن الحاصل غير ذلك .. إذ قُورِن الخليفة بابكر بنجباء تلاميذ وخلفاء السيد الحسن كأمثال الخليفة أحمد بن إدريس الرباطابي والخليفة عبد الرحيم والخليفة الماحي. وقصائد الخليفة وكلامه يدلان على ما حواه صدره من علوم الدراسة والوراثة والمعرفة بالله ورسوله وبشيخه إذ كل إناءٍ بالذي فيه ناضح.
مؤلفاته: - ألَّف مولدًا في شأن أستاذه السيد محمد الحسن على نسق المولد العثماني حكى فيه عن شيخه العجائب والغرائب. - كما ألف مناقب شيخه السيد الحسن وهي غير المناقب التي ألفها الخليفة ابن إدريس والتي تقرأ في حولية السيد الحسن ولكنها أكبر منها حجمًا وأوسع بابًا. - ألف ما لا يحصى من القصائد بلسان الفصحى والعامية في شأن شيخه السيد محمد الحسن وذريته المباركة والسادة الميرغنية. وما وصلنا منها هو غيض من فيض من أمهاتها: (1) سلام التجلي: وهي في مدح مولانا السيد محمد عثمان الميرغني الختم قد حكى في ثناياها أنه أمر بتأليفها وأسمعها لشيخه السيد محمد الحسن وقد شهد لها بأنها أعظم ما امتدح بها تلميذ شيخه. (2) تجلي الذات: وهي مرثيته لشيخه السيد محمد الحسن الميرغني ولشهرتها وجزالتها وبلاغة مبانيها ودقة معانيها صارت لا يذكر الخليفة بابكر وإلا وتذكر معه ومن وقف عليها علم ما حوته إذ ليس من رأي كمن سمع. (3) أعلى التجلِّي: وهي في مدح مولانا السيد على الميرغني قبل بروز شمس ولادته بإشارة من جده السيد الحسن أودع فيها من صفاته كل معنى عزيز فكأنها الذهب الإبريز. . ورمز فيها إلى خليفته من بعده .. من أظلنا زمانه.. وحوانا أوانه .. وارث الأسلاف وخلاصة المراغنة الأشراف مولانا السيد محمد عثمان الميرغني (ذو الدول).
رحلاته الدعوية: رجل كمثل الخليفة بابكر صار علمًا من أعلام الطريقة الخافقة ولسانًا من ألسنتها الناطقة؛ لابد وأن يسعى بين الناس بهذه الدعوة المباركة، فطاف مع أستاذه معظم أنحاء السودان. كما ابتعثه شيخه يدعو بأمره نيابة عنه. يعلم ويرشد ويهدي ويسند. حتى استقر به المقام بأرض الشايقية بجزيرة مساوي؛ فتزوج منهم وأنجب فيهم. وصار خليفة مقدَّمًا عليهم. وقام بواجبه خير قيام، حتى خلع عليه أهل تلك الأرجاء لقب «شيخنا» الذي ظل ملازمًا لنسله إلى يومنا هذا.
وفاته: الخليفة بابكر كعالم عامل بعلمه وداعية مرشد لربه، وقائد ناصح لقومه .. كان لزامًا عليه أن يبذل كل أوقاته وأنفاسه بل وروحه في سبيل دينه ودعوته التي نذر نفسه عليها، ففي إقامته بأرض الشايقية تصدى هو وجماعةٌ من الختمية للحاكم التركي لانتهاكه لحرمات الشرع الحنيف ودارت بينهم معركة (جرا) الشهيرة، وأضرم فيهم الأتراك النار، وما من بيت من بيوت الختمية العريقة إلا واحتسب في تلك الواقعة شهيدًا، وفقد الخليفة بابكر في هذه المعركة فلم يوجد جثمانه في الشهداء ولا ذاته في الأحياء. والله أعلم بحاله."
11-23-2019, 06:48 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
باب البيت في البيان دقّ، البيان بيان مدني، والبيت جنب طاحونة الدي، البيت بيت سعيد شايب زعيم الجمهوريين بعد مقتل محمود، الديوان ملام جمهوريين وغيرم، سعيد شايب عادة بلبس الجلابية مع سروال وما بكون تحتها عراقي، سعيد فتح الباب، السائل طلب جلابية بدون كلمة سعيد مرق الجلابية وأداها ليهو والزول مشى، سعيد وهو راجع للديوان لاقاهو أخوهو في الحوش، بدأ يكورك: دا شنو يا سعييييد؟ ما لك ماشي عريان؟ سعيد قال ليهو براحة: الزول الدقّ الباب قال داير جلابية أخوهو الهائج: طيب ما ترجع تديهو جلابية من الدولاب؟ سعيد: لو رجعت وجئت لقيتو مشى؟! الجمهوريين القاعدين في الديوان وسمعوا الحوار جوا مارقين من الديوان وجري للشارع، عرفوهو بكون نبي الله الخضر قلبوا البيان زقاق زقاق لكن هيهات
11-23-2019, 06:51 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
ما بين معترك الأحداق والمهج انا القتيل بلا أثم ولا حرج
أن من "البيان" لسحرا هو كان سحار اقول لبنيه انه كبيركم الذي علمكم السحر
تعرف اليوم اجازة وذهبت لمكتب حكومي لقضاء احترموني لكوني سوداني واغدقوا علي الكرك والذي منه ثم أخذوا "يسولفون" من الجنوب؟ ولا الشمال؟؟ وايش هادا المشاكل مع اثيوبيا بعد شوية أكتشفت أن ثلاثتهم أسمهم "سعيد" قلت ليهم ايه السعادة اللي انا فيها دي هل ابوك سعيد؟ سألني أحدهم قلت في سري "هذه شرحها في الكتاب مما يطول"
"البيان" و"التبيين" أتبينت فينا يا مستنير بجدك الحسن ود ضبعة
يحكي د. فتح العليم عبدالله عن حميد فيقول: بعد نزول حميد للبلد عام 2009 إتصلت به تلفونيا فردت عليّ طفلة في العاشرة أو يزيد من عمرها: أنتِ منو؟ أنا عشوشة... حميد وين؟ حميد تحت في الجروف... طيب ممكن تناديهو؟؟ نحن يا عمي فوووق جنب (الطرابيل) أي الأهرامات!!! قابلته في البلد وسألته من هذه التي ترد علي التلفون؟ قال بت لقتني في الجروف وقالت لي يا عم (حميد) جيب لي تلفون زي دا... قمت أديتا اياهو لأني ما بقدر إشتري واحد تاني ليها.... قلت طيب كان تطلع الشريحة وتديها التلفون!! ف قال يا شيخنا أنا ضد الفرحة ب الأقساط... وديل ناس حارحار الشريحي طايري!!!
فإما أن تسخر أيضا من قصص الأنبياء ومعجزاتهم أو لا ترفض كرامات الصالحين؟ إنت عارف؟ بعض الملحدين يسخرون من معجزة الإسراء والمعراج بمثل طريقتك هذه؟ هذه الكتابة منقولة من صفحة ملحدين في الفيسبوك:
يا ياسر انت ليه مسكت في بدرالدين بس؟؟؟ البوست دا فيهو كمية من الساخرين وحتى ابوبكر ما أظنو جاد في كلامو دا على كل سيدي الحسن ما أظنو نبي مرسل وأزيدك كمان: سيدي الحسن والسيد علي (محتاليييييين)
11-27-2019, 10:11 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
دي هدية للمستنير من القصص البتعجبك، قلتا أنقلها ليك هنا: في نيودلهي كان سفير بريطانيا يمرُّ بسيارته مع قنصل بلاده حين رأى شابا جامعيا يركل بقرة..أمر السفير سائقه بان يتوقف بسرعة، وترجّل من السيارة مُسرعا صوب البقرة \'المقدسة\' يدفع عنها الشاب صارخا في وجهه ، ويمسّد على جسدها طلبا الصفح والمغفرة وسط دهشة المارّة الذين إجتمعوا بعد سماع صراخه.. ووسط ذهول الحاضرين إغتسل السفير البريطاني ببول البقرة, ومسح به وجهه فما كان من المارة الا أن يسجدوا تقديرا لربّهم البقرة ، ذلك الربُّ الذي سجد له الغريب ..وقد اتوا بعدها بالشاب الذي ركلها ليسحقوه امام البقرة انتقاما لقدس مقامها ورفعة جلالها.
وبربطته وقميصه المُبلل بالبول وشعره المنثور عاد السفير ليركب سيارة السفارة الى جانب القنصل الذي بادره السؤال عن سبب مافعله وهل هو مقتنع حقا بعقيدة عبادة البقر؟؟
اجابه السفير.. ركلة الشاب للبقرة هي صحوة و ركلة للعقيدة التي نريدها! ولو سمحنا للهنود بركل العقائد، لتقدمت الهند 50 عاما الى الامام. وحينها سنخسر وجودنا ومصالحنا الحيوية..فواجبنا الوظيفي هنا، ان لا نسمح بذلك أبدا, لأننا نُدرك بأن الجهل والخرافة وسفاهة العقيدة هي جيوشنا في تسخير المجتمعات. منقول
11-28-2019, 04:21 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48851
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة