|
|
|
 Re: بهدوء جدا النضال الفضائحي (Re: عبدالحفيظ ابوسن)
|
النضال الفضائحي واحد من اسلحة الكيزان
والحق يقال انهم اول من ابتدعه هم الكيزان وللصحفي حسين خوجلي يعود قصب السبق من خلال جريدته زمن الديمقراطية
لم يكشفو اسرار الناس الشخصية فقط بل فبركو لهم ذلك
| |
 
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
هلا يا قريبك
كان تخلي المدخل لنقاش الموضوع عام مع التركيز على السلوك نفسه دون الرجوع لمن بدأه ومن استخدمه كسلاح لأنو دي باب غلاط وليس الكيزان وحدهم من استخدمه او يستخدمه و حتى البدايات في قولان
| |
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
النضال الفضائحي مستلف بقبح من سلوك طفولي قديم
وهو كسر العين
في ذلك الزمان كان التنمر في شارع الحي والمدرسة .
ولأن الكيزان عاطلين عن المواهب والابداع استلفو اسوأ سلوك قديما واحقره
فكانت جريدتهم تطفح بتلك القذارة استهدافا لحياة الناس الخاصة . والتسور عليهم كذبا وافكا
وحين دانت لهم السلطة مارسوا ذلك مستعينين بالتكنلوجيا الحديثة . من تصوير وتصنت تدعمهم آلة الدولة كلها
وبنصب الشراك وتوثيق ذلك والتهديد بنشره للضحية للوصول لغايات يقصدونها
ولا اظن النفس السليمة ترضي بذلك وان كان في مصلحتها
الاساليب الخسيسة والوضيعة لا تشرف من يمتلك حسا انسانيا
والقيم والمبادئ لا تنفصل عن بعضها
وهذا هو الفرق بين الكيزان وعامة الناس
فعامة الناس يرفضون تناول الحياة السرية للاخرين ويستهجنون ذلك .
وكم متعدي علي اعراض الناس يلاقى زجرا من مستمعيه وان كانوا يكرهون المحكي عنه . يقولون له دع الخلق للخالق وربنا يسترنا
اما الكيزان فكانوا لايتورعون الخوض في اعراض الناس زورا او صدقا . ولايلتف حولهم الا المعاقين انسانيا
| |
|
|
|
|
|
|
|
|
|
Re: بهدوء جدا النضال الفضائحي (Re: محمد البشرى الخضر)
|
سلام أبسن وليك وحشة،
كلام بشرى صحيح صعب ربطو بفئة معينة،
تجربة سودانيزاونلاين هو أكثر ارتباطاً بالناس المحسوبة على اليسار،
أنا أربطه بالناس الساقطين أخلاقياً من الجانبين وهم لا يتأثرون من الخوض في هذا الإشاعات.
النماذج هنا معظمها مختلف وليس هي أمور خاصة في حقيقتها هي كذب وافتراء لا أساس له،
تجربتي هنا مع أحد الساقطين أحلف عليها أنها من نسج خياله
يحاول بها إسكاتي
المشكلة في صعوبة في محاربتها وتجد نفسك مرغم باستعمال نفس أدوات خطابه،
وهو غير مجدي لأنه في الأصل ليس لديه ما يخاف عليه اجتماعياً
ما عندك غير تقول كما يقول المؤمنين:
الله في ما داير ليهو فكي
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
مشتاقين حبيبنا أب سن
يا مستنير في فيلم مع الأسف ما متذكر اسمه
عصابة شوارع بكون فيها اختبار لعضو جديد بإنه يقتل زول من طرف
بيجي راجل أظنه كان دكتور ولا حاجة كبيرة كدة .. ولده بدخل بقالة وهو بنتظره في العربية وعضو العصابة الجديد بكتل الولد جوة البقالة
الراجل بحاول ينتقم من العصابة وبدأ ينصب ليهم الفخاخ ويكتل فيهم
المهم في لقطة كدة واحد من ناس العصابة كان بتضارب معاهو وقعدوا في بنش في الشارع يلتقطوا أنفاسهم عضو العصابة عاين فيه وقال ليه عاين لي نفسك بقيت زينا
الفيلم حضرته زمان لكن اللقطة دي لي هسة ما غادرت مخيلتي
أكبر انهزام لما تنزل ميدان خصمك غير المكافئ وتلاعبه بي أدواته .. أو حتى تعترف بأدواته لدرجة تقديم الدفوعات
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
سلام أخ عبد الحفيظ
ليس هناك خلاف في حسين خوجلي هو " رائد الصحافة الصفراء" والإسفاف والسقوط الإعلامي
*
نحن هنا لانتحدث عن قوالات ونميمة يمارسه بعض الأفراد علي المستوي القاعدي
وإنما عن ممارسة ممنهجة وموثقة - تمارس علي مستوي القيادة وعلي مستوي الإعلام المركزي
الرسمي
* فلنتحدث علي المكشوف
فمثلا الميدان - كصحيفة إستمرت لأكثر من نصف قرن تعد من أكثر الصحف موضوعية وأنضباطا
وإلتزاما وبعدا عن الإسفاف والشخصنة ..
في المقابل ستجد إن الوان وحلمنتيش هي الأسوأ بل الإسلوب المستنقعي والسقوط هو نهجها
ومعدنها ورسالتها وبشكل أقل كانت الراية..لأنها كانت تعيد تدوير كتابات الوان وتقوم بضربة
البداية بشكل مغلف..
| |
|
|
|
|
|
|
|
|
|
Re: بهدوء جدا النضال الفضائحي (Re: كمال عباس)
|
مرحبا ودو
انا اتكلمت حسب تجربتي شفت الحاجة دي بشكل سافر جدا في صحف الكيزان كم وتمانين
اضيف بشكل سافر وشبه يومي . واظن الوقت داك سودانيز لم تكن موجودة ولم يكتشف النت بعد عندنا او لم يصلنا
انا اتحدث عنها كظاهرة حسب رؤيتي القابلة للتخطئة او التعضيد
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
ولا أنا اشرت لسودانيز في مداخلتي الاولى - قبل ان تتحدث عن العامة- طالما تناولتها كظاهرة يبقى كان الاجدى ان لا تحرفها لجدل من البدأ ومن صاحبها ومن يستخدمها, طالما كنت متابع الوان اكيد مرت عليك حادثة خالد مضوي و بالتأكيد لم تفجرها الوان ولا عشرات المقالات التي تناولتها بعدها نشرت فيها!
فا شنو ... زي ما قلت ليك كان وفّرت الجدل لو تناولتها كظاهرة عامة دون تخصيص فئة فهذا التخصيص بالضرورة يبرئ البقية و هم ليسوا كذلك!
| |
|
|
|
|
|
|
|
|
|
Re: بهدوء جدا النضال الفضائحي (Re: محمد البشرى الخضر)
|
سلامات صديقي ابو سن
حسب قناعتي فإن الممارسات السمحة ليست حكرا على حزب أو جماعة،
وكذلك الممارسات والعادات السيئة..
ما يظهر في السطح كل فترة هو سلوك شخصي يتقمصه اي شخص أو جماعة اذا توفرت بيئة معينة
لذا فإن الكوزنة سلوك، والشيعنة سلوك، والفجور سلوك... الخ
ويمكن ان نجده في اي حزب أو تنظيم
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
مرحبا بكرى عباس
وليك وحشة جدا
فعلا غالبا يكون ماحقيقي ومختلق وليهو برضو معجبين
في ناس بتعجبهم سيرة الناس بالشين
وللاسف التنمر الاسفيري دة بواجهو الزول هنا علي حين غرة وبكون صدمة ليهو . يفترض الحوار يكون موضوعي وعلي ما تكتبه يلم فيك زول ولا بعرفك يشتمك في عرضك بما لا يعرف
انا طبعا ما بتكلم عن سودانيز فقط بل مجمل السايبر والصحف
اليسار زاتو خشم بيوت
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
صحيفة الوطن في العهد الديموقراطي
صاحبها سيد أحمد خليفة قيادي بحزب الأمة -مرشحهم في دائرة الصحافة وجبرة
صحيفته - نشأت كترياق مضاد للصحافةَ الكيزانيةُ ولكنها لم تختلق أو تفبرك وإنما إعتمدت
علي التوثيق..
حادثة عثمان خالد مضوي من مضابط الشرطة
حادثة المحلب والشيخ عبد الباسط موثقة
- قصر علي الحاج العشوائي - تجاوز موثق
- سرقة بدر الدين طه للكهرباء من المسجد موثقة!
وماعدا حادثة عثمان خالد الموثقة والتي تناولت شأنا خاصا فإن بقية الحوادث تناولت فسادا
عاما ..
صحيفة الوطن نشأت بعد صحف الجبهة بإعوام !
وللأمانة فإن سيد أحمد خليفة كان يمثل نفسه ولم يعبر عن حزب الأمة أو الحكومة
*ومن ناحية أخري فإن الجبهة واصلت ذات الإسلوب الأعلامي حينما أصبحت حاكمة عقب إنقلابها
علي الديموقراطية,,
| |
|
|
|
|
|
|
|
|
|
Re: بهدوء جدا النضال الفضائحي (Re: كمال عباس)
|
مرحب كمال
وحبابك
هذا ما اذكره الخط العام والاساسي للأعلام الكيزاني كأنه توجيه مركزي وهذا ما اقصده
امر له تخطيط وتنظير و تنفيذ وليس سلوك فردي متطرف
وكما ذكرت سمعنا بالمؤامرات والتخطيط لها ونصب الاشراك والتوثيق لها
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
شكرا ودو وكمال
حادثة عثمان ما بتذكر الاتناولها منو
بتذكر بس كركتير عزالدين فيها
فعلا سيداحمد خليفة كان يميل للامور الشخصية . بدأ مع حزب الامة وبعد داك اشتغل براهو وكان يكتب صباح الخير يا ... وفي كلام حول انو يكتب ذلك من اجل المال
| |
|
|
|
|
|
|
|
|
 Re: بهدوء جدا النضال الفضائحي (Re: عبدالحفيظ ابوسن)
|
تناول الحياه الخاصه والسلوك الشخصى ثغره يؤتى منها الخصم سلوك رسخو الكيزان ومازالو - بخلاف الاعلام - سلوك اصبح راسخ لدى عضويتهم فى اى مكان ضرب الخصم بتشويه السمعه واغتيال الشخصيه عبر الثغره دى بل ابعد من ذلك استخدام نفس الاسلوب بعد اخضاع شخصيات بغرض استخدامهم داخل تنظيماتهم او مجتمعاتهم بواسطه ايقاعهم فى فخ نقاط الضعف فى السلوك الشخصى ومن ابتزازهم لتنفيذ مايطلب منهم.(من امثله دا مسئول من الاخوه الجنوبيين قبل الانفصال -ايام الاتفاقيه -ولاخضاعو تم اقتحام خصوصيتو وهو مع عشيقه مع استخدام كاميراتلتصوير الحدث وتوثيقو )
مازال سلوك تشويه السمعه واغتيال الشخيه عبر الثغره دى مستمر عندهم وسبحان الله فضائحهم فى المقابل لاتحصى ولاتعد ولولا تغطيتهم لفضائحهم بامتلاكهم السلطه لازكمت فضائحهم الانوف.
والسؤال مع خصم كهذا لايتورع عن سلوك الفضائح بل و(صناعتها) لضرب الخصم .ماهو السبيل للحد من استخدامهم لهذها السلوك؟
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
.
ابوبكر عباس ...
سلامات ياخ ونعلك طيب ..
انت في بوست لي خدر الطيب وهو بيحاول يتصافى مع محمد البشرى ، قلت لي محمد انه يحاول يتسامى فوق جراحه والمسامح كريم ...
لكن لما موضوع الخصوصيات مساك انت شخصيا تيقنت فعلا انو الجمرة بتحرق الواطيها ...
ولا مو هيك ؟
.
..
.
تحياتي لابي سن وضيوفه ...
.
.
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
بما ان أغلبكم صغار في السن
فلا أظن ان حوارات ( اغتيال الشخصية ) التي دارت في الستينات ستبلور المفاهيم حول من ابتدع هذه البدعة السيئة
وقتها بعض الشخصيات السياسية اعتزلت العمل الحزبي وبعضها دخل مستشفى للعلاج نفسيا
عموما أميل لمنحى ود البشرى في النقاش ان مبتدعها لا يهم كثيرا
بقدر ما يهم ممارسها حاليا
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
سلامات ياود ابوسن
قبل الكيزان, اول من اسس صحيفة تتناول السياسة و السياسين بشكل فضائحى مستخدمة الاثارة و الشائعات هى صحيفة الناس و محررها هو الصول السابق فى المكتب الخاص للبوليس المصرى, المرحوم محمد مكى المعروف بمكى الناس والذى فر للسودان فى مطلع الخمسينات و اسس صحيفة الناس وعرف بعدائه للاتحاديين و اليسار وعلاقته الوطيدة بالبية عبدالله خليل وترجع جذورهم لمنطقة ادندان فى النوبة المصرية.
تم اختطاف مكى الناس من منطقة الروشة فى بيروت من قبل عناصر فى فتح بالتنسيق مع امن السفارة السودانية فى بيروت فى ديسمبر ٦٩
و تم ترحيله الى دمشق ومن ثم الى مطار وادى سيدنا حيث تمت تصفيته هناك
| |
|
|
|
|
|
|
|
|
|
Re: بهدوء جدا النضال الفضائحي (Re: Elmoiz Abunura)
|
يا قسم، مداخلتي تلك لود البشرى شفت الموضوع مرهق بالنسبة له وهي داعمة له.
موضوع الكل ب الفاطر، ما عامل لي مشكلة كبيرة، لكن ما داير أسهل ليهو الرجوع كأنو ما حصل شيء،
والنَّاس تستقبلوا بالطوربيد البطل والم
زايد تاني انو الشتيمة بمبرر أخلاقي فيها متعة شديدة،
زايد تالت داير لي طريقة أتفك من هنا.
زايد رابع في ناس كتيرة ماخد منها مواقف أخلاقية تصل درجة المقاطعة التامة وليس لهم معي مشكلة مباشرة.
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
سلام يا أبو سن يا عمدة يا أصيل، شخصيا تعاف نفسي الخوض في أعراض الناس، وعموما إتأمركت أكتر من الأمريكان
أظنك تلمح لحادثة بنك الشمال، لكنكم قد غفلتم شيء مهم جدًا وهو استخدام الكيزان لسلاح الإغتصاب، ودي سابقة في التاريخ، ويقال قد تعلموها من الحرس الثوري الإيراني.
| |
|
|
|
|
|
|
|
|
|
Re: بهدوء جدا النضال الفضائحي (Re: صديق مهدى على)
|
مرحبا زكريا
مرحبا المعز
قريت عن تلك الصحيفة وتناولها لأعراض الناس والخوض فيها
وقرأت عن تشويه سمعة الناس وقتل شخصياتهم . كل ذلك للأسف لم يستدعاه ذهني كأولوية لظهور هذا السلوك . لعل سيطرة الكيزان وتطوريهم لهذا الفعل وكرهي لفعلهم فيه وفي سياساتهم وفسادهم سد منافذ ذاكرتي فلم اعد اري سواهم مصدرا للشر
اعتذر عن قولي انهم اول من قام بهذا الفعل
لكن بدون قبقبة هم نجضو شغلتهم كما قال شيخ العرب قديما
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
مرحب النذير ومرحب صديق
يا النذير حسك هو الحس السليم . ولكني اعجب لمن يعيش في بلاد الخواجات ثم يحتفي بذلك في انفصام فكري عميق
الغرب يعلى من شأن الحريات الشخصية ويعاقب بالتعدي عليها
فبدلا من عكس ذلك في كتاباتها تجده منغمسا بتلذذ في ما نستهجنه هنا .
وحين يكتب عنها يذكرني بنكتة مدعي التدين الذي قال يريد ان يري صور الخواجيات العاريات ليعرف مدي كفرهن او نحو ذلك
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
مجتمع كوستي الذي اعيش فيه مجتمع مختلف جدا حسب ما اقرأه هنا تحديدا
يكاد اهل كوستي يعرفون بعضهم بعضا
وانا في ميعة الصبا كنت اري اسماء مشهورة لمخنثين ولهم دور للبغاء ينتزعون احترام الناس وتقديرهم
فهم لا يتعرضون للناس بسؤ سلوك او لفظ . وهم من المبادرين في افراح الناس واتراحهم
لايجلسون ابدا . بل يدخلون للتعزية او المباركة ثم يدفعون في دفتر المشاركة ويذهبون لحال سبيلهم .
بسلمون علي الناس في الطرقات ويبادلهم الناس سلاما طيبا ولايخوضون في سمعتهم
وكذلك بنات الليل لا يزرن جارة الا لواجب اجتماعي مستعجل
احترام خصوصيتهم وفعلهم رغم رفضهم له .
وهم يعلمون ذلك ومارسوا عزلة اختيارية نسبيا
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
قبل ايام كان لقاء تلفزوني مع ذو النون
واعد فريق البرنامج و مقدمه اتصال تلفوني كمداخله
و كنا على وشك سماع فضائح على اعلى مستوى
و مقدم البرنامج كأنه يريد ان يكمل المتصل و ذو النون
احاديث اقل ما يمكن ان نقول عنها هبوط و اسفاف رهيب
هنا المنحنى الخطير بأن تحولت الفضائح من الصحف
الى القنوات الفضائية و قبلها الى مواقع التواصل الاجتماعي
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
يا ود أب سن, ما كنت اود تناول الزاوية بتاعة من بدا ومن صاحب قصب السبق وهكذا لأن فيها ضياعا للفكرة الرئيسة
لكن وقت حدث ما حدث فليكن :)
فكرة شيطنة الكيزان ما قلنا شي فهم اس البلاء على الأقل في الثلاثين سنة الماضية! لكن كمان لا يجب أن يقابلها ملأكة - مقابل شيطنة - بقية القوى السياسية و الجماعات المختلفة
تعليق كل اخفاقاتنا و فشلنا على شماعة الكيزان فيه استسهال و سيعمينا عن مواجهة المشاكل و العمل على حلّها.
بعض ممارسات الكيزان الفاسدة لم يتعلموها في التربية الحزبية وليست في دستور الحركة, ولم يأتوا بها من باطن الأرض, فقط ابرزها تمكنّهم من السلطة و انقلابهم على الديمقراطية وهذه الخطيئة الكبرى التي يتضاءل أمامها كل شيئ
نفس هذه الممارسات و السلبيات موجودة لدى الباقين, فهم اتوا بها من المجتمع و العرف بكل اخطائه وما وجدوا عليه سابقيهم ومجايليهم!
فا شنو.. الصاق كل شيئ بهم مع تبرئة الآخرين ليس امرا سليما
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
هسع في داعي تذكرونا بي النبي لينين
والزعيم ستالين يا حفيظ ... الاستاذ عادل
عبدالعاطي كتب مقالات مطولة في سودانيز
دي عن تاريخ اغتيال الشخصية بي شتي
الوسايل منذ الظهور الأول للحزب الشيوعي
في السودان وخاصة ضد اول سكرتير
للحزب ... وهو تاريخ ممتد منذ عهد لينين
القبل مايلدو حسن البنا زاتو ...
وبالطبع هذا لا ينفي ولا يقلل من ممارسات
الكيزان المخزية في تاريخهم القريب والبعيد
وتكاد تكون متطابقة وشافنها بالكربون من
أقرانهم الشيوعيين ...
| |
|
|
|
|
|
|
|
|
|
Re: بهدوء جدا النضال الفضائحي (Re: Salah Zubeir)
|
مرحب ودو وصلاح
اظني اعتذرت وتراجعت عن كونهم اول من استن ذلك
لكنهم افحشوا وولغوا في اعراض اناس كثر وبمباركة تنظيمهم كون انهم ينشرون في جريدتهم الرسمية دون واعز او نقد او استهجان من تنظيمهم
ولم نسمع من يقول لهم عيب ولا دة غلط من تنظيمهم او قادتهم
بقية التنظيمات مثلا الحزب الشيوعي اغتال شخصية كم نفر .اظنهم بالحساب دون اصابع اليد الواحدة
وهل تم النشر في جريدتهم الرسمية ذلك ؟
الكيزان لم يكن قصب السبق ولكنهم فاقوا كل التوقعات
ولم يقتصروا علي نشر الاشاعات بل مارسوا ذلك فعلا ووثقوا لهم كاداة تخويف هل قام بذلك احدا قبلهم ؟
| |
|
|
|
|
|
|
|
|
|
Re: بهدوء جدا النضال الفضائحي (Re: Asim Ali)
|
ود ابسن ح الله على السلامة
انا شايف انو في فرق او ممايزة بين النشر في الصحف ، (ينطبق الامر ايضا على وسائط الميديا الموجهة البتكون تدار بواسطة جهة
معينة معروف انتمائه)ا وبين اغتيال الشخصية في اوساط اجتماعية محدودة مثل الحزب ، قرأنا عن حالات اغتيال شخصية داخل الحزب
الشيوعي لكنها لم تخرج للصحف ، كما قرأنا عن اغتيال الكيزان لشخصية محمود برات لخلاف مع الترابي باسلوب فضائحي بذيء
محتواه جنسي ، الكيزان ديل شكلهم ما عندهم حنك غير ده ، لكن لم يخرج الموضوع لصفحات الجرائد. يعني داخلي زي حادثة شيبون
والحزب الشيوعي ، ممكن نقول انو الحاجة دي بتشتغل كويس في الاحزاب البتفتقر للديموقراطية في داخلها حيث يتم طبخ مبررات
لابعاد شخصية معينة لان العضوية لا تملك حتى حق التساؤل او التأكيد من حقيقة الاتهام او المزاعم وما يقوله الكبار هو الصحيح.
الكيزان طبعا استفادوا من الارث الشيوعي في اي شيء من التنظيم والحركة وسط الجماهير الى جزئية اغتيال الشخصية كما اعتقد
الان وبعد انفتاح السماوات اصبح الامر اكثر اتساعا وتعقيدا واصبح الجميع في مرمى نيران هذه الطريقة القذرة التي تتخذ عدة اشكال
بعضها ذكوري منحط وبعضها يستهدف الذمم الخ الخ وممكن اي خلاف مع اي شخصية سايفرية خاملة الذكر يدخل الواحد في قصص
وحكايات قد يكون ثمنها باهظا في بعض الاحيان .
اعتقد اننا بحوجة لقانون صارم جدا للتعامل مع هذا الموضوع والى اشاعة ثقافة التقاضي ، لا شيء يردع المتنمرين وناشري الشائعات
الا القانون الصارم "وليشهذ عذابهما طائفة من المؤمنين" واعني ويتم نشر الاحكام على الملأ في الوساط والصحف بالاسم.
كده اي زول حيلزم حدودو
اخر شي .. الكيزان هم الاسوأ في اي شي والاكثر انحطاطا في اي شيء ، وانا ما محايد ولا اي حاجة ..
| |
|
|
|
|
|
|
|
|
|
Re: بهدوء جدا النضال الفضائحي (Re: Abdullah Idrees)
|
نعم ياعبد الحفيظ
الكيزان هم أول من إنتهج ـ هذا الإسلوب علي مستوي الإعلام المركزي وبشكل ممنهج وموثق
* نحن هنا لانتحدث عن مجرد أقاويل ونميمة تمشي في المجالس - مشافهة وإنما عما يرد في
إعلام رسمي ومركزي -
الأقاويل والنميمة - بدأت مع نشاة الأحزاب راجعوا ماكان يدور بين الفصائل الإتحادية وفي حزب
الإمة - ومابين الحزبيين بل مادار داخل تيارات حزب الأمة - من طعن في نسب الصادق لأبيه
أيام خلاف الإمام الهادي والصادق ودا كلو غير موثق ولم يرد في إعلام رسمي أو صحف وأنما
نميمة وأحاديث مجالس...
وبطيبعة الحال فإن هذه الظاهرة طفحت في غيرها من القوي اليسارية وبرضو بشكل غير
رسمي وإنما حالات فردية معزولة فالإعلام اليسار كان الأكثر موضوعية وإنضباطا
- التصنيف الرسمي للاشخاص والعقليات كان فكريا - يميني - رجعي - برجوازي - والوصم
بالإنتهازية لفكرية *
مايحدث في وسائط التواصل الإجتماعي والنت هو تصرفات فردية ونقل للنميمة والقطيعة
من قوالبها التقليدية الشفاهية - للنت - ومن يمارسها من المحزبين تجده كادر قاعدي لايمثل
إلا نفسه -والغريبة أن بعضا من يعترضون علي ممارسة هذا الإسلوب في الوسائط الإسفيرية
تجدهم يمارسونه عبر الهاتف وتعال في الخاص وما أن يختلف اللصان حتي يظهر المسروق
والمراسلات والقطيعة و االنميمة
| |
|
|
|
|
|
|
|
|
|
Re: بهدوء جدا النضال الفضائحي (Re: Salah Zubeir)
|
تشكر عبدالله ادريس علي المداخلة الضخمة
وكتر خيرك للايضاح
ههه ياصلاح الزبير ياخ كدي براحة المارس اغتيال الشخصية حتي اضر بالوطن منو ؟ ناس الشيوعي البيناتم ولا الكيزان الاستهدفو اي وطني ولو كان مغمور !!
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
| Quote: ههه ياصلاح الزبير ياخ كدي براحة المارس اغتيال الشخصية حتي اضر بالوطن منو ؟ ناس الشيوعي البيناتم ولا الكيزان الاستهدفو اي وطني ولو كان مغمور !! |
ابدا ما مختلفين يا حفيظ ... الكيزان ليهم القدح
المعلا لحرق واغتيال معارضيهم معنويا ولا مانع
جسديا في حربهم للفوز والانفراد بالسلطة مما
أضر ضررا بليغا بالوطن ومخالفيهم .. ولا يمكن
أن ننكر أن اغتيال الشخصية ممارسة أصيلة وركن
هام من أدبيات الحزب الشيوعي ...
علي قول عبدالله .....
Quote: ممكن نقول انو الحاجة دي (اغتيال الشخصية) بتشتغل كويس في الاحزاب البتفتقر للديموقراطية في داخلها حيث يتم طبخ مبررات
لابعاد شخصية معينة لان العضوية لا تملك حتى حق التساؤل او التأكيد من حقيقة الاتهام او المزاعم وما يقوله الكبار هو الصحيح. |
| |
|
|
|
|
|
|
|
|
|
Re: بهدوء جدا النضال الفضائحي (Re: Salah Zubeir)
|
زميل المنبر الأستاذ محمد حسن العمدة
كتب مقال في يناير ٢٠٠٧ حسبته كتبه
الأسبوع الماضي ... عن ماذا يعني أن
يطلق عليك مفردة كوز ... ومؤخرا تم
ترقيتها الي رمادي لمجرد اختلاف الرؤي ...
غايتو تاني البقول لي كوز ولا رمادي بعتبرو
هدف مشروع للدواس أب غبينه قدر الليله
وباكر وماني مفارقو ولو إدسا ورا توب امو ..
الكلام ليك يا المنطط عينيك ...
| Quote: صفة سيئة لازمت ممارسة الحزب الشيوعي السوداني طوال تاريخ مسيرته في العمل السياسي , ولا تزال هذه الصفة السيئة تلعب دورا كبيرا في تصفية خصومات اعضاء الحزب الشيوعي سوا فيما بينهم كاعضاء او تجاه من قام بترك عضوية الحزب او تجاه من هم خارج عضوية الحزب سوا اكانوا ينتمون الى كيانات اخرى سياسية مدنية ثقافية او ممن يصفون بالشخصيات المستقلة . وليس بالضرورة ان تعادي او تهاجم اطروحات الحزب الشيوعي او من هم اهل حظوة بداخل الحزب فقط يكفي ان تبدي رايك في خط الحزب السياسي او تنتقده او تتناول مجرد تصريحات احد قياداته فتصاب بعض العضوية بنوع من الهستيريا المصاحبة لرشق بابشع التهم واخطرها كتهمة ( كوز ) والتي لا اساءة بعدها فهي تعني اتصاف حاملها بكل الصفات السيئة واللانسانية فيكفي انك اذا اردت ان تصف شخص بانه كاذب حقير فاشي سفاح سفاك للدماء سارق مرتزق والى غير ذلك من الصفات السيئة فيكفيك فقط ان تصفه بانه ( كوز ) وللمتلقي ان يضع ما يشاء من صفات السوء البشرية والحيوانية |
| |
|
|
|
|
|
|
|
|
|
Re: بهدوء جدا النضال الفضائحي (Re: عبدالحفيظ ابوسن)
|
والجدير بالذكر أن عضم البوست وجوهره يتحدث عن ممارسة هذه الظاهرة عبر الإعلام الحزبي
المركزي - الموثق - صحافة - تلفاز لاعن قولات ومشافهة وحالات فرذية قاعدية لاتمثل إلا
صاحبها...
نحكم علي الحزب ونحاكمه عبر مايصدر عن إعلامه - الموثق -
| |
|
|
|
|
|
|
|
|
|
Re: بهدوء جدا النضال الفضائحي (Re: كمال عباس)
|
كدي يا كمال لإنعاش الذاكرة ادينا أمثلة لعناوين و تحقيقات و مقالات صدرت في الوان و حلمنتيش تتناول فضائح ذات طبيعة شخصية للخصوم
أنا حاولت استحضر جاتني حادثة نشر صورة سيد احمد خليفة مع فتيات لكن ما قدرت اتذكر غيرها
| |
|
|
|
|
|
|
|
|
|
Re: بهدوء جدا النضال الفضائحي (Re: محمد البشرى الخضر)
|
سلام محمد البشري
.Quote: كدي يا كمال لإنعاش الذاكرة ادينا أمثلة لعناوين و تحقيقات و مقالات صدرت في الوان و حلمنتيش تتناول فضائح ذات طبيعة شخصية للخصوم
أنا حاولت استحضر جاتني حادثة نشر صورة سيد احمد خليفة مع فتيات لكن ما قدرت اتذكر غيرها |
الوان وحلمنتيش - ثخصص كامل في الإسفاف والشخصنة السالبة والكذب والتلفيق - قامت
لهذا الغرض - فهذا هو نهجها وأسلوبها هي كذا في كل نسخها وأعدادها ...
- أحمد منتشة - أحمد الميرغني
الرؤيس السفساف - البنا
أميرسيدس - نقد الله - البيارة الليبية - إتهام حضر بالتصرف في أراضي الدولة السكنية وسيد أحمد الحسين بالفساد
- بالإضافة للخوض في الإعراض والشرف والذمم المالية - بشكل مكرور وجبان يغمز ويطعن
ويمشي بالنميمة..
* حسين خوجلي - أتهم الصادق المهدي بأن له علاقة مشبوهة وغير مشروعة مع خواجية وأن له
منها إبنا !
وفي فيما بعد وفي ساحة الفداء شهدنا صورة مدبلجة لقادة معارضة - وهم يرقدون في أحضان
أثيوبيات وسط تلال من الخمور.
مقابل ذلك قام سيد أحمد خليفة برصد حالات مثبتة وموثقة لأركان الإنقاذ: محلب الشيخ عبد الباسط - سرقة بدر الدين طه للكهرباء من المسجد- قصر علي الحاج العشوائي وطبعا هناك حادثة عثمان
خالد مضوي - ومصدرها مضابط الشرطة - ولكنها إستهجنت لأنها تناولت مسألة وسلوك شخصي
| |
|
|
|
|
|
|
|
|
|
Re: بهدوء جدا النضال الفضائحي (Re: كمال عباس)
|
سألت يا بشرى صديق شيوعي محترم على تداعيات اتهام الخائب الفاطر لي، سألتو عن شيوعي عظيم بعد ترك التنظيم اتهموهوا الشيوعيين بأنو مثلي؟
رد علي باجابة ما زالت محيراني ولو لا أن صداقتنا قديمة وعميقة جداً كنت شطبتو
قال لي: هو فعلاً كان مثلي والحزب كان لا يقبل المثليين
في وقتها احترت حيرة شديدة
الخلاني ما ازنقو في النقاش
كان قد سأل عن فرية الفاطر حولي من اصحابم في السعودية
تصدق يا بشرى؟
خفت يكونوا أكدوا ليهو مثليتي
العالم قد يصبح ضيق جداً للشرفاء
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
| Quote: حسين خوجلي - أتهم الصادق المهدي بأن له علاقة مشبوهة |
بالله شوف الـ ### دا
اتّهم السيد الإمام!! الله أكبر عليه!
اذكر برضو من سخريات حلمنتيش وصف النائب العام وتشبيه بالجمل لطول رقبته
يا مستنير - أووبس - يا بكّور, طبعا اثبت انّك لا مستنير لا شفتها بعينك و في اللحظة الحرجة رجعت بكري القروي عربي الجزيرة اب سكين في ضراعه وحقة التمباك في جيب السديري ومحدّر الطاقية !
لكن كدي النسألك انت الزعّلك شنو بالضبط, الشتيمة إنّك تتّي ولاّ حاجة تانية!
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
Quote: دي اسمها يا بشرى نهاية الاستنارة
قد يجي باحث لاحقاً وينظر ليها من زاوية كلها لمبات واستنارة
ما معروف
كل شيء جايز |
سلام يا حبيبنا المستنير، الپوست اللي شتمني فيهو طلعت من الشغل لقيتو حذفوه واحتمال يكون حذفوك إنت زاتك، بس حبيت أقول ليك إنك مضخم الموضوع في لاشئ، على الأقل بالنسبة لي لأني بقيت مبنج ولا شيء يستفزني، وشتيمتك لي عفيتها ليك لرب المجرات، والعفو والعافية ستظل دوما أخ عزيز وغالي وإنت راجل ما ساهل إنو الزول يخسرك بسهولة، وسيظل مكانك شاغراً.
| |
|
|
|
|
|
|
|
|
|
Re: بهدوء جدا النضال الفضائحي (Re: النذير حجازي)
|
عارف يا نذير
لما الموضوع يخش في شرف وأعراض وإشانة سمعة يا إما الواحد يكون عندو موقف واضح يقولوا ويحرسو ويدافع عنه يا إما يسكت
اللعب على الحبال البتسوي فوقه دة إسمه الكلام الني
الاتهام في الشرف ما فيه حاجة اسمها باركوها .. يا تثبته يا تعتذر عنه
الزيك دة يا نذير هو البعمل شرعية لإسكات الناس بالكذب واختلاق تاريخ جنسي
ودي ما أول ضحية لمعاوية
قبليها ساق الفرية دي في أبو حسين وخلى كل أعداؤه ينادوهو بالبنقالي
واتهم محمد البشري بخيانة زوجته وخيانة بيوت اصحابه
والموضوع ما حيقيف هنا لأنه لقاها سمحة .. عاوز تسكت زول أنجر ليه تاريخ جنسي بزح من طريقك
ويجو يساعدوه ناس النذير وأسامة الخواض يقولوا للمتهم انت أبعد من طريقه عشان يسكت منك
مداخلاتك يا النذير كانت خبيثة مهما حاولت إدعاء البراءة ومحاولة الاصلاح
فعليك الله شغل العفو والعافية وانت غالي وباقي الحنان بتاعتك دة أعفينا منه نحن القراء المتابعين ديل
عباراتك من نوع (مضخم الموضوع) و (في لا شئ) تدل على إنك ما عندك ذرة حساسية
ناس كتار جداً قالوا لي ابوبكر يبتعد - وأنا منهم بالمناسبة - لكن آخر حاجة بفكر فيها الناصح إنه يقلل من حجم الإتهام في الشرف
يا نذير لو ما عندك موقف واضح بإدانة واحد من الطرفين أرحمنا من اللولوة بتاعتك دي وشغل تمشي ترضي داك حبة وتجي تراضي دة شويتين .. أقسم بالله مديني إحساس البيبي سيتر
"إن أسوا مكان في الجحيم مخصص لأولئك الذين يقفون على الحياد في المعارك الأخلاقية "
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
| Quote: لما الموضوع يخش في شرف وأعراض وإشانة سمعة |
الأخ احمد عمر لك تحية
انا معاك في كل ما قلت وانو ابوبكر - وانا اعتبره صديقا اسفيريا - و من محبي ما يكتب و ليس بيننا الا المحبة والاحترام
لكن أبو بكر انفعل اكتر من اللزوم وقام بتوجيه تهم قبيحة وغيرها لاسرة العم عبيد الصايم اللماعندها دخل باخطاء ابنها
انا شخصيا ادنت معاوية في أيام الشربكة و كلمته شخصيا ,وفي البوست المحذوف قلت كلامو شين في حق الزميل ابوبكر
لكن كمان كلام أبو بكر في حق اسرة معاوية اشنا ( بالحرف كدى) لانو لا يمس معاوية فقط وانما ناس كتار وقد أكون انا واحد من هؤلاء الناس.
معاوية مفروض يتحمل وزر اخطاءه القاتلة لوحده ولا يمكن توزيعها على باقي الاسرة
بس المطلوب من الاخرين الاتساق فقط
تحياتي
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
في مشكلة مصطلحات هنا يا محمد الشيخ
لمن أقول ليك يا حيـوان يا غبـي يا حمار دة اسمه كلام شين
حله اقول ليك آسف والله معليش ما قاصد
لكن لما أتهمك في سمعتك بي أسماء ناس بعينهم دة ما اسمو كلام شين
دة اسمه قذف .. وما فيه معليش
يا إما تثبت الكلام القلتو أو تجي تقول أنا كضبت أو انفعلت واتكلمت برة راسي لدرجة إني ما واعي بي روحي كتبت شنو
معاوية استحلى الموضوع وكل ما الناس تقول ليه كلام شين يزيد زيادة عامل فيها فتوة البورد البقرب ليه كلو بلصق ليه تهمة جنسية
فموضوع إنه الناس تتكلم مع معاوية وتقول ليه هدي وما تتكلم كلام شين بصراحة كدة حنك ما جايب حقه
الكلام المفروض يكون عندك دليل ولا تعترف بكذبك؟ وبس
شخصياً ما حضرت قفلة البوست ولا عارف حصل في نهايته شنو لكن لو ابوبكر اتهم أسرة معاوية فعليه المثل الإثبات أو التكذيب
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
لا لا يا محمد عمر لم أتهم أسرته
استعملت إبن الكل ب
وابن القحب ة
وهي شتيمة الانفعال بكل اللغات
صعب أكون داير أشتم وأقوم أحاسي الكلمات
يا عمر نملة أخوي
يا أخي شكلاتي وأنا سكران وباليد الشمال بطقطق ليك السكران دا
فشنو؟
لو الموضوع وصل السكاكين برسل ليك
عليك الله ما تخرب لي شكلي
نأسف يا ود الشيخ لو جاتك منا إساءة فأن محل تقدير خاص جداً عندي
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
يا نملة، أنا لا بعرفك لا إنت بتعرفني، أنا بعرف أبوبكر وكلامي موجه لأبو بكر، اللهم إلا تكون داخل بحساب زول.
وكلامي أبوبكر يقبله او لا يقبله أنا ريحت ضميري ودا اللي بهمني ما شغال بزول كتير
| |
|
|
|
|
|
|
|
|
|
Re: بهدوء جدا النضال الفضائحي (Re: MOHAMMED ELSHEIKH)
|
لكن أبو بكر انفعل اكتر من اللزوم وقام بتوجيه تهم قبيحة وغيرها لاسرة العم عبيد الصايم اللماعندها دخل باخطاء ابنها
و. د أبوبكر مقطوع من شجرة كل اتهامات العاوي فاكر حدها منبرك.. اذا كنت داخل تقول الحق قولو إجمالا.. وما تكون حنين لأسرة العاوي... ختيت نفسك في مكان لازم تتلسع عشان تضوق طعم الاذى
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
كويس انك يا شووم بتحس.. ودي اول جرعة... شفت كيف بس كلمتين خرجت عن طورك... ولسه ما دخلنا في الغريق.... اقعد مع نفسك انت وغيرك وفكرو في الأذية.. السبببتها لينا اتهامات العاوي... طوالي فكرت تضارب.. لما جاك في لحمك الحي... ولسه ما وصلت أسرتك... قلت لي تطور فكر أعضاء المنبر.. كمية جبن وكلام ني..
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
كلام أبو بكر في حق اسرة معاوية اشنا ( بالحرف كدى) لانو لا يمس معاوية فقط وانما ناس كتار وقد أكون انا واحد من هؤلاء الناس.
معاوية مفروض يتحمل وزر اخطاءه القاتلة لوحده ولا يمكن توزيعها على باقي الاسرة
بس المطلوب من الاخرين الاتساق فقط
قلت لي بمس أسرة العاوي وانت واحد منهم. طيب ما ختيت في حسابك انو د. أبوبكر ليه أسرة.. والاتهام مساهم.. بدل تجي تدين د. أبوبكر لانو راس السوط وصلكم يا أهل الشرف. بكل بساطة قبل الأمور ما تفلت.. تفتح بوست باسم الأسرة الشريفة تدين وتتبرا من الاعوج.. وبما انك ما فعلت ولا سكتا.. وكمان جاي تولول بما لحق أسرتك الكريمة بدون خجل؛.. انت واسرتك الكريمة يلزمكم موقف واضح.. والا العين العين
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
مرّة شاهين شاهين شتّم ليهو زول هنا شتيمة شديدة
غرت من شاهين وحسيت انو شتيمة الردحي دي باب أدب لم أطرقه
القصّة دي ورب المجرات، لمان تتحرر من حقوق الآخر (المشتوم) فيها راحة عظيمة خلاص ومتعة ما بعدها متعة
أها يفسدها ليك زول عزيز زي محمد الشيخ يقول ليك:
هبشتنا
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
يا د أبوبكر... صراعاتك في المنبر لك وحدك..
ووصلت الصراعات لاتهامات أخلاقية.. بينك وبين من يكون... برضو ما أتدخلت مع اني... اتدخلت كتير لما الاتهامات تصل الشخص..وكثيرين دافعت عن شخوصهم ومع اني لا اتفق معهم في توجههم الفكري... تمام... في هذة القضية.. عاضي وساكت.. وبشوف من بعيد... بالنسبة للعاوي رميت طوبته.. وكنت بسأل نفسي عندو اهل.. اب... ام... اخ... ولد... بنت.. قريب... تمام... اخيرا ظهر محمد الشيخ وبقوة عين يحسد عليها... قال الكلام مساهم كاسرة وهو احد منهم... بدون اي احساس بما سببه كلبهم لك ولنا... مهم الحل كان يا يتقاضا المسعور. يا يجلد زي مابشوف النذير البفتش في عنواني ودا شعور طبيعي... يا يسامح... ولا الكلمة بالكلمة.. وشايفك بديت واتراجعت... لانك ما بتقدر.... اها لما بديت الرد جا الشيخ مستنكرا.. وانت بكل بساطة استقبلت.. فشنو ما في حل الا رمي الاعوج ليهم ونشوف...
| |
|
|
|
|
|
|
|
|
|
Re: بهدوء جدا النضال الفضائحي (Re: عمر نملة)
|
كتبت يا عمر، انو نحن المعيار الأخلاقي في كثير من المواقف بيتوقف على ما يصيبك من ضرر شخصي،
حالياً في ناس كتار أخذوا مواقف في جانب حقي وآخرون غير مهتمون وزي الباشمهندس ود الشيخ لا أعتقد بكون متابع بدقة، وانفعل مع ما رآه مساس بأحد أقرباءه،
لا نستطيع أن نجبر الناس على النظر بزاويتنا
ود الشيخ دون غيره أحب أن أخرجه من هنا
أرجو أن لا تصعّب عليّ الخروج من هذا المأزق الأخلاقي
صحي تكون غاضب من مواقف الناس،
لكن تعمل شنو؟
أرجوك أتركني أعالج هذا الموقف دون مساندة منك
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
لا نستطيع أن نجبر الناس على النظر بزاويتنا
كل شخص ليه الحق ينظر بزاويه ولي أيضا نفس الحق... لكن لازم يحصل تقاطع واختلاف ودا شي طبيعي.. لكن في قوانين بتحكم الاختلاف... القضية فبل ما تكون قضيتك هي قضية مجتمعات.. عشان كد ابوسن باحساسه العالي فتح ليها بوست.. وانا شايف مداخلاتي رغم قسوتها جز من القضية... ارجع للشيخ وزاوية نظرة.. وهو حر فيها رغم انها نظرة اناننيةوظالمة من وجهة نظري.. وعشان ألفت انتباه قلت ليه يا خول وكررتها... عشان يحس بالقضية لانه شايفها شتيمة زي ما قال أحمد عمر صاحب الزاوية المستقيمة.. اقول انا وصلت رسالتي واضحة.. وما بداخل الا في حالة واحدة. انو الشيخ يعتذر كاسرة بصفته ممثل لابنهم... وعندها يعتذر له. وللاسرة
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
أحرجني انو أخوك يكون بحارب معاك وحاول بالرسائل الداخلية وهنا أن أوقفه،
لكن داير أقول حاجة انو عمر دا زول نبيل في مواقفه وأنا متأكد لو كنت أن من أفترى على الكل ب الفاطر، لكان موقفه مني نفس هذا الموقف.
أكره أن أقول نحن كبيت من بيوت الجعليين يقول عنا جيراننا بالمنطقة:
التامرابي بشهد ضد ابوهو
حصل زمان أن إختلف أبي مع شريكه في التجارة ود خالته ووصل الأمر للمحاكم
كان شاهد أبي في المحكمة ابن خصمه (عمي) وشهد أن والده يكذب
عاينت للمداخلة دي
تذكرت جدي عمرو بن كلثوم في الفخر
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
لا أنكر أنني بعد عودة الكل ب أصابني غضب وقررت أن أقود بكري لايقافي،
لكنه طلع زول ما بطال شويّة وما وقفني
ما داير أقول كفاية لحد هنا الكتابة
لكنني سوف أفعل
النذير وأنت متناقض وفي خانة اليك حننتني
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
يا عمر وين انا قلت انو شايف كلماتك عني شتيمة؟
ما تقولني حاجة انا ما قلتها .
انا فقط عملت ليهم الاتنين اقتباس دون تعليق .والا تكون قريت دواخلي انو انا شفتها شتيمة .
ولما اتذكرت صاحبي ابوبكر جيت مسحتها
لاني عرفت انك ذو علاقة بابي بكر ومسحتها اكراما للدكتور
لانو امي بتقول عشان عين تكرم ١٠٠ عين .
وامل ان يكون تقديري لابي بكر خاص به وبي شخصيا فقط
وانت ماعندك اي مشكلة خد راحتك بالكامل
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
Quote: أنا لا بعرفك لا إنت بتعرفني، أنا بعرف أبوبكر وكلامي موجه لأبو بكر، اللهم إلا تكون داخل بحساب زول.
وكلامي أبوبكر يقبله او لا يقبله أنا ريحت ضميري ودا اللي بهمني ما شغال بزول كتير |
دة شنو الهردبيس دة
إي اللي أنا ما بعرفك انت قايل نفسك بتكتب في حائط فيسبوك؟!
أيوة داخل بحساب زول .. اللي هو أنا .. أنا زول بالمناسبة
كلامك الموجه لأبوبكر دة تقوله ليه في التلفون ولا في الرسائل الخاصة
لكن لما تكتبه في منشور عام يبقى اسمه رأي بشوفوهو كل الناس وأي شخص بفتح معاهو زر الرد ممكن يتعامل معاهو
قلت لي ريحت ضميرك؟ قول والله!
أنا ما بتهمني علاقتك بي ابوبكر ولا بتكلم نيابة عنه
أنا بتكلم فيك انت كظاهرة مساعدة لسب الأعضاء وتلطيخ سمعتهم بالكذب المقصود
أيوة نوعك دة هو البساعد معاوية في مسلكه دة ومسؤولين زيه واحد
لما يكون في متهم في شرفه بطلب القصاص لي سمعته وتجي إنت تقبقبه وتقول ليه انت بتطارده ليه تبقى بتساعده وداخل معاهو في المشكلة وبتدافع عن حقه في التعدي على شرف الأعضاء وبتقول خلوهو يسوي في سواته وإلا حيقبل عليكم انتو ويلطخ سمعتكم برضو
نوعك دة يا النذير هو الراعي الرسمي لانتهاك الأعراض
| |
|
|
|
|
|
|
|
|
 Re: بهدوء جدا النضال الفضائحي (Re: أحمد محمد عمر)
|
| Quote: يا محمد عمر شكراً على التعر صة الدفاعية وعليك رب السينما خلي البوست يمشي زي ما داير صاحبو بالعموميات |
انت قايل أول مرة استولى على بوست لي ابو سن؟
وحاة الله هو ذاتو متعود على الحركة دي :)
بعدين في حاجتين
أولاً محمد عمر دي حقة محمد المشرف حصرياً لما يعمل فيها ما بعرفني نظام أنا زول ما مهم وكدة :)
وثانياً تعـرصة الأخوان رجالة
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
Quote: مرّة شاهين شاهين شتّم ليهو زول هنا شتيمة شديدة
غرت من شاهين وحسيت انو شتيمة الردحي دي باب أدب لم أطرقه |
يا زول شتيمة شاهين كانت أجمل من رواية لي ماركيز :)
حتى وهو في حالات الشتم كان قلمه يتقطر أدب
لكن انت يا كافي البلا من قولة تيت جدعت لمباتك وطلعت سكين الضراع
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
طبعاً البوست عندو متابعين كتار
فرصة أعمل دعاية لنفسي
ح أكتب بمنتدى سودانيات بوست اسمو
الفريج
عن فريج مرر بدبي
وتحديداً عن حبشيتين
واحدة اسمها جاينا (الصين بالإنجليزي)
والتانية ميسي
وواحدة أخرى مقدس
وشلة سودانيين سبعة بلعبوا ليدو إلكتروني
والكتابة احتفالًا بنوفمبر الحلو
| |
|
|
|
|
|
|
|
|
|
Re: بهدوء جدا النضال الفضائحي (Re: أبوبكر عباس)
|
يا بكّور ما أظن حصل طلبت منك اي طلب قبل كدا ولا حاولت اشوف بتعمل لي خاطر ولا لأ
دي أول مرة أطلب منّك حاجة واتمنى إنّك ما تردني
بوست فريج مرر دا تكتبوا لينا هنا, انا ما بقدر على المساسقة في المنابر ولا بعرف غير سودانيز دي
وبوست ميسي دا ما بتفوّت طبعا
| |
|
|
|
|
|
|
|
|
|
Re: بهدوء جدا النضال الفضائحي (Re: محمد البشرى الخضر)
|
لكن أبو بكر انفعل اكتر من اللزوم وقام بتوجيه تهم قبيحة وغيرها لاسرة العم عبيد الصايم اللماعندها دخل باخطاء ابنها
انا شخصيا ادنت معاوية في أيام الشربكة و كلمته شخصيا ,وفي البوست المحذوف قلت كلامو شين في حق الزميل ابوبكر
لكن كمان كلام أبو بكر في حق اسرة معاوية اشنا ( بالحرف كدى) لانو لا يمس معاوية فقط وانما ناس كتار وقد أكون انا واحد من هؤلاء الناس.
معاوية مفروض يتحمل وزر اخطاءه القاتلة لوحده ولا يمكن توزيعها على باقي الاسرة
بس المطلوب من الاخرين الاتساق فقط
تحياتي
أوضح ليك يا باشمهندس تاني
الفوق دا كلامك.. صح... اقول الاثارني فيه بغض النظر عن علاقتي الشخصية ب د ابوبكر
١_ انت ادنت د أبوبكر انه يرد الصاع صاعين لحيوان أتجاوز حدود الأخلاق وكلامه فيه جز رؤوس.. فاهم معنى تتهم راجل في شرفه.. أظنك فاهم.. لكن ما حاسس اي ألم ممكن يلحق به وب اسرتة... والعيار ألما يصيب يدوش... عشان كدا أطلقت عيار خفيف. خول عشان تحس ببسيط من الألم.
٢_ دفاعك انه اسرة عبيد الصايم ما ليها ذنب.. كيف يعني. ما ليها ذنب وانت لسان حالهم.. يعني تسبق الأمور وتلفح عمتك وتمشي ليهم وتحكي الموضوع... وخلاصة اجتماعكم.. تمشوا لأهل أبوبكر ومعاكم خروف وقبل اي كلام تضبحوا الخروف... وقبل اي كلام تتبرو من المسعور وتتعذورا.. ولنا الحق بالعفو او لا... دي قضية شرف ما بيموحها الا الدم. وهناك شواهد وقصص
٣ في نفس مكان الجرم تفتح بوست تعتذر باسم أسرة المسعور وبرضو لنا حق العفو او اخذ حقنا باي طريقة
٤ تسكت وتنطم وذلك أضعف الإيمان..
لكن بكل قوة عين جاي تدافع عن أسرة الصايم... عفوا ما خليت حل الا سبك وسب أسرة الصايم
اما بالنسبة لعلاقتك مع د أبوبكر وصداقتك... اقول ليك.. ما هكذا يدافع عن الصديق.. بلومه في وقت هو أحوج من يقف بجانبه... بتحكم كيف انت.. خت نفسك مكانه وورينا رد فعلك
بالنسبة لاحترامك لي من أجل شخص ما بهمني.. وانا قلتها مليون مره.. لا أهتم بشخوصكم... بل بمواقفكم الأخلاقية.. وللأسف موقفك ظالم فيه اول لنفسك... ما عايز ارجع تاني.. ورسالتي واضحة.. عندك واحد من اثنين... تصعد الموضوع ع نطاق الأسرة ويكون موقفكم رجولي... او اسكت
| |
|
|
|
|
|
|
|
|
|
Re: بهدوء جدا النضال الفضائحي (Re: محمد البشرى الخضر)
|
Quote: يا عمر وين انا قلت انو شايف كلماتك عني شتيمة؟
ما تقولني حاجة انا ما قلتها .
انا فقط عملت ليهم الاتنين اقتباس دون تعليق .والا تكون قريت دواخلي انو انا شفتها شتيمة .
ولما اتذكرت صاحبي ابوبكر جيت مسحتها
لاني عرفت انك ذو علاقة بابي بكر ومسحتها اكراما للدكتور
لانو امي بتقول عشان عين تكرم ١٠٠ عين .
وامل ان يكون تقديري لابي بكر خاص به وبي شخصيا فقط
وانت ماعندك اي مشكلة خد راحتك بالكامل |
أول مرة أعرف عمر نملة هو شقيق أبو لمبة
يا عمر العفو والعافية وعلشان عين تكرم ألف عين، إفتكرتك اسم وهمي عايز يصطاد في المياه العكرة، وليك حق تثور لأخيك.
| |
|
|
|
|
|
|
|
|
|
Re: بهدوء جدا النضال الفضائحي (Re: النذير حجازي)
|
يا عمر نملة اذا كان عايز تحملني شخصيا اخطاء معاوية عبيد نسبة لان لدي صلة
قرابة به وانا استبقتها بممكن وممكن حمالة اوجه اي يمكن لا وهي تبرر التهم التي وجهتها لشخصي
وابشرك اني لن استطع الرد بمثلها - يعني عديل كدى ما ممكن تطلع مني كلمة زي دي في حقك او حق اي زميل
انا عندما لمت ابوبكر لان لدي اعتقاد بانه اكبر من ذلك وقد عبر عن ذلك اكثر من شخص بما فيهم ابو بكر نفسه الذي
شرفني باعتذار اقدره جدا وهو في حالة من الزعل لا يمكن" يواسي فيها الكلمات "كما قال اي انه ليس مصر عليها او انها خرجت من غير قصد
ولكن كان مجبور عليها وعبر عنها اخر بان ابوبكر" رمي لمبات الاستنارة ولبس العراقي واستل السكين من ضراعو( او كلام شبيه")
لكن لم اكن اتوقع مقابل توجيهي لاخ اصغر بان يهديء من اعصابه ويمكن معالجة الامور بصورة اخرى خاصة وان الموضوع ليس جديد
وتم قتله بحثا ( راجع الارشيف عشان تشوف مواقفنا) .
على العموم طالما انت مصر على الكلمات التي وجهتها في حقي
فيمكنك ان تعتبر هذه اخر مداخلة لي في الموضوع وفي سودانيز اونلاين it self
وانا جاهز لتحمل مسئولية كلامي في اي مكان اخر غير المنبر دا لاني من اليوم بعتبر علاقتي به انتهت
والسلام
| |
|
|
|
|
|
|
|
|
|
Re: بهدوء جدا النضال الفضائحي (Re: MOHAMMED ELSHEIKH)
|
يا محمد الشيخ المفروض تكون فهمت دوافع عمر نملة لمهاجمتك وقدرتها كونه سمعة أسرته اتلطخت مع سبق الإصرار والترصد من شخص كان ممكن يكون عضو زميلك لكن انت بقيته من اسرتك ودخلت لائم ابوبكر بإسم الأسرة
يعني يا محمد انت اللي جعلت الموضوع اسرة مقابل أسرة ولأنه عمر مصابه أكبر من مجرد شتيمة في حالة زعل كان انفعاله كبير وقال كلام ما مسؤول في حقك
يا محمد انت كنت نبيل جداً في مداخلاتك بس غلبك تقدر حالة الزعل بتاعة عمر
أنا شايف الموضوع سوء تفاهم في جو مشحون بالغبن وانت وعمر الاتنين مفروض إنكم برة الموضوع بس لأنه معاوية أصر يدخل الأسر بقيتو جوة
فااااا شنو .. يا حبيب أخد ليك راحة يوم يومين من الضغط النفسي الحاصل دة لأنه أسوأ حاجة في الدنيا تكون بتكتب براك بالكيبورد تقوم تلقى أسرتك داخلة في الموضوع
زي قرارك بتاع ترك سودانيز اونلاين ما تاخدو في حالة زعل كرد فعل .. أخدو بعد تفكير ودراسة جدوى وقناعة ذاتية إن لقيت فيه خير ليك
دة طبعاً ما تدخل في قراراتك وإنما اعتبرو تحنيس
| |
|
|
|
|
|
|
|
|
|
Re: بهدوء جدا النضال الفضائحي (Re: MOHAMMED ELSHEIKH)
|
Quote: على العموم طالما انت مصر على الكلمات التي وجهتها في حقي
فيمكنك ان تعتبر هذه اخر مداخلة لي في الموضوع وفي سودانيز اونلاين it self
وانا جاهز لتحمل مسئولية كلامي في اي مكان اخر غير المنبر دا لاني من اليوم بعتبر علاقتي به انتهت
والسلام |
ما حدث الكل متابع له واعتقد جل الحضور هنا يأسف جدا للظلم والضرر الكبير ..
الوقع على دكتور أبوبكر عباس وأسرته لأن هذا اتهام قبيح وقذر وفوق لي كده ..
هو اتهام مفبرك ومختلق ومحض هراء وكذب وفيه محاولة رخيصة لاذلاله ..
وانت شخصيا كما تابعنا لم توافق على الاتهام وحبيت تتوسط لرأب الصدع مشكور ..
لكن مدخلك كان به تعاطف مع معاوية وأسرته أي نعم انت غلّطته لكن موقفك ..
رغم احترامنا الشديد له كان مفروض يقف عند حد الرفض المحض غض النظر ..
عن قرابة يمسها الأمر أو خلافه لان هناك أسرة أخرى بالطرف المقابل تضررت ..
من هذا الاتهام وهي أسرة أبوبكر (وعمر أخوه نموذجا) فكان بالأحرى ما تتحفظ ..
وتتقبل رد الطرف الآخر بالمثل أن أراد طبعا وده حق مشروع ومكفول له ..
شخصيا قدّرت جدا عدم ردك الاساءة بمثلها وهذا موقف نبيل لن يزيدك الارفعه وتبجّلا ..
عكس ماقد تظنه لحظتتئذ هزيمة او منقصة لك أو حط من قدرك ومكانتك ..
( شخصيا مابرد الشتايم الموجهه لي مهما انحدر صاحبها ) ..
لانها في النهاية شتيمة ستزيد صاحبها ضعه وانحطاط وتقلل قيمتة عكس مايظنه انتصار
لكن هناك فرق كبير ياباش بين الشتيمة الممكن الواحد يتغاضى عنها ويترفع عن الرد ..
على سفيه تفوه بها سفها واذلالا له وبين الاتهام في العرض والشرف وبهذه الصورة ..
المقيتة والقذرة وانت أكيد أدرى وأعلم مننا بالفرق ..
بعدين اصلا ماتفكر إنك تغادر المنبر فوالله الواحد مابعرفك الا من خلال كتاباتك ..
لكنك إنسان محترم جدا ومكانتك محفوظه بيننا وتمثل أخ أكبر لنا نجله ونقدره ..
وطبعا لن يفوت عليك مقصد عمر نملة وهدفه من توجيه هذه الكلمة لشخصك الكريم ..
هو عايز يحسسك بقسوة وفداحة ما عانوه من هذا الاتهام المنحط والقذر والكاذب ..
لكنه لايقصد الحط من قدرك ومكانتك وهذا ما لايكون ..
اصلا عمر نملة حسب متابعتنا له مازول شتايم ولا بتاع نبذ والفاظ بذيئة ..
لكن الامر فات حده وبقت الشغلة مسخرة وفيها سبهللية واتهام الآخرين بالباطل ..
اخد ليك راحة شوية كده من المنبر وتعال راجع الدنيا مابتستحق الزعل ..
وكلنا حنموت ولن يبقى الا كلامنا الطيب وذكرانا العطرة بين الاخوان ..
وماشاء الله عليك انت إنسان متوازن وتحفظ لنفسك قدرها ومكانتها ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اعلن كامل تضامنني مع ابوبكر عباس وعمر عباس واسرتهما بلا اي تحفظ ...
ومعاوية لازم يعيش حسب عمره فهو زول كبير في السن ولازم يفكر في اسرته ..
قبل توجيه الاتهامات الباطلة واختلاق الاكاذيب لكل من عارضه في امر عارض ..
لان قصته بقت بايخة ومكرورة فضروري يخلي حركات الشفع البيعمل فيها دي ...
| |
|
|
|
|
|
|
|
|
|
Re: بهدوء جدا النضال الفضائحي (Re: جمال ود القوز)
|
طوربيد ما تهكمية
نال اللقب بسرعة نقل الأخبار في زمان ما قبل انتشار الواتساب وقروبات الفيسبوك
الأخبار في الغالب بتكون نظام أسرار وحاجات من جوة وكدة بعد داك يصدق البصدق ويطارد الما بصدق
طبعاً بعد ظهور الواتساب بقت كلمة عااااجل ما عندها معنى لأنه بتكون مرت للناس كلها قبل تركب مواصلات سودانيز اونلاين
الفضائحية سلوك اجتماعي عندنا
صحيفة الدار كانت الأوسع توزيعاً بسبب الفضائح
شوف في كم فنان قالوا عليهم كلجات .. هل في زول اتأكد!
بس واحد ينشر الخبر كان صاح كان غلط ولأنه بعجب محبي الفضائح بنتشر
في كل منطقة بكون في زول أو زولة مهمته نقل القوالات والخبارات والفضائح بين البيوت وبالتأكيد تأليفها لو ما لقى خبر سمح
وبرضو في كل منطقة في عاهرة الناس بتخاف من لسانها لأنها ممكن تلصق فيك أي تهمة بأعلى صوت وقدام الناس
| |
|
|
|
|
|
|
|
|
|
Re: بهدوء جدا النضال الفضائحي (Re: أحمد محمد عمر)
|
لا تهكمية ....
قولي كيف ..
هسه لو زول فاضي وبتاع شمارات وخبارات ..
الناس تهكما يقولوا ليك ده زول بتاع خبارات وشمارات ..
الناس كان بتتهكم انه زول فاضي ساي ..
ومشت الحكاية وبقت زي الصفة الكويسة
لكن هي في الأصل صفة تهكمية ..
وان ارتبطت بسرعة النقل ..
لانه المحتوى المنقول مرات كثيرة بيكون فضائحي ..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
محمد البشرى الخضر
أبوبكر عباس
كمال عباس
عمر التاج
جلالدونا
Asim Ali
قسم الفضيل مضوي محمد
Zakaria Fadel
Elmoiz Abunura
النذير حجازي
صديق مهدى على
طارق ابراهيم ابوالفضل
Salah Zubeir
Abdullah Idrees
MOHAMMED ELSHEIKH
عمر نملة
Hafiz Bashir
جمال ود القوز
فيس بوك
تويتر
انستقرام
يوتيوب
بنتيريست