السودان ساحر العالم: خطة لنهضة سودان ما بعد الثورة كلام موجه إلى وزارتي: البنى التحتية و الصناعة

مرحبا Guest
اخر زيارك لك: 04-27-2024, 05:12 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2019م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-24-2019, 06:05 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
السودان ساحر العالم: خطة لنهضة سودان ما بعد الثورة كلام موجه إلى وزارتي: البنى التحتية و الصناعة

    السودان ساحر العالم: خطة لنهضة سودان ما بعد الثورة.. مقترحات موجهة إلى وزارة البنى التحتية كما الصناعة والتجارة وكل الوزارات والهيئات ذات الشأن!

    الليلة نتكلم شوية عن نهضة السودان المحتملة.. بعد اليوم الجميل امبارح وتشكيل هياكل الدولة المدنية ووصول رئيس الوزراء الجديد المحترم حمدوك إلى الخرطوم.

    معظم الناس متفائلين وعندهم أمل كبير جداً في نهضة السودان وتحقيق السلام والاستقرار والعدالة وإنزال مبادئ الثورة السودانية إلى أرض الواقع.. وطبعاً كلنا نعلم التحديات الكبيرة التي أمامنا مثل الانهيار الاقتصادي والتفتت الاجتماعي وآثار الحروب الأهلية البشعة في أطراف السودان والمظالم التي وقعت في كل مكان في السودان بما فيه الخرطوم ذاتها وتحقيق العدالة وإنجاز مبادئ الثورة وتحقيقها على أرض الواقع في الحرية والسلام والعدالة.. هذه وكما نعرف جميعاً قضايا كبيرة جداً ولازم نشتغل فيها كلنا على أرض الواقع وأنا أتوقع أن الناس الذين لم يأتوا بعد ليأخذوا دورهم في البناء لأسبابهم العادلة مفروض الناس تقعد معاهم وتتفاوض معاهم وهم موجودين ومعروفين وهم عبدالعزيز الحلو وحركته ومنطقة كاودا في جبال النوبة والمناطق الأخرى في النيل الأزرق ومناطق دارفور وعبدالواحد محمد نور والحركات الأخرى والجبهة الثورية.

    تلك كلها مسائل يجب أن تؤخذ على محمل الجد ومعروف أنه في الستة شهور الأولى نحنا عندنا أمل كبير جداً أن نصل جميعاً إلى اتفاق كامل وشامل نستطيع من خلاله فعلاً أن ننهض بالسودان.. لكن الآن أنا أحدثكم في كل الأحوال عن الخط الإستراتيجي فنحن نستطيع وعندنا أفق وإمكانيات كافية لننهض بالسودان.

    ما الخطة العملية؟
    فِي المقام الأول نجهد في تأسيس البنية التحتية والتي تتمثل في الطرق والسكة حديد والكباري والموانئ وتاهيل الطيران.

    وعلى سبيل المثال أنا أعتقد أن الخرطوم منطقة ممثل فيها كل السودان وهي منطقة مزحومة جداً جداً فيها ملايين البشر من كل أنحاء السودان ونحتاج إلى أن نجعلها منظمة أكتر وصحية أكتر.

    ومن ضمن المقترحات المقدمة لتحقيق ذلك أنه يتعمل نفق طويل من الكلاكلة إلى الحلفايا وسيمر بمسافة مأهولة جدا بالسكان والنفق دا حسب ما أرى مفروض يكون مترو وممكن يكون خط عادي.

    برضو ونعمل نفق تاني متقاطع معه من سوبا إلى الأمبدات في أمدرمان تحت الأرض ودا واضح بيعمل شنو مثلاً بخلي في مساحات عشان نعمل ميادين ويخلي في مساحات لحركة الناس وبجعل الطقس أكثر صحة إذا عملنا مترو بيشتغل بالكهرباء ويقلل من التلوث ويسهل المواصلات وبكون مافي داعي للعربات الكتيرة والتكاسي والباصات الزاحمة الخرطوم.. دي مسألة استراتيجية جداً يجب النظر فيها وليس في الخرطوم فقط بل في المدن التانية أيضاً.
    طبعاً الخرطوم هي العاصمة الكبيرة والناس بسبب الظروف في السودان توجه معظمهم إلى الخرطوم للأسف وسنعالج هذه المسألة لي قدام.. أنا بتمنى من الجهات المعنية النظر في هذا المقترح وكلنا نطوره مع بعض كمجتمع مدني ومع الحكومة المدنية الجديدة.

    وبعده السكة حديد.. نحنا محتاجين نعيد بناء السكة حديد وهذا شيء مهم جداً جداً وأنا بعرف أنها مسألة في خاطر كل الناس وياما الناس كتبوا عنها ودي أمنية ناس كتيرين ودائماً بتحدثوا عنها وهي الآن ممكنة.. يجب أن نعيد بناء السكة حديد ونبحث عن تمويل أو نبحث عن شراكة مع دول أو مع شركات عالمية بشكل عادل يحقق الهدف ويحقق مصلحة الجميع وأنا بتمنى زي ما ناس كتير بيتمنوا أن السكة حديد تتمدد من بورتسودان على البحر الأحمر إلى دول الغرب الأفريقي وإلى جنوب السودان وإلى أثيوبيا وإلى مصر.

    وفِي ناس أيضاً بيتحدثوا عن موانئ جديدة وليس فقط إعادة تأهيل ميناء سواكن في بورتسودان.. ليس ذلك وحسب وأنا أعتقد أن هذا ليس كافياً لطموحاتنا.. أنا بفتكر أن العمق الأفريقي حولنا مثل جنوب السودان العزيز وأثيوبيا وأفريقيا الوسطى وتشاد والنيجر كلهم ما عندهم سواحل ونحنا ممكن نعمل حاجة مهمة جداً كما اقترح بعض الناس وأنا أود إضافة حاجة جديدة.. نحنا ممكن نعمل موانئ لهذه الدول يعني ممكن نأجر ليهم وأي دولة يكون عندها ميناء في البحر الأحمر مثلاً الدولة تتصرف في التمويل بطريقتها نحنا نأجر ليها الأرض وطبعاً في رسوم وضرائب للعبور وغيرها.. شوف نحنا بتستفيد قدر شنو إذا عملنا ميناء خاص لجنوب السودان وميناء خاص لأثيوبيا على قطعة أرض نأجرها ليهم وميناء خاص لتشاد وميناء خاص لأفريقيا الوسطى والنيجر.. هذا هو الأمل والحاجة دي ممكنة وممكن ندرسها وننشئ أربعة أو خمسة مدن على البحر الأحمر بتشبه دبي.

    النقطة الأخرى هي الطيران.. مطار الخرطوم كما نعرف جميعاً موجود في موقع مهم جداً جداً بالتالي إذا تم استئجار ثلاثين أو أربعين طيارة أو نعمل شراكة عادلة تحقق المصلحة لبلدنا وأهلنا وتشغل المواطنين العاطلين حالياً والمؤهلين بأجور مجزية ويبذلوا طاقاتهم من أجل البلد وفِي نفس اللحظة نقدم خدمة للدول من حولنا وتكون شراكة عادلة ونؤهل مطار الخرطوم سواء كان في موقعه الحالي أو إذا رحل إلى موقع آخر ودا ما همنا حالياً.

    وطبعاً ليس السكة حديد وحدها الناس ممكن تفكر في highways وغيرها
    من خلال كلامي قد يخطر لكم أن السودان ما فيه سلام والحاجات دي ما ممكنة حالياً.. أنا عارف أنه في حاجات مهمة لازم تحصل وذكرناها في المقدمة ولكن لما يكون عندنا خطة استراتيجية فإن هذا سيساعد في عملية السلام وإذا مددنا خطوط السكة حديد إلى أنجمينا فإنها ستعبر بأهم وأغنى مناطق السودان وهي دارفور ولازم إذاً الإتفاق يكون شامل وكلنا نتفق عليه وأهل دارفور يرضو به ودي حاجة طبيعة جداً وهذا ممكن الحدوث لأن فيه مصلحة الجميع وبشكل عادل وأنا أتحدث هنا عن البنية التحتية فقط ولو عملنا دا أنا شخصياً كدا ضامن نهضة السودان في خلال عشرة سنوات نهضة كاملة ونصبح أمة رائدة وعندنا اقتصاد يتحدث عنه الناس في الأقليم والعالم.

    قبل كم يوم أنا ضربت لكم مثال صغير وسأذكر الحكمة من المثال وعندي صورة.. المثال هو المنقة المجففة.. المئة جرام من المنقة المجففة ب 4 يورو و 39 سنت وأنا اشتريتها اليوم وهي موجودة في دكان معروف وعنده فروع كتيرة في كل مدن هولندا سمه Holland en Barrett يعني كيلو المنقة المجففة سعره للمستهلك ٤٣ يورو، تخيل! .

    نحنا من أكتر الدول المنتجة للمنقة وما مستفيدين منها فايدة حقيقية والمنقة موجودة في جبال النوبة بكثافة وفِي دارفور بأنواع مختلفة وفِي جبل مرة وغيره وموجودة في كسلا أيضاً فلو عملنا مصانع تجفيف فقط في كل المناطق دي شوف ح نستفيد قدر شنو.. حديثي كان عن البنية التحتية فقط ولكن هذا المثال يوضح اننا لما نعمل البنية التحتية ذلك سيسهل عمل مصانع متعلقة بالزراعة والزراعة نفسها والثروة الحيوانية والصمغ العربي وحاجات كتيرة غيرها لن نتحدث عنها الآن.. لكن هذه المصانع لازم تكون شراكة مع شركات عالمية لأن الغربيين لا يثقون في معاييرنا للأطعمة وخلنا نتحدث بهذا الوضوح.. نحن في القرن الأفريقي دول متحاربة وعندنا مشاكل كتيرة بالتالي الناس لا يثقون في جودة تصنيعنا وخاصة في الأطعمة إذاً في هذه اللحظة وهذه البدايات لازم نشرك شركات عالمية معانا عشان حاجاتنا تتعمل بمواصفات عالمية ويعملوها هم مباشرة بشراكة يعني أرباح المصنع تكون مثلاً لمدة عشرة سنوات 60% للشريك الأجنبي و 40% للمواطن والبلد وشوف نحنا ح نكون كسبنا من ال0 إلى 40% للدولة والعامل والموظف والمواطن وهذا أيضاً سيؤهلنا للمنافسة العالمية وسيسوق لمنتجاتنا الأخرى فإذا لقيت زول يشتري منك المنقة ح تلقى زول جنبه أو هو نفسه ح يكون عنده طلب آخر.


    الحديث اليوم مفترض عن البنية التحتية وما تنسوا مقترحي في الأعلى تداولوه وما أنا إلا مواطن ونحنا عندنا حكومة جديدة وهي التي ستتبنى هذه الأفكار وتعمل العطاءات وتتحدث مع الدول الأخرى.. صحيح نحنا عندنا حالياً مقترح مقدم للإتحاد الأوروبي لبناء السودان وهو نقاش وحوار حول كيفية إشراك الأخرين مش نقول ليهم ادونا منح وقروض وكدا ونشركهم في السياحة والتجارة وتحقيق السلام للبلد وللإقليم وللعالم ونشركهم في البنية التحتية للبلد بشكل عادل لأننا نحتاج إلى أموال لأن الGNP السوداني وحده لن ينهض بِنَا حتى في خلال ثلاثين أو أربعين سنة ودا حسب الحسابات بتاعتي.. نحن نحتاج شوية عون ولكن بالنظام والعمل الجاد ح نبني بلدنا وحدنا ومافي شك إذا لقينا سند عادل من الخارج سيكون أفضل وهذا ما نسعى له وهذه كلها مقترحات لحكومتنا المدنية الجديدة وسنعمل معها نحن المجتمع المدني نحن الشعب السوداني وما الحكومة إلا جهاز إداري قمنا نحن بتعينه وإذا عملوا اَي حاجة غير الخطة المرسومة سيستبدلهم الشعب وما هم سوى خدامه ونحن لهم محبة واحترام .. هذه حكومتنا نحن ولأول مرة نحنا لسنا معارضين فعلاً.. أنا أعرف أن الاتفاق ليس كاملاً وأحيي من هنا المناضلين الذين لم يوقعوا بعد وبفترض أن لديهم قضايا عادلة يجب علينا أن نتفاوض فيها وفِي نفس اللحظة كلنا نفكر في الخط الاستراتيجي النهضة والسلام والمحبة والاحترام بيننا والوحدة.

    تحياتي لكم

    ---
    التعديل: إصلاح فني ..كلمة واحدة "موجهة".. لا شي مهم
    محمد جمال الدين.. تسجيل صوتي من الواتساب قروب خطة لبناء السودان.. الكلام جاء كما هو دون تعديل أو تصرف لذا المعذرة للتكرار ان حدث.. شكرا للشابة الهميمة أمنية جابر التي قامت بالمهمة.

    (عدل بواسطة محمد جمال الدين on 09-20-2019, 10:07 AM)
    (عدل بواسطة محمد جمال الدين on 10-23-2019, 02:14 AM)
    (عدل بواسطة محمد جمال الدين on 10-23-2019, 03:25 AM)








                  

09-20-2019, 10:08 AM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    نواصل الفكرة
                  

10-15-2019, 10:34 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    لما لا يكون طموحنا حتى عنان السماء.. أعرف ان بعض الناس تفضل أمثال بالية "مد لاحفك قدر رجليك" لذا الأفكار الطموحة لا تروقهم.. غلط!
                  

10-20-2019, 07:09 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)
                  

10-23-2019, 00:19 AM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    كلنا نعلم أن البوست دا محتاج زمن عشان يتفهم!
    ...
    خطأ فني.. المقصود بوست آخر في الفيسبوك

    (عدل بواسطة محمد جمال الدين on 10-23-2019, 00:22 AM)
                  

10-23-2019, 00:36 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    Quote: كلنا نعلم أن البوست دا محتاج زمن عشان يتفهم!


    Quote: كلام موجة
    !!!

    Quote: مقترحات موجة
    !!!

    جحا قالولو عِد الموجات، قال الجايات أكتر من الراحآت .

    سلآمات يا محمد ...
                  

10-23-2019, 02:17 AM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: معاوية المدير)

    سلامات معاوية.. سعادة بيك

    تم إصلاح الخطأ "موجهة".. شكرأ للملاحظة
                  

10-23-2019, 03:30 AM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    الأخطاء الإملائية واللغوية جائزة.. وشي طبيعي!

    ولك تحية وإحترام إبن أهلي
                  

10-23-2019, 04:55 AM

عمر نملة
<aعمر نملة
تاريخ التسجيل: 11-08-2009
مجموع المشاركات: 2550

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    سلام
    جميل يا جمال... واصل.. ومنتظر تكمل صورة البنية التحتية
    بشبكات الصرف. شفت لي فلم عنها لمدينة نيويورك.. بحاول افتش
    يا اخ تسلم ويا ليت تناقش وتدخل حيز التنفيذ
                  

10-23-2019, 05:03 AM

عمر نملة
<aعمر نملة
تاريخ التسجيل: 11-08-2009
مجموع المشاركات: 2550

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: عمر نملة)

    https://youtu.be/820bD_AQDCMhttps://youtu.be/820bD_AQDCM
                  

10-23-2019, 03:53 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: عمر نملة)


    سلام عمر نملة
    Quote: سلام
    جميل يا جمال... واصل.. ومنتظر تكمل صورة البنية التحتية
    بشبكات الصرف. شفت لي فلم عنها لمدينة نيويورك.. بحاول افتش
    يا اخ تسلم ويا ليت تناقش وتدخل حيز التنفيذ

    شكرا للتشجيع.. ايوة جدا معاك..
    شبكات الصرف جزء حتمي من البنية التحتية ولا تستقيم الأمور بدونها.. المستقبل ملكنا و ملك الأجيال الجديدة
    في عالم النور والعلم والعولمة.

    معاك نجتهد ونتناقش ونعمل جهدنا في رسم الخطط والتنفيذ ما أمكن.. وما ننتظر زول غيرنا يبني لينا بلدنا
    .. ليس مجانا.. علينا أن نبذل قصارى جهدنا ونستخدم كل السبل والحيل ونعمل حتى المستحيل!


                  

10-24-2019, 11:35 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)

    لازم نجتهد!
                  

02-10-2020, 05:25 PM

محمد جمال الدين
<aمحمد جمال الدين
تاريخ التسجيل: 10-28-2007
مجموع المشاركات: 5261

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السودان ساحر العالم: خطة لنهضة سودان ما بع (Re: محمد جمال الدين)
                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de