|
|
 الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟
|
اها يا جماعة السرقة خشم بيوت...والختف خشم بيوت.. والنشل خشم بيوت ورونا راي الشريعة الاسلامية في السرقات الاسفيرية عينك عينكم دي يعني تنشل مقالة بضبانتها من غير استحا واهلنا السعوديين الوهابيين هناك مذهبهم بقول شنو في العينة دي من السرقات...افتينا ابو رزقة قبل ان يقام عليكم حد القطع اسفيريا... او ترحلون قسريا ونطالب به بكري وهو في اعتقادي( ان يقطع الاشتراك فورا حتي لا تلامس يد المحدود الكي بورد مرة ثانية) حتي يعلن توبته اسفيرياولله في خلقه شئون..
هباني ظااااطو
سندة: غايتو عالم جنس دناوة وصغارة نفس ....تراها الكرافتات دي منجهة وادوات احتيال ساكت ونحن دايشين....الله يبارك فيك يا كوستاوي النجيض
|
|
 
|
|
|
|
|
|
|
|
Re: الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟ (Re: هشام هباني)
|
Quote: هباني ظااااطو
سندة: غايتو عالم جنس دناوة وصغارة نفس ....تراها الكرافتات دي منجهة وادوات احتيال ساكت ونحن دايشين....الله يبارك فيك يا كوستاوي النجيض |
هبانى ظاتااااتو
العدالة لا تتجزأ، الحقوق لا تختلف
حقوق الملكية
أو حقوق الإنسان
أين كنت حين قال من تدعو الله أن يباركه (كوستاوى)
Quote: e: يا جماعة و الله أنا مندهش مثلكم و الله وجدت من السرقات ما لا أستطيع أن أضعه هنا لكم. و الله لم أفعل ما فعلت إلا لإثبات الخطأ لمن لا يعترف بأخطائه.
و أتمني لأخي عبدالرازق كل خير و عافية.
و أقول له:
(أسأل عني عزراوات البقارة)
(غنية لشاعر بني هلبة) |
وأين كنت حين ظل يردد:
Quote: e: يا رازق
إنت ما بتفهم و له شنو
أسأل عني عزراوات البقارة و بعدين نتكلم
و المرجعية
حنتوب يا
الأخو
Note:
إنت ليه ما داير تتكلم عن حنتوب
بتخجل? |
هل النضال فى نظرك البحث عن حل لمشكلة الوطن أم البحث عن ضحية
للتسلق عبرها؟؟
إن كانت إجابتك الأولى فعليك إدانة و اضحة كما أدنا عبدالرازق الطالب لفعلته،
أما إن كانت الثانية فلنا حديث آخر.
صدق محمد النور كبّر :
| Quote: بنات البقارة يا صديقي ، فائض قيمة في حساب و جردة أدعياء و دعيات ثقافة الجندر و حقوق الإنسان تبع السودان .. و صدقني جندريات و جندري السودان يحلو لهم جميعا مشاهدة أغتصاب بنات البقارة ( معنويا – ماديا – ثقافيا ) بتلذذ غريب .. و تلصص من خلف ثقب مفتاح باب الغرفة القصية .. ففوفر عليك غضبك يا صديق .. |
هاتان القضيتان لا يمكن لعاقل فصلهما أبداً،
فأين أنت يا بطل من هذا المعترك؟
هل ستتناول القصة بفهم نظرية القطيع و روح الشلة (فهم العقل الجمعى)
أم ستكون هبانى ظاااااااااااااااااتو من لا يسكت عن الحق؟
ياربى أكون ورطتك؟
ما أظن، فأمثالك أقوياء لا تحنيهم الرياح و لا تسكتهم المجاملات.
والسلام.
| |
|
|
|
|
|
|
|
|
|
Re: الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟ (Re: عبدالرحمن عزّاز)
|
هبانى ظااااااااااتو
سلام تانى....
تعرف لو كنت قد إجتهدت كما فعل كوستاوى، الذى أحييه على مجهوده الخارق وو قته الثمين
لكشف سرقات عبدالرازق، لإنحنيت لك تحيةً.
ولكن !!!
ها أنت تسلك نفس الطريق الذى عبّده الآخرين ، لممارسة ما تبقى من سلخ جلد عبدالرازق
فى تجاهل مستفز جدّاً ، لحيثيات القضية أو الموضوع مثار الجدل.
كنت و لوقت قريب لا زلت أتعشم أن أمثالك ، و لو تلاعبو باللغة فلن يتهاونوا فى المبادىء
صدقنى، أو لا تصدق فهى مسألة مبادىء و قناعات....
لو كتب أحدهم يسيئىء لبنات أهلك ، فنحن الدروع التى تواجه سهامه ،
ليس هذا نفاقاً ، وإنما إيمان بالقناعات و المبادىء....
وقد خلصنا من ذلك المعترك الآسن ، أن من يسيئىء لنا
فهناك حلول أخرى إذا ما واصل شرفاء البورد فى الإنبطاح
للمجاملات...
وساعتها ......
صدقنى يا هبانى ظااااااتو
سنكون أولاد البلد بالجد.........
وملعون أبوك يا بلد ....
مع تحياتى؛؛؛
| |
|
|
|
|
|
|
|
|
|
Re: الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟ (Re: عبدالرحمن عزّاز)
|
العزيز/ عبد الرحمن عزاز
تحياتي
هون عليك يا رجل...ليس بيننا الا المودة والحب والاحترام ولا تعرفني ولا اعرفك ولكن يشرفني الان التعرف عليك و انت بهذه الغيرة والحمية التي تحسد عليها..... وحقيقة يوم امس اول يوم اطلع فيه علي هذا البوست النكتة والذي سمعت به ولم اتابع فيه الا تلكم الزرزرة الكوميدية لغريمي الحبيب ( ابو رزقة) والذي يناوشني ويؤذيني كثيرا من خلال شلته المعهودة... وللحق انا مبسوط في التعرية الحصلت ليهو دي وده شي جد جد بسر لانو هؤلاء السفلة من الابواق لا بد ان ينكشفوا علي حقيقتهم امام الناس حتي لا يتنطعوا باسم الدين والقيم والاخلاق مرة اخري...وحقيقة لم التفت للعبارة التي ذكرتها لي الان وفعلا ان كان صديقي كوستاوي كان قاصدامن تلكم العبارة كما فهمتهاانت.. ولا اعرف حقيقة مغزاها.... وهو امر لا اعتقد ان كوستاوي يقصد ما فهمته نعم الومه والومه....الي ان يثبت اخونا كوستاوي عكس ذلك .... وهو رجل صاحب اسرة محترم وابن اسرة محترمة وما لا يرضاه لاخواته بالتاكيد لن يرضاه للاخريات من بنات وطنه وارجو ان لا تذهب بك الظنون بعيدا.... والله اكضب الشينة....
هباني
سندة: لكن عارف يا عبد الرحمن اخوي من غير زعل ابو رزقة بالغ فيها عشان كده طالب مع ود هباني بعودة هذا البوست الدرس والموعظة الحسنة؟؟
| |
|
|
|
|
|
|
|
|
|
Re: الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟ (Re: هشام هباني)
|
Quote: خالص التحايا
هشام هبانى
اسمعنى ياودهبانى ..حديثى معاك ده من باب اشياء كتيره مفروض الواحد يقولها ليك ..
اولا اذا بتفتكر انك معارض ومناضل دى شيلها من راسك اقلها فى نظرى انا اما فى نظر ناس تانين دى حاجه تانيه بس الا يكون فى خلل فى المفاهيم المتعارف عليها!!!..
واذا بتفتكر انو دى طريقتك فى النضال فارجو ان تصححها
واذا بتفتكر بانك اول زول واخر زول يشيلو منو الجنسيه ولا يعملو فيهو السبعه وذمتهامبرر عشان تعمل القاعد تعمل فيهو ده فاتذكر اقل شى بانو فى الافضل منك والحكاية ما استعراض تاريخ ولا بطولات عشان تفلقنا باساليب ما اُنزل فيها من سلطان...
قول مابدا لك لكن يكون بشى داخل نطاق العقل المتعارف عليه وناضل وجاهد ضد الظلم كما بدا لك ونحن معاك لو كان بطريقه حقه فعلا....
الباب ده داير اللخصو ليك بى شى بسيط..
حكومة الفقر دى ياريت تفوت اليوم قبل بكره ؛ واتنمى اشوفك انت رئيس ولا مسؤل كبير
بس فى نقطه نظام ليك والفى شاكلتك بانى ساقيف ليك بنفس الاسلوب القاعد تعملو ده بالرغم من ايمانى بانو ماصاح واسلوب وضيع..
وحانبش اسرتك نبش وماحاخليك ليك صفحة تنوم عليها ؛وبعدين ماتنسى انك حتكون زول ديمقراطى وماتنقول لى ماتخلط الخاص بالعام وتحبسنى ويجونى ناسك والمعاك يقولو لى ده شنو الاسفاف القاعد تعمل فيهو ده اوكى..
اتذكر كلامى ده انت والمعاك عاملين فيها مناضلين بان الدائره تدور ايضا..
ولمن اقول انت والانقاذ كلكم شى واحده وان اختلف الاساليب انت كل يوم والمعاك بتححقق صدق المقوله ...!!!!
الهى لو ده اسلوبك الاتنين مانشوفك فى السودان ده ...
نرجع لى موضوع بوستك ده اول شى ..
اصلو الحكاية الايام دى عمر الفاروق عمر الفاروق !!!!!وموضه عادى وماعادى
وفى ناس جابت حطابها وشغاله تولع اقول ليك ده اسلوب الوضعاء تانى وتالت ورابع ..والخ
عليك دينك انتو لمتين حترتقو بالانسانيه والفكر الانسانى وتظلوا تعالجو الغلط بالغلط؟!!
يبقى انتو حتقدمو الجديد بتين ؟ حتعلمو الناس البغلطو كيف؟ حتبنو جيل جديد بفهم راقى كيف؟ اذا كان الواحد وهو صغير بجي يقرا ليك بوستاتك كلها من(الصُره ولى تحت) ده فهم شنو؟؟
يعنى دولوقت لو جا طفل صغير بتصفح الانترنت حيقرا ليك شنو انت بالذات غير ياها المواضيع المعتاده ليك وزفة الشايلين ورينى كلامى ده لو غلط مستعد اسى اعتذر ليك...
طيب ياخ عمر الفاروق ده ماقاعد معاكم فى المنبر ده من سنه (تو) وكلامو وكان واضح وياهو اسلوبو مالكم مافى زول قدر يقيف ليهو؟؟!!!!!
البركه فى خدر ...
قدر يحدد اشكاليتو معاهو ويواجهو انت الا قاعدين تسوقو فى اضرام النار (وحمي الدلوكه) ..
ليه ياخ..
عمر الفاروق غلطان نعم لكن الاسلوب بتاع السلخ البشرى ده انا برفضو فى النيل من الخصوم..
يعنى المشاكل وقلة الادب وو الخ لو عملت احصائيه كلها بتلقاها ناس فوق سن عمر مرتين ده كُبر شنو ده ؟؟!!!
ده رائي فيك بتقبلو ولا لا؟؟!!!!!
وكان مارديت عليك مباشره اعذرنى لانى مشغول
والتحايا النواضر
معتز تروتسكى...
ما بين عوضية عذاب وحليمة بمبر وعمر الفاروق وفاطنة لستك وحمادة البت ؟؟
|
*نفس التفاصيل وياهو الحال مع تعديل طفيف فقط فى الاسماء..
اعتقد انها تصلح كمداخلة او مدخل فقد قررت تمديد اقامتى هنا..
اول الغيث..
مفاضلةالبسرق ولا البطن فى الشرف؟؟!!!!
وماشين فى السكة نمد...
| |
|
|
|
|
|
|
|
|
|
Re: الزول البسرق مقالة..بسرق بقالة.. و بكرة بسرق بلد بحالها...ابورزقة والعين شافت دلالها ؟؟ (Re: معتز تروتسكى)
|
الأخ ود هباني
سلامات و احترامات بلا حدود.
أخي..
إن كان هناك جديد في موضوع (السرقات الأدبية) دا فمرحبا و (ألف مرحب) بطرحك للبوست..
و أعني هنا ثبوت تكرار الفعل من جديد من جانب الأخ عبد الرازق..
.
.
أما إن لم يكن الأمر كذلك، فيا أخي و الله اربأ بك من تكريس جهدك و وقتك لهذا الذي لا يدخل إلاَ
من باب التشهير، بما أن الرجل قد أقر بالفعل و كف عنه (و حال على ذلك الحول)..
.
.
و إني على يقين من أنك واجد فيما (يكتب) عبد الرازق، و( سيكتب)، الكثير من المثالب التي يمكنك أن
تتناولها بأكثر من بوست.. و لي رجاء، أخي، هو أن تترك هذا البوست يسقط إلى القاع أو أن تطلب من
الأخ بكري سحبه.
.
.
و أنتهز هذه السانحة و أسدي نصيحة للأخ عبد الرازق و هي أن يكف عن إصراره على تكرار مطاعناته
للأخ جني في الكثير من مداخلاته في مختلف البوستات، و هو يعلم تماما أن جني قد كف يده عن عبد
الرازق في بوست مشهور احتراما لوساطة بعضهم و لم يكتب بعدها حرفا في البوست المعني.. أرجو ألاَ
يفهم من حديثي هذا أني ارى فيما كتب جني و يكتب ما يشين أو أنه إرتكب خطأ يوازي ما قام به الأخ
عبد الرازق. على العكس هو من أكثر الأقلام التي تعجبني جدا في هذا المكان.. و تعجبني أكثر مواقفه
من الكثير من القضايا..
.
.
ما كتبته هنا يظل رأي شخصي و نصيحة في الإطار الأخوي، و لا أري لي حقا في إسدائهما لأحد سوى العشم.
.
.
سندة: في انتظار باقي الأشعار المجيدة يا هباني
ــــــــــــــــــــــــــــــــــــــــــــ
الحول المذكور حول معنوي
| |
|
|
|
|
|
|
| |
هشام هباني
عبدالرحمن عزّاز
معتز تروتسكى
ابوعسل السيد احمد
ahmed haneen
Deng
فيس بوك
تويتر
انستقرام
يوتيوب
بنتيريست