|
|
|
 Re: فى اقل من ١٠ ثوانى فى اى عام كتب بكرى ابو ب� (Re: صديق مهدى على)
|
قدر ما قلبت العنوان والموضوع ده يمين شمال فوق تحت غلبني .. انت عاوز تقول شنو يا زول ؟! انت عاوزنا نجاوب على السؤال في 10 ثواني .. هو وينو السؤال .. والاجابة عليهو مهمة ليه؟! الفكره شنو ذاتها .. وانا ذاتي الدخلني هنا شنو ؟!
الدخلني شنو ؟
ايواااا يا صديق ..
دخلني العنوان .. ما فهمتو .. وعااااارف كويس انو لمن ادخل ما حأفهم انت عاوز تقول شنو .. لكن احسن احسم الموضوع وادخل وما افهم حاجة .. مما اتجاوز الموضوع واقعد كل ما اشوفو في المنبر اقول امكن لو دخلت كنت حافهم..
تعرف يا صديق!!
دي زي حكاية المفتش الانجليزي الوقع منو ريال في كومة قش كبييييرة في سوق من اسواق السودان .. قام نادى 5 ستات فول وكلفهم بي العثور على ريالو .. لمن لقوهو ادى كل واحدة منهم ريال اي 5 ريال مقابل العثور على ريالو ..
فلما استغرب الناس ذلك قال ليهم كده احسن كتير انو الريال ده يشغل بالي وكل ما مريت بي كومة القش اقعد افتش عليهو واتلفت زي العوير .. انا اشتريت هداوة بالي بي 5 ريالات!!
هسع انا اشتريت دماغي بي دخول البوست بدلا عن ال 5 ريالات.. في مقابل ولا شيء .. احسن مما يقعد العنوان ده يلاوز بي كلما فتحت المنبر!!
غايتو..
| |
  
|
|
|
|
|
| |
صديق مهدى على
محمد حيدر المشرف
محمد جبره
باسط المكي
فيس بوك
تويتر
انستقرام
يوتيوب
بنتيريست