رسالة اخيرة للابن المبدع معتز صباحي ابني العزيز الفنان المغني المهول هذا الغياب يصيبني بالذهول غياب قد تكون له اسبابه ولكنه في النهاية غياب وليست هنالك سببا يحول بين الفنان وحضوره الا شيئين المرض العضال وفي هذه حاشاك وحماك الله او الموت وهو امر الله يطول عمرك باذنه تعالى وهو السميع القدير انني منذ ان التقيتك وانت في الثانية عشر من عمرك في احدى زياراتي للسعزدية حين احضرك لي والدك الشاعر المحترم فانني كنت قد توسمت فيك خيرا. والان وقد شببت على الطوق. لقد شهد لك المبدع الكبير صديقي الاستاذ عركي البخيت بانك مغني صعب المراس ووقتها لم اسمعك حين عودتك الاولى للسودان وابو عركي لايشهد لاي فنان. بعد هذه الشهادة اصبحت فضوليا ابحث عنك في اليوتيوب فوجدتك شامخا مغنيا سودانيا نادرا تميز " بالعَرب في حنجرته الذهبية" والعرب بضم العين هي مايعادل الذبذبات الخارجة من الحنجرة في الموسيقى الغربية. وجودتك قدرة عالية في تلوين اللحن اصلي دون المساس بملامحه الاصلية . وعندما قابلتني واحتضنتني بسودانية رائعة كمن يبحث عن ضالة ووجدها فجأة ولكنك لم تكن تعلم حينها انك ضالتي التي طالما كنت ابحث عنها. أعلم انك تعرضت لمشاكل جمة حتى في برنامجي المايسترو ولم اكن اعلمها. هذا ثمن النجاح يابني فهم يعلمون ان مركبك ان انطلقت فانها سقينة فضاء ستحط على القمر فعلا. انا نفسي يا ابني تعرضت لمالا كنت اتوقعة ممن كنت اعتقد انهم ابنائي وحاولو هدم صخرة التاريخ باظافرهم المتشققة. انهم لم يكن يعلمون أن جلد الموصلي اتخن من ان تجرحه اظافر اطفال حديثو الولادة.. حاولنا الاتفاق للتلاقي عدة مرات لاصلاح الحال فيما يختص بامرك بشكل عام وكما اخبرتك بانك ليس مشروع فنان سوداني كبير فحسب ولكنك مشروع لفنان عالمي ولكنك اخلفت كثيرا حتى تملكني شعور بان الذي يعاكس معتز انما هو معتز نفسه. بالنسبة لاغنية الميعاد قد لا يعلم الكثيرون الظروف التي مرت بها حتى اداؤك لها من الورقة ولكنهم لم يكتشفوا الكم الهائل من التنويع الذي اضفته لها لذا فانني اطلب منك ان نسجلها باستديو وتصويرها وسيرى الناس معتز الذي احبوه سابقا وسينسوا مشاكل التسجيل التي صاحبتها مما ادى الى عدم ظهور ملامح الاداء المميز. معتز تعال وكن جادا والدنيا ما معروفة يا ابني في هذا الزمن لا تجد فنان ذو خبرة يهتم بفنان شاب بمثل هكذا اهتمام. اعدك بانك الفنان القادم بقوة في النسخة الثانية من المايسترو وستكون تحت حماية "البودي قارد الفني" يوسف الموصلي فهلم والتلفون معك وتحرك بعزم وتصميم وثقة وجديه. عمك يوسف الموصلي
07-20-2018, 07:43 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
اول مره سمعت معتز كان فى لقاء تم مع الموسيقار المرحوم محمدية فى نهايات التسعينات، وفى اللقاء قدك محمدية معتز لأول مره للناس معتز قدم اداء جميل و صوت اجمل واتذكر غنى ايقونة كرومة دمعة الشوق
كلنا طربنا و فرحنا بالصوت الجديد المتميز
ولكن بعد فترة سمعنا معتز فى طريقة اداء غريبة جدا، وابدا ما كان هو نفس المطرب السمعناه و فرحنا بيه سمعنا طريقة غريبة فى نطف الكلام وحتى الصوت المنساب السمح العجبنا داك اتغير تماما، وبقى يحرك الفك السفلى بطريقة غريبة جدا ما قدرنا نعرف ولغاية الان الحصل ده شنو وشنو الداعى ليه وهل الشى ده عنده تفسير موسيقى علمى ولا هو مجرد شى خاص بمعتز
المهم عرفنا اننا خسرنا مطرب متميز وفنان سمح
الحصل شنو ؟
ما عارفين والله
07-20-2018, 01:17 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
استاذنا الموصلي دا دلالة على ان نظرتك للاداء والصوت والمرجحة بين القرار والجواب عميقة قبل ما انسى اذا لاقيت معتز خليهو يغني في ليل الشجن والشوق ...... سالت عليك وناجيتك حيظهر صوتو زي ما ظهر الصوت (الالطو) لهادية طلسم .. الصوت الدارس المسنكب اداء معتز فيهو (خيال) واحساس .. ونادر ما تلقى في جيله من يملك هذا الخيال الخصب وهو قادر على اداء متنوع في الاغنية والالتزام بالهيكل الاساسي للحن رسالة صادقة منك ارجو ان يعيها جيدا معتز صباحي لانها في راي هي الفرصة الاخيرة لهذا الشاب الفنان
07-20-2018, 02:39 PM
Kostawi Kostawi
تاريخ التسجيل: 02-04-2002
مجموع المشاركات: 39979
Quote: رسالة اخيرة للابن المبدع معتز صباحيابني العزيز الفنان المغني المهول هذا الغياب يصيبني بالذهول غياب قد تكون له اسبابه ولكنه في النهاية غياب وليست هنالك سببا يحول بين الفنان وحضوره الا شيئين المرض العضال وفي هذه حاشاك وحماك الله او الموت وهو امر الله يطول عمرك باذنه تعالى وهو السميع القديرانني منذ ان التقيتك وانت في الثانية عشر من عمرك في احدى زياراتي للسعزدية حين احضرك لي والدك الشاعر المحترم فانني كنت قد توسمت فيك خيرا. والان وقد شببت على الطوق. لقد شهد لك المبدع الكبير صديقي الاستاذ عركي البخيت بانك مغني صعب المراس ووقتها لم اسمعك حين عودتك الاولى للسودان وابو عركي لايشهد لاي فنان. بعد هذه الشهادة اصبحت فضوليا ابحث عنك في اليوتيوب فوجدتك شامخا مغنيا سودانيا نادرا تميز " بالعَرب في حنجرته الذهبية" والعرب بضم العين هي مايعادل الذبذبات الخارجة من الحنجرة في الموسيقى الغربية. وجودتك قدرة عالية في تلوين اللحن اصلي دون المساس بملامحه الاصلية . وعندما قابلتني واحتضنتني بسودانية رائعة كمن يبحث عن ضالة ووجدها فجأة ولكنك لم تكن تعلم حينها انك ضالتي التي طالما كنت ابحث عنها. أعلم انك تعرضت لمشاكل جمة حتى في برنامجي المايسترو ولم اكن اعلمها. هذا ثمن النجاح يابني فهم يعلمون ان مركبك ان انطلقت فانها سقينة فضاء ستحط على القمر فعلا. انا نفسي يا ابني تعرضت لمالا كنت اتوقعة ممن كنت اعتقد انهم ابنائي وحاولو هدم صخرة التاريخ باظافرهم المتشققة. انهم لم يكن يعلمون أن جلد الموصلي اتخن من ان تجرحه اظافر اطفال حديثو الولادة..حاولنا الاتفاق للتلاقي عدة مرات لاصلاح الحال فيما يختص بامرك بشكل عام وكما اخبرتك بانك ليس مشروع فنان سوداني كبير فحسب ولكنك مشروع لفنان عالمي ولكنك اخلفت كثيرا حتى تملكني شعور بان الذي يعاكس معتز انما هو معتز نفسه. بالنسبة لاغنية الميعاد قد لا يعلم الكثيرون الظروف التي مرت بها حتى اداؤك لها من الورقة ولكنهم لم يكتشفوا الكم الهائل من التنويع الذي اضفته لها لذا فانني اطلب منك ان نسجلها باستديو وتصويرها وسيرى الناس معتز الذي احبوه سابقا وسينسوا مشاكل التسجيل التي صاحبتها مما ادى الى عدم ظهور ملامح الاداء المميز. معتز تعال وكن جادا والدنيا ما معروفة يا ابني في هذا الزمن لا تجد فنان ذو خبرة يهتم بفنان شاب بمثل هكذا اهتمام. اعدك بانك الفنان القادم بقوة في النسخة الثانية من المايسترو وستكون تحت حماية "البودي قارد الفني" يوسف الموصلي فهلم والتلفون معك وتحرك بعزم وتصميم وثقة وجديه.عمك يوسف الموصلي
سلامات الموصلي.. ليت رسالتك أعلاه كانت بينك و بين الفنان معتز صباحي.
سلامات الموصلي.. ليت رسالتك أعلاه كانت بينك و بين الفنان معتز صباحي.
والله ياسفيان رسالتي شفيها وصلت اليه بيننا بالتلفون مرات عدة وتواعدنا ولم يف بالوعد لظروفه هذه الرسالة للضغط جماهيريا بالحب طبعا زبعدها سأغلق هذه الصفحة فمشاغلي في السودان عديدة وهامة لا تحتمل الانتظار تحت ظلال الاشجار عزيزي سفيان
07-21-2018, 04:57 AM
Elmosley Elmosley
تاريخ التسجيل: 03-14-2002
مجموع المشاركات: 34683
شاهدته عند عودته من السعودية مع الراحل محمديه فى برنامج بتلفزيون السودان صوت جميل وقوى وأداء واضح وفنان أنيق يلبس فل سوت وقميص ازرق ومتحدث لبق .......سنوات قليلة وجدته فى النادى الألمانى بى بنطلون جينز وكدارة ومجموعة من الشباب من حوله وغنى لأيكة الناس لبانة زعلت عليهو شديد وعرفت انو اتصلتو عليهو المجرمين وحيلحق محمود عبد العزيز كما اتلحق.........
07-21-2018, 04:02 AM
ترهاقا ترهاقا
تاريخ التسجيل: 07-04-2003
مجموع المشاركات: 8411
الحاصل شنو يا أستاذ يوسف؟ أرى تحت الرماد ومميض نارٍ
لم التق بهذا الفنان الشاب لظروف البعد وكما تفضلت يرجى منه الكثير وتعجبني استقلاليته في الاداء بس يا ريت يدعم ( بضم الياء) باغاني خاصة لحنا وشعراً وأكيد ما حتقصر معاهو
ولك ولضيوفك الود
07-23-2018, 05:59 AM
Elmosley Elmosley
تاريخ التسجيل: 03-14-2002
مجموع المشاركات: 34683
الحاصل شنو يا أستاذ يوسف؟ أرى تحت الرماد ومميض نارٍ
لم التق بهذا الفنان الشاب لظروف البعد وكما تفضلت يرجى منه الكثير وتعجبني استقلاليته في الاداء بس يا ريت يدعم ( بضم الياء) باغاني خاصة لحنا وشعراً وأكيد ما حتقصر معاهو
ولك ولضيوفك الود
حبيبنا احمد لا نملك الا وان نعدك بالخير كله
07-22-2018, 02:27 AM
Elmosley Elmosley
تاريخ التسجيل: 03-14-2002
مجموع المشاركات: 34683
شاهدته عند عودته من السعودية مع الراحل محمديه فى برنامج بتلفزيون السودان صوت جميل وقوى وأداء واضح وفنان أنيق يلبس فل سوت وقميص ازرق ومتحدث لبق .......سنوات قليلة وجدته فى النادى الألمانى بى بنطلون جينز وكدارة ومجموعة من الشباب من حوله وغنى لأيكة الناس لبانة زعلت عليهو شديد وعرفت انو اتصلتو عليهو المجرمين وحيلحق محمود عبد العزيز كما اتلحق.........
ازييك يا اميرة نعم هو فنان فوق العاده وقد تناثشنا كثيرا واكتشفت سعة الافق فيه وتعاهدنا على العمل معا انا مشكلتي مع الشباب ديل انني جاد جدا ولا اضيع وقتا شكرا للمساهمة الحريصة
07-22-2018, 08:21 AM
محمد علي البصير محمد علي البصير
تاريخ التسجيل: 06-24-2011
مجموع المشاركات: 5367
لك تحية التقدير والإحترام أستاذنا القامة يوسف الموصلي
حقيقة أقدر لك هذه المبادرة وأنت تسخر كل ما تملك من التجربة والرصيد الفني والمعرفي الهائل لدعم مسيرة هذا الفنان الرائع
معتز سجل حضور قوي وفعال ولفت الأنظار منذ ظهوره الأول في الساحة الفنية و ونال رضاء وإستحسان قامات فنية بحجم عركي ومحمدية وغيرهم
ولكن بكل أسف مسيرة معتز أعتراها الضمور وأنطفاء بريقها سريعاً بعد أن عجز عن الإستمرار بنفس القوة
خلال السنوات الأخيرة كان ظهور معتز في الإعلام خصماً من مسيرته ، ونال على إثره كثيراً من السخط والإستياء خصوصاً في النسخة التي شارك فيها من أغاني وأغاني
حينما استرسل في عصف ذهني لأسباب الفشل لمسيرة هذا الفنان الموهوب وصلت لقناعة أن معتز تعرض لهزة نفسية كبيرة نتيجة أصابته بالصلع في سن مبكرة ، و المعالجات المتعددة لإخفاء أثار الصلع ربما تدعم قولي , فقد كان يرتدي الكاب تارة ، وتارة أخرى يضع شعر مستعار ، وتارة عمامة ملونة ـ وهذه المعالجات أصبحت تفرض على معتز أرتداء ملابس غير مالوفة جلبت له كثير من سخرية المتابعين ردة الفعل لمثل هذه المنغصات التي تعتري حياة الأنسان تتفاوت ، فبعضنا يبدي تاثراً جامحاً كما في حالة معتز
والله أعلم
07-22-2018, 09:37 AM
عمر عبد الكريم علي عمر عبد الكريم علي
تاريخ التسجيل: 06-24-2013
مجموع المشاركات: 388
معتز صوت قوي وفنان عندو جماهيريه غير عاديه ماعارف هل كانت في مشكلة في ضبط الصوت في الإستديو لأنو صوت الآلات في المقطع طاغي على صوت معتز شديد المهم بتمنى نشوفو زي أول زاهي ومنور ويتبدل الشحوب العميق الشايفنو وماعاجبنا نهائي ده نرجع نقول لعن الله رفاق السوء
07-22-2018, 10:10 AM
نعمات حمود نعمات حمود
تاريخ التسجيل: 07-14-2008
مجموع المشاركات: 2521
سلام يا استاذنا الموصلي معتز مدرسة فنية ربما لم يدخلها الكثير من الناس معتز صوت نادر تطريب وتنغيم وفهم ربما مر ببعض الازمات الحياتية ادت لتغيير مساره الجاد في بداياته ... ولكن الذي استمع لتلك التسجيلات في مصر لعدة كاسيت قد يستوعب ما اعنية ..فالذي يلقبه جمهور التسعينيات بالقيصر ويتاثر بلبسه وحلاقته شباب تلك المرحلة اكيد مش من فراغ معتز القيصر زول غناااي وصوتو سيد الاصوات التي تعج بالساحة الفنية الان اعتقد ان هناك ظرف طرا علي حياته ادى لبعض تغيرات في شكله ...انتظر عودته انا باذن الله سالما غانما عاليا عاليا كما كان .... ولكم وله محبتي
07-22-2018, 10:31 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
وكأني اسمع معتز يتغنى مستجديا بكلمات ابوه مرتضى عبدالرحيم (هانت الايام عليك ولا هنت عليك انا !!؟) اكيد هذا الفنان لا يهون على أي سوداني حتى وان لم يكن محبا للفن لان حالة معتز حالة يجب ان تعالج من اجمل اللحظات كانت في حفله في نادى الضباط بوجود اسرته امه وابيه واخوته وبناته الثلاثاء وتم تكريمه من عدة جمعيات وقروبات ومحموعة (ابقوا الصمود) الراحل محمودعبدالعزيز صديقه المقرب وفي هذا الحفل حدث موقف غريب .. احد الحضور من الشباب حاول اعتلاء المسرح وتم توقيفه من الحرس ومسئولي الأمن ولكن الشاب قاوم وهاج وماج وابى ان يرضخ لطلب الحراس وحدثت بلبلة وخاطبه معتز (انت عايز تقول شنو .. ومهما كان العايز تقولوا عبَر عنو انا مقدر احساسك وياريت تفهموا ان اخلاقكم هي اخلاقي .... تعال وريني قولك) هنا هدأت النفوس والصالة والحضور وهدأ الشاب تماما .. واستمرت الليلة في ود وحب عجيب هذا هو معتز الذي نعرفه .. ندعو الله ان يعود كما كان بعض النصائح لمعتز ساوصلها لاستاذي يوسف الموصلي لانها خاصة جدا
07-24-2018, 02:47 PM
Elmosley Elmosley
تاريخ التسجيل: 03-14-2002
مجموع المشاركات: 34683
وكأني اسمع معتز يتغنى مستجديا بكلمات ابوه مرتضى عبدالرحيم (هانت الايام عليك ولا هنت عليك انا !!؟) اكيد هذا الفنان لا يهون على أي سوداني حتى وان لم يكن محبا للفن لان حالة معتز حالة يجب ان تعالج
معتز يحتاج ان يتعامل مع موهبته بمسئولية هذه العبارة قالها العظيم محمد وردي في حق الراحل محمود عبد العزيز .. نحمد لللاستاذ الموصلي مبادرته في دعم الشباب فالساحة تحتاج لمثل هذه الجهود حتى تعود للغناء رصانته و ألقه
07-25-2018, 02:29 AM
Elmosley Elmosley
تاريخ التسجيل: 03-14-2002
مجموع المشاركات: 34683
حبيبنا محمد علي انا اتخلعت اسناني كلها لظروف مرضية وانا اصغر اخواني واخواتي وكلهم احسن حالا مني من هذه الناحية الا انني احاول الحصول على البديل زلم اتوقف عن حتى تقديم برنامج مثل المايسترو عثمان الشفيع كانت يده مقطوعه عبد الدافع عثمان رجله مقطوعة زكانا يغنيان رحمهما الله حنان النيل كانت تغني وهي عمياء اطال الله في عمرها العيب الجسدي ليس مشكلة طالما ان الحندرة تلعلع كن بخير
07-23-2018, 07:37 AM
محمد علي البصير محمد علي البصير
تاريخ التسجيل: 06-24-2011
مجموع المشاركات: 5367
حبيبنا محمد علي انا اتخلعت اسناني كلها لظروف مرضية وانا اصغر اخواني واخواتي وكلهم احسن حالا مني من هذه الناحية الا انني احاول الحصول على البديل زلم اتوقف عن حتى تقديم برنامج مثل المايسترو عثمان الشفيع كانت يده مقطوعه عبد الدافع عثمان رجله مقطوعة زكانا يغنيان رحمهما الله حنان النيل كانت تغني وهي عمياء اطال الله في عمرها العيب الجسدي ليس مشكلة طالما ان الحندرة تلعلع كن بخير.
لك التحية أستاذنا موصلي
أقدرك لك حرصك على التجاوب مع مداخلات زملاء البورد
ونرجو الله أن يعوضك في نكبة فقدان الأسنان
قدمت نماذج لمبدعين تعرضوا لأزمات كبيرة في حياتهم لم تمنعهم من المسير وتحقيق الطموحات
ولكن أنا اشرت أن مقدرة البشر على مجابهة الصعاب والأزمات تتفاوت ، وردود الأفعال تختلف
في تقديري عاهة فقدان الشعر أثرت كثيراً على شخصية معتز و خصمت كثيراً من قدرته على الأبداع
الأستاذ المحترم الموصلي، شكرا لك لمحاولتك الوقوف مع هذا الفنان الذي يمتلك خامة صوت رائعة. الرجل ده لو غنى بصوته العادي وبدون تحريك فكه الأسفل وبدون أكل الكلمات سيكون له شان كبير. صوته خرافي ، لو سلك طريق خاليٍ من تعقيدات الغناء يمكن أن يكون منافسا للمرحوم محمود عبد العزيز.
07-23-2018, 07:55 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
الموصلي سلامات سير . نعم يشهد الله سير الموصلي . كنا في الثانوية لما قام مهرجان الاغنية الاول في السبعينات . اذكر في الاغنية الشعبية طلع الاول فيها بابكر الزكار. بي اغنية قطار الشوق . ولمان كان بتمتم بي كلمات الاغنية . كان بنقر فيها في شباك بيتنا وهو متحكر في الشباك بين الضلفتين . ولا كنا. مصدقين الاغنية دي ممكن تكسر الدنيا زي ما حصل في مهرجان الاغنية بعد سنين . لكن مافي شوية . والا نشوف ليك بابكر طال ونبل . وفي الاغنية الحديثة الناس كانت زعلانة علشان مصطفي سيد احمد ما جابوهو الاول. و هو. الكان احق . في. ديك الايام نبلوا. فنانين رهيلين و شعراء مبدعين . نحن يا سير. دايرين الشاب صباحي ينبل. زي ديك العمالقة . ما. يدس. نفسو. . ولا يتردد . انا. بتخيل انو. صباحي. محتاج. اكتشاف. اكتر. بتخيل. انو. مليان ابداع. وممكن. يطلع منو. الكتير . تحياتي
(عدل بواسطة Osman Musa on 07-23-2018, 12:43 PM) (عدل بواسطة Osman Musa on 07-23-2018, 12:46 PM)
07-23-2018, 01:56 PM
Sayed Bekab Sayed Bekab
تاريخ التسجيل: 09-21-2006
مجموع المشاركات: 1543
تحياتي لك دكتور الموصلي و شكرا علي المايسترو الممتع في رمضان. حقيقة معتز متفرد و صوت شجي يا سلام علي معتز في اغنية ادخل عليك من ياتو باب للشاعر محمد حسن حدباي و الحان معتز صباحي
أدخل عليك من ياتو باب يا بدر جواي اكتمل نسيني حرمان الزمان غرقني في بحر المقل أنا يا جميل بمشيك لي قدام دهور وارجع معاك زمن الجهل واتهج وعدك فيني غيم يا بنية بي قامة النخل أنا يا جميل لو تهت في عينيك سنين لو جسمي بالتعب انتحل مشوار جميل بمشيك أنا واتمنى فيك أنا ما أصل
اتمني كل التوفيق لك و للاخ معتز.
07-23-2018, 03:50 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
اولا التحية لك استاذنا الكبير يوسف الموصلي على هذه اللفته البارعه والتي تدل على نقاء قلبك وحبك لمساعدة الشباب وتواضعك الكبير فانت احد علاماتنا الفارقة في مجال الغناء والموسيقى السودانية فلك كل تحية وكل تقدير مني خاصة ومن الشباب المغنين عامة . اما عن اخي وصديقي معتز مرتضى فمعتز صديق الطفولة ونديم الصبا ومنذ نعومة اظافره مشحون بابداع غير مسبوق فمعتز له عدة مواهب فهو احسن من يرسم بريشة فنان وهو احسن من يكتب بالخط العربي وهو احسن من يلعب كرة القدم فقد كان هداف فريقنا لسنوات متالية تزاملنا في المدرسة وفي الكورة وفي الغناء فمنذ ان بدا معتز الغناء الكل تنبا له بمستقبل باهر وفعلا بعد ان رجع معتز من السعودية سطع نجمه بصورة سريعه ومدوية وكان المع نجوم الغناء في الخرطوم في فترة وجيزة فهو يتمتع بامكانيات صوتية هائلة ومهولة وانت سيد العارفين في هذا المجال .. اما معتز اليوم فانا نفسي لا اعرف ما اصابه فقد فقد الكثير من بريقه والقه وحضوره الطاغي فالذي يعرف معتز منذ قديم الزمان لا يصدق ما حدث لمعتز اليوم وانا عن نفسي اعرف بعض الظروف الخاصة والعقبات التي واجهت معتز والتي جعلته متذبذب المستوى ولكن لكل جواد كبوة ومازال معتز في ريعان شبابه ويمكنه اللحاق بركب من فاتوه على الرغم من ان من فاتوه لا يمتلكون موهبته ولا امكانياته ولكن هكذا حال الفن في بلادي هناك ظروف واشخاص يلعبون دور رئيسي في ظهور الفنان في بلادي انت ادرى بها .. على العموم اتمنى ان يستجيب اخي معتز لهذا النداء ويلحق نفسه ويغتنم هذه الفرصة العظيمة لكي يعود معتز الذي عرفناه وحد علمي معتز كسول جدا وقد لا ياخذ الموضوع ماخذ الجد ولكن سيضيع على نفسه فرصة اتته من السماء وسيحرم محبه ومعجبيه فنه الجميل ... شكرا استاذي الموصلي فانت جدا كبير ..
تحياتي : ياسر العيلفون ....
07-25-2018, 08:19 PM
Elmosley Elmosley
تاريخ التسجيل: 03-14-2002
مجموع المشاركات: 34683
فمعتز صديق الطفولة ونديم الصبا ومنذ نعومة اظافره مشحون بابداع غير مسبوق فمعتز له عدة مواهب فهو احسن من يرسم بريشة فنان وهو احسن من يكتب بالخط العربي وهو احسن من يلعب كرة القدم فقد كان هداف فريقنا لسنوات متالية تزاملنا في المدرسة وفي الكورة وفي الغناء
حبيبنا ياسر ياخي انت زول جميل وصديقك هو الجمال ذانو ان صحصح معانا كدي احكي لينا شوية بالتفصيل عن طفولتكما وصداقتكما كل الود
07-25-2018, 05:43 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: هذا الغياب يصيبني بالذهول غياب قد تكون له اسبابه ولكنه في النهاية غياب وليست هنالك سببا يحول بين الفنان وحضوره الا شيئين المرض العضال وفي هذه حاشاك وحماك الله او الموت وهو امر الله يطول عمرك باذنه تعالى وهو السميع القدير
+++
انا انا اردت التاطيد بان ليس هنالك ما يوقف ابداع الفنان الا المرض العضال او الموت
سلام يوسف اعتقد من حقنا في المنبر كأعضاء نسمع للطرف التاني، طالما الموضوع مرق برة وأنت جبتو لينا هنا، ما عندي فكرة عن التفاصيل لكن بحكم اهتمامي بالموسيقى وجدت الموضوع دا وأظن بيدي فكرة تناقض تلميحك الفوق دا:
Quote: رسالة اخيرة للابن المبدع معتز صباحي ابني العزيز الفنان المغني المهول هذا الغياب يصيبني بالذهول غياب قد تكون له اسبابه ولكنه في النهاية غياب وليست هنالك سببا يحول بين الفنان وحضوره الا شيئين المرض العضال وفي هذه حاشاك وحماك الله او الموت وهو امر الله يطول عمرك باذنه تعالى وهو السميع القدير انني منذ ان التقيتك وانت في الثانية عشر من عمرك في احدى زياراتي للسعزدية حين احضرك لي والدك الشاعر المحترم فانني كنت قد توسمت فيك خيرا. والان وقد شببت على الطوق. لقد شهد لك المبدع الكبير صديقي الاستاذ عركي البخيت بانك مغني صعب المراس ووقتها لم اسمعك حين عودتك الاولى للسودان وابو عركي لايشهد لاي فنان. بعد هذه الشهادة اصبحت فضوليا ابحث عنك في اليوتيوب فوجدتك شامخا مغنيا سودانيا نادرا تميز " بالعَرب في حنجرته الذهبية" والعرب بضم العين هي مايعادل الذبذبات الخارجة من الحنجرة في الموسيقى الغربية. وجودتك قدرة عالية في تلوين اللحن اصلي دون المساس بملامحه الاصلية . وعندما قابلتني واحتضنتني بسودانية رائعة كمن يبحث عن ضالة ووجدها فجأة ولكنك لم تكن تعلم حينها انك ضالتي التي طالما كنت ابحث عنها. أعلم انك تعرضت لمشاكل جمة حتى في برنامجي المايسترو ولم اكن اعلمها. هذا ثمن النجاح يابني فهم يعلمون ان مركبك ان انطلقت فانها سقينة فضاء ستحط على القمر فعلا. انا نفسي يا ابني تعرضت لمالا كنت اتوقعة ممن كنت اعتقد انهم ابنائي وحاولو هدم صخرة التاريخ باظافرهم المتشققة. انهم لم يكن يعلمون أن جلد الموصلي اتخن من ان تجرحه اظافر اطفال حديثو الولادة.. حاولنا الاتفاق للتلاقي عدة مرات لاصلاح الحال فيما يختص بامرك بشكل عام وكما اخبرتك بانك ليس مشروع فنان سوداني كبير فحسب ولكنك مشروع لفنان عالمي ولكنك اخلفت كثيرا حتى تملكني شعور بان الذي يعاكس معتز انما هو معتز نفسه. بالنسبة لاغنية الميعاد قد لا يعلم الكثيرون الظروف التي مرت بها حتى اداؤك لها من الورقة ولكنهم لم يكتشفوا الكم الهائل من التنويع الذي اضفته لها لذا فانني اطلب منك ان نسجلها باستديو وتصويرها وسيرى الناس معتز الذي احبوه سابقا وسينسوا مشاكل التسجيل التي صاحبتها مما ادى الى عدم ظهور ملامح الاداء المميز. معتز تعال وكن جادا والدنيا ما معروفة يا ابني في هذا الزمن لا تجد فنان ذو خبرة يهتم بفنان شاب بمثل هكذا اهتمام. اعدك بانك الفنان القادم بقوة في النسخة الثانية من المايسترو وستكون تحت حماية "البودي قارد الفني" يوسف الموصلي فهلم والتلفون معك وتحرك بعزم وتصميم وثقة وجديه. عمك يوسف الموصلي
يا يوسف خليني أديك رأيي
أنا صراحة قدر ما حاولت اتبين مواطن الانسانية في رسالتك دي ما قدرت، ودا قبل ما أعثر بالصدفة على تصريحات الموسيقي محمد ضرار وليك أنت مطلق الحرية في نفيها.
فبأي حال من الأحوال ما من الزوق تنعت فنان مشهور وتوصمه بمفردة (مرض عضال) وتقرن النعت بالموت في نفس السطر كأنك بتأكد مدى سوء المرض. ولا يمكن تجي تتحدث (في منبر عام) عن أسرته كأنك بتحاول تؤكد معرفتك بخبايا حياته وتكشفها هنا على العلن، ما أظن فوضك أو سمح ليك باختراق خصوصيته. ولا يمكن تذكر في سردك لأنه (تعرض لمشاكل جمة) بدون ما تسعى أنت لحلها بعيد عن الانترنت خاصة وأنه ضيفك في برنامجك. ولا يمكن تستبق تبرير الحادثة أياً كانت بأنه دا (ثمن النجاح) وفي نفس السطر تدس التحذير بأنو (جلدك تخين) ولا تجرحه أظافر الأطفال. ولا يمكن تؤكد في رسالة مناشدة لمن تصفه بأنه (ابنك) على أنك (صخرة تاريخ يحاول الآخرون هدمها).
ولا يمكن تكتب في مداخلة لاحقة النص التحت دا كأنك بتخاطب نفس الشخص الأنت بتناشده يرجع ليك لكنك ما حريص عليهو
Quote: زبعدها سأغلق هذه الصفحة فمشاغلي في السودان عديدة وهامة لا تحتمل الانتظار تحت ظلال الاشجار عزيزي
الخلاصة رسالتك دي غرضها مغاير للمعلن والبتحاول تروج ليهو.
ليه أنت ياخ مصر تفرض نفسك على الشباب وترغمه يغني ليك أو يقبل غصب عنه برؤيتك؟
____ ولو صح موقفك من أداء أغنية الفنانة منى مجدي المذكور في إفادات محمد ضرار فدا صراحة تصرف لا يليق بمايسترو على الإطلاق.
(عدل بواسطة حاتم إبراهيم on 10-27-2018, 03:20 PM) (عدل بواسطة حاتم إبراهيم on 10-27-2018, 03:23 PM)
10-27-2018, 06:18 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اول شىء.. في مسائل تخص معتز صباحي تمت مناقشتها في الخاص مع استاذنا المايسترو وهو مشكور جدا لانه النداء دا عمله في العام نداء (ابوي) بحكم صلة المايسترو بعائلة الفنان وبعض الجوانب الخاصة جدا لايمكن مناقشتها واستاذنا يشكر للمرة الثانية والثالثة لانه لم يتطرق اليها .. وتمت مناقشتها في (الخاص)
10-28-2018, 06:49 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: وكل الكان بعملو استاذ يوسف انو كان بجي يقيف في (البتاعة المدورة دي) ويقول لي: اها يا محمد الامور كيف ؟ فبقول ليهو قول: ون تو ثري (ويرفع يدينو )
بذمتكم دا كلام يخش العقل؟ المصدق الكلام دا (يرفع يدينو) عموما كلام زي دا عادي جدا ممكن يصدر من محمد ضرار وانا حضرت ليهو كم (شكلة) لاسباب مادية واخرى (فنية) وفي حفلة منقولة تلفزيونيا كان عامل مشكلة مع عازف كمنجة قاعد بشماله واتعامل معاه بمنتهى الاستخفاف والعصبية لايمكن كلام فارغ زي دا يصدر من عازف كبير .. وطبعا الممكن يقود الاوركسترا في ادب وصمت و(قلة الكلام) والثرثرة و التعامل دون تجريح للاساتذة الكبار هو (وليد الجاك) عموما الحلقات كانت ناجحة وشكل جديد واسلوب جديد وشباب بذلوا جهد مقدر مثل هذه الانتقادات الرخيصة مجملا بتحدث لاي برنامج ناجح لم يسلم منع عمنا السر قدور ولم تسلم منها سلمى سيد في زورق الالحان واعز الناس و(الملك) مع صلاح بن البادية التي صلت بها الاشاعات انها هربت من التسجيل واوقفته عنوة حتى يتم زيادة اجرها في شىء اسمع محاربة أي شىء جميل وناجح والمصيبة ان السبب (قروش) وعدادات
10-28-2018, 08:06 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: اول شىء.. في مسائل تخص معتز صباحي تمت مناقشتها في الخاص مع استاذنا المايسترو وهو مشكور جدا لانه النداء دا عمله في العام نداء (ابوي) بحكم صلة المايسترو بعائلة الفنان وبعض الجوانب الخاصة جدا لايمكن مناقشتها واستاذنا يشكر للمرة الثانية والثالثة لانه لم يتطرق اليها .. وتمت مناقشتها في (الخاص)
مرحباً أحمد فعلاً هو مشكور جداً إنو لم يتطرق إليها، وكأنك تلمح إلى العبارة الشهيرة (وهنالك معلومات أخرى سنفصح عنها في حينها)
أي (نداء أبوي) دا البيطعن الابن في ضهرو ويشوه سمعتو ويحذره كمان؟
أنت فاهم شنو يعني لما الواحد يجي يكتب ويروج هنا في الانترنت إنو (فلان ابني) لو ما سمع الكلام وجاني معناها يا (ميت) يا عندو (مرض عضال)، ومعتز صباحي حي! شفت كيف! أستاذك تعمد يكررها مرتين يا أحمد ياسين، كرر جملة (مرض عضال) وما قال (ظروف خاصة) مثلاً، شفت كيف.
يا أحمد ياسين، الشباب ديل أقرب ليك انت من مناصرة أستاذك، أنت حر في الوقوف بجانبه بس ما تفترضو غباء الناس أو انعدام ذاكرتهم وياريت والله لو كان يوسف التزم بالنداء (الخاص) البتقول عليهو دا، لأنو البوست دا فضح الكتير.
Quote: بذمتكم دا كلام يخش العقل؟ المصدق الكلام دا (يرفع يدينو) عموما كلام زي دا عادي جدا ممكن يصدر من محمد ضرار وانا حضرت ليهو كم (شكلة) لاسباب مادية واخرى (فنية) وفي حفلة منقولة تلفزيونيا كان عامل مشكلة مع عازف كمنجة قاعد بشماله واتعامل معاه بمنتهى الاستخفاف والعصبية لايمكن كلام فارغ زي دا يصدر من عازف كبير .. وطبعا الممكن يقود الاوركسترا في ادب وصمت و(قلة الكلام) والثرثرة و التعامل دون تجريح للاساتذة الكبار هو (وليد الجاك) عموما الحلقات كانت ناجحة وشكل جديد واسلوب جديد وشباب بذلوا جهد مقدر مثل هذه الانتقادات الرخيصة مجملا بتحدث لاي برنامج ناجح لم يسلم منع عمنا السر قدور ولم تسلم منها سلمى سيد في زورق الالحان واعز الناس و(الملك) مع صلاح بن البادية التي صلت بها الاشاعات انها هربت من التسجيل واوقفته عنوة حتى يتم زيادة اجرها في شىء اسمع محاربة أي شىء جميل وناجح والمصيبة ان السبب (قروش) وعدادات
أيوة بيخش العقل، جداً بس من واقع الأحداث المشابهة هنا، ومن سرد محمد ضرار بأنو نسبة كبيرة من الأعمال كانت لشخص آخر ما سمعنا بيهو إلا هسع، كونك تسكت الفترة دي كلها وتجي دلوقت عشان تسهم أنت كمان في طعن زميلك فدا متوقع. ومسألة أنك تقول (فلان أفضل من فلان في قيادة الأوركسترا) دي كنا نتوقع منك تناقشها في (الخاص). عشان نشكرك مرة تانية وتالتة برضو، لكن أسلوبك بيؤكد إنو محمد ضرار على حق، ياخي البوست ذاتو يكاد ينطق بالحقيقة دي. المستعجل ليها يوسف شنو؟
فإذا صحت رواية تنفيذ أغنية منى مجدي بخصوص تفضيلها لتوزيع آخر وبأنو التنفيذ تم من وراء الكواليس وبأنه يوسف أصر مع ذلك يتشبث (بحقو الانتقالي) ويقيف في (البتاعة المدورة) ويهوزز يدينو (رغم غرابة السلوك) فحكاية إنو كانت دي عادتو يمكن تصديقها بالقياس.
والراجل ذكر كلام واضح، إنو دي فرقة أصلاً لا تحتاج (مايسترو) ودا ذات الكلام الأنا قلتو في بوست المايسترو الفتحو عزيز و (اكتشفه يوسف بالصدفة)، وعرضت صورة ليوسف بيهوزز يدينو في الهوا وبدون فرقة ذاتو، شفت كيف!
أما الحلقات نجحت ولا لا فدي تقديراتها عند الآخرين وأهل الفن مش المساندين والجاهزين للوقوف على الدوام، بعدين ياخي العازفين ديل لما يقعدوا نهارهم وليلهم خارج الاتفاق هل دا مفروض يكون بلا مقابل، شغف؟ وليه يوسف ما وقف معاهم عشان حقوقهم؟ مش حققوا ليه حلم حياتو (بلقب المايسترو)؟
مرحبا حاتم ابراهيم حاجي لكلامك بالتفصيل وانا عارف يوسف الموصلي والجهد الكبير والتوزيع القام بيهو واذ في مجال نستشهد بى اي فنان من المشاركين ممكن يجي يقول التدريب القام بيهو الموصلي كان كيف وشكله كيف .. ومدى الاحترافية في التنفيذ والتكنيك كلامك
Quote: وانك تسكت الفترة دي كلها وتجي دلوقت عشان تسهم أنت كمان في طعن زميلك فدا متوقع. ومسألة أنك تقول (فلان أفضل من فلان في قيادة الأوركسترا)
اول شىء مافي طعن ولا لعن في كلامي انا قلت التحت دا:ـ
Quote: وطبعا الممكن يقود الاوركسترا في ادب وصمت و(قلة الكلام) والثرثرة و التعامل دون تجريح للاساتذة الكبار هو (وليد الجاك)
انا ما اتكلمت من ناحية موسيقية او فنية .. بالعكس انا قلت محمد ضرار عازف كبيير بس انا وضحت ناحية ادارية فقط لانه عيب انه اي شخص يتكلم في اداء زميل له ودي اصلا مابتحصل فقط انا قلت (الصمت) لانه وليد قليل الكلام ومقنع جدا عندما يتكلم وعدم تجريح الاساتذة بالكلام المكتوب في الرابط الانت جبته اذا كان هذا الكلام صحيح وانا حاتصل على الاخ محمد ضرار وحاستفسر منه عن الكلام هل صحيح ما قاله؟
10-28-2018, 12:14 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عيب انه اي شخص يتكلم في اداء زميل له ودي اصلا مابتحصل
إذن عيب على أستاذك طعنه في مقدرات زميلته
Quote: لكن الكاونتربوينت ده يخربها ما بتعرف عنه حاجه Re: كاونتربوينت؟Re: كاونتربوينت؟
دي الأنا متذكرها هسع، ومتذكر رسوب أستاذك ستة مرات في ذات المقرر، لكن لو رجعنا وراء شوية حنلاقي هبر. يعني المسألة بقت مخجلة وسخيفة ومحرجة إنو أستاذك يصر يضع نفسه في المواقف دي مع أحفاده. فيها شنو الدنيا دي عشان التهافت الكريه دا؟
Quote: فقط انا قلت (الصمت) لانه وليد قليل الكلام ومقنع جدا عندما يتكلم وعدم تجريح الاساتذة بالكلام المكتوب في الرابط الانت جبته اذا كان هذا الكلام صحيح
بتطعن في قدراته وحسن سلوكه إذن! مسائل مثل قدرات التواصل والعمل في فريق دي أهم حاجة في الفرق الموسيقية، بل في أي وظيفة عامة فإذا بتنعته بالثرثرة وعدم الإقناع وتجريح (الأساتذة) خليت ليهو شنو تاني غير ضبح الكمنجة؟ ومن شابه أستاذه فما ظلم.
Quote: وانا حاتصل على الاخ محمد ضرار وحاستفسر منه عن الكلام هل صحيح ما قاله؟
الأهم من كدة تتصل على معتز صباحي كمان، وياريت تتأكد لينا من إنو (الأستاذ) كان واقف ساكت شغال هزاز تحصيل حاصل في (البتاعة المدورة) وغيره بينفذ من الكواليس. ولله في خلقه شؤون.
___ وما عندي شك في مصداقيتك، so far.
================
Quote: انني منذ ان التقيتك وانت في الثانية عشر من عمرك في احدى زياراتي للسعزدية حين احضرك لي والدك الشاعر المحترم فانني كنت قد توسمت فيك خيرا. +++ اعدك بانك الفنان القادم بقوة في النسخة الثانية من المايسترو وستكون تحت حماية "البودي قارد الفني" يوسف الموصلي فهلم والتلفون معك وتحرك بعزم وتصميم وثقة وجديه.
يعني أنا السويتك وأنا الحأوصلك للعالمية وما حتلقى زول يحميك إلا أنا دا، فما عندك مفر تجيني بالعدم يا أنت ميت يا كمان مصاب (بمرض عضال).
صوبني يا يوسف لو فهمت رسالتك (الأبوية) غلط.
Quote: انا انا اردت التاطيد بان ليس هنالك ما يوقف ابداع الفنان الا المرض العضال او الموت
ولما مافي زول انتبه للطعنة الغادرة دي (أو خجلوا منها) يقوم (يأكدها) تاني، لأي غرض؟ فالترويج لنعت (مرض عضال) في أي وسط دي أي شخص بيفهمها حسب تقديراته، وأي زول بهمه السودان ما أوروبا عشان الناس تتفهم الحقوق، لكن الجميع حيتفق في إنو دا مرض يستدعي أخذ الاحتياطات.
هل دا تفسير جملتك (جلدك تخين ما بتجرحه أظافر الأطفال) و(صخرة تاريخ ما بتهدمها الأظافر المتشققة) يا يوسف؟
فلما (تؤكد) على أن فلان مصاب (بمرض عضال) فدا معناهو الغرض تعزله اجتماعياً وتخلي الناس تعامله كالأجرب مش كدة وبس، لأنو المريض دا فيما بعد ما حيمسك مايكروفون خشية العدوى، فلا يدوهو مايكروفون ولا يجي زول بعده يمسك نفس المايكروفون. يعني حياته تتدمر ببساطة، اجتماعيا وفنياً. الموقف دا ما أظنك بتتحمله أو ترضاه لزميل يا أحمد ياسين، وبالله عليك أخجل لأستاذك مرة واحدة في التاريخ.
أعوذ بالله، كمية من القبح الانساني والفجور في الخصومة أصلو لا يمكن تتوفر في شخص عادي، سوى معاك شنو معتز يا يوسف؟ وجاي عامل المنبر منصة (انسانية أبوية) تهاجم بيها من هم خارجه، الراجل دا أنت ما وضعت اعتبار لأهلو وأسرته؟ بالله أنت (فنان) وعندك إحساس يا يوسف؟
10-28-2018, 02:20 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: في شىء اسمع محاربة أي شىء جميل وناجح والمصيبة ان السبب (قروش) وعدادات
بذمتك دا كلام يخش العقل؟ يعني محمد ضرار والفرقة صبروا واشتغلوا النهار موصول بالليل (حسب روايته) وأسهمو في (الجميل والناجح) دا بجهدهم فلما جا وقت الحساب وطالبوا بحقهم دا يبقى إعلان (حرب) يا أحمد ياسين؟ إذا كان أول معركة بداها صاحب (من سيربح البتاعة المدورة) فمن يحارب من؟
ويحاربو شنو ذاتو، ما ياهن الخمسة التحت ديل من جملة 120؟ معظم الأعمال أصلاً هي مجهودهم هم يا أحمد ياسين وباعتراف أستاذك يعني الباقيات حقاتم هم، عملوها متوافقين ومتفاهمين مع بعض (بحكم السن والمجايلة والانسانية والإحساس الراقي).
___ كمان لو قصدك يحاربوهو في الهوزيز والبتاعة المدورة فخلي كلامك واضح بدل الاتهامات المجانية دي.
=============
Quote: بالأمس ذكر إسم الأخ محمد ضرار أستاذ وعازف الكمان وله إسهامات عديدة في التوزيع للعديد من الشباب.
لا أعتقد أن الزمن كان كافياً لتوزيع 120 أغنية وتنويتها وقيادتها ولكن وهذا (إعتقاد) أستاذ الموصلي معنا وهو الأقدر على الإجابة عليه..
بأن أستاذ الموصلي وجد بعض الأعمال الموزعه مسبقاً لهؤلاء الشباب وأسهم فيها بالتنويع والتنويت وقيادة الأوركسترا .. ننتظر توضيح أستاذ الموصلي لهذه الجزئية. Re: المايستروRe: المايسترو
Quote: في طل هذا الزخم هناك اربع اغنيات من الحاني وتوزيعي لكل من معتز صباحي الميعاد شموس اجمل الايام نادية الطيب سيد الوسامة شخصي الدنيا غنت لي المجموعة البي ريدو ابتلاني واشوقي سوداني للمجموعة
المادة المنشورة في الرابط لا ترقى كمستند للاحتجاج به واضح إنو تم إعدادها للهجوم على الأستاذ الموصلي كيف يرضى الموسيقي محمد ضرار أن يضع نفسه في هذا الموقف ويبدو وكأنه شخص بلا شخصية يتم تلقينه الإجابات تلقينًا
كأن صاحب الفكرة الأصلية جبُنَ أن يهاجم الأستاذ الموصلي مباشرة فلجأ إلى هذه الطريقة الطفولية بالله راجعوا نوعية الأسئلة التي على طريقة الـ leading questions ولاحظوا تلقين الإجابات وكأن الصحفية تضع على فم ضرار الإجابات التي تريدها، لتحقيق غرضها اللي هو غرض صاحب الغبينة مع الأستاذ الموصلي ترى مَن مِن الوسط الفني (الموسيقي) يحمل كل هذا الغبن تجاه الموصلي؟!! --
أتمنى عليك أستاذ يوسف أن تتجنب الوقوع في هذا "الفخ" حتى لا يسهم في إرضاء أصحاب الرغبات المرَضية
10-28-2018, 01:38 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: في شىء اسمع محاربة أي شىء جميل وناجح والمصيبة ان السبب (قروش) وعدادات
يبقى مصيبة أستاذك مصيبة.
Quote: بالاضافة الى الحافلة حقتي التي كانت مؤجرة مع ثلاث حافلات اخرى اها الشغل ده كلو لو كنت انا خواجه اميركي كنت اقل حاجه باخد ١٠٠٠٠٠ دولار لكن انا سوداني // بس ده عشان خاطر اتنين Re: يوسف الـموصلـي يبدّل الـحقائق أمام قبـر وRe: يوسف الـموصلـي يبدّل الـحقائق أمام قبـر و
وما شفنا العمل ذاتو بعد دا عشان نقول عليهو جميل ولا ناجح.
10-28-2018, 03:19 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
من هو صاحب صحيفة (ريبورتاج) الإلكترونية؟ ومن هي الصحفية ملاذ ناجي التي أجرت المقابلة مع الموسيقي محمد ضرار؟ وما هو الغرض من المقابلة؟ بدأت المقابلة بالتعريف بمحمد ضرار ثم انتقلت مباشرة للجملة المنبتة التالية: "التقت به (ريبورتاج) لتوضيح بعض الحقائق ولكشف بعض الخفايا كما أوضح في حديثه الي مضابط الحوار". هكذا! أي حقائق وأي خفايا؟ حقائق ماذا وخفايا ماذا؟ أليس من أبسط القواعد المهنية في هذا الضرب من الصحافة التعريف بموضوع الحوار ومناسبته قبل القول حقائق وخفايا؟ أم أن الصحفية (من يقف وراءها) تستعجل للوصول لغرضها من الحوار ولا تهمها المهنية؟ ومن ثم بدأت الصحفية في تلقين الرجل الإجابات التي تريدها
السؤال مرة أخرى: من هذا المجهول الذي يعمل في مجال الموسيقى بالسودان ويستهدف الأستاذ الموسيقار يوسف الموصلي بهذه السذاجة؟! لماذا يتخفى طالما يدعي الفهم في الموسيقى ونقد الأعمال الموسيقية؟ لماذا لا يخرج إلى الضوء ويواجه الموصلي عيني عينك ليرى الناس مَن على حق و مَن على باطل، وبالتالي تعم الفائدة؟
10-28-2018, 03:34 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
عاين نماذج من الأسئلة: وماذا عن الأستاذ يوسف الموصلي؟ كيف ما قدر يقوم بالدور دا وهو "المايسترو"؟ يعني يوسف الموصلي ما قدر علي غنا الشباب؟ كيف وهو زول عمل اعمال ناجحة وكبيرة؟ يا ربي الأسئلة دي أنا شفتها وين قبل كده
10-28-2018, 05:04 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
الموضوع ده فيهو منحيين محمد ضرار حارقاهو القروش الراحت .. ومن أدار الحوار ومن طريقة توجيه الأسئلة غرضه كان النيل من موصلي .. وعايز يبين إنه موصلي مش مواكب لطريقة إدارة الفرق الموسيقية .. وإخراج البروفات في وقت وجيز بدون اهدار للزمن .. أو في حال أحسنا الظن هو عايز يحرر سوقه .. لانه البهارات ضرورية في خلطة الخبر الصحفي ولجذب القراء .. لكن هل ما قاله محمد ضرار حقيقة ام من نسج خياله ؟ .. وهل فبرك الأمر ده وألفه من راسه عشان قروش الفرقة الراحت .. ده مربط الفرس .. يبدو إنه محمد ضرار كان متعشم موصلي يدعم العازفين .. ويضغط على القناة عشان تديهم قروشهم .. نظرية المؤامرة موجودة طالما هناك مسببات وفرص متاحة .. يقوم باستغلالها من له دوافع ومحغزات .. عموما الحق حق الفرقة لازم تاخذ قروشها .. لانه ده السبب الجاب العكة دي كلها .. فكان موصلي ينتبه للنقطة دي ولا يمنح أي أحد فرصة للنيل منه .. لان إسمه وسمعته يفرضان عليه عدم منح من يريد النيل منه أي فرصة ..
10-28-2018, 05:25 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
تماما يا ود القوز، محاولة ساذجة للنيل من مهنية وموهبة الموصلي ساذجة لأنو من الناحية المهنية العايز ينال من شخص لا ينشر المادة بطريقة الحوار سين وجيم فهذا يفترض أن تكون الأسئلة والأجوبة منقولة بالنص من محضر الحوار وهنا يمكن لأي متضرر أن يشكو ضيف الحوار بنص إجاباته
أما الطريقة المثلى فهي صياغة المقابلة بلسان الغائب قال وأكد ورأى واعتبر وأضاف مما يوفر للضيف فرصة البراءة من أي تهمة متحججا بأن كلامه تم تحريفه
أما من ناحية حقوق الفرقة الموسيقية فهذا أمر آخر لا أستطيع الافتاء فيه
10-28-2018, 05:34 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن هل ما قاله محمد ضرار حقيقة ام من نسج خياله ؟ .. وهل فبرك الأمر ده وألفه من راسه عشان قروش الفرقة الراحت .. ده مربط الفرس .. يبدو إنه محمد ضرار كان متعشم موصلي يدعم العازفين .. ويضغط على القناة عشان تديهم قروشهم .. نظرية المؤامرة موجودة طالما هناك مسببات وفرص متاحة .. يقوم باستغلالها من له دوافع ومحغزات .. عموما الحق حق الفرقة لازم تاخذ قروشها .. لانه ده السبب الجاب العكة دي كلها ..
عكة الفرقة واستحقاقها المالي دا طالما قدام محكمة فدي أمرها منتهي.
نحنا في العكة الاستبق بيها يوسف مشكلته مع معتز ونشر (نداءه الأبوي الانساني) أعلاه وأهو منتظرين أحمد ياسين يجينا بالنجيضة من محمد ضرار ومن معتز والباقين الباقي بجيبو أنا دا من بطن المنبر ومن 2002.
فالراجل حريص يسوق لأعماله أخنق فطس من خلال الشباب ودي عادتو، ويبدو لي الشباب بيجاملوهو توقيراً
وأرجو يا موصلي أن توفر وقتك للبحث عن شخصية الصحفية ملاذ وإذا لم تكن هناك شخصية بهذا الاسم والصفة أن تبحث عمن اختلقها
الواحد إذا كان مقيم في السودان ومعاهو قروش واجتهد شوية ممكن يكتشف مكان قبر الأستاذ محمود و من يقف وراء كتلة بيت الضيافة بل يستطيع أن يتتبع آثار مسيرة سيدنا موسى وسيدتنا هاجر و أي حاجة
10-28-2018, 06:30 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
معليش ياشباب على التاخير .بس اخلص واجيكم برواقة البوست دا عايز موسيقى تصويرية عشان اﻻكشن الفيهو والمشاهدة تكون برضو باﻻذن مع العين عشان التاثير يكون اقوى واجمل ﻻنه بدون المؤثرات حيكون فيلم من بطولة شارلي شابلن وانا واستاذي العزيز يوسف عايزين الموسيقى التصويرية للفيلم دا بنفس مستوى ( انشودة ﻻرا) في فيلم دكتور زيفاغو ل المؤلف الموسيقى (موريس جار)واخد عليهو اﻻوسكار كاحسن موسيقى.. بطولة عمر الشريف عشان ما تكون في البوست اصوات البونية بتاعت الفيلم الهندي وما اعلاها واقواها من بونية. وحنشوف حكاية البتاعة المدورة دي وحكاية ( يا ملاذ )
10-29-2018, 00:07 AM
محمد جبره محمد جبره
تاريخ التسجيل: 01-12-2013
مجموع المشاركات: 940
في كلام ضرار في جزئية لابد من الرد عليها من قبل استاذنا الموصلي ...
وهي اتهام ضرار له بانه اصر على الوقوف امام الكاميرا كقائد للاوركسترا في اغنية لمنى مجدي في حين ان القائد الحقيقي للاوركسترا(حسام عبدالسلام ) كان خلف الكواليس او خارج الكادر وهو صاحب توزيع اللحن تفسه .
مع اكيد احترامنا وتقديرنا للاستاذ الموصلي
تحياتي
10-29-2018, 02:13 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
غباء هذ الحوار يذكرني بغباء تنفيذ قتل خاشوقجي (لم يتركوا خطأً إلا وارتكبوه) لم تترك المقابلة سؤالا موجَّها وتحريضيا و ذا غرض إلا وسألته بغباء
كان من الممكن لصاحب الغرض أن يكتب مقالا ينتقد ويهاجم فيه الموصلي أو أن يكتب محمد ضرار بنفسه ويقول ما يريد قوله فهذا حق مشروع ولا غبار عليه ولا أحد فوق النقد
لكن أن يلجأ صاحب الغرض لاستغباء القراء بهذه الطريقة الفجة وبعد ذلك ننتظر من الموصلي أن يرد فهذا لعمري منتهى الاستخفاف والاستهزاء بالعقول
10-29-2018, 06:14 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
في هذا الحوار .. كلام استاذنا المايسترو من البداية عن صاحب الفكرة (عازف الكمان الجميل عثمان محي الدين) (ولم يبخسه حقه) كما اُشيع دا في الدقيقة (3.40) .. وعن مساهمات الاخوة وليد الجاك ومحمد ضرار حامد ضرار وغيرهم .. تجدونه في الدقيقة (6.00) ودي اصلا من شيم الفنان الناجح المتمكن من ادواته وواثق في عمله وفكره .. لا (يستنكف) ان يعرض وينسر ويشيد ويشكر مساهمات كل من شاركه العمل .. اي عمل كان وخاصة في الاعمال الفنية وممكن لانسان متعجرف ان يرفض اي تدخل لاي عازف حتى ولو باضافة (مازورة) واحدة للعمل مشاهدة واستماع ممتع
ودي البداية فقط وبنحاول اذا شاء الكريم ان يتم الاتصال بالاخ محمد ضرار
10-29-2018, 06:22 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: سلامات عزيزي احمد يس... المقتبس الفوق دا تحديداً مفترض ما يجي منك انت بهذه الطريقة ابدا لأنك عارف القروش و العدادات دي هم الشغل الوحيد لاخوانك ديل.
طيب المسألة مقاضاة ومحاكم وقروش ومطالبة بمبلغ (370800) جنيه .. اتفقنا؟ هل من الادب ان انا (كعازف) عندي خلاف مادي مع الاساتذة / يوسف الموصلي او مع محمد حامد جوار في حقوق مادية او سمها عدادات او اي كانت .. ليه اجي اقول انا بقول ليهو ارفع يدينك وقول ون تو والبتاعة المدورة بقيف فيها ساكت او توزيعه ماعارف شنو وماكتب النوتات ووووووو انا شخصيا اقول يستحيل يحصل زي دا واطعن في مقدرات اساتذة بحجم الموصلي او محمد حامد دا الفهم الانا قصدته ياعزيزي سفيان
10-29-2018, 06:28 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: بتطعن في قدراته وحسن سلوكه إذن! مسائل مثل قدرات التواصل والعمل في فريق دي أهم حاجة في الفرق الموسيقية، بل في أي وظيفة عامة فإذا بتنعته بالثرثرة وعدم الإقناع وتجريح (الأساتذة) خليت ليهو شنو تاني غير ضبح الكمنجة؟ ومن شابه أستاذه فما ظلم.
للمرة الثانية ما تحاول (تجر) الكلام الانا قلته لمنحى فيهو اساءة مني لاي كان وانا بقولها للمرة العاشرة انا ابدا ما شككت في مقدراته الفنية ولا في اخلاقه انا كلامي اظن كان واضح .. ارجو فقط ان تكف عن محاولاتك المتكررة في تشعيب الموضوع والجرجرة خارج الاطار المقصود
10-29-2018, 06:35 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
صراحة مرت علينا حوارات ادبية وفنية كتيرة جدا وخلافات كبيرة جدا بين فنانين وعازفين وشعراء وملحنين بعضها وصل للساحات القضاء وتمت فيها مقاطعة لسنوات طويلة .. حتى مابينهم سلام ولكن كان (الاحترام) موجود والود موجود و(الادب) موجود لم نسمع يوما ان اساء حتى ولو (فنيا) احدهم للاخر على صفحات الصحف او وسائل الاعلام المختلفة ولم نقرأ ان فلانا لم يدفع لفلان مبلغ ما وهاجم هذا الاخير وقال ان فلان لا يلحن كويس او يؤدي كويس او ما بعرف يؤدي او يوزع او اوو خاصة بالصورة السمجة والهبلة والرخيصة التي ظهرت في ريبورتاج ... لان الحوار نفسه هجوم فقط وتقليل من شان الناس ولا يمت للفن بــ .. صلة اول مرة اشوف ولا اقول (اقرأ) كلام بهذا الشكل
10-29-2018, 09:42 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: في هذا الحوار .. كلام استاذنا المايسترو من البداية عن صاحب الفكرة (عازف الكمان الجميل عثمان محي الدين) (ولم يبخسه حقه) كما اُشيع دا في الدقيقة
في الحقيقة بخسهم حقهم، فهو حصر مساهماتهم في (التنويت) بينما فيهم من لحن ووزع وأدار الفرقة ونفذ من خلف الكواليس (بحسب كلام محمد ضرار).
كلامه عن محمد ضرار برضو فيهو تبخيس واضح فهو أراد أن يجعله مجرد (مساعد) فقال: الدقيقة 6:13
Quote: زي الزول (البيساعدني) في الأوركسترا الراجل الجميل ضرار
ولم يذكر اسم (حسام عبد السلام) صاحب الفضل في التنازل عن (البتاعة المدورة) ونقل الملكية التنفيذية لأستاذك، وهو (موزع) حسب المذكور، وربما كره أستاذك ذكر ذلك.
وأنكر مقدرة غيره على التوزيع وسماهو (تنظيم) يقصد أنها ما توزيع، فالتوزيع في عرف أستاذك ما بيعرف ليهو إلا أبوجاكومة، ودا التبخيس كتابة أثناء عرض حلقات البرنامج، شفت كيف!
Quote: الكثير جدا من الاعمال غير موزع والبعض منه "تنظيم وليس توزيع" كما انني قمت بتوزيع ٥ اعمال فقط Re: المايستروRe: المايسترو
الدقيقة 14:40 إلى 14:40
Quote: هنا الإيقاع بيكون أكثر وضوحا وأقرب للمفهوم الغربي
أمسك لي الكلام دا ليوم كيبور، خارج موضوع البوست دا، وهو انت قايل المآسي دي جات من وين.
الدقيقة 16:11 إلى 16:24
Quote: إذن نحنا مفروض نصبر على الفنانين الجدد ديل نديهم فرصتهم في النمو واكتساب الخبرات ونعرضهم من خلال في برامج زي دي مش نخليهم يجتروا في أغنيات الماضي
هي سمح يا يوسف أغانيك الحايم بيها وسط الشباب ماياها أغاني الماضي الدايرهم (يجتروها) ليك! الجرران دا شين في حق التانيين وسمح في حقك أنتا؟
=========
Quote: ليه اجي اقول انا بقول ليهو ارفع يدينك وقول ون تو والبتاعة المدورة بقيف فيها ساكت او توزيعه ماعارف شنو وماكتب النوتات ووووووو انا شخصيا اقول يستحيل يحصل زي دا واطعن في مقدرات اساتذة بحجم الموصلي او محمد حامد دا الفهم الانا قصدته ياعزيزي سفيان
ما تحاول تضلل الناس يا أحمد ياسين، كلام محمد ضرار مش (تعليمي). أي مدير فرقة عندو (إشارة) معينة بتفاهم بيها مع العازفين للبداية وأثناء العزف. كلام محمد ضرار أنا فهمت منو إنو دي (الإشارة) الهو معود العازفين عليها، ون تو ثري ومعاها رفعة يدين، دا كلام شين؟ فلو كان بيطرقع أصابعه كان حيقول ليهو (طقطق ليهم) ولو كان بيصفق كان برضو حيقول ليهم (صفق ليهم). والمدورات بتاعتين، واحدة للفنان والتانية مستلمها أستاذك، البتاعة المدورة حقت أستاذك أصغر.
Quote: للمرة الثانية ما تحاول (تجر) الكلام الانا قلته لمنحى فيهو اساءة مني لاي كان وانا بقولها للمرة العاشرة انا ابدا ما شككت في مقدراته الفنية ولا في اخلاقه انا كلامي اظن كان واضح ..
يا أحمد ياسين مافي جرجرة ودي ما المرة العاشرة تقولها، ولا التانية ذاتو. كلامك فيهو إساءة لأن بتشير لأحداث وبتبني عليها، كلام زي: === حضرت ليهو كم (شكلة) لاسباب مادية واخرى (فنية) === === واتعامل معاه بمنتهى الاستخفاف والعصبية === === لايمكن كلام فارغ زي دا يصدر من عازف كبير === === وطبعا الممكن يقود الاوركسترا في ادب وصمت و(قلة الكلام) والثرثرة و التعامل دون تجريح للاساتذة الكبار هو (وليد الجاك) ===
إذن هو بتاع مشاكل، وعصبي وبيستخف بزملاءه وكلامه فارغ ولا يقود الأوركسترا بأدب وثرثار وبيجرح الأساتذة الكبار.
وإساءتك دي أستاذك ما عملها، وهو مشكور، تقوم تتكفل بيها أنت بدل تناقش الموضوع؟ موضوع (النداء الأبوي) عالي التشفير دا. لو شايف كلامك دا ما إساءة صححني بالله.
Quote: صراحة مرت علينا حوارات ادبية وفنية كتيرة جدا وخلافات كبيرة جدا بين فنانين وعازفين وشعراء وملحنين بعضها وصل للساحات القضاء وتمت فيها مقاطعة لسنوات طويلة .. حتى مابينهم سلام ولكن كان (الاحترام) موجود والود موجود و(الادب) موجود لم نسمع يوما ان اساء حتى ولو (فنيا) احدهم للاخر على صفحات الصحف او وسائل الاعلام المختلفة ولم نقرأ ان فلانا لم يدفع لفلان مبلغ ما وهاجم هذا الاخير وقال ان فلان لا يلحن كويس او يؤدي كويس او ما بعرف يؤدي او يوزع او اوو خاصة بالصورة السمجة والهبلة والرخيصة التي ظهرت في ريبورتاج ... لان الحوار نفسه هجوم فقط وتقليل من شان الناس ولا يمت للفن بــ .. صلة اول مرة اشوف ولا اقول (اقرأ) كلام بهذا الشكل
أهو أنت في المنبر دا في شبكة الانترنت اسأت زميل ليك، المنبر وسيلة إعلامية مقروءة. جايز لم تسمع، لكنك بالتأكيد (قرأت) وهنا في المنبر دا، مشاكل بالكوم وأستاذك طرف فيها، شفت كيف! أرجع لاقتباسي عن كلام أستاذك بخصوص (يخربها)، الهجوم بيكون كيف في رأيك؟ أنا ما شايف في أي هجوم في النص المنشور على الموقع المعني، نقد عادي ونقل لأحداث إضافة لرأي شخصي جداً.
فما من العقل تصفه بالسماجة والهبالة والرخص، بل عليك تدحض المكتوب بالمنطق وبالحقائق، و(الشوف) قراية في حالتك دي تحديداً.
=========
دلوقت: أولاً: الموضوع هنا يا أحمد ياسين هو (النداء الأبوي) الفوق دا، باسم (رسالة أخيرة) ودا أنت ما أديتنا فيهو نجيضة. الإحالة للموقع الجبتو أنا كان لغرض مناقشة الحالة الأدت لنشر البوست (رسالة أخيرة ...) لكنك ذهبت بدل طرق الموضوع الأصلي لمهاجمة زميل ليك بغرض الدفاع عن أستاذك ونسيت موضوع (النداء الأبوي) رأيك فيهو شنو على ضوء قراءتي المتأنية والدقيقة ليهو؟
ثانياً: فيما يخص افتراعاتك
لم تتصل بمحمد ضرار للتحقق من صحة كلامه كما وعدت، بل عمدت للوسائل الملتيميديا، ودا أسلوب أستاذك، قول لي كيف، دا نفس العملو في بوست وردي، سجل كلام لواحد وجابو للناس ومعاهو شهادات منصوصة، بدل ما يواجه الموضوع مباشرة.
لم تتصل بإدارة الموقع لمخاطبة الصحفية حتى تعترض على اللقاء بل أتيت لتصفه بالرخص والهبل والسماجة.
لم تتأكد من حقيقة (معركة ذات الدائرة) ودي مافي أيسر منها، اسأل لنا أستاذك ياخ، دي أهم نقطة.
لم تستشهد بفنان حتى ترينا إنجازات أستاذك ومدى احترافيته في التنفيذ والتكنيك.
ثانياً: فيما يخص دفوعاتك بالفيديو
لم (يشاع تبخيس) بخصوص صاحب الفكرة، فالمكتوب أن أستاذك (الفكرة ما فكرتو) وهذا صحيح.
ما ذكر في حديث محمد ضرار يتعلق بمجهوده هو والآخرين الأدبي وحقوقهم المالية.
الفيديو بتاعك أغفل رد الحق (لموزع) تاني أراد أستاذك أن لا يوفيه حقه من الذكر.
رابعاً: فيما يخص الموضوع
لم تتصل بمعتز صباحي للتحقق من موضوع (النداء الأبوي) وأن سبب غيابه (ظروف خاصة).
لم تعلق عن إحالاتي واقتباساتي في ذات التهم التي بدأت تكيلها لمحمد ضرار، موضوع العدادات وإساءتك المكررة ليهو.
___ خلي أستاذك يجي يدير معاركه بنفسو.
10-29-2018, 01:20 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: رأيك فيهو شنو على ضوء قراءتي المتأنية والدقيقة ليهو؟
يا شفت يا دقيق يا متأني أنا فضل لي أيام واغادر السودان بطلب منك تجيب قزازتين موية صحة ؤ تقابلني جنب محطة البلابل، إيآك ثم إيآك تعمل فيها دايخ ؤ تجي تقول لي ما خبرت محطة البلابل .
الإمضاء، معو كما يحلو لك مناداتي ...
10-29-2018, 03:04 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: إذن نحنا مفروض نصبر على الفنانين الجدد ديل نديهم فرصتهم في النمو واكتساب الخبرات ونعرضهم من خلال في برامج زي دي مش نخليهم يجتروا في أغنيات الماضي
ومعاهن أمانيك السندسية، ديل براهن مجموع أعمارهن ما بيصل واحد قرن؟ عدد 100 عام يا يوسف، مية سنة هي مجموع أعمار تلاتة من أغانيك البتلقمها للشباب عشان يجتروها بدلك. فكونك تديهن لشاب صغير وتقعد تلاحقو ما معناها بقن أغاني جديدات، ولا معناها أديتو (فرصة)، بل أديت نفسك فرصة تتمدد على حساب فرص ظهور إبداعهم هم.
ولا أنت ما شايفن ديل أغاني من الماضي؟ ديل ما أغاني الجرورة ذاتا يا يوسف!
Quote: وعن مساهمات الاخوة وليد الجاك ومحمد ضرار حامد ضرار وغيرهم .. تجدونه في الدقيقة (6.00
طيب كويس محمد ضرار في إفاداته بيقول إنو في أستاذ اسمو أحمد البلال فضل المولى عندو 80% من غناء الشباب الاتعرض في البرنامج، ومع ذلك ما سمعنا اسمو في الفيديو بتاعك، الحاصل شنو يا أحمد ياسين؟ أستاذك ما بيدور المنجزين ولا شنو؟
مذكور برضو إنو أستاذك استمر يقول بأنو (زبط) غنا الشباب، أنا ما متأكد لكن أهي فرصة أرجع أشوف التمانية وعشرين حلقة الما شفتهن.
الدقيقة 16:11 إلى 16:24
Quote: إذن نحنا مفروض نصبر على الفنانين الجدد ديل نديهم فرصتهم في النمو واكتساب الخبرات ونعرضهم من خلال في برامج زي دي مش نخليهم يجتروا في أغنيات الماضي
طيب يا يوسف أها برضو في إفادات محمد ضرار قال إنو في فنانة اسمها نادية الطيب أنت فرضت عليها الغنا بتاعك وحدك لا شريك لك لأنك أنت الجبتها للبرنامج، فإذا الخبر دا صحيح يبقى نحنا أمام حالة تلبس غريبة جداً، وياكا الراجع لكلامي يعني مش (جرورة) غنا ماضي بس، لا، بل احتكار وزندية راصا عديل، معقولة دا كلو يمرق منك يا (أستاذ)! كيف يعني داير فنانة تنمو وتكتسب خبرات بطريقتك دي؟ لو صح الكلام دا يبقى سبب معتز صباحي اتعرف.
أنت يا أحمد ياسين تاني المعروضات البتجيبا دي استعرضا أول بعدين ختها لي هنا، أنا ما كريم عشان أمر زي الكرام.
____ قبلك يا أحمد ياسين في واحد متخلف جاب فيديو الشاب خالد حاج إبراهيم مناصرة لأستاذك واضطر يعرطو من اليوتيوب ويقطع دابرو جت، داك ياهو محلو نقعة ساي.
10-29-2018, 07:00 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: طيب المسألة مقاضاة ومحاكم وقروش ومطالبة بمبلغ (370800) جنيه .. اتفقنا؟ هل من الادب ان انا (كعازف) عندي خلاف مادي مع الاساتذة / يوسف الموصلي او مع محمد حامد جوار في حقوق مادية او سمها عدادات او اي كانت .. ليه اجي اقول انا بقول ليهو ارفع يدينك وقول ون تو والبتاعة المدورة بقيف فيها ساكت او توزيعه ماعارف شنو وماكتب النوتات ووووووو انا شخصيا اقول يستحيل يحصل زي دا واطعن في مقدرات اساتذة بحجم الموصلي او محمد حامد دا الفهم الانا قصدته ياعزيزي سفيان
سلامات يا احمد الشبح ههههههههه يا صديقي العزيز انا متفهم تمام وجهة نظرك كما أحب أن أوضح لك انو حديثي في الناحية المالية حديث منفصل و هو ليس لهو اي علاقة بالموصلي و القصة دي اظن واضحة لذلك جاء عتابي لك في حديثك عن مطالبتهم بحقهم المالي. مع العلم ان محمد ضرار قد ذكر اسامي محددة في خصوص حقهم و مطالبتهم المالية.
10-29-2018, 09:10 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: أنت يا أحمد ياسين تاني المعروضات البتجيبا دي استعرضا أول بعدين ختها لي هنا، أنا ما كريم عشان أمر زي الكرام.
انا ارفقت الفيديو عشان اوضح فيه حاجتين في غاية اﻻهمية اوﻻ: اﻻستاذ المايسترو بتاعنا ذكر ان الفكرة فكرة عثمان محي الدين ثانيا: وهو اﻻهم كلامه الطيب عن محمدضرار والفرقة عموما ومشاركتهم الفاعلة .... اذا سمح لي استاذي وبعد ان استأذن منه اوﻻ وانا مقدر ومدرك لحجم مشاغله ومشروعه الفني حتى اتصل باﻻخ محمد ضرار
10-29-2018, 11:21 PM
Elmosley Elmosley
تاريخ التسجيل: 03-14-2002
مجموع المشاركات: 34683
حبيبنا احمد والزملاء هنا انتم ادرى بالمثل القائل الكلب ينبح والجمل ماشي اصلا حاتم بي كلام ضرار وبدونه جاهز ليستغل اي حاجة للنيل من الموصلي انا تركت الموضوع للقضاء والان ضرار غالبا يكون قد رفعت عنه الحصانة لانه رائد في الجيش ولو لاحطتم في الحلقات الاخيرة هو وصفني بالهرم فما هو الجديد والان بعد ان قرأت هذا اللينك الذي جلبه متعدد الشخصيات واشتغل ردحي اليوم انا في طريقي لنيابة الجريمة الاليكترونية حيث اقدم شكوتين الاولى ضد ضرار والصحفية ملاذ والثانية ضد حاتم ابراهيم يعني ما عندي كلام اقوله هنا الكلام في المحكمة بكري ابوبكر سيتم الاتصال به بالقانون ليعطينا اسم وعنوان المدعو حاتم عشان كده اخوي احمد يس والاحبة هنا لا تتوقعوا مني ان ادخل في حوار لشئ اصبح في يد القضاء حاجة بسيطة لتفهموها انني انا الذي عين ضرار وان نفس هذه المجموموعة من العازفين هي التي عزفت في برنامج الاستاذة سلمى وسجلوا فيه قبل برنامجي فاين ذلك البرنامج من النجاح ان نجاح المايسترو اصبح مثل عصا موسى فاثار الحسد والحقد والحنق بين بعض الموسيقيين وبعض المرضى النفسيين الذين سيكون القضاء داخل وخارج السودان علاجا ناجعا لهم بالنسبة لفكرة البرنامج اليكم الاتي انا والاخ عثمان محي الدين نتناقش دوما في اجازاتي حول ضرورة استقراري بالسودان وعن مشاريعي ودوما وعندما عرضت عليه فكرة برنامج مسابقة افريقية للدول حول السودان اشبه ببرامج الايدول وهو مجاز باسمي في المصنفات اتفقنا ان نعمل برنامج سوداني اوع فيه الاغنيات واقود فيه الاوركسترا واحللها برنامج يجمع بين الاجيال القديمة والحديثة وكان مفروض هو يساعدني باعتبار انه يعرف وجدي ميرغني ولكنه لم يفعل ذلك اخبرت هادية طلسم بالامر فقالت لي جهز المشروع كدراسة وجهزته واخطرت بدورها الاستاذ وجدي بالامر وقبل نسبة لعلاقته الوثيقة بهادية طلسم تقابلنا انا ووجدي واجتمعنا وعرضت عليه الثلاث مشروعات واقرها جميعا ثم اخطر الاستاذ الطاهر الذي اشاد بخطوتي وقال بانني فعلت حسنا بمقابلة الاستاذ وجدي لانه هو الذي يمول الزميل عثمان انا ذكرت في حلقة قبل بث البرنامج بانه تحديدا صاحب اسم البرنامج المايستروا الذي كان يمكن ان يصبح "الكوندكتور" وهو ايضا قائد الاوركسترا والاسم ليس بجديد فدكتور عبد الله شمو كان له برنامج اذاعي اسمه "المايسترو استمر ٤ سنوات" ولكن التفاصيل الداخلية من بنات افكاري وحدي وهومجاز باسمي انا في لجنة المصنفات الفنية وحق الاداء العلني سارفق الصورة لاحقا لاخراس الالسنة الحاقدة اوفيت انا لعثمان تقديرا منه لحثي مرارا وتكرارا للبقاء في السودان وهو مازال يحتفظ بالورقة التي كتبتها بيدي اوصي بقبوله بمعهد الموسيقى ضرار قال في هذا الربورتاج المصمم خصيصا للهجوم على شخصي بان اسمي هو من الاسباب الرئيسية لنجاح البرنامج وقالها اول امس في اجتماع مشترك للتسامح بطلب من الزملاء الموسيقيين طالبين مني عدم الاضرار بضرار لان فايل القضية اذا دخل ملفه فان ذلك سيؤذيه وتم لومه من قبل الجميع وتأثر وانا وافقت لخاطر الزملاء على سحب القضية وبعد عودتي للمنزل بنية الذهاب في الصباح لسحب فايل التقاضى فاذا بي افاجأ برسالة جائتني من محب وزميل هنا بسودانيس غاضب مما يفعله حاتم يخبرني بما يحدث في هذا البوست زاجد كلام حاتم الحاقد واجد "الليك" فارسلته للوملاء الموسيقيين مرفقا بلين هذا البوست لاخبرهم بان ضرار لم يكتف بما قاله في جريدة الجريدة وانما سدر في غيه وما كنت لاكتشف الموصوع لولا السيد "شوبير" ابراهيم فعل فعلته هذه تشفيا وحقدا اواخطرت الزملاء بالاستمرار في التقاضي بل ان المحامين قالو لي ان الجريمة الثانية التي لم نكن نعرفها وهوماجاء في هذا الربورتاج الذي جاء به حاقد ابراهيم ستكون اشد عقابا لانها اليكترونية "منهم نتعلم" لكانت القضية الاولى قد تم سحبها بالامس
سينا ضرار عقابه في السودان وسينال حاتم ذلك داخل او خارج السودان هنيئا لك يا حاتم لاضرارك بضرار وشيل شيلتك معاهو وهذا ليعرف الجميع كيف يتفنن ويستمتع حاتم بالايذاء للاخرين
تحياتي ياموصلي ... غايتو انا برضو ماشايف أي سبب للقضاء .. أصلا مافي حيثيات تقدر تعتمد عليها لادانة الاتنين .. كل الكلام الموجود عبارة عن آراء ووجهات نظر عادية .. حتى لو جاءت بالسلب فهي لاترقى لتكون دليل إدانة .. اكيد انت ما منتظر كل الناس تجمع على وجهة نظر موجبة تجاهك.. عادي جدا ممكن تلقى كثيرين شايفين إنك مش فنان ولا موسيقار .. وده بيرجع لذائقتهم وزوقهم في الموسيقى والغناء .. انت نفسك ابديت رأيك ووجهة نظرك في فهم البعض للموسيقى ,, فهل مشوا اشتكوك ؟ .. ما تتحسس ساي ياأستاذ .. رد عليهم بالحجة والبرهان واكيد المتلقي واعي وحيعرف وين الصاح بعدين سهام النقد نالت الكثيرين فهل كلهم اتجهوا للقضاء؟ ..
عليك الله كان طيبت خاطر أعضاء الفرقة الموسيقية.. واتبرعت ليهم بي عداداتهم الراحت دي ما كانت إتحسبت ليك جميلة .. فلا كان محمد ضرار قال رأيه السالب فيك .. ولا كانت الصحفية توفرت ليها فرصة للتشكيك في مقدراتك ولا كان حاتم إبراهيم لقى سبب يقول وجهة نظر سالبة وماتعجبك .. زي ماقلت ليك الشغلة كلها فرص وكان في الامكان أفضل مما كان غايتو بخت المحامين حيترزقوا ورزق زول مابياكلو زول .. كان اخير القريشات دي مشت للعازفين المساكين ديل .. القعدوا بالساعات الطوال وبذلوا مجهود عظيم .. لانجاح البرنامج وفي النهاية اتنهزروا .. وتم اهمالهم من ادارة القناة ومرقوا ملوص ساي .. كان تحل ليهم قضيتهم السبتت كل الاشكال ده .. عليك الله ما كان ارتحت وريحتهم .. ربنا يوفق الجميع ويهدي النفوس ..
تحياتي وتقديري لك ولزوار البوست ..
10-30-2018, 05:44 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
استاذنا وحبيبنا يوسف.. معليش يا مربينا الفاضل.. الواحد يتخاطب معاك وهو جالس فا ...عقوا ذكرتني ب الــ (كوندكتور) وتعريفك بانه Leader اوف (orchestra) و(مترجم) للموسيقى بحركة يديه (الاثنتين) او بـ ال (Baton) والكلام الجميل الذي مازال راسخا في ثقافة كثير من تلاميذك الموسيقية... لكن اسلوب (يرفع يدينو) دي عمرنا ماسمعنا بيها ولا تمت للفن الراقي وللموسيقى وللفكر باي صلة ونتمنى ما نسمعها عموما انت بى ردك كفيت ووفيت وكل الاخوة في المنبر عارفين انك بعيد عن المهاترات وسفاسف الامور البتحدث في بعض الاوساط واعتقد يا استاذي زي ما سمعت ان ممكن التسوية تتم باصدار( محمد ضرار حامد ضرار) في حال - اذا ثبت - انه ذكر ذلك - سيقوم باصدار بيان وباعتذار واضح لشخصكم الكريم.. حتى لا يصيبه اي ضرر وكلنا ثقة في سعة صدركم وحسن الخلق ونعرف جميعا ان قلبك ملىء بالرحمة دا كان حيكون عنوان الفيديو القادم The composer Vs The musician
10-30-2018, 05:31 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: حبيبنا احمد والزملاء هنا انتم ادرى بالمثل القائل الكلب ينبح والجمل ماشي اصلا حاتم بي كلام ضرار وبدونه جاهز ليستغل اي حاجة للنيل من الموصلي انا تركت الموضوع للقضاء والان ضرار غالبا يكون قد رفعت عنه الحصانة لانه رائد في الجيش ولو لاحطتم في الحلقات الاخيرة هو وصفني بالهرم فما هو الجديد والان بعد ان قرأت هذا اللينك الذي جلبه متعدد الشخصيات واشتغل ردحي اليوم انا في طريقي لنيابة الجريمة الاليكترونية حيث اقدم شكوتين الاولى ضد ضرار والصحفية ملاذ والثانية ضد حاتم ابراهيم يعني ما عندي كلام اقوله هنا الكلام في المحكمة بكري ابوبكر سيتم الاتصال به بالقانون ليعطينا اسم وعنوان المدعو حاتم عشان كده اخوي احمد يس والاحبة هنا لا تتوقعوا مني ان ادخل في حوار لشئ اصبح في يد القضاء حاجة بسيطة لتفهموها انني انا الذي عين ضرار وان نفس هذه المجموموعة من العازفين هي التي عزفت في برنامج الاستاذة سلمى وسجلوا فيه قبل برنامجي فاين ذلك البرنامج من النجاح ان نجاح المايسترو اصبح مثل عصا موسى فاثار الحسد والحقد والحنق بين بعض الموسيقيين وبعض المرضى النفسيين الذين سيكون القضاء داخل وخارج السودان علاجا ناجعا لهم بالنسبة لفكرة البرنامج اليكم الاتي انا والاخ عثمان محي الدين نتناقش دوما في اجازاتي حول ضرورة استقراري بالسودان وعن مشاريعي ودوما وعندما عرضت عليه فكرة برنامج مسابقة افريقية للدول حول السودان اشبه ببرامج الايدول وهو مجاز باسمي في المصنفات اتفقنا ان نعمل برنامج سوداني اوع فيه الاغنيات واقود فيه الاوركسترا واحللها برنامج يجمع بين الاجيال القديمة والحديثة وكان مفروض هو يساعدني باعتبار انه يعرف وجدي ميرغني ولكنه لم يفعل ذلك اخبرت هادية طلسم بالامر فقالت لي جهز المشروع كدراسة وجهزته واخطرت بدورها الاستاذ وجدي بالامر وقبل نسبة لعلاقته الوثيقة بهادية طلسم تقابلنا انا ووجدي واجتمعنا وعرضت عليه الثلاث مشروعات واقرها جميعا ثم اخطر الاستاذ الطاهر الذي اشاد بخطوتي وقال بانني فعلت حسنا بمقابلة الاستاذ وجدي لانه هو الذي يمول الزميل عثمان انا ذكرت في حلقة قبل بث البرنامج بانه تحديدا صاحب اسم البرنامج المايستروا الذي كان يمكن ان يصبح "الكوندكتور" وهو ايضا قائد الاوركسترا والاسم ليس بجديد فدكتور عبد الله شمو كان له برنامج اذاعي اسمه "المايسترو استمر ٤ سنوات" ولكن التفاصيل الداخلية من بنات افكاري وحدي وهومجاز باسمي انا في لجنة المصنفات الفنية وحق الاداء العلني سارفق الصورة لاحقا لاخراس الالسنة الحاقدة اوفيت انا لعثمان تقديرا منه لحثي مرارا وتكرارا للبقاء في السودان وهو مازال يحتفظ بالورقة التي كتبتها بيدي اوصي بقبوله بمعهد الموسيقى ضرار قال في هذا الربورتاج المصمم خصيصا للهجوم على شخصي بان اسمي هو من الاسباب الرئيسية لنجاح البرنامج وقالها اول امس في اجتماع مشترك للتسامح بطلب من الزملاء الموسيقيين طالبين مني عدم الاضرار بضرار لان فايل القضية اذا دخل ملفه فان ذلك سيؤذيه وتم لومه من قبل الجميع وتأثر وانا وافقت لخاطر الزملاء على سحب القضية وبعد عودتي للمنزل بنية الذهاب في الصباح لسحب فايل التقاضى فاذا بي افاجأ برسالة جائتني من محب وزميل هنا بسودانيس غاضب مما يفعله حاتم يخبرني بما يحدث في هذا البوست زاجد كلام حاتم الحاقد واجد "الليك" فارسلته للوملاء الموسيقيين مرفقا بلين هذا البوست لاخبرهم بان ضرار لم يكتف بما قاله في جريدة الجريدة وانما سدر في غيه وما كنت لاكتشف الموصوع لولا السيد "شوبير" ابراهيم فعل فعلته هذه تشفيا وحقدا اواخطرت الزملاء بالاستمرار في التقاضي بل ان المحامين قالو لي ان الجريمة الثانية التي لم نكن نعرفها وهوماجاء في هذا الربورتاج الذي جاء به حاقد ابراهيم ستكون اشد عقابا لانها اليكترونية "منهم نتعلم" لكانت القضية الاولى قد تم سحبها بالامس
سينا ضرار عقابه في السودان وسينال حاتم ذلك داخل او خارج السودان هنيئا لك يا حاتم لاضرارك بضرار وشيل شيلتك معاهو وهذا ليعرف الجميع كيف يتفنن ويستمتع حاتم بالايذاء للاخرين
(الكلب) دا نعلو ما أنا؟
يوسف كيفك؟ ومشكور مرتين وتلاتة إنك أخيراً (جيت)!
ياخي في الدنيا دي في حاجة منطق وللأسف تاريخي في المنبر دا معاك أنت تحديداً بيشهد بتناول منطقي بعيد عن (الإضرار والأذية) سواء تمت بالرقع أو بالترويج (للتكبيع) أو النعوت لتربية الأهل، أو التلميح للجداد والديوك وغير ذلك، لأنها إشارات سلبية، تشي بالعجز عن تقديم إجابات مقنعة.
بل أنا بقيت (عندك) "كديسة" يا يوسف، شفت (الأذية) كيف لمن تجي في العرض، بس الما عرفتها لغاية الآن هي (شيكان)، وشيلتي أنا بقدر على شيلها يا يوسف! أما تهديداتك بالتجريم الإلكتروني وبالعقوبات فلكل حادثة حديث.
أهااااا أنا (عاينت) كرتين وتلاتة (للنداء الأبوي) في رسالتك الأخيرة وما استغربت اللغة بتاعتك، ما بتغباني. لكن دا خليهو لوقته، أنا هسع جيت (فرحان) لأنك (جيت) ترد براك! ولدنا أحمد ياسين جا يكحلها عماها قد عينا.
بعدين (يحقدوا) عليك في شنو؟ ياخي أنا ليوم الليلة محتار أنت كيف (استدعوك) عشان توزع للشاب خالد حاج إبراهيم وما نسمع منك تأكيد بل تكتب على رؤوس الأشهاد ما معناهو بأنك (قنعتا) من تكليف التوزيع (بالقعاد) في حضرة الشاب، أنت دا ذااااتك البتوصفنا بالكلاب، فهنا نحنا والله كنا عايزين نقدم ليك مباركة وتهنئة متأخرة بالقعدة تقوم تتهمنا بالحقد!
فدلوقتي دي رمية سريعة عشان مستعجل، لكن بقول شنو، رسالتك الفوق دي ما كريمة والله في حق شاب أنت بتقول عليهو (ابن) ومن الواضح إنو في شيء أنت ما قلتو بوضوح هنا. وبالتأكيد الكل يلمس تلميحاتك في الرسالة وبعضها مهين صراحة، مهين جداً يا يوسف أن تلمح (للمرض العضال) في الوسيط الإلكتروني دا ومن حقنا نستوضحك طالما عرضت الموضوع قدامنا.
دلوقتي:
Quote: ١ الاغنية جديدة بالنسبة له استلمها اسبوع قبل تسديلها وهي ليست سهلة وكنت احاول تأجيلها ولكنه احبها بشدة واصر على غنائها واثقا من نفسه Re: المايستروRe: المايسترو
كلامك الفوق دا مناقض للمنشور في الموقع، وبالتأكيد ممكن نستشف حجم (محبته وإصراره) على أغنيتك بس من أسلوب الرسالة بتاعتك الفوق.
وبالقياس بالمذكور عن الفنانة نادية الطيب وتصريحاتك التحت دي فوالله بنلقى نفسنا محتارين أنت داير تقول شنو بالضبط؟
Quote: فعلا القصد من هذا البرنامج هو اتاحة الفرصة للشباب ليتغنو باغنياتهم اختلفنا ام اتفقنا معها فهذا جيل يمثل جيل مختلف ومن حقهم ان يعبرو عنه Re: المايستروRe: المايسترو +++ === إذن نحنا مفروض نصبر على الفنانين الجدد ديل نديهم فرصتهم في النمو واكتساب الخبرات ونعرضهم من خلال في برامج زي دي مش نخليهم يجتروا في أغنيات الماضي ===
فكيف تقول (إتاحة الفرصة ليتغنوا بأغنياتهم) وفي نفس الوقت نكتشف أنك عايز تلقن (أغنيتك) في أسبوع واحد لشاب عنده أعماله الخاصة، شفتها أنا فالراجل حتى ما حافظ كلماتها وبيقراها من ورقة! أيعقل هذا يا أستاذ؟
___ فالموضوع ما بالبساطة البتكتب بيها.
10-30-2018, 06:04 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: انا ارفقت الفيديو عشان اوضح فيه حاجتين في غاية اﻻهمية اوﻻ: اﻻستاذ المايسترو بتاعنا ذكر ان الفكرة فكرة عثمان محي الدين ثانيا: وهو اﻻهم كلامه الطيب عن محمدضرار والفرقة عموما ومشاركتهم الفاعلة .... اذا سمح لي استاذي وبعد ان استأذن منه اوﻻ وانا مقدر ومدرك لحجم مشاغله ومشروعه الفني حتى اتصل باﻻخ محمد ضرار
أولاً: موضوع الفكرة دي أنا قلت فوق إنو أصلاً مافي إشاعة تبخيس أو محاولة إنكار من أي طرف. ثانياً: ولو إنو دا مفترع عملته أنت خارج موضوع البوست بسبب هجومك على زميلك، بس كلامك عن أستاذك لم يجب عن أسئلتي.
والله يا أحمد ياسين أهو أستاذك جاء، ونأمل في توضيحات منه، فأنت فشلت في تقديم مرافعة مقنعة.
____ أنت استرح بعد دا.
=============
Quote: زي كلام ضرار الرد عليهو ساهل جداً من شخصك وتبيان موقفك مما شكى منه ، اكيد فيهو مما يليك وفيهو حاجات تانية انت ما عندك فيها يد +++ لكن في رأيي الشخصي كان الاولى اولاً تبيان الحقائق للقراء والاعضاء هنا فهذا مهم جداً لشخص في قامتك
عشان كدة يا أخ هيثم أنا قلت إنو البوست كله استباق لخلق فكرة عامة قد تكون مغايرة للواقع. وأهو جاء يكلمنا عن (الألسن الحاقدة) بدل أن يوفر أسباب مقنعة لفتح البوست (الرسالي) دا.
فكان الأفضل ليهو أنه يكمل معاركه الخاصة خارج الإنترنت بدل ينقلها لينا هنا بمسمى (الضغط الجماهيري بالحب)! كمان لو مصر يشركنا فيها ويطلب دعمنا في ظرف (شح) المعلومات فعليهو توقع استفسارات زي حقتي دي.
___ وهو ملزم بالرد عليها، مع حقه في الشكاوي، وحقنا برضو.
10-30-2018, 06:21 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
أضم صوتي لمن سبقني ونرجو منك التوضيح للاتهامات الخطيرة التي وجهت إليك، وخصوصاً بأنك مهتم بالشأن العام، يعني مطالب أكثر بالتوضيح وخصوصاً الإتهام بتاع إنك استغليت السلطة المخولة لك وطالبت الفنانين بالغناء بأغانيك، يعني قضية فساد رأس عديل كدا واستغلال للسلطة، وكما أسلفت أنت مهتم بالشأن العام، ولو وضعوك في منصب حكومي سوف تستغل السلطة لخدمة مصالحك الخاصة، لولا أن تفندون.
كسرة: مع العلم بأني عندي رأي في أي فنان معارض يشارك في تلفزيون النظام، حتى أبو العركي البخيت الذي استشهدت به، فهو على حسب علمي هو الفنان الوحيد المبدئي الذي رفض المشاركة في تلفزيون النظام بجانب الراحل المقيم مصطفى سيد أحمد.
10-30-2018, 06:39 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: والله يا أحمد ياسين أهو أستاذك جاء، ونأمل في توضيحات منه فأنت فشلت في تقديم مرافعة مقنعة
والله ياحاتم ابراهيم اذا الدنيا دي كلها اترافعت عن الاستاذ المايسترو انت ما ما حترتدع ولا حتقنع بكلام العالم دا كله انت مشكلتك في موضوع الاستاذ ..، انت (اتجاه واحد) يعني بس يهمك تنال من شخصه ومن ومن ومن ومن اي نقد يتم توجيهه للاستاذ .. دا يعني لك طبق دسم يكون عيد لاولك وآخرك وبعدين يا حاتم يا ابراهيم الاستاذ مامحتاج واحد يترافع عنه او يدافع عنه البدافع عنه تاريخه الحافل وفكره وثقافته واعماله .. واسمه الكبير واسهاماته يعني احمد شنو وفلان شنو وعلان شنو ؟ البدافعوا عن هرم زي دا
سلامات الموصلي أنا متابع البوست من المدرجات - لكن غلبني السكات :) - ومن البداية منتظر اجابتك على استفسار ترهاقا
Quote: الحاصل شنو يا أستاذ يوسف؟ أرى تحت الرماد ومميض نارٍ
لأنه اللي قلتو إنت في البوست كلو نيران وليس وميض فقط
Quote: أعلم انك تعرضت لمشاكل جمة حتى في برنامجي المايسترو ولم اكن اعلمها. أنا نفسي يا ابني تعرضت لمالا كنت اتوقعة ممن كنت اعتقد انهم ابنائي وحاولو هدم صخرة التاريخ باظافرهم المتشققة. انهم لم يكن يعلمون أن جلد الموصلي اتخن من ان تجرحه اظافر اطفال حديثو الولادة حاولنا الاتفاق للتلاقي عدة مرات لاصلاح الحال فيما يختص بامرك بشكل عام وكما اخبرتك بانك ليس مشروع فنان سوداني كبير فحسب ولكنك مشروع لفنان عالمي ولكنك اخلفت كثيرا بالنسبة لاغنية الميعاد قد لا يعلم الكثيرون الظروف التي مرت بها حتى اداؤك لها من الورقة ولكنهم لم يكتشفوا الكم الهائل من التنويع الذي اضفته لها لذا فانني اطلب منك ان نسجلها باستديو وتصويرها وسيرى الناس معتز الذي احبوه سابقا وسينسوا مشاكل التسجيل التي صاحبتها
استشفيت من المقتبس ما يأتي: - في مشكلة كبيرة بينك وبين معتز صباحي - طلبت تلاقيهو عدة مرات وهو رافض يلاقيك - في مشكلة في تسجيل أغنية الميعاد - معتز أدى الأغنية من ورقة ودي كبيرة من الكبائر بحسب تعليقك عليها وتدل - كما فهمت - على عدم جاهزيته لأداء الأغنية - هاجمت ضرار همزاً ووصفته بحديث الولادة ذو الأظافر المتشققة رفضت الإدلاء بأي تصريح حول النقاط أعلاه وظل كلامك غمزاً على طريقة إياك أعني فافهمي يا جارة .. ما جعلني استغرب في سبب كتابتك البوست أساساً
تعرف مسبقاً أنني من المؤمنين بتحرش حاتم بك حتى لو أنكر وادعى الموضوعية لكن في هذا البوست بالذات كان المفتاح لفك تشفيره وبدونه لم يكن لأي قارئ أن يفهم الطلاسم والرسائل السرية التي بثثتها في البوست وأنت تزعم أنك تخاطب الجماهير انت من قمت باستدعاء هذه المعضلة الواقع فيها الآن ولا أحد غيرك مافي زول أصلاً كان بعرف موقع ريبورتاج ولا ورد خبر مشكلتك مع معتز وفريق البرنامج في أي صحيفة أو موقع .. وقبل تدويلك الموضوع بهذا المنشور كان الأمر شخصي يحل عبر التلفون والعلاقات الشخصية
لم أفهم كغيري سبب اللجوء للمحكمة؟ فأنت أحللت لنفسك شيل حال الزملاء هنا بدون مسوغ أخلاقي ثم تغضب لذات السلوك! يعني انت عاوز تهاجم الناس مستتراً بالتلميح ولما يتحلوا بالشجاعة ويهاجموك بالإسم توديهم المحكمة!!! ما الذي فعلته الصحفية العاوز تحاكمها دي غير طرح وجهة نظر ضرار؟ مفروض يحاكمها ضرار لو تقولت على لسانه وليس أنت حاتم عمل شنو غير نقل كلام الصحيفة وحلله؟ هل فتح بوست بالأمر أم أنت الفاتح؟ هل جاب سيرة الموضوع في المنبر أم أنت الناقل؟ أخيراً أنا كقارئ شايفك ما رديت على أي تساؤل في البوست اللي طرحته بنفسك وكل الحسيت بيه إنك عاوز تزوغ من مسئولية التبيان إلى شغل الناس بأمر المحكمة
10-30-2018, 06:50 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن اسلوب (يرفع يدينو) دي عمرنا ماسمعنا بيها ولا تمت للفن الراقي وللموسيقى وللفكر باي صلة ونتمنى ما نسمعها عموما انت بى ردك كفيت ووفيت وكل الاخوة في المنبر عارفين انك بعيد عن المهاترات وسفاسف الامور البتحدث في بعض الاوساط واعتقد يا استاذي زي ما سمعت ان ممكن التسوية تتم باصدار( محمد ضرار حامد ضرار) في حال - اذا ثبت - انه ذكر ذلك - سيقوم باصدار بيان وباعتذار واضح لشخصكم الكريم.. حتى لا يصيبه اي ضرر وكلنا ثقة في سعة صدركم وحسن الخلق ونعرف جميعا ان قلبك ملىء بالرحمة
هسع أستاذك قال زعلان من (رفعة يدينو)؟
Published on Sep 7, 2011
___ فالحلم قديم، اليدين الاتنين.
10-30-2018, 07:24 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
تحياتي استاذنا الموسيقار يوسف الموصلي ... لا أري في هذا البوست ما يستدعي عودتك مرة اخري .. اتمني منك ان تطلب من الأخ بكري او ان تقوم إنتا بإحالة هذا البوست الي مكتبتك (انا لا أعلم كيفية ايداع البوستات في المكتبة فالسبب واضح) ... لقد بدأ تجمع تيم الكاونتربوينت ويأملون في جرجرة الممطوط اصلا" ودليلي عودة اخونا وحبيبنا احمد محمد عمر القاعد علي الهبشه وسوف يتبعه دكتور لندن المحترم اول ما يفضي من لعب الوست ويقوم يجيك المستنير يتم الناقصة ... ومن فوق هؤلاء سوف تنعم بالطنباره ناس حتومي وناس اركب الزراف وناس شالو فوق ضرب بيهو الواطه ... تحياتي ...
10-30-2018, 03:10 PM
Elmosley Elmosley
تاريخ التسجيل: 03-14-2002
مجموع المشاركات: 34683
تحياتي استاذنا الموسيقار يوسف الموصلي ... لا أري في هذا البوست ما يستدعي عودتك مرة اخري .. اتمني منك ان تطلب من الأخ بكري او ان تقوم إنتا بإحالة هذا البوست الي مكتبتك (انا لا أعلم كيفية ايداع البوستات في المكتبة فالسبب واضح) ... لقد بدأ تجمع تيم الكاونتربوينت ويأملون في جرجرة الممطوط اصلا" ودليلي عودة اخونا وحبيبنا احمد محمد عمر القاعد علي الهبش
ههههههه معاك حق والله انا بس حبيت اوضح بعض الاشياء زولهم ده زروه الموسيقيين في نادي جنوب وكب الجرسة زكسر التلج قدامهم فضل متعدد الشخصيات زايغ من التربيزه لانوي فاضي وانا ما فاضي ليه ملكيتي للبرنامج وفكرته رسميا المسجل في المصنفات الفنية لاخراس الالسنة الدويلة
10-30-2018, 07:41 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: والله ياحاتم ابراهيم اذا الدنيا دي كلها اترافعت عن الاستاذ المايسترو انت ما ما حترتدع ولا حتقنع بكلام العالم دا كله انت مشكلتك في موضوع الاستاذ ..، انت (اتجاه واحد) يعني بس يهمك تنال من شخصه ومن ومن ومن ومن اي نقد يتم توجيهه للاستاذ .. دا يعني لك طبق دسم يكون عيد لاولك وآخرك وبعدين يا حاتم يا ابراهيم الاستاذ مامحتاج واحد يترافع عنه او يدافع عنه البدافع عنه تاريخه الحافل وفكره وثقافته واعماله .. واسمه الكبير واسهاماته يعني احمد شنو وفلان شنو وعلان شنو ؟ البدافعوا عن هرم زي دا
شوف يازول لما أستاذك كان بيروج لجملة من المغالطات هنا كنت أنا من يتصدى له وأنت من يدافع بدون حق. ولما كان بيزعم (استدعاؤه) لتوزيع أغنية تخيل للشاب خالد كنت أنا بحدسي من يكتشف ذلك، واضطر هو يحذف الفيديو
Quote: اول مره اسمع الاغنيه دي حينما طلبيت مني البرموتر توزيعها يالحظي الما حلو لكن صدقني لكن مستمتع بالعمل في توزيعها الذي كاد ان يكتمل Re: الي السودانيين في لاس فيجاس وما حولها تعالو لحفلنا في MGMRe: الي السودانيين في لاس فيجاس وما حولها تعالو لحفلنا في MGM +++ اها كمان الجماعه طلبوا مني اشتغل ليهم Imagine تخيل اها دي ما مسؤولية قدر الضربه؟؟ الله يكون في عوني علي بان أسعى Re: الي السودانيين في لاس فيجاس وما حولها تعالو لحفلنا في MGMRe: الي السودانيين في لاس فيجاس وما حولها تعالو لحفلنا في MGM +++ كيفك ليتك كنت معانا في البروفات عشان تشوف براك انو الناس بتحترم الموسيقي الجاد وبرغم هذا الاحتفال وعظمتو وانو التمثيل السوداني فيهو يتمثل في التوزيع الموسيقي لاغنيتين خالدتين عالميا وعربيا بايدي سودانية الا ان هذا البوست لم يجد يدا ترفعه الي اعلي المانشيتات Re: الي السودانيين في لاس فيجاس وما حولها تعالو لحفلنا في MGMRe: الي السودانيين في لاس فيجاس وما حولها تعالو لحفلنا في MGM
ولسة سؤالي قائم: هل فعلاً طلب منك (توزيع) أغنية تخيل للشاب خالد وأدتها الفرقة؟
والشاب خالد حي وأنا حي ودون إيلدر حية ولسوء حظك مافي أسهل من الاتصال في القرن دا، شفت كيف! وتعال يا أحمد ياسين أثبت لينا كلامه لو هو غالبو، دي النقطة الهو انطلق منها عشان ينكر على الآخرين (توزيعهم) ويسميهو (تنظيم). السر كلو بقى في كلمة (توزيع) دي!
دلوقتي أستاذك يا سيدي الكريم بيصرح بطرق متناقضة جداً، ولأول مرة الناس تقرأ عن فنانين اضطروا يأدوا أعمال هو طرف فيها، إذا صح المنشور في الموقع. فأنت بتدافع وبتترافع لأي غرض يا أحمد ياسين؟ أصل الموضوع شنو والسر شنو؟
خبرتي مع أستاذك يا أحمد ياسين هنا في المنبر دا إنو فعلاً (جلده تخين) زي ما بيقول على نفسه ولا يرضى بأي تصحيح أو سؤال يبين معه خطأه أو جهل بمعلومة، ويمكن ببساطة يلجأ لتشويه سمعة المحاور ودي أنا جربتها في نفسي، بقيت (مكبع) و(كديسة) وأنت فاهم ديل معناهن شنو، وبسببهن المنبر فيهو ناس اعتمدتها وبقت تقذف عرضي بيها علانية.
أستاذك عندو شغف لا يوصف وهلع بالألقاب ولا يرضى عنها بديلاً وفي إمكانه يدوس على كرامة أي مخلوق بأسلوب اغتيال الشخوص بتاعه دا، لكنه يعجز عن المواجهة والإقناع بالحق ولذلك بيندفع أمثالك للمواجهة بطريقة غريبة.
أستاذك يا سيدي بيقدم أعماله الغنائية للشباب أملاً في تخليد اسمه، ويجي المنبر يزعم بأنهم صاروا أفضل بسببه! يعني مع تصريحاته بأنه عايز يتيح ليهم الفرصة لكنه في الواقع (بيوسع) في فرصه هو شخصياً مع التقليل من حظوظ الآخرين.
دلوقتي أنا أول مرة اقرأ إنو في شباب طلب منهم يأدوا أعمال هو طرف فيها في برنامج المايسترو ولو صح أن الموضوع كان بغير رغبة منهم أو اضطروا لتنفيذ طلباته فدي مسألة غير كريمة في حقه أبداً.
___ أخجل ليهو مرة واحدة لو تقدر وقول ليهو (كفاية).
هسة عليك دينك يا صلاح الزبير الكتاحة دي كلها اسمها هبشة؟ ياخي البواليس داهموا المنبر والقضاة والمستشارين مستنين 3 مجرمين دفعة واحدة وتقول لي هبشة! بعدين ناس معاوية الزبير والمدير وجلالدونا وابوحسين واحمد يس ديل كلهم ما شفتهم !! بس حقيرتي في بقيرتي؟
وحاتك ما عودة .. قاعد في المدرجات في أمان الله الكدارة براها نطت في كراعي وهسة غير رأيي القلتو فوق دة تاني ما عندي بملص الكدارة وارجع المدرجات لكن اصلو ما طالع من البوست دة .. يا ربي الكلام دة لاقاني وين قبل كدة!
____________ بالنسبة لمقترحك اسمح لي بتعديله بدلاً عن نقل البوست للمكتبة اقترح حذفه تماماً لأنه بصراحة الاستاذ الموصلي أخطأ في الاستعانة بالجمهور في شأن ممكن يتحل ودياً
Quote: فعلاً يا حاتم كان من الافضل ادارة المعركة خارج نطاق السايبر والمنابر العامة
ولكن بعد ما اتنشرت على الهواء الطلق كدا مفترض الناس ترد على كل الادعاءات للدفاع عن نفسها وتمليك الحقائق للقراء
اتمنى من الاستاذ الموصلي انو يجي ويرد ويفند كل ما جاء سالباً في حقه في هذا الخيط فهذا اقل شيء يستحقه القاريء
هو بيفضلها تتم هنا لأنو عندو المترافعين الجاهزين زمان أنا نصحته يمشي يروج لنفسه في مواقع أهل الفن والموسيقى والمبدعين الحقيقيين وينشر مزاعمه دي هناك، حيلقى القدرو، مزاعم زي أنا أول كذا وأنا السويت كذا وأنا الاستدعوني عشان أسوي كذا... لأنو ما كل الناس عندها استعداد تجي (المنبر العام) عشان تخوض في محاججة في الشأن الشخصي والمتخصص.
في فنانين بحق مرهفين وعندهم (إحساس) وما (متفرغين) للنوع دا من الأنشطة وسط غير أهل الفن زينا هنا، لكن للأسف المنبر عند (الأستاذ) منصة للاحتفاء به شخصياً ومافي مانع يوظفها للهجوم المستتر على الآخرين المخالفين أو المنافسين.
يعني بس في البوست دا حتلقاهو كاتب إنو هو الصنع فلان وهو العين فلان وهو الوصى لفلان ومقابلها طوالي إنو هو (صخرة التاريخ) و(فنان ذو خبرة يهتم بالشباب) و(بودي قارد فني) و(فلان وصفني بالهرم).
___ أكره جداً أسلوب المن على الآخرين ونشر الأفضال عليهم.
================
Quote: وحاتك ما عودة .. قاعد في المدرجات في أمان الله الكدارة براها نطت في كراعي
ههههههه أحمد عمر سلام.
10-30-2018, 10:53 AM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
ههههههههها وحاة الله يا (محمد عمر) المنبر براك بايخ خليك قريب وخلي الكدارة دي كمان قريبة وجاهزة للنط😂 لانو نطة واحدة منها ولا مية كتابات ليها اظافر؛ ............ مستمتعين بكتابات حاتم بنانا جدا وكامل الطقطقة؛ ........... وكدة
10-30-2018, 10:53 AM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
زماااااان قال ليكم تذكرة الطيارة ذهاب و إياب و الفندق و حق التسالي كمان نتقابل فيس تو فيس على الاقل كان عرفنا الصادق منو و الكذاب منو عملتو رايحين الآن بقت محكمة راسا عديل .... اخونا و حبيبنا الفنان الانسان المايسترو يوسف الموصلي الزول المحترم سير و عين الله ترعاك .....
10-30-2018, 05:00 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: الآن بقت محكمة راسا عديل .... اخونا و حبيبنا الفنان الانسان المايسترو يوسف الموصلي الزول المحترم سير و عين الله ترعاك .....
بتبالغ يا أبو حسين .. بتحمّش في النيران بدل تطفيها .. حتستفيد شنو يعني من جرجرة زملاء للمحاكم ؟ .. بعدين هل انت شايف هناك مايستدعي ذلك .. دي اختلاف وجهات نظر عادية جدا ولاترقى أبدا لمحاكم وجرجرة .. وعادي أي زول ممكن يكون شايف موصلي مافاهم في الموسيقى .. ويواجهه بي رأيه ده ويقولوا ليهو قدامه وين المشكلة هنا ؟ .. هل موصلي فوق النقد مثلا ؟ .. وهل بتتصور إنه الكل حيتفق على فهمه وإحترافيته للعزف أو الغناء أو التلحين ؟ معقوله لكين !!! .. بعدين انت ماقريت الإيحاءات الإتوجهت لحاتم من الاستاذ .. مش ممكن الآية تتقلب في المحكمة حينما يرجعوا للإيحاءات دي .. هل حاتم ورغم كلامه اللاذع وجه لي موصلي كلام فيه إيحاءات مماثلة ؟ .. مالك كيف تحكم يارجل !!.. في موضوع التشجيع للتقاضي ده انا بشوف تراجع موقفك .. ماعاجبني وحاة الله ..
انت بس قول الفضول كاتلك وعايز تعرف حاتم ده منو .. خخخخ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elmosley
Hani Arabi Mohamed
أبوذر بابكر
Ahmed Yassin
Kostawi
سفيان بشير نابرى
Amira Hussien
ترهاقا
محمد علي البصير
عمر عبد الكريم علي
نعمات حمود
MOHAMMED ELSHEIKH
Osman Musa
Sayed Bekab
ياسر السر
حاتم إبراهيم
الزبير بشير
معاوية الزبير
جمال ود القوز
جلالدونا
ABUHUSSEIN
محمد جبره
معاوية المدير
النذير حجازي
Salah Zubeir
عبدالمنعم الطيب حسن
قسم الفضيل مضوي محمد
osama elkhawad
فيس بوك
تويتر
انستقرام
يوتيوب
بنتيريست