|
كتب الكاتب الفاتح جبرا المتوفرة بمعرض الدوحة
|
|
 Re: حوار في القطار (Re: درديري كباشي)
|
الدرديري ود كباشي
كعادتك حكاويك دائما طاعمة وكمان واقعية وكأنها بتحصل قدامنا
متابعة لصيقة
ودمت بالف خير وصحة وعافية وكل سنة وانت طيب
| |
 
|
|
|
|
|
|
|
|
Re: حوار في القطار (Re: Basamat Alsheikh)
|
Quote: الدرديري ود كباشي
كعادتك حكاويك دائما طاعمة وكمان واقعية وكأنها بتحصل قدامنا
متابعة لصيقة
ودمت بالف خير وصحة وعافية وكل سنة وانت طيب |
تشكري يا بسمة والحمد لله على سلامة العودة
أنا عارف البوست دا حا يجيب ناس عطبرة كلهم
مهما هم تأخروا فأنهم يأتون . هههههههه
| |
|
|
|
|
|
|
|
|
|
Re: حوار في القطار (Re: درديري كباشي)
|
اساسا يا ود كباشي نحن ناس عطبرة بنعشق القطر ...ونعشق السفر بالقطر ...وحتى هنا في امريكا نحب السفر بالقطر ...ولكن القطر هنا مريح زيادة عن اللزوم ( وجه ضاحك) طبعا نحن
السودانيين بنحب الشقاوة والتعب )..
وواصل لينا حكاية المسافرين بالقطر...
ودمت بالف خير وصحة وعافية وكل سنة وانت طيب بمناسبة عيد الفطر المبارك ..خلاص العد التنازلي حيبدأ بعد يومين
| |
|
|
|
|
|
|
|
|
|
Re: حوار في القطار (Re: Basamat Alsheikh)
|
حوار في القطار
2
يبدأ يتحرك القطار ببطأ مودعا المحطة. وصوت صرير عجلاته الحديدية مع القضبان تحسسك كأنها تقاوم الرحيل لا تريد السفر. فيصبح صوته اشبه بصراخ الأطفال. وتكثر حركة البيع والشراء عبر النوافذ مع الباعة المتجولين. مع أن القطار يمكث في بعض المحطات أكثر من ساعة لكن بعض الركاب لا يحلو لهم الشراء الا بعد أن يتحرك القطار. أو حتى لا يشعروا بالندم في تفويت بعض السلع النادرة والمخصصة في بعض المناطق.
ويستمر الضجيج.
- يا ولدي الطواقي بكم. يا ولد أدنا سبحة. يا حاجة رجعي كوز العصير. يا ولد ما أديتني الباقي .. مساويك مساويك مساويك . أمي انا عايز اسكرين . يا أمي عايز اسكرين . طعمية وعيش طعمية وعيش . يا ولد اتنين واحد بدون شطة . السمسمية ياخ السمسمية ياخ السمسمية ياخ . تسالي تسالي تسالي .
ثم تبدأ وتيرة السرعة تزيد بالتدريج. ولازال بعض الباعة يجرون يلاحقون أما مواعينهم التي ظلت مع الركاب أو بضاعة لم يستلموا حسابها أو بعضهم يجتهد لإرجاع الباقي لأصحابه. لم يكن سوء النية والسرقة قد تسللت الى النفوس وتفشت. كل الناس حريصة على الاكل الحلال.
ثم يغادر القطار المدينة وتبدأ سرعته تستقر مع وتيرة اشبه بالإيقاع مصحوبا بهزة تجعل الركاب في حالة رقص لا ارادي
( الدقاتاف الدقاتاف الدقاتاف الدقاتاف الدقتاف )
ثم حالة الركاب
بعضهم لازال يمسح في دموع الوداع. وبعضهم ينظر سارحا في الأفق يبحث عن اشباح احباب تركهم خلفه. وبعضهن لازالت تنتحب
وصوت حاجة كبيرة في السن تصبر في البنت الشابه .
(يا بنتي بتجيهم راجعة كلها سنة سنتين .. وانشاء الله تجيهم بوليدك .. والتي تبدو من هيأتها عروس شابه. رجاءات الحاجة يقابلها الشاب الذي يجلس قرب العروس بابتسامة امتنان.
ولا زال القطار يرتج.
ولا زال إيقاع عجلاته.
( الدقاتاف الدقاتاف الدقاتاف الدقاتاف الدقتاف )
بعض كبار السن غطى وجهه بعمته وشرع في الشخير
وكذلك بعض النسوة.
واسرة سعيدة رجل وزجته بطفليه يشاهدون بسعادة عبر النافذة والأب يشرح لصغاره ويقابل اسئلتهم بردود تبدو مقنعة حتى لو لم تكن حقيقية. فالأطفال عادة يثقون في ابائهم وقدراتهم الخارقة ومعرفتهم بكل شيء.
( الدقاتاف الدقاتاف الدقاتاف الدقاتاف الدقتاف )
الذين شرعوا في النوم
لم يوقظهم الا صوت الكمساري بادئا من اول العربة
تذاكر
تذاكر يا جماعة
التذكرة يا عمنا.
- هوي يا بتي أنت ولدك دا قاطعة ليه تذكرة؟ .
- هم الصغار عليهم تذاكر كمان.
- أجي كيف مش مسافر مع الناس.
- الليلة ووب علي يا عمر وما قلت ليك عماد لازم نقطع له تذكره قلت الصغار ما عندهم تذاكر. هسع حا يعملوا لينا شنو ؟
- حا يغرموكم ويبهدلوكم.
- ووب علي نسوي شنو .
- خليه يدخل تحت الكنبة انا بغطيه برجولي وتوبي قبل ما الكمساري يصل .
( الدقاتاف الدقاتاف الدقاتاف الدقاتاف الدقتاف )
ثم يصفر القطار مؤذنا بقرب دخول محطة جديدة
توووووووووووووووووووووووووووووووووووت
ويسمع صرير العجلات من جديد
دليل على المكابح التي تحاول تلجم العجلات
ومن محطة جديدة تنطلق نداءات الباعة من جديد.
ترمس ترمس ترمس
حلي حلي حلاوة حلي حلي حلاوة حلي
الفووووووووووووووول والتسالي
طعمية وعيش طعمية وعيش طعمية وعيش
يتبع
| |
|
|
|
|
|
|
|
|
|
Re: حوار في القطار (Re: درديري كباشي)
|
اساسا يا ود كباشي نحن ناس عطبرة بنعشق القطر ...ونعشق السفر بالقطر ...وحتى هنا في امريكا نحب السفر بالقطر ...ولكن القطر هنا مريح زيادة عن اللزوم ( وجه ضاحك) طبعا نحن
السودانيين بنحب الشقاوة والتعب )..
وواصل لينا حكاية المسافرين بالقطر...
ودمت بالف خير وصحة وعافية وكل سنة وانت طيب بمناسبة عيد الفطر المبارك ..خلاص العد التنازلي حيبدأ بعد يومين
----------------------------------------------------
نحن كمان في كسلا ارتبطنا بالقطار خاصة جدنا كان سائق قطار وكنا نقضي الاجازة معه بين تلمحطة والبيت وعندنا تجتارب مع الديزل أفتكر ذكرتها قبل كدا
لكن القطار من الاحداث التي تترك اخدود في النفوس يصعب ردمها
| |
|
|
|
|
|
|
|
|
|
Re: حوار في القطار (Re: درديري كباشي)
|
سلام يا درديري
رمضان كريم و برضو من قطار نيالا (الزمااااان داك) سلام. ما عارف ما زالت الحياة تدب فيه ام مات كما ماتت كل الاشياء الجميلة في وطن اسمه السودان.
سافرت بيهو مرة واحدة. كانو عندهم قطارين في الاسبوع و تم تأجيل اول الاسبوع لظرف ما و ردمونا السفريتين في واحدة.
رائدا الي ذلك القطار اتعطل في محطة خلوية جدا لا اتذكر اسمة و لكن في نواحي كردفان فكانت السفرية 8 ايام بدلا عن الـ 4 ايام المتوقعة.
الحسنة الوحيدة انها اتاحت لي رؤية اماكن سودانية كثيرة في سن مبكرة و اقدر اقول اني زرت ثلاثة ارباع السودان من الجنينة غربا و جوبا جنوبا و بورتسودان شرقا.
| |
|
|
|
|
|
|
|
|
|
Re: حوار في القطار (Re: Mahjob Abdalla)
|
Quote: سلام يا درديري
رمضان كريم و برضو من قطار نيالا (الزمااااان داك) سلام. ما عارف ما زالت الحياة تدب فيه ام مات كما ماتت كل الاشياء الجميلة في وطن اسمه السودان.
سافرت بيهو مرة واحدة. كانو عندهم قطارين في الاسبوع و تم تأجيل اول الاسبوع لظرف ما و ردمونا السفريتين في واحدة.
رائدا الي ذلك القطار اتعطل في محطة خلوية جدا لا اتذكر اسمة و لكن في نواحي كردفان فكانت السفرية 8 ايام بدلا عن الـ 4 ايام المتوقعة.
الحسنة الوحيدة انها اتاحت لي رؤية اماكن سودانية كثيرة في سن مبكرة و اقدر اقول اني زرت ثلاثة ارباع السودان من الجنينة غربا و جوبا جنوبا و بورتسودان شرقا |
كل عام وأنت بألف خير يا محجوب
ويا سلام على ذكريات القطار
| |
|
|
|
|
|
|
|
|
|
Re: حوار في القطار (Re: درديري كباشي)
|
حوار في القطار
3
كان القطار يشكل أمه ومجتمع قائم بذاته. أحياء السكة حديد وبيوت المحطات المخروطية الشكل من الطوب الأحمر .. والسنافور . الكشك العالي المبني من طابقين والذي يتحكم في توجه القطارات من مدينة لمدينة ومواعيدها. حركة البضاعة والنقل التي تجوب جميع مدن السودان. التجارة البسيطة وانتشار الصناعات اليدوية والهدايا التذكارية التي كانت تميز المناطق وتنتشر عبر القطار خالقة نوع من تبادل الثقافات المتنوعة والفلكلور والاكلات الشعبية. والنشاط وكثير من البيوت المفتوحة التي كان القطار سبب في مصدر رزقها.
وفوق هذا وذاك التعارف الشعبي المفتوح والعلاقات التي تنشأ في القطار وتمتد ربما لتصبح نسبا وصهرا. الملمات والحوادث التي تخلق الألفة والمودة وتوحد راكبي القطار.
راكبي الرحلة الواحدة في القطار وخاصة في حالة الأعطال سرعان ما يتحولون الى مجتمع مصغر وموحد له زعامات وادارات كوارث وازمات ينتظمها ركاب القطار. سرعان ما تجد كل فرد استلم دورا حسب مؤهلاته.
هذه المواقف صعب سردها في شكل نقاط ومقال لذلك عادة ما ألجأ الى كتابتها في شكل سناريو وحوار يجسدها في جو اشبه بالحقيقة التي عايشها كثير من جيل الثمانينات والسبعينات وحتما ما قبلها. ومن الذين حظوا بالتمتع في تلك الرحلات الجميلة. وخاصة في الخريف والعبارة الشهيرة التي تنسب لناس السكة حديد (يجي الخريق واللواري تقيف ) . قبل ما يتم ربط البلاد بالشوارع المسفلته وتحل البصات السياحية موقع القطارات. كانت الوسيلة الوحيدة للتنقل عبر البلاد هي القطارات وخاصة في موسم الامطار حيث تتقطع الطرق الترابية بالسيول والأمطار وتدخل الناقلات في موسم بيات خريفي ان جاز الوصف. بل حتى البصات السفرية والتي كانت عبارة عن شاحنات محورة لها صناديق من الحديد ومقاعد ويتم فك صناديقها وتخضع للصيانات والتخزين ( القراش ) حتى يتعدى موسم الخريف .
التقاتاف التقاتاف التقاتاف التقاتاف
يبدأ يتحرك القطار من المحطات الصغيرة والتي تعرف بالسندة . وهي عبارة عن قرى يقف فيها القطار لفترة أقل من عشرة دقائق ربما ليتزود بالوقود والماء وربما لهذا سميت بالسندة . ورغم هذا الوقوف القصير الى أنه كان كافيا ليبث الحياة في هذه القرى المنتشرة بطول شبكة حديد السودان. حيث يتاجر سكان هذه القرى في بيع المأكولات سريعة التحضير مثل البيض المسلوق والطعمية . وربما المنتجات الزراعية مثل قصب السكر والتبش والعجور والنبق والقونقليز والقضيم والصمغ العربي و المانجو والجوافة وكذلك الحلويات اليدوية مثل السمسمية والفولية . فضلا عن المشروبات الساخنة الشاي والقهوة كذلك الباردة عصير الليمون و المثلجات كايسكريم الكركدي .نادرا ما يتحرك سكان قرى السندة عبر القطار . ولذلك الراكب منهم عادة ما يجابه بمشكلة. لأن ركاب القطار يكونوا استقروا وكل الأماكن أصبحت محجوزة ولا مكان لراكب جديد.
لكن بعد صراع قصير ومشكلة لا يطول أمدها يكون قد افسح لراكب السندة مكانا واندمج في المجتمع المؤقت والجديد.
وهذا بخلاف محطات المدن الكبيرة حيث هناك يكون تبادل للركاب. بعضهم وصل محطته المنشودة وركب بدل منهم آخرون الى مدن أخرى.
تحدث ضجة قصيرة بعد حرك القطار من محطة كبيرة كصراع مألوف حول الأمكنة ثم يعود الهدوء من جديد. ويتآلف الجدد مع القدامى.
الصوت الايقاعي والهزة الراقصة تعيد الأمر الى رتابته.
التقاتاف التقاتاف التقاتاف التقاتاف
وأكثر ما يوحد الناس ويزيد الرابط بينهم هي لحظة تناول الوجبات.
غالبا ما يفترشون الجرائد القديمة في أرضية العربة وسط المقاعد وترص فيها الأكلات كل واحد يأتي بزوادته.
وحتى هذه الزوادة تشكل هذا التنوع الثقافي.
أهل الشمال مشهورين بالقراصة المخمرة والمحلاة بالتمر ( قراصة ممررة ) مع اللحمة الناشفة . والقراصة الممررة لها خصائص عجيبة طعمها يجمع بين الحلاوة والحموضة ومعبقة برائحة البهارات خاصة الشمار ودائما رطبة فهي لا تجف ولا يتغير طعمها أو لونها حتى لو استمرت الرحلة لمدة أسبوع. وهي لا تخبز بهذه الطريقة الا لزوادة المسافرين . وكذلك اللحمة الناشفة تطبخ بطريقة معينة وخصيصا للسفر. فهي أيضا لها خاصية الاستمرار لعدة أيام دون أن يتغير طعمها. وباقي الاكلات مثل البيض المسلوق والبطاطس المقلي . كما أن أهلنا بغرب السودان لهم طحينة السمسم والدانسورو ( خميس طويرة ) وهو عبارة عن بدرة صفراء مخمرة أعتقد من دقيق الدخن ممزوج مع الفول السوداني ( الدكوة ) لها خاصية انها كمية بسيطة منها ممكن تفور وتملأ صحن كامل اذا مزجت بالماء او الحليب ( تشبه سيرلاك الأطفال الشهير ) لذيذة الطعم ولا تكاد تحس بالشبع منها .
- يا ولدي أنت من وين؟ شكلك دا ما غريب علي .
- والله يا عمنا نحن أصلا من الشمالية منطقة مروي لكن مولودين بالشرق ومتربين هناك.
- في الشرق ياتو مدينة الشرق دا ما فيه مدن كثيرة؟
- الشرق في أروما.
- بالله أروما دي عملت فيها مدرس زمان لعشرة سنوات بعرف ناس كتار هناك أهلك يوقلوا ليهم ناس منو ؟
- أنا أبوي اسمه عبد الغفار طه كان في البوليس وجدي طه الشريف كان عنده دكان في السوق.
- بالله أنت ولد الشاويش عبد الغفار؟ ماشاء الله ما تقول لي خالد.
- أيوا أنا هو ذاتو خالد .
- ماشاء الله .
يتفاجأ ركاب العربة بسلام بالحضن من جديد بين الشاب والرجل الكبير. بعد أن أمضيا يومين في نفس العربة ويبدأ العم في مسح دميعاته والله جدك كان من أعز اصحابي الله يرحمه. أها هسع أنت وين بتقرأ ولا شغال.
- والله يا عم انا حاليا طالب في كلية الطب السنة الرابعة ونازل إجازة.
- ماشاء الله ماشاء الله الله يحفظك يا خالد رفعت رأس أبوك ورأس جدك. من صغير كان النبوغ ظاهر في وشك .
التقاتاف التقاتاف التقاتاف التقاتاف
ويستمر القطار
يتبع
| |
|
|
|
|
|
|
|
|
|
Re: حوار في القطار (Re: درديري كباشي)
|
حوار في القطار
4
عندما يجن الليل في سفر القطار. يبدأ الهدوء والسكون والظلام يخيم الا من لمبات القطار الباهتة. لا تسمع الا صوت العجلات الحديدية مع همسات المستيقظين من المسافرين ممزوجا بشخير من سرقهم النوم. أو صرخات رضيع أستيقظ فجأة واستوحش المكان.
في الأفق ظلام يجعلك تحس أنك يمكن أن تلمسه. مع بريق نجمات من بعيد تتلألأ.
القطار في الليل موحش. الناس معظمهم نيام ولا يمكن مشاهدة المناظر الطبيعية والتسلي بها سوى ظلام دامس يحمل صور لأشباح مرعبة . كما أن معظم الركاب نيام ومن استيقظ منهم لا يتحدث الا للضرورة والحديث يكون همسا.
صوت هدير العجلات مصحوبا أحيانا بصفارة القطار الشهيرة ( الدقاتاف الدقتاف الدقتاف . تووووووووووووووووووت )
فجأة تنطلق صرخة أمرأة تبدد السكون ويقوم الجميع فزعين.
- في شنو بسم الله في شنو يا جماعة بسم الله.
ومن يحمل لمبة كشاف يشعلها والكل في انتظار تفسير هذه الصرخة حتى يأتي أحدهم مهرولا من العربة الأمامية.
(يا جماعة ما فيكم داية ولا ممرضة؟ داية ولا ممرضة)
- ليه مالك خير فيها شنو يا ولدنا)
- مرتي معاي عايزة تلد جاها الطلق هسع . ما فيكم ممرض ولا داية.
- في ولدنا دا ما دكتور؟
- وينو وينو ؟
- ياهو نائم نصحيه ليكم. خالد خالد يا ولد خالد؟
- في شنو يا عم يوسف وصلنا؟
- لا قوم الجماعة ديل قالوا عايزين ليهم دكتور عندهم مراة عايزة تلد
- يقوم خالد مسرعا متناولا شنطته من الرف. ويجري مع صاحب البلاغ الذي سعد ايما سعادة بهذه الصدفة التي حتما ستنقذ زوجته ووليدها.
- ماشاء الله بالله الوليد الصغير دا دكتور واحلاتي يا ناس.
- دا ود أخوي كان ما جرجرتو في الونسة ما كان في زول عرفه دكتور والمرة دي كان راحت فيها بجناها.
- وهو ود أخوك أنت ما عارفه دكتور ولا ما دكتور؟
- لا ما أقصد أخوي شقيقي. أبوه كان صاحبي زمان قبل أكثر من عشرة سنوات وانا خليته في الابتدائي. هسع عرفته من الشبه والحمد لله الونسة جرت لغاية ما عرفت أهله.
أعتاد خالد كما يفعل طلاب كلية الطب عادة أن تكون حقائبهم جاهزة ومعبأة بالأدوية المنقذة للحياة للطوارئ حين ذهابهم في الاجازات الصيفية. وفعلا هذا واحد من الأدوار المهمة التي يلعبونها طيلة حياتهم العملية وكذلك العملية.
ثم يأتي أحد من العربة الأخرى التي تجري بها الاحداث.
- يا جماعة عايزين موية سخنة في حد عنده موية سخنة في ترمسة؟.
- في شاي ينفع ؟
- أنت تستهبل ولا شنو هو دا وقت هظار ؟ الراجل قال موية سخن تقول له شاي ؟
- لا والله قلت يمكن ما تتلقي موية حارة وبعدين شاي بدون سكر.
- يا زول انت ما تشاور الدكتور يمكن ينفع لو ما اتلقت مويه حارة.
- ولا تشاوره ولا حاجة ما في وقت شيل الشاي وامشي بس.
- أنتو بالصحي يا جماعة الموية الحارة يعملوها بيها شنو في الولادة؟
- والله ما عارف طول عمرنا نسمع أنه الداية قالت عايزة موية حارة لكن ما حصل سألنا قلنا لشنو ؟
- طيب ما تسألوا النسوان.
- النسوان كلهن مشن يحضرن الولادة ويساعدن الدكتور.
- يمكن يفوروا بيها الجنين زي رقعة اللستك .
- يا زول أنت بتاع بنشر ولا شنو .؟
تنفجر ضحكات عفوية بين جموع الرجال. تقطعها الزغاريد المنبعثة من العربة الثانية . قبل أن تحضر النسوة ناقلات البشرى.
- أها خير يا جماعة ولدت؟
- الحمد لله ما شاء الله جابت لها وليد زي القمر. وأمه حلفت الا تسميه خالد على اسمك ولدنا الدكتور.
- ماشاء الله الولد الدكتور شاطر الولادة عنده ساهلة ما اخدت وقت ويستاهل يسموا عليه .
بعد قليل يطل على العربة الدكتور خالد يحمل حقيبته ويمسح العرق بمنديله.
يستقبله النسوة بالزغاريد .
والرجال : أبشر يا دكتور ماشاء والله رفعنا رأس الدرجة الثالثة فوق .
كما يطلق القطار صفارة أذانا بدخوله لمحطة جديدة.
تووووووووووووووووووووووووووووووووووووووت
يتبع
| |
|
|
|
|
|
|
|
|
|
Re: حوار في القطار (Re: درديري كباشي)
|
الدرديري
الكاتب الأديب التحرير
الله يجازي شيطان عقلك..
غايتو الحلقة نمرة ٤ دي غاية في المتعة حكاية المرة الجاها وجع الولادة وخاصة حكاية الموية السخنة والشاي ...والحاجة الاجمل قولة الراجل القال ان ولد اخوه خالد دكتور وطلع في النهاية ما ولد اخوه ولكن ولد صديقه..ولكن اعتبره زي اخوه ،،وهذه حقيقة واقعة من شدة طيبة السودانيين وبيطبقوا المثل القائل "رب أخ لم تلده امك"...وكان القصة واقعية وحصلت جد جد وانك كنت معاهم في القطر في ذلك اليوم ...
وكل سنة وانت طيب
ودمت بالف خير وصحة وعافية
| |
|
|
|
|
|
|
|
|
|
Re: حوار في القطار (Re: Basamat Alsheikh)
|
Quote: الدرديري
الكاتب الأديب التحرير
الله يجازي شيطان عقلك..
غايتو الحلقة نمرة ٤ دي غاية في المتعة حكاية المرة الجاها وجع الولادة وخاصة حكاية الموية السخنة والشاي ...والحاجة الاجمل قولة الراجل القال ان ولد اخوه خالد دكتور وطلع في النهاية ما ولد اخوه ولكن ولد صديقه..ولكن اعتبره زي اخوه ،،وهذه حقيقة واقعة من شدة طيبة السودانيين وبيطبقوا المثل القائل "رب أخ لم تلده امك"...وكان القصة واقعية وحصلت جد جد وانك كنت معاهم في القطر في ذلك اليوم ...
وكل سنة وانت طيب
ودمت بالف خير وصحة وعافية |
تشكري يا عطبراوية على المتابعة والاطراء
غايتو ما هو كله خيال بحت
بعضها واقعي
حادثة الولادة حقيقية حدثت ابان كنا طلاب بجامعة الجزيرة اواخر الثمانيانات . كان الاتحاد يسير قوافل ثقافية لكافة اقاليم السودان . وتحديدا في الرحلة المتجهة لكردفان بالقطار حدثت حالة الولادة وتصدى لها زميل طالب الطب وقتها دكتور عمر يا ريت الأخ سيف اليزل سعد عمر يمر بهذا الملف فهو اعتقد من ضمن وفد هذه القافلة أو يشهد بتلك الواقعة وفعلا سمي المولود الجديد على أخينا عمر .
لذلك استعين بمواقف واقعية . فخيال الانسان مهما وهب فهو لن يصل لربع الواقع لأنه من صنع الله ومن احسن من الله صنعا .
| |
|
|
|
|
|
|
|
|
|
Re: حوار في القطار (Re: درديري كباشي)
|
حوار في القطار
5
مع بزوغ الفجر واشراقات الصباح في جو خريفي مغيم وجميل يتخلله رزاز المطر يتهادى القطار نحو محطة جديدة. صوت الكوابح مع صافرة القطار إيذانا بدخول المحطة مع صراخ العجلات المعهود. يستيقظ معظم النيام.
ومن لم يوقظه صوت العجلات ونداء الباعة تتسلل الى خياشيمه رائحة السمك المغلي الشهي. ونداء الباعة له سمك سمك سمك . سمك وعيش وسمك وعيش. اعتاد أهل تلك المدينة على بيع سمك البلطي المغلي بالزيت على صواني المونيوم يحملونها على رؤوسهم. ويرص عليها المسك المفتوح من الوسط بلونه البني المائل للذهبي بصورة مغرية وشهية.
- وصلنا وين يا جماعة.
- وصلنا محطة السوكي .
- يا سلام على السوكي وريحة السمك تجنن .
- أعملوا حسابكم من الشوك.
- يا زول خليه اليخنقنا .
- - تعال يا بتاع السمك .
تنطلق النداءات على الباعة الذين يهرعون ناحية النوافذ.
يقطع هذه الضجة أبو المولود الجديد.
- يا أخوانا الدكتور وينو ؟
- دكتور خالد لسه نايم عندك شنو اوعى تقول لي المرة عايزة تلد تاني .
تنفجر العربة ضحكا بهذا التعليق الساخر.
- لا والله عاوز اكافئه بس.
- لا يا زول تكافؤه لشنو ياخ ما أظن يقبل منك الحاجة دي.
- على كل حال صحوه.
- يا خالد ياخالد يا دكتور قوم ياخ .
- خير في شنو يا جماعة.
- أبو خالد الجديد دا عايزك .
- خير انشاء الله ما تكون حصلت مضاعفات للأم ولا جاتها حمة.
- لا الحمد لله الأم بخير بس عايزك تقبل مني الهدية دي ؟ شوية مبلغ تستاهل أكثر منه والله.
- لا ياخ العفو دا واجبنا. أقل حاجة نقدمها لأهلنا في البد دي.
- لا والله تقبل حقك وتستاهل أكثر.
يكثر الحلفان والاجاويد كما هو معهود في هذه المواقف الإنسانية ويصر طبيب المستقبل على الرفض.
حتى يتدخل أحد الأعمام ليحسم الجدال.
- أنا عندي اقتراح يا أبو خالد الجديد. اعزم ناس العربية ديل فطور سمك خلينا كلنا نفرح بخالد الجديد.
- والله فكرة يا عمنا. تعال يا بتاع السمك . ونادي اخوك داك. الصينية كلها بكم؟.
- يا زول جيب فيها مائة جنيه .. معقولة يلا ونادي أخوك داك كمان .
- صينيتين من السمك المغلي تتسلل هدية من والد المولود السعيد. الفرحة والمشاركة وتعم الجميع.
- الله يبارك لك فيه وانشاء الله تشوفوا دكتور زي مسيه دا.
- - عن اذنكم يا جماعة كمان أمشي افطر ناس العربية الثانية.
يشع جوا احتفائيا بهذا المناسبة السعيدة التي بقدرة قادر تتحول الى مناسبة قومية وتسعد كل ركاب تلك الرحلة أو على الأقل عربتي الدرجة الثالثة .
- والله يا دكتور خالد أنت زول مبروك انشاء الله اصادفك في الرجعة كمان .
- يا زول لقيت لي السمك الملح دا قلت تباري الدكتور دا من قطر لقطر. هاهاهاهاها
- عرفك شنو في الرجعة تكون في مرة حامل تاني .
- يا زول دا ولد مبروك مباراته بس براها نعمة.
ثم يعود أب المولود من جديد ليشاركهم الوجبة والفرحة.
- انت يا زول المرة وقت تقيله وتامة كدا مالك مسفرها؟
- والله يا عمنا ما كنا مسفرنها كنا متفقين أنه أمها تجي تنفسها في الخرطوم ونحن أهلنا من سنار , الام حصلت ليها ظروف مرضت وما قدرت تجي .أها هي كمان ركبت راسها وقالت ما تلد براها في الخرطوم لازم تسافر لأمها وتلد معها في سنار ونحن ما عندنا أقارب في الخرطوم . أها زي ما عارفين حصل الحصل الحمد لله ربنا نجاها بسبب ولدنا المبروك دا الدكتور خالد.
- يا زول كله خير.
- عشان كدا عايزين الدكتور ينزل معانا يقضي يومين في سنار عشان نكرمه تكريم يليق به.
- لا والله انا آسف أهلي راح يقلقوا هم عارفين أنا جايي في القطر دا ما أقدر اتأخر.
- أهلك نرسل لهم تلغراف.
- لا والله اسمحوا لي انشاء الله السنة الجاية أكون اتخرجت وأمشي أقضي معاكم أسبوع في ضيافة خالد الجديد.
- تشرفنا والله يا دكتور ويمكن تلاقي واحدة من بناتنا تعجبك.
- يا زول أنتو مسكتوا فيه قوي الدكتور دا .
- والله نعم النسب لو شركه قبض عندنا كمان . هاهاهاها
- والله فرصة سعيدة يكفي انه انه نحن اتعرفنا ببعض واليومين القضيناها في القطر دي حولتنا لأكثر من أهل والله.
توووووووووووووووووووووووووووووت
يصفر القطار للانطلاق من جديد
ويبدأ يتهادى عابرا الفيافي الخضراء وسنابل الذرة تتهادى ملوحة بالوداع على جانبي الطريق وبعض الخبيرين بالجغرافيا والمناطق يبدأ يشرح للركاب عن المشاريع الزراعية الضخمة .. ودا مشروع الدالي والمزموم أكبر مشروع للذرة في أفريقيا .. يا سلام ياخ خضرة مد البصر
- بلدا خيرها باسط ما مفروض تجوع والله.
يتبع
| |
|
|
|
|
|
|
|
|
|
Re: حوار في القطار (Re: درديري كباشي)
|
سلامات يا مبدع ، وتحيات طيبة يادرديري
قطار الشوق ومأدراك ما الخرطوم شندي عطبرة
كانت لنا فيه ذكريات ممتعة في الصبا ،
بدأ من السلم والقمرات والمطابخ وحتى السطوح
مرورا بالخط القاحل الصعيب، محطة محطة، وسندة سندة
ومن حكاويك نستشهد ونستشف المواقف والعبر
متابعة وعودة باذن الله
| |
|
|
|
|
|
|
|
|
|
Re: حوار في القطار (Re: عمر التاج)
|
Quote: سلامات يا مبدع ، وتحيات طيبة يادرديري
قطار الشوق ومأدراك ما الخرطوم شندي عطبرة
كانت لنا فيه ذكريات ممتعة في الصبا ،
بدأ من السلم والقمرات والمطابخ وحتى السطوح
مرورا بالخط القاحل الصعيب، محطة محطة، وسندة سندة
ومن حكاويك نستشهد ونستشف المواقف والعبر
متابعة وعودة باذن الله |
تمام يا تجو خلينا نوثق للأجيال القادمة قبل ما يلحق القطار بترام الخرطوم في زمنا عندما يحكي عنه الاجداد كأنه خيال . عاصة تستخدم الترام في الخمسينات وفي الألفية يجوب بها حمار الكارو
| |
|
|
|
|
|
|
|
|
|
Re: حوار في القطار (Re: ادم شحوتاي)
|
حوار اوسكار..اوسكار...اوسكار ولا شك ..
وكل سنة وانت طيب وانت تمتع القراء بقصص رائعة من واقع حياتنا اليومية وبأسلوب السهل الممتنع
| |
|
|
|
|
|
|
|
|
|
Re: حوار في القطار (Re: امتثال عبدالله)
|
Quote: حوار اوسكار..اوسكار...اوسكار ولا شك ..
وكل سنة وانت طيب وانت تمتع القراء بقصص رائعة من واقع حياتنا اليومية وبأسلوب السهل الممتنع |
الله يجبر بخاطرك يا بتنا امتثال
أنشاء نطون قدر ظنكم فينا
| |
|
|
|
|
|
|
|
|
|
Re: حوار في القطار (Re: ادم شحوتاي)
|
Quote: درديري الحبيب رمضان كريم
متابعين القلم الطاعم اين ما حل وارتحل
تحياتي |
منور يا عمدة وأنت بألف خير
محاولة طفيفة لنعاش الذكريات
| |
|
|
|
|
|
|
|
|
|
Re: حوار في القطار (Re: محمد محمد قاضي)
|
Quote: شكر وتحية وسلام الأخ درديري لهذه السياحة الجميلة
متعة القراءة عندك وسط كثير غثاء علي سطح المنبر هذه الأيام |
تشكر يا القاضي وشرفتنا بطلتك
المنبر الحمد لله بخير ومرات المناكفات هي التي تعطي طاقة الاستمرارية
نحن نظل نحبها مثل حبنا للشطة رغم تحذير الاطباء
| |
|
|
|
|
|
|
|
|
 Re: حوار في القطار (Re: درديري كباشي)
|
درديري وضيوفه سلام وكل عام وأنتم بخير .....
رحلة ممتعه امتزج فيها الواقع بالخيال ليرسم لنا هذه الصورة المتناهية الابداع .....
بس أوعاك ما تخلي الناس في الخلا وتكبر اللفه ....هههههههه
مع خالص ودي وتقديري ؛؛؛؛
| |
|
|
|
|
|
|
|
|
|
Re: حوار في القطار (Re: إدريس محمد إبراهيم)
|
Quote: درديري وضيوفه سلام وكل عام وأنتم بخير .....
رحلة ممتعه امتزج فيها الواقع بالخيال ليرسم لنا هذه الصورة المتناهية الابداع .....
بس أوعاك ما تخلي الناس في الخلا وتكبر اللفه ....هههههههه
مع خالص ودي وتقديري ؛؛؛؛ |
ههههههههههههه تسلم يا صاحبي
ما عليك يا شيخ ادريس
ليك علي هذا القطار اوصله محطته الأخيرة
بس ها اليومين انشغلت به وعنه . به في استحضار المواقف والمشاهد وهنه بألكل العيش
| |
|
|
|
|
|
|
|
|
 Re: حوار في القطار (Re: درديري كباشي)
|
الأخ درديري كباشي،
ليك التحايا الطيبة ولضيوفك ولقطار شوقك وذكرياتك الهتون ..
يسلم ها اليراع، بسكبه هذه الشجون الموشّاة بأصداء الحنين ..
فقد أحييت فينا سيرة: هيهات هيهات لا جِنٌّ ولا سَــحَــرَة ،،، بقادرين على أن يلحقوا أثره ..
هذي المنازلُ ....إلخ,,
متابعين معاك، وربما ندلق شيئا من ذكريات سفرياتنا بالقطار .. شيء إكسبريس حلفا، وآخر محلّي
بس بالله اتضارفلنا على "السيما فور"
وافر المُنى الطيِّب للجميع..
وكل عامٍ وأنتم بخير
| |
|
|
|
|
|
|
|
|
Re: حوار في القطار (Re: محمد أبوجودة)
|
Quote: الأخ درديري كباشي،
ليك التحايا الطيبة ولضيوفك ولقطار شوقك وذكرياتك الهتون ..
يسلم ها اليراع، بسكبه هذه الشجون الموشّاة بأصداء الحنين ..
فقد أحييت فينا سيرة: هيهات هيهات لا جِنٌّ ولا سَــحَــرَة ،،، بقادرين على أن يلحقوا أثره ..
هذي المنازلُ ....إلخ,,
متابعين معاك، وربما ندلق شيئا من ذكريات سفرياتنا بالقطار .. شيء إكسبريس حلفا، وآخر محلّي
بس بالله اتضارفلنا على "السيما فور"
وافر المُنى الطيِّب للجميع..
وكل عامٍ وأنتم بخير |
يا سلام تشكر يا صاحبي
كم هي جميلة طلتك المنشودة وحروفك المنثورة تحفز وتشع الأمل في النفس
أنشاء الله أقدر انحت الذاكرة الملبكة بالمواقف وافكفكها هنا كقرطاس العجوة
| |
|
|
|
|
|
|
|
|
|
Re: حوار في القطار (Re: درديري كباشي)
|
Quote:
يا ولدي الطواقي بكم. يا ولد أدنا سبحة. يا حاجة رجعي كوز العصير. يا ولد ما أديتني الباقي .. مساويك مساويك مساويك . أمي انا عايز اسكرين . يا أمي عايز اسكرين . طعمية وعيش طعمية وعيش . يا ولد اتنين واحد بدون شطة . السمسمية ياخ السمسمية ياخ السمسمية ياخ . تسالي تسالي تسالي .
ثم تبدأ وتيرة السرعة تزيد بالتدريج. ولازال بعض الباعة يجرون يلاحقون أما مواعينهم التي ظلت مع الركاب أو بضاعة لم يستلموا حسابها أو بعضهم يجتهد لإرجاع الباقي لأصحابه. لم يكن سوء النية والسرقة قد تسللت الى النفوس وتفشت. كل الناس حريصة على الاكل الحلال.
|
ما شاء الله أستاذنا الدرديري: موهبة عظيمة وخيال واسع وقدرات لغوية هائلة وفن في تحشيد أعداد لا تحصى من الشخوص بأدوار متنوعة وأصوات متناقضة في مساحة متناهية في الصغر..
إلى الأمــــام..
| |
|
|
|
|
|
|
|
|
|
Re: حوار في القطار (Re: Osman Musa)
|
الدرديري ود كباشي
انت قايل الغربة دي ساهلة ...ويا ريت اذا وقفت على الخرف المبكر ..ونحمد الله لغاية هسع ما دخلنا مستشفى المجانين ...
والله اذا ما القفشات الظريفة البنقراها هنا من وقت لاخر ونكات وتخاريف الواتساب ما كنا بنقدر نستحمل الغربة القساية ...
وبالمناسبة الحوارات في القطر في البوست ده خفف لينا الكثير واحتمال يعالجنا من الزهايمر ....
ودمت بالف خير وصحة وعافية
| |
|
|
|
|
|
|
|
|
|
Re: حوار في القطار (Re: Basamat Alsheikh)
|
يقول مارتن لوثر كنج ::
اربعة لا تخسرهم في حياتك::من تحملك وانت غاضب...من دافع عنك وانت غائب..من أسعدك وانت مهموم ..من ناصرك وانت مغلوب...
وانت تسعدنا ونحن في هم وغم ...وود الأصيل ايضا يسعدنا ونحن في هم وغم وترسمون البسمة في وجوهنا...
ودمتم بالف خير وصحة وعافية
| |
|
|
|
|
|
|
|
|
|
Re: حوار في القطار (Re: طه داوود)
|
Quote: ما شاء الله أستاذنا الدرديري: موهبة عظيمة وخيال واسع وقدرات لغوية هائلة وفن في تحشيد أعداد لا تحصى من الشخوص بأدوار متنوعة وأصوات متناقضة في مساحة متناهية في الصغر..
إلى الأمــــام.. |
تشكر يا دوود
هي الصورة كدا فعلا لو استقبلتها بصمت في واقعها وقدرت تميز الاصوات ستسمع نفس العبارات في جمل لا تتقاطع ولا تحتاج لشرح
منورنا بطلتك ونشكرك عل الاطراء
| |
|
|
|
|
|
|
|
|
|
Re: حوار في القطار (Re: الامين عباس احمد)
|
Quote: يا للبهاء يا درديري وعذوبة الحرف
الدقاتاف دي براها قصة داخل قصة
ممتع سردك ولطيف |
شكرا جزيلا يا أمين
نجتهد لنوصل صورة مسموعة لأجيال حرمت من بعض جمال الماضي
عساهم يقدروا يستعيدوه نحن فاتت علينا خلاص
| |
|
|
|
|
|
|
| |
Mahjob Abdalla
عمر التاج
محمد محمد قاضي
ادم شحوتاي
إدريس محمد إبراهيم
محمد أبوجودة
طه داوود
Osman Musa
فيس بوك
تويتر
انستقرام
يوتيوب
بنتيريست