|
|
 اسماعيل لا يتونس!!
|
09:36 AM November, 29 2018 سودانيز اون لاين
محمد حيدر المشرف-دولة قطر
مكتبتى
رابط مختصر
وللحديث صلة بحبال القيطان, الا أنه يغوص عميقا في مفصل الراهن السوداني ومشهد الانحطاط العام.
جدلية الهامش والمركز ليست مرساة قابلة لاستخدام لاي سفينة عنصرية عابرة.. تلك جدلية قائمة ومبررة بل وضرورية جدا للحياة الاجتماعية والسياسية والاقتصادية في السودان .. ومن المفيد ان يتجادل اهل السودان فيها.
المقدمة ضرورية لتوضيح الاشياء .. اختلالات التوزيع العادل للثروة والسلطة في السودان ليست مبررا للعنصرية .. لا يوجد تبرير للعنصرية سوى العنصرية.
والأمر كذلك, نكون بازاء فضاء خاص للعنصرية في السودان بدون متعلقات تبريرية .. توجد عنصرية في الشمال والجنوب والغرب والشرق والوسط .. وتوجد عنصرية داخل كل بيت في السودان الا من رحم ربي. وهكذا فإن اسماعيل لا يتونس عبثا ساي. اسماعيل كائن عنصري بامتياز يمتلك الجرأة اللازمة للجهر بما يجيش في دواخله ويلقى القبول من قطاعات واسعة يطيب لها أن يجهر احدهم بما يخفونه في السر.
اسماعيل, مثله مثل الطيب مصطفى, مثله مثل ذلك الديبلوماسي الذي وجه عبارة عنصرية لاحد منسوبي الحزب الاتحادي, مثله مثل بريمة الذي شارك غير مرة في بث اشارات عنصرية, مثله مثل علاء الدين (نسيت باقي الاسم), مثله مثل عادل أمين. مثله مثل صاحب عبارة شبق الشماليات منعم (نسيت باقي الاسم) والقائمة تطول.
القائمة تقدم مثالا لا حصرا وروعي فيها تقديم نماذج من جهات مختلفة للتدليل ولكن .. انا كاتب هذا البوست لا اخلو من العنصرية في مستوى من المستويات الاجتماعية المتعددة. وأخال ان كل السودانيين كذلك, وأمرهم في ذلك لا يختلف عن كل المجتمعات الانسانية.
الشاهد في الأمر. هناك مستويات متعددة من العنصرية .. وكلها مدانة وعبارة عن تمظهرات متباينة الحدة والمقدار لوعينا الاجتماعي المتخلف وتصوراتنا غير الصحيحة حول ذواتنا. بعض هذه المستويات هادمة ومؤذية وذات اثر مباشر في تمزيق النسيج القومي السوداني, والامثله اعلاه نموذج لذلك. وبعضها تمظهر او تجلي او راسب من التركيب المجتمعي بطابعه الاقتصادي/الطبقي والقبلي و الجهوي الذي يدفع بالمرء نحو انحيازات ذاتية طبقية او جهوية او قبلية غير متجاوزة للآخر.. الا أن هذا المستوى يرفد المستوى الاعلى بمسببات اضافية وقوادح للتطرف.
نموذج لذلك أن ينحاز احدهم لخيار الزواج من داخل اطاره الاجتماعي/الطبقي/الجهوي/الطبقي الخ .. او ان يختار محيطه الاجتماعي بتفضيلات جهوية محددة يتوافق فيها مزاج الناس .. وهكذا .. وبهذا المقياس نكون جميعا عنصريون الى حد ما بدون التعدي على الآخر ولكن وكما ذكرت ان هذا المستوى يرفد المستوى المتطرف بقوادح التطرف . ويجب العمل على محاربته ثقافيا وتربويا واعلاميا من ناحية .. ومن ناحية أخرى يكون لتشجيع عملية العيش المديني المشترك وتخليق وجدان جامع للسودانيين (هوية قومية) الاثر الايجابي في تخفيف حدة هذا المستوى وحتى اندثاره في المستقبل
عندما نأتي للدولة السودانية وتمثل الاطار الذي يجمعنا جميعا. تبرز مسألة العنصرية بمستوى محدد ذو اطار قانوني ومجتمعي يحكم العلاقة بين مكونات المجتمع السوداني ويحافظ على نسيجه ويعالج اعطابه من خلال القانون (فعل المنع والعقاب) ومن خلال رؤى استراتيجية يتم تطبيقها من خلال التربية والتعليم والاعلام الخ ..
|
|
  
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
تحياتي ود المشرف, معليش على عجالة كدا تعلبق على العنوان فقط لسة ما قريت المتن
إن بقى اسماعيل ياهو اسماعيل زولنا فدا واحد معقّد ساي!
لكنّه جلدنا برضو ومجبور علينا ومجبورين عليه وإن ابى فلا نجر فوقه الشوك
| |
|
|
|
|
|
|
|
|
|
Re: اسماعيل لا يتونس!! (Re: محمد البشرى الخضر)
|
أعتقد انو البوست دا يا صديقي المشرف منبثق من مداخلة لي في بوست الجميل على عبد الوهاب (حبل القيطان)
ان كان صحيحا ستكون لي مداخلة وان غير ذلك فبقول ليك بوست ممتاز جدااا و متابعة ودي تعبتر المداخلة ان كانت اجابتك بعدم انبثاقه.
مودتي
| |
|
|
|
|
|
|
|
|
|
Re: اسماعيل لا يتونس!! (Re: علي دفع الله)
|
| Quote: جدلية الهامش والمركز |
فرية هامش ومركز محض ألعوبة وملهاة وضحك على الذقون ..
هي محاولات دؤوبة لتمرير أجندة قد لاتحفل كثيرا بمعاناة الهامش ..
وتتخذه حصان طروادة لطموحات تتسنم ضهر المطحونين ..
| |
|
|
|
|
|
|
|
|
|
Re: اسماعيل لا يتونس!! (Re: جمال ود القوز)
|
Quote:
فرية هامش ومركز محض ألعوبة وملهاة وضحك على الذقون |
لا ياجمال..كتاب جدلية المركز والهامش رؤية تحليلية صائبة لتاريخ الصراع الاجتماعي والسلطوي والاقتصادي في السودان...سؤال:قريت الكتاب يا جمال ولا لا؟
| |
|
|
|
|
|
|
|
|
|
Re: اسماعيل لا يتونس!! (Re: علي دفع الله)
|
ود البشرى سلامات يا صديق..
وياهو اسماعيلنا الا ان لي تحفظات على المثل (جلدنا وما بنجر فوقو شوك) ..
على دفع الله .
كيفك يا صديق ..
قريت مداخلتك هناك واذكر تفسيرك للمقولة على ضوء ابيات من الشعر الدارجي .. الا ان البوست ليس منبثقا من ردك.
عزيزي ود القوز
يمكننا التمييز بسهولة بين الجدلية المنطقية جدا ومن يتخذونها مرساة لتثبيت سفن العنصرية
مودتي يا اصدقاء
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
لا فض فوك يا دكتور المشرف ...
كلام مليان ومسئول يشرح امراض هذا المجتمع المتعايش بهشاشه ...
لكن يقوي تماسكه المثل القائم بيننا في كل المستويات الأثنيه (العارف عزو مستريح ) أو كما قال جمال الوالي...
أنت كاتبي المفضل واتابع ما تكتب بعنايه ...
:
:
:
مع التحيات لله الزاكيات .
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
لا فض فوك يا دكتور المشرف ...
كلام مليان ومسئول يشرح امراض هذا المجتمع المتعايش بهشاشه ...
لكن يقوي تماسكه المثل القائم بيننا في كل المستويات الأثنيه (العارف عزو مستريح ) أو كما قال جمال الوالي...
أنت كاتبي المفضل واتابع ما تكتب بعنايه ...
:
:
:
مع التحيات لله الزاكيات .
| |
|
|
|
|
|
|
|
|
|
Re: اسماعيل لا يتونس!! (Re: محمد حمزة الحسين)
|
بقدر محاولتي لفهم ما يريده هذا الأمي من كتاباته التي - ما قبل الثانوية الفطيرة- ولولوته الطفولية إلا أنه حشر قدرًا متبلًا من رغائبه الذاتية والتي تنضح بها كل كتاباته بأنه حقيقة نرجسي وقبيلتي ولونه إن كان له لون ،السوسي أيضا نرجسي؟.
فبدلًا من أن يعتمد على أسلوب المنطق -وهنا الموقف موقف وطن يترنح- و الصراح والشجاعة في الاعتراف بادئًا بأنه فقط ودائرته (المشوهة إنسانيًا) هي داء العنصرية دون تجييرها على الكل المتسامحين حقيقة بدون نفاق
وهم من أوصلوا الأمة إلى هذه الحالة الحالية الحالية!!، نثرها كريمًا هذا المعتوه - أضينة التي لا تعرف الكتابة والقراءة في فيننا- بزعمه تنفس الصعداء باصطياده لفريسته بالاسم!
هؤلاء القوم فقد زوروا آباءهم فما بالكم بحديثهم!!!
انظر أخي القارئ كم منحاز تداخل في هذا البوست حصرًا ليجد رغبته الضبعية فيما ينوش الجهلول لتدرك أن أزمة الدولار الحالية في السودان:
ليست اقتصادية
وليست سياسية حتى
بل هي عنصرية بحتة يغذيها أولاد الأفاعي هؤلاء بالتكرار ثم يجأرون بأن الأزمة سببها أولاد الحلال!
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
علي سلامات
رجعت قريت بوست على عبدالوهاب ولقيتك انت القائل ب "ونسة اسماعيل" ..
حقيقة اقرأ الاشياء ويختزن ذهني عبارات ومواقف بدون تذكر قائليها .. وردت كلمة ونسة في ذلك البوست 8 مرات وكلها تدور حول عبارتك (اسماعيل يتونس) ..
لما سألتني هنا لم اتذكر حتى انك قائل العبارة .. وانصرف ذهني تماما للابيات التي شرحت بها .. الا انو لمن رجعت للبوست وقع لي سؤالك وعرفت انو عنوان البوست منبثق من مداخلتك 
وانا بشرح ليك تذكرت موقف النجار داخل دولاب تلك السيدة المحترمة وقد فتح زوجها الدولاب .. هههههههه
المهم ..
| |
|
|
|
|
|
|
|
|
 Re: اسماعيل لا يتونس!! (Re: محمد حيدر المشرف)
|
اقترح أن يوضع منحوت جميل بلون غير أسود كالح بحجم الدفوفة للمشرف من الطرور ليمثل العنصرية والدكترة الكرتونية والرغي عكس الحقيقة وحسب الرغائبية الطفولية والجغبزة المؤسسة.
بس توضع وين؟ يرجى أخذ موافقة الأخ ...!
| |
|
|
|
|
|
|
|
|
|
Re: اسماعيل لا يتونس!! (Re: آدم صيام)
|
Quote:
اقترح أن يوضع منحوت جميل بلون غير أسود كالح بحجم الدفوفة للمشرف من الطرور ليمثل العنصرية والدكترة الكرتونية والرغي عكس الحقيقة وحسب الرغائبية الطفولية والجغبزة المؤسسة. |
يا آدم صاحبنا محمد حيدر المشرف ما بشوف عوجة رقبتو
هو واحد من الكتاب الداعمين بشراسة المدرسة المركزية العروبو إسلامية.
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
وجودك مهم يا آدم لاغراض البوست ..
فقط لو اهتممت بالكتابة قليلا في خضم تشنجاتك, ستكون اكثر فائدة بالتأكيد ..
ففي المقتبس التالي, على سبيل المثال, جزئية (لا اقول طفولية ولا متشنجة) .. فقط اقول جزئية مهمة لو كانت مفهومة أكثر.
كانت, يا آدم صيام, ستجعلنا أكثر تفهما لمحركات الكتابة عندك ومن ثم تصنيفها في سياق البوست
| Quote: نرجسي وقبيلتي ولونه إن كان له لون ،السوسي أيضا نرجسي؟. |
سوسي دي من السوس؟!!
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
واصل يا آدم
وسنلقي الضوء على ما تقول
قلت
Quote: تتونس إنت يا المويتك ساقطة وقبيلك من الفريوني مويتو ناقطة
عليك بالأذعر بريمة – خذاه الله في الدارين هو وجنجويده- |
اي قبيلة تقصد بقبيلتي؟!
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
Quote: قد لاتحفل كثيرا بمعاناة الهامش ..
وتتخذه حصان طروادة لطموحات تتسنم ضهر المطحونين .. |
الغريبة انا قاع اقول نفس الكلام ,,
انا بقولوا لي كوز وانت مافي زول بجي جنبك ,,
انا شايف انا مُهمَّش.
تحياتي
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
اؤكد لك يا صديقي دوك المشرف اسماعيل قاعد يتونس
جاري من ابكرشولة علي الحلف امس عامل حفل حنة لي ود اختي
وجاري عمي السر الشايقي شارك جاري في تكاليف الحفلة من فنانة واورغ وترحيل
فاليذهب سمعة الى الجحيم
وكذلك الطيب مصطفى الى لظى
واقسم لكم برب المجرات لحين زوال هذا النظام ستعود اللحمة لهذا الوطن النزيف
يرونها مستحيلة ونراها معاشة تمشي بيننا
ايمن نواي اتصل علي الحاج رحال لو سمحت عشان يحكي ليك اللحمة السنارية
عليكم النبي يا حبايبنا ساعدونا بالمواقف الايجابية واكيد سنعبر
علي دفع الله دين اهلو طالع من هذا الوطن الآيل للاندثار
ابكي ليكم احلفكم بكل ما هو مقدس ايدكم جميعا عشان نعبر
قلنا الرووووووب
تفووووو علي الاخوان المسلمين الذين اوردونا مورد الهلاك
تفووووو على حسن البنا
تفوووو على حسن الترابي
تفوووو على بشة و كل التاافهين الارزقية
تفوووو علي انا
| |
|
|
|
|
|
|
|
|
|
Re: اسماعيل لا يتونس!! (Re: علي دفع الله)
|
| Quote: فاليذهب سمعة الى الجحيم |
ليه كده يا صديقي؟اول مرة تبدو عليك علامات الحنق... بعدين ياخي الفرق كبير بيني وبين الطيب مصطفى إن صدقت رواية(عنصري) لان الطيب يمتلك السلطة والمال... والعبد لله ليس له غير حبره المدلوق..
| |
|
|
|
|
|
|
|
|
|
Re: اسماعيل لا يتونس!! (Re: حاتم إبراهيم)
|
سلام
البوست يحمل جين الانفجار جميل جدا مناقشة المغتغت ومناطق الحساسية
تمنيت لو العنوان لم يتطرق لاسم معين!
لا للعُنصرية ولا لِلتطرف
أسال هل تُناقش بنفس المستوي وتتساوي عُنصرية اهل المركز المرتبطة بجهاز الدولة وعُنصرية اهل الهامش ؟
هل النعت( عُنصرية ) وصف دقيق لما يحصل في السودان علي المستوي (شعبي/رسمي) ؟
وُدوورد
| |
|
|
|
|
|
|
|
|
|
Re: اسماعيل لا يتونس!! (Re: حامد عبدالله)
|
الاخ العزيز حامد عبدالله
تحية طيبة ..
كنت بالتحديد انتظر مثل طرحك حول معايرة (مقايسة) العنصرية ..
العنصرية هي العنصرية بمستوياتها المتعددة ..
هي سلوك وطريقة تفكير يتفاوت مقدارها بمقدار الخارج منها للناس وانعكاس ذلك على المجتمع ..
عندما يأتي زيد من الناس (احتراما لرغبتك المحترمة جدا لتجاوز الاسماء) .. عندما يأتي زيد من الناس ويقوم بنشر افكاره العنصرية بين المجتمعات السودانية .. هل يختلف أثر هذا السلوك وطريقة التفكير في المجتمع بالجهة او الخلفية الاجتماعية التي يأتي منها زيد ؟!
اعتقد ان عنصرية الدولة اكثر اثرا بما لا يقارن بعنصرية الافراد والمجموعات ..
واما عنصرية الافراد والمجموعات فمتساوية الاثر طالما كانت متساوية المقدار ..
هل عنصرية اهل المركز هي ذاتها عنصرية الدولة ؟!
الدولة دولة عنصرية بامتياز .. لا اعتقد ان تنتطح عنزتان حول ذلك .. وبمرجعية ثقافة عربية وتاريخ ديني موبوء بالعنصرية (وحتى نخرج الدين من المعادلة احتراما لقداسته عند الجميع) ..(تاريخ ديني وليس دين) يبرر استئثار عناصر اثنية بعينها على السلطة والثروة (هذه عنصرية كاجابة على ما يحدث في المستوى الرسمي) ..
هل بموجب ذلك يكون بالضرورة ان عنصرية عبيد (مقابل عنصرية زيد) هي ذاتها عنصرية الدولة لمجرد انتماء عبيد لذات الثقافة المهيمنة على الدولة ..
تعال نفكر في النموذج الطرحتو فوق ..
نموذج تفضيلات الزواج داخل اطار القبيلة .. هل لو كانت القبيلة تنتمي لمدار الثقافة العربية تكون هذه العنصرية شكلا من اشكال عنصرية الدولة ؟!!
الاجابة عندي لا
هذه ليست عنصرية دولة وتعادل في مقدارها ذات مقدار مقابلها من العنصرية التي لا تنتمي لثقافة الدولة ..
التمييز بين هذه الاشياء مهم جدا والنموذج التالي هام
سين من الناس لا ينتمي للثقافة المهيمنة سلطويا ..
ويمارس من العنصرية القدر الكافي ليحدث ذات الاثر الذي تحدثه عنصرية الدولة في نفوس المجموعات المعرضة لعنصرية الدولة من الغبن والكراهية والظلم المتراكم .. ما مقدار الفرق بينه وبين عنصرية الدولة من ناحية الاثر المتمثل في اثارة الكراهية بين مكونات الشعب السوداني ؟!
اتحدث عن اثر الكراهية بين الناس .. لا القدرة على ارتكاب المظالم
واحد من ناس السلطة يفكر بطريقة (هؤلاء الغرابة اصلو ما يحكمونا ليوم الدين)
وآخر من الفريق الثاني يفكر بطريفة (هؤلاء الجلابة سنحكمهم ونذلهم ليوم الدين)
السلطة اليوم بيد الاول .. وقد تكون بكره في يد الثاني .. اليس كذلك؟!
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
مشكور جدا المشرف
علي الرد واحترام وجهة نظر عدم تناول الاسماء.
الموضوع مهم جدا ونقاشو مفيد وصحي
وانا بكتب بفكر العُنصرية ياها العُنصرية فعل/قول الخ كريه تجاه اخر بقصد الحاق الضرر جسدي/نفسي الخ ...مرفوض ومدان
هل من العدل ان يتساوي فيه (الذي ياتيه كرد فعل لضرر و إيذاء وقع عليه واخر ياتيه كشرط وجودي !!!
عن نفسي بلقي تخلف الدولة والمجتمع وانشغال الصفوة /النخبة بقضايا
ومواضيع لا تخدم التنوير ولا التقدم بصفر علاقة
فيه كتير من تفسير الازمة الاجتماعية/السياسية/الاقتصادية ومريح نفسيا
النعت او الوصف عُنصري/عُنصرية اجده فضفاض جدا لمحاربة القضية
اتذكر نقاش مع زميلة روسية قالت كلام بفتكرو مهم جدا لعلاقة بعُنصرية الافراد بتقول متسائلة لو اتهمت زول بالعٌنصرية لحاجة عملها ليك ولا كلام قالو ليك رد ليك او لمن يمثلك انو هو ما عُنصري !
واثبت انو عندو تعامل وعلاقات جيدة مع بني ادميين يتشاركو معك في النوع ويشبهوك !
رايها انو قضيتك حتموت وتفقد التعاطف وذلك الشخص سيواصل سلوكه السيئ دون اي احساس بالذنب خاصة اذا لم يكن عُنصري ! بتفتكر الاحتجاج الدبلوماسي كان تقول لذلك الشخص
( لست متاكدا لكنني احسُ او لدي شعور كأنك انسان عُنصري !
هي تفتكر ان مثل هذا يساعد في محاربة عٌنصرية الافراد.
لطبيعة (شربكت) العلاقات في المجتمع السوداني اعتقد ان القضية
تحتاج نقاش كتير جدا خاصة (عُنصرية الافراد ) اي دولة مخطوفة
اعتقد ان الخاطف سيعمل اي شي من اجل الاستمرار
نخبة همها كم رواية كتبت وقصة قصيرة فلسفة المنطق وحوار الحضارة
وجدل الهامش والمركز ومركزية الدين الخ ليست بالاستعداد الكافي للتنوير وقيادة التغيير لاتزال غارقة بانانية في قضاياها او لا مبالية بقضايا الامة/الجماهير
وُوورد
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
الاخ العزيز ابوحسين ..
تحية طيبة
عشان تقدر تكتب في البورد ده مع التهريج غير المسؤول وهذا العيث الصبياني الحاصل ده لا تتجاوزه.. دي الطريقة الوحيدة وتمضي في اتجاهين .. تجاه محتوى البوست .. وتجاه اعضاء المنبر
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
منصر سلامات ..
ملاحظة جيدة جدا ولكن ..
مستويات متعددة من العنصرية .. ونحو اتجاهات مختلفة ..
ذات حميدتي قد يمارس العنصرية تجاه القبائل المسماة غير عربية في الغرب كما يمارس العنصرية تجاه القبائل المسماة عربية قي الشمال ..
الفرق في التعابير المستخدمة ليس الا ..
,,
خاتم باص
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
والمضحك أنه حاول تلطيف عنصريته
تارة بتمييعها ومساواتها بالجميع، كتلميذ يظن أن توزيع
بقعة الحبر على مساحة أكبر يخفيها من القميص.
وتارة بالتلميح إلى أن عنصرية الآخر (ستكون) مؤسسية!
تفعيل نعرة الشيطنة الكريهة تلك وتزيين الذات الموبوءة بنفس الداء.
منطق أخف الضررين يا نورين!
___
ففيم اختلاف فعلك عن الفعل المؤسسي؟
| |
|
|
|
|
|
|
|
|
|
Re: اسماعيل لا يتونس!! (Re: حاتم إبراهيم)
|
Quote: والمضحك أنه حاول تلطيف عنصريته
تارة بتمييعها ومساواتها بالجميع، كتلميذ يظن أن توزيع
بقعة الحبر على مساحة أكبر يخفيها من القميص |
هههههههههههههه
حقنة شافية لدكتور البندول.
العن ابو الدكترة ذاتو...
| |
|
|
|
|
|
|
|
|
|
Re: اسماعيل لا يتونس!! (Re: يحي قباني)
|
الاخ ود المشرف وضيوفه.... تحياتي
أن ما تمارسه من تهميش لردود زميل المنبر حاتم من وجهة نظري الخاصة اعتبرها نوع من التعالي والعنصرية المبطنة..
مهما كان الخلاف فلن تعجز علي الرد علي مداخلاته بالمنطق والحجة وفي النهاية التقييم متروك للقاريء..
مع تقديري للجميع..
| |
|
|
|
|
|
|
|
|
|
Re: اسماعيل لا يتونس!! (Re: Arif Nashed)
|
نحن كسودانيين بمختلف مكوناتنا أخر من يتكلم ويدين العنصرية فلقد رضعنا من ثدي العنصرية واصبحت تجري مجري الدم في عروق كل السودانيين..
وجود الإنجليز ربما كان سببا لتوحيد مكوناتنا كسودانيين وبعد ذهاب المستعمر صارت الهوية العربية طابع الحكومات وتم تهميش القبائل الإفريقية..
| |
|
|
|
|
|
|
|
|
|
Re: اسماعيل لا يتونس!! (Re: Arif Nashed)
|
وجهة نظر نحترمها يا عارف ..
كلو عندو دين .. كلو عندو راي
وشكرا لتقديرك
قباني يا يحى
كيفك وكيف كيفك يا عزيزي
كلنا سوا لاهمال صغائر الامور والتركيز في المهم
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
| Quote: حن كسودانيين بمختلف مكوناتنا أخر من يتكلم ويدين العنصرية فلقد رضعنا من ثدي العنصرية واصبحت تجري مجري الدم في عروق كل السودانيين.. |
شكرا عارف ..
مهم ان نتكلم وندين العنصرية .. هذه ضرورة .. وتماما كما يجب ان ندين ونتكلم عن الفقر ونحن دولة فقيرة يتفشى فيها الفقر .. وعن الجهل ونحن دولة يتفشى فيها الجهل الخ الخ ..
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
مربوطة
_____
غايتو البوست ده فيهو جنس حساده قالت للعنصرية انتى شنو
____
ود المشرف ... عيب كده رد على المعروف ده
عيب تخليهو يلهث
و بينى وبينك ح يلهث ان حملت عليه او تركته
Quote: سبحان الله
شى عجيب |
| |
|
|
|
|
|
|
|
|
|
Re: اسماعيل لا يتونس!! (Re: معاوية المدير)
|
حاتم عايز يستفز ود المشرف بتكرار التداحل و الاتهام بالعنصرية في سبيل افساد البوست عليه و قطع تسلسل الفكره لبنحول لخانة الدفاع عن نفسه
ود المشرف انتبه وفوّت عليه بذكاء وقرّر الأخذ باستراتيجية التجاهل ريّما حتى ينتهي من طرح فكرته الرئيسة ونقاشها أو حتى تتاح الفرصة في بوست او مناسبة أخرى
و حتى الآن الاستراتيجية ناجحة بمبدأ الداير تهريه اسكت خليه
قوم يا جمعية ضحايا حاتم اتداخلوا واحد ورا التاني واتركوا موضوع البوست الرئيس و امسكوا في باص و ايوة واديله ومش عارف ايه ظنا منهم انهم يدعمون ود المشرف الذي يضطر ذوقا ومجاملة ان يرد على تعليقاتهم مما يفسد عليه استراتيجية التجاهل الناجحة حتى الآن!
فيا اعضاء الجمعية ما تبقوا زي الدبة التي قتلت صاحبها ظنا منها انها تساعده! ابردوا شوية
أبو حتوت
خبير آكشن وضابط جودة معتمد
____________________________________
معذرة يا دكتور تعليق تاني وبرضو بعيدا عن عضم الموضوع
| |
|
|
|
|
|
|
|
|
 Re: اسماعيل لا يتونس!! (Re: جمال ود القوز)
|
Quote: امسكوا في باص و ايوة واديله ومش عارف ايه ظنا منهم انهم يدعمون
ود المشرف الذي يضطر ذوقا ومجاملة ان يرد على تعليقاتهم مما يفسد عليه
استراتيجية التجاهل الناجحة حتى الآن! |
خلآس يا ود المشرف إنت جليّنا ؤ نحن
بنسوي في سُوآتنا ...
| |
|
|
|
|
|
|
|
|
|
Re: اسماعيل لا يتونس!! (Re: Arif Nashed)
|
| Quote: أن ما تمارسه من تهميش لردود زميل المنبر حاتم من وجهة نظري الخاصة اعتبرها نوع من التعالي والعنصرية المبطنة.. |
بل هو الاحساس بالضعف والهوان أمام منطق وحجة حاتم.
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
تحياتي للجميع ..
التعلق بقشة حق مكفول لاي غرقان ولكنه لا يفيد ..
هنا يوجد كائن عنصري بامتياز..
وهي عنصرية مقيتة جدا وهادمة ويجب فضحها كما يجب فضح غيرها متى ما خرجت برؤوسها القبيحة من الجحور المظلمة للعنصرية .. وتحديدا في هذه المرحلة من الانحطاط العام.
مثل هذه الفترة المنحطة من حياة الشعوب ترسم المستقبل للاسف الشديد .. لذا نحن مواجهون بتحدي صناعة نعطيات جيدة للمستقبل مقابل تمكين معطيات الانحطاط من ان ترسم مستقبلنا كوطن تتوافر فيه معطيات العيش المشترك او ان يذهب في اتجاه المزيد من الحروب والانقسامات ..
على السودانيين ان يحددوا ما اذا كان الطيب مصطفى واسماعيل وعادل امين ومنعم (صاحب عبارة شبق الشماليات) هم صناع مستقبل السودان (واعني خطاب العنصرية) .. ام هو سعى العقلاء من سيحدد مستقبل السودان (الخطاب الوطني القومي الراشد)
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
| Quote: وهي عنصرية مقيتة جدا وهادمة ويجب فضحها كما يجب فضح غيرها متى ما خرجت برؤوسها القبيحة من الجحور المظلمة للعنصرية .. وتحديدا في هذه المرحلة من الانحطاط العام |
ههههههههههههه
فجأة كدة صحيت وشفت العنصرية..
العنصرية مارسوها اهلك ومحاسيبك عبر اجهزة الدولة منذ ١٩٥٦ ... ما شفنا ليك بوست القى الضوء على الخلل الواضح في هيكل الدولة طيلة هذه الستون عاماً ونيف مما نعد..
| |
|
|
|
|
|
|
|
|
 Re: اسماعيل لا يتونس!! (Re: اسماعيل عبد الله محمد)
|
يا سمعة إنت صلآة النبي فوقك، ود سِغيروني ؤ حِليّو ؤ في
مقتبل العمر ؤ عنفوان الشباب البخليك تحمل أفكار معفنة
زي دِي شنو !، يأخ عيش شبابك ؤ بوسامتك دي ألف من تتمناك
سوا كان من الولآية أو من النيل أو غيرهما من فجاج العالم
البيخليك تباري بريمة الجولكيّن دا شنو !، حاجة عجيبة ياخ !.
سمعة يا أبو الشباب ما تضيع شبابك في مباراة العوّد بريمة
وتبنئ أفكاره، أضرب البهجة وأقع النوادي الليلية ؤ صدقني
الجكس حا يموّت فيك موّت ...
| |
|
|
|
|
|
|
|
|
|
Re: اسماعيل لا يتونس!! (Re: معاوية المدير)
|
Quote: أضرب البهجة وأقع النوادي الليلية ؤ صدقني
الجكس حا يموّت فيك موّت .. |
هههههههه
يا ود المدير ياخي شبعنا و روينا في الأندية الليلية بما لذ وطاب فيها من اللحوم البيضاء والسمراء والمشروبات اللذيذة قلنا كمان نتفرغ لحملة (الكراتين)...
| |
|
|
|
|
|
|
|
|
|
Re: اسماعيل لا يتونس!! (Re: اسماعيل عبد الله محمد)
|
استميح صاحب البوست عذراً كي انتهز هذه السانحة لالفت عناية السادة قراء البوست الذين ناهز عددهم الخمسة آلآف أن يتجهوا إلى قراءة الكتابين الآتيين:-
١-جدلية المركز والهامش.
٢-الكتاب الأسود -( ألجزء الأول) و (والجزء الثاني).
حتى يكونوا على بينة ولا يقعوا ضحايا للتدليس الذي يمارسه مفترع البوست و شيعته.
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
وعليك أنت كذلك أن تحدد دوافع مناصرتك للخط العنصري الذي سيحدد نمط الحياة جنوبه بوضوح.
وأن تنظف ما علق بجيوب بطنك المظلمة وتلافيفها المتعرجة بعنصرية تتجأشأ غازاتها كفاحا بين الفينة وما يليها في وجوهنا.
| |
|
|
|
|
|
|
|
|
|
Re: اسماعيل لا يتونس!! (Re: معاوية المدير)
|
Quote: استميح صاحب البوست عذراً كي انتهز هذه السانحة لالفت
عناية السادة قراء البوست الذين ناهز عددهم الخمسة آلآف أن
يتجهوا إلى قراءة الكتابين الآتيين:-
١-جدلية المركز والهامش.
٢-الكتاب الأسود -( ألجزء الأول) و (والجزء الثاني). |
قر ينفُخك، إنت عفنك دايرلو مرآجعة كُتُب كمان !...
| |
|
|
|
|
|
|
|
|
|
Re: اسماعيل لا يتونس!! (Re: Biraima M Adam)
|
ود المشرف،
لا عاش من زعلك ..
| Quote: القائمة تقدم مثالا لا حصرا وروعي فيها تقديم نماذج من جهات مختلفة للتدليل ولكن .. انا كاتب هذا البوست لا اخلو من العنصرية في مستوى من المستويات الاجتماعية المتعددة. وأخال ان كل السودانيين كذلك, وأمرهم في ذلك لا يختلف عن كل المجتمعات الانسانية. |
وطيب !! .. هل في زول شايل عكازه يفلّق .. ويقول عايز يحجز في نفس الوقت ...!
وبعدين نسيت أكبر غرابي حاقد .. ول أبا أدم صيام .. دا مبهدلنا نحن ذاتنا الغربة ..
بريمة
| |
|
|
|
|
|
|
|
|
|
Re: اسماعيل لا يتونس!! (Re: ABUHUSSEIN)
|
Quote: حاتم عايز يستفز ود المشرف بتكرار التداحل و الاتهام بالعنصرية في سبيل افساد البوست عليه و قطع تسلسل الفكره لبنحول لخانة الدفاع عن نفسه
أبو حتوت
خبير آكشن وضابط جودة معتمد |
سلام ابو حتوت ....
البي اللحمر دا التكنك عصام الشوالي الفنان
جدا" في الوصيف ... يعني زول خبير وظابط
ومعتمد .. المفروض تخت رأيك تخ فوق الطاولة
وتقول ليهو بطل لعب الشفع البتسوي فيهو دا ...
هههههه .... إتا يا ٦ ها ات :-
عنصريتك ضد كل السودانيين مكبشرة وجاهزة
للعرض ... اول ما افضي حا نجيبا ليك هنا والمره
دي بتقوم جاري جريه طويله ....
| |
|
|
|
|
|
|
|
|
|
Re: اسماعيل لا يتونس!! (Re: Salah Zubeir)
|
وين يا ود الزبير Quote: المفروض تخت رأيك تخ فوق الطاولة
وتقول ليهو بطل لعب الشفع البتسوي فيهو دا ... |
وأبوّظ الآكشن يعني!
بعدين وين باقي مداخلتي في اقتباسك؟ شلت منّها الطعمية بيّختها وقعدت
الحاجة لغريبة في البوست دا - آكشوالي ما غريبة على حوارات سودانيز المأزومة - الكل يتفق على ادانة العنصرية وأن الوصف بها سبّة و تهمة يجب انكارها
لكن في نفس الوقت الكل يسعى جاهدا لتجريم الآخر بها, هسّي انت ح تجيب لحاتم عنصريته ح ينكت ليك عنصرية الابتدائي و يشبكك "تابونة .. تابونة"
في حبن الاتنين متفقين على ادانتها ولا احد يدافع عنها او يبرر لها!!
| |
|
|
|
|
|
|
|
|
|
Re: اسماعيل لا يتونس!! (Re: محمد البشرى الخضر)
|
| Quote: تلك جدلية قائمة ومبررة بل وضرورية جدا للحياة الاجتماعية والسياسية والاقتصادية في السودان |
في هذا الخيط, كيف نبرر للجدلية ؟
(قائمة) قابلة للجدل و لكن ما هي المبررات؟
لو في نقاش كان لابد او الافضل ان يكون حول المبررات.
كيف نعرف المركز و الهامش؟
هل المركز بس في القصر الجمهوري ام جغرافية متكاملة؟ ام اثنية ام جهوية؟
يعني لو الواحد جاء من الواق واق و اشتري بيت قصاد القصر الجمهوري, هل يصبح مركز؟
مثلا هل اصنف نفسي مركز في كتم و عمر البشير يصنف هامش في مركزي؟ و كذا كل انسان في مركز اقامته فهو مركز و المهاجر اليها فهو هامش الي ان يستقر.
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
الاخ اسماعيل تحية طيبة
سؤال (أو مسألة) البوست حول العنصرية التي تمارسها .. وهي, كما تعلم يقينا, عنصرية قبيحة جدا وتهدد فرص التعايش السلمي بين مكونات الشعب السوداني وتباعد بين اهل السودان وتفرق بينهم.. وأنت تعلم يقينا قيامك بهذا الدور وتمارسة بوعي تام وقناعة يقينية. وترى, هداك الله, ان لهذه العنصرية الأميبية في دواخلك مسببات قوية ترتقي لان تكون مسوغات لما تمارس.
بمعنى آخر انك لا تنفي عنصريتك البائة بيونة كبرى, وانت لا تملك أن تنفيها اصلا, وأنت لا تريد أن تنفيها كذلك, بل هي بمثابة منفستو معلن من جانبك تعمل جاهدا من خلال مشاركاتك في منبر سودانيزاونلاين لتنفيذه انتصارا لرؤية سياسية/اجتماعية تخصك.
والحال كذلك يا اسماعيل .. لا اعلم لماذا انت غاضب من هذا البوست؟!
هل ادعيت عليك شيئا غير صحيح؟!
أم أنك تريد أن تصادر حقنا في نقد الذي تراه انت الصواب والحق؟!
هذا البوست فرصة طيبة لك كي تدافع عن قناعاتك العنصرية بدلا عن التعلق بهذه القشة الطافيه في مياه البوست.
قلنا ان العنصرية هي العنصرية .. وهي قبيحة ومقيئة اينما كانت وكيف كانت .. وتنشر البغضاء بين اهل السودان وتفرق بينهم .. وقلنا انها تتماهى مع انحطاط الدولة السودانية, او هي في الواقع تجلي واضح لانحطاط الدولة في السودان.
اذن الخلاف بيننا بسيط جدا ..
انت ترى انها ضرورة مفسرة في سياق المظالم .. ونرى انها لا تفسر الا من خلالها .. واعني ان العنصرية هي العنصرية ولا تفسر خارج اطار انها عنصرية قبيحة وقميئة ومؤذية وقمية سالبة في حياة الشعوب
ده ياهو الخلاف ..
ولا يدار بطفولية تبادل الاتهامات وملاحقة الاخرين بتهمة العنصرية والغباء الخ ..
هب اني عنصري .. هذا ليس خلافنا
خلافنا أنني ارى ان العنصرية مسألة منحطة جدا في راهن البشرية وتأريخها .. وانت تراها ضرورة وتدخل في اطار رد الفعل المناسب للمظالم ..
فيا هداك الله ركز .. وأقرأ .. وأكتب ذاتك وقناعاتك امام الناس .. ودافع عنها بشجاعة ومسؤولية بدلا عن (مباراة الجداد)
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
| Quote: سؤال (أو مسألة) البوست حول العنصرية التي تمارسها |
و كيف "عنصرية اسماعيل" تحولت الي جدلية هامش و مركز و اين موقع اسماعيل في معادلة الهامش و المركز؟
هل اسماعيل مركز ام هامش؟
و اين وضعت نفسك يا دكتور في المعادلة (مركز ام هامش)؟
و لو اديت نفسك (ديفولت) مركز, بأي حق وضعت اسماعيل في الجانب الخاسر من المعادلة (هامش)؟
ايوي (الهامش) خاسر لانه كمن يتكفف الاخرين ليمنو عليه بمستحقاته..
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
Quote:
الاخ اسماعيل تحية طيبة
سؤال |
واذا حييتم بتحية فحيوا بمثلها أو أحسن منها..
لك عاطر التحايا يامشرف. سيبك من عنصرية إسماعيل.
انا برضو عندي سؤال: ما هو دورك في مكافحة عنصرية دولتك بحق سكان جبال النوبة ودارفور والانقسنا؟
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
الاخ العزيز
على دفع الله
اسماعيل لا يتونس..
هو زول صاحب رؤية واضحة يسعى لتحقيقها انتصارا لواقع تأريخي يرزح, بحسبه, تحت نير الظلم والعنصرية والتغول الممارس من قبل اهل الشمال النيلي على مقدرات البلاد والعباد..
قرائتي للامر واضحة جدا ..
نمو تيارات جهوية داخل المجتمعات السودانية .. وهذا امر متوقع جدا في ظل الانحطاط العام للدولة السودانية وسياساتها ومشروعها الفكري والسياسي والاجتماعي ..
الاسماء الواردة في صدر البوست نماذج مختلفة للمجتمع السوداني في الشمال والجنوب والوسط والشرق والغرب. وجميعها تمثل تيارات فكرية جهوية عنصرية مختلفة داخل المجتمع السودانية .. ولكل منها الفزلكة التأريخية والاجتماعية للصراع في السودان .. وجميعا تمارس العنصرية عن قناعات راسخة بامتلاك الصواب الفكري .. زيها والنازية واحد .. فكرة مركزية حول الذات وتفوقها المطلق وامتلاكها للصواب مع تحقير الآخر الحقير بحق وحقيقة والمنحط بذاته والخالي تماما من القيم الانسانية الرفيعة
هذا هو اسماعيل .. وهذه هي منطلقاته .. وهذا هو سلوكه .. وهذا هو كتابه
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
| Quote: والأمر كذلك, نكون بازاء فضاء خاص للعنصرية في السودان بدون متعلقات تبريرية .. توجد عنصرية في الشمال والجنوب والغرب والشرق والوسط .. وتوجد عنصرية داخل كل بيت في السودان الا من رحم ربي. وهكذا فإن اسماعيل لا يتونس عبثا ساي. اسماعيل كائن عنصري بامتياز يمتلك الجرأة اللازمة للجهر بما يجيش في دواخله ويلقى القبول من قطاعات واسعة يطيب لها أن يجهر احدهم بما يخفونه في السر. |
و في ظني, ده موضوع البوست: العنصرية موجوده في كل الاتجاهات و داخل البيت الواحد و الرحم الواحد و هكذا اسماعيل شخص واحد او مثله الطيب مصطفي و اخرون.
و لكن كيف السياق للمقدمة و ربطها بجدلية المركز و الهامش؟
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
الاخ العزيز ود المشرف وضيوفه الكرام تحياتى
Quote:
جدلية الهامش والمركز ليست مرساة قابلة لاستخدام لاي سفينة عنصرية عابرة |
جدلية التمركز والتهميش هى ماكينة ادار على اساسها الكيزان صراعهم السياسى والاجتماعى والاقتصادى فى السودان
وقد رست عليها اسوأ ما انتجته الانقاذ ( العنصرية * )
غايتو محاربة العنصرية فى السودان صار من الصعوبة بمكان .
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
فقط سأورد مداخلة حامد عبدالله هنا لخدمة التسلسل في قراءة البوست ..
مشكور جدا المشرف
علي الرد واحترام وجهة نظر عدم تناول الاسماء.
الموضوع مهم جدا ونقاشو مفيد وصحي
وانا بكتب بفكر العُنصرية ياها العُنصرية فعل/قول الخ كريه تجاه اخر بقصد الحاق الضرر جسدي/نفسي الخ ...مرفوض ومدان
هل من العدل ان يتساوي فيه (الذي ياتيه كرد فعل لضرر و إيذاء وقع عليه واخر ياتيه كشرط وجودي !!!
عن نفسي بلقي تخلف الدولة والمجتمع وانشغال الصفوة /النخبة بقضايا
ومواضيع لا تخدم التنوير ولا التقدم بصفر علاقة
فيه كتير من تفسير الازمة الاجتماعية/السياسية/الاقتصادية ومريح نفسيا
النعت او الوصف عُنصري/عُنصرية اجده فضفاض جدا لمحاربة القضية
اتذكر نقاش مع زميلة روسية قالت كلام بفتكرو مهم جدا لعلاقة بعُنصرية الافراد بتقول متسائلة لو اتهمت زول بالعٌنصرية لحاجة عملها ليك ولا كلام قالو ليك رد ليك او لمن يمثلك انو هو ما عُنصري !
واثبت انو عندو تعامل وعلاقات جيدة مع بني ادميين يتشاركو معك في النوع ويشبهوك !
رايها انو قضيتك حتموت وتفقد التعاطف وذلك الشخص سيواصل سلوكه السيئ دون اي احساس بالذنب خاصة اذا لم يكن عُنصري ! بتفتكر الاحتجاج الدبلوماسي كان تقول لذلك الشخص
( لست متاكدا لكنني احسُ او لدي شعور كأنك انسان عُنصري !
هي تفتكر ان مثل هذا يساعد في محاربة عٌنصرية الافراد.
لطبيعة (شربكت) العلاقات في المجتمع السوداني اعتقد ان القضية
تحتاج نقاش كتير جدا خاصة (عُنصرية الافراد ) اي دولة مخطوفة
اعتقد ان الخاطف سيعمل اي شي من اجل الاستمرار
نخبة همها كم رواية كتبت وقصة قصيرة فلسفة المنطق وحوار الحضارة
وجدل الهامش والمركز ومركزية الدين الخ ليست بالاستعداد الكافي للتنوير وقيادة التغيير لاتزال غارقة بانانية في قضاياها او لا مبالية بقضايا الامة/الجماهير
وُوورد
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
سلام أخ محمد المشرف
دا كلام عام:
سلوك الأخ إسماعيل عبد الله - وتعميماته وتجريمه المطلق للآخر علي إساس عرقي وجهوي
- مرفوض - ولكن !
هذا الموقف لايلغئ - واقع العنصرية والتعالي العرقي والحط من قدر الآخر الذي يطال ويمس عرقيات بعينها !
ولايلغئ حقيقة وجود تهميش ! أو وجود هيمنة من المركز !
- إسماعيل كموقف وسلوك لايشكل معادلا لسلوك وموقف - إجتماعي سالب !ولايشطب مرارات تاريخية وإجتماعية لازال جسد الوطن ينزف منها!
* يعني مثلا إذا قام شخص ذو أصول جنوبية - بممارسة عنصرية ووصف الشماليين بأنهم عبيد فهل هذا الموقف لمجوك يكفي لأن يرفع دلالة علي أن المبارة أصبحت متعادلة - وأن كل
الجهويات والعرقيات تمارس العنصرية والكل ضحايا ودم القتيل تفرق علي الكل !
-
| |
|
|
|
|
|
|
|
|
|
Re: اسماعيل لا يتونس!! (Re: Biraima M Adam)
|
يا جماعة إنتو مكبرين اللفة ؤ زايدنها
فلسفة فوق كم !.
هاكم من الآخر كِدا .
دا كلآم سمعة:
| Quote: وتظل نهر النيل معقل العنصرية في السودان. |
ؤ دا
تنبيه بريمة لسمعة:
Quote: ول ابا سماعين بوضع التاء في "تظل" .. أجدك كأنك تقصد "ولاية نهر النيل" ..
المشكلة في نهر النيل بأكمله .. حتى ناس الجنوب الذين يقعون علي نهر النيل ..
عنصرية منذ فجر التأريخ.
الصحيح يظل نهر النيل" .. معقل العنصرية في السودان
بريمة |
ثم دي زيادة وسخ من حاتم باص:
| Quote: الأنهار بتلم يا بريمة. |
Re: قال: دا”فلاتي ساكت”.. دبلوماسي سوداني يماRe: قال: دا”فلاتي ساكت”.. دبلوماسي سوداني يما
الجماعة ديّل ما يخموكم ؤ يملوكم فقر ساكت، ديّل الإنسان النيلي
في نظرهم عنصري من المنبع للمصب، فخلّو بالكم لهذا النوع من
البشر أيها الجلآبة والغرابة معاً ...
| |
|
|
|
|
|
|
|
|
|
Re: اسماعيل لا يتونس!! (Re: معاوية المدير)
|
ود المدير،
يا أخي،
Quote: الجماعة ديّل ما يخموكم ؤ يملوكم فقر ساكت، ديّل الإنسان النيلي
في نظرهم عنصري من المنبع للمصب، فخلّو بالكم لهذا النوع من
البشر أيها الجلآبة والغرابة معاً ... |
ول أبا سماعين .. أما يكون إنسان مساوي لأي مخلوق في السودان .. أو لا يكون هناك سودان من الأساس .. مش هذا هو نفس التعالي الخلي الجنوب يمش! .. نحن البقارة ما جنوبين .. مسألة الفرار ليس وارده عندنا نهائياً ..
مسألة الفطام صعبة جداً .. لاحظ الفيديو السابق .. ل Richard Spencer .. هل تفتكر مجموعة ال أولت رايت وقفت هذا الموقف من منطلق أريحي؟ .. لا .. هذا موقف جاء نتيجة تحولات كبيرة وتحديات جسيمة .. وقد شعروا بأنفلات قبضتهم علي الأمور ..
نفس هذه التحولات شهدناها في جنوب أفريقيا .. حينما آلت الأمور إلي الزعيم الأنسان نسلون مانديلا .. (وفي الحقيقة أسمه آماندلا) ..
أنت يا صحبي وود المشرف والكوكلكس كلان عادل أمين .. ناس جاطت الأمور في رؤوسكم .. بشاشا أنتهي زمان ..
بريمة
| |
|
|
|
|
|
|
|
|
|
Re: اسماعيل لا يتونس!! (Re: Biraima M Adam)
|
الاعزاء ود المشرف وسمعة
وضيوفهما
طبعا المواضيع دي بترجعنا للمربع الأول،
وهو القبيلة وجنسكم شنو؟
بالجد سمعة دا ممكن يكون جلابي وممكن يكون بقاري وممكن يكون زرقة،
بالجد شكلو محير هههههههههه
من الآخر كدا يا سمعة شمار مني ساكت كدا: انتو جنسكم شنو؟! هههههههههه
وانت مصنف نفسك بقاري ام زرقة؟!
لو قلتا لينا انك جعلي من المتمة بتكون لافقة معاك
بس لولا كتاباتك لما عرفنا انك من أبناء الهامش
| |
|
|
|
|
|
|
|
|
|
Re: اسماعيل لا يتونس!! (Re: Biraima M Adam)
|
نواصل مع ول أبا ود المشرف،
نأتي إلي جانب أخر يا ود المشرف .. أيضاً لم يكن واضح في طرحك .. أو أنك تحمل رؤية غير سليمة فيه .. وهو ما هو دخل الدولة السودانية في حياة المجتمعات السودانية؟ أو الأصح لماذا تفترض الدولة السودانية يجب أن تحدد للمجتمعات السودانية ماذا تفعل؟
السودانيون حينما يصلوا للدولة الديمقراطية .. يجب أن يكونوا هم من يبني الدولة التى تناسبهم وليس العكس .. ودعني أيضاً نقف ليك في حتة واحدة المجتمعات في الغرب ..
في أمريكا هنا .. هناك مجتمعات مغلقة لا تسمح بسكن أي غريب من الأجناس الأخري .. لو عايز تجئ تسكن معهم ما يبيعوا ليك البيت حتى بحر مالك .. مجتمعات مثل مجتمعات الأيرش (الأيرلنديين)، البيض، اليهود، السود مثلاً في Brooklyn بروكلن في نيويورك .. كبري العواصم التجارية في العالم .. جرب تسكن مع أولاد خالاتنا في بروكلن وشوف بعينك البهدلة التى تحصل ليك .. أمشي قول ح أبني لي قطيعة في الراشنات بتاعت الهنود الحمر .. والله يشلعوها ليك عود عود .. والحكومة ما تقدر تقول بغم .. والواحد لو حاول يتعاور يملوك دخيره لما الدخان يقيف ولا تلوم إلا نفسك ..
في وجهة نظري لازم يجب التنظير لشكل المجتمعات السودانية علي أسس فكرية قويمة .. مثلاً عادل أمين وود المدير .. لو قالوا زول ما شايقي مشلخ ما يدخل منتجعنا في كريمي .. أنا الغرابي دا بوديني ليهم شنو؟ ناس فرزوا عيشتهم لسبب ما .. وما مهم نعرف حتى السبب .. يأخذوا راحتهم كما يريدون .. ويحكم بيننا القانون في المصالح العامة .. ولا شنو؟ .. مثلاً الكلاكلات .. أستلموها النوبين من الشمال .. سواء رضينا أم أبينا .. لو أنا زول جاي من منطقة "فاجة الحلاة" من الغرب في جنوب الأبيض .. ما الذي يجعلني أختار أسكن معهم في الكلاكلات ..وأنا لا أفهم في الرطانة .. يبقي عبط مني وتحشر فيما لا يعنيني ..
المسألة يجب أن لا تأخذ طابع الحساسية .. وتكون مسألة أي زول عايز ينفرد باسلوب حياته يكون عنصري ..
وفي نهاية المطاف سوف تتطور المجتمعات .. تدريجياً .. حتى تصل مرحلة الأنفتاح التام دون حوجة لقانون ولا حكومة ولا أي شيئ .. وهذا ما توفره لنا تجربة التجمعات المدنية الكبيرة .. التى تجمع كل سكان الأرض .. مثل مقاطعة فيرفاكس في ولاية فرجينيا التى أسكن بها .. الناس سواسية في كل الموارد ..
بريمة
| |
|
|
|
|
|
|
|
|
|
Re: اسماعيل لا يتونس!! (Re: Biraima M Adam)
|
مداخلة أخيرة .. أنا كترت النقة ..
قاعدة تعجبني حاجات في السودان .. بسبب ظهور النت والميديا .. ناس القري والضواحي والمدن بدأوا يؤسس شكل من أشكال التواصل خلال النت أو الوتساب .. أو غيرها .. مثلاً "منتدي أبو جبيهة" .. ومعروف أن أبو جبيهة يسكنها البقارة أهل المرحوم كباشي الصافي وبعض من الحوازمة أهلنا في المنطقة .. خلي زول من الشمال يمشي ويدخل معهم .. يلقي همومهم .. ومشاغلهم في الحياة تختلف عن هموم أنسان الشمال .. نفس الشيئ أمشي مثلاً منتديات سنجة عبد الله .. ومنتديات أبناء جبال النوبة، منتديات مايرنو في النيل الأزرق .. أو منتدي أبناء الهوسا في السودان .. المنتديات النوبية .. يعني يداب شكل السودان المتعدد أثنياً وثقافياً وأجتماعياً .. بدأ يظهر .. وهذا شيئ جميل لدرجة لا تصدق .. ما نقوله هنا النت وسودانيزأولاين بدأ يتحقق علي أرض الواقع .. وح يجئ اليوم الذي نخاطب فيه تجمعات سودانية مدنية وليس قبائل سودانية منفردة ..
خلاصتي العافية درجات .. والطفل يحبو ثم يقوم ويمشي خطوة قدام وأخري للخلف .. لحدي ما يقيف ويجري كمان .. ختوا الرحمان في قلوبكم وأثقوا في حكمة هذا الشعب المعلم كما يقول الشيوعيين.
بريمة
| |
|
|
|
|
|
|
|
|
|
Re: اسماعيل لا يتونس!! (Re: محمد حيدر المشرف)
|
ماهو أصلا فارز عيشتو من زمان يا بريمة
يعتقد جازما انه أسمح زول هنا
مصارينو أنضف من جلد الناس
قاري جامعة والمفروض ما يتكلم معاهو إلا فئات معينة
بينطق قصص بالصاد وما بالسين زي ما بيعملو في إثيوبيا
بيدعم خط 17.5 بكل جدية لأنه بيفرز الناس البتستاهل من غيرهم جنوب الخط.
وأهو بيقرر هنا إنو عنصريتو حلوة ورخصة ومفيدة للبلد بعكس حقت إسماعيل.
___
هذا تعريف الانحطاط.
| |
|
|
|
|
|
|
| |
محمد حيدر المشرف
محمد البشرى الخضر
علي دفع الله
جمال ود القوز
اسماعيل عبد الله محمد
محمد حمزة الحسين
آدم صيام
حاتم إبراهيم
عبدالعزيز الفاضلابى
ABUHUSSEIN
حامد عبدالله
منتصر عبد الباسط
يحي قباني
Arif Nashed
جلالدونا
معاوية المدير
Biraima M Adam
Salah Zubeir
Mahjob Abdalla
علاء سيداحمد
كمال عباس
النذير حجازي
فيس بوك
تويتر
انستقرام
يوتيوب
بنتيريست