|
|
|
 Re: سيد الرايحة بفتش خشم الحكم (Re: محمد عبد الماجد الصايم)
|
كدي اولا خلوني اقول لبعض السادة الحكام الفجأة ظهروا لينا أمس ديل ..
دعوني أقول ليهم العبارة المشهورة ..
زوووووووط .. وتاني زووووووط
دا كعربون تثبيت قلب للفئة اعلاها...
..
والله لكن مبالغة
ياخ فجأة اكتشفت ليك أنو الشعب المريخي دا .. خلاف أنهم صفوة كلهم بي ربطة المعلم كدا .. حكااااام
وحكاااام حكمنة جد .. والواحد فيهم بيجي طوالي بي كرتونتو وعليهو استيكر من الفيفا مكتوب عليهو ( حكم دولي من ممنوع اللمس ) ..
يفكوهو من كرتونتو ويطلعوهو من كيسووو مخسسسوس لي مباريات الهلال ولي تمارين الهلال .. ولي استاد الهلال ..
لكن برضو ... زوووط ..
..
بالمناسبة الناس ما تتعقد لاني ح اكتر ليكم من الزوووطات هنا دا الناس تخلي أخلاقة رياضية ما تتعقد ولا تتحسس
تتعقد ... من العقاده
وتتحسس .. من الحساسة ..
..
ياخ أمبارح بالليل .. بعد نهاية المباراة مباشرة وكعهدي ببعض الجماعة الطيبين .. ارقعم ليك بي رسائل نارية جدا ..
وكعهدي بهم خذلوني .. خذلان عجيب خلاص .. أشبه بي خذلان الطريفي لي جملو
..
جاءت رسالتي معممه من قائمة الاتصال من جوالي النوكيا .. وفي الحقيقة كنت اختار من القائمة الشخصية المطلوبة بي عناية مكثفة .. لعدة أسباب .. خوفا من اصابة هدفي بسكته قلبية .. أو على أقل تقدير بي انفلونزا خنازير تمشيا مع أدبيات المرحلة ..
..
أقول خذلوني الجماعة إياهم.. للأسف ، نانو ولا واحد فوقم ما قلب لي رسالتي .. إلا واحد بس .. تخيلو قال لي شنو؟؟
قالي لي أنا أنغولي ؟؟
احي أنا ياخ .. أنا انغولي دي تحديداً ريحتني ليك راحة السنين ..
طيب ياخ أنا مغترب في الأمم المتحدة ..؟
..
يللا بعداك ..انتظرت .. وانتظرت على أمل انو أي واحد فوقم يرد لي .. لم يتحلوا بالشجاعة الكافية .. احتمااال كبير حسع دي اتنين تلاتة فوقم يكون جاهم يا حبة عيني شلل نصفي .. بعد الشر عليهم ..
اصلو ( امبيلي ) دا قالو متخصص جراحة مخ وأعصاب دقيقة جدا لما ينفرد بالقووون .. الجماعة الطيبين كل واحد بيكون خاتي يدو في وشو ومقفل عيونو الاتنين .. ومن ناحية أخرى خاتي يدو في قلبو .. الواحد فيهم بيبقى اخطبوط بس .. عندو كم ايد
خاصة لما الباص يكون من سيدا المنقطه عديل كدا ....
..
بالنسبة لي قصة الحكام دي ..
طبعا دي الواااي الوحيدة الطلعو بيها الصفوة .. ومشجعين الصفوة كالعهد بهم في تبخيس انتصارات الهلال .. منذ بدء الخليقة وإلى تاريخ كتابتي لهذه السطور ..
وكالعهد بهم أيضا .. الواحد فوقم بيغمض عينو عن حاجات تحكيمو وينفض ليك يدو .. نفضضضضوت .. وما كونفدرالية العام الماضي ببعيده وركلة الجزاء المشهوره في إسماعيلية رائح جااي والتي طار فيها العجب وعمل العجب... وقتها بررو للتحكيم الأفريقي جنس بربره وعملو فيها رايحيييين
..
المحزن في هذا الأمر .. بعض الهلالاب .. الذين عاملين ليك فيها الأولاد بتاعين حق .. وحقانيه وكالعادة التف حولهم الجماعة العايزين يفتشو خشم الحكم .. وهاك يا مواد في القانون وهاااك يا صور .. وهاك يا تحليل ..
حتى اعتقدت أنهم .. أي جمهور الصفوة .. محللين ، وحكام ، ومدربين .. ونقاد .. وضحكونجية عاديين زيهم وزي مجموعة أخونا مقبول الضحكونجي ..
لكن برضو زوووووووط .. وزوط شديد كمان
...
أعود لي شريحة المتصالحين مع نفسهم .. الأولاد القاعدين يطلعوا ليك الحق ويطعنو في الفيل .. الجماعة العاملين ليك فيها انهم هلالاب حقانيين ..
ياخ اختشو الله بيسالكم .. لو سلمنا جدلا بإنو الحصل دا فيهو ظلم وواضح لفريق شهر تمنية الاترشه اتنين صفر مع الرأفة ومع توفر كل عوامل الحظ .. طيب وين أنتو من ظلم الحسن والحسين بتاع الهلال طيلة مسيرة الكاس دا .. ومسلسلات الأهلي المصري المتكررة .. ياخ اختشو والله أنتو حقو ناس المريخ يعملوا ليكم تماثيل ويدوكم تذاكر اكرامية لحضور مباريات المريخ .. والتمارين في الرد كاسيل ويقعدوكم في الطابق التاني ..
..
لوقت قريب جدا .. كنت في تشجيعي براعي لي مسالة الوطنية .. وما ادراك ما بطيخ .. لكن بي الواااي بتاعت الجماعة اياهم دي .. وبي الجرسلين الكابنهو دا وبي شارات التحكيم الدولية اللابسنها دي .. تأكدت تماما إنو مغصصة ساكت من الجماعة ديل ولو يشترو الكورة والتحكيم اصلو ما عايزين الهلال دا يتقدم ..
..
طبعا هم لحدت الآن نايمين في العسل .. وبيحلموا والأحلام مباحة طالما انو طلعوا من حفرة الفدرالية عايزين بي كلووو قوة عين كمان الهلال يطلع ويقع برددلب في الحفرة بتاعتم بتاعت كل سنة .. والبضحكني شنو كمان .. إنو قعدو يحسبو فيها بعدما الأهلي المصري طار .. لكن ما عارفين ناس امبيلي وسيدا والغزال .. جايين ليهم بالدرب الفوقاني ..
رشــة صغيرة ..
حقو ناس الهلال .. يدفعوا ( أمبيلي ) للمريخ .. عشان ناس الهلال كسرو كراسي الاستاد .
رشة أصغر ..
احتمال كبير مزمل أبو القاسم يرفع شكوى في أمبيلي لانو ما قاعد يلعب حفيان ..
| |
 
|
|
|
|
|
|
|
 Re: سيد الرايحة بفتش خشم الحكم (Re: حمزاوي)
|
Quote: ياخ فجأة اكتشفت ليك أنو الشعب المريخي دا .. خلاف أنهم صفوة كلهم بي ربطة المعلم كدا .. حكااااام
وحكاااام حكمنة جد .. والواحد فيهم بيجي طوالي بي كرتونتو وعليهو استيكر من الفيفا مكتوب عليهو ( حكم دولي من ممنوع اللمس ) ..
يفكوهو من كرتونتو ويطلعوهو من كيسووو مخسسسوس لي مباريات الهلال ولي تمارين الهلال .. ولي استاد الهلال ..
|
مبروك الفوز المستحق للهلال ياتمبس
قاعد تبدع فى التعبير ياخ
شكرن ليك انت وود الصايم
وياهو الهلال
| |
|
|
|
|
|
|
|
|
 Re: سيد الرايحة بفتش خشم الحكم (Re: محمد عبد الماجد الصايم)
|
سؤال بريء جدا جداً ....
لما الحكم أعاد ضربة الظلم ... لاعب الهلال دخل خط الـ 18 !! الحكم ليه ما أعاد الضربة ؟ مجرد سؤال برئ جداً ياخ ....
والله الحكم ده غايتو لو كان في كورة المريخ كان لي هسه الجرائد ما سكتت ... غايتو الله غالب ونتلاقى في المجموعات ... وانشاء الله نقع في مجموعة وااااحدة عشان نشوف خشم البقره دي كيفن .....
وفي مجال آخر ياخي مشتاقين جداً ياخ ... صرف النظر عن المساكين رحمة ياخ .. إنشاء الله مسكوووول ياخ .
| |
|
|
|
|
|
|
|
|
 Re: سيد الرايحة بفتش خشم الحكم (Re: عماد محمود علي)
|
| Quote: لما الحكم أعاد ضربة الظلم ... لاعب الهلال دخل خط الـ 18 !! الحكم ليه ما أعاد الضربة ؟ مجرد سؤال برئ جداً ياخ |
أنا ممكن أجاوب ليكـ 20 إجابة عن سؤالكـ دا ياعمكـ
لكن بديكـ في الأول سؤال .. وبالله إجابة واضحة وصريحة:
في مباراة الهلال وأغسطس .. كنت بتشجع منو؟
مسكولاتنا صعبة اليومين ديل يا عمكـ!
| |
|
|
|
|
|
|
|
|
 Re: سيد الرايحة بفتش خشم الحكم (Re: محمد عبد الماجد الصايم)
|
| Quote: رش بقلم الراحل تمبس |
يا سلام الف رحمه عليه يا خي ..
بعدين الزول ده كاتب كلام مليان .... ظووووووط كمان للناس الممغوسه !!
| Quote: في مباراة الهلال وأغسطس .. كنت بتشجع منو؟ |
وبالنسبه للسؤال ده مفروض يكون بصيغة الجمع (( لكل المريخاب ))
يعني :
كنتوا بتشجعو منو .. في مبارة اول تمانيه ؟؟
والله اعلم تلقي الاجابه الواضحه الصريحه !!
ازيك .. يا حبوب .. انتي ناس الحاج يوسف شتتو وين ؟
| |
|
|
|
|
|
|
|
|
|
Re: سيد الرايحة بفتش خشم الحكم (Re: عبدالله كع)
|
| Quote: ازيك .. يا حبوب .. انتي ناس الحاج يوسف شتتو وين ؟ |
كع يا عمكـ
أخباركـ ياخ!
شفت عمكـ المرحوم دا ممغوس كيف وقاعد بره!
بيني وبينكـ .. أنا زاتي ممغوس نفس مغستو دي!
بس الله غالب
يا عمكـ
ناس الحاج يوسف تفرقت بهم السبل ياخ!
بإذن الله في الربع الخامس لعام 2009 نعمل ليهم بوست
| |
|
|
|
|
|
|
|
|
|
Re: سيد الرايحة بفتش خشم الحكم (Re: عماد محمود علي)
|
يا عمكـ
تحياتي ،
| Quote: رش بقلم الراحل تمبس |
شهيد الكلمة وسيد شهداء الحوش ،
وقطعت جهيزة قول كل حكم ؟!
لكن الرش ما عندك أيها الرافل
في أثواب العز الزرقاء
المموهة بلون الدماء الحمراء
دماء شهداء الحوش الكبير !؟
تسلم في علاك يا علاء ..
فوق .. يا تمبس .. فوق
مع .. هلالنا .. فوق .. فوق .
رشة دعاش:
يا عمكـ ،
خوفي عليك من بكري ،
وخاصةً لو طلع مريخابي ؟!!
بدل الشهيد هنا يبقوا 2
زي سطوع الهلال في الليلة ديك !؟
مبروك .. وموعدنا المجموعات ،
ويا خوف فؤادي من غدِ ، على رأي البطيخاب ؟!!
مودتي ،
( ليمو )
| |
|
|
|
|
|
|
|
|
|
Re: سيد الرايحة بفتش خشم الحكم (Re: وليد محمد المبارك)
|
Quote: بااااااااااااااااااااااااااااااااااااااااع
بااااااااااااااااااااااااااااااااااااااااع |
Quote: كدي اولا خلوني اقول لبعض السادة الحكام الفجأة ظهروا لينا أمس ديل ..
دعوني أقول ليهم العبارة المشهورة ..
زوووووووط .. وتاني زووووووط |
| |
|
|
|
|
|
|
|
|
|
Re: سيد الرايحة بفتش خشم الحكم (Re: محمد عبد الماجد الصايم)
|
قال الشاعر :
أصبح السفح ملعباً للنسور *** فأغضبي يا ذرى الجبال وثوري
هذا البيت ينطبق تماماً على وجود الأخ / تمبس في دوري المظاليم دوري الليق (الفيس بوك) ومن جانبا نتألم لما وصل له حال أخونا الرشاشة تمبس بعد مفارقته للدوري الممتاز (منبر بكري) ولكن بعد مهاجمته للصفوة نقول لبكري شدد عليه العقوبات ومزيداً من الحظر لتمبوسة ولعلمي بكري ذات نفسو مريخابي صفوة ههههههههههههههههه براقش على نفسها جنت .
ود الصايم يا عمك
مشتاقين كتير
احتمال القرعة تجيبكم معانا في مجموعة واحدة ستة نقاط مضمونة بالنسبة لنا بس بلاهي خليكم كويسين ممنوع التأثير على الحكام .
تخريمة :
لو مشيت دوري المظاليم سلم لي على تمبس وقول ليه نحن في الممتاز وأنت في الليق ما في حاجة بتجمعنا معاك تاني . ههههههههههه
| |
|
|
|
|
|
|
|
|
|
Re: سيد الرايحة بفتش خشم الحكم (Re: جمال السنوسي)
|
كاااااااااااااااااااااااااااااااااااك
ناس الكاف طلعوا مرخاب
مبروك الوصافة بعد السناير
كااااااااااااااااااااااااااااااااااااااااااك
كلم نمبس يكنب مقال في الكاف
خاخاخاخاخاخاخاخاخاخاخاخاخا
| |
|
|
|
|
|
|
|
|
|
Re: سيد الرايحة بفتش خشم الحكم (Re: Maawya Hussein)
|
| Quote: أمس قاطعين فيكـ كلتش! |
انتا و منو ؟
ما يكون نوبي التعيس بس
لانه عارف بطنو غريقة و بكون داكن ليه مية قطعة كدا
عارف كلام البطيخاب الكم يو الفاتن ديل كوم و تعـ ـة خالد عز الدين الفوق دي كوم تاني
| |
|
|
|
|
|
|
|
|
|
Re: سيد الرايحة بفتش خشم الحكم (Re: حسن مضوي)
|
| Quote: احتمال القرعة تجيبكم معانا في مجموعة واحدة ستة نقاط مضمونة بالنسبة لنا بس بلاهي خليكم كويسين ممنوع التأثير على الحكام . |
مضوي يا عمكـ
مبروكـ ليكم النقاط ياخ!
صحي الجديد شديد!
قوم لف ياخ!
| |
|
|
|
|
|
|
| |
محمد عبد الماجد الصايم
حيدر حسن ميرغني
العوض المسلمي
abas
هند محمد
omer osman
عبدالله كع
عبد اللطيف السيدح
abdulhalim altilib
حمد فتح الرحمن
وليد محمد المبارك
جمال السنوسي
motaz
mohmed khalail
Maawya Hussein
فيس بوك
تويتر
انستقرام
يوتيوب
بنتيريست