|
|
|
 Re: اوضتين خلف خلاف (Re: عبدالحفيظ ابوسن)
|
ود ابو سن العزيز
كيف حالك يا ورد .. والاسرة الكريمة ..
يا رب تكونوا بخير
وان يكون كل احبابنا بكوستى بخير
...........
ذكّرتنى يا عبد الحفيظ .. صالون فى المستقبل
عند بداية قيام حى مربع ( 27 ) .. كان مدير الاراضى واسمه عبد السلام
وطبعا كان معظم المتقدمين للخطة الاسكانية .. هم اهلى الرطّانة
الواحد يجى للمهندس ويقول له ( اودتين هلف هلاف وسالون فى المستقبل ) ؟؟؟؟
قال العم عبد السلام للجماعة .. بالله كل الاراضى اعملوا ليها خرطة بنفس الطريقة الواحدة دى
واعطو كل واحد العقد مع شهادة البحث مع الخرطة ... لذا تجد 90% من ذلك الحى تتشابه
لك الود اكمله .. وبجيك تانى
....
| |
 
|
|
|
|
|
|
|
|
Re: اوضتين خلف خلاف (Re: ابو جهينة)
|
الواحد يقول ليك
اغترب سنة سنتين اعمل لي بيت للعيال .. اضمنو محل تلمهم والمعيشة تاني ساهلة . ان شاء الله ناكلها كسرة بي موية .. وقت مستورين جوة بيتنا زول شايفنا مافي
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
كانت هذه احلام الشعب السوداني .. اوضتين خلف خلاف بي برندة لافة .. وصالون للضيوف
البيت للسترة .. والضيوف
فتوفر لهم الوقت لصياغة المواطن السوداني الاصيل .. يتسع الزمن للمجاملات والعون والتكافل
يذهب المغتربون كل عام للوطن .. الحمدلله سوا البيت وبناهو .. يأتي محملا بالهدايا منشرح النفس
مافي سربعة ولا لهفة ولا خوف
الناس حياتها بسيطة واحلامها بسيطة ومشروعة
البسافر يقرا في اوربا بجي راجع .. والموظف البسافر لي ورشة عمل ولا كورس بلاد برة بجي راجع .. ما بخزن قبلو ويطلب اللجوء
احلام الناس المادية بسيطة ونفوسهم كبيرة
الطموح ان تحضر تخريج اولادك الذين تكفلت الحكومة بتعليمهم وعلاجهم
لكن
هسة تعال شوف
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
تلقاهم كلهم مرة وراجلها وطفلين ولا تلاتة بالكتير
ساكن في فيلا ألف متر .. عندو اوض ما بكون في زول نام فيها .. وبعد دة عامل مزرعة للمقيل .. وعندو كم عمارة مؤجرات و كم بيت في ماليزيا وكم شقة في مصر .. وكم قطعة فاضية مجدعات استثمار .. ولسة ساكي .. اي فسحة للبيع مدخل عودو فيها
البيت حدادي مدادي شغالات معاهو ستة ولا سبعة اجنبيات .. ولسة عاضي جلابيتو وجاري ورا الاملاك
قناعة ناس زمان
الزول القروشو بتزيد ببني المدرسة والجامع والمركز الصحي
| |
|
|
|
|
|
|
|
|
|
Re: اوضتين خلف خلافخلافابونحن (Re: عبدالحفيظ ابوسن)
|
ود ابو سن
يا سلام ...مواضيعك دائما دسمة ...زي القراصة بالسمنة
...طبعا انت ما بتصدق انو في ناس بياكلوا قراصة بسمنة
لان الدكاترة بيمنعوا الناس تاكل اكل يحتوي على دهنيات
لكن نحن في الشمالية بناكل الدهنيات ذاتها كوجبة...
..كويس ..كدي نجيك للبيت بغرفتين خلف خلاف...اشمعنى
الغرفتين خلف خلاف...ليه ما تكون الغرفتين واقفات جنب
بعض ...وقدامهن برندة للضيوف....طبعا انا عارفة الجواب..
لان الغرفتين خلف خلاف يعني كل غرفة بابها مفتوح عكس
الغرفة الاخرى...عشان الرجال يدخلوا الغرفة بباب والنسوان
يدخلن الغرفة الثانية بباب ثاني بالنسبة للضيوف..ومافي
داعي للصالون....
كانت الحياة بسيطة عندنا في قرى الشمالية لوقت قريب
لكن حتى في هذه القرى النائية دخلت ثقافة التنافس في
البنيان ..وترى الحفاة العراة يتطاولون في البنيان وترى
غابات الاسمنت عاليه في السماء واختفت الحدائق وسط
الاحياء واختفت الميادين التي يلعب فيها الاطفال الكورة
لان الاطفال ذاتهم ما فاضين من الايفون والواتساب...
وبدل غرفتين بتشوف قصر..زي قصر الزول الفي كافوري
وباني قصر طبق الاصل من البيت الابيض الامريكي وفيه
اكثر من ٣٠ غرفة...و٢٠ حمام...وسمعنا انو في واحد ابتدا
يبني قصر مكون من ٣٦٥ غرفة على عدد ايام السنة..وطبق
الاصل من قصر سلطان دولة بروناي دار السلام..واسمه حسن
بلقيه...وقصره فيه ٣٦٥ غرفة و ٢٠٠ حمام...
(والدولة دي اغنى دولة في العالم...واذا انت اغتربت في الدولة
دي سنتين بس يا ود ابو سن حترجع كوستي وتشتري ثلاثة
ارباع بيوت كوستي وتقوم تسكن الفقراء مجان وما تاخد منهم
الايجار...(وحارجع ليك مرة ثانية واشىح ليك طريقة الهجرة
لتلك الدولة الغنية...
اظن ثقافة بناء البيت من غرفتين خلف خلاف اندثرت حتى في
قرانا الريفية والبوادي....كما بدات صفات المروءة والنخوة السودانية
السمحة بدات تندثر وتختفي...في هذا العصر القمئ السئ..
والله يديك الصحة والعافية
| |
|
|
|
|
|
|
|
|
 Re: اوضتين خلف خلاف (Re: عبدالحفيظ ابوسن)
|
اوضتين خلف خلاف
خرجت الأطباء ،
و المهندسين ،
و الصيادلة ،
و القضاء ،
و رجال الساسة ،
و الإعلامين الأفذاذ ،
اوضتين خلف خلاف ،
خرجت جيل علي غُرتهم ،
النجاح الباهر ،
يشار إليهم الآن ،
بالبنان ،
أشواقي ،
،،،،،،،
عزالدين عباس الفحل
ابوظبي
| |
|
|
|
|
|
|
|
|
Re: اوضتين خلف خلاف (Re: عزالدين عباس الفحل)
|
أوضه في نص الحوش مالا ,,, بس النفوس تتطايب.
ودأب سن يا صاحب .... التحايا ,,, صاحبي لاقاني الصباح وقال لي :-
الجماعة شغاليين صقعي في واحد من بيوت الحارة 23 ,,, البيت فيهو اوضه واحدة في نص الحوش
وباب الزنك الخارجي ,,, الجماعة بعد ما إنسطلو كويس جاعو وقالو يجيبو حاجة ياكلوها ,,,
صاحب البيت كلف واحد من القاعدين عشان يمشي يجيب طحنية من الدكان ووصف ليهو وقال بعد
ما تطلع من البيت تاخد شمال وتلف شمال في أول شارع وتاني تاخد شمال بتلقي الدكان في وشك تجيب الطحنية ,,,,
المرسال طلع من باب الأوضه أخد شمال في شمال في شمال جوا البيت لقي نفسو قدام باب الأوضه الطلع منها
والجماعة جوا ,,, علي حسب السطلة دخل و سألم :- عندكم طحنية ,,, واحد من القاعدين
قال ليهو لا ما عندنا طحنية لكن رسلنا نجيبا ,,, أقعد ,,, هسع بتجي
| |
|
|
|
|
|
|
|
|
|
Re: اوضتين خلف خلاف (Re: Salah Zubeir)
|
والغريبه البيت ابو اوضتين وصالون كان بيكون شايل ناس كتيرة وضيوف داخلة وخارجة..
وتلقي فيه اي حاجة معجونة بالحب حتي وعمليا الناس بتتقاسم فيه حاجاتها البسيطه..
اسه الناس ما تتحمل زول يستخدم غرفتها او سريرها او دولابها.وكل زول قاعد لابد للتاني وهو في حالة ضيق وإحتجاج..
خلاص كفاية قبل ما يشاكلونا علي البكاء علي الماضي..
سمح الاكل لسه في أوقاته ولا لأ؟؟
سلامات يا عبد الحفيظ
| |
|
|
|
|
|
|
|
|
|
Re: اوضتين خلف خلاف (Re: Muna Khugali)
|
مرحبا ابوجهينة
وحبابك
ياريت والله لي سنتين غالبني ابهي بيتي
فعلا
هسة بقت شركات حسب دقش اضاني .. يدوك الكتلوج الاجنبي وتختار وتقترح .. وتمشو المحامي توثقو الاتفاق . وطريقة الدفع والتسليم وكدة .. تسليم مفتاح
زمان عليك تجيب البناء وتجر بي كراعك للخرطة .. وتدي يوميات
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
سلامات ود ابو سن
ما عندي فكرة منو العمل فكرة الاوضتين خلف خلاف - لكن عندي احساس انو خواجي من زمن الانجليز
الانجليز درسو مناخنا وعاداتنا واستصحبوها في تصاميمهم في السودان
في الماستر بحثي كان عن مباني المدارس ومراعاتها للبيئة والمناخ - احنا مشينا ورا كتير جدا جدا من مباني حنتوب وخورطقت والخرطوم القديمة وكمبوني !!
الاوضتين خلف خلاف عظمتن في برنداتن - برندة النسوان وبرندة الرجال - بيتنا لحدي هسا كده رغم الاضافات!
اوضتين خلف خلاف وعشرين سرير في الحوش - الجاء يقرا والجا يفتش على شغل والجاء يتعالج - البيت بشيل لوري كامل جاي من الحلة !
هسا ناس البيت الالف متر وخمسطاشر اوضة ما بستحملو الخالة والعمة !!
| |
|
|
|
|
|
|
|
|
|
Re: اوضتين خلف خلاف (Re: أيمن محمود)
|
حباب الاميرة الاميرة
الناس ما كان همهما زي الهم والثقافة الجابتها الانقاذ .. اي خطة اسكانية ولا تجارية اتوزعو القطع السمحة بينهم زي المرارة .. وخلو لينا الفشفاش .. مافي زول من محاسيب السلطة ماعندو كم قطعة
وداقشين الخرتوم .. حكام ولايات ولهم في الخرطوم عمارات كما تتردد الاشاعات عن والينا السابق الشمبلي
البيوت كانت كالقلوب صافية ونضيفة
اوضتين خلف خلاف مبنيات قشرة ومرشوشة ارضيتها .. وكشاشة بالنال .. والنال لامن يترش ريحتو بتمرق سمحة
زمن مؤتمرات الانقاذ ايامها الاولي .. كان في مؤتمر عن الاسكان . واذكر اني بحضر في الرادي مع مهندسين عرب يعيشون في الغرب .. اللقاء كان في الهيلتون .. واحد من المهندسين قال
انو لف في الاقاليم والسودان . وشاف الاحياء الشعبية ..وقال الثقافة المعمارية السودانية الشعبية متطورة وتناسب جو السودان .. البناء ب اللبن يعني الطين والبناء بالزبالة والعرش بلدي .. قال البيوت دي تنفع مع جو السودان السخن .. وممكن بنفس المواد يبنو طابقين .. ومفروض المهندسين السودانيين يطورو الفكرة دي .. وخاطب المذيع نحن هسة قاعدين في غرفة لو الكهربا قطعت هي عبارة عن خزنة
اها
دي واحدة من مساوئ السلطة دي
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
مرحبا مني
جيتا جيتي
اي صدقتك
انعدم الود فضاقت مئات الامتار عن استقبال الاخ والاخت .. زمان مافي زول عندو قريب بجي مدينة وبأجر .الناس بتجيبها اغراضهم كان علاج ولا غيرو .. ظهرت الشقق المفروشة .. والفنادق الرخيصة .. تأجر وتحفظ كرامتك وزمان دة كان عيب
الوجبات بقن 2
فطور مع صلاة الضهر وغدا بين المغرب والعشا
هو زاتو شمن الاكل !!
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
مرحبا ايمن
وحبابك
صحي كلامك رجعنا ورا
بيوت الانجليز راعت الطبيعة والمناخ
قريت في نمرة 1 الابتدائية وهي اول مدرسة بكوستي ولا بتحتاج لي مراوح
الناس ما كان بتشتكي من السخانة زي هسة .. تصميم البيوت راعا لي كدة
هو اسماعيل الازهري ودي معلومة سماعية من مهندس مدني قديم
| |
|
|
|
|
|
|
|
|
|
Re: اوضتين خلف خلاف (Re: عبدالحفيظ ابوسن)
|
اوضتين خلف خلاف ،
نظرة إقتصادية بحتة ،
قبل قاموس العرض و الطلب ،
و المد و الجزر ،
اوضتين خلف خلاف ،
الأوضة الأولي للأسرة ،
و الأوضة الثانية للإيجار ،
لدعم المعيشة ،
و إن كانت حلوة و هنية ،
أشواقي ،
،،،،،،،
[ B] عزالدين عباس الفحل
ابوظبي
| |
|
|
|
|
|
|
|
|
|
Re: اوضتين خلف خلاف (Re: عزالدين عباس الفحل)
|
Quote: واحب اسجل اعجابي بالتعبيرين
خلف خلاف
عاشق معشوق |
و غرشلّي ...
_______________
يا صديق ... كيفنك ...
تخريمة بس لو سمحت ...
صاحبنا في المدرسة مسيحي ... كانو ساكنين في اوضتين خلف خلاف و كان جده أبو امه ساكن معاهم ... و عمره زي متين سنة كده ...
و يبدوا انو الجد كان نقنااااق ... و أبو صاحبنا مجبور و ممكون و ساكت ...
اها الجد مات ... و جابو الصندوق سمرك سمرك ... جا أبو صاحبنا يتمم على الصندوق لقى فراغ صغير ...
قال للبسمر بي نهرة كده تعال ادي ده مسمار ما يقوم ينفتح ...
النجار كتم الضحكة عارف القصة ... و قال لي يا عم فلان لكن الخشبة الفوق طلعت مقصرة ...
قال لي يا حمار اديهو واحد غرشلي ... و حكّم القفلة دي ...
| |
|
|
|
|
|
|
| |
عبدالحفيظ ابوسن
ANWAR SAYED IBRAHIM
ابو جهينة
عزالدين عباس الفحل
Salah Zubeir
Muna Khugali
أيمن محمود
يحي قباني
فيس بوك
تويتر
انستقرام
يوتيوب
بنتيريست