|
|
|
 Re: شنو الحاصل في الهلال يا جماعة .. (Re: aosman)
|
أخى طلحة نحن في انتظار الكثير المثير عن اخبار الاخبار
يقال فطولة قامت بإقالة الديبة،،،
يقال خالد عزالدين متهم بتزويد خطاب من اجل خلق بلبلة في المريخ بشأن سحب جنسية اللاعب الايفواري باسكال.
اصبح الهلال تديره فاطمة الصادق و هي الآن تتصرف بالانابة عن الرئيس كردنه.
فريق كرة القدم اصبح لا يقوى الصمود امام اندية ود نوباوي وابوروف وام بدة
| |
 
|
|
|
|
|
|
|
|
Re: شنو الحاصل في الهلال يا جماعة .. (Re: طلحة عبدالله)
|
هههههههههههههه
قول شنو الحاصل في نجمة المسالمة يا طلحة اخوي....
ضربت وبلنجات في التمارين
بجري المدينة ادى ليك سامر واخوه بلنجات لمن امنوا
غرزةة وابنه انتوني جلدوا جبرة
تزوير في اوراق رسمية
باسكال مش هو باسكال وهو جعان
و...
و...
كفاك والا نزيد؟؟
خخخخخخخخخخخخخخ
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: بهاء بكري)
|
ما حاصل كيف يا جرجير ؟؟؟؟؟
نادي طول وعرض تبرطع فيهو حاجة إسمها
فاطنة الصديق واللا منو ما معارف وتقول لي
ما حاصل فيهو حاجة ؟؟؟
خليك من الكلام الفوق دا اذا كان إشاعة ساي .
وصلتوا مرحلة متأخرة من الاستسلام والهوان يا شيخ .
خخخخخخخخخخ
.........................
بهاء بكري سلام عليك ورحمة الله .
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: طلحة عبدالله)
|
في موضوع فاطمة و برطعتها معاك حق لكن الحمد لله زي الكنبوها بعد ابعادها من منصب المنسقة الإعلامية لنائب مدير القناة
أمس كتبت في صفحتها الهلال يقيل الديبة! في حين كان الديبة نشر رسالة راقية جدا على صفحته عن انتهاء فترة تكليفه وانه من اول يوم تعاقد الهلال مع الكوكي طلب اعفاؤه ليتيح للمدير الفني الجديد اختيار مساعديه لكن طلبت منه الإدارة الإستمرار لفترة و انقضت
ثم جاء تصريح الأمين العام على الموقع الرسمي بنفس الفهم يشكر الديبة على الفترة التي قضاها بطلب من الإدارة و يعلن انهاء تكليفه
المهم من التصريحات و الصياغات المختلفة اعلاه واضح نهاية حقبة هذه الثعبانة و سيطرتها على الشأن الإعلامي الهلالي
أمّا بالنسبة لباقي الترهات فا زي ما قلت ليك دي هجايص واتساب ساي طال عمرك ما تشتريها بتعريفة وخليك في تنظيرك البتعرفه :)
| |
|
|
|
|
|
|
|
|
Re: شنو الحاصل في الهلال يا جماعة .. (Re: ياسر منصور عثمان)
|
اتا يا ياسر فرحان عشان خالد كتب
واللا عشان كتب من مخباه السري ؟؟؟
خخخخخ
..................
جرجير لسة نفس الحاجة دي موجود
الهلال البعرفو أنا ( ما هلالك اتا وياسر منصور)
أكبر كتير من ان تدخلو حاجة زي الاسمها فاطنة الصديق دي
دا هلال ود عبدالله وطه البشير وقاهر الظلام وعمر علي حسن
والكوراتي ... معقولة بس ؟
............
عماد قريش غايتو أنا مما جيت المنبر دا قاعد أحذر
الناس من مغبة التهريج والفوضى .. ناس الوسط
الرياضي ديل رأسم قوي ودمهم تقيل ياخ .
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: طلحة عبدالله)
|
التفاصيل المسكوت عنها !!!
كان لاعبي الهلال يتناولون وجبه الغداء فاذا بعمر النقي يقول لي شيبوب الماشفته في بيت ابوك بخلعك ... السمك والكباب ده كان بتقراهو قرايه في المطاعم ويمكن زاتك ما بتعرف تقرا
تجي تقولي تديني راتبك
وراتبك زاتو حرام تاخده وانت قاعد عاله علي الفريق .. من صفره لي صفره ومعديها نوم اكن اصبر ايامك قربت
فهاج شرف شيبوب في عمر النقي وقام برمي قارورات مويه الصحه وحاول الاعتدا عليه بعد ان شتمه بالفاظ قبيحه
وتدخل بشه وقام بصفع شيبوب وقال له بانه قليل الادب
فقام شيبوب برد الصفعه لي شيبوب وحاول ضرب بشه باحد الكراسي الا ان مكسيم تدخل في الوقت المناسب ومسك الكرسي من شيبوب
تحول قاعه الطعام الي ساحه معركه وتناثرت الماكولات والفاكهه علي الارض
فحضر مسرعا عماد الطيب واخذ معه شرف شيبوب
وعاد مره لصاله الطعام وعرف تفاصيل المشكله كلها
قام عماد بتوبيخ عمر النقي امام اللاعبين بحده
فقال النقي الهلال ده خليتو ليكم انت واشرف وفاطمه
والاجوا متوتره حتي الان بالنادي الازرق في انتظار كردنه وفطومه
وتضامن الديبة مع عمر النقي لانهم اولاد فريق واحد مارنجان مدني
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: ياسر منصور عثمان)
|
أنا موافقك في انو البحدث في المريخ
غلط وأي حاجة .. ما تزعل شديد كدا .
وين المشكلة كونو أهبش الهلال ؟؟؟
الهلال رمة والمريخ رمة والكورة
السودانية عبارة عن جبل متراكم من الرمم
وطبعا انتي موافق انو أقول رأيي بغض
النظر عن صحتو أو غلطو
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: طلحة عبدالله)
|
يا طلحه الشغله طلها فوضي في فوضي لكن البحصل في اعلامنا دا ما اظن بحصل في دوله تاتيه ..غياب تام للرغابه الصحفيه ومرات بحس انو جهاز الامن بيتحكم في اتجاهات الكتاب ..دايرين يخلو الناس يكونوعايشين دايما في اكشن وغلاط ونبز واساءات ويفرضو اشخاص معينين علي الرياضه زي ناس فاطمه ومزمل وغيروم
| |
|
|
|
|
|
|
|
|
|
Re: شنو الحاصل في الهلال يا جماعة .. (Re: طلحة عبدالله)
|
سلامات الخبير طلحة
أنديتنا في حاجتين مرجعاهم لي وراء ولو ما إجتثوهم ما بنصلح الحال
الصحافة الرياضية ورجال الأعمال وديل للاسف عماد الرياضة حاليا"
في السودان رجال الأعمال بدفعوا والصحافة أهو بتخلق أحداث ودرامات
من مافي !! فكل الفي يد الهلالاب والمريخاب يستفيدوا من الناس ديل بقدر
الإمكان لحد ما يجي الزمن البنقرض فيهو جيل الستينات والسبعينات والثمانينات
والتسعينات زاتم هههه وتجي الفرصة للجيل الجديد ده نشوفو بعمل شنو.
نحن كهلالاب الفترة الحالية دي بس عاوزين ينتهي الموضوع بتاع الجوهرة الزرقاء
وده أكبر مكسب وشغل كبيير جدا" ونلقى لينا صدفة كده نشيل الأبطال بعد داك مافي مشكلة
هههههه
| |
|
|
|
|
|
|
|
|
|
Re: شنو الحاصل في المريخ يا جماعة .. (Re: Maawya Hussein)
|
المريخ قام بتسجيل اللاعب باسكال واوا في خانات الوطنين بعد ان طالب بسحب جنسيته السودانيه في عام 2014 ووافقت السلطات علي طلب المريخ
المريخ سعي وبحسب علاقاته بلملمه الفضيحه باستخراج رقم وطني بعد ان تقدم هلال كادوقلي بشكوي في اشراك اللاعب ولكن السلطات تعنتت في الطلب ..الي ان وصل ملف القضيه الي يد الاعلام وتحديدا الاعلامي (الهارب :)) خالد عزالدين
ولمها بقي صعب
| |
|
|
|
|
|
|
|
|
|
Re: شنو الحاصل في المريخ يا جماعة .. (Re: Maawya Hussein)
|
هههههههههه
هجمة مرتدة كيف يا معاوية ؟؟ المسألة بالنسبة
لي ما هلال مريخ أبدا والله العظيم ..
متوقع والله كل يوم تكون في مصيبة
من المريخ أو الهلال ..
يا معاوية العالم ديل مهرجين وفوضويين
لأبعد درجة ممكن الزول يتخليها ..
الكورة السودانية في ظل العقلية المسيطرة
حاليا صدقني غير تغتس زيادة ما يحصل
ليها حاجة ..
| |
|
|
|
|
|
|
| |
طلحة عبدالله
aosman
بدر المعارف محمد المساعد
ياسر منصور عثمان
محمد البشرى الخضر
بهاء بكري
عماد قريش
وهبه الشبلي احمد
Maawya Hussein
قلقو
فيس بوك
تويتر
انستقرام
يوتيوب
بنتيريست