الأصدقاء.. ول ابا بريمة.. ول ابا امجد الجميعابي.. حبابكم يا شباب..
لست وصي على أي منكما ، ولكن يا شباب ياريت تهدوا اللعب شوية..
والى هذا الحد يكفي ، كفيتو وفشيتو الفي جواكم..والبلد بتشيلكم وبتشيلنا وبتشيل غيرنا.. نختلف نتفق .. مافي مشكلة تب..
اقول ليكم الكلام ده ، وانا اطلعت على اخر مقال لصديقتنا لبني حسين..وبصراحة طلعت افضل منكم ومننا ومن كل ناس المديدة حرقتني الحايمني هنا وبهناك وبهناك الهناك ذاتو..فيا ريت تقيفوا لغاية هنا..
امجد..ما تضايق من كلام بريمة عن الزبير ود كلتومة.. تحديدا ولدو رابح.. وشوف البراح ياعمك..!!
اخونا الفنان الليجند..احمد يوسف..من نواحي تشاد ، بريمة اول من اكتشف هذا الزول لمن جاب غنية تشادية عريقة قام رددها احمد يوسف واسمها الدمبجويا..احمد يوسف هو من يغني (وكل الشهدا ، رابح ودورنق ، ولا .لآ فورت لامي ما مثل ده).. رابح يا امجد ياهو رابح ود الزبير ود كلتومة ، الشهير ، بالزبير ود رحمة..!!
هههههه يا امجد.. ليه ما تكون فورت لامي ياها فكرة الجبهة الديموقراطية..!!
امه تخلي الناسي يطلع من علبو ياااااااااااااااخ..!!
وكل سنة وانتو طيبين.. كبر
06-29-2016, 09:54 AM
Kabar Kabar
تاريخ التسجيل: 11-26-2002
مجموع المشاركات: 18537
الصحفية السودانية ، لبنى احمد حسين كتبت كتاب ، صدر باللغة الفرنسية ، وعنوانه كالآتي:
40 COUPS DE FOUET POUR UN PANTLON
ولأنها اختارت اللغة الفرنسية ، فهي فرنسا باريس ، عاصمة النور ، كما حدوثونا في السابق..فهل في ذلك مشكلة؟..
باريس ، يا لبنى حسين ، نفسها باريس التي تغشك بطباعة كتابك ( اربعون جلدة لإرتداء بنطلون) هي التي تقوم ارقى اسواق المجوهرات فيها بجهد مسروق ..تم بناؤه بسعر جوهرة نادرة اسمها (جوهرة بليلة) ، بليلة هذا مواطن من مدينة كادقلي ، وتوفق في خداع ثعبان ضخم ، أي والله يا لبني ، ثعبان ضخم ، ليسرق منه جوهرة ثمينة ونادرة وطبيعية، اختطفت لتكون ثمن لإزدهار سوق المجوهرات في باريس..نعم باريس التي تطبع كتابك (اربعون جلدة لإرتداء بنطلون)..!!
اللحظة التي تم فيها اعتقال المواطن بليلة ، وجوهرته المفقودة ،بعدها بسنوات قليلة ، كان بريمة محمد ادم بلل ، الذي تنوين شكواه بسبب التهديد ، طالب في مدرسة كادقلي الثانوية العليا للبنين ، تسمى محليا (مدرسة تلو شرق) ، و(تلو) جبل في جنوب شرق مدينة كادقلي ، ويسمى بـــ (تلو) حجر الطير..وهو نفس الجبل الذي تمكن فيه المواطن بليلة من اصطياد الجوهرة الطبيعية النادرة التي صارت ثمنا لإنعاش اسواق المجوهرات في باريس..باريس التي نشرت كتابك (اربعون جلدة لإرتداء البنطلون)..فيا تري الداقس منو بالضبط: لبنى حسين ، ولا المعقد نفسيا بريمة محمد ادم بلل؟..وزي ما انت مشغولة بجنود محاميد النيجر اين ذهبوا ، نحن مشغولين بحكاية: من سرق جوهرة بليلة وهربها من كادقلي ، السودان ، ؟؟؟ فرقان الحوزامة انتهكت حرماتها يا لبنى ، الحوازمة يا هم ناس بريمة ، تسع الف راس من البقر نهبت في كسر من الثانية .. ناهيك عن جوهرة بليلة التي انعشت اسواق المجوهرات في باريس عاصمة النور كما حدوثونا.. !! عرفتي ليه يا لبنى ، بريمة محمد ادم بلل منحاز لكل قوة تقمع التمرد في السودان؟.. هذا بعض من السودان الذي غاب عنك يا لبني حسين ، السودان الذي لن يحدثك عنه اليسار والشيوعيين وياسر عرمان وعبد العزيز الحلو ومالك عقار ، سودان السحر الجافل..!!
قلت لي مشغولة بحميدتي..؟..حميدتي نقطة في بحر يا بنية هوي..!!
الغنية دي يا لبنى ، يا صديقة، اسمها (القردود) ، في عرفنا نحن (قردود ام ردمي) ، ايقاعها موسيقى البلوز القادننا بيها ناس امريكا.. ومش مهم.. المهم..القردود..ياهو مناطق ناس بريمة محمد ادم بلل ، ممن عرف ماذا يعني الرصاص الفالت.. فاشتطوا في مقاومة كل رصاص فالت (حتى ولو كان رصاص الحركة الشعبية شمال)..!!
هذا هو سحر السودان يا لبنى ، السودان الذي لا نعرف ، ومن عجب ندعي اننا نعرفه..!!
وكاد بريمة ان يردد للمرة المليون: السودان يا اخواني ، فيهو نحنا ، لكن ما محظوظ..!!
اما نحنا.. نحنا ولاد اللذينا ، بنقول: المندوب ميرغني ، يا المندوب ، ميرغني ، حكامة سألتني من قردود أم ردمي..!!
وعنو نخبة امسودان ما فهمت..يعني باقي ليكم نقعد نباري كل زلنطحي عشان يفهم السودان شنو؟..طظ ومليون طظ..عنهم ما فهموا ياااااااااااااااااااخ..!!
كبر
06-29-2016, 10:07 AM
Kabar Kabar
تاريخ التسجيل: 11-26-2002
مجموع المشاركات: 18537
لعناية لبنى حسين .. (كلام نساء ورجال).. الصديقة لبنى حسين..حبابك وكل سنة وانت طيبة يا بنية..!! وبعد.. اولا يا لبني ، من حقك أن تكتبي ما تشاءين وبأي لغة كانت..وندافع عن حقك في حرية التعبير كما هي.. فقط ننبهك الى ان تعبيرك قد يصل الى تفسيرات قد تكون ابعد مما تتصورين..! اطلعت على هذه المطحنة التي دارت هنا ودارت في جخانين اخرى من هذا المنبر وبسبب مقالك ورد صديقنا بريمة على مقالك ، وان كان رد بريمة غاضب قليلا ولو كنت تعرفين الرجل بحق وحقيقة لقدرتي فيه هذه الغضبة والإنفعال..وكلنا بشر ولنا حدود في مجال طاقة الإحتمال.. كتب بريمة: معركتك مع من جلدك من الكيزان لا تديرها فى المكان والزمان والأتجاه الخطأ .. وكنت اتمنى يا لبني ان تقرأي هذه العبارة بتمعن وتأمل وهي تحمل دلالات كثيرة وكثيفة..وهي واضحة .. ابسط ما يكون فيها من الوضوح انكم في نفس الخندق المناهض لسلطة الجبهة الإسلامية في السودان ، ومحنة هذه السلطة التي لم يفهمها اهل السودان بعد، هي أن لها القدرة في خلق التناقض واشعاله في خندق من يختلفون معها وتدير ذلك بصورة جيدة..لأنها تضع لكل فرد منا مدخل ليدخل منه.. فانت تقاومينها وترفضينها وبريمة يقاومها ويرفضها ، ولكن التناقض بينكما يأتي في نقطة ان هذه السلطة خلقت منفذ تحاول من عبره تحييد بريمة وفرزه عن الخندق المناوئ لتلك السلطة.. فالكلام عن حميدتي وعن قوات الدعم السريع(الجنجويد كما تقولين).. لن يكون كلام ضد الحكومة ، وانما كلام يمس افراد اخرين لا علاقة لهم بالحكومة..وبالتالي تجد الحكومة من يخوض المعارك نيابة عنها ، لأن الأمر اصبح يمسه في بعض القيم والمقدرات ..وقع ليك؟.. كتبت لبني حسين: أكرر و أصر على اى كلمة جاءت في مقالى : ( أهو اخصاء للجيش ام سقوط لراية الجهاد .. ام ماذا ؟ .. ! ) ، و لربما عبارة واحدة على استعداد لسحبها ان لم تك فى مكانها و هى : ( ليغسلوا ملابسهم أولا).. نعم نتفق معك وندافع عن حقك في الأصرار للإحتفاظ بكل كلمة جاءت في مقالك وهو عندنا مجرد رأي قد يتفق معه بعض الناس وقد يختلف البعض الآخر وهذا شئ طبيعي للغاية..! في نفس الوقت كتر خيرك على المبادرة لأكتشاف الهنة التي قد تسئ لبعض الناس الذين لا ترينهم وقد تمسهم في موقع قاسي وحساس..وكتر خيرك على استعدادك لسحب هذه العبارة الغير موفقة..! نعم يا لبني قد تكون قوات الدعم السريع (مليشيا الجنجويد كما ترين) ترتكب بعض انتهاكات حقوق الإنسان ، ويجب على الجميع كشفها والمطالبة بمحاسبتها ، وفي نفس الوقت مليشيات الحركات المسلحة (بما فيها الحركة الشعبية شمال) هي الأخرى قد ترتكب انتهاكات لحقوق الإنسان وايضا يجب كشف ذلك والمطالبة بالمحاسبة..ولكن الإساءات التي تمس مجموعات وكيانات وتنميطات واحكام قيمة مسبقة فهذه مرفوضة تماما..! الصادق المهدي ، حينما انتقد قوات الدعم السريع ، وصفها بانها قوات تتكون من افراد اجانب..وهذه هي مأساة السياسي السوداني ، حتى لو كان رجل بمقام الصادق المهدي ، فالرجل في احداث يوليو 1976 (حركة العميد محمد نور سعد) صنفها اهل نظام نميري بانهم مرتزقة ويتبعون لدول اجنبية (ليبيا/تشاد) بما فيهم الصادق المهدي نفسو ، وهو نفسه الصادق المهدي الذي وصف جنود حركة العدل والمساواة التي دخلت امدرمان في العاشر من مايو 2008 بانهم مرتزقة قادمين من دول اخرى ، وهو نفسه الصادق المهدي الذي يستقوى الآن بحركة العدل والمساواة فيما يعرف بتحالف الجبهة الثورية ونداء السودان..! هذا يقودني لتساؤلك عن محاميد النيجر واين ذهبوا.. وكتر خيرك على ارفاق الرابط الذي يوضح لك بالضبط اين ذهب محاميد النيجر ، لأن الرابط يوضح لك انهم لم يخرجوا عن النيجر وبقوا في وطنهم هناك واتيحت لهم مكاسب بان ينالوا فرصة للكلا والماء داخل النيجر.. فلم ياتوا الى السودان كما تروج بروباقندا حركات دارفور المسلحة ويصدقها بعض من اهل النخبة في السودان..! قوات الدعم السريع (الجنجويد كما ترغبين في تسميتهم) هي قوات سودانية ومكونة من كل انحاء السودان ، ومعليش يا لبني نرجع للحساب ، وعندي الحساب ليس فقط ولد ، وانما بنت بكر تمتلئ بالخصوبة والحياة ، قوات الدعم السريع ، وتحديدا محمد حمدان دقلو (حميدتي) ممكن نجيب ليك سلطة اعلا منو ومن حكومة البشير..سلطة الناظر والعمدة والشيخ ، وممكن نثبت ليك اهلو وين بالضبط وهو منو بالضبط ..لأنو الحساب هناك يا لبني ما بيعرف حميدتي ، لكن بيعرف اهل حميدتي..والحاجات هناك عندنا واضحة بصورة قد لا تخطر على بالك..!! الخلاصة في هذه النقطة ، قد نختلف مع مثل هذه القوات ، وقد نتهمها بانتهاكات حقوق انسان ..ياخي حتى نكتة انو حميدتي حرامي حمير (نكتة سياسية بحتة وثقيلة) ممكن نحتملها ، لكن تجريد الناس من سودانيتهم وتنميطهم ووصفهم باوصاف عنصرية فقط من اجل تحقيق نقطة سياسية فهذا مرفوض ويجب أن يتوقف.. الحركة الشعبية شمال طلعت عين اهلنا في جنوب كردفان/جبال النوبة ، لكن مطلقا لن نصف اهلها بانهم ناس كراكير واسلامهم غير حسن ويعبدون الكجور ومعاهم شوية اجانب من جنوب السودان (ولا انتي لسع بتحلمي انو الحال واحد؟..مافي مشكلة كلنا في الهوى سوا لكن بطرق مختلفة..!!)..ولا حتى حركات دارفور المسلحة ، واحد قادة الحركات دي (مشهور جدا يا لبني) وكتبت عنه الدراسات الأجنبية التي وصفت حاله وهو ضابط جمارك في دولة اجنبية (باقي ليك في دولة في الدنيا ممكن تشغل ليها ضابط في الجمارك من غير ابناء وبنات وطنها؟..لا اظن..!!)..كل هذا ولم نسلب الناس انسانيتهم..و نختلف معهم في المستوى السياسي فقط..ونحفظ كرامتهم وكرامة اهلهم..!! احد قادة النهب المسلح (وبشهادة دراسات الأجانب ممن جاب دارفور بصورة اكثر من اهلها) هو الآن قاعد في وسط الخرطوم و يحظى بالإحترام والسيادة والمنصب السياسي..ونحن نعرف ذلك ولكن هي السياسة السودانية كده..!! الدولة يا لبني ، اكبر الة عنف اخترعتها البشرية..والأخطاء قد تحدث ، ويجب ان نفهمها باعتبارها اخطاء دولة.. وقوات الدعم السريع هي اختراع الدولة السودانية ، وممكن عادي نشكوها ونجأر بالشكوى من تصرفاتهم دون ان نتجاوز الحدود..! الخرطوم يا لبني لا تحتاج لقوات دعم سريع لحمايتها ، ولا عمر البشير يحتاج لقوات دعم سريع لحمايتو..وانما الحماية بتجي من حتات بعيدة بعيدة شديد ( وصدقيني ليس من بينها الحركة الإسلامية الفاكاها في روحها..!!).. لا بريمة ، يا لبنى ، ولا حميدتي ولا الدولة السودانية بتاعة عمر البشير..عندهم القدرة على تهديد الآمنين والآمنات..ولوفعلوا ذلك.. صدقيني بنعرف نتعامل معاهم (طبعا ح تستغربي ، انا مواطن سوداني قاعد في سقط لقط ، وهسع دي لو قلت لحميدتي انتا غلطان في الحتة الفلانية ، ممكن عادي ينسى ليك البشير ومحمد عطا والدولة السودانية ، ويقول لي ياها رقبتي سدادة.. اقطع راسي..!!..ده السحر السوداني الغايب عن ناس كتيرة يا لبنى حسين..!!) كتر خيرك يا لبنى على استعدادك لسحب غير المستطاب من مقالك.. ونبادلك نفس الشعور.. صدقيني يا لبني ، انا مواطن عادي ، من غمار شعوب امسودان الماقدرين نفهم سحرها حتى اليوم ، هسع ده لو مشيت لعمر البشير ولا حميدتي ، وقلت لأي واحد منهم..ياخي انتا غلطان في الحتة الفلانية.. صدقيني الأتنين ممكن يمدوا لي حلاقيهم ويقولوا لي: وكت قلت كده ، ياها رقابنا اقطعها من الأضان للأضان لو بتحل المشكلة..!!! بس اوعك تحرشي فيني فاطنة بن سودا ( أو أي كان اسمها)..!! بريمة يا لبني ، ودي حتة يا ريت تقريها بكل شفافية وحياد ، اهلو كانوا في منطقة اسمها القردود (قردود ام ردمي) ، وضاق في جلدو ، وهو جلدنا وجلد أي ممن يسمون انفسهم بالقبائل العربية في جنوب كردفان/جبال النوبة وغرب السودان عموما..ولن نسمح بما حصل علينا ان يحصل في أي بقعة في السودان.. الحرب كعبة يا لبني ، وهي سلاح ذي حدين..وعانينا منها في الثمانينات والتسعينات..وحتى الآن نعاني منها..!!
فقط افهمي يا صديقة ، الحرب ليست هي فقط ما يصورها لك قطاع الشمال او ياسر عرمان او حناكيش اليسار الحايمين في الخرطوم ، الحرب كائن بشع ووقــــــــح ولئيم يا لبنى حسين..!!
وانتظر ترجمة كتابك من الفرنسية الى العربية أو الأنجليزية..!!..عشان نحتفل بيك على طريقتنا.. ولا انتي رميتي طوبة اهلك البقارة يا لبنى..؟!!!
اسمها لبنى حسين، وانت عارف كده، لماذا تكتبها في العنوان لبنى حسن؟!! انت مين قال ليك انو لبنى حسين طفلة صغيرة محتاجة لمن يمسك بيدها ويدلها على الطريق؟!! قلنا ليكم يدها طويلة، وطويلة جدا. دفاعك عن بريمه دفاع فطير ومخجل!
.
06-29-2016, 11:12 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
حباب ول ابا كبر .. جيداً جيت .. وكل عام وأنتم بخير ..
---------------- بجيك راجع لاحقاً ..
سيف اليزل .. أنت كتبت ما كتبت فى البوست الأخر ولم نرد لك .. لأنك لم تر ما كتبته لبنى أم سروال إساءة .. بل ذهبت إلي سبي! السؤال يا سيف من بدأ التنميط والسباب هل هو بريمة أم لبنى؟ ..
يا بريمه لم أجد في كتابة لبنى حسين أي تنميط ولا أي سباب، السباب وقلة الأدب وجدتها في كتابتك حول مقالة لبنى، وانت تحت تأثير اعتقادك (الخايب) بان لبنى (ولانها إمرأة) لن تستطيع ان توقفك في حدك، وتقطع لسانك.
يا أخي جيب لينا التنميط والسباب في مقالة لبنى، عسى ان نقف مع الحق، ولا نظلمك.
.
06-29-2016, 11:57 AM
Kabar Kabar
تاريخ التسجيل: 11-26-2002
مجموع المشاركات: 18537
نعم يا سيف اليزل.. اسمها لبنى احمد حسين ، ولو فكيت المخاطة الفي راسك وقريت شوية كنت اكتشفت انو قاعدين نخاطبها باسمها الكامل.. وده خطأ املائي عادي.. وكنا ناوين نصححوا ، وانشغلنا ببعض هجايص الشيوعيين السودانيين الوهم في فيافي هذا المنبر.. ولكن صدقني لبني نفسها ح تكتشف المفارقة وتفهم الحاصل شنو..!! نحن لسنا ممن يبتز لبنى احمد حسين بحاجاتها الشخصية ، ولكن استجبنا لإعتذارها المتوارب واستعدادها انها سوف تحذف ما يمكن ان يشكل هنة في مقالتها الأساسية التي تناولها اخونا بريمة في غضبته المعلومة تلك..!! وحينما كتبنا لها تلك الخواطر ، ليس قصدنا ان نثنيها عن ان تكون انسان وتكتب ما تريد ، وانما قصدنا ان نملكها صورة اخري للوجود السوداني ، صورة لن يستطيع ان يقدمها لها اوباش الشيوعيين واوباش الحركة الشعبية شمال واوباش الحركات المسلحة في دارفور.. فليه انت خايف قدر ده يا سيف اليزل من انو الصحفية لبنى احمد حسين تعرف جانب اخر من الحقيقة التي تريد ان تحتكرها انت وبقية اوباش اليسار السوداني؟.. وعشان نكون واضحين للطيش.. شفت ، يا سيف ، الحزب الشيوعي السوداني حدو دارو في الخرتوم اتنين أو أي كان اسمها ، سواءا كنا تحت طاغوت الجبهة الإسلامية او كنا تحت نير حكومة انتفاضة..او ديموقراطية ..!! نفس الكلام القالو بريمة موجها الي الصحفية لبني : انها اختارت المعركة الخطأ في الزمن الخطأ .. فنحن بنقول ليك : اخترت المعركة الخطأ في الزمن الخطأ..!! نعم يا سيف ، لبنى احمد حسين ، جاهل وديع مغرور ، ولو استمعت لينا بصدق ح نفهمها هي شنو.. واليسار شنو ، والإنسانية شنو..وكونك تكون سوداني شنو..!!..ولا انتا قايل الحكاية دي معرفة سرية حكرا على اوباش الشيوعيين ومقاطيع الحركة الشعبية شمال..!! ودمت طيبا يا سيف اليزل الماحي..
كبر
06-29-2016, 12:13 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: يا أخي جيب لينا التنميط والسباب في مقالة لبنى، عسى ان نقف مع الحق، ولا نظلمك.
طبعا اغرب حاجة والذ حاجة في دوغما اليسار السوداني ، هي التماهي في الكذب.. وعشان نكتشف الحقيقة او بعضا منها ، فدونكم سلوك صديقنا سيف اليزل الناكر انو لبنى احمد حسين ما اشتغلت تنميط او سباب في مقالتها ألأصلية.. وسؤالنا: يا ترى هل سيف تابع وقرأ مجريات الأحداث ، ولا عامل فيها نبي شيوعي ما محتاج يراجع الكلامات سواءا من لبني أو بريمة؟.. و يا ترى ماذا سيكون موقف سيف ، لو ان الأستاذة الصحفية السودانية لبنى احمد حسين اعترفت بان هناك خطأ في مقالها الأصلي (المقال الداقي فيهو جرس اخونا بريمة من قولة تيت) ، وانها على استعداد لتسحب ما يمكن ان يكون هنة او نقطة ضعف في ذلك المقال؟.. وحتى يكتشف الرأي السوداني بؤس اليسار السوداني ، تحديدا الشيوعيين من شاكلة صديقنا سيف اليزل.. لنترك الأشياء تتحد بنفسها..!! كبر
06-29-2016, 12:20 PM
Kabar Kabar
تاريخ التسجيل: 11-26-2002
مجموع المشاركات: 18537
رب يجعل كيد الاعداء فى نحرهم . (و هذا البوست متابع من قبل قيادات قوات الدعم السريع .. و علىّ اليمين تواصل فى التعدى على كرامة الناس بهذه الصورة السافرة ، تلقى يوم بيتكم تم هدمه فوق روؤوس الاشهاد.. ثم يواصل ... أختك ام سروال قالت الالاف الاليات تجوب فى شوارع ام درمان لو واحد طائش منهم و دقشكم بواحدة من هذه الاليات شوف لو كيكى ما خبرت كاكا ).. تعليق : و معلوم أن حوادث الهدم و التخريب لمنازل الابرياء و اهاليهم و على رؤوس الاشهاد ليست حكرا للجرافات الاسرائيلية ، أنما حدثت بدارفور و جبال النوبا ايضا ، و لربما قد آن الاوان لنقلها الى الخرطوم كما نرى عبر هذا التهديد . . و أنى لأشهد بانها الرسالة الاكثر وقاحة ..
و للتهديد بقية ....
( أنقل إلي أقرب الأقربيبن للبنى .. أننا وقفنا فى شتمها لنا وسبنا بدون وجه حق .. عليها أن تكتب بمسؤولية وإن تمادت فأسرتها ويكونوا مسؤولين عنها .. وإذا حصل ليها أي شيئ ما يلوموا زول لو لازوا بالصمت ولم يوقفوها فى حدها )
( أنت واختك ام سروال ما بين خراب ديار أهلكم .. ومضة عين .. الزول يضرب تلفون لعيال أبا فى الدعم السريع .. وهم ح يقوموا بالواجب .. يدخل فيكم بدبابه من جنبة الحوش لما يمقرق بغادي .. ألحقوا أنفسكم وتلافوا الأمور التى لا تخدم مصلحة وطنا وتزيد تمزيقه .. هذه أم سروال والله ما كان لي أن أعترضها ولا أحبها أن تعرف عنى .. لولا انها كتبت أننا ابناء الغرب شعب رخيص الأرواح .. وعفنين ومتسخين .. نحن فى طنا تسبنا؟ ما الذي يجعلها أحسن منا؟ هل هى خلقها الله من نار ونحن خلقنا من طين؟ .. عشان تجي تتكبر علينا مثل ما قال إبليس .. أنك خلقتنى من نار وخلقته من طين ..)
و رسالة التهديد هذه يا سادتى ليست مكالمة او رسالة قصيرة من هاتف مجهول ، ولا هى ايميل من حساب وهمى يتم اغلاقه بعد ارسال الرسالة ، ولا هى بالبريد العادى لا يوضح من المرسل ، كما أنها ليست رسالة وجه لوجة تلقاها المرسل اليه ثم أختفى المرسل فى الزحام ..كلا ..
فالجديد يا سادتى هو ان ناقل الرسالة / ( اعنى المراسلة بضم الواو ) شخص بلحمه و دمه و اسمه الرباعى و يعيش بالولايات المتحدة الامريكية و ليس شخص افتراضى او اسم حركى كما توهمت أول مرة . . و الجديد ثانيا انها جاءت على رؤوس الاشهاد ، كما التهديد بالهدم على رؤوس الاشهاد، أطلع عليها المئات ان لم يتجاوزوا الالف من قراء احد المواقع الكترونية التى اكن لها و لمؤسسها كل تقدير .
دعونى أزجى الشكر للأخ بكرى ابوبكر مؤسس موقع سودانيزونلاين لايقافه هذه المهزلة ..كما أود أن اشكر الاخوة الكرام الذين تصدوا للذَّوْدُ عنى الاخ أمجد الجميعابى و الاخ دينق آخرين ، والاول -اى الجميعابى- يتعرّض للتهديد مثلى بل و قبلى ، و يشهد الله لم اعرفه و لم يسبق لى ان التقيته او حادثته ولكنها شيمة الرجل السودانى و نخوته فى الدفاع عن أخواته ..
حسنا و قد قرأنا التهديد فمن يقف خلفه ؟ .. يقول ناشر التهديد ان منشوره متابع من قبل قيادة قوات الدعم السريع ، و اذا كان صادقا فهذا يعنى ان التهديد من العميد "أمن " محمد حمدان دلقو حميدتي شخصيا . . أقول اللهم أنى صائمة ، و أقول حسبى الله و نعم الوكيل ، و اقول اللهم أجعل كيدهم فى نحرهم. ثم أقول : أنا ( لبنى كلام رجال )و كفى !.. و من لم يعرفنى ليسأل قبل ان ينقاد لمعارك لا لا يعرفها و لا يجيد فنونها ، و لا يعرف اتجاهاتها ريحها . جاءنى التهديد اعلاه ، باعتباره منك ، معى المستندات ارفقتها لكم و مع ذلك يا (محمد حمدان دلقو حميدتى) سأعتبر ناشر المنشور المدعو ( بريمة محمد آدم بلل) فاسق و جاءنى بنبأ منك غير صحيح ، و هأنا الآن أريد أن اتبيّن.. أفاسق من أدعى أنه رسولك ؟ أم هو رسول و ما عليه الا البلاغ ؟.. و مرفق ايضا مقالى : ( أهو اخصاء للجيش ام سقوط لراية الجهاد .. ام ماذا ؟ .. ! )
http://www.alrakoba.net/news-action-show-id-238599.htmhttp://www.alrakoba.net/news-action-show-id-238599.htm ليس من واجبى تفسير مقالاتى بعد كتابتها ، و ليس من شأنى ان كان لأحدهم عقد و قام باسقاطها على مقالى فخرج بسباب وشتم لم يرد ذكره ، و عموما الفهم قسم . أصل المقال المعتمد عندى مبذول هنا على (الراكوبة ) و على (حريات ) و (سودانايل) . . و كل من لديه عقل او طايوق يقرأ مقالى سيفهم ان كنت انا من كتب تلك العقد ، ام هى اسقاطات لشخص اسمه بريمه . أكرر و أصر على اى كلمة جاءت في مقالى : ( أهو اخصاء للجيش ام سقوط لراية الجهاد .. ام ماذا ؟ .. ! ) ، و لربما عبارة واحدة على استعداد لسحبها ان لم تك فى مكانها و هى : ( ليغسلوا ملابسهم أولا)..
أن كان بريمة محض فاسق ، فناسف على الازعاج ، وان لم يك كذلك ..فأنّا لنقول : أنا أمراة عندى الكبير هو الله ، الله وحده لا شريك له .. و كفى !..
الخطوط من عندنا..
المقال نشر في جريدة الراكوبة (بتاعة ياسر عرمان ، والباقي كفى..!!) واعيد نشره في هذا المنبر (في العناوين الرئيسية للمقالات في المنبر ) ، واعيد نشره بوساطة الروائي السوداني طه جعفر في خيط للتفاعل في المنبر بعنوان (بريمة)..!!
كبر
06-29-2016, 12:38 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: يا أخي جيب لينا التنميط والسباب في مقالة لبنى، عسى ان نقف مع الحق، ولا نظلمك.
ويبدو انه لم يقرأ مقالة لبنى احمد حسين، التي ورد فيها قولها:
Quote: أكرر و أصر على اى كلمة جاءت في مقالى : ( أهو اخصاء للجيش ام سقوط لراية الجهاد .. ام ماذا ؟ .. ! ) ، و لربما عبارة واحدة على استعداد لسحبها ان لم تك فى مكانها و هى : ( ليغسلوا ملابسهم أولا)..
زولة تقول ليك نعم وردت عبارة خطأ في مقالي وانا على استعداد على حذفها ، ويجيك واحد طاير وعامل فيها فاكي الزراير..ويقول ليك جيب لي دليل وين ورد التنميط في كلام لبنى حسين..!! ياخي زول بطوع ارادتها تكتشف الخطأ وتعلن استعداده لحذف العبارة الخطأـ ، يويجيك شيوعي ناكر وعامل فيها اضان الحامل طرشاء..!! هكذا يا سادتي سيضيع الطالب الدارفور بقاري..نعم شيضيع بقاري.. لأن من يدعون الدفاعن عنه عينهم على المكاسب السياسية اكثر من نصرة الإنسانية..ومن عجب من يقود هذا التجهيل قامة قانونية مثل على محمود حسنين..!! شفت كيف يا سيف انو كلامك نقطة في محيط البظلم و الإسفاف..؟!!
كبر
06-29-2016, 01:00 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
مالك يا زول ما بديت كويس كويس انك استدركت شفت بدل جمع الناس في سلة واحدة شوف الزول البيتكلم و رد عليه هل هو ممثل للسودانيين و لديه تفويض بذلك هل هو ممثل للحزب الشيوعي و لديه ما يفيد غير كدا تتعامل مع سيف كشخص يمثل نفسه و يتحمل نتيجة ما كتب و الا وقعت فيما وقع فيه بريمة بسب رجال و نساء الجلابة (بصمتهم)
06-29-2016, 12:47 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
الاخ كبر السلام عليكم و رمضان كريم اول حاجة نستعدل ليك البوست الذي ابتدرتة ببعض المعلومات الخاطئة الزبير باشا رحمة والدته هي (السيدة شمه بت فتاحه ود النيل والدتها جعلية من آل ابودريع بسيال كريم الدين بالمتمه غرب شندي اجدادها ملوك المتمه ومنهم جدها الملك ادريس ابو دريع والملك عبدالله ود سعد ومن اقربائها المشهورين الامير عبدالرحمن النجومي) و ليست كلتومة كما تفضلت هذا اولا. كتبت الاخت لبنى مقالها و هي بالتأكيد تتحمل ما كتبت فجاء بريمة مغاضبا و سب و شتم كل مجاميع الجلابة دون ان يرمش له طرف و حاول استخدام مفردات ظنا منه انها ستخيفنا او تجعلنا نغادر البوست استخدمها بطريقة صفيقة تفتقر لادنى درجات التهذيب. من حق بريمة ان ينتقد و لكن ليس من حقه ان يشتم او يسئ او يهدد كما فعل في البوست المغلق. طيب يا اخ كبر شكرا على مناصحتك لكن رأيك شنو في سب و شتم بريمة للجلابة و نسائهم و لو ما شفت السب ممكن اجيب ليك منو عينات رايك شنو في تهديدات بريمة؟ لم احاول او حتى افكر ان انحدر للغة التي كتب بها بريمة لان خطأه لا يبرر خطأي كما و انه اذا افترضنا جدلا ان الاستاذة لبنى اخطأت فخطؤها لا يبرر خطأ المذكور. على اي حال جوهرة بليلة التي خطفها من فم الثعبان ليست مبررا لسب الناس و شتمهم و التعرض لاعراضهم و اي وقت بريمة حديدة الحمار يتعرض لاي سودانية من اي مكان في السودان ساتصدى له تصديا يجعله نادما على ما كتب.
06-29-2016, 12:56 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
الغريب اتذكرتك وانا داير اضيف غنية بصوت مغنية يهودية... أي والله اليهودية الكافرة بت اللذينا على قول بلدياتنا العريبي الليجند امحمد موسي (طبعا الكوميدان محمد موسى من الدويم ، انا ذاتي من الدويم معاي الناضر هشام هباني واستاذنا عمار النور، اولجلابة احمد الشايقي وقاسم الأنصاري وادريس علم الهدى ونزار يوسف بتاع ناس حركة شعبية وووييي ولاشنو كده ما عارف..!!)..
الأسطورة اتحققت منها في كادقلي يا يا ابكر..
ومعلوماتها .. Red Code مافي طريقة نفكها هنا..
انتا قايل ناس الحلو عرمان حريصين على استمرار الحرب من سكات يعني؟..
كبر
06-29-2016, 01:33 PM
Kabar Kabar
تاريخ التسجيل: 11-26-2002
مجموع المشاركات: 18537
امجد..حبابك يا صديقي كتر خيرك على استعدال المعلومة حول الزبير ود رحمة.. وح نراجعها مع صديقنا منصور المفتاح.. ما تبقى من حكي.. يا امجد الشيوعيين من حفروا البحر دايما عندهم الشينة منكورة.. وعمري ما لا قاني واحد شيوعي قال انا شيوعي.. فشنو يا قريب.. ناسك ديل من سيماءهم وكده..!! عموما الموضوع قابل للأخذ والرد..لكن من هسع نوريك جاكة: من وين عرفت انو ده شيوعي كيف..حاجات زي دي ما بتقسم معانا يا قريبي..!! وعشمي فيك انت وبريمة تهدوا اللعب شوية.. ياخي السودان ده سمح شديد..!! كبر
06-29-2016, 01:48 PM
Kabar Kabar
تاريخ التسجيل: 11-26-2002
مجموع المشاركات: 18537
كبر ول ابا بريمة..حبابك يا صديقي كل سنة وانت طيب يا بريمة وتحياتي للأسرة.. وبعد.. ثيمتك بتاع (زمن الغرابا) يا ريت تقرض عليها.. صاحبنا اللدود بشاشا ، غاب من المنبر سنين وسنين.. ولمن رجع ..حتى في بوستات الترحيب بيهو..ما اتذكر ناس غير بريمة وكبر..طبعا داخل شتارة للطيش..انو ديل زنج كارها لذاتها وانهم ادعو انهم جايين من اوربا (في ذمتك يا بريمة في عطوي ، امو بت عم ابوهو بيقول أنا جاي من اوربا؟..).. المهم بشاشا شابك ليك الخلق المساكين في المنبر ده (شالوم..شالوم) يعني الود عامل فيها يهودي اكتر من اليهود في ذات نفسهم..متجولب اكتر من الجلابة..ولكن..! ان كان بشاشا صادق في حكاية شالوم دي.. فيا هو ده الغرابا ..خلوا ليك اليهود يغنوا غناهم..زي الترتيب..!! وزي ماقالت بت ابا اليهودية هنا ( عشان ام زوم بسافر الإتنين) فالقول ما قالت بت ابا اليهودية دي..الإتنين الإتنين..! فشنو يا صديقي ، حميدتي مرحلة محلية للغاية.. ونحن بنعرف كيف نصل العالمية رغم انف اوباش الشيوعيين ومن يتضامن معهم..!! القمر بيضوي..كلمات بسيطة.. حنينه.. اليهود عملوا منها فسيخ وشربات وقضيم وام جنقر عديييييييييييييييييييل... الشيوعيين ناس ام سودان لسع راجعين ورا..!!
التحية لليسار اليهودي اينما كان ، فهو يسار اكثر انسانية من اوباش الشيوعيين في السودان..!
و(القمر بيضوي ، أنا شن بلاني بالنجوم؟)..
ونرجع لباقي النقة لاحقا.. كبر
06-29-2016, 01:48 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
اخ كبر اخر جملة اسمح واحدة السودان دا سمح شديد وكبير وبشيل الناس دي كلها اي في ناس جهلة وعنصريين وبحاولوا يخلقوا مشكل بين الاعراق والقبايل،لكن في النهاية كل زول بعتز بي اصلو وبفخر بيهو والبلد بتضيع بالطريقة دي، عاوزين تطوير هوية سودانية في وعاء جامع لكل القبائل والاعراق من الشمال والجنوب والغرب والشرق. نحن ناس متعلمين واقل زول فينا بكون جامعي لما مستوى الخطاب ينحدر لي اسفل سافلين بديك احساس انوا فعلا (القلم مابزيل بلم) لبنى كتبت وبريمة كتب وكل زول عارف الصح والغلط وين مدام لبنى مستعدة تمسح غلطتها وبريمة ممكن يراجع كلاموا يبقي الناس تكون محضر خير . تحياتي للجميع بدون فرز
Quote: غير كدا تتعامل مع سيف كشخص يمثل نفسه و يتحمل نتيجة ما كتب و الا وقعت فيما وقع فيه بريمة بسب رجال و نساء الجلابة (بصمتهم)
يا أمجد شكرا
كبر عينو في ضل كتابتنا التي تخصنا، ويطعن في فيل الشيوعيين السودانيين الماكن! ياكبر بطل اسقاطاتك عندك مشكلة مع الشيوعيين، اهو انت عارف السكة! امشي ليهم بالدرب، وان شاء الله ما يفرزوكم إلا بالشرابات! انا قلت ليك كلام محدد .. جيب لي سباب وتنميط في مقال لبنى؟!!
.
06-29-2016, 03:05 PM
كمال عباس كمال عباس
تاريخ التسجيل: 03-06-2009
مجموع المشاركات: 17154
Quote: صديقنا كمال عباس (السد العالي بعرفنا ، وما يعادل دفاع الهلال ناس تنقا والثعلب ويور ذاتو..ناهيك عن طارق احمد ادم..ياخي ضبانة ما تعدي بينهم..!!).. سجل ليهو توثيق..عجيب فيهو سيرة ول ابا فضيلي جماع..!
جيد ماكتبته عن أديبنا فضيلي جماع ... ولكن علي سيرة الدفاع الفولاذي ـ أقول جيد أن ندافع عن مبدأ وعن موقف بل وحتي عن شخص ــ إذا ماكان علي حق ! وجيد أن ننتقد ونهاجم ذات الشخص إن أخطأ وشطح ومارس الهتر والإساءة ! ولكن من غير المفهوم أن يكون منطلق الدفاع هو مجرد العصبية الجهوية والقبلية والشللية!* إي أن نتحول لمجرد ظل ودرقة للدفاع السلبي ــ ندور مع شخص ما حيث يدور نزين باطله نبرر له ونسعي لأن نجعل من فسيخه شربات ! أو ندافع عما لايمكن الدفاع عنه!هذا موقف يخصم ولايضيف ـ بل ويعد خصما علي الموضوعية والمصداقية ــوعلي الإستقلالية الذاتية * هذا الدفاع السلبي مرهق ومشتت للذهن ومُضعف للقدرات ـوالتركيز ــ يحول تنقا لبرشم وطارق أحمد آدم لحبني ! ويجعل صاحبه يهدف كما الثعلب في مرماه ويقلش ويبيض الكورة في خط ستة ـ ويجعله سهل المراوغة و:"القياس"!! * كتب أخ كبر
Quote: فشنو يا صديقي ، حميدتي مرحلة محلية للغاية.. ونحن بنعرف كيف نصل العالمية رغم انف اوباش الشيوعيين ومن يتضامن معهم..!!القمر بيضوي..كلمات بسيطة.. حنينه.. اليهود عملوا منها فسيخ وشربات وقضيم وام جنقر عديييييييييييييييييييل...
خليل ـ فرح تغني(نحن ونحن الشرف الباذخ والحردلو ترنم (نحن الساس ونحن الرأس) و كانوا يتغنوا بالوطن وشعبه لامجرد جهة أوقبيلة ــ ! عموما ليس ما يمنع أن نتغني ـ في ظروف صحية وطبيعية بالتراث والإرث والإبداع المحلي والقبلي ــ فدولة التعدد والتنوع قوتها في إعترافهابالتنوع والتعبير strength in diversity وunity in diversity هذا التنوع يمكن أن يشكل عنصر إلهام وإثراء وإضافة للبوتقة القومية إي credit إن أحسن توظيفه ويمكن أن يتحول لمعول هدم إن كان منطلقه المباهاة السالبة والمكاواة !, شخصيا إعتز بكل مكونات بلدي الإجتماعية والثقافية وأحاول عدم الوقوع في فخاخ الوجه السالب للجهوية والقبلية وخصوصا في هذا الجو المسموم الذي يخيم علي الوطن قلنا
Quote: البقارة (في عمومهم) كما أهلنا في إقاصي دارفور جزء من نسيجنا الإجتماعي وتركيبتنا الوطنية ـ والقبلية إسهمت وتسهم مع غيرها في رفعة الوطن وتكتوي بنار الإنقاذ وسياستها المدمرة ــ لانرضي المساس بهاأو تحقيرها أو الحط من قدرها ــ
القبائل ليست كما واحدا أو قطيعا يقاد أو بصمة واحدة لاتقبل التنوع ! وإنما هي مؤسسة إجتماعية تعج بالتنوع وتعدد الأراء والأفكار والمواقف والإنتماءت السياسية لذا من التعسف محاولةالتحدث بإسم قبيلة أو الوصاية علي خيارات أفرادها !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
بريمة محمد
امجد الجميعابى
أبوبكر عباس
كمال عباس
فيس بوك
تويتر
انستقرام
يوتيوب
بنتيريست