|
|
|
 Re: كلام واضح .. من يتغيب عن العمل بدون عذر سيط (Re: عبد اللطيف السيدح)
|
هذا القدرتوا عليه
وايش تفرق ما هم مرتباتهم زى عدمها
كم ياخذ الموظف مرتب ؟؟
هل تكفي لى قفة الخدار والحمة
العلاج
المواصلات
المدارس للعندهم اطفال
يعني كعدمها وجودها
علشان كده المفروض يقيفوا بصرار لتغير هذه النظام النزع منهم حق المعيشة كامواطنين مستورين الحال
فهم لا يطلبون قصور كافورى ولا السيارات البنزات
وانت يا سيد ح
لما النظام دا معاك تمام
ليش جالس في السعودية وتهدد فى الناس من خلال نقل الاخبار بتاعت النظام الفاضل ؟؟
لما مرضت كنت فى السعودية وتلقيت العلاج كنت محظوظ لقيت رعاية واختمام فى المستشفيات السعودية
لو كنت بسودان موظف بسيط ايش كان صار فيك
اتقي الله في نفسك وفي اهل وطنك البسيطين
حسبي الله ونعمة الوكيل
من اجل هولاء العصيان يا ابناء وطني السودان
لنقاذ مثل هذه الحالات لى وطن افضل يوفر العلاج والصحة لى ابنائناء
انا نفيسه سستر شغاله في العنايه المكثفة طوارئ وإصابات السلاح الطبي مزعلاني حاله غريبه لي ولد صغير عمرو ١٤سنه
اسمو الطيب محمد الشيخ عندو فشل في التنفس ما بقدر ينوم الا اذا اتوصل في جهاز التنفس يعني
معتمد عليهو في الليل بس اما باقي الأوقات بيكون عادي حايم زيو زينا في العنايه المستشفي كلها بتعرفو وزول محبوب شديد
الطيب ده تخيلو راقد في العنايه كم ؟
اكتر من تلاته سنين 😳مرات بيكون عادي ومرات كتيره بيزهج شديد لدرجة بيشيل حاجاتو كلها في كيس ويقول انا خلاص ماشي بيتنا كفايه ومرات مسكين
بيقول انا ليه قاعد ده كلو الناس بيجو بعدي في العنايه ويطلعوا انا ليه ما اطلع متين حتطلعوني 😭😭😭 ونحنا اتعودنا شديد
كم مره نزلو في الجريدة ومره يقولو مسفرنو ألمانيا يتعالج هناك مع علم الجهات الكبيره ولكن من غير اي جدوي!!
حيعيش كده لغاية متين ونهايتو حتكون شنو الله اعلم ؟!!
الحاجه المحزنه قبل أسبوع تعب شديد وبقي ما واعي وقبل يومين قلبو وقف تلاته دقايق والحمدلله رجع طوالي واسي حالتو صعبه لكن ماشي في تحسن
| |
 
|
|
|
|
|
|
|
 Re: كلام واضح .. من يتغيب عن العمل بدون عذر سيط (Re: وهبه الشبلي احمد)
|
لا تسقني ماء الحياة بذلة
بل فاسقني بالعز كاس الحنظل
لو افراد الشعب كانوا عندهم قصور زي قصر الفريق الحرامي
في دبي ولا بيجيبوا عشاهم من ايطاليا بالطائرة ولا بياخدوا مرتبات زي مرتبات
منسوبي الحزب الحاكم مستحيل بتغيبوا عن العمل..
..لكن هم في حال غير الحال...
والله يديك الصحة والعافية
| |
|
|
|
|
|
|
|
|
|
Re: كلام واضح .. من يتغيب عن العمل بدون عذر سيط (Re: وهبه الشبلي احمد)
|
لا تسقني ماء الحياة بذلة
بل فاسقني بالعز كاس الحنظل
لو افراد الشعب كانوا عندهم قصور زي قصر الفريق الحرامي
في دبي ولا بيجيبوا عشاهم من ايطاليا بالطائرة ولا بياخدوا مرتبات زي مرتبات
منسوبي الحزب الحاكم مستحيل بتغيبوا عن العمل..
..لكن هم في حال غير الحال...
والله يديك الصحة والعافية
| |
|
|
|
|
|
|
|
|
|
Re: كلام واضح .. من يتغيب عن العمل بدون عذر سيط (Re: اميرة السيد)
|
الكلام ده شرح مبسط كدا للحاصل ...
علي جمال علي
🔴📡
في ناس عندها تخوف أنو لو حصل تغيير الدولة حتنهار ..
ده طبعا تخوف منطقي .. شي طبيعي أنو زول يكون ما داير الدولة تنهار .. أو بعبارة تانية المقولة الشهيرة (حنبقى زي سوريا و ليبيا و اليمن)..
لكن لو حاولنا نشوف القصة دي برواقة بسيطة ..
انت داير شنو من الدولة ؟
يعني حريص انها ما تنهار عشان شنو مثلا ؟
التعليم .. فعليا الدولة ما بتصرف على التعليم .. أو عشان نكون حقانيين شوية .. هي بتصرف تقريبا لكل مواطن حوالي22 جنيه شهريا ..
الصحة .. لو البوست ده كان قبل موضوع الدواء ده كنت قلت أنو الدولة بتصرف على الفرد 15 جنيه شهريا .. و هسي دي ذاتا بح خلاص ..
الكهرباء بتشتريها بقروشك .. و بالسعر البتختو الحكومة ..
الموية بتشتريها بقروشك .. أو في الحقيقة هي بتتباع ليك غصب مع الكهرباء لأنك مواطن بتاع حركات و ممكن ما تدفع ..
طبعا ميزانية الدفاع أنت ما عندك شغلة بيها ..
أنت عندك مشكلة مع مالك عقار ؟ مع عبد الواحد محمد نور ؟ الناس البتحارب فيهم الحكومة ديل في زول شاورك في قصتهم دي ؟..
كدي حاول أتذكر معاي شهر كامل من يوم 1 لحدي يوم 30 جيت تشتري حاجة الحكومة قالت ليك خلي ال 2 جنيه عشان انت زول لطيف و ما بيناتنا ..
يعني مثلا الوقود .. أنت بتشتريهو بسعر مضاعف حتى ..
السكر .. الزيت .. البطيخ ..
القمامة حقتك ذاتها بتشيلا ليك الحكومة بعد تدفع ليها .. و على فكرة أي حاجة انت بتشتريها حتى لو بسكويت انت بتدفع 17% من قيمة البسكويت ده للحكومة ما لمصنع البسكويت .. يعني اي 100 جنيه بتطلعا من جيبك الحكومة فعليا بتشيل منها 17 جنيه كده بس ساي تحت مسمى ضريبة القيمة المضافة ..
و طبعا ما تنسى أنو غير ال17% دي في 5% برضو بتتشال منك كضريبة من مرتبك ..
الحد الأدنى للمرتبات تقريبا 450 جنيه .. بتشيل منها الحكومة 22 جنيه .. طوالي حار حار ..
و عن طريق الضرايب التانية بتشيل منك تقريبا 65 جنيه (طبعا ده في الحد الأدنى .. ممكن تحسبها على مرتبك الحقيقي)..
يعني فعليا الحكومة بتشيل منك قروش شهريا أكتر من البتدفعا ليك مرتين ..
يعني نحنا بنصرف عليها ما العكس ..
هي لمن تقول رفعت الدعم بكون قصدها دايرة زيادة قروش منك بس التعبير بخونها ..
فلو مشكلتك مع التغيير إنهيار الدولة فهي أصلا منهارة ..
نحنا لو جبنا شركة تحكمنا ما حتربح فينا قدر ده ..
أما بالنسبة لموضوع سوريا و ليبيا و اليمن ..
فديل على فكرة دول عندها حروب في مناطق فيها .. يعني حلب .. بنغازي .. عدن .. النيل الأزرق .. واااااحد ..
و برضو عندهم لاجئين زي ما عندنا .. بس هم بدو موضوع معسكرات اللاجئين ده في 2012 .. لحدي 2015 ..
نحنا عندنا من 2002 ..
الهلال الأحمر الإمارتي بقسم مساعداتو بينا و بين ليبيا و سوريا و اليمن ..
في ناس كتار في العالم ده هسي ما بعرفو عننا غير دارفور .. زي ما نحنا ما بنعرف عن سوريا غير حلب ..
فللأمانة سوريا و ليبيا و اليمن هم البقو زينا .. 👌🏼
فالتغيير فعليا عشان الدولة المنهارة دي تقوم .. و عشان نبقى ما زي سوريا و اليمن و ليبيا ..
بقلم : علي جمال علي
#العصيان_المدني_السوداني19ديسمبر
| |
|
|
|
|
|
|
|
|
|
Re: كلام واضح .. من يتغيب عن العمل بدون عذر سيط (Re: Asim Fageary)
|
يا عاصم..
علي جمال ده منطق الكلام باسلوب مبسط ومفهوم وواضح..
وفعلا زي ما قال نحن بنخاف سوريا وليبيا واليمن والصومال يبقن زي السودان
مش العكس.....لان السرقات مش بس على مستوى الافراد من منسوبي
الحزب الحاكم ولكن على المستوى الحكومي....
خدمات دوواين الحكومة اصبحت في الحضيض ومستحيل تقضي اي
امر في اي مكتب حكومي دون ان تدفع رشوة...
وحتى في هذه الدول التي تعاني من الحروبات والتمزق فيها خدمات احسن
من السودان...
..اللهم لا نسالك رد القضاء واكن نسالك اللطف فيه...
والله يديك الصحة والعافية
| |
|
|
|
|
|
|
|
|
|
Re: كلام واضح .. من يتغيب عن العمل بدون عذر سيط (Re: اميرة السيد)
|
أسلوب استفزازي مرفوض في مخاطبة خيارات شعبية جماهيرية
مش شعب السودان اللي تتم مخاطبته بهذه الطريقة يا صاحب البوست
اللي يختار الغياب هو شعب كامل وعليك التأدب معه ومثل كتابتك هذه يستحسن حفظها للأيام ولات ساعة مندم
بعض الناس يتقمص الدكتاتورية حتى يصبح دكتاتورا وحين تحين ساعة الحقيقة يتحول إلى فأر صغير
هذا البوست ذكرني صور الترابي وهو يبايع النميري في بيعة الطاعة على المنشط والمكره والتي استمر خصومه في تذكيره بها في الانتخابات الديمقراطية حينما سقط في دائرة الصحافة جبرة أبشع سقوط.
أحمد الشايقي
| |
|
|
|
|
|
| |
عبد اللطيف السيدح
أيمن محمود
إدريس البدري
Hani Arabi Mohamed
وضاحة
وهبه الشبلي احمد
Asim Fageary
kamal omer
عبداللطيف خليل محمد على
فيس بوك
تويتر
انستقرام
يوتيوب
بنتيريست