|
Re: يا ود اب سبح .. رغم انك نمت بيها نوم ... لكن ا� (Re: صباح حسين طه)
|
Quote: تسلم يا أستاذ قباني
ما كل هذا الجمال. كدا ممكن نقول سمعنا لفنان يطربك حتى تنام وانت صاح
وين الزول دا مكانو وهل عنده حفلات عامة وليه ما ظاهر في التلفزيون |
تحياتي اختنا صباح ...
ود اب سبح من جيل الألفية التانية ...
موهبة بديعة ... ولدت في زمن عاجز ... شوهت معالمه خرافات الإنقاذ ...
شرفينا في مكتبتنا للتعرف على حامد اب سبح عن قرب ...
http://www.sudanesesongs.net/index.php مكتبة الأغنية السودانية
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: الطيب عباس)
|
Quote: مبدع الزول دا ..
الجيتار خرب الرصه لكن .. الفيدو مابفتح معاي بس قبل كده شفتو ... مش البقول فيو شوف دموع عيني سااايله فوووف خديي .. تحياتي قباني |
سلامات يا الطيب ...
مبدع حقيقي ...
اما الجيتار فانا افتكر ادي الأداء رونق لان مزيكته خفيفة و كأنها موسيقى تصويرية مش مزيكة الاغنية ...
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: يحي قباني)
|
تخيل يا هندسة أنا بسمع في أب سبح دا زي الزول القاعد قريب منك وقاعد يونس فيك بالرااااااحة
الشاهد في الموضوع انه ما قدرت أكمل الأغنية لأنه بديت أحمّلها على الجوال عشان وأنا سايق أو بالليل (دا وقت التجلي) أسمعها على رواق
تتعلى ما تتدلى بركة الليل الأمسى والأوكات الخمسة
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: عمر أبوعاقلة)
|
الباشمهندس يحي اب سبح فنان متمكن عاصرناه في جامعة الخرطوم في اواخر ايامه في الجامعة زول غناااااي ويعرف يختار الاغاني البتتناسب معاهو يبدو لي انو مابحب الاضواء والشهرة وبغني في نطاق ضيق لانو من بعد الجامعة الزول دا ماسمعنا خبره تاني. تحياتي ليو عبرك وتحياتنا ليك وانت تمطرنا بالبهاء دا شكرا ماعدمناك
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: علي محمد الفكي)
|
حقيقة أداء يسمو بالمستمع من وحشة البعد عن الوطن لي سماء يتعانق تحتها الابيض و الازرق
حامد اب سبح يتميز صوته بدرجة تطريب عالية الكلمات تخرج من حنجرته حرف حرف و كل حرف يجد مساحة الموسيقي بتاعته باريحية متناهية للهدوء و الثقة في الاداء لك و لحامد الشكر و ربنا يحفظ اب سبح و نشوف انتاج جديد و متميز له
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: Hamid Elsawi)
|
Quote: حقيقة أداء يسمو بالمستمع من وحشة البعد عن الوطن لي سماء يتعانق تحتها الابيض و الازرق
حامد اب سبح يتميز صوته بدرجة تطريب عالية الكلمات تخرج من حنجرته حرف حرف و كل حرف يجد مساحة الموسيقي بتاعته باريحية متناهية للهدوء و الثقة في الاداء لك و لحامد الشكر و ربنا يحفظ اب سبح و نشوف انتاج جديد و متميز له |
حامد يا جميل ...
مشتاقين يا رجل ...
يسمو دي هي بالتحديد الانا كايس ليها ...
شغله نضيف الشاب الجميل ده ... _________________________________
* على فكرة ما جاني أي اتصال من صديقك الى الآن ...
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: علي محمد الفكي)
|
Quote: يحيى يا فنان اختياراتك قمة الروعة لك التحية |
سلامات يا حبيب ...
الشغل السمح بيسمو براهو يا علي ...
و اسحار الجمال فيها كلام خطير ...
فيها بيت يا علي ... رغم سماعي للأغنية الآف المرات منذ الصغر ...
لكن و انا على كبر كده :) ... بديت اعيد التأمل تاني ...
الشعراء كتبوا كتير في الجسم و نحوله ...
بطران قال : نسمة الأسحار هبي أنا مساهر ونومي متخبي انتحل جسمي والمحال طبي
عتيق قال : جسمي المنحول براهو جفاك ... يا مليح الزي ...
و كتيرين ... انصبت شكواهم في الحب الباري لاجسامهم و أصابها بالنحول ...
عايشين لكن اجسامهم انتحلت ...
شوف الفرق بين كلامهم و كلام عبد الرحمن الريح ... القال :
دبت في حبك والفؤاد مجروح ما فضل ( مني ) شئ خلاف الروح
مش كده و بس ... كان ممكن يقول كما يقول العامة ( ما فضل فيني ) ...
لو قال ما فضل ( فيني ) معناتها هو عايش و شايف الفضل ( فيهو ) شنو ...
يعني زيو و زي نحول الجسم ...
لكنه قال : ... ما فضل ( مني ) شي خلاف الروح ...
معناتها شنو ؟ الباقي انتهى و راح ...
ده مش ضمور و انتحال ... دي تلاشي و ذوبان ...
انا لله بس من جنس كلام ...
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: Yousuf Taha)
|
Quote: الباشمهندس يحي اب سبح فنان متمكن عاصرناه في جامعة الخرطوم في اواخر ايامه في الجامعة زول غناااااي ويعرف يختار الاغاني البتتناسب معاهو يبدو لي انو مابحب الاضواء والشهرة وبغني في نطاق ضيق لانو من بعد الجامعة الزول دا ماسمعنا خبره تاني. تحياتي ليو عبرك وتحياتنا ليك وانت تمطرنا بالبهاء دا شكرا ماعدمناك |
تحياتي يوسف و التحية لود اب سبح ...
فنان مكتمل ... صوت دافئ ...
جاءنا في زمن المحن ... فآثر ان يبعد ... و يفر بفنه من السقوط ...
| |
|
|
|
|
|
|
Re: يا ود اب سبح .. رغم انك نمت بيها نوم ... لكن ا� (Re: عمر أبوعاقلة)
|
Quote: تخيل يا هندسة أنا بسمع في أب سبح دا زي الزول القاعد قريب منك وقاعد يونس فيك بالرااااااحة
الشاهد في الموضوع انه ما قدرت أكمل الأغنية لأنه بديت أحمّلها على الجوال عشان وأنا سايق أو بالليل (دا وقت التجلي) أسمعها على رواق
تتعلى ما تتدلى بركة الليل الأمسى والأوكات الخمسة |
ود ابوعاقلة يا صديق ...
ذكرني بأمي رحمها الله و هي شايلة اولادي في حجرها الدافئ ... تلولي فوقهم ...
حقيقة ... أداء كما خمرة باخوس النقية حينما تسري نشواها ...
| |
|
|
|
|
|
|
|