وزير المالية يصدر امرا بإعفاء الموظفين والعمال بالخارج من المساهمة الوطنية

سودانيز اون لاين
Frankly-ارض الله ومعمورته
مكتبتى
رابط مختصر

التاريخ : 07-03-2016 - 06:04:00 مساءً

الخرطوم 7-3-2016 (سونا)- اصدر بدر الدين محمود عباس وزير المالية والتخطيط الاقتصادي ، امرا بإعفاء فئتي العمال والموظفين من السودانيين بالخارج من المساهمة الوطنية وذلك بموجب قانون جهاز تنظيم شؤون السودانيين بالخارج لسنة 1998 م .

جاء ذلك تنفيذا لقرار النائب الاول لرئيس الجمهورية الفريق اول ركن بكري حسن صالح في فاتحة جلسات المؤتمر العام السادس للمغتربين الذي انعقد في اغسطس من العام 2014 م باعفاء العمال والموظفين من المساهمة الوطنية والتي كان وزير المالية السابق علي محمود عبد الرسول قد اصدر قرارا باعادتها في العام 2013 م .

و اخدت معاي خلو طرف ضريبي ...

و برضو تاااااني دفعوني في السودان

نصابين

فعلا كل القرارت التي تصب تجاه العاملين بالخارج من وحي خيال الذين بالداخل

وقد يعرفون معاناة المغترب ولكنهم يزيدونهم هماً وغماً ومغسة ، موضوع الجبايات

موضوع تعليم الأبناء وقرارتهم المجحفة ، ليس هناك إستقرار في القرار .

الضرائب والمساهمات معفية وبعد كم سنة تعود بفرضية أعلى من الأول

طلاب الشهادة الثانوية ، تخصم من درجاتهم 10% وبعد فترة يحسب لهم

درجات معينة من الشهادة ونسبة من إختبارات أخرى تسمى القدرات وآخر

يسمى التحصيلي ( 60% + 15%+25%) حتى وصلوا لقمة الاجحاف

حينما قرروا التقييم (20% من الشهادة +80% من إختبار التحصيلي)

(عدل بواسطة Zoal Wahid on 03-08-2016, 07:08 AM)

المهم نستغل البوست لتقديم بعض النصائح للسادة المغتربين

1- ماتدفع الضرائب في السفارات مهما كان لانو حيدفعوك ليها تاني في السودان

2- ماتدفع الضرائب بالعملية الحرة ابدا لانهم حيحاسبوك بالسعر الرسمي وهو نصف السعر الحقيقي تقريبا ولانهم بيستفيدو من العملة الحرة اكتر حيث العملة المحلية ماعندها اي قيمة تقريبا

3- حاول ماتدفع الضرائب قدر الامكان وذلك بتأجيل اكبر كمية منها مامعروف يمكن ربنا يستجيب دعواتنا ويخسف بجهاز المغتربين الارض

4- ماتدفع الزكاة نهائيا قول ليهم انو مرتبك 2000 ريال بس واصر على كلامك واتجرجر معاهم بعد شوية حيعفوك لانو اساسا الزكاة ماقاعدة تمشي للمساكين وادفع زكاتك براك وما اكثر المحتاجين في السودان

5- ماتنسى ان تدعو عليهم في الليل والنهار وفي السجود ان يخسف الله بهم الارض او تسقط عليهم حجارة من سجيل تجيب اجلهم