ذكرياتي، والله يا جماعة ؤ ما طالبني حليفة انا كنت بلعب جناح يمين المحاورة والسحسحة بتاعت ناس ميسي واللعيبة الحريفين دي ما بعرفا، لكن تجدع لي الكورة خلف المدافع لو يركب موتر ما يحصلني، برضو لو إستلمت الكورة في كراعي ؤ جدعها بصفحة الباك اليمين ؤ جريت بصفحتو الشمال قبل يتلفت انا بكون عكستها، ؤ بالمناسبة عكستي زي المسطرة . رغم صلعتي الكبيرة دي كنت ما بعرف أضرب هد، لكن اجعص كورة معلقة في الهواء بجيبها بكراعي عشان كدا ضهري إتكسر . بعض الفرق كانوا بيختو لي مدافعين (2) وفي هذه الحالة كنا بنحوّل اللعب لخانة الجناح الشمال . دي نبذة عن النيجيري ود المدير عشان ما يجي ابو حسين يقولكم العربي دا شِن عرفوا بالكورة . نسيت، كانوا مسميني الجناح الطاير ...
07-15-2016, 01:04 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
سوف اخضع لبرنامج تغذية خاسة من اليوم، وتمارين خفيفة، ثم حمام دافئ وجلسة لمدة نصف الساعة في الساونا، ثم مشاهدة التلفزيون مع المرور السريع خلآل الإنترنت مع كباية شائ اخدر دافئة، بعدها اخلد إلي النوم واترك مكالماتي الهامة لسكرتيرتي الخاسة ...
07-15-2016, 01:22 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
القدو قدو و ما ادراك ما القدوقدو الدخن الدراش ... مدقوق فى فندك ...و اللبن الرايب و السُكّر و لو لقى حبة خميرة كده كمان .. ده عز السلطنة و بيرفع من معدلات اللياقة و يخلّى الزول زى التور الحاجات دى تسألنى منها انا مدير اعمالو و سيب الكابتن فى حالو بالمناسبة الوسطاء يمتنعون ود المدير .. بالمناسبة ح ابيعك بيعة تجيب ليك الجنسية فى بكانك
07-15-2016, 03:58 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
يكفى انو نيجيرى و بيعلب بى إيديهو و كرعيهو عالم بطّالة و الخبر السار ممكن اجيب ليكم معاهو اللاعب الفنان داك ذو الباصات الاشتراكية و اهدافو الليبرالية ...المفاوضات تجرى على فووت و لق .. بس لوكو الصبر
07-15-2016, 04:50 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
زول اشتر زيك كدا في حياتي كلها ما لاقاني ... لكن لو قسنا على كتابتك مشي في الواطة دي ما اظنك بتمشي زي الناس تقول لي كورة ... اها كورتك دي بتلبس ليها كدارة و ل برضو بالسفنجة ... 😂😂😂😂 سؤال برئ زي كدا
07-15-2016, 06:36 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
"لباسات" و "جقة" و يمتها حايم في استاربكس بالسفنجة !! غايتو العالم الأول ما أضاف ليك اي شي! اي لحظة تلم ليك في عراقي و سديري ما تسال في اجدع عربجي فيك يا أتبرا :)
07-15-2016, 08:21 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25075
هههههها تستاهل ------- Quote: انتو اقعدوا اتونسوا لي بي هنا وانا بي هناك رشوني ليك في بوست محمد القاضي غايتو خوتكم اخير منها (سعاية) الكلاب -------------
... اسلو احونا ... سيف الدين ده عندو نوعين من البنغو واحد كعب و التانى اكعب منّو انت ضربت ياتو بنغو منّهم صاحبنا على مخاطبا زوجة شقيقه زهرة بعد سطلة فعلت به الافاعيل الخيالية .. يا زحرة نحنا نقطع الجحنّمية دى و نزرع بدلا تمر حىدى
ههههههههه.. ألذ حاجة في الدنيا دي انك تلقي ليك فرصة في المدعو يحي قباني .. والمدعو جلالدونا..!! ناس تعيط وتعيط وتعيط وما عارفة الكتيل منو..!! قلت لي يا معاوية: نيجيري؟.. وين يا عمك.. تلقاها عند الغافل.. انت ومني عمسيب: بوركينا فالصو.. على قول اولاد بمبه..!! وهذا.. والسلام.. وتحت تحت.. عجبني للمرقوت..!
07-16-2016, 07:38 AM
ALWALEED ALSHEIKH ALWALEED ALSHEIKH
تاريخ التسجيل: 01-11-2013
مجموع المشاركات: 884
سلام يا ود المدير وكل سنة و انت طيب غايتو من ناحية انك نيجيري فدي ما محتاجة اثبات بعد قريبك أبوبكر طلع نيجيري في البوست اياه بعد ده كل الناس الأصولهم من الباوقة مثل ود الشيخ و ود المشرف و غيره يتحسسو سودانيتهم. غايتو لو فكرت تبقى مدرب يكون احسن . ما بتحتاج تلبس الكدارة. و سلام لكل ضيوف البوست الكرام
07-16-2016, 08:33 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
يا قبة والله لو ما انتو كان الواحد اتشق بالمغسة في البورطي دا ياخي قبل دا في شافع هنا قال لي د. بشری الفاضل یا دلدول!!! ... بت زيادة قالت لي محجوب كجوك ما تشق الزراعة الله يشقك قال ليها انا مالي.. ما يشقك انتي المبديي
07-17-2016, 10:15 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
والله يا دكتور المشرف قلت انتو اصحابي ديل بوستاتكم قوية وناسا كتار قلت امشی ادسی في في بوست ود القاضي بالله ساعتي الداير اخفف دمي اسمع ليك كع في راسي بي سفنجة جديدة انت الزول دا الوراهو محل سفنجات الحديد منو؟ اقول فيك شنو يا ود المدير غايتو الله يسامحك غايتو واحد ود حلال جا قال الزول دا رش ابو حتحوت ذاتو حتى بطني بردت شوية بس كان رش ابو حسين الفقر دا كان الكمدة بالرمدة
07-16-2016, 09:45 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
سلام أخي حيدروف ، غايتو الأيام دي بعمل لي ، في دراسة سايكولوجية ، في ود المدير ، إمكن تكون للـ PhD أبواب الدراسة كالآتي :- ود المدير و السفنجة ، ود المدير و الكورة بالكدارة ، و المدير و العجلة ، *** أنا قاصد العجلة زاتها ، ما تسيو الظن ، يا جماعة ،
،،،،،،،
عزالدين عباس الفحل ابوظبي
07-16-2016, 12:03 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: زول اشتر زيك كدا في حياتي كلها ما لاقاني ... لكن لو قسنا على كتابتك مشي في الواطة دي ما اظنك بتمشي زي الناس تقول لي كورة ... اها كورتك دي بتلبس ليها كدارة و ل برضو بالسفنجة ... 😂😂😂😂 سؤال برئ زي كدا
امانة ماك حاسد، يا بكري جيب الطبلة والكلباش بِسراعك ...
07-16-2016, 01:31 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: "لباسات" و "جقة" و يمتها حايم في استاربكس بالسفنجة !! غايتو العالم الأول ما أضاف ليك اي شي! اي لحظة تلم ليك في عراقي و سديري ما تسال في اجدع عربجي فيك يا أتبرا :)
قاليك وآحد من أهلي انا دا براااااي، أها، عشان ما يجي وآحد يقول لي، إنت عنصري جِبت سيرة اهل عِلآن ؤ فرتكان، زول غندولي جابلو مدرس إنقليزي من إنجلترا لولدو طبلو معاهو في اوضة عشان يعلمو اللِنقليزي، أها بعد عشرة شهور فتح اللوضة، أكان جاهو المدرس قالوا، بتدوّر العوض ؟!، أها يا ود البشرى كان شُفت السقافة الأضفتها انا لي ناس البلد دي صدقني حاتكون برآوُّد شديييد إنّك سوداني ...
07-16-2016, 01:37 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: بعض الفرق كانوا بيختو لي مدافعين (2) وفي هذه الحالة كنا بنحوّل اللعب لخانة الجناح الشمال .[/QUOTE في فريقنا زمان،كان عندنا جناح يمين أبيض حبتين ـــ عكسك تماما ـــ ،يوم لاعبين مباراة مهمة،أها الزول دا قدر ماجدّعناليهو غلبو يعكسليهو ولا حتى عكسة واحدة،الكوتش في النهاية زهج منو وقرر يركنو في الناحية الشمال ،لغاية الشوط ماينتهي،قام كورك ليهو :يامعاوية يامعاوية ، حوّل جناح شمال.. قام معاوية كورك :ياحكم ياحكم،عن إذنك دار أمش جناح شمال.
07-16-2016, 01:40 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
عليكم الله يا جماعة هسة دي حكاية شنو؟ النيجيرية دي رزق ساق الله الي انا المسكين دا، تجي انت يا ود الخالة تقلعوا منو ساكت انا هسة كنت مأمل انو امشي اسجل فى فريق جمال الوالي داك، ادرب الفريق و كمان اعمل لي خلوة لتعليم ناس جمال الوالي القرآن. باقي جمال الوالي ما فارز كلام الله من امثال ناس الحلة. قال ليهم فى التلفزيون زي ما الله قال: العارف عزو مستريح هههههه,
07-17-2016, 09:02 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ههههههههه.. ألذ حاجة في الدنيا دي انك تلقي ليك فرصة في المدعو يحي قباني .. والمدعو جلالدونا..!! ناس تعيط وتعيط وتعيط وما عارفة الكتيل منو..!! قلت لي يا معاوية: نيجيري؟.. وين يا عمك.. تلقاها عند الغافل.. انت ومني عمسيب: بوركينا فالصو.. على قول اولاد بمبه..!! وهذا.. والسلام.. وتحت تحت.. عجبني للمرقوت..!
ههههههههههههه، يا ولد ابا الجماعة ديل بيكونوا عاملين ميتين ساكت . كان مغالتني تعال الحفلة الجاية بوريك الجواز، لكن والله البنت ابدعت ؤ قالت حفلة كالقري اجمل حفلة تعملآ . يا راجل تخليني الليل كلو متلطع في الباب راجيك !؟، بالغت لكن ...
07-17-2016, 10:47 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام يا ود المدير وكل سنة و انت طيب غايتو من ناحية انك نيجيري فدي ما محتاجة اثبات بعد قريبك أبوبكر طلع نيجيري في البوست اياه بعد ده كل الناس الأصولهم من الباوقة مثل ود الشيخ و ود المشرف و غيره يتحسسو سودانيتهم. غايتو لو فكرت تبقى مدرب يكون احسن . ما بتحتاج تلبس الكدارة. و سلام لكل ضيوف البوست الكرام
وإنت طيّب يا الوليد، الشوق غلب والله . اشكرك علي ضحد الشكوك في نجيريتي، يتحسسو شنو ؟، ديل بعد دا يشوفوا درب الكدارات بوين، ياخوي نحن زي الجاتنا ليلة القدر . القبحة فوق الكدارة ضيعت مستقبلي الكروي ياخ ...
07-17-2016, 10:50 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام أخي حيدروف ، غايتو الأيام دي بعمل لي ، في دراسة سايكولوجية ، في ود المدير ، إمكن تكون للـ PhD أبواب الدراسة كالآتي :- ود المدير و السفنجة ، ود المدير و الكورة بالكدارة ، و المدير و العجلة ، *** أنا قاصد العجلة زاتها ، ما تسيو الظن ، يا جماعة ،
حباب ود الفحل . ياخوي إنت قايلني قعوية ؟...
07-17-2016, 11:27 PM
Fatima Alhaj Fatima Alhaj
تاريخ التسجيل: 05-06-2014
مجموع المشاركات: 712
Quote: في فريقنا زمان،كان عندنا جناح يمين أبيض حبتين ـــ عكسك تماما ـــ ،يوم لاعبين مباراة مهمة،أها الزول دا قدر ماجدّعناليهو غلبو يعكسليهو ولا حتى عكسة واحدة،الكوتش في النهاية زهج منو وقرر يركنو في الناحية الشمال ،لغاية الشوط ماينتهي،قام كورك ليهو :يامعاوية يامعاوية ، حوّل جناح شمال.. قام معاوية كورك :ياحكم ياحكم،عن إذنك دار أمش جناح شمال.
ههههههههههه، برضو إسمو معاوية يا عليش، واللآ إنت عليش الكان معانا في السيالة ؟...
07-18-2016, 09:13 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: Swachw Swachw بالله أبو بكر ولد خالة معاوية ؟ أتلومنا فيك يابو بكر .. لكن ما بيحلك من حكاية النيجيري دي الا تخط الكورة واطه والا تلعب بالسفنجة :) تصدق يابو بكر .. بوست زي بوست معاوية دا ، يغني عن ألف من عينة " anti-racism " اللي حايم بيها دينق أبوقرون استشعار .
صامت يا صديق، العيد يتبارك عليك ياخ . ود خالتي دا لو بيلعب بالسفنجة ما كان دقس، لكن علي حِس نيجيري دي يحق ليهو الإحتراف ...
07-18-2016, 09:17 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: عليكم الله يا جماعة هسة دي حكاية شنو؟ النيجيرية دي رزق ساق الله الي انا المسكين دا، تجي انت يا ود الخالة تقلعوا منو ساكت انا هسة كنت مأمل انو امشي اسجل فى فريق جمال الوالي داك، ادرب الفريق و كمان اعمل لي خلوة لتعليم ناس جمال الوالي القرآن. باقي جمال الوالي ما فارز كلام الله من امثال ناس الحلة. قال ليهم فى التلفزيون زي ما الله قال: العارف عزو مستريح هههههه,
ههههههههههههههههههه، يابن خالتي وكِت الله بقاك نيجيري ألعب كورتك ساكت مع جمال الوالي، وانسى حكاية التعليم دي . أهلنا قالوا، القِرد العوّد ما بيتعلّم الرقيص . ؤ لآ تجي تضايقني في الهلآل ...
07-18-2016, 09:34 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: هههه والله يا معاوية يا خوي أنا دخلت البوست دا قبال شتارة دكتور المشرف والآخرين. لكن بيني وبينك بعض المرات عندكم بوستات حقو تكتبوا عليها فوق 18 سنة.
لالا اللتيق بحلك يعني لعيبة هلال مريخ ديل أخير منك؟
غايتو انا ما شايِفُن اخيّر مِني، إلا كان الكردينال ؤ جمال الوالي يكونوا شايفين خلآف كدا .
يا فاطنة سيّبك من شتارة المشرف ؤ عووضة ؤ خرفُن، بعد نُص ساعة تعالي بوستيني الجديد بتعرفي الحجر يعني شنو . حا يكون بوست ساخن إن شاء الله، فإلي هناك ...
Quote: معاوية والله ياخوي بحتة بحت فوق المنبر العام دا كايسة لبوست الحجر ما لقيتو.. نفسي اعرف الحجر قصتو شنو ( نزلت البوست ولا لسة).... مالك يا خوي عساك طيب.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
Yasir Elsharif
Hani Arabi Mohamed
ناصر حسين محمد
جلالدونا
معاوية الزبير
ABUHUSSEIN
محمد البشرى الخضر
حيدر حسن ميرغني
عبدالعزيز الفاضلابى
Fatima Alhaj
محمد حيدر المشرف
عثمان عووضة
يحي قباني
Kabar
ALWALEED ALSHEIKH
HAIDER ALZAIN
عزالدين عباس الفحل
عليش الريدة
abubakr salih
فيس بوك
تويتر
انستقرام
يوتيوب
بنتيريست