حكمة اليوم: "المتطرف أو المهووس هو الذي يهمه دين الآخر أكثر من دينه هو نفسه" ـــــــــــــــــــــــ أبو صالح وأبو سليمان أبو صالح جالس مع أبو سليمان بعد صلاة العصر يسولفون ويقطعون الوقت ...
تنهد أبو صالح وقال : أفكر في هالدين العظيم اللي طلع من مكة المكرمة ووصل إلى آخر الدنيا !!! قال أبو سليمان: إيه والله إنك صادق يا بو صالح ...
قال أبو صالح : بس لا يهمونك دين أهل آسيا الوسطى وأوربا والله مالهم من الإسلام إلا اسمه ! رد أبو سليمان: والله إنك صادق يا بوصالح
وأضاف أبو صالح : ولا دين هالأشوام (أهل الشام) والله دينهم ما هوب اللي إنت تبي يا بو سليمان فرد أبو سليمان: والله إنك صادق يا بو صالح قال أبو صالح : والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر قال أبو سليمان: ايه والله يا بو صالح إنك صادق ...
قال أبو صالح : إن بغيت الإسلام في ها الديره (السعودية ( قال أبو سليمان: ايه والله إنك صادق يا بو صالح ...
فرد بتنهد أبو صالح : والله ماهوب دين كل أهل هالديره على اللي إنت تبي يا بو سليمان؛ أهل الجنوب أهل بدع وزيدية وإسماعليية مالهم من الدين إلا اسمه
قال أبو سليمان: ايه والله إنك صادق يا بو صالح
قال أبو صالح : والا أهل الشرقية رافضة وشيعة والله ما خذوا من الإسلام إلا اسمه، وأهل الحجاز مبتدعة صوفية ماهوب والله اللي إنت تبي يا بو سليمان
وأضاف أبو صالح : إن بغيت الدين والله في نجد والباقين خلهم على يسراك ) شمالك (
رد أبو سليمان: والله إنك صادق يا أبو صالح ...
قال أبو صالح : والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن ) الدخان) ويشوفون الدش والله ما أدري عن دينهم يا أبو سليمان!!! لكن لابغيت الإسلام تراه عندنا بالقصيم !!!
رد أبو سليمان: والله إنك صادق يا أبو صالح ...
فأضاف أبو صالح : والله ماهوب كل أهل القصيم دينهم على اللي إنت تبي، أهل عنيزة واللي حولها يبيعون التتن ويلبسون كبك والدشوش تملأ السطوح،
إن بغيت الدين والله تراه في ذا عندنا ببريده
رد أبو سليمان: والله إنك صادق يا أبو صالح ...
وأضاف أبو صالح : والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه
إن بغيت الدين إنزل ترى في حارتنا هاذى !!!
رد أبو سليمان: والله إنك صادق يا أبو صالح ...
قال أبو صالح : والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة ...
والله ما بوه في الحارة إلا أنا وإنت يا بو سليمان!!!
رد أبو سليمان: والله إنك صادق يا أبو صالح ...\
ورد ابو صالح بثقل شديد :::: والله من تالي مااشوفك تخشع بالصلاة يابو سليمان
06-06-2017, 02:33 PM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yasir Elsharif
عبدالله عثمان
فيس بوك
تويتر
انستقرام
يوتيوب
بنتيريست