|
|
|
 Re: مواطن الجزيرة لن ينسى إساءة البشير له (Re: عبدالله ود البوش)
|
والله يا ود البوش رجعت الاولاد من المدرسة وفتحت التلفزيون قناة الجزيرة مدني
خجلت للبشير لامي ليهو عشرة نسوان من بتاعات المؤتمر الوطني
ومعاهو ناس الامن اصفقو ليهو عشان افتح طريق ظلط
والشارع فااااااااااااضي تلعب فيهو البلي
لا مستقبلين لا مواطنيين
قالو الخطاب بتاعو الساعة 9 لغوهو
عملوهو الساعة 11 لغوهو
عملوهو الساعة 12 لغوهو ... النصاب ما تم
ناس مارنجان قالو لي ايلا زولك دا اتبلي بيهو ما تجيبو لينا
وعمك بشة لافي ما فضل ليهو كان افتش خشم البقرة
وطوالي المذيع انتقل للاستديو قال شنو تحليل لانجازات ايلا
ودام زقده تاني تجي المولد
| |
 
|
|
|
|
|
|
|
|
Re: مواطن الجزيرة لن ينسى إساءة البشير له (Re: عباس الدسيس)
|
قالو الخطاب بتاعو الساعة 9 لغوهو
عملوهو الساعة 11 لغوهو
عملوهو الساعة 12 لغوهو ... النصاب ما تم
--------------------------------------
الوجع ال
.
.
مواطن الجزيرة لن ينخدع اكثر مما انخدع
سوف تقول مدني كلمتها الحاسمة
ارحل
.
.
شكرا يا عبس
| |
|
|
|
|
|
|
|
|
|
Re: مواطن الجزيرة لن ينسى إساءة البشير له (Re: جمال ود القوز)
|
كعادتها لم تخذلنا مدني
واهل الجزيرة كما قال خيري
يا فرس كل القبيلة تلجموا يكسر قناعته ويفر
يسكن في الخلا مع البدو ما يرضى غير الريح تجادلو وتقنعو
وقول لي البشير وايلا خمو وضرو تاني بتجو المولد
وتحية النضال والفخر بي اهلي ناس الجزيرة
تفتيش تفتيش ومكتب مكتب
ري ري وترعة ترعة
وكل القرى والكنابي
وغرب الجزيرة وشرق الجزيرة ووسط الجزيرة وبحر الجزيرة وشمال الجزيرة
احبكم كلكم
| |
|
|
|
|
|
|
|
|
|
Re: مواطن الجزيرة لن ينسى إساءة البشير له (Re: Abu Baker Ahmed Abdel Rahman)
|
ياود البوش: اهلنا زمان بقولو "الصرفة بتجيب بوكسي."
----------------------------------------------------
عمك من ناس فداسي يوم الصرف مشى مدني وجاء راجع بتاكسي
لمن وصل البيت طلع عشرة جنيه بتاع التكسي قاليهو ما عندي فكة
قاليهو خلاص اديني بالباقي بوري ....
شفت التقا والعز كان كيف ؟
شكرا يا الحبيب ابوبكر احمد مع التحية مرفق طيها
| |
|
|
|
|
|
|
|
|
|
Re: مواطن الجزيرة لن ينس إساءة البشير له (Re: محمد البشرى الخضر)
|
فعلا يا ود البوش ما جاية ولا مقبولة من رئيس ينكّت على ناسه
--------------------------------------------------------------
رئيس نكتنجي ورقصنجي دا ما سمعنا بيهو
.
.
لكن النكتة سمحة بيني وبينك
---------------------------------
نحن ممكن ننكت في روحنا لكن لو نكت علينا زول تاني الله قال بقولوا
لحين التأكد من كونك عوضنجي ول بندرجي
ولو طلعت من غير سكان صقيعة سلامة الوش الضاحك دا ولا بحلك
والامارات فركة باظ وبالاحضان يا الحبيب
| |
|
|
|
|
|
|
|
|
|
Re: مواطن الجزيرة لن ينس إساءة البشير له (Re: محمد عوض السيد)
|
شكرا أخ عبد الله
اعتاد الدكتاتور على ارسال لسانه في سياحة لفظية وتهديدية حفظ العالم وتفرج علينا فيها ابتداء من دوس بالجزمة (الله يعزك والسامعين) إلى أمور أخرى كثيرة
اعتقد أن أكثر الاسلامويين تطرفاً لا يمكن أن يقول بأن هذه الألفاظ تمثله وتعبر عنه
بالاضافة للاساءة اللفظية لمزارعي الجزيرة بأنهم تربية شيوعيين (مع العلم بأن الحزب الشيوعي حزب شرعي ومسجل ويمارس نشاطه وفقاً للقانون وينتمي إليه مواطنين من افضل الاسر والقبائل السودانية) وهذا فقط في بند
أن الانتماء لحزب مشروع لا يمكن أن يعتبر (سـبـة) من رئيس أعلى هرم سيادي في الدولة باعتباره حارساً للقانون ... فإذا استبعدنا الاساءة اللفظية, فإن الاساءة الفعلية في نظري هي تدمير متعمد ومخطط تم تنفيذه زهاء السنوات
الطوال لمشروع الجزيرة وهي أكبر اساءة ليس لأهل الجزيرة فحسب وإنما للسودان
ولأصحاب الوهـم من مؤيدي الحزب الحاكم (القليلين جداً) بالجزيرة والذين صدقوا ألفاظ (نعيدها سيرتها الاولى) فكيف يمكن لشخص يبيع مقدرات مشروع بأبخس الاثمان من محالج وغرابيل وسكك حديد شبكية مفخرة وتفاتيش ومساكن وغيرها ... كيف له أن
أن يدعي النيـة في اعمار هكذا مشروع ... ؟؟؟؟ هل لهم عقول يفكرون بها ؟؟؟
أحمد الشايقي
| |
|
|
|
|
|
|
|
|
Re: مواطن الجزيرة لن ينس إساءة البشير له (Re: أحمد الشايقي)
|
النشمي ود البوش .. صباح النصر لك ولضيوفك الشرفاء .
مواطنو الجزيرة معروفين حتي لو ما اتهمشوا من قبل
مقطوعة الطارئ ! يعني كان ما شلاقة رئيس وخفة
والي الجزيرة جزيرو منو ممكن تقيف مع عدوها ؟
تعيش الجزيرة واهل الجزيرة .
وعشتم وعاش الوطن حر .
| |
|
|
|
|
|
|
| |
عبدالله ود البوش
احمد حمودى
Yasir Elsharif
عباس الدسيس
Mustafa Mahmoud
جمال ود القوز
علي محمد الفكي
Abu Baker Ahmed Abdel Rahman
doma
علاء سيداحمد
عمر أبوعاقلة
محمد البشرى الخضر
عليش الريدة
معاوية الزبير
عبدالعزيز الفاضلابى
محمد عوض السيد
مني عمسيب
فيس بوك
تويتر
انستقرام
يوتيوب
بنتيريست