معليش أبوي ما قدرت ألبس عمتك وأقالد الأحباب وكت حبان قسانا يبشروا وتصدح زغاريد (جلو) في فرح البنيات الحفيدات الحِنينات زي أبوي ويقالدنك في عضامي ويفرحن وحتى إن قدرتَ وجيت منو البقدر يسد حوبتك ويبث نورك على العتمة ويفِج غلس الزمن ويقشع تعّبت أولادك وراك مين بشبهك معليش أبوي عَصرَت علي محن الظروف والقيد علي كتّر مغستو ومسخا يعصر تقول طالبني تار حنستو يرحم ما سِخى وأنا يا حبيب من رقتَك دمعي القريب كل ما البنيات الحنينات يندهن يا خالو ويييييين تهطل سحابات الحزن يتقطع القلب البريدن وينكسر ويتذكرك يا سيدي وييييين فرحاً بلاك ناقص مع التسليم وحمد الحي دموع أحزانا بنخبيها في عصب الشعور الحي وجوة الجوف بنكتم عبرة التبريح وآهـ وأحي معليش أبوي دي المرة عشمان في السماح بسدوها ناس هيثم وأبو الأسد الغضنفر بابكر ويا حبيبات خالو حاشاني الجفا ويا حبيبات خالو مبروك ما كفى إلا في آخر بكاااااي برضو عشمان في السماح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست