كان اسمها الخرطوم كان اسمها العاصمة .. قذارة في كل مكان متي ينظف السودان

Quote: قذارة الأماكن مقدور عليها المُشكلة في قذارة النفوس بتفشي ظاهرة الجبايات والرشوة في كل مرافق الدولة نعم ،،، أي جهة حكومية لو ما تدفع أمورك ما بتمشي خاصة الجهات ........ نعم ،،، وللأسف كلنا عارفين ولا داعي للذكر

Quote: عندما يتحدث الغرباء عن قذارة وطننا، لا يوجهون كلامهم فقط للإنقاذ، كلامهم موجه لكل سوداني

Quote: Adam Mohajer · University Of Khartoum بالمناسبة القرى ليست بقذارة الخرطوم بصفة خاصة وقذارة المدن الاخرى بصفة عامة. القرى نظيفة جدا لا توجد بها كوش اهل القرى من النسوان والبنات والشباب والرجال يقومون بكنس الشوارع وتجميع الاوساخ وحرقها وراْيت ذلك في النيل الابيض وقديما كانت روابط الطلاب بالجامعات والمعاهد العليا ايضا تقوم بتقديم كورسات صيفية لطلاب الشهادة السودانية مجانا وايضا كانت تقوم بتنظيف الشوارع في بعض المدن والقرى وكانت تقوم بدور فاعل ايام الاجازات لكن هذه الروابط حلت والغيت ودي طبعا من انجازات الانقاذ التي تدمر وتحطم كل شيء جميل. حكومة الانقاذ ليس من اولوياتها الانسان وانما تعمل بكل ما اوتيت من قوة ضد الانسان ياخي حكومة ما عندها اي التزام تجاه مواطنيها وما عارف الناس دي حتترك متين وتقلعهم اقتلاعا.

Quote: بالله دي يُطلق عليها إسم عاصمة لدولة فيها روح!!!.

Quote: Abdelazim Mekki · جامعة برلين للتكنولوجيا لو سمحتوا أي واحد يعلق في وساخة الخرطوم قبل ما يكتب تعليقة يورينا هو علي المستوي الشخصي، الأسري، الحيي (من الحي) والوظيفي كيف بساهم في عدم وساخة الخرطوم (ما داير أقول في نظافتها لانو دي مافي زول عملها ولا في زول حا يعملها ) بالذات متعاطي التمباك بكل أمانة بعد داك من حقكم تعلقوا علي المشهد العام

Quote: اشتكى أصحاب محلات تجارية بالمربع الذهبي بالسوق المحلي بالخرطوم، من تردي صحة البيئة، وتراكم مياه الامطار واختلاطها بشبكة الصرف الصحي التي تعرضت للكسر، مما ادى الى اختلاط مياه الشرب بمياه الامطار والصرف الصحي

Quote: . الطعن في قلب الفيل! إطلعت علي أخبار عديدة تتحدث عن أن سوريين يشرعون في نظافة الخرطوم من الأوساخ كرد جميل! * قبل التعليق يتوجب شكر هولاء وهي رسالة تقول أن ماكتب لايمثلهم وإنما ينطق بلسان قلة!

Quote: سلام اخي كمال عباس والله عيب ان يرد الغريب مهما كان الجميل للوطن ونحن ابناءه نتشكي دعوا الانقاذ والاتعاس جانبا وليتقدم كل بمقترحه للبدء في نظافة السودان ولنبدا بالواجهة محل الكوشة بستان ومحل المياه الراكدة نافورة ومحل الخرابة حديقة ولنجعل الحملة بعنوان رد الجميل للسودان صدقوني الانجاز لن يحسب للانقاذ بل لشعب السودان