|
|
|
 Re: شكرا لسرعة وكثافة الاستجابة (Re: الامين الشيخ)
|
الأخ الأمين الشيخ سلام
إذا كان هدفك من شراء القطعة للسكن فتوكل على الله
أما إذا كان الهدف حفظ القروش والأمل في الزيادة مستقبلا ً فأنصحك بصرف النظر
وحفظ قروشك عملة صعبة لأنها بتزيد بوتيرة متسارعة أكثر من الأراضي وهذا عن تجارب
| |
 
|
|
|
|
|
|
|
|
Re: شكرا لسرعة وكثافة الاستجابة (Re: سفيان عثمان قرضيه)
|
الزميل ود الشيخ
دخولي فقط لاسداء النصح
ما دمت مصمم فعليك بالشراء في مناطق درجة أولى فبقاء السعر بالمقارنة مع الدولار مضمون فيها أكبر من مناطق غيرها
كافوري خيار أول وشرق النيل شرق كبري المنشية خيار ثاني ثم الجريف غرب ثم الحلفايا في بحري
يسر الله أمورك
أحمد الشايقي
| |
|
|
|
|
|
|
|
|
Re: شكرا لسرعة وكثافة الاستجابة (Re: Munir)
|
يا الامين يا اخوي ود الشيخ...يعني معقولة شيخنا ود الباوقة حيكون عنده واتساب...(وجه ضاحك)..
وبعدين الاميرة بت السيد عندها قطعة ارض في المعمورة ٣٠٠متر وجيرانها من الناحيتين من البلونيرات
الجدد وعماراتهم كانها ناطحات سحاب نيويورك وعاوزة تبيعها لانها ما بتقدر تعيش وسط البرجوازيين.
بس كمان زيد قريشاتك حبتين..
ودمت بالف خير
| |
|
|
|
|
|
|
|
|
 Re: شكرا لسرعة وكثافة الاستجابة (Re: محمد المسلمي)
|
| Quote: بالله ودالباوقة تقول الصافي جعفر ما يشم ليه ريحة قروش مغترب إلا يشرك ليه في الخاص |
كاااااااااك
منتصر الباوقة ده يوم بتكتلو اصلا الفلس كاتلو ابداقوسة 
اليومين ديل البوفي عاضي والمغتربين بقو يجو السفارة بي بسكويتوم وسندوشتاتوم وعصايروم
| |
|
|
|
|
|
|
|
|
 Re: شكرا لسرعة وكثافة الاستجابة (Re: حامد بدري)
|
سلام ود الشيخ والمتداخلين
غايتو نصيحة سمعتها من سمسار في إجازتي الفاتت لا أدري مدى صحتها
قال
يا زول أي قطعة بين النيلين تقعها تب وما بتندم ( يقصد الخرطوم ) لانها منطقه محصورة بالنيلين وخلفها مشروع الجزيرة مصيرها تتقفل يوم ما .. وسعرها زايد .
لكن بحري وامدرمان ديل سهلة ما ليها حد 'كان لأم درمان دي ممكن تدق في الفاشر . وبحري دي حدها كسلا .
| |
|
|
|
|
|
|
|
|
|
Re: شكرا لسرعة وكثافة الاستجابة (Re: الامين الشيخ)
|
سلام عليكم الاخ الامين الشيخ
500 الف دى فلوس !!!؟؟
تجيب ليك قطعة فى الخرطوم ما افتكر بتحصل الا تزيدها
او تمشي ناس الوادى الاخضر والامكان دى
اعمل حسابك من التماسيح وخاصة الكيزان
السودان بقي خطيييير وخاصة السماسرة زى ناس بقُ بقُ 
| |
|
|
|
|
|
|
|
|
|
Re: شكرا لسرعة وكثافة الاستجابة (Re: وضاحة)
|
عموماً ، اغلبية الناس مهجسة بالنصب والاحتيال ، بس للضرورة عشان ما تقع فريسة سهلة لهؤلاء يتوجب عليك في الاساس تكون واضح حتى لو ما داير تشتري عشان تتنور بالوضع ، وبعدين بالتدريج بتكون متمرس في التعامل مع هدف تملك الارض . الطمع هو الخطير .
| |
|
|
|
|
|
|
|
|
|
Re: شكرا لسرعة وكثافة الاستجابة (Re: muntasir)
|
| Quote: سلام منير وحامد هي نان لكن الزغلباني واقف كف حِدية |
دي سياسة يهود يطلبو الفي ايدينكم عشان ماتطالبو بي حقوقكم الله بسعلك زول في العام بطالب بالتخلص من الدولار خاصو شن نفرو قسمبلاهي كفتتو تودي القبر بعدين الربة ظاتا بقت مافي طريقة توفير او تعويض مالا ازررت من مال اليتيم بس الكوز ناقة صالح ببلعا
| |
|
|
|
|
|
|
|
|
|
Re: شكرا لسرعة وكثافة الاستجابة (Re: حامد بدري)
|
| Quote: 500 الف دى فلوس !!!؟؟ |
فلوس ونص وخمسة ويمكن مجهود سنين عددا
لا تبخسو الناس اشيائهم ..!!!
الله يبارك ليك فيها
أقع حي الهدى مربع سبعة ياحبوب ..!!!
ادخل الفيس بوك وشوف عنو
| |
|
|
|
|
|
|
|
|
|
Re: شكرا لسرعة وكثافة الاستجابة (Re: ناصر حسين محمد)
|
Quote: فلوس ونص وخمسة ويمكن مجهود سنين عددا
لا تبخسو الناس اشيائهم |
هوووي ياابقدوم مافلوس ولا حاجة هسة دي انا مديون مليار وشوية واجبة السداد بعد تسعين يوم
وزولنا قوليو اقع الكلاكلة او الحاج يوسف او يزيد القروش ويقع الازهري
في حتة اسمها الوزير دقس قاصدين قريبك الزبير لامن طفش ناس العشش هناك بعيد وداهم جنب المطار تمنية كيلو فقط دي بلد ماشه بدون تخطيط وسليقة بي مرقة ماجي عضم واحد مافيها احسن ش تشيل قروشك وتشتري في ميووركا صدقني ارخص واهدأ وانضف وولدك ممكن يلعب في ميوركا وينتقل للبرشا يريحك تسكن في يخت عديل كده
شئ رفع اسعار الارض والبيوت برا جن المتربين ده ماف همهم بس البيت الريبة تلتين عمروم في الغربة مشا ائيجاارات
| |
|
|
|
|
|
|
|
|
|
Re: شكرا لسرعة وكثافة الاستجابة (Re: حامد بدري)
|
سلام مربع لك اخي محمد الشيخ وضويفك الكرام ..
ولو ما عندك مانع نشوف ليك قطعة في العيلفون بشرق النيل مكان هادئ وجميل ويقع على ضفة النيل الازرق والراي لك ..
مع تمنياتي لك بالتوفيق ...
تحياتي : ياسر العيلفون ......
| |
|
|
|
|
|
|
|
|
|
Re: شكرا لسرعة وكثافة الاستجابة (Re: ناصر حسين محمد)
|
Quote: سلام عليكم الاخ الامين الشيخ
500 الف دى فلوس !!!؟؟
تجيب ليك قطعة فى الخرطوم ما افتكر بتحصل الا تزيدها
او تمشي ناس الوادى الاخضر والامكان دى |
Quote: فلوس ونص وخمسة ويمكن مجهود سنين عددا
لا تبخسو الناس اشيائهم ..!!!
الله يبارك ليك فيها |
شلت الحتة الـ ما عجبتك وخليت باقي الكلام!!!.
غايتو!!!.
| |
|
|
|
|
|
|
|
|
|
Re: شكرا لسرعة وكثافة الاستجابة (Re: محمد هاشم ابوزيد)
|
سلام اخونا الأمين ود الشيخ والمتداخلين
Quote: وازيدك امس في الفيس بوك معروضة تلاتة شقق الواحدة بسعر 600 مليون في شارع الستين
باقي ليها التشطيب
مكونة من ثلاثة غرف وحمامين وهول ما تبالغو وتجارو السماسرة |
سلام اخوي ناصر لو سمحت زيدنا في المعلومة
ود البدري خليك بعيد
| |
|
|
|
|
|
|
|
|
|
Re: شكرا لسرعة وكثافة الاستجابة (Re: محمد هاشم ابوزيد)
|
الاخ ناصر حسين لك تحياتي ولو عندك معلومات عن الاسعار في هذه الاحياء الموجودة في الصورة ارجو تزويدنا بها لدينا رغبة في شراء قطعه في هذه الاحياء ..
وجزاك الله خيرا ...
مع خالص اعتزاري لصاحب البوست ...
تحياتي : ياسر العيلفون .....
| |
|
|
|
|
|
|
|
|
|
قروشي شكلها شوية (Re: الامين الشيخ)
|
يعني الافادات الطلعت بيها انو قروشك شوية ومقلقلنا مالك بمبلغ تافه زي دا ، او حتى لو عندي خرطمية جنيه المفروض ازيدم ، لكن عموماً ، الوك الصبر وانتظر وافتش ، والله ما افتر كلو كلو وتشوفو براكم .
| |
|
|
|
|
|
|
|
|
|
Re: قروشي شكلها شوية (Re: الامين الشيخ)
|
Quote: الاخ ناصر حسين لك تحياتي ولو عندك معلومات عن الاسعار في هذه الاحياء الموجودة في الصورة ارجو تزويدنا بها لدينا رغبة في شراء قطعه في هذه الاحياء ..
وجزاك الله خيرا ...
مع خالص اعتزاري لصاحب البوست ...
تحياتي : ياسر العيلفون ..... |
الاخ ياسر
تحياتي
انا اتابع احيانا الاسعار في صفحات متخصصة في الفيس بوك بها اولاد حلال يدوك الحقيقة
عموما حي الهدى يتراوح بين 200 الى 900 حسب المربعات
| Quote: يعني الافادات الطلعت بيها انو قروشك شوية ومقلقلنا مالك بمبلغ تافه زي دا ، او حتى لو عندي خرطمية جنيه المفروض ازيدم ، لكن عموماً ، الوك الصبر وانتظر وافتش ، والله ما افتر كلو كلو وتشوفو براكم . |
ههههههههههه
يالامين ياخ في اقتراحات كويسة هنا شكلك قافلة معاك شلت من البوست ده كل شي وخليت النّوار ( النّوار اقتراحات كويسة)
بعدين ياخ
لا تهزك خطرفات المحس والشايقة ناس وضاحة ديل
علي الايمان قروشك دي انا بضّرب اتمها متين عشان اشتري
| |
|
|
|
|
|
|
|
|
|
Re: قروشي شكلها شوية (Re: ناصر حسين محمد)
|
سلام عليكم
اخى الامين
لك التحية
ابن خالتى ونسيبى يعمل فى مجال الاراضى بخبرة كبيرة فى كل العاصمة التركيز
خاص على الخرطوم
ويتعامل بحرص زائد اكثر من المشترى نفسه
ويرجع له الكثيرين من الزملاء والمعارف لشراء الاراضى
وايضا له خبرة فى البناء فهو يقوم بمتابعة بناء بيتك من الالف للياء ويسلمك له
جاهز..دا فى حالة انك ما جاهز او عاوز تبنى حبه حبه مجادعة حسب مقدرتك
اهم شىء عنده سمعته وعمله..
ارجو لك التوفيق معه او مع اى شخص تانى
| |
|
|
|
|
|
|
|
|
|
Re: قروشي شكلها شوية (Re: Salah Habib)
|
والاهم في الموضوع ، انو يا كاش يا كاش ، سجن سجن غرامة غرامة ، الاقساط تقريباً مطروحة لكن الاغلبية وخاصة في ناحية الطلب مقبلة منها غادي غادي ، اما من ناحية العرض فهي في جانب الشقق ، بالرغم من كثافة الإقبال لكن تجد ما عندها قيمة سوقية . والشقق التقول انا انا بمليار ونص وفي بحري . عموما ، انا من مشجعي الكاش يقلل النقاش .
| |
|
|
|
|
|
|
|
|
|
Re: امكانية سحب البوست (Re: الامين الشيخ)
|
الأخ الأمين
اضافة لنصيحتي السابقة أضف لك منطقة الفيحاء جنوب شرق حلة كوكو فهي منطقة واعدة ولو تم منحك خيارات فلابد من نظرة تجارية في الخيار مثلا أن تكون القطعة على شارع اسفلت ويمكن فتح محلات تجارية أو عيادات عليها
المبلغ جيد ولو احتفظت به دولار افضل من تحويله وحتى البائع سيفضل استلامه منك دولار
رؤية اخرى لا تتوفر كثيرا عند السودانيين وهي التحالفات العقارية فيمكن لاثنين أو اكثر التحالف في شراء قطعة مميزة وتقاسمها بالامتار أو تصميم مبنى متعدد الطوابق وتقسيمه على مستوى التخطيط
أحمد الشايقي
| |
|
|
|
|
|
|
|
|
|
Re: امكانية سحب البوست (Re: أحمد الشايقي)
|
كما ذكر اخونا ايمن محمود في بوست آخر مشابه
انصحك بـ ( اديس ابابا )
نعم اديس ما غيرها
حيث الحباة الكريمة وسهولة الحياة وظرافة وحنية الاحباش
تعيش ملك ،،، تشتري فيلا حدادي مدادي وتستثمر الباقي في تجارة
فكر كويس وأسال ،،، وأختا ناس الخاص ديل
بغطسو حجرك
مودتي
| |
|
|
|
|
|
|
| |
الامين الشيخ
Mohd Ibrahim
سفيان عثمان قرضيه
أحمد الشايقي
Munir
عبد اللطيف السيدح
محمد المسلمي
حامد بدري
وضاحة
ناصر حسين محمد
ياسر السر
Mirghani Taitawi
محمد هاشم ابوزيد
اسامه العريفي
فيس بوك
تويتر
انستقرام
يوتيوب
بنتيريست