|
|
|
 Re: عندما لا يخرج المناضلون رغم أنهم مرطبون (ت (Re: قسم الفضيل مضوي محمد)
|
انت حاسد ابو روضة علي المكيفين الفي الصورة
شوف نحن وصلنا لي ياتو درجة من الانحطاط
نافع يقول ليك انتو زمان ما بتعرفوا الكهربا
وهسي يجيك زول يقول ليك فلان مرطب ومناضل
كيبورد.
طيب لو كان في لندن وطلع مظاهرة ضد السفارة ومشي
الصباح قاشر ولابس بدلة وشايل معاهو مظلة والمطر
رزاز والجو بديع ودرجة الحرارة 10 درجات حتقول عليهو
شنو برضو مناضل خاين ومرطب وقاعد في لندن والناس
في السودان مسخنة والحالة صعبة.
انت معترف انوا الحالة صعبة
والكهربا مافي
ومويه قاطعة
وماقادرين لا انت ولا اللمبي تشيلوا الوساخة من الاحياء
والدولار طالع
والجنيه نازل
وفي طلبة صغار ومعاهم بنات اعتقلتهم اجهزة الامن عشان قالوا
لا لي بيع جامعة الخرطوم؟؟؟
اها باقيلك السبب منو ؟
الحكومة مش،لو وفرت الحاجات الفوق دي ابو روضة مابحتاج
يمشي بره يعارض
فهمت الفكرة
غريبة انت جليت من رمضان كيف؟؟؟!!!
| |
 
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: ALWALEED ALSHEIKH)
|
دا تنميط بائس انو كل من يقف ضد هذا النظام وموجود في الخارج لا يحق له نقل اخبار اي حراك وهو ضارب التكييف ورغد العيش ...
تتصور يا قسم هؤلاء المؤمنون والداعمون لخط الثورة وموجودين في الخارج دورهم ايجابي ومزعج جدا لنظام المؤتمر اللاوطني واي شخص بتضايق او يقلل يتريق على دورهم اكيد بخدم خط الكيزان بوعي او من غير وعيه ...
في اشياء ليست للنشر ولكن اؤكد لك هذا النموزج الذي ذكرته في بوستك اقصد الزميل ابو روصة والله لم يتوان ولم يقصر بدعمه المادي والمعنوي متى ما طلب منه او بمبادرته الذاتية ...
فياليت تطلع من الدور الباهت دا ....
هؤلاء الاشاوس دورهم اكبر مما تتخيل او تختصره في رسومات على لوكيشن متوفر لكل من خرج عن هذا البلد ..
اتمنى لك الموضوعية والعمق بدل هذه السطحي والنمطية الباهتة ..
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: محمد حيدر المشرف)
|
اشكر الاخوة المتداخلين فردا فردا ...
الاخ دينق ...
الاخ محمد الشيخ ...
الاخ محمد المسلمي ...
الاخ صادق ميرغني ...
الاخ منتصرصلاح ...
الاخ امجد الجميعابي ...
الاخت نور تاور ...
الاخ الوليد الشيخ ...
الاخ علي دفع الله ...
الاخ حامد بدري ...
الاخ محمد حيدر المشرف ...
_______________
واريد أن انبه إلى أنه لا يوجد أي شيء شخصي بيني وبين ابو روضة ولكني اخدته كنموذج ممكن يعمم على بقية المناضلين بهذا البورد ...
والشيء الملاحظ في ابي روضة انو مستواه في الكتابة اتطور جدا واتعلم الحلاقة في رؤوس اليتامى (نحن) ...
وفي فك التسجيلات المقبل عادي ناس (فوراوول) ممكن يسجلوه بي 30 مليون دولار 
وكل عام وانتم بخير ورمضان كريم ...
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: معاوية عبيد الصائم)
|
قسم الفضيل .. سلام ورمضانك كريم ,,
وحقيقة خذلتني يا طويل العمر !!!
Quote: واريد أن انبه إلى أنه لا يوجد أي شيء شخصي بيني وبين
ابو روضة ولكني اخدته كنموذج ممكن يعمم على بقية المناضلين بهذا البورد .. |
صدقناك ما عندك شئ شخصي .. لكن كمان داير ابوروضة يقعد زي البعير ؟
وبعدين هل السودان حق ابوروضة بس؟ انت دورك شنو ؟ انت ذاتك خارج الوطن
وقاعد زي قعدت ابو روضة ! يا قسوم يا اخي انا بحترمك ومافي اي داعي للتجريح
والملاحقات والكلام الما بضيف لينا غير عدم الموضوعية .. ياخي ناس السودان البحرش
فيهم ديل كهربتهم قاطعة ومويتهم وغلاء المعيشة دا كلو داير لي تحريش ؟
عمومآ تصوموا وتفطروا علي خير .
************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ .
| |
|
|
|
|
|
|
|
|
 Re: عندما لا يخرج المناضلون رغم أنهم مرطبون (ت (Re: محمد المسلمي)
|
اوافقك الرأي قسم الفضيل.
من بوست مجاور
حوار بين ملاسي وبكري عباس
بكري عباس:
Quote: سلام يا ملاسي،
وجهة نظرك دي بتجر وراها سؤال:
المشكلة وين لو الوضع تعقد ووصل درجة المواجهة، أو قول قتل المعتقلين؟
بدون تضحية ببعض الافراد لا يمكن الوصول لحل.
أعتقد المعتقلين كلهم سياسيين وبرحبوا يجروا في جلدم الشوك.
كلامك غالب عليه صفة باركوها يا أخوانا وخلونا نحل الموضوع دا مع الحكومة براحة |
رد ملاسي وقال:
Quote:
المشكلة إنو المعتقلات والمعتقلين ديل عندهم أهل دايرنهم، ويدهم مافي الموية الباردة زيك! |
رد بكري عباس:
Quote: لكن السياسة ما كدا؟!
يدك في الموية!
ما لك إتّا جاري في برش!
لازم ناس تضحي والناس ديل تقدموا الصفوف
بطريقة باركوها ، والأولاد أماتم دايرنهم، وما ضاقوا دنيا، الطريقة دي ما بتنفع في السياسة ولا تؤدي لتغيير.
قال ما ضاقوا دنيا! |
ملاسي:
Quote: بقشش بأولادك وبناتك.. الناس دايرين عيالهم!
|
فجاء الرد البديهي من بكري عباس ولم استغربه
Quote:
أنا لو عندي أولاد سودانيين، والله، ما كنت بخلت بيهم
أولادي أمريكان أمس شاركوا في مظاهرة تستنكر ما فعله عمر متين |
ولا تعليق
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: ombadda)
|
الأخ قسم الفضيل
سلامى و إحترامى لك و للمحترمين من المتداخلين ..
معروفين ناس المديدة حرقتنى ديل ... يحمسوا الدلوكة من بعيد
و لما يجى وكت البطان يزوغوا ... و باكر أول ما يلاقو زول
يقولوا ليهو .. البارح ما شفت الناس ركزوا للجلد كيف ؟؟
و لما يسألوهو .. أها و إنت ركزت للجلد زى الناس ...
يقول .. هو لو ما أنا كان إنجلدوا .. ما أنا البحمس ليهم
الدلوكة ... يعنى هِشِك بِشك من بعيد لى بعيد ....
عجبتنى مداخلة زميل المنبر أمبدة التحت دى
و حا أعلق عليها بعد إذنو ..
Author: ombadda
اوافقك الرأي قسم الفضيل.
أحييك يا أخ أمبدة و أوافقك الراى على موافقة قسم الفضيل
من بوست مجاور
حوار بين ملاسي وبكري عباس
بكري عباس:
Quote: سلام يا ملاسي،
وجهة نظرك دي بتجر وراها سؤال:
المشكلة وين لو الوضع تعقد ووصل درجة المواجهة، أو قول قتل المعتقلين؟
بدون تضحية ببعض الافراد لا يمكن الوصول لحل.
أعتقد المعتقلين كلهم سياسيين وبرحبوا يجروا في جلدم الشوك.
كلامك غالب عليه صفة باركوها يا أخوانا وخلونا نحل الموضوع دا مع الحكومة براحة
طيب حا يحلو الموضوع مع منو ؟؟؟ مش الحكومة هي المعتقلة الأولاد ؟؟
و إعتقلتهم من وين ؟؟ مش من المظاهرات ؟؟ يعنى بعد ما إعتقلتهم الحكومة
زى دا جايى يحرض أهلهم عشان ما يحلوا موضوعهم بالراحة معاها ؟؟؟
كلام عجييييب !!!!!
رد ملاسي وقال:
Quote:
المشكلة إنو المعتقلات والمعتقلين ديل عندهم أهل دايرنهم، ويدهم مافي الموية الباردة زيك!
كلام ملاسى صاح و مليون صاح من وجهة نظرى كولى أمر و والد
مكتوى بالنار ... و عارف تضليل المغرضين لأولادو نتيجتو شنو ؟؟
رد بكري عباس:
Quote: لكن السياسة ما كدا؟!
يدك في الموية!
ما لك إتّا جاري في برش!
لازم ناس تضحي والناس ديل تقدموا الصفوف
بطريقة باركوها ، والأولاد أماتم دايرنهم، وما ضاقوا دنيا، الطريقة دي ما بتنفع في السياسة ولا تؤدي لتغيير.
قال ما ضاقوا دنيا!
شوف عرَّف السياسة كيف ؟؟ و يستفز كمان يقول ليهو إنت جارى في برش ؟؟
و حضرتو مرطب في أمريكا ... طيب ما تركب طيارتك و تجى إنت
الما جارى في برش ...
ملاسي:
Quote: بقشش بأولادك وبناتك.. الناس دايرين عيالهم!
أتفق مع ملاسى مليون مرة ... ياخى أولادنا نحن الواحد
ما صدق إنو وصلوا الجامعة و بقوا على وشك يخففوا
منو حمل الصرف و التعب ... نتدين و ناكل براتا
بالشاى و هم هناك تامين المعيشة عدس و موية فول
و طعمية و مرات يومين تلاتة وجبة واحدة و العلاج
قرض و ملح و جردقة و حرجل و نقول يا رب
تنجحهم لينا .. يقوموا أولاد الحرام يسخنوا الشارع
يتمسكوا الأولاد ... و تبقى في هاو و لاو ... أقل ما
فيها تأخير الدراسة سنة و سنتين و زيادة ديون
على الآباء و إرهاق إضافى في المصاريف ..
داك بى غادى قاعد يجبد في الكريدت كارد
البانك لونز .. و لا هاماهو حاجة ....
فجاء الرد البديهي من بكري عباس ولم استغربه
Quote:
أنا لو عندي أولاد سودانيين، والله، ما كنت بخلت بيهم
أولادي أمريكان أمس شاركوا في مظاهرة تستنكر ما فعله عمر متين
طيب لو ما عندك أولاد سودانيين ... ما تخليك في أمريكا
بتاعتك دى و تحل عن السودان و سماهو ...
شوف مبسوط كمان أولادو طلعوا في مظاهرة تستنكر
موت مجموعة من المخنثين ... لا ... تمام .. نِعم التربية ...
ياخ كان يسكت ساكت بدل الهبوب الجابها دى ...
ولا تعليق
لأنك زول راقى ما علقت يا أمبدة .. بس ختيت يدك على جرح
نازف ... باين عليك طبيب بارع ...
شكراً ليك يا راقى على المداخلة الحساسة دى عشان نعرف
مين البحمس في الطار و هو ما عندو شى لا في العير و لا النفير ..
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: محمد المسلمي)
|
.
ياخي أبوبكري ده ما عندو اولاد أصلا لا في امريكا ولا في السودان،
انتو العندكم الاولاد امسكوا اولادكم عليكم،
لكن ما عندكم شغلة بالناس العندهم الشجاعة لمواجهة الغول الذي تخافونه واولادكم،
وبالتالي ما عندكم شغلة بالمتضامنين معاهم، أو حتى المحرشنهم، مرطبين غير مرطبين ما شغلتكم!
.
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: محمد المسلمي)
|
.
ياخي أبوبكري ده ما عندو اولاد أصلا لا في امريكا ولا في السودان،
انتو العندكم الاولاد امسكوا اولادكم عليكم،
لكن ما عندكم شغلة بالناس العندهم الشجاعة لمواجهة الغول الذي تخافونه واولادكم،
وبالتالي ما عندكم شغلة بالمتضامنين معاهم، أو حتى المحرشنهم، مرطبين غير مرطبين ما شغلتكم!
.
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: أبوبكر عباس)
|
المستنير في بلدنا ايام حش البلح واحد وليداتو طفشو الهرتوم من ضنك المعيشة ولاحقين الموية الباردة حقت ناس امبدة خسيمك ده ابوهم كتب جواب لاخوهو قاليو ارسل اولادنا وجزء من اولادكم البلح نجض فاتا يااخوي ارسل جزء من اولادكم لانو التمثيل في الحراك الشعبي بقا لحم طازج لا تكتب لاتسخن دلوكه لاتدفع للمغلوب على امرهم
النوعية دي من اخطر النوعيات الفارررررة في النت فيس وواتس في واحد في قروب قرفنا بالفيس ايو مغترب بلزق ليو صفة معارضة فنادق وترطيبة هسة لو النضال بالخشونة كضوم وترطيبة ملاسي ده بتخليو يكتب حرف من سطرينو ديلاك ماياهو ترطيبة داخلية وكده
سحوركم فوقو العافية بالذات ناس الفنادق
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: قسم الفضيل مضوي محمد)
|
والله يا قسم شوف
ربع قرن بالتمام والكمال وما فترت ازرار الكيبورك
ولا اتغير شي
25 سنه واكثر ما بحت اصوات المعارضين
وما اتغير شي
فيه شى غلط
يا اما فيه ناس كتار مقتنعين بالحكومه دى او علي الاقل الرئيس اكثر من المعارضين
او ان جرعات ( التحريش ) كما وصفتها دون مستوي ( التدويره ) بناء علي كلمه تحريش
عليه المفروض الناس تبدأ تغير اليه حوار التغيير
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: محمد المسلمي)
|
Author: ombadda
وعليكم السلام أبوبكر عباس
أولا أدين ما اتى به مأمون من اسلوب غليظ ولغة سمجة رغم موافقته لي في الرأي.
يا أمبدة ...
لك الحرية في الإدانة ... و رأيك في الإسلوب ...
كنت أعتقد في عدم تعليقك على ملاحظاتك في ردود أبوبكر
أنك لم تعلق .. رقياً منك ...
بعد ردك أعلاه على و على أبوبكر ... أقول بكل الصدق ..
ما قاله الإمام أبو حنيفة رضى الله عنه لضيف مجلسه الأنيق :
(( إذن فليمد أبو حنيفة رجله)) ....
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: مامون المعتصم أحمد)
|
Eman Hassan فرح الطاهر اكبر من تتناوله الايدى القذرة بشتغل فى معرض ادوات كهرابيئة يا قسم المافضيل وحاليا الان فى السودان بشارك المظلومين بماله من معرض الادوات الكهربائية وبجسده فرح ممكن تغتالو رصاصة من جنجويدتكم لكن وراهو ضهر بقتص منكم فرح ما هو الوليد العاق لا خاف لا سراق انا اخت فرح المناضل اخيرا الحساب بت يا امحمد لمسلمى أعجبني ·
-----------
المناضل الان يتمتع مع اهله ولاعزاء للمعتقلين او الشهداء
| |
|
|
|
|
|
|
|
|
 Re: عندما لا يخرج المناضلون رغم أنهم مرطبون (ت (Re: محمد المسلمي)
|
إذا كانت المعارضة الهشة ،
تستطيع أن تكسر سنة قلم الرصاص ،
فهي معارضة قوية ،
لكنها كالشخص العبيط ،
الذي يحتسي العسل في المآتم ،
تَحْسَبُهُمْ جَمِيعًا وَقُلُوبُهُمْ شَتَّىٰ ۚ ،
ذَٰلِكَ بِأَنَّهُمْ قَوْمٌ لَّا يَعْقِلُونَ
Fragile opposition
،،،،،،،
عزالدين عباس الفحل
ابوظبي
| |
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: منتصر صلاح)
|
Quote: ونصيحة أخرى لك دع النفخة الكاذبة فان كنت مفكرا أو فيلسوفا لرأينا كتبك ومؤلفاتك في أرفف المكتبات ولاستفدنا منها.
أما ماتفعله في هذا المنبر هو محض تهريج والكل يرى ضجيجا ولا يرى طحينا ونحن كسودانيين نحب المجاملة
يتضح جليا في الجوقة التى حولك والتى تناديك يا مستنير يا مستنير. |
Quote: أخيرا اعذرني لن استطيع مواصلة النقاش لضيق الوقت ومتى ما سنحت الفرصة سأعود
ولا عليك ألقى سيفك واذهب واملأ الدنياضجيجا وادعاء. |
تعرف يا امبده، كلما اقرأ مداخلة مثل هذه ومن زول أقدّر مقدراته
بحق إنسان أعرفه جيدا وأقدّر مقدراته، أتحسس بطاقة عضويتي في هذا المنبر وأسأل نفسي عن جدوى الاستمرار بالمشاركة فيه.
طبعا أنا لا أطلب من الناس أن يعرفوا بعضهم البعض كويس جدا قبل التداخل معهم، فهذا غير ممكن في هذه الفوضى الأسفيرية ..
كل ما في الأمر أردت أن أقول إنو أبوبكر نابغة في مجالات البيطرة كافة ويسئل عن ذلك أساتذته وتلاميذه والجهات والدوائر التي عمل بها في السودان والخارج
وأقول إن أياديه البيضاء تشهد له بها أسر الغلابة واليتامى والمشاريع الإنسانية الكثيرة التي شارك فيها في الخفاء دون ضجيج لا يبتغى سوى تطبيق فهمه للإنسانية
أنا لا ألومك في شخصك يا امبده لكنني أخذت ردك على أبوبكر كحالة للتأمل عبرها في حال المنبر
وكذا حكمة المثل: الما بعرفك بجهلك
ورمضان كريم
| |
|
|
|
|
|
|
|
|
|
Re: عندما لا يخرج المناضلون رغم أنهم مرطبون (ت (Re: معاوية الزبير)
|
| Quote: هذا المناضل يريد من الجماهير أن تخرج ويريد أن يخونها (بكسر الواو) كمان وهو جالس في الهواء البارد ويطقق في الكيبورد ويقول ليك في مظاهرة الان في السلمة وفي مظاهرة في سوبا وفي مظاهرة في الكلاكلة صنقعت ... |
لا حولاااااااا الزول ده مرق من ياتو كهف؟
الكلام ده الناس إتجاوزوهو من كم سنة؟
غايتو بس ذكرني النكتة بتاعة: (كُر علي ... إنت محبوس من زمن يا تتي؟)
| |
|
|
|
|
|
|
| |
قسم الفضيل مضوي محمد
Deng
MOHAMMED ELSHEIKH
محمد المسلمي
منتصر صلاح
امجد الجميعابى
nour tawir
علي دفع الله
حامد بدري
محمد حيدر المشرف
معاوية عبيد الصائم
مني عمسيب
احمد حمودى
صلاح جادات
ombadda
مامون المعتصم أحمد
معاوية الزبير
محمد البشرى الخضر
لطفى العمده
وضاح عبدالرحمن جابر
عزالدين عباس الفحل
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست