|
|
|
 Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
حتى الآن الرؤية فيها ضبابية
فهنا يوجد مصطلحان في النماذج والأوراق الرسمية
فهناك { تابع } ويشمل الزوجة والأبناء تحت سن 18 عام
وهناك { مرافق } ويطلق أحياناً على { المحرم } الذي ياتي مع زوجته العاملة
كالمحاضرات الجامعيات
وكذلك والدا كلا من الزوج والزوجة .. هؤلاء يطلق عليهم مرافقون
والقرار صدر بهذه الصيغة الأخيرة إن لم يكن تفسيري خاطئاً
فإن كان القرار يعني المرافقين وليس التابعين
فإن محصلة الايرادات من هذا الجانب ستكون قليلة جدا
لأن عدد المرافقين لأبنائهم سواء آباء او زوجات قليل جدا
كما أن كثيرا من الآباء والأمهات حينما ياتون الى السعودية
لايمكثون كثيرا
وذلك لعوامل اجتماعية كثيرة لاتتوفر هنا
مثال بسيط على ذلك أن والدتي حينما احضرتها للحج رفضت ان لا تشرب القهوة الا من جبنة الطين
مما اضطرني للذهاب الى الكرنتينة بجدة
واشتريت كل { عدة } القهوة من هناك بما فيها الليفة الصغيرة التي تعمل كالفلتر
وأحد اصدقائي بجدة احضر والده قبل الحج بشهرين
وسافرت لهم مرة لأتفاجأ بان والده رجع السودان
وقد حلف بالطلاق ان لايجلس حتى قدوم الحج
وكل ذلك لأنه كان بشقة مغلقة
والجماعة مايصحوا من النوم الا الثانية بعد الظهر
في حين ان عمك من الخامسة صباحا وهو مستيقظ
حتى أن أحد أعمامنا كاد يرجع في منتصف الحج
وذلك بسبب رفضه للإحرام السفلي
ووقع منه اكثر من 10 مرات
وقال لنا بالحرف الواحد { انا ماقلت ليكم البتاع دا مابدورو }
أدوني سروال !!!!
المهم خصصنا واحد لمرافقته ومتابعة الاحرام حتى انتهى الحج بسلام
وتنفسنا جميعاً الصعداء !!!!
أما إن كان تفسيري خاطئا
وكان المقصود من القرار هم التابعين فهذه ستكون مشكلة كبيرة للأزواج
اذا ماعرفنا في المتوسط ان الأسرة تتكون من خمسة افراد
وهناك اسر لديها اكثر من 9 ابناء
علاوة على تكاليف الكهرباء
والسكن الذي ارتفع كثيرا
وهذا يتطلب التفكير بعمق والتخطيط لبدائل أخرى
وأكاد أجزم أن 90% من المغتربين
لم يكونوا يخططون لمثل هذا اليوم
وهذا في حد ذاته كارثة كبيرة
فالقرارات تتغير في الكثير من الدول بما فيها اوطان المغتربين انفسهم
لهذا فالتخطيط مطلوب
اما حكاية رزق اليوم باليوم
وانه يجب ان لايفكر الانسان في المستقبل
فهذه كلها عبارات انشائية
فليس بالضرورة ان نخطط لأنفسنا
بل لأبنائنا
ولللأجيال التي تاتي بعدنا
النبي محمد صلى الله عليه وسلم حفر الخندق استعدادا للمعركة
والنبي نوح عليه السلام بدأ كما يقال في صناعة مركبه قبل اربعمائة عام من الفيضان
وموسى صاحب العصاة السحرية لم يكن ينتظر منها ان تاتي له بكل شيء
بل كان يسعى بها اضرب بعصاك البحر
اضرب بعصاك الحجر { أداة تخطيط وتنفيذ }
ومريم العذراء لم تنتظر الرطب لينزل عليها بل هزت بجذع النخلة رغم أنها كانت في حالة مخاض عسير !!!!
| |
  
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
سلام يا حمد
كدي شوف معاي الحسبة دي .. ياخ أنا لي يومين قاعد أقلّب فيها :
نأخذها على عائلة مكونة من أم و أربعة أطفال و الاب
أي ان مجموع المرافقين هو خمسة أشخاص
في عام ٢٠١٧ الرسوم لكل فرد مرافق ١٠٠ ريال شهريا
١٠٠×٥ = ٥٠٠ ريال * ١٢ شهر
أي ان الاسرة تحتاج ٦٠٠٠ ريال
في عام ٢٠١٨ الرسوم لكل فرد مرافق ٢٠٠ ريال شهريا
٢٠٠×٥=١٠٠٠ ريال * ١٢ شهر
أي ان الاسرة تحتاج ١٢٠٠٠ ريال
في عام ٢٠١٩ الرسوم لكل فرد مرافق ٣٠٠ ريال شهريا
٣٠٠×٥= ١٥٠٠ ريال *١٢شهر
أي ان الاسرة تحتاج ١٨٠٠٠ ريال
في عام ٢٠٢٠ الرسوم لكل فرد مرافق ٧٠٠ ريال شهريا
٧٠٠×٥= ٣٥٠٠ ريال * ١٢ شهر
اي ان الاسرة تحتاج ٤٢٠٠٠ ريال
طبعا تضيف للحسبة دي قيمة التأمين الطبي، قيمة إيجار البيت ومصاريف المدارس ومنصرفات البيت اليومية.
وفي بعض الناس تجديد الاقامة على حسابه وليس على الكفيل أو الشركة .. يعني ضيف ليها رسوم التجديد وكدا
آمنت بالله
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: عباس الدسيس)
|
يعفونا من الضريبة بس يا حمد ؟؟ ....... يدونا زكاة عديل كده !!!
المرافين أكيد قاصدين بيهم الوليدات وأمهم
والدفع يبدأ من شهر يوليو 2017 ، بعد نهاية العام الدراسي في 15/6/2017
يعني الموضوع يا ابو حراز موزون مع اجازة المدارس وانا ما بفسر وانت ماتقصر
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: محمد المرتضى حامد)
|
"حمد، مستمتعين ليكم عشرات السنين بالبنزين الرخيص والمواد التموينية الرخيصه
والهوت دوغ الرخيس وتذاكر الطيران الرخيصه ، وبدون كونيكشن، والعمره مجانا والحج مجانا
والمداحين في المنبر على قفا من يشيل (أنا بريدك يا البشير) وبرضو كل يومين رئيسكم يزوركم
يتفقد أحوالكم وبمعيته طائرة تحتشد بالوجوه المتوضئة وطبيب الأسنان يتفقد حتى الشحادين،
، لقد آن الأوان أن تعرفوا حاجه ،
ما تبقوا زي حسين خوجلي."
يا مولانا إنت مُصِر تقول: إن مع اليسر عسرا؟!
حقا كتمت ودخانها لوى
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
Quote: الاولاد الكتار ديل لزومهم شنو؟
اتنين تلاتة ما كفاية؟ |
تحياتي .. معليش ما نكون فتلنا ليكم البوست يا اخونا حمد
موضوع الأولاد الكتاااار غالباً مرتبط بالمناطق البعيدة
الطائف الرياض القصيم الشرقية حائل تبوك القنفذة
ولكن في جدة ومكة اعتقد ان عدد الأطفال قليل نوعاً ما
لأن هاتين المدينتين بالذات كانت الأسر فيها تكون مضيوفة طيلة العام
مما يصعب معه زيادة الانتاج والانتاجية كل عام
وكان لدينا زميل بوردابي من جدة
في احدى المرات كان معه 18 من اقاربه واقارب الزوجة
جميعهم عمرة
وقال لي والله انا والمدام ننام على { تربيزة المكواة } !!!!!
والمدهش بعد تسعة اشهر من هذه الحادثة
هاتفني قائلا .. بارك لينا يا ابوحراز جابو لينا ولد !!!
قلت له سبحان الله { يحيي العظام وهي رميم }
تربيزة مكواة وجابو ليكم ولد ؟؟؟؟؟ مبرووك ياعم !!!
قال 18 حااااج قال !!!!
| |
|
|
|
|
|
|
|
|
 Re: على الحكومة الغاء كافة ضرائب مغتربي السعو (Re: حسين عبد المجيد)
|
هلا أبو حراز
حتى الآن الرؤية فيها ضبابية فهنا يوجد مصطلحان في النماذج والأوراق الرسمية فهناك { تابع } ويشمل الزوجة والأبناء تحت سن 18 عام وهناك { مرافق } ويطلق أحياناً على { المحرم } الذي ياتي مع زوجته العاملة كالمحاضرات الجامعيات وكذلك والدا كلا من الزوج والزوجة .. هؤلاء يطلق عليهم مرافقون والقرار صدر بهذه الصيغة الأخيرة إن لم يكن تفسيري خاطئاً فإن كان القرار يعني المرافقين وليس التابعين
فعلا يا أبو حراز زي ما قال لي مصدر موثوق إنو التابع (القاصر) ما عليهو ضرائب وانما الناس العندهم إقامات منفصلة (+18) والزيارة والخدامة والسائق
على العموم الأيام حبلى بالمزيد من المفاجآت
شكلها سنفكت طال الزمن أم قصر
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
Quote:
فعلا يا أبو حراز زي ما قال لي مصدر موثوق إنو التابع (القاصر) ما عليهو ضرائب وانما الناس العندهم إقامات منفصلة (+18) والزيارة والخدامة والسائق
|
حمد سلام
بطمن في نفسك انا من مصدر موثوق قال الحكاية شامله قصر وطوال مما جميعو
غير الضرائب البتبدأ السنة الاولي 400 شهريا الثانية 600 الثالثة 800
بتونس مع واحد مصري عن القرارات قال لي بنسفر الولاد يا ابن النيل وبنقعد لحدي ما تحصل مرحلة الفنياة الداخليه (( غيرتها ليك للزوق العام))
وقال ببيع عربيتو وبشتري دباب ((موتر)) وبسكن مع جماعه عشرة في غرفة
غير الهنود البجيبو سرير ثلاثة طوابق كما في الدوحه
خطط لي بدائل يا حبيبنا
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: الهادي الشغيل)
|
مرحب عمر أبو عاقلة
[quoteطبعا تضيف للحسبة دي قيمة التأمين الطبي، قيمة إيجار البيت ومصاريف المدارس ومنصرفات البيت اليومية.
وفي بعض الناس تجديد الاقامة على حسابه وليس على الكفيل أو الشركة .. يعني ضيف ليها رسوم التجديد وكدا/quote]
يا زول الموضوع د لو اطبق بشكلو دا خلاس دك عديل
ما ممكن 3 ألف شهريا تطلع منك دا غير جاية زيادات في البنزين والكهرباء وبندة والسدحان والعثيم
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
كيفك يا دسيس
هناك الكيزان .... النار الكبري
هناك لظى عديل
تعرف الحكومة دي ممكن تكون محظوظة حظ بن كلب
لو الناس دي إضطرت وسفرت عيالها حيكون في ضخ بتاع عملة ما طبيعي بس دا بتطلب
انها تكون جادة وتبطل الحركات البتعمل فيها دي (طبعا للوقت داك لو ما طفشت) يعني لازم يكون في سعر صرف مجزي وإلا كلنا بنشتغل تجار عملة
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
مرحب أحمد الصادق
يعني الموضوع يا ابو حراز موزون مع اجازة المدارس وانا ما بفسر وانت ماتقصر
موزون وزنة ما تدي فرصة لأي متشكك برضو كتر خيرهم عشان الناس تجهز حالها من بدري وكدة
لكن اقول ليك حاجة مغتربين السعودية ديل عكالييييت
ما سمعت بالزول الكفيلو قال ليهو بنقص ليك راتبك من ألفين لألف وخمسمائة قال ليهو طال عمرك أنا معاك لحدي خمسمائة ريال
كفيلو قد يضحك وزاد ليهو راتبو خمسمائة ريال
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
مولانا المرتضى
حمد، مستمتعين ليكم عشرات السنين بالبنزين الرخيص والمواد التموينية الرخيصه والهوت دوغ الرخيس وتذاكر الطيران الرخيصه ، وبدون كونيكشن، والعمره مجانا والحج مجانا والمداحين في المنبر على قفا من يشيل (أنا بريدك يا البشير) وبرضو كل يومين رئيسكم يزوركم يتفقد أحوالكم وبمعيته طائرة تحتشد بالوجوه المتوضئة وطبيب الأسنان يتفقد حتى الشحادين، ، لقد آن الأوان أن تعرفوا حاجه ، ما تبقوا زي حسين خوجلي.
ياخ دي إشاعة ساي الحج ذاتو بقى بقروش
انت قايل الرواتب هنا زي عندكم وقطر والإمارات بالربع التقيل؟
يا محمد متوسط الرواتب في السعودية لحملة البكالوريوس ما بتعدى 8-10 ألف يزيد لدى البعض وينقص لدى البعض الآخر
هسه دا بيستحمل فجخ زي دا
ياخ زيادة البنزين 20 هلله الفاتت نتجت عنها زيادة في مصروف البيت من 1000- 1500 ريال شهريا وممكن أكتر
صحيح السعودية قبل 7 مثلا سنين كانت رخيصة نوعا ما
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
السلام عليكم يا حمد
نحمد الله على كل حال ، وهكذا تدور الأيام ( وتلك الأيام نداولها بين الناس) ، حقيقة الوضع سيكون صعباً لأصحاب الأسر
وحتى لا نواجه الأصعب في الغربة ، علينا أن نفكر بجدية للمغادرة ولا سيما الذين يتقاضون رواتب أقل من ثمانية ألف
ريال ، علينا أن نرتب وضعنا قبل نهاية العام ليلحق الأبناء بركب العام الدراسي الجديد في الوطن ، ومهما كان الأمر
مراً لا نضع أنفسنا في الأمر .
ونسأل الله أن يوفق الجميع ويسعدهم والرزق من عند الله .
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
مرحب محمد الأمين موسى
تعرف الميزة الفي السعودية إنو الحياة فيها بتتباصر السكن غالي ممكن تلقى سكن رخيص
الأكل والعيشة والحاجات دي برضو بتتباصر من غير ما تأثر على الجودة حقنها
التأثير الأكبر بنعكس على الناس العندهم طلاب برة
لكن بتدبر وإن بعد العسر يسر بالتأكيد وليس العكس
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: muntasir)
|
اعتقد السودانين في الخارج من الخطاء تسميتهم بمغتربين خصوصا في هذه السنوات ............يمكن ان يكون سبب الخروج هو الاغتراب والاماني الطيبة ..........لكن سبب البقاء في الخارج هو بالتحديد
اللجوء .......لجوء اقتصادي ، سياسي ، امني ، كلها اسباب لجوء وان لم يفطن لها البعض ............ولذلك لا اعتقد ان السودانين سيغادرون السعودية وبالطبع ليس هناك حكومة يمكن ان تفاوض من اجل رعاياها
والا انتفى ما ذكرته عاليه .
وعليه اعتقد ان الامور ستصعب ولكن كما ذكر الاخ عبدالغفار بان الناس ستباصر اي ستحاول ان تتماشى مع الوضع الجديد مهما كان ..........لان البديل غير موجود أصلا..........
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: ibrahim alnimma)
|
هلا استاذتنا دومه
قيل ان هناك ثلات دول سيتم استثناء رعاياها اتوقع ان يكون السودان من بينها
يسمع منك ربنا لكن ما اعتقد حيكون فيها استثناء بس انا حاسي انو القصر ما مشمولين بالقرار دا لأنو حتى في تجديد الإقامة ماعليهم رسوم
ضريبة الراتب بشكلها التصاعدي دا حتكون كتيرة في لحظة ما
| |
|
|
|
|
|
|
|
|
|
Re: على الحكومة الغاء كافة ضرائب مغتربي السعو (Re: حمد عبد الغفار عمر)
|
مرحب ابراهيم النعمة
افتقدنا كتير سداد رأيك
لكن سبب البقاء في الخارج هو بالتحديد اللجوء .......لجوء اقتصادي ، سياسي ، امني ، كلها اسباب لجوء وان لم يفطن لها البعض
جبتها من آخرها - الناس حتمشي كيف مافي حتى استعداد نفسي للمشي دا الموضوع ما قروش وبس
لأنو السؤال ببساطة انت محتاج لكم من الفلوس عشان تمشي
أنا بعرف زول مشى بمليون ريال بعد سنتين جاء راجع اشتغل براتب 5 ألف
| |
|
|
|
|
|
|
| |
حمد عبد الغفار عمر
معاوية عبيد الصائم
ابوحراز
أيمن محمود
عمر أبوعاقلة
عباس الدسيس
Ahmed Elsadig
محمد المرتضى حامد
محمد الأمين موسى
حسين عبد المجيد
ولياب
doma
ibrahim alnimma
الطيب عباس
فيس بوك
تويتر
انستقرام
يوتيوب
بنتيريست