كان دعوة العصيان غلط كان تقبض الجقر الكبير الغش مونة الكبري و السد و الزلط أقعد تحت و احسبها صاح مين جانا بالليل بالسلاح مين الكتل في العيلفون شفعنا في وش الصباح أنا وابن عمي علي الغريب؟ قصدك فلول الملتحين؟ الجونا من سوريا و جنين؟ تنظيمكم الدولي (الأمين) القصف يغتال الرضيع القصف في دارفور مدوّر من سنين الأنتينوف تحرق فريق و اطفال جبال النوبة في كل يوم تضيق و ين كانت اشعارك زمان ولّ الأوامر كان حريق وينو الربيع الكان عشم؟ قول لي وين انقاذنا من حكم السجم يحكمنا مستثمر وضيع خيراتنا عندو مضاربات و ربح سريع الليلة عصياننا الحلول و ما يوم وحيد ماشين لحدي الظلم يزول يا دوب بتسأل ولعت؟ ياخ انت وين هي فداسي ذاتا اتشلعت و النهب في شارع الفيلل نسواننا طلعوا مظاهرات قلبوا الحلل و بكت بلادنا على الزمان الضبط و الربط انبهل بوليسنا صار يكتب قصيد أصبح محلل في السياسةً و في الغزل منحاز أكيد رافض الجديد واقف تباه مستني لي قولة صفا من زول أجير قبال يركب رتبتو في بلدنا كان سارق حمير ............
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة