|
|
|
 Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
حبيبنا الطيب مودتي .. إخوانا المصريين ديل ما عندهم أي ثقافة عن السودان
مفتكرين أن الوطن كلهم من النوبة .. صدقني في مصريين معانا في محل الشغل ما يعرفوا موقع الخرطوم وين مفتكرين الخرطوم في الشمالية
يا جماعة الناس ديل أجهل من الجهلاء حتى في تاريخ مصر ..
دا واحد من علمائهم قال (( النيل الازرق ينبع من بحيرة فكتوريا ))
صدقني الاخوة السعوديين لديهم معرفة بالسودان أكثر منهم ..
خليك من السودان حتى جنوب مصر ما عندهم معلومات
هوايتهم الاسعار .. الشقق .. الارض .. الفلوس .. وطول اليوم يخطط .. كيف يجيب العائلة زيارة والتكاليف كم ؟؟
لكن هم في نقطة دي أحسن مننا ..
مودتي أبو الطيب .. في نفس المكتب معاي إتكلم في السياسة مع اخواني السودانيين .. يندهشوا ( يا أخي وإنت مالك شوف أكل عبشك ) إبه مصلحتك .. سوريا وأمريكا ...
حياتهم كلها تخطيط كيف يعيش .. لا ثقافة لا قراءة ... ألخ
| |
 
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
التحايا للحضور الانيق سعدت بمداخلاتكم الثره
أمير محمد أحمد أبيض
عبد الباقي الجيلي
عبد العزيز محمد عمر
علي عبدالوهاب عثمان
Amira Hussien
عبدالرحمن الخليفة
علي الكرار هاشم
يحي قباني
الحرامي معناتا ظاااهر
لم يتم الرد علية ولاشي تم الرد في اسفل التعليقات في اليويتيوب .. اتمني الرد في كل الاسافير بانها للحلنقي وليست تراث نوبي والجماعه ديل متهجمين وماعندهم اي ثقافة
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
وليست تراث نوبي والجماعه ديل متهجمين وماعندهم اي ثقافة
=============================
حبيبنا الطيب مودتي يا جميل ..
كيف يصبح تراث نوبي والاغنية بالعربية التراث النوبي هي الاغنية بالمفردات النوبية
هل يمكن لأغنية الفيس بريسلي أو كني روجرز أن تكون ضمن التراث العربي ..
التراث النوبي باللغة النوبية ..
ومن قال عبارة ( أسمعنا مرة ) تراث نوبي يكون أجهل من الجاهل وهذا ينطبق على اخوانا المصريين
والأمر ظاهر ولا يحتاج إلى نقاش .. اغنية بالعربية تكون تراث نوبي ..
مودتي حبيبنا الطيب
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
الزول الجميل أبوالطيب .. مودتي يا رائع ..
بقدرما حاولت غلبني التأويل .. ولكن لازال السعي جاري وسوف أطلب المساعدة من الاخوان
لكن عايز الطرب الموت في اللغة النوبية اغنية وردي ( أسمر اللونا ) كمان الاغنية فيها
مفردات عربية بإمالة نوبية .. تطويع العربية للنوبية .. كما يفعل أهلنا الشوايقة أهل الفن والطرب والجمال
بتطويع النوبية للعربية ..
أبو الطيب الحبيب نحن ناس عموماً من وطن نحب الجمال ..
بس كده إسمع أعنية للمرحوم محمد كرمة الله
وبعده أسمر اللونا لوردي شوف حلاوة أهل الشمالية ديل كيف
أمشي مع تيار النيل ( أبدأ بإسماعيل حسن وإنتهي بوردي )
ثم ( أبدأ بحميد وإنتهي بالخليل )
غايتو ولاية بين أقواس ذهبية ..
شكراً أبوالطيب خليتني أسرح بعيد .. مودتي ..
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطاهر الطاهر)
|
حبيبنا الطيب .. مودتي ..
أمس كانت هناك مداخلة هاتفية من الحلنقي في قناة الشروق
وصرح بأنه سوف يقاضي ذلك الشخص أمام المحاكم
أتخيل ان الكلام بعيد عن الواقع في أي محاكم المصرية أو السودانية ..
وهذا شخص المقصود عادي لا يملك أي معلومة ..
والأمر لا يحتاج حتى تكلفة المحامي المصري الذي سوف يتولى القضية
من حق الحلنقي أن يقاضي أي معتدي على حقوقه ولكن ظهوره الكثيف في الاعلام
هذه الايام اصبح يذهب بريقه وجمال شعره ..
عليه أن يبتعد قليلاً عن الاعلام ويترك الامر لشعره وكلماته .. للتعبير عنه ..
لا أحبذ أن يتحدث كثيراً عن شعره فليتركه للمستمع كل حسب ذوقه
وتمشياً مع قول أبوالطيب المتنبي :
أنام ملء جفوني عن شواردها .. ويسهر الخلق جراها ويختصم ..
مودتي .. الطيب حبيبنا
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: علي عبدالوهاب عثمان)
|
ااووو حبينا الجميل علي عبد الوهاب صدقت والله اسمر اللونا عجيبة وكمان تتذكر الغنية الكانت موضوع بوست قبل كم سنة بتاعت المهجر والمغترب
ماعندي مكتبة للاسف شا ارجع البوست ونسيت اسمو بس بتذكر ترجمتك ليا و مداخلاتك النيرة وانا كنت برلوم في البورد الوكت داك ههههه رغم اني لا افهم شي بس انطرب بلغه النوبة .. تربينا في كوستي يمينا وشمالنا حلفاويين ودناقلة ومحس كلهم حبايبنا وفي رمضان نتسرق في البرش بره نفعد في صوانيهم شان القراصة رهيبه هههههههه
نحنا جعليين واكلنا سمح واكل غيرنا اسمح واطعم هاههههههه
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
يا سلام حبيبنا الطيب .. أهلنا في كوستي بالكوم ..
زمان الانجليز في الوابورات ووشة الحوض كان يوظفو ناس الشمال عموماً
عشان بيعرفوا العوم وعندهم يقافة البحر .. الرواويس .. وخبرة في الدميرة والموج والعوم
وأستقر الكثير منهم في كوستي ..
نحنا عشان قريبين من مصر عرفنا ( الكفتة والمحشي والخضرة المفرومه والطبائخ والحلويات ةرقوش والفول والعدس .. إلخ) وكنا ناس الطباخة (هههههههههههه )
وبعدين نحن وأهلنا وجيرانا الشوايقة غنانا حنين وشوق وفيها جرسة كمان .. (ههههه )
لكن أهلنا الجعليين .. غناكم ناشف وكلمات غليظة .. والدلوكة تفيلة خاصة في التراثيات ( محجوب كبوشية )
يا أخي مرات في حاجات كده إلا بمترجم .. (ههه) ..
مودتي أبوالطيب .. ده جمال السودان والاخوانيات تعليق بمحبة ( زي ما يقولو الخليجيين طقطقة إخوان )
ونحن هنا في قهاوي جدة عندنا منتديات في غاية التسامح والجمال ..
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: علي عبدالوهاب عثمان)
|
امطري حيث شئت فسوف يأتيني خراجك
هذه الجملة مأثورة عن الخليفة العباسي هارون الرشيد مخاطبا بها السحابة
و هي تعبر عن حالة من التمكن و الشعور بالسيطرة فأينما أمطرت السحابة في اي مكان وجهتها به
الرياح سوف تمطر في ارض يحكمها و تفيض فيه الخيرات و ياتيه منها الخراج
النوبين بيقولوا
امطري حيث شئت فسوف يأتيني خراجك
| |
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
حبيبنا الطيب .. مودتي
يا سلام يا أبوطيب .. إنت زول جميل .. فتحت الرابط الفوق
وقرأت فيه كأن غيري هو الذي كتب تلك المداخلات عن الغناء النوبي ..
كلامك الجميل داك كان دافع لنا ..
بعدين الفيدو .. من عمق أعماق الحضن النوبي
مودتي الطيب أمبس ampes ( يعني اخي )
| |
|
|
|
|
|
|
|
|
|
Re: سؤال لاهل الفن .. من هو شاعر( اسمعنا مرة ) ه� (Re: الطيب عباس)
|
هل ترجمه كلمه نوبة هي ذهب او (دهب) بالدارجي او غني .؟؟
=======================
حبيبنا الطيب .. مودتي يا جميل ..
أذكر كان عندك بوست رائع قبل كده عن النوبه
فيك جينة نوبية طاغية لكل الجينات الاخرى ..
=============
نوب ( Nub ) بالنوبية المحسية ( الذهب )
نوبريه ( Nubriah ) بالنوبية الدنقلاوة ( الذهب )
وعبارة ( نوبا ) هي ارض الذهب .. ( ارض الذهب )
وتفسير الكلمة ( نوب ) كما ذكرنا ذهب ( والالف ) بمعنى أرض أو مكان يتم نقطها ( آ ) مثال ( آق .. بمعني جلس أرضاً)
و (آ) في كل اللغة النوبية فمثلا ( دنقل ) بالنوبية الحجارة أو الارض الحمراء أو حالياً الطوب الاحمر ( ضانقيل بالعربي )
عندما تضاف ( آ ) تصبح العبارة ( دنقلا ) وهي الارض الحمراء أو المكان ذو المباني الحمراء ، التربة الحمراء
=====
واليوم أعداد الدهابة وكميات الدهب مهولة وخاصة في منطقة دلقو وفي تخوم حلفا .. شركات تركية بالكوم ..
وعرف النوبة الذهب من زمن بعيد جداً .. وبعد أن وصولوا إلى أورشليم ( القدس ) جلبوا معهم الحدادين من قوم داؤد
من ارض فلسطين حالية وقد طوع لهم الله سبحانه وتعالى الحديد .. وهكذا اصبح صياغة الذهب والمعادن من الموروث النوبي
عائلات نوبية مازالت مشهورة إلى يومنا .. والحداد أو الصياغ هو ( تبد Tabid ) وهناك عائلات تحمل هذا الاسم المهني
ومازال بعضهم يمارس صياغة الذهب ولا ننسى ( عائلة تبيدي المشهورة ) وهم أشهر العائلات ومنهم من تحول إسمهم إلى العربية
( صايغ).. حتى في غنا البنات ( ناس تيبدي .. ناس الدهب ) ..
حبيبنا الطيب .. بوستاتك تجذب الواحد وتغوص به إلى أعماق سحيقة ..
مودتي .. حبيبنا الطيب ..
| |
|
|
|
|
|
|
| |
الطيب عباس
أمير محمد أحمد أبيض
عبد الباقي الجيلي
علي عبدالوهاب عثمان
Amira Hussien
علي الكرار هاشم
يحي قباني
الطاهر الطاهر
فيصل محمد خليل
فيس بوك
تويتر
انستقرام
يوتيوب
بنتيريست