|
|
|
 Re: حي العرضة اعرق احياء مدينة امدرمان يعاني � (Re: Haytham Ghaly)
|
عندما طال الامر وكثرت معاناة الاهالي من جلب المياه النظيفة من اماكن اخرى
وبعضهم كثرت معاناتهم من شرب هذه المياه الملوثة ..
اخذ بعض شباب الحي عينة من الماء وفحصوها في معمل استاك بالخرطوم
وكان تقرير المعمل بأن هذه المياه غير صالحة للاستخدام..!!!!
غير صالحة للاستخدام هذه الجملة تعني انها غير صالحة لاي نوع من الاستخدام
حتى الحمام .. اي انها ملوثة تماماً بفضلات الانسان والحيوان وجميع اوساخ الارض
نتابع...
| |
 
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
بعد هذا التقرير الخطير
تجمع الاهالي في الحي حتى يروا من امرهم رشدا
جاءت قناة سودانية 24 وغطت الحدث واستطلعت بعض السكان الغاضبين
ووعدتهم ببث الحلقة يوم السبت الفات تقريباً .. ولكن لم يحدث ربما ان اللقاءات الغاضبة كانت عصية على المونتاج
المهم.. ذهب السكان الى المحلية وقابلوا المعتمد واظن بعض مسؤولي الصحة والطريف في الامر ان مدير المياه لم يحضر لانه رفض الرد على المهاتفات التلفونية
هل تصدقو ان مشكلة هذه المياه منذ شهور خلت وان المعتمد قال للاهالي بعضمة لسانو انه يكن لحي العرضى مودة خاصة!!!!!!!!!!!!!!!!؟؟
طيب يا حضرة المعتمد وييين مودتك دي من الخور الليهو سنييين ودنيين يؤرق مضاجع اهل هذا الحي بسبب الباعوض الذي يتوالد فيه؟؟؟
وييين محبتك لهذا الحي واهاليه يشربون مياه الهيئة المخلوطة بالبول والبراز؟؟؟؟
ويين انت ومحليتك المتاخمة لهذا الحي الحبيب الى قلبك والنفايات تنتشر فيه والامراض بدورها ترتع فيه مع الباعوض ليلاً والذباب نهاراَ؟؟؟
ام هو هذا نوع حبكم وتقديركم لكل ما هو موروث وذو دلالة تاريخية في هذا البلد المحتل من جانبكم؟؟
ووعد سيادته خيراً وبشر وهلل وكبر،،،،
نواصل
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
وعد حضرة المعتمد بانه لن يتساهل في هذا الامر
وانه سيعالج مشكلة المياه بسرعة فلا مزاح ولا لعب في حياة الناس وصحتهم
وسيدفن او سيغلق الخور ذلك الخور الذي توالد فيه الباعوض بكثافة لا مثيل لها في حي العرضة
الان اهالي العرضة ينتظرون وكلهم امل في ان يفي المعتمد بما وعد
والى الان رغم ان مثل هذه الاشياء كمياه الشرب لا تتحمل ان يطول انتظار الناس لها
الا انه الى الان لم يفت الاوان لايفاء المعتمد بوعده نتمنى ذلك ليكون اول وعد يعد به فرد في هذه الحكومة ويفي به
هذا البوست افترعناه لنتابع بالدقة والدقيقة هذا الموضوع
وهذا ما حدث حتى الان....
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
أغلب مشاكل المبياه في أحياء أم درمان القديمة تعود لثلاث أسباب رئيسية
1- قدم الشبكة وضعفها لتلبية الطلب المتعاظم في استهلاك المياه راسياً وأفقياً
2- عدم وجود اي برامج لصيانة دورية (الصيانة تأتي متأخرة جداً حتى بعد وقوع أضرار بالشبكة في منطقة ما
3- وهي مرتبطة بالنقطة (1) والنقطة (2) بوقوع ضرر في الشبكة: هي استخدام المضخات لرفع المياه لخزانات المياه
هذه المضخات قد تصلح لرفع المياه الضعيفة إلى خزانات المياه في أعالي المباني ولكنها أيضاً تشكل خطراً كبيراً على الصحة بما تسحبه من مياه البرك والمستنقعات في حالة وقوع ضرر بالشبكة (ماسورة مكسورة)
أرى أن الحل يكون
1- بزيادة انتاج المياه في محطات التغذية وزيادة الضغط
2- تصميم محطات تقوية في كل حي بواسطة الهيئة أو في العدم (كل بيت يدفع ثمن الطلمبة المنزلية زائد تكلفة الكهرباء لبناء المحطة الجماعية عوضاً عن الفردية) تكون هذه المحطة مزودة بفلتر يغير كل فترة وبذلك تكون البيوت محمية من سحب مياه المستنقعات ولابرك الآسنة
| |
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: مني عمسيب)
|
Quote: حذراااااااااااااااااااااااكم من الكوليرا تعم القري والحضر !
الغالي ود الغالي لك التحية والتقدير ... |
الصديقة بت عمسيب حبابك
والله يا منى الله يستر على الناس من الكارثة دي
كل الظروف البيئية مهيئة لانتشارها وليس هناك اي تجهيزات او مكافحة وافية لوقف مثل هذا الوباء
ربنا يلطف
شكراً على المرور ولك التحية والود
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Frankly)
|
Quote: - قدم الشبكة وضعفها لتلبية الطلب المتعاظم في استهلاك المياه راسياً وأفقياً
2- عدم وجود اي برامج لصيانة دورية (الصيانة تأتي متأخرة جداً حتى بعد وقوع أضرار بالشبكة في منطقة ما
3- وهي مرتبطة بالنقطة (1) والنقطة (2) بوقوع ضرر في الشبكة: هي استخدام المضخات لرفع المياه لخزانات المياه
هذه المضخات قد تصلح لرفع المياه الضعيفة إلى خزانات المياه في أعالي المباني ولكنها أيضاً تشكل خطراً كبيراً على الصحة بما تسحبه من مياه البرك والمستنقعات في حالة وقوع ضرر بالشبكة (ماسورة مكسورة) |
بالتأكيد الشبكة قديمة جداً وهي عصب المشكلة
والمصيبة الاكبر انه لا توجد صيانة دورية من الهيئة لشبكات المياه وهذا امر يعرض الشبكة للتلف ومن ثم يعرض صحة الناس للخطر
ضعف امداد الهيئة هو السبب الرئيسي في استخدام المضخات او الموتورات في المنازل والمباني
اذاً بما تقدم وتفضلت به يا فرانكلي ان المشكلة تكمن كلها عند ناس الهيئة
نتمنى ان يلتفت المسؤولين والقائمين على امر الخدمات للعمل..!!
يا ربي هم مشغولين بي شنو؟؟؟
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: sadig mirghani)
|
Quote: الناس تدفع عشان تدخل الموية لي بيوتها ليه
عشان الحكومة تشيل القروش تديها حميدتي
حكومة ماقادرة توفر مياه شرب نقية في عاصمتها
فاشلة |
الصادق يا ميرغني سلامات وعوافي
يا ريت يا الصادق بعد ما دفعوا لقو موية نضيفة تتشرب
ياخي ناس الحكومة مستكترين حتى موية الشراب دي على المواطنين
ولا زالوا يبشروننا بالخير والناس تموت جوعاً وعطشاً ومرضاً وقتلاً بالرصاص
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
بالامس نسيت ان اذكر ان السيد المعتمد وحقيقةً لا اعرف اسمه ولم اسأل منه اصلاً
قد امر بان تجلب له عينات من الماء لفحصها
طبعاً تم فحص الماء من قبل بواسطة مواطني حي العرضة ولكن سيادتو لا يثق فيهم
وكأنهم زوروا النتيجة وكايسلهم عوة سااااكت
العجيب في الامر لمن جابولو شوية موية شماها وكان تعليقو انو الموية دي كعبة شديد
دا كلو ما مشكلة نتمنى انو نتيجة السيد المعتمد ما تتدخل فيها الهيئة وتزورها ودا وارد
لانو الموضوع ممكن يكون فيهو مسائلة قانونية اذا ثبت ان الموية دي ممكن تتسبب في اي نوع من الامراض
وبي دا كلللو ياخي اسرعو وعالجو المشكلة دي .. دي موية شراب شرااااااب
وحتى الان النتيجة بتاعة عينات المعتمد لم تظهر
والناس عطشى وهم يترقبون
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
سلامات يا هيثم والضيوف الكلرام
لاحظت انو اراضي العرضه جنوب خصوصا غرب الاستاد والجانب الجنوبي الغربي بالتحديد توجد علي الارض ما يشبة بقع الزيت في التربة وخصوصا الشوارع والقطع الفاضية تقول اراضي الصناعية تقول مغييرن فيا زيت .. علقت كم مرة عن الموضوع دا .. مرة قلعت السفنجه وتحسستها فهي لزجه جدا ما عارف بترول ولا رطوبة ولا شنو ؟؟
الحاجة التانية كل مشاريع حفر الابار السايفون في الوقت الراهن بآت بالفشل والناس كرهت المحل دا وبدو يبيعو .. وطفشو
البيوت بقت مسقية وشربانه .. المنطقه تحتاج لوقفة .
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: الطيب عباس)
|
Quote: سلامات يا هيثم والضيوف الكلرام
لاحظت انو اراضي العرضه جنوب خصوصا غرب الاستاد والجانب الجنوبي الغربي بالتحديد توجد علي الارض ما يشبة بقع الزيت في التربة وخصوصا الشوارع والقطع الفاضية تقول اراضي الصناعية تقول مغييرن فيا زيت .. علقت كم مرة عن الموضوع دا .. مرة قلعت السفنجه وتحسستها فهي لزجه جدا ما عارف بترول ولا رطوبة ولا شنو ؟؟
الحاجة التانية كل مشاريع حفر الابار السايفون في الوقت الراهن بآت بالفشل والناس كرهت المحل دا وبدو يبيعو .. وطفشو
البيوت بقت مسقية وشربانه .. المنطقه تحتاج لوقفة . |
مرحبتين حبابك يا الطيب
طبعاً انا برضو لاحظت المسألة دي وسألت منها والجماعة قالو دا نز... نز مياه هههههه
بصراحة استغربت وسألتهم نز شنو؟؟؟ اجابو مياه جوفية في حين انو لو الواحد عايز يحفر بير ويصل الموية
في العرضة يقرب يصل مركز الكورة الارضية حتى يلاقي ليهو شوية ترا
الموضوع دا ما نز موية هو فعلاً شي زي الزيت واحتمال يكون دا زيت اهل الحي طلع وهم ما عارفين
غايتو معظم البيوت في العرضة جنوب وبالذات في الشارع الماري بي استاد المريخ تواجه خطر الانهيار بسبب
النز او الزيت الطالع من الارض وما معروف دا شنو ؟؟
والحكمة المعتمد يقولك انا بحب حي العرضة
حب اييييه يا معتمد
الحق الناس قبل ما يضيعو بسبب اهمالك
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
شي مبشر شوية
بدأ العمل في معالجة موضوع الخور بتفريغه ومعاقبة اللذين كانو يستغلونه بتوصيل مياه صرف منازلهم
بداية العمل مبشرة ولكن هل سيتواصل العمل حتى يكتمل بناء الخور واغلاقه بالطرق والمواصفات التي تضمن
عدم تراكم المياه وركوضها فيه مما يكون بيئة صالحة لتوالد الباعوض والذباب ومن ثم انتشار الامراض في الحي
ام سيتوقف كما تعودنا دائماً من جميع المنشآت الحكومية الخدمية فلم ييكتمل اي مشروع بالذات فيما يخص المجاري
وتصريف مياه الامطار حتى ان الناس صارت تقول مخاطبة المحليات مقولة : فاجأني الخريف
عموماً لن نتشائم وسننتظر مقبل الايام.
بالنسبة للبئر الملوثة او المختلطة بمياه الصرف الصحي اشيع انهم اغلقوها ولكن ثبت تماماً ان هذا لم يحدث
لا زالت المياه في الحنفيات كريهة الرائحة وطعمها متغير مما يعني انه الى الان لم تغلق البير الملوثة
ودا بصراحة شيء غريب !!!!!!!!!!
من المفترض انه ومن البداية اغلاق البير الملوثة دي لانها تسبب في امراض فما الداعي للانتظار ؟؟
ياخي اقفلوها وخلو الناس بدون موية .. احسن مما تخلوهم يشربو السم الهاري بتاعكم دا
نتمنى اغلاق البئر وتغيير الشبكة كاملة وتوصيلها بمياه عذبة ونظيفة صالحة للشرب وهذه المطالب ليست بالكثيرة
وليست منحة او هبة من الحكومة هذه حقوق اساسية للمواطنين البدفعو دم قلبهم عشان تسقوهم المرض
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
هل تصدقو ان الحال لسة كما هو!!!!!!!!!!!
تحتفل الحكومة بكل جيوش معتمديها وولاتها ووزرائها ومستشاريها ونواب رئيسها
بجيوش الارزقية الجدد ولا يزال الوضع كما هو في حي العرضة وفي كل السودان قاطبة
للان البير الملوثة لم يقم السيد المعتمد البحب حي العرضة باغلاقها !!!!!!!!!
ومدير الموية في المحلية قال المياه صالحة للشرب في حين رفض ان يسلم الاهالي تقرير الفحص!!!!!
وانا متأكد اذا قدموا له كوب شاي منها لن يتناوله ..
يا معتمد امدرمان يا البتحب حي العرضى
اخجل من نفسك شوية واتحرك
اقفل البير الملوثة بالبراز والبول .. اترك الناس بدون ماء اهون يا سيادة المعتمد
وللا منتظر يموتو كم واحد ويمرضو الميات عشان تقفل البول الماشي في شبكة المواسير المتهالكة دي
ياخي اخجل اختشي شوية
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: الطيب عباس)
|
Quote: اهال العرضه يخرجون في مظاهرات سلميه الان .. ١٥-٥-٢٠١٧ بسبب المياه 😫
|
تحياتي الاخ الطيب عباس
التظاهر السلمي عمل حضاري ومهم جداً للفت الانتباه ونيل الحقوق
اتمنى ان يكون اهالي العرضة قد نجحوا في تظاهرهم السلمي ولفت انتباه
ارتال المسؤولين المشغولين بنهم في سرقة المال العام
تحياتي والف شكر على هذا الخبر
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
قيل لي ان قناة سودانية 24 عرضت الحلقة الخاصة بمشكلة مياه حي العرضة مساء امس
للأسف ما شاهدتها وغالباً معظم اهالي الحي ما يكونو شاهدوها الا بالصدفة
عندما تم التصوير وعدوهم بعرضها بعد يومين فقط ولكن لم تعرض الا بالامس بعد ان نسيها الناس
دا طبعاً نوع من التكتيك عشان التفاعل اثناء الحلقة ما يكون محرج واكيد اختارو ناس بعينهم عشان
يمثلو دور المتصلين .. عموماً دي كلها توقعات مني لانو بصراحة سوء الظن متوفر جداً والسبب معروف لدى الجميع
يا جماعة ..
المعتمد لسة ما قفل البير المعفنة دي
ونتايج فحص العينات الشالوها لي سعادتو لسة ما جات
مرت اكتر من اسبوعين يا ولاة الامر
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: محمد البشرى الخضر)
|
شكراً يا ود البشرى على ارفاق ڤيديو الحلقة
بالله شفتو معاناة الناس دي لي ياتو درجة
والمحزن والمخزي في الامر موقف رئيس اللجنة الشعبية
دي فضيحة رسمي في حقو
غايتو يا حضرة المعتمد مجدي واسمك عرفتو لانو ذكرو الطاهر في الحلقة
ريدتك لي حي العرضة شفناها من خلال الحلقة دي
طيب انت لو قاعد تكره الحي دا كان عملت شنو اصلو؟؟؟
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
لا زال الحال كما هو ..
المعتمد لم يوفي بأي وعد وعد به اهالي حي العرضة على الاقل حتى الان
نتيجة معمل استاك للعينات الشالوها لحضرة المعتمد لم يصلنا منها اي شي سواء ان خير او شر
الماء هو نفسه ذلك المخلوط بمياه الصرف الصحي واصبح على العليهو شحيح جداً
بلد بها اكبر حكومة على وجه الارض وفيها اطول انهار العالم واعذبها
وعاصمتها تعاني العطش وتعاني من امداد المياه الجوفية المخلوطة بمياه الصرف الصحي
برغم ان النيل يعانق مدن العاصمة الثلاثة وعلى مرمي حجر من حي العرضة تحديداً
ولكنهم عشطى
بلدنا انطبق عليها قول الشاعر
زي ابل الرحيل شايلة السقى وعطشانة
اخجل شوية يا حضرة المعتمد
رمضان على الابواب خلي عندك شوية انسانية
واقيف على شغلك .. لاحظ انو شغلك
وانت ما شغال بيهو
| |
|
|
|
|
|
|
|
|
|
Re: حي العرضة اعرق احياء مدينة امدرمان يعاني � (Re: Haytham Ghaly)
|
لم يبارح الوضع مكانه
ولم يوفي سعادة المعتمد بكل وعوده
بل حتى من باب الاحترام للناس لم يخطر السيد المعتمد الاهالي بنتيجة العينات الكتييييرة الشالوها وودوها المعامل
الى الان وفي شهر رمضان يضطر مواطنو حي العرضة الى المساسقة بين الاحياء المجاورة وجلب ماء يظنون انه نظيف نوعاً ما
الى الان والدنيا رمضان يعاني الناس من مياه ملوثة بالبول والبراز والسيد المعتمد يتعبد ويسبح لله وكأن ما يحدث لا يندرج داخل نطاق مسؤولياته
يا سيادة المعتمد تأكد تماماً بأن اي طفل عبث بهذه المياه في غفلة من اهله واصابه المرض فذنبه في عنقك وانت سبب مرضه
واي مواطن مسه السوء من هذه المياه وهذه البيئة الرديئة التي تقبع بالقرب من مكتب سعادتك المكندش فانت المسؤول الاول عن مصابه
هل كنت تظن ان وظيفة معتمد هي عبارة عن سيارة فخمة ومكتب فخم ومنزل فخم دون اي مسؤوليات ودون عمل ؟؟؟
هل تستطيع ان تذكر لنا منذ توليك منصبك الهلامي هذا ثلاثة اعمال ذات تأثير ايجابي واضح على مواطن امدرمان قمت بها؟؟؟
اختشي يا معتمد امدرمان واحترم اهالي حي العرضة واوفي بوعودك والراجل بمسكو من لسانو..
| |
|
|
|
|
|
|
| |
Frankly
مني عمسيب
الطيب عباس
Mohammed Alhasan Mohammed
محمد البشرى الخضر
فيس بوك
تويتر
انستقرام
يوتيوب
بنتيريست