|
|
|
 Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
دا نوع الحشد الإجباري
اذا كانت عندهم عضوية حقيقة كان البشير لقي له 500 نفر علي الأقل في الساحه
الخضراء .. حيحاولوا يهددوا الشغالين في الحكومة بالفصل . حيستعملوا أي وسيله
لحشد الناس بالقوة ... من الصعب أن تدخل قلوب الجماهير بالقوة
بالجد المؤتمر الوطني في وضع مثير للشفقه وفي حاله غيبوبة ما حتفك الا بسقوط النظام
| |
 
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
إبراهيم محمود يحاول رفع معنويات عضوية المؤتمر الوطني المنهاره قائلا :
مافي زول بيقدر يتكلم معاكم في الإنجاز أو الصمود
إنجاز شنو يا أبراهيم محمود " ال56 مليار دولار ديون خارجيه"
حكومتك وقت جات الديون لم تكن تتعدي ال12 مليار دولار
إنجاز شنو يا زوول : الدولار كان ب12 جنيه وبقي ب20ألف جنيه
معقول الكلام دا
دي محاولة بائسة من مساعد الرئيس في رفع معنويات عضوية المؤتمر الوطني المنهاره
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: abubakr salih)
|
سلامات عبد العظيم و بكّور
الكلام الفوق دا خطير جدا, اذا فقد المؤتمر تأييد عضويته معناتا وصل مرحلة الإتحاد الإشتراكي و الحزب الوطني في مصر
وماشي بقوة دفع السلطة و الأمن و العسكر فقط
ودي مع الفلس و العجز عن توفير الإمتيازات أول من سينقلب عليه, و حميدتي اولريدي وراهم البيان بالعمل
| |
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: abubakr salih)
|
شكرا يا عبد العظيم على نقل هذه البشريات. خشمك فوقو اللبن زي ما ببتقول امي. ياخي اظهر علي فى الفيس بووك. ضيفني عندك abubakr salih
سلامات يا بكور يا كلس
أمس لاقيت لي زوول من الناس الكويسين " هندسة الخرطوم 2000"
لي 15 سنه ما شفته
قالي أنا وشباب كثيرين مستعديـن نشتغل بالمجان عشان السودان ينهض بعد سقوط الحكومة
بالجد حنصلي فجر الخلاص حاضر قريب جدا
أبشر الفيس دا أخوك مطلقه من زمان
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
الآخ عبد العظيم .. صباح النصر .
بالمناسبة :
بالجد المؤتمر الوطني في وضع مثير
للشفقه وفي حاله غيبوبة ما حتفك الا بسقوط النظام
ما زلت بتسأل من الذي يستدرج النظام لدعم العصيان ؟
تصدق كل هذه العمائل لا تزيد الا العصيان دعم مباشر
لانه بصب في تجفيف خزانتهم الخاوية علي عروشها !
اذآ الكيزان بزيدوا الطين بلة لانها دي اهداف العصيان
فقط زيادة الطين بلة لو الاضراب كان ربع الشعب الحكومة
حا تعرف حاجة .
اللهم عليك بهم انهم هم الطغاة .. اللهم اعدهم
عنا بعد السماوات عن الارض .. اللهم اعمي
بصرهم وبصيرتهم واجعلهم يتخبطون حتي
زوالهم . انهم لا يعجزونك .
مشكور اخي عبد العظيم .. وعصيان حتي النصر
باذن الله والشعب .
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: مني عمسيب)
|
ما زلت بتسأل من الذي يستدرج النظام لدعم العصيان ؟ تصدق كل هذه العمائل لا تزيد الا العصيان دعم مباشر لانه بصب في تجفيف خزانتهم الخاوية علي عروشها ! اذآ الكيزان بزيدوا الطين بلة لانها دي اهداف العصيان فقط زيادة الطين بلة لو الاضراب كان ربع الشعب الحكومة حا تعرف حاجة .
سلامات مني عمسيب
حاله الرعب التي يعيشها الحزب الحاكم جعلته يرتبك
عشان كدا بيعملوا الحاجه وينتقدوها في ونفس الوقت
ودي بشائر كويسه إنوا النظام بدأ يفقد السيطره
سوف ينهار نفسيا قبل العصيان
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
الآخ عبد العظيم .. صباح النصر .
بالمناسبة :
بالجد المؤتمر الوطني في وضع مثير
للشفقه وفي حاله غيبوبة ما حتفك الا بسقوط النظام
ما زلت بتسأل من الذي يستدرج النظام لدعم العصيان ؟
تصدق كل هذه العمائل لا تزيد الا العصيان دعم مباشر
لانه بصب في تجفيف خزانتهم الخاوية علي عروشها !
اذآ الكيزان بزيدوا الطين بلة لانها دي اهداف العصيان
فقط زيادة الطين بلة لو الاضراب كان ربع الشعب الحكومة
حا تعرف حاجة .
اللهم عليك بهم انهم هم الطغاة .. اللهم اعدهم
عنا بعد السماوات عن الارض .. اللهم اعمي
بصرهم وبصيرتهم واجعلهم يتخبطون حتي
زوالهم . انهم لا يعجزونك .
مشكور اخي عبد العظيم .. وعصيان حتي النصر
باذن الله والشعب .
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: مني عمسيب)
|
مية مية يا ود البشرى،
انا لمن قريت وصف جريدة الذى اشرت اليه صراحة انبسطت و امتلئت بالامل 
حكاية انو الناس تتسرت تفوت دي حكاية فنانة خالص. هم زاتهم البحشودهم ديل مساكين ساكت و مطحونين زي بقية الناس. مطحونين عشان فى تمساح كبار يستمتعوا بالامتيازات. هسة زاد عضوية البرلمان فى اطار الرشاوى السياسية. زيادة فى المناصب معناه مزيد من الاحزان و الفقر على المواطنيين. لانو اي منصب يعنى مزيد من الالتزامات المالية الحكومية و مزيد من الفساد و نهب المال العام.
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
روح النظام فى المال يا عبد العظيم
و و سيلتهم للوصول للسلطة كانت عبر احتكاره
عن طريق اسلمة الاقتصاد منذ ايام النميرى
بنك فيصل الاسلامى مثالا
المعاملات المالية بالسفارات للمقيمين بالخارج رافد مالى لا يستهان به
الرقم الوطنى و الجواز الالكترونى المقصد الاساس منه هو توفير عملة صعبة للنظام
زائدا تحويلاتهم الى اسرهم و الحلب لضرعهم حتى فى اجازاتهم التى يقضونها مع الاهل
فى السودان عبر ما يسمّى بجهاز المغتربين
الواقع يقول ان النظام فقد تماما السند الشعبى
المطلوب ان بفقد السند المالى حتى يعجز تماما عن الصرف على اجهزته الامنية
فينفض سامرهم .. او ينقلبون عليهم
لذا ازعجتهم الدعوة الى مقاطعة السفارات
اهلنا صبروا غلى المسغبة سبعة و عشرون عاما او يزيد
فهم اقدر على الصبر شهرا واحدا لمقارعة و اسقاط النظام الذى عيل صبره
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: جلالدونا)
|
المطلوب ان بفقد السند المالى حتى يعجز تماما عن الصرف على اجهزته الامنية فينفض سامرهم .. او ينقلبون عليهم لذا ازعجتهم الدعوة الى مقاطعة السفارات اهلنا صبروا غلى المسغبة سبعة و عشرون عاما او يزيد فهم اقدر على الصبر شهرا واحدا لمقارعة و اسقاط النظام الذى عيل صبره
سلامات جلالدونا
تعرف دي المرحلة المكمله للعصيان
وهي تجفيف منابر التمويل ومحاصرة الحكومة إقتصاديا من قبل الشعب
داخليا وخارجيا .. صدقني ما حيطولوا الناس نفسهم ما يبقي قصير
دي معركة طويله العصيان هو أو فصولها
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
تعرف يا عبد العظيم
كل الظروف مهيأة الان تماماً لنجاح العصيان بنسبة كبيرة هذه المرة
و ما يساعد على ذلك ان الحكومة و مؤتمرها الوطني كبوا الجرسة
رقدوا موية
قبل العصيان بدوا يتجاروا
جابوا الجنجويد
استدعوا الشرطة الاحتياطية
قاموا بتعبئة كل الاعضاء
و شوف نحن لسة على بعد اسبوع من العصيان
يعني الكلاب حاسين بالرهبة و الخوف
و ما بعيد يكون فيهم ناس بالوا في سراويلهم ...
و من الان بعض الكيزان سفروا عائلاتهم للخارج
و طبعا حساباتهم كلها في الخارج
و الاكيد ان كبار التماسيح وضعوا بعض الطائرات على اهبة الاستعداد للاقلاع في اي لحظة
العصيان المرة دي نقطة تحول
وطن بدون كيزان
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عماد الدين الطيب عمر)
|
تعرف يا عبد العظيم كل الظروف مهيأة الان تماماً لنجاح العصيان بنسبة كبيرة هذه المرة و ما يساعد على ذلك ان الحكومة و مؤتمرها الوطني كبوا الجرسة رقدوا موية قبل العصيان بدوا يتجاروا جابوا الجنجويد استدعوا الشرطة الاحتياطية قاموا بتعبئة كل الاعضاء
سلامات عماد الطيب
هو كذلك الجماعه ماسكاهم أم هله هله .. وشغالين جرسه شديده
ودي إشارة واضحه لحجم الإرتباك والرجفه .. يعني جاهزين لأي هبه ممكن تركبهم
التونسيه في يوم واحد بس
تحياتي
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: محمد البشرى الخضر)
|
لاحظ الحتة بتاعة تحداهم للخروج للشارع ومواجهة عضوية حزبه!! دي الحاجة العايزين يصلوا ليها يا عبد العظيم باي طريقة ويعيدوا سيناريو سبتمبر و يخمدوا الحراك, لكن قعاد الناس في بيوتها دا فعلا محيرهم وما عارفين يتصرفوا حياله كيف!!
تعرف يا ودالبشري أول مره خلال ال27 عام الماضية النظام يكون بهذه الحاله من التوهان
ببساطة لأن تفكيرهم أمني وقمعي في مواجهة أي حركة أو فعل معارض خلال الفترات الماضيه
وعندهم رصيد مخزي من الإنتهاكات والقمع ...
لكن المره دي الموضوع جديد عليهم وشطب رأسهم عدييل كدا
الحلول الأمنيه والقمعيه ما بتنفع كله كله
شعب قفل باب بيته ورفض الخروج وممارسه الأنشطة الطبيعية
يعني تراجع الإيرادات وتراجع النشاط الإقتصادي يعني تراجع الجبايات
يعني سقوط قريب للسلطة لأنها بتكون بدأت للعالم أجمع بأنها فاقدة للشرعية والأهليه
والشعب يرفض حتي الخروج الي الشارع لممارسة الحياة الطبيعية ...
السيناريو المرعب للنظام هو إستمرار هذه المقاومة بالعصيان
وغيره من التكتيكات الأخري ... عشان كدا حتشوف كمية من الإرتباك
والتخبط في التعامل مع العصيان المدني " وهذا التخبط والإرتباك سيفتح نار جهنم داخليه
سيسقط النظام من الداخل ... عشان كدا العصيان المدني نجح قبل ما يبدأ
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
| Quote: يعني تراجع الإيرادات وتراجع النشاط الإقتصادي يعني تراجع الجبايات |
تعرف يا عبد العظيم بالنسبة لي لا اعوّل كثيرا على مسألة تراجع الإيرادات
لكن في رايي الخطورة التي ادركتها الحكومة هي اكتشاف قدرة الناس على التنظيم و الترتيب و الاستجابة لدعوة مجهولة المصدر بالنسبة لها
اعتصام يوم 27 مقارنة باعتصام يوم 6 و كيفية استجابة الناس أمر مخيف لنظام أمني زي الإنقاذ زيما قلت لقى نفسه فجأة في الظلام وما عارف الحاصل شنو كل الاحزاب و الشخصيات المخترقها و المراقب نلفوناتها ما عارفين حاجة و متفاجئين زيه
مبعث الخوف هو طالما الناس استجابت خلال ساعات لدعوة عصيان بهذا الشكل ما ذا سيحدث عند خروج دعوة اعتصام و احتلال للميادين بالآلاف !!
ماذا سيحدث عند توجيه النداء لصغار العساكر في الشرطة و الجيش و الأمن نفسه للإنضمام لجموع الشعب؟؟
ليهم حق يخافو الخوف الواحد دا و يحاولوا يجروا الناس للإصطدام معهم في المرحلة المبكرة دي
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: محمد البشرى الخضر)
|
تعرف يا عبد العظيم بالنسبة لي لا اعوّل كثيرا على مسألة تراجع الإيرادات لكن في رايي الخطورة التي ادركتها الحكومة هي اكتشاف قدرة الناس على التنظيم و الترتيب و الاستجابة لدعوة مجهولة المصدر بالنسبة لها
تعرف يا ودالبشري موضوع الإيرادات دا موضوع خطيــر جدا
المؤتمر الوطني حزب طفيلي عايش علي الجبايات وتحويلات المغتربين
عشان كدا الخطوة القادمة ستكون صعبه جدا عليهم ....
يا زوول موضوع العصيان دا حتي مفكرين المعارضه ما داخل في مخهم خلي ناس قريعتي راحت "ناس الحكومة"
الجيل الجديد عنده أدوات وطريقه تفكير مختلفه وأهدافه مختلفه .. عشان كدا أدواتهم متقدمة علي الطبقه السياسيه في السودان
بشقيها " حكومة علي معارضه" ودا الصعب الموضوع علي النظام
خليك قريب ومراقب الخطوة القادمة ستكون أكثر رعبا علي النظام مع إستمرار العصيان
ما عندهم حل غير الهروب وترك السلطة
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
البشير يهدد ويتوعد المتظاهرين بإستخدام القوة
ويذكرهم بما حدث لهم في الماضي " سبتمبر 2013
عندما قام النظام بقتل أكثر من 200 من الطلاب المتظاهرين سلميا
اذا كان أصلا مناضلي الكيبورد " كما يصفهم النظام" ما عنده حاجة زي ما بتقولوا ليه متورين نفسكم
وشغالين تصريحات وغرف عمليات وجقلبه وجرسه ...
يومكم قرب
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
صدقت يا عبد العظيم
وأكبر دليل على شعورهم بأن هذه المرة مختلفة تماما ..
صمت اللئيمين منهم ومشهورين في المواقف وعدم تصديهم للإعلام
أين نافع وعلي عثمان وأمين حسن عمر ..
الوحيد الصرح ربيع عبد العاطي
وحتى تصريحه فيه تراجع كبير بدون لآمة
قال سنعقلها ونتوكل .
معناها هم نفسهم ما عارفين الحكاية ماشة لوين وما هي نتائجها .
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: درديري كباشي)
|
صدقت يا عبد العظيم وأكبر دليل على شعورهم بأن هذه المرة مختلفة تماما .. صمت اللئيمين منهم ومشهورين في المواقف وعدم تصديهم للإعلام أين نافع وعلي عثمان وأمين حسن عمر .. الوحيد الصرح ربيع عبد العاطي وحتى تصريحه فيه تراجع كبير بدون لآمة قال سنعقلها ونتوكل . معناها هم نفسهم ما عارفين الحكاية ماشة لوين وما هي نتائجها .
سلامات يا درديري يا فنان
عشان تعرف قلة فهم البشير والخموم الماشين معاه وشغالين ينفخوا فيه
من عمر خاطر مرورا بطه الشيخ وأدم جماع ةأبراهيم محمود
زول واحد عاقل بينهم مافي يا كافي البلا ....
البشير يقول اذا رجال أطلعوا الشارع ولاقونا بالله في رئيس دوله في العالم يقول جنس الكلام لي شعبه
ودا بيفسر حجم الرجفه والجرسه والخوفه الداخلهم ....
العصيان المدني يعني مروق للشارع مافي .. يعني ‘تصام داخل البيوت ..
الكيزان ديل مخهم مركب غلط وقليلين فهم ....
بالجد المره دي الموضوع مختلف جدا ومافي زوول منهم فاهم حاجة
وماعارفين دي حركة ولا دي معارضه ولا دي شيطان رجيم
الشعب السوداني حيقفل بابه عليه ويقعد جوة البيوت وهم برا لا حيلقوا جبايات
ولا حيلقوا إيرادات بعدين نشوف حيصرفوا علي حربهم دي من وين
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: عبدالعظيم عثمان)
|
أقول ليك ليه ما معوّل على مسألة تراجع الإيرادات يا عبد العظيم
لأن الإيراد الحقيقي بجي من جهات كبيرة زي الجمارك مثلا, و الضرائب و رسوم الإنتاج وحاجات زي دي تفرض على المصانع و الشركات كبيرها وصغيرها
تخيل كل قارورة كريستال مثلا عليها قيمة مضافة ورسوم انتاج تحصر مباشرة لحظة خروجها من المصنع و يخصم الراجع نهاية اليوم ويعرف الرقم المحصل في خزينة الدولة قبل ان يورد مندوب المبيعات حصيلته اليومية
يلّا اضرب في كل شوال دقيق و كرتونة بسكويت في عشرات بل ومئات المصانع الشغالة و تنتج ولن تتوقف بالتأكيد مع العصيان.
سيبك من دا كله, المؤتمر الوطني مع طريقة تفكيره الأشبه بعصابات المافيا لن يتورع عن طباعة قروش ساي كدا دون غطاء فاقتصاد البلد آخر همهم.
لكن هذا لا يمنع ان تكون مقاطعة الشعب المالية فيها رسالة ورافد للعصيان و خطوة في طريق الاعتصام الكبير و المقاومة التي ينتظرها النظام ولا يدري متى أو كيف تحدث.
يا درديري الجماعة الذكرتهم ديل ناس نافع وعلي عثمان ومن شايعهم من المبعدين عن مركز السلطة اغلب الظن يكونوا شمتانين في ورطة البشير و بكري و طه
| |
|
|
|
|
|
|
|
|
|
Re: جرسة ورجفة الكيزان قبل 19 ديسمبر إنه السقو (Re: محمد البشرى الخضر)
|
في السابق كنا نقول بأن المعارضه السودانيه تطارد أفعال الحكومة برد الفعل
وكان هذا أحد تأخر ديناميكية الفعل المعارض خلال الفترات السابقه
الآن تغيرت قواعد اللعبة الشعب أصبح يصنع الأحداث والحكومة تلاحق هذه الأحداث
بردود أفعال مرتبكه , ولا تعرف كيف تسيطر علي خطابها الإعلامي . وبدأت تائهه وليس لها
بوصله واضحة وإنكشفت عواراتها أصبحت أمفكو في سوق الله واكبر
وبان عجزها وهوانها .. عندنا يزبد ويتوعد البشير رئيس المؤتمر الوطني وأمام العالم كله
يتوعد شعبه بالقتل ويهضرب في فضاء تنتقل فيه الأخبار في كسر من الثانية عبر الوسائط
المختلفه أعلم بأن النظام يتساقط ويهوي نحوي نهاياته غير مأسوف عليه
هذه المره الموضوع مختلف
| |
|
|
|
|
|
|
| |
عبدالعظيم عثمان
abubakr salih
محمد البشرى الخضر
مني عمسيب
جلالدونا
Nasr
Hamid Elsawi
فيس بوك
تويتر
انستقرام
يوتيوب
بنتيريست