|
Re: تهذب في الجلوس يا رئيس نادي الهلال أشرف ال (Re: على محمد الخير)
|
ياعرفات ياخ بيض النية وانظر للجانب المليان من الكرسي اقصد الكاس تالت شئ الراجل كرعينوا طوال حايوديهن وين يعني وتاني شئ احتمال عنده مشكلة في الركبة اليمين ، وهو ما أول رئيس نادي ركبه تعبانه.. وبعدين السيدة دي ما ظنيتها السيدة الأولي كدي دقق في الصورة الواقفين فيها ، احتمال تكون التانية أو بتها أو قريبتها وأول شئ ماتدخلنا في داهية والسلام عليكم ياخ
| |
|
|
|
|
|
|
Re: تهذب في الجلوس يا رئيس نادي الهلال أشرف ال (Re: أبوبكر عباس)
|
إذا عرفت من هو أشرف الكاردينال لن تستغرب في أي وضع جلس بعدين ياهو قعاد المسؤولين الحكوميين في عهد الإنقاذ ودونكم جلسات الاستقبال المصورة في نشرات الأخبار إنتو قايلين الإتيكيت دا بتجيبو القروش عبارة "من أين أتى هؤلاء" خرج معناها عن المقصد المحدود لقائلها إلى آفاق بلا حدود تشمل كل فعل قبيح يأتي به هؤلاء
وبالعودة إلى أشرف الكاردينال الغلط على هذا الفريق العريق الذي انحطت إدارته إلى درجة أن يكون الكاردينال خلفا لسلف من أمثال الطيب عبد الله وطه علي البشير وأحمد عبد الرحمن الشيخ ...
| |
|
|
|
|
|
|
Re: تهذب في الجلوس يا رئيس نادي الهلال أشرف ال (Re: عرفات حسين)
|
حقيقة دي مشكلة يعاني منها الكثير من أفراد الشعب السوداني ، سواء كانو سياسيين أو حتى من عامة الشعب ودونك الناس المستضافين في القنوات التلفزيونية لو تلاحظوا لجلساتهم في الإستوديو والله فضائح ما بعدها فضائح الواحد تلقاه قاعد متشتح وكل " حاجاتو " ظاهرة ويا كافي البلا لا المقدم ينبه الضيف ولا المخرج ولا المصور . ياخي بعض الضيوف تلقاه قاعد وزراير جلابيتو مفتوحة والعمة كيف عاملة وبهدلة في بهدلة . فإذا كان نحن في إعلامنا وقنواتنا بنظهر بالطريقة دي فما بالك في الوضع العادي ؟؟؟؟؟؟
| |
|
|
|
|
|
|
Re: تهذب في الجلوس يا رئيس نادي الهلال أشرف ال (Re: Othman Al-Hasan Babikir)
|
التلفزيون القومي اورد في اخبار العاشرة خبر الكاردينال مدعما بنفس هذه الصورة هناك مشاكل في المراسم والبرتوكولات والاوتوكيت يوجد مذيع كان في قناة امدرمان وانتقل للنيل الازرق بيقعد قريب من الطريقة هذه غير القناة ولكن لم تتغير طريقة جلوسه .لكن اهم ما في موضوع الكاردينال تبرعه ببناء الطابق الارضي لمستشفى سرطان الثدي وعنق الرحم ياليت لو يتقدم عشرة من رجال الاعمال ويتبرعوا ببناء مستشفيات ومدارس ودور ايواء واذا تبرعوا فاليتشتحوا كما يريدون
هجمة مرتدة فاليتشتحوا دي ماعارف كتبتها صاح وللا لا والله بعد كتبتها الا قمت شربت موية
| |
|
|
|
|
|
|
|