|
|
|
 Re: تضامنوا مع الجالية السودانية في قطر .... (Re: وضاحة)
|
الموضوع ما واضح بالنسبة لي كقارئ,
فمبتدر الخطاب الأخ صلاح بندر ركز على
عرض معلوم بسيط حول {حرمان} أبناء
السودان في قطر من أداء شعيرة الإلتقاء
الاجتماعي في مناسبة دارجة ومستمرة
ل27 سنة. ليدعو في عجز خطابه الناس
للإحتجاج المقرون بالتوسل لجهات المعنية
من حكام قطر.
ثم نتفة مما كتب معتز القريش, في أمر لا نعلم
تماما صلته بما حدث وبتداعياته وعلاقته بمتخذ
السلطات القطرية بالتدخل في أمر إلتقاء سوداني.
ثم إستلال وضاحة {الثورية} لما توفر في طرفها,
لتحيل الأمر لحرب شاملة على النظام وأعوانه.
وبالتالي {تسييس} شأن ربما له علاقة بمحاور
أخرى, مثل طريقتنا في الشجار حين نختلف, ومثل
أن نتجاوز في غمار الإنفعال حدود اللياقة, ومثل
أن نتاافع قبالة حدث المواجهة ونحن مدججين بأكثر
من حمولة ذلكم الحدث الواحد, وأقصد هنا تصفية
{الغبائن} المتراكمة... وكل هذه الأمور لا تتحدر
من جذر واحد وليس بالضرورة أن يكون وراءها
تنظيم واحد, فاالشاهد أن الحمقى كُثر هنا وهناك. وأن
{الأدب} لم يعد وقفا على هذا لكونه ثوري أو ذاك لكونه
متدين ... فالحكاية جاطت وإختلط حابلها بنابلها. مع ذلك
فلا أرى معنى لإنفعال ربما لا يرقى موضوعه, حتى لأن
يطرح هكذا على نطاق حوار عام ... يقرأه ويوثقه كل
العالم
فلندلف بهذا الموضوع وسريعا لأروقة السودانيين بقطر,
ونخليهم يسبروا غور خاصتهم ويعالجوها منهم ... وإليهم
وفي أيام العيد وحضه المنيف على السماحة والتسامح, فلنهدي
أهلنا في السودان بِشرا ... وليس شكلة ... حتى لا نصغر في
نظرهم, بل وحتى نكون في مستوى عشمهم وتطلعاتهم نحونا
... لو ندري
أذهلني في هذا البوست عدد القراء مقرونا بعدد الكتاب وبزمن
بداية البث ... اللهم أجعله خير
تحياتي لصاحب البوست أخي وأستاذي د.صلاح بندر ولقرائه
الكرام ... وكل سنة وإنتو طيبين
| |
  
|
|
|
|
|
|
|
 Re: تضامنوا مع الجالية السودانية في قطر .... (Re: علي محمد الفكي)
|
التحايا والامنيات الطيبة لكل الأحباب...
....
وكل عام والجميع بخير...
.... وتحية للحبيب حيدر قاسم ...
الإهتمام بالنداء للتضامن مع الجالية السودانية دليل على ان الموضوع حساس وفي مركز الإهتمام بقراء المنبر ....
نتضامن مع أهل السودان في قطر لنبعد محاولات الاستقواء بالأجهزة القطرية وجعلها طرفاً في تنظيم شؤون أفراحهم وأتراحهم...
....
ولعل المحاولة التي أطلقتها في منبرنا (صوت من لا صوت له) تسترشد بأن أخواننا وأخواتنا هنالك ظروفهم لا تسمح لهم بالاتصال المباشر بالسلطات القطرية ومناشدتها الابتعاد عن توظيفها لصالح جهة أو مجموعة...
تربطني علاقات شخصية بعدد من القطريين (ومنهم شخصيات نافذة)، وأعلم مقدار حبهم لأهل السودان واحترامهم لإرادتهم وتنوعهم ...
....
معلوماتي ان رئيس الديوان القطري أستلم وإلى صباح اليوم 360 رسالة اليكترونية .....
وهو مهتم بالموضوع وباشر التواصل مع الجهات المسؤولة ...
....
مصلحتنا في حماية أهل السودان ... حقوق واستحقاقات.... ولكن نؤكد اننا ليس طرفاً في صراعاتهم ...
____
خليك حريص ...
خليك سوداني
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: محمد البشرى الخضر)
|
طيب انت وقت داير تقول اسمو ما تقولو ساي
عايز اسألو بصفتي زول رافض تصرفاتو العملها و الكتبا معتز القريش
و عايز اسألو من حاجات تانية لمن يجي هنا و يقول انا ياهو بتعرفا.
انت قايل الحاجة الشينة دي الا الواحد يعملها في المنبر عشان نسأله ما قبل
كدا في سوابق هنا دا لحاجات حصلت برا و نوقشت في هذا المنبر.
لسه المنبر ذاكرتو كويسة
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: امجد الجميعابى)
|
أبدا ما مسالة عايز اقول اسمو, لكن بصفة عامة احب الوضوح و اكره الغمز و اللمز
أما صفتك العايز تسأله بيها عن ما كتبه معتز و جلبته وضاحة اعتقد الأجدى تسأل من كتب ومن جلب, هو لم يفعل ما (يُقال) انه فعله في المنبر
أمّا سوابق نقل (القوالات) للمنبر فدي انا اتفق معك فيها نعم عرفنا هنا نقل (قوالات) و افتراءات و مطاعنات و تتبع عورات وهتك ما ستره الله لكن كنت اظن ان هذا ليس بالسلوك المحترم الذي يُستشهد و يُتأسّى به!
وأحب أن أضيف تذكير بالمثل القائل أن الدواس بلا غبينة ما ببقى فما بالك بالدواس بغبينة آخرين
وكذلك ما ورد في الحديث - فيما معناه : (يا معشر من آمن بلسانه، ولم يدخل الإيمان قلبه لا تغتابوا المسلمين، ولا تتبعوا عوراتهم، فإنه من يتّبع عوراتهم يتّبع الله عورته، ومن يتّبع الله عورته يفضحه في بيته).
هدانا الله و اياكم لفعل الصواب و البعد عن ما لا يرضيه.
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: امجد الجميعابى)
|
روق يا شاب لاداع للانفعال
دا مش كلامك ؟Quote: يجب الكشف عن اسم هذا البوردابي لنسأله عن
الفتونة و البسطونة و الالفاظ النابية كما ورد في احدى المداخلات |
و(يجب) دي مش مبنية على حاجة قريتها في البورد بعينك ولاّ قوالة عن آخرين لما حدث خارج البورد؟ و انت قلت عايز تسأله - اعني البوردابي
ثم منطق ان فلان يمارس سلوك كتبرير داعدم نضج واضح, العينة الجبتها دي خارج سياقها القيلت فيه و الذي يستحقه تماما من قيلت له ليست مبررا لك لتستمتع بتتيع عورات الناس تطالب بهتك م ستره الله و تباري القوالات و غبائن الآخرين
الدعاء بالهداية بالطبع انا اولى به منك ومن الدنيا كلها لذا قدّمت نفسي عليك فيه و انت كل ما تلقى وقت بين مباراة قوالة و التانية اسألك لي الدعاء و جزاك الله خير
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: صلاح جادات)
|
Quote: و(يجب) دي مش مبنية على حاجة قريتها في البورد بعينك ولاّ قوالة عن آخرين لما حدث خارج البورد؟ و انت قلت عايز تسأله - اعني البوردابي
ثم منطق ان فلان يمارس سلوك كتبرير داعدم نضج واضح, العينة الجبتها دي خارج سياقها القيلت فيه و الذي يستحقه تماما من قيلت له ليست مبررا لك لتستمتع بتتيع عورات الناس تطالب بهتك م ستره الله و تباري القوالات و غبائن الآخرين |
ايوااااا مبنية على حاجة انا قريتها و لمزيد من الاستيثاق طالبت بالكشف عن اسم المعني (و انت ما قصرت طوالي جيت جاري قلتو) و عايز بعد داك
تركب ليك قناع بتاع انك ناصح و امين متزييا زي الوقار و انت عنه بعيد و لكن لشئ لا اعلمه الله يعلمه
الواحد لمان يقعد يشرح كتير المسألة دي متعبة جدا
انا لا ابحث عن فلان قال و ليست مهمتي و انما اشرت لذلك على سبيل القياس مع العلم انك صمت اوانئذ و لم تأت متدثرا بزي الملائكة
و الذي لا تعلمه انه ليس كذلك لانه يشف عما تحته.
العينة التي جلبتها هي ركن ركين من الموضوع لتبين للناس مستوى لغتك في الحوار و طريقة تفكيرك و التي ما زلت مكابرا و مصرا عليه بدليل قولك
(و الذي يستحقه تماما من قيلت له)
عورات شنو التي اتتبعها و انت تسب الحرائر و امهات الرجال في بيوتهن دون ان يرمش لك طرف و بالنسبة للقوالات كدي نضف اضانك و شق المنبر
و ان كنت تعلم للغير غبائن لا اعلمها انا فهذا شأنك و سواطاتك و نسنستك التي تقودك لقراءة دواخل و ضمائر الآخرين
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: محمد البشرى الخضر)
|
ود البشرى
إن بعض الظن إثم
انا نقلت ما رأيت انه السبب في تصرف السفارة
لتوضيح الصورة لبورداب سودانيز وقرائها ولصاحب البوست
وذلك بصفتي واحده من جالية قطر التي يهمها الامر
وحتى يعرف الجميع ممارسات الكيزان في الدوحة
التي اكتوينا منها كثيراً في الدوحة
والتي تهدم كل ما بناه المغترب السوداني من سمعه جميلة في المهاجر
وعادل الانت بتتكلم عنو اوضع من اني اختو في راسي او اهتم لي امرو
وهو انكشف واحترق قدام كل الناس وبقى اضحوكة لما اعترف انو طاردني
ودار في الدوحة يسأل ويتبع في خصوصياتي وينقل الكلام
وشخص زي دا اصغر واحقر من تشغل بيهو وضاحة تفكيره
تحياتى
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: وضاحة)
|
Quote: طبعا ح تشوفها كويسة
وكويس مادام ما زعلت يبقى ما في داع اسحب الكلام القبيل |
و الله كويس تفلق و تداوي
انت وقت سحبت كلامك انا ما طلبت منك تسحبو
و وقت رجعت كلامك برضو انا ما طلبت منك ترجعو
يعني تسحب و ترجع انا الموضوع دا ما هاميني كتير بس
لمان تكتب كلام موجه لي انا الطبيعي جدا اني ارد عليه ما لم
يكن وحي يوحى.
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: ABUHUSSEIN)
|
الحبيب علي
كيفك يا مك
السفير حاول يلحق نفسو بحل لجنة المركز الثقافي او واجهة المؤتمر الوطني في قطر
لكن تداعيات المشكله وصلت الخارجية
وتم نقل السفير ياسر خضر والقنصل الصادق الفاضل من الدوحة
وجابو فتح الرحمن علي سفير بدل منو
وكان مدخلو للناس استقبال لجنة الجالية السودانية المنتخبة
والهمشه السفير السابق لانها ما موالية للنظام
ونتمى انو محاولتو التواصل مع لجنة الجالية حقيقية
وانو يكون خير خلف لي اسواء سلف الاتميزت فترتو بالمحسوبية
وكانت الاسواء في الدوحة
تحياتى
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: وضاحة)
|
Quote: الحبيب علي
كيفك يا مك
السفير حاول يلحق نفسو بحل لجنة المركز الثقافي او واجهة المؤتمر الوطني في قطر
لكن تداعيات المشكله وصلت الخارجية
وتم نقل السفير ياسر خضر والقنصل الصادق الفاضل من الدوحة
وجابو فتح الرحمن علي سفير بدل منو
وكان مدخلو للناس استقبال لجنة الجالية السودانية المنتخبة
والهمشه السفير السابق لانها ما موالية للنظام
ونتمى انو محاولتو التواصل مع لجنة الجالية حقيقية
وانو يكون خير خلف لي اسواء سلف الاتميزت فترتو بالمحسوبية
وكانت الاسواء في الدوحة
تحياتى |
شكرا وضاحة على الوضوح و التوضيح
| |
|
|
|
|
|
|
|
|
|
Re: تضامنوا مع الجالية السودانية في قطر .... (Re: امجد الجميعابى)
|
البنت الخير وضاحة
لك التحايا الزاكيات يا ملكة
اغرب حاجه .. !!!
ما عرفتها كل الاعراف الدوبلماسية في العالم
ان يكون سفير وسفارة تسعى لمضايقة مواطنيها
وهي من المفترض ان تكون الملاذ الامن لهم
ولكنها سفارات الانقاذ تعبر عن وجه النظام القبيح
وتنفذ سياسته ضد المواطن السوداني اينما حل
سفارات على راسها اهل الولاء فاقدي الموهبة والتأهيل نتوقع منها كل سيئ
| |
|
|
|
|
|
|
| |
Dr Salah Al Bander
)
الفاتح علي التوم
علي دفع الله
Saifaldin Fadlala
وضاحة
HAYDER GASIM
صديق الموج
علي محمد الفكي
امجد الجميعابى
محمد البشرى الخضر
أبوبكر عباس
صلاح جادات
ABUHUSSEIN
فيس بوك
تويتر
انستقرام
يوتيوب
بنتيريست