|
|
|
 Re: انحنا عرب و لا عبيد ... و لا احكي ليكم حكاية (Re: حمد عبد الغفار عمر)
|
Quote: كيفك يا يحيى
قد لا نكون عربا ولكن بأي حال من الأحول لسنا عبيدا
مرفوض رفض قاطع وصف أي سوداني بالعبودية
فهي تسع أنماط عديدة |
حمد يا حبيب ...
المشكلة ما كل زول فهمو لي مسألة عبيد دي انها جاية من عبودية او سخرة ...
جزء لا يستهان به من الشعب السوداني كل زول مستعبد زول بس عشان لونه و قبيلته ...
و قد لا نكون عربا دي ... ناس كتار عندهم راي في كلامكده ...
| |
  
|
|
|
|
|
|
|
 Re: انحنا عرب و لا عبيد ... و لا احكي ليكم حكاية (Re: حسن حماد محمد)
|
يحي مشتاقيين
غايتوا انت مع بياض الثلج الشايلوا دا انت زينا كده
مايل للعروبة اكثر مع خلطة بتاعت خواجات
جدو قال لى نحن اشراف جدنا العباس وعندنا نسب مع ال ثانى الهم سعوديين
غايتوا احتياطى كده قفل على كده وانس قصة عب دى
بتزكرنى جدى كان عنصري شديد و اى واحد لونوا اسمر يقول لي لما يزهج منو
يا عب التقد نعالك
شفت فهمنا احنا السودانيين شنو للعبوديه انها لون مع
انو ما شرط فالرق ما كان بفرق بين الاجناس
والفهم المتأصل في المجتمع السوداني للعبوديه انها لون وانها مضاد العروبه
هي سبب كل مشاكلنا
انا فهمي للعبوديه انها طبع وسلوك واخلاق
وربنا يستر من الهبتى الحا يجيني
| |
|
|
|
|
|
|
|
|
|
Re: انحنا عرب و لا عبيد ... و لا احكي ليكم حكاية (Re: وضاحة)
|
Quote: يحي مشتاقيين
غايتوا انت مع بياض الثلج الشايلوا دا انت زينا كده
مايل للعروبة اكثر مع خلطة بتاعت خواجات
جدو قال لى نحن اشراف جدنا العباس وعندنا نسب مع ال ثانى الهم سعوديين
غايتوا احتياطى كده قفل على كده وانس قصة عب دى
بتزكرنى جدى كان عنصري شديد و اى واحد لونوا اسمر يقول لي لما يزهج منو
يا عب التقد نعالك
شفت فهمنا احنا السودانيين شنو للعبوديه انها لون مع
انو ما شرط فالرق ما كان بفرق بين الاجناس
والفهم المتأصل في المجتمع السوداني للعبوديه انها لون وانها مضاد العروبه
هي سبب كل مشاكلنا
انا فهمي للعبوديه انها طبع وسلوك واخلاق
وربنا يستر من الهبتى الحا يجيني |
يا وضاحة بلا عباس بلا آل ثاني ... ( آل ثاني آل هههه )
دمنا فيهو دم زنوجة ... بخاطرنا و لا غصبا عننا ...
اما فهمك للعبودية فكلام صحيح ...
لكن الناس فهمها شنو ؟ ياهو فهم ناس جدك الله يرحمهم جميعاً ... لون و قبيلة و منو احسن من منو ...
| |
|
|
|
|
|
|
|
|
|
Re: انحنا عرب و لا عبيد ... و لا احكي ليكم حكاية (Re: يحي قباني)
|
نحن خليط افريقي عربي كاي خليط يجمع الاجناس ببعضها وفينا من متمسك باصلة الافريقي
العرب نوعان : -
النوع الأول :عرب عاربة (قحطانية) وهم العرب الاصل في العروبة وهم قبائل سكنت اليمن كسبأ وجرهم ولا يوجد اليوم منهم وهم من يتحثون العربية الفصحي
النوع الثاني : عرب مستعربه (عدنانية) وهم نتاج تداخل ما بين العرب وبقية الاجناس ومنهم قبائل العرب المستعربه ككنانة وقريش وعبس وزبيان وتميم ؛ فتداخل العرب العاربة مع الاجناس نتج عنه العرب المستعربة فقبيلة جرهم ساكت في مكة مع سيدنا ابراهيم عليه السلام وابنه نبي الله اسماعيل عليه السلام (وهما عبرانيين) فتزوج منهم سيدنا اسماعيل عليه السلام واخذ منهم اللغة العربية وشب فصيحا واتى بالعرب العدانية المستعربه كقريش
لا اصل اليوم لعرب عاربه وما يوجد اليوم من عرب كلهم عرب مستعربه نتاج خليط الدم العربي المستعرب مع بقية الاجناس او العرب العاربه مع بقية الاجناس ؛ ونحن كواحد من الاجناس الافريقية اختلط مع الدم العربي للعرب العاربه ومنا من يحافظ على اصله الافريقي دون اختلاط
| |
|
|
|
|
|
|
|
|
|
Re: انحنا عرب و لا عبيد ... و لا احكي ليكم حكاية (Re: البرنس ود عطبرة)
|
السودانيين طوال تاريخهم السحيق ماكان عندهم مشكلة "هوية"
عادي كانوا وثنيين وبرضو ماكان عندهم مشكلة هوية
وجاتهم المسيحية وتنصروا ولكنهم برضو ماقالوا نحنا اقباط او حبش ماكان عندهم مشكلة في "الهوية"
مشاكل "الهوية" ظهرت في السودان مع دخول وانتشار الاسلام
لان الاسلام استراتيجيته الاساسية هو بدخل للشعوب عبوتين داخل عبوة واحدة
Two packages in one
"عروبة واسلام"
ودا سبب الاذى
| |
|
|
|
|
|
|
|
|
|
Re: انحنا عرب و لا عبيد ... و لا احكي ليكم حكاية (Re: البرنس ود عطبرة)
|
شهر ابريل ... بعد كراكاتير عمر دفع الله ( الذي يريد ان يسلبنا هويتنا العربية هههه ) على قولة مهدي إبراهيم زمان ...
___________________________________________________________________________
مهدي إبراهيم دا قصتو غريبة خلاص مع عروبيته دي!
بعد أحداث 76 و هروبه, كان الإعلان عنو في الإذاعة.
مهدي إبراهيم، زنجي الملامح! يتحدث اللغة العربية بطلاقة!
تاني:
شكرا يا قباني يا فنان حتى من الفسيخ عملتا لينا شربات بالبوست دا!
حسن حماد، إزيك و أخبارك و الحولك! بحكايتك دي ذكرتني النكتة البتقول السعودي سأل السوداني أيش إسمك؟ السوداني قال لو عبيد! السعودي قال لو أي أعرف إنك عبيد بس إيش إسمك!
| |
|
|
|
|
|
|
| |
يحي قباني
محمد البشرى الخضر
عبدالحفيظ ابوسن
حمد عبد الغفار عمر
حسن حماد محمد
وضاحة
Hassan Farah
Asim Ali
Hatim Alhwary
البرنس ود عطبرة
Omer Abdalla Omer
اسماعيل عبد الله محمد
Gaafar Ismail
ABDALLAH ABDALLAH
فيس بوك
تويتر
انستقرام
يوتيوب
بنتيريست