|
|
|
 Re: الهجرة الى الله !!!! (Re: sadig mirghani)
|
يا اخوى ربنا سبحانه و تعالى
بيسوقك غصب من اضانك دى
و كل راس مالك كفن و قبر
وقبليها عمل
هجرة شنو دى البى 500 مليون دى
بالتاكيد ده العسكرى منتصر و اظنّو كان سافّى
بعدين هو ما سطر .. هو شريط
| |
 
|
|
|
|
|
|
|
|
Re: الهجرة الى الله !!!! (Re: جلالدونا)
|
قبل شهر او اكتر جايي من الابيض ولمن وصلنا اظن قريب من ام روابة شفت عدد كبير من البصات والحافلات وقدامهم عربية نجدة . وقفنا لعبور الموكب....
كل بص فيه يافطة مكتوب فيها (ولاية النيل الابيض.برنامج الهجرة الى الله)
في كلام تاني ما متذكرو في اليافطة ام زيق الدمورية اوكما قال حميد ..
بصراحة العدد الشفتو من الناس دا عدد كبير ومحتاج ميزانية كبيرة يعني الموضوع دا شكلو مهم عشان كدة حكومة النيل الابيض صرفت عليه ..
عندي بعض الاستفسارات اتمنى اجد ليها اجابة .
الهجرة من النيل الابيض الى كردفان (العنوان العريض الهجرة الى الله) السؤال الله دا في النيل الابيض مافي؟
الاستفسار التاني القافلة دي بعد ما تستقر بسووا شنو ؟؟بقعدوا يفتشوا زي هواة البوكمون ولا القصة كيف!!!
الشيء المحيرني في الكلام دا كلو لسع في بشر مقتنعين بي خزعبلات الجبهة الاسلامية دي!!!!
غايتو الدخلت في الناس دي ما اظن تمرق بالساهلة .
الفساد الديكتاورية القمع كلو مقدور عليه لكن زي الناس البتهاجر لي الله ديل هم القنابل الموقوتة ...
| |
|
|
|
|
|
|
|
|
|
Re: الهجرة الى الله !!!! (Re: علي دفع الله)
|
(-) شفاتة وعطالة الاخوان المسلمين تلاميذ حسن البنا المصري والترابي السوداني تتوقع منهم اي شيء في سبيل التمكين
(-) هذه برامج غسيل مخ يتنقلوا من مكان لاخر مستهدفين الطلاب واقامة معسكرات لهم لتغذيتهم بفكر الاخوان المسلمين في معسكرات مغلقة
(-) لتاهيل الكار وصياغتة حسب الحوجة من مظارهرات وجمع حشود ومسيرات بتغطية دينية كاملة وان المعسكر ديني
(-) اخير منهم ناس سيدي ابوتلتلة معسراتهم شغالة السنة كلها في التكية وعصيدة مرة ومهيوبة
(-) معسكرات سيدي ابوتلتلة غير مكلفة كمعسكرات الاخوان المسلمين الحلويين
(-) لك الله يا اسلام فهو لك وانت الاهل بحمايته من فساد العقائد وانحرافها
| |
|
|
|
|
|
|
|
|
 Re: الهجرة الى الله !!!! (Re: علي دفع الله)
|
الهجره الى الله ؟؟!!!
نسو مسئوليتهم تجاه الرعيه وتركوهم فريسه للوباء.
النيل الابيض الان فى موسم الهجره الى الاخره عبر بوابه الوباء..... .
ومن قبل استقبال الدوره المدرسيه والاحتفاءبندى القلعه !!!!!
ليس هناك حرص على حال المواطنين خاصه ان الولايه اصبحت ولايه حدوديه وتستقبل الاخوه من الجنوب بعد محنتهم ......
يفترض ان تكون الرعايه الصحيه اولى الاوليات فى هذه الظروف .....
لكن حرصهم اكثر على برامج تغييب وشغل العقول باسم الدين .
| |
|
|
|
|
|
|
|
|
|
Re: الهجرة الى الله !!!! (Re: Arif Nashed)
|
عاين دا هاجر في رمضان
.....................................................................................................
أدانت محكمة جنايات النظام العام بالقسم الشرقي بالخرطوم أمس، المتهم محمد طاهر محمد حسين الشهير بـ(البلدوز)، القيادي البارز بالمؤتمر الوطني بالبحر الأحمر، ونائب الوالي السابق ومعه أربع فتيات. وقضت المحكمة جلد المتهم(40) جلدة حدًا لمخالفته أصل المادة (151) من القانون الجنائي المتعلقة بالأفعال الفاحشة.كما حكمت عليه بالغرامة(10) آلاف جنيه سوداني أو السجن لمدة ستة أشهر في حالة عدم دفع الغرامة لمخالفته المادة(88) من القانون الجنائي المتعلقة بالرشوة، كما أدانته المحكمة بالغرامة(10) آلاف جنيه أخرى أو السجن لمدة ستة أشهر لمخالفته المادة(104) من القانون الجنائي المتعلقة بالإدلاء ببيانات كاذبة. وتعود تفاصيل البلاغ بالرقم(367-2012م)، إلى أن المتهم المذكور تم القبض عليه سابقاً بإحدى الشقق بالخرطوم ضاحية المعمورة ومعه أربع فتيات بواسطة تيم النظام العام. وتم فتح بلاغ لهم بشرطة النظام العام. حيث أدلى وقتها المتهم أن اسمه الصحيح محمد طاهر على محمد ليضلل العدالة بالاسم الخطأ، حيث لم يتم العثور عليه عند إحالة البلاغ للمحكمة. واستمرت المحاكمة لخمس جلسات في غياب المتهم، وكان المتهم يتغيب ما أجبر المحكمة التي يترأسها مولانا إبراهيم محمد خالد، على فصل بلاغ محاكمة محمد طاهر محمد حسين وتمت محاكمة الفتيات بالجلد آنذاك، وتم تغريم الضامن الأمين الطاهر الأمين مبلغ ألف جنيه لإخلاله بعدم إحضار المتهم للمحكمة، ومن ثم سارت المحكمة في الإجراءات بواسطة الشاكي، حيث تم إصدار أمر قبض على المتهم محمد طاهر محمد حسين وإحضاره من مدينة بورتسودان. وتمت محاكمته وفق ما جاء بقرار المحكمة.
| |
|
|
|
|
|
|
|
|
|
Re: الهجرة الى الله !!!! (Re: امجد الجميعابى)
|
المشكلة يا علي الناس عارفا مافي هجرة جغرافية إلى الله لا بباصات ولا طيارات ..
وعارفين الشغلانة مأكلة بس مين يقنع الديك ؟
الشعار نفسو مخالف للشرع لإنو فيه ايحاء تجسيمي للرب تعالى الله عن ذلك.
| |
|
|
|
|
|
|
|
|
|
Re: الهجرة الى الله !!!! (Re: Haytham Ghaly)
|
منتج اخر من منتجات فقه الضرورة الاستهبالي
انظروا اين هي الحركة الاسلامية كحزب تعرفون ضرورة هجرتهم المزعومة الى الله
يزعم هؤلاء انهم يهاجرون الى الله فى كردفان بتكلفة 500 مليون جنيه او خمسة مليار
هذا المبلغ بالقديم بيحفر 25 بير تسقي العطشى فى نفس الاقليم و بالجديد 250 بير
كيف اذن هذه الهجرة الى الله ..ناس ميسورين ملمومين فى باصات و جقلبة و اكل و موائد لكي يدعو ناس هم اصلا مسلمين....؟ استهبال فى استهبال
| |
|
|
|
|
|
|
|
|
Re: الهجرة الى الله !!!! (Re: هشام المجمر)
|
في كتابهم "اﻟﻬﻮس الدﻳﻨﻲ يهدد أمن ووحدة الشعوب ويعوق بعث الإسلام:
يقول الجمهوريون
(إنّ الأخوان المسلمين لم يعطّل الهوس الديني ملكاتهم الفطرية وحسب،
بل أفقدهم قيم الرجولة، والمروءة التي لا تعوز الرجل العادي البسيط ..)
| |
|
|
|
|
|
|
|
|
|
Re: الهجرة الى الله !!!! (Re: عبدالله عثمان)
|
احبابي الحلوين
-------------------
امجد الجميعابي
صادق ميرغني
جلاودونا
نصر الدين عثمان
عبد الحفيظ ابو سن
البرنس ود عطبرة
عاصم علي
عارف ناشد
محمد طه الملك
هشام المجمر
عبد الله عثمان
شاكر تواجدكم واتمنى القاكم مهاجرين بي افكاركم وايمانكم الى الوطن وعدا وقمحا ونضالا وتمنى .
ود الباوقة انت بتهرف وصلت الخمسين الف مداخلة كلها تطبيل وحرقان بخور لسيدك التعيس وجرابيعو ما قلنا ليك احزف هراك دا ..
الهجرة الى الله بمفهومها الكيزاني دا شكل من اشكال الخم والمأكلة والله بتاعكم البتهاجرو ليه دا بخيت وسعيد عليكم .
ويجي واحد يسأل لي شنو الإلحاد كتر !!!!!!
---------
حا احكي ليكم عن قصة واقعية دارت احداثها في معسكر تحفيظ سورة الانفال ونحن كنا طلبة في الجامعة ..حكتها واحدة طالبة مخمومة بي جنس عوارات تجار الدين ..
بجيكم
| |
|
|
|
|
|
|
|
|
|
Re: الهجرة الى الله !!!! (Re: علي دفع الله)
|
سلام الصديق الحميم ود دفع الله .. وضيوفك الافاضل ..
غايتو نحمد الله الذي جعل هجرتنا الي بلد الكفر والشرك
الذين هم الصالحون وباذنه نرث الارض معهم .
وشوشة :
والله اكان جوا هنا الا يطلبوا العكس ! ايوا احسن
ما تفهموا كلامي دا هههههههههه .
| |
|
|
|
|
|
|
| |
علي دفع الله
امجد الجميعابى
جلالدونا
نصر الدين عثمان
عبدالحفيظ ابوسن
البرنس ود عطبرة
Asim Ali
Arif Nashed
محمد على طه الملك
هشام المجمر
عبدالله عثمان
Osama Mohammed
مني عمسيب
فيس بوك
تويتر
انستقرام
يوتيوب
بنتيريست