|
|
|
 Re: الناس الكتبوا لصلاح شكوكو في الماسنجر (Re: حيدر حسن ميرغني)
|
كيفك يا حيدرنا
حاشاك السوء ياخي
الماسنجر أداة جيدة فعلا لايضاح كتير من الأشياء مرات ما بكون محبب ذكرها في المنبر
اخبار شخصية، اعتذار، تعارف ، حبكان مثلا
ليس فيه ما يعيب إلا إذا استخدم بشكل سلبي مثله مثل التلفون الايميل الخ
تذكر ضربة الهكر والفضائح الطلعت ولو لا توسلات الأعضاء لكانت فاجعة
وبعدين المنبر دا للآن مافي زول تعرض فيهو لعقوبة قضائية بسبب كلام شين المغيوظ من زول وعايز يشتمو يدخل البوست عينك عينك ويقول كلامو
| |
 
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: طلحة عبدالله)
|
هلا عبد الحفيظ
حسب اعتقادي بكري قد ما يكون عندو الزمن ولا الرغبة لمتابعة الماسنجر دي مسألة أخلاقية ما أظن بكري عندو النزعة لانتهاكها وفوق حتى مستوى التشكيك
لكن مسألة إنو يكون عارف كلمات السر دي لو قصد بعرفها لأنو هو البرسلها وكتير من الأعضاء ما بغيروا كلمة السر لأنو أصلا ما عندهم حتات خوف من جانب الإدارة
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: عبدالحفيظ ابوسن)
|
ههههههههههههههه يا عبد الحفيظ ما تخليك حساس
بكري ايام الهكر ديك الكلام السمعو صلاح قوش ما سمعو
انا لو مسكوني الأدمن بغرق في الماسنجر غايتو
يمين ماسنجر المنبر دا الكلام الفيهو ما تلقاء في أتخن قروب واتسب
في ناس بكونوا اخدوا العضوية عشان الماسنجر دا مخصوص ما تقول التلفونات زمان كانت غالية.
| |
|
|
|
|
|
|
|
|
 Re: الناس الكتبوا لصلاح شكوكو في الماسنجر (Re: طلحة عبدالله)
|
ودي كمان ههههههههه
Quote: ate: 12-07-2016, 07:55 AM From: ود الباوقة To: طلحة عبدالله Subject: Re: ؟؟؟؟؟؟؟ رسل تلفونك وبطل مياعة اسافير عشان تشوف رجالتي
|
وغير الاتنين تلاتة أربعة كلهم تهديد ومياعة ..
أنا بس المستغرب ليهو ح يوريني رجالتو كيف
في التلفون ..؟؟
ما هو في النهاية مجرد كلام زيو وزي
الكتابة .. طيب ما يوريني ليها هنا بالكتابة ؟
والله بالفعل من يوم ما رسل لي الرسائل دي
رميت طوبتو ...
معقولة ياخ ..
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: معاوية الزبير)
|
ابدا والله يا أب سن لا اتمنتشت ولا يحزنون
أصلا أنا ما بعرف اتمنتش وماشي جمب الحيطة
زيي وزي أي زول في حالو .. لكن علي الطلاق
البهبشني كان بقي نبي أطبر ليهو في حلقو وإحتمال كبير
أبول ليهو في رأسو .. ما بخاف الا من الله الخلقني دا ..
الكائن دا في واحد من بوستاتو بتاعت التهريج والازعاج
القادي بيها أم البورد دا وردا على وجهة نظر عادية
وعامة دخل شبكني ليك الهلفوت وعديم التربية
والما عارف شنو ..
طبعا حتة الأهل دي أنا جليتا ليهو وحذرتو منها أكتر
من مرة عشان أنا ما بعرف اشتم الأهل وأطعن في
تربيتم زي العوقة دا .. لكن ما يليني أنا من إساءة
خميتو وقلبتو ليهو في رويسو الماكن دا .. أها من
ديك اشتغل تهديدات في الماسنجر .. لغاية ما وصل
حتة تتمنتش دي ..
دي كل القصة ..
أنا طبعا حافظ كل شتايمو وتهديداتو عندي ومن اليوم
داك والله العظيم بسأل الله الخالق يلمني فيهو في أي
مكان في الكون .. عشان أشوف سيدنا الغول دا .. خخخخخخ
آخر زمن بقي زي دا يهددنا ههههههههه
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: حمد عبد الغفار عمر)
|
ما رأيكم في نشر ما يتم بالمسنجر في خصوصيته
منو ال بُنشر
في ناس يا أبوسن كانوا سمن على عسل حصل بينهم خلاف الحاجات كلها اتكبت هنا
مافي ضمانات
بس المسألة بتختلف
يعني زي موضوع طلحة دا ، طلحة تعرض لتهديد في مشكلة حاصلة في المنبر بينو وبين ود الباوقة يعني ما فرقت ما دام القصة حاصلة في سياق الصراع بينهم
المشكلة تدخل طرف ثالث ويلقى نفسو فجأة في السهلة
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: حمد عبد الغفار عمر)
|
الملك
بعد العشاء مافي اختشا هههه
زمان في الحلة لما عايزين يبنوا بيت الحكيم قالوا يبنوهو جنب المسجد جابوا حكيم طلع زول شربة وقع للجماعة في جرح ياخ دا لما يكونوا مفلسين ما عندهم حق الشربة
بشيل الدربات والحقن وبمشي لستات العرقي يقول ليهن انت بتشتغلن في النيران دي بتفقدن سوائل لازم تأخدن درب يركب ليها الدرب ويشيل منها قزازتين
وبسبب قرب الجامع من بيتو جدا فكانوا ملتزمين مافي بداية إلا بعد تنتهي الصلاة يوم الآذان أتاخر والكاروشة قامت طوالي واحد فيهم مشى أذن وجاء جاري دخل عشان ما يكشفوهو
ياخي قبل العشاء دا في جنس كاروشة خليها في سرك بس ههههههههههههه
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: حمد عبد الغفار عمر)
|
ههههههههه
ما بتقصر يا حمدوف
والله قال كل الكلام دا وأكتر في العام وفي الخاص
لكن جليهو ما على قدر كدا الهناي دا خخخخخخ..
أها في قصة الماسنجر المفروض يكون في
قيود وتحديد لمنو الممكن يدخل ليك في الخاص
برسالة عشان ما كل من هب ودب واستلب
ينط ليك بى فوق الحيطة .
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: حمد عبد الغفار عمر)
|
مرحب بيك الأخ ناصر أمين
زي كاروشة المنبر دا لو لقيت زول قاعد في الكمبيوتر تغلبك القعدة لحدي ما يقوم
أقول ليك حاجة فيما يخص المنبر عود نفسك على قول الكلام العايز تقولوا علانية ما عدا بعض الأشياء والتوضيحات البسيطة ممكن تلجأ للماسنجر
لأنو يوم ممكن تلقى كلامك مفروش هنا
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: Hassan Makkawi)
|
Quote:
لا يمكن ل بكرى الاطلاع علي المسنجر إلا في حالة انه يعرف كلمة سرك
ولا يمكنه ذلك لكن يمكنه تغيير كلمة سرك ثم الولوج لرسائلك
ثم لن تستطيع الدخول لحسابك مالم يعطيك كلمة السر الجديدة الهكر زاتو لو لاحظت بستولي علي حسابك ولن تستطيع الدخول
|
يا ود ابا سن
مع الاسف الكلام أعلاه غير صحيح
يمكن لبكري والسوبر مودريتر الاطلاع على الرسائل
وهي خاصية توفرها منتديات ال vbulletin وغيرها من المنتديات
| |
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: الامين موسى البشاري)
|
مرحب البشاري
وحبابك
عندي منتدي انا الادمن بتاعو . وفي لوحة التحكم بتاعتو مافيها امكانية قراءة الرسائل . ممكن تعرف عندو كم رسالة وتستطيع التحكم في عددها او منعها . او ارسالة رسالة ليهو او لأي عدد من الاعضاء
لكنك غير قادر علي الولوج لرسائله ما لم تغير الباس ورد
يمكنك ان تفعل كل شي بخصوص صلاحية العضو الا الرسايل
وهي نفس نسخة منبر بكري
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: عبدالحفيظ ابوسن)
|
Quote:
مرحب البشاري وحبابك
عندي منتدي انا الادمن بتاعو .
وفي لوحة التحكم بتاعتو مافيها امكانية قراءة الرسائل .
ممكن تعرف عندو كم رسالة وتستطيع التحكم في عددها او منعها .
او ارسالة رسالة ليهو او لأي عدد من الاعضاء لكنك غير قادر علي الولوج لرسائله ما لم تغير الباس ورد
يمكنك ان تفعل كل شي بخصوص صلاحية العضو الا الرسايل وهي نفس نسخة منبر بكري
|
حبابك يا عبد الحفيظ ..
كونك ما بتعرف .. دا ما بخليك تجزم بعدم امكانية اطلاع الادمن على الرسائل
ممكن تركب هاك صغير في المنتدى أو حزمة برمجية تخليك تطلع على الرسائل الخاصة للاعضاء
بدون ما تغير باسويرد ولا حاجة ..
نصيحة انك تبطل الجزم الذي قلته حتى لا يحدث تضليل للناس وتأخدها كمسلمة منك
يا عبدو اقع عمك قوقل وهو يديك الخبر اليقين .. وبعدها عدل ما جزمت به هنا
الاطلاع على رسائل الاعضاء مسألة غير اخلاقية طبعا .. في المقام الأول
ممكن تطلع على الرسائل؟
نعم .. وألف نعم
ودي الذي تعلم ...
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: الامين موسى البشاري)
|
مرحب البشاري
وحبابك
عندي منتدي انا الادمن بتاعو . وفي لوحة التحكم بتاعتو مافيها امكانية قراءة الرسائل . ممكن تعرف عندو كم رسالة وتستطيع التحكم في عددها او منعها . او ارسالة رسالة ليهو او لأي عدد من الاعضاء
لكنك غير قادر علي الولوج لرسائله ما لم تغير الباس ورد
يمكنك ان تفعل كل شي بخصوص صلاحية العضو الا الرسايل
وهي نفس نسخة منبر بكري
| |
|
|
|
|
|
|
|
|
|
Re: الناس الكتبوا لصلاح شكوكو في الماسنجر (Re: حمد عبد الغفار عمر)
|
Quote:
هلا يا بشاري شكرا للمعلومة بس الموديريتور البعرف الرسائل دا أوع يكون صاحب السيرفر المستأجر منو بكري
|
هلا يا حمد
في الحقيقة في طريقتين
الاولى:
تركيب هاك (حزمة برمجية) تمكن الادمن من قراءة الرسائل الخاصة
التانية:
تخش على ال (Database) فيهو جدول اسمو الرسائل الخاصة
تفتحو وتاخذ راحتك بالكامل في قراءة الرسائل
والخرابة الاسمو ال (Database) لا يطلع عليه بعد الله
الا بكري والشركة المستضيفة ...
تحياتي
| |
|
|
|
|
|
|
| |
حمد عبد الغفار عمر
معاوية الزبير
حيدر حسن ميرغني
طلحة عبدالله
عبدالحفيظ ابوسن
سيف النصر محي الدين
محمد على طه الملك
عمر التاج
Nasser Amin
Hassan Makkawi
الامين موسى البشاري
فيس بوك
تويتر
انستقرام
يوتيوب
بنتيريست