السلطات تستدعي فنان (ماشه بتكشكش) وملاحقة فناني (اليوتيوب) - جرائم حرية التعبير

مرحبا Guest
اخر زيارك لك: 03-19-2024, 10:53 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-03-2017, 06:48 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
السلطات تستدعي فنان (ماشه بتكشكش) وملاحقة فناني (اليوتيوب) - جرائم حرية التعبير

    05:48 AM March, 03 2017

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر

    ضع الدكتور الموسيقار هاشم عبدالسلام، الأمين العام لمجلس المهن الموسيقية والتمثيلية، تفاصيل من الاستدعاءات التي أصدرها المجلس لعدد من الفنانين أبرزهم فنان (ماشه بتكشكش)، وذلك علي خلفية رصد لجنة مراقبة ومزاولة المهنة.
    وقال : من خلال الرصد الذي أجرته لجنة مزاولة المهنة، والمركز المتخصص في المراقبة، والمتحكم في تتبع كل الأعمال الغنائية المحتوية علي مواد غير هادفة أو خادشة أو مخلة بالذوق العام، قام المجلس باستدعاء مجموعة من الفنانين للمثول أمام اللجنة المختصة اليوم (الخميس) واللجنة مناط بها أن تحقق فيما تابعته بنفسها أو في الشكاوي المقدمة لمجلس المهن الموسيقية والتمثيلية، وبالإضافة إلي احتجاجات الجمهور، المؤسسات الرسمية والتربوية سواء كانت جامعية أو مرحلة الأساس أو خلافها، فهنالك أغنيات لا تكشف عن وجود فن في الأساس مثلاً أغنية (ماشه بتكشكش) فهي أغنية بلا مغزي ولا يستفيد منها المتلقي، وما الغرض من إنتاج قصائد لا تحمل معني واضح أو نبيل يغسل ويطهر كل الوجدانيات، ونحن في المجلس ننادي بالعفة والتسامح، لذلك عكفنا علي ملاحقة هذه الأغنيات، ونؤكد للشعب السوداني أكمله أن هذا المجلس ليس ضد الفن بالعكس هو قاعدة تنطلق منها كل الطهريات والأشياء السامية، لذلك ملاحقتنا لكثير من الفنانين الشباب تتم من واقع انعطافهم انعطافات غير سوية، لذلك لن تختفي الرقابة لأنه إذا حدث ذلك فإن الظواهر السالبة ستظهر بلا معني أو هدف، إلا أن الرقابة تجعل الفنان ينتج إنتاجاً جيداً.
    كيف يتعامل المجلس مع فنانين شباب ينشرون أغنياتهم عبر (اليوتيوب)؟
    قال : نحن بصدد عقد جلسة فاحصة مع الإخوة في الهيئة القومية للاتصالات، وذلك من أجل الاستفادة من خبراتهم في إطار ملاحقتنا للفنانين الذين يبثون أعمال غنائية غير لائقة عبر (اليوتيوب)، وإذا تمادي الفنانين في ذلك الفعل، فإننا نستطيع أن نغلق صفحاتهم الخاصة التي تبث الأغنيات (الركيكة) وغير السامية، خاصة وأننا دولة معروفة بتراثها وعاداتها وتقاليدها وأعرافها غير المنفصلة عن الدين الإسلامي.
    هل الفنانين الذين تم استدعاؤهم معروفين في الحراك الفني بالبلاد؟
    قال : نعم معروفين، علماً بأن المجلس لا يلاحق إلا الفنان المرخص له، لأنه حاز علي رخصة مزاولة المهنة والبطاقة إلي جانب أنه يلاحق كل من لا علاقة له بالمجلس باعتبار أنه معني بمراقبة الفنون بصورة عامة، إلا أن المصيبة الأكبر تكمن في أن هنالك فنانين غير حاصلين علي رخصة مزاولة المهنة، وفي نفس الوقت يقدمون أعمال غنائية أقل ما توصف به أنها هدامة، فهل من المنطق أن يقف المجلس متفرجاً، ويلاحق المرخص لهم فقط، ويتناسى غير المرخصين؟.
    ماذا عن ظاهرة الزفات بفرق سودانية أو سورية في مناسبات الأفراح؟
    قال : الزفات بصورة عامة يجب أن تتم مقاومتها من خلال إعادة الناس إلي التراث السوداني الخالد في الوجدان، وأن كنا في المجلس غير منزعجين من الظاهرة بقدر ما إننا منزعجين من أصحاب العقول المستقطبة لها، أي علينا أن نقود حملات توعوية حتي يعودوا إلي عاداتهم وتقاليدهم من خلال محاربة السوالب الدخيلة علي المجتمع السوداني، ولكن إذا تعدت الحد المسموح به في الكلمات، فان قيمة المجلس في مكافحتها بالقانون ستكون قوية.
                  

03-03-2017, 08:50 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: زهير عثمان حمد)


    ماشه بتكشكش .. ماعجبتني والله .. مبتذلة ..
    وفيها اشارات مش ولا بد ..
    هو الناس لو دايره تهجج أغاني الهجيج مااا راقدة ومن الغنا الجميل حقنا ..
    فممكن عادي يُعاد وضعها في قالب اخراجي جديد والناس تهجج ...
    ويتعمل فيها شغل وأخراج وتصوير جميل زي سميري ..
    بتاعة الجاغريو وأحمد المصطفى دي ..






    لكن والله احمد المصطفى رحمه الله أداءه رهيب جداً ..
    وفنان شامل وسابق لأوانه وزمنه ..
    الشباب ديل كانوا يكملوا الاغنية للنهاية .. ويغرّبوا شوية ..
    على الأقل كان وصلوا بالأغنية لي الحلة والقوز والرميلة ..
    خصوصاً إنه أحمد بركات زول فنان وعنده الامكانيه ..
    ولا أظن كان يعوزه الحفظ ..

    مع دائم محبتنا وتقديرنا لي حبايبنا في الخرطم (3) ..


    دمت يا أبو الزهرة وجمعة مباركة .....







                  

03-03-2017, 03:37 PM

عبد المنعم سيد احمد
<aعبد المنعم سيد احمد
تاريخ التسجيل: 10-13-2003
مجموع المشاركات: 11824

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: زهير عثمان حمد)

                  

03-03-2017, 04:27 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: عبد المنعم سيد احمد)

    السلام و التحية الأخ زهير و زوار البوست الكرام
    Quote: هو الناس لو دايره تهجج أغاني الهجيج مااا راقدة ومن الغنا الجميل حقنا

    الأخ جمال
    نظرة تانية من شُباك المُجايلة!

    عصرت علي الجيل ده شديد...

    أول تبادي (على قول تاور) ههه
    عجبني إسمه قال ليك محمد حسين ميمي!

    تاني تبادي
    يغنوا القديم ... تقولوا ما ينتجوا أغانيهم براهم يجتروا الأغاني القديمة ليه !
    يعملوا ما شة تكشكش يحاكموهم !!! و كأنها الأولى و الأخيرة في الهبوط النوعي ;)

    ثم
    تالت تبادي
    خادش للحياء بفهم منو؟ معيارهم شنو؟
    لأنه لو بديناها من الأغاني القديمة بتاعة الحقيبة مروراً بالعصر الحديث ممكن أجيب ليك
    أغاني كتيرة فيها وصف حسي أدق من ماشة تكشكش ...

    رابع تبادي
    من ناحية هابطة فهي هابطة ... لم تكن الأولى و قطعاً ما الأخيرة
    الهبوط ده بفهمي أنا هنا لأنه ما أراه هابط يراه غيري قمة الإبداع...
    ثم الهبوط ده لا يقتصر على الجيل الحالي على آية حال !

    دعوا الأزهار تزهر... قطعاً سيبقى منها ما ينفع الناس و يطربهم!
    و عادي بعد خمسين سنة الجيل ده حيستشهد بروعة ماشة تكشكش و إنه الجيل ده (في ذلك الوقت) بيغني هابط
    و هكذا دواليك!

    تحياتي لكم جميعاً
                  

03-03-2017, 04:34 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: فردوس جامع)

    نسيت حاجة مهمة...

    محمد ميمي محظوظ جداً لقى دعاية من العيار الثقيل مجاناً!
    ال ما كان حيسمع بيه سمع بيه ...
    بالأمارة حسي ماشة تكشكش بتغني لي في راسي ههههه hated it or liked it

    و أيضاً ال حبهوها و عجبتهم ستبقى باقية و خالدة وفي وجدانهم محفوظة من جلاد المحاكم!
    و حتماً سيتحايلوا أكثر على التغني بها نظراً لوضعها الخاص الآن... الممنوع مرغوب !
    حيطلبوها طلب تاني من كل الفنانين و ال ما كان بيغنيها حيحفظها عشان ما يخزل جمهوره :)


                  

03-03-2017, 07:23 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: فردوس جامع)



    أختنا فردوس .. جمعة مباركة ..
    أكيد في أغاني مختلف الاجيال يوجد الغث والسمين ..
    كما اسلفتي .. وده كلام صحيح ..
    كمثال ..
    هسه ياهو ده جيلنا المنسجم في الفيديو بتاع أغنية سميري وبيهجج ..
    هل أغنية احمد المصطفى دي تعبر عننا كجيل أم هي لجيل أقدم ؟ ..
    فهل لو كانت الاغنية ركيكة المضمون .. زي ماشه بتكشكش دي ..
    فهل كوننا من جيل سابق لها حنفقد بوصلة تقييمها ! ....
    ما أظن الكلام ده دقيق ..
    وحتى مفهوم الجيل قد يختلف ويؤثر فيه الحراك الثقافي والمجتمعي ..
    وكثير من المؤثرات الأخرى التي قد تعمل على تسارع أو تباطؤ ..
    الانتقال بين الاجيال لدرجة قد تجعل ربط الجيل بحيز زمني ثابت ..
    أمر فيه كثير من الأخذ والرد فضلاً عن إنه قد لا يصلح كمعيار تقييم ..
    عموماً انا بشوف الاستماع حاجة والتقييم للجيد حاجة تانية خالص ..
    حتى لا يكون هناك وصاية على أحد وفلتنمو الأزهار يا أخيه ..
    لا مانع لدينا البتة .. لكن يظل الجيد جيد .. والقبيح قبيح ..
    فالمعيار هنا ثابت وتحدده معطيات لا دخل فيها لأجيال ..
    تقديري ..


    هاك هجيج تاني يا فردوس لي محمد حسين ميمي ..




    وهاكـ ده كمان ..
    قال ليهم حليل زمن عثمان حسين ومصطفى سيد أحمد .. هههههههه ...
    وديل برضو بينهم فرقة .. وغنوا لجيلين متعاقبين ولاّ ماياهو .....




    غايتو من ظهر ايقاع الكتمات ده .. الغنا تاني ما شاف عافية ..
    قال ليك اللقا لقا والما لقا يتمو بكا ..






                  

03-04-2017, 07:10 AM

مازن الجمّال
<aمازن الجمّال
تاريخ التسجيل: 02-08-2008
مجموع المشاركات: 797

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: زهير عثمان حمد)

    اغنية جميلة شديد
    كل يوم بشغلا في العربية وانا راجع من الشغل

                  

03-04-2017, 06:44 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: مازن الجمّال)

    Quote: وحتى مفهوم الجيل قد يختلف ويؤثر فيه الحراك الثقافي والمجتمعي ..

    كلامك صاح ...
    شوف كلمات الأغنية دي
    الرصة
    طلبة في حصة
    دي من قلب الشارع و راجعة للشارع " الشباب" ناقصة أغنية يكون فيها الزيت هههه

    فيديو الشباب ال سكوهم مبااااالغة ههههه

    ثم إيقاع الكتمات و ما أدرانا ما الربع كيلا ...

    الفنانة قالت
    الجاي من الغربة عامل للحبة قبة
    البنطلون راميه حد الركبة
    عملوا "كول " للأذية ذهبوا موضة غربية (الكلمة غريبة لكن عجبتني... )
    ال كانت بره محبوسة بقت حرة ..." بنفوسها" ...تلقاها ماشة الجامعة مكياجها زي العروسة

    أها طيب دي بتنتقد ظواهر سالبة من وجهة نظرها
    و عجبتني صراحة لأنه حركة البنطلون الواقع دي غيااااظة ياخ
    و المكياج الأوفر باااااايخ

    بس في النهاية جاطتها.

    شكراً للفيديوهات
    و تحياتي و تقديري لك
                  

03-04-2017, 06:57 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: السلطات تستدعي فنان (ماشه بتكشكش) وملاحقة (Re: فردوس جامع)

    نسيت أعلق على
    Quote: حتى لا يكون هناك وصاية على أحد وفلتنمو الأزهار

    مظبوط
    في يوم من ذات الأيام ركبت مع بنت خالتي (جيل نهاية تمانينات و بداية تسعينات)
    قومي شغلي حاجات زي بتاعة محمد ميمي ده... صدعت و قربت أدخل في جلباب أبي هههه
    قمت كده جاهدت نفسي (جهاد النفس ده صعب خلاص) إني أحاول أسمع بعقل (و ليس صدر) مفتوح
    أها المحصلة كانت صفر...مافي حاجة فيها substance ... و إزعاج شديد!
    في سري قلت " الكُبر دخل " هههه

    يتخيل لي ... الأغاني من النوع ده أغاني مرحلة (نظرية تخصني وحدي هههه)
    ف نخليهم يتمرحلوا و إذا جات حاجة جميلة خير و بركة و إذا ما جات ... دونهم السنين!
    فلنشاهد هذه الأزهار تُورق (ما ضرنا أن نعمل silent ) و زي ما قلت من غير وصاية.


                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de