الأخ صبرى الطاقة الشمسية مستعملة في الزراعة بنهر النيل وهناك مشروع بة محاور تعمل بالطاقة الشمسية ولكن هناك عدة صعوبات منها ( الكتاحة ) التراب الكثير دا مما يستدعى النظافة الدائمة للرقائق وواحدة من المشاكل الصيانة وغلاء قطع الغيار وعدم توفرها . عموما استعمال الطاقة الشمسية منتشر في ولاية نهر النيل وتحديدا منطقة عطبرة
08-23-2017, 02:43 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
السلام عليكم فى الخليج هناك تجربه اقدم فى الامارات (اماره دبى) حيث تشجع شركه الكهرباء المواطن على تركيب الواح شمسيه وتشترى منهم هذه الكهرباء بنظام يعود على المواطن بفاتوره كهرباءمخفضه
السلام عليكم هناك نوعين من الطاقه المتجدده - الطاقه الشمسيه وطاقه الرياح - يمكن انتاجها بشكل واسع بعيدا عن فكره الاستخدام او الانتاج الفردى فى منزل او فى مشروع محدود. الطريقه المثلى فى دوله كالسودان ان تستخدم اسلوب مجمعات توليدالطاقه او مايعرف بالمالمزارع الشمسيه ومزارع طاقه الرياح وفى هذه احاله يتم تذليل وتجاوز عقبه التكلفه العاليه للوحدات الصغيره ومشكله اخرى هى مشكله المتابعه الفنيه والصيانه وتكلفتها.مع الوضع فى الاعتبار انه انتاج لا اثر سىء له على البيئه. اما بالنسبه للابحاث عالميا فقد انحفضت تكلفه انتاج الطاقه الشمسيه بمعدل يصل الى 75%فى الاعوام العشره الاخيره بسبب تطور الابحاث .اما فى السودان فحال البحث العلمى عموما معروف فما بالك فى مجال مثل ابحاث الطاقه الشمسيه التى اضبحت فى الفتره الاخيره تعتمد على النانوتكولوجى. من اكبر المزارع الشمسيه فى العالم تنتج حسب مخطط انشاء المشروع على مرحليتن مامجموعه 850 ميقاواط (سد مروى 1250 ميقاواط - المفاعل النووى المزعوم انشاؤه قريبا 1200 ميقاواط - محطه قرى 460 ميقاواط).
فى السودان الامر يحتاج توفر اراده سياسيه (حقيقيه) لحل مشكله الطاقه فى السودان . انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه لتجاوز وتقليل مشاكل انتاج الطاقه الكهرمائيه .
الاخ حاتم الكلام عن طاقه شمسيه يجب ان يتوافر عنصر سطوع الشمس اغلب ان لم يكن طول ايام السنه . وحديثى عن مزرعه شمسيه بمساحه كبيره بعشرات الافدنه لانتاج طاقه حسب المذكورفى المداخله (850 ميقاواط مثلا وقارن مع معدلات انتاج موجودهاو مقترحه اوردتها فى المداخله للمقارنه ). اذن ايهما انسب منطقه غائمه وممطره 4 او 5 شهور فى السه تخرجفيها المزرعه عن الانتاج اغلب الوقت خلال فصل الامطار ام ام منطقه ليكون فيها تخرج المزرعه عن الخدمه غالبا لظروف الصيانه . . الاخ حاتم انا زول ( science ) وكلامنا فى المواضيع دى لازم يكون مبنى على (facts ) وليس على ( emotions ) والواحد بيناقش الامور ويبنى ارائه على اساس انو انسان ينتمى الى البشريه وهذا العالم المسمى كره ارضيه فى المقام الاول ......يعنى القصه ماقصه فى سياق شمال وجنوب وتهنيش وخلط مع انحرافات السياسه وهلمجرا (كما لمحت من بين سطور مداخلتك ) . . وشكرا
08-23-2017, 08:47 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: اذن ايهما انسب منطقه غائمه وممطره 4 او 5 شهور فى السه تخرجفيها المزرعه عن الانتاج اغلب الوقت خلال فصل الامطار +++ انا زول ( science ) وكلامنا فى المواضيع دى لازم يكون مبنى على (facts ) وليس على ( emotions )
ليه تخرج عن الانتاج خلال المطر؟ حسب علمي البسيط إنو الخلايا تولد الكهرباء من الضوء ولا اعتقد أن الظلام يحل بهطول المطر أو أثناء الغيوم. فمن أين أتيت بالحقيقة (العلمية) التي تقرر توقف الخلايا عن انتاج الكهرباء أثناء المطر؟ +++ أنا ما عندي علاقة بال (science) وكلامي كله (emotions) لكن اتمنى أعرف على أي أساس تم اختيار خط العرض (17.5) وهو يقع شمال عطبرة بينما كل المناطق شمال الخرطوم بل حتى جنوبها (الجزيرة مثلا) لا يغيم فيها الجو 4 أو 5 شهور. فالسودان يقع في المنطقة المدارية، أو هكذا يبدو في الخريطة.
وإذا صح كلامك عن (الخروج عن الخدمة) فدولة مثل ألمانيا التي يهطل فيها المطر طول العام يجب أن تكف عن إضاعة المال في الخلايا الشمسية، ومع ذلك فيها أعلى نسبة استخدام لتلك الخلايا مقارنة بعدد سكانها.
بعدين المطر دا مش حيزيل الغبار من سطح الألواح؟ قصدي الغبار والعواصف الرملية المشهورة بها المناطق شمال خط عرض 17.5.
08-24-2017, 09:42 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
الاخ حاتم دى المشكله فى تسييس اى كلام ......شمال 17.5 درجه ممكن يكون حلايب او حلفا القديمه او هناك جوار جبل عوينات يعنى انا ماقلت نر النيل او الشماليه .......برضو شمال كردفان وشمال دافور والبحرالاحمر شمال هذا الخط. ولا انت لاغى الولايات دى وما محسوبه شمال هذا الخط فى السودان . هناك فرق بين استخدام خلايا شمسيه استخدامات محدوده منزليه وماشابه ذلك والاستفاده من الطاقه باسخدام مزارع شمسيه تتنج مايوازى او يزيد عن توليد منتج من سد مائى او محطه حراره كمحطه قرى مثلا . المشكله تسييس الاحاديث هو ماتخلف بنا فى السودان .والواحد ايدو فى المويه البارده تعال اقعد فى السودان زينا واتحرق بجمر القضايا وتعال اتفلسف وبعدين اتعلم اقرا بتمعن اى كلام وادى نفسك فرصه تعرف اكتر اذا ماعارف
08-24-2017, 07:07 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
كيفك يا سيف؟ المسؤول داك رد بصراحة فما عارف المسؤول دا حيعمل شنو، في قادم الأيام لكن كلامو بصراحة ما أقنعني، بعدين المقترحات العلمية عادة ما بتنتهي بكلمة (وشكرا) ودا الخلاني أرجع البصر تلاتة كرات ورا بعض البلد مشكلتها أكبر مما يظن الناس.
Quote: كامل التضامن مع اخينا عاصم فى الايام الصعبة القادمة
أبو الريش مهندس الرشاشات، إزيك. آآي أخير، ضمو شديد الزول دا.
لكن رأيك شنو؟ كلامو ما صاح مش؟ هسع عندك في سياتل الجوها غائم مافي ألواح طاقة؟
خليها سياتل، الصين عندها تايفون عديل في المناطق الساحلية، أكيد مرت بيك وبعد دا تعتبر أكبر دولة توظف الطاقة مشاريع الطاقة الشمسية.
حتى الان من اكبر معوقات الاستفادة من تكنلوجيا الطاقة الشمسية في السودان هو شمسنا الحارة دي!لو كانت باردة كان استفدنا فايدة كبيرة!--------------------------------------------------------------------------------------------------- تأثير ارتفاع درجة الحرارة على efficiency ( كفاءة او فاعلية) الالواح الشمسيةبرهنت التجارب ان ارتفاع درجة الحرارة يؤدى الى انخفاض الفاعلية الانتاجية للالواح الشمسيةوقد برهنت التجارب التى اجريت فى بريطانيا ان كل ارتفاع بدرجة واحدة C يؤدى الى انخفاض قدره 1.1% من القيمة القصوى لانتاجية اللوح الشمسى حين تبلغ درجة حرارة اللوح 42 درجة Cوقد اجريت تجارب ببورت هاركورت بنيجريا اكدت ان ارتفاع درجة حرارة اللوح الى 44 درجة C يؤدى الى انخفاض مستمر فى فعالية اللوح الشمسىوبما ان درجة حرارة اللوح عادة تفوق درجة حرارة الهواء المحيط بمتوسط قدره 20 درجة C نجد ان عند درجات حرارة تبلغ 29 الى 32 درجة C ستنخفض الفعاليةمن هنا نستخلص ان الالواح الشمسية يمكن ان تعمل بفاعلية عالية فى السودان فقط فى اماكن تتمتع بدرجات حرارة منخفضة كجبل مرة وتلال البحر الاحمر بالطبع تخفيض درجة حرارة الالواح يمكن ان يتم برشها بما بارد نظيف وطبعا هذا قد يؤثر فى اقتصادية تكلفة التوليد
نموذجين مختلفين لمزارع طاقه شمسيه تختلف فى تقنيه الانتاج
محطة Ivanpah للطاقة الشمسية بصحراء Mojave بكاليفورنيا تم افتتاح هذه المحطة في فبراير 2014 وكانت في عامها أكبر محطة طاقة شمسية تعمل بنظام الطاقة الشمسية المركزة أو الحرارية. حيث ان فكرة عمل هذا النوع من المحطات والذي يسمي CSP "Concentrated Solar Power" هو مجموعة من المرايا التي تعكس اشعة الشمس ليتم تركيزها علي خزان موجود علي قمة برج فتصبح المياه بداخله بخار محمص بسبب الطاقة الشمسية المركزة الهائلة وهذا البخار بدوره يمر علي توربينات لتقوم بتوليد الكهرباء. في هذه المحطة يوجد أكثر من 300,000 مراية آلية التحكم لتتبع اشعة الشمس وعكسها علي خزانات مثبتة علي قمة ثلاثة أبراج بارتفاع 457 قدم أي ما يقرب من 140 متر. وتقوم هذه المحطة بتوليد 392 ميجا وات من القدرة الكهربية,
محطة الطاقة الشمسية بالهند بقدرة 750 ميجا وات. تعمل الهند في اتمام محطة طاقة شمسية تعمل بالالواح الفولتوضوئية بقدر 750 ميجا وات. في منطقة ريوا بمادهيا براديش. يعتبر هذا أحد أكبر مشاريع الطاقة الشمسية بالهند ان لم يكن اضخمها ويتم انشاءه بالكامل بتحالف المؤسسات الحكومية المختصة. ويذكر ان اضخم محطة طاقة شمسية عاملة بالهند الآن في نيماتش وسعة المحطة 130 ميجاو وات
توليد الطاقه الكهربائيه باستخدام المجمعات الشمسيه (المرايا) يشابه ابتداء من المرحله الثانيه (تحويل الماء الى بخار ) انتاجالطاقه الكهربائيه من المفاعل النووى مع اختلاف فى مساحه المنشأه والمردود الناتج من الطاقه المنتجه .
محطه طاقه شمسيه تستخدم المرايا العاكسه (محطه نور - المغرب )
08-24-2017, 11:33 AM
Frankly Frankly
تاريخ التسجيل: 02-05-2002
مجموع المشاركات: 35211
تعتبر المناطق المدارية عموماً وأفريقيا بين القارات هي الأفضل لانتاج الطاقة الشمسية.
هناك عدة عوامل تلعب دور في حساب افضلية الإنتاج منها عدد ايام السنة التي تسطع فيها الشمس وعدد الساعات بالإضافة لزاوية سطوع الشمس ودرجة الحرارة وجفاف الطقس
08-24-2017, 12:09 PM
Abureesh Abureesh
تاريخ التسجيل: 09-22-2003
مجموع المشاركات: 30182
ناس الهند وكلفورنيا نفذوا مشاريعهم العملاقة دى لما الناس فرحت بالتقنية الجديدة.. وطوالى فتحوا فيها خرطوش الدولارات.. اما الان وقد سارت الابحاث مستوى بعيد فى الخلايا ذات الطبقات المتعددة multi-layer solar cell فإن من العبط ان يستثمر فى مشروع مزرعة شمسية. كفاءة الخلايا الان لا تتجاوز ال 25%.. ولكن الخلايا الجديدة التى تطورها المانيا تتجاوز ال 40%.. لذلك يجب ان لا تصرف مبالغ كبيرة الان فى هذه المشاريع الكبيرة..
08-24-2017, 12:12 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
الاخوه ابوريش واحمدالشايقى بالنسبه للخلايا الشمسيه للاستخدام المحدود منزليا او اى شكل استهلاك محدود ممكن الفعاليه بشكل موسمى فى بعض مناظق السودان . وقد يساعد الافراد فعلا فى التوفير وخفض فاتورة الاستهلاك من مزود خدمه الطاقه الكهربيه. لكن فكره انتاج الطاقه الشمسيه بواسطه مزارع شمسيه فى بيئه ملائمه يمكن فى دوله كالسودان من تنويع مصادر الطاقه بادخال الطاقه الشمسيه كاحد انواع الطاقه المتجدده . عليه يصبح توليد الطاقه الكهربيه متنوع المصادر من توليد كهرمائى الى محطات حراريه غازيه (كماهو الحال الان ) فلو اضيفت الطاقه الشمسيه كنموذج للطاقه المتجدده فانها تسهم فى حل مشكله الطاقه وامكانيه دعم مصدر من هذه المصادر للشبكه القوميه فى خروج احد المصادر الاخرى من الخدمه بغرض الصيانه مثل خروج احد السدود او محطه حراريه من الاسهام فى الشبكه القوميه يمكن للطاقه المتجدده ان تسد فجوه العجز بدلا عن شراء طاقه كهربائيه من الشبكه الاثيوبيه كما يحدث الان . الامارات شرعت فى الاستفاده من الطاقه المتجدده كبديل او داعم للمصادر التقليديه ومصر اقرب مثال لتنويع مصادر الطاقه بادخال الطاقه المتجدده (رياح وشمسيه) مع مشروع الطاقه النوويه فى الضبعه .(الاجيال الجديده من المفاعلات اكثر مردود للطاقه واكثر امانا ومن امثلتها المشروع قيد التنفيذ فى الاعوام السابقه فى الامارات ).
على العموم الطاقه المتجدده بكل اشكالها اصبحت من الضرورات فى البنيه الاساسيه لمظومه انتاج الطاقه فى كثير من الدول والتى تختلف فى انواع الطاقه المتجدده حسب بيئتها ومناخها وامكانياتها اضف الى ان انتاجها لايشكل خطر بيئى .. وشكرا
08-24-2017, 12:31 PM
Frankly Frankly
تاريخ التسجيل: 02-05-2002
مجموع المشاركات: 35211
ههههههه زي الواحد كل سنة ينتظر أفضل تقنية للهاتف ولما يجي يشتري يسمع بتقنية جديدة في العام المقبل
يا أبوريش اعتقد حساب الربح والخسارة يتم بصورة أخرى
هناك اكتساب الخبرات وتدريب المهارات والاستفادة الآنية من الطاقة الشمسية مع وضع جدولة وإمكتانية للإحلال والإبدال لخلايا متطورة وأكثر كفاءة.
كم هي التكلفة التشغيلية لخلايا ب 25% ومقابل 40%؟
بصورة أوضح لو كان بإمكانك استعادة رأس المال في 5 سنوات بخلايا ذات كفاءة 25% بينما تستعيد راس مال الخلايا ذات الكفاءة 40% في 10 سنوات فيكون من الأفضل الخلايا ذات 25% كفاءة
التطور التقني لن يتوقف ويجب أن لا يتوقف مشروع انتظاراً لرقي الصناعات.
1986 م،مشروع الجزيرة، مكتب حمد النيل، جنوب غرب مدني: حضرت تركيب هاتف هوائي يعمل بالطاقة الشمسية، الفريق تقريبا ياباني، أبعاد الشريحة تقريبا متر في نصف متر، ثبتت على عمود حديدي ، أعلاه نظام أريال، خلاصة الموضوع: الطاقة الشمسية عمل بها في مشروع الجزيرة في تشغيل الهواتف اللاسلكية منذ منتصف الثمانينيات، في مشروع الجزيرة ، في المكاتب ، رئاسات الاقسام والادارات، الغيط، والسكة الحديد... في بيوت مفتشي المكاتب ، في القناطر، الهندسة الزراعية، بعض مراكز الشرطة... المحالج.... في بعض القرى ، وقريتنا منها، كان استخدامها محصورا في انارة المساجد، ومراكز الشباب او النوادي... الهاتف يرسل فقط داخل حدود الشبكة لمشروع الجزيرة .. من الباقير حتي حدود سنار، و شمال غرب من قرب جبل اوليا، حتى قرب كنانة جنوبا، وعدد من الهواتف شرق النيل الازرق،،، اذكر كان هنالك دليلا ضخما لارقام التلفونات... اما الاستقبال فانه كان يستقبل من اي مكان في العالم... كان المغتربون يحددون موعدا مسائيا مع اهلهم للتحدث معهم في أقرب هاتف هوائي لهم، كل هذه الهواتف كانت تعمل بالطاقة الشمسية... ...... كل الامر توضع شريحة الطاقة الشمسية في السقف، بزاوية مائلة... توصل بجهاز تحويل الطاقة، وبطارية لحفظ الطاقة واستخدامها ليلا او عند الغيوم... ......
لو يفتحوا المجال نقول لناس الكهرباء تعالو طوطوو أسلاكم دي، لموها عليكم، وما تنسو العدادات... شفت كيف؟
Quote: ههههههه زي الواحد كل سنة ينتظر أفضل تقنية للهاتف ولما يجي يشتري يسمع بتقنية جديدة في العام المقبل
يا كمال مسألة الهواتف دي غايتو أنا عندي هاتف نوت2 وما حأغيروا إلا تحصل نقلة كبيرة في الهواتف الذكية ...
فمثلاً الهاتف أيفون إكس البفتح بالوجه دا حأستفيد شنو يعني من إنّو يفتح بي وجهي أو بي نخرتي .. ما أهو خلاص ممكن أفتحو بأي حاجة متاحة والسلام ...
بالنسبة للنظرية دي فيما يتعلق بالطاقة الشمسية هنا الوضع بيختلف لأنّنا هنا بنحتاج لمنتج بنستفيد منه .. يعني لو استفدنا من الخلايا الكهروضوئية في الوقت الراهن بنسبة 30% فدا في حدّ ذاتو مكسب .. وما بمنع إنّو ننتقل إلى خلايا أخرى في وقت قادم بتدّينا نسبة 60% .. وهكذا ...
09-19-2017, 12:57 PM
Frankly Frankly
تاريخ التسجيل: 02-05-2002
مجموع المشاركات: 35211
Quote: بالنسبة للنظرية دي فيما يتعلق بالطاقة الشمسية هنا الوضع بيختلف لأنّنا هنا بنحتاج لمنتج بنستفيد منه .. يعني لو استفدنا من الخلايا الكهروضوئية في الوقت الراهن بنسبة 30% فدا في حدّ ذاتو مكسب .. وما بمنع إنّو ننتقل إلى خلايا أخرى في وقت قادم بتدّينا نسبة 60% .. وهكذا ...
هذا ما قصدته تماماً يا صبري في مداخلتي على مهندس محمد عثمان (ابوريش)
08-25-2017, 06:07 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: فى السودان الامر يحتاج توفر اراده سياسيه (حقيقيه) لحل مشكله الطاقه فى السودان . انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه لتجاوز وتقليل مشاكل انتاج الطاقه الكهرمائيه .
ما رجعت لي يا أخ عاصم وشايفك غيرت الاهتمام من الخلايا إلى المرايات وأنا حريص على نقاش علمي أكاديمي رغم جهلي بالأساسيات لكن لما نقرن كلامك عن (إرادة سياسية حقيقية) وتوصيتك بحصر الموضوع شمال عطبرة، فدي فيها شوية (تشاكيك) في نظرتك للموضوع برمته، ولا ككيف؟ لأنو عندنا (نحن السودانيين) تجربة سابقة تمخضت عن (الإراداة السياسية) شمال ذات الخط وواضح إو (الإرادات السياسية) نتائجها قد لا تأتي مبشرة وناجحة، فنعويلنا يكون على الرأي العلمي ومعليش أنا أقحمت عطبرة عشان الناس تعرف الخط 17.5 دا محلو وين، ما لغرض تاني
فياخي تعال أدينا إجابة مقنعة، كيف حسبت ضرورة مناسبة المشاريع دي شمال خط 17.5؟
ولا رأيكم شنو يا جماعة؟
08-25-2017, 09:50 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
احاتم ابراهيم رديت عليك ...لو راجعت ردودى كلها .. شمال خط 17.5 درجه السودان يمتد عرضا من الشرق الى الغرب وليس يعنى شريط النيل الضيق .ومن حق المواطن ان يستفاد من هذه المساحاحات بالموارد الطبيعيه المتاحه والشمس مثال لذلك لتنميه تلك المناطق . اما توفر الاراده السياسيه الحقيقيه ...والجاده انا قصدت بها اتخاذ قرارت شجاعه وتوجيه جزء مقدر من الموازنه لمثل هذه المشاريع ومتابعه تنفيذها بجديه كاحد المكونات الهانه فى البنيات الاساسيه للطاقه وللتنميه موضوع المراات واحد من التقنيات المستخدمه لانتاج الطاقه الشمسيه وتؤدى نفس مهمه المفاعاعل النووى فى قلب المفاعل فى الحالتين يتم استغلال الجراره الناتجه لتسخين الماء وتحويله الى بخار يستخدم لتحرك توربينات المولدات لتوليد الطاقه الكهربائيه. . تخزين الطاقة الشمسية الحرارية تخزين الطاقة الحرارية يتم بعدة صور لسنا بصدد ذكرها في موضوعنا الآن ولكن أصبحت معظم محطات الطاقة الشمسية الحرارية الآن تهتم بان تقوم بتخزين الطاقة الحرارية Thermal Storage Tanks. وذلك لأستغلال الطاقة الحرارية أثناء فترات غياب الشمس وحتي تجعل المحطة جاهزة للبدأ في العمل في نهار اليوم الثاني دون الحاجة للبدأ من الصفر.
08-25-2017, 11:16 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: دى المشكله فى تسييس اى كلام ......شمال 17.5 درجه ممكن يكون حلايب او حلفا القديمه او هناك جوار جبل عوينات يعنى انا ماقلت نر النيل او الشماليه .......برضو شمال كردفان وشمال دافور والبحرالاحمر شمال هذا الخط. ولا انت لاغى الولايات دى وما محسوبه شمال هذا الخط فى السودان . هناك فرق بين استخدام خلايا شمسيه استخدامات محدوده منزليه وماشابه ذلك والاستفاده من الطاقه باسخدام مزارع شمسيه تتنج مايوازى او يزيد عن توليد منتج من سد مائى او محطه حراره كمحطه قرى مثلا . +++ رديت عليك ...لو راجعت ردودى كلها .. شمال خط 17.5 درجه السودان يمتد عرضا من الشرق الى الغرب وليس يعنى شريط النيل الضيق .ومن حق المواطن ان يستفاد من هذه المساحاحات بالموارد الطبيعيه المتاحه والشمس مثال لذلك لتنميه تلك المناطق .
أيوة انت ما قلتها وخليتها عائمة لأنو الخط بتاعك المرسوم بدون أي تبرير علمي لغى في الواقع معظم المدن الكبيرة بما فيها العاصمة! كم من مواقع التجمع البشري الرئيسية جنوب الخط مقابل تلك في شماله؟
وعلى أي أساس علمي تفترض أن مشاريع الطاقة الكبيرة يجب أن تشاد شمال الخط 17.5 والشمس تشع بطول وعرض السودان حتى آخر (خط) جنوبه ساعات كافية تفوق أوروبا!
وفي رأيي إنو الأفضل السماح بنشر الخلايا على مستوى أصغر بدلا تركيزها في موقع واحد وتقديم الكهرباء (as a service) بكدة تقل أخطار اعتماد المواقع الحساسة عليها ياخي حتى المفاعلات النووية بيوزعوها بدل الاعتماد على واحد كبير!
واقتراحك الغامض دا ذكرني تلاتة حقائق: - اقتراح روسيا على إيران ببناء المفاعل في أراضيها وإمداد طهران بالكهرباء - وكذلك تحكم روسيا في إمداد كل أوروبا بالغاز - وتحكم الخليج في إمداد آسيا بالبترول
لكن الشمس ملك للجميع، كالخزينة العامة تماماً! يراها من هم شمال الخط أو جنوبه، مش كدة يا عاصم؟
+++
انت ما رديت في الواقع! انت عممت. فهل المواطن جنوب ذلك الخط (لا تناسبه) مشاريع الطاقة الشمسية الكبيرة؟
أوضح ليك أكتر، شنو البخلي المناطق جنوب الخط 17.5 غير مناسبة للمشاريع الكبيرة للطاقة الشمسية من الخلايا الكهربية (photovoltaic cells)؟ علماً بأن الإخوة مشكورين أكدو لينا وجود السودان في المنطقة المدارية، كمعلومة جديدة وكذلك كشف بعضهم عن مشاريع نفذت فعلياً منذ الثمانينات في الجزيرة، جنوب الخط. وشملت حتى حدود جبل أولياء وكنانة، جنوب الخط أيضاً.
وللتحديد، انت افترضت طقس غائم وماطر 4 أو 5 شهور في السنة جنوب الخط وهذا افتراض غير صحيح يا عاصم علي! وللدقة ذكرت (خروج المزرعة عن الانتاج خلال فصل الأمطار) وهذا أيضاً غير صحيح!
كذلك لم تجبني عن سؤالي المحدد عن معلومتك بخصوص توقف الخلايا عن انتاج الكهرباء بسبب المطر، من أين لك بهذه المعلومة، لو سمحت؟
باقي إضافاتك عن المرايا وتخزين الطاقة والمفاعلات ليست ضمن باقة اهتماماتي حالياً.
فلماذا الخط 17.5 شمالاً بالتحديد؟ أو بطريقة الطلبة: الـ 17.5 دي جات كيف؟ دراسات علمية أم حسابات وهمية؟ فهل نطمع في رد علمي مقنع؟
08-25-2017, 11:59 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الاخ حاتم مشكلتك ماداير تركز و(تحاول ) تفهم ماكتبته سابقا ...شمال الخط اياه للمزارع الشمسيه ذات الانتاج العالى ...تحدثت عن تنويع مصادر منظومه الطاقه. الخلايا الشمسيه حساسه وذات مردود طاقه (كفاءه منخفضه) ومردود الطاقه يعتمد على شده الاشعه الشمسيه الساقطه وزاويه سقوط الاشعه على الخليه حتى الان ممكن تستخدم فى البيوت مساعد للامداد الكهربائى الرئيسى ..لكن فى فتره الخريفيصعب الحصول على طاقه ذات مردود اذا لم تنعدم لانه (ببساطه دى طاقه تعتمد على ضوء الشمس ) وانت مصر تعملها حجه وموضوع طويل . نعم فى اوروبا تستخدم الخلايا لكن ليست امداد دائم بسبب شده الاشعه الساقطه هل الشده تبلغ عتبه الشده اللازمه لانتاج طاقه كهربيه طول ايام السنه ؟وكل طقس؟؟ اما فى السودان انسب نوع للمزارع الشمسيه هو نفس نوع محطه نور فى المغرب (راجع الفيديو).وامكانيه تخزين الطاقه الحراريه للاستفاده منها ليلا.
انت متجاهل امكانيه تطوير مجتمعات ومساريع انتاجيه شمال 17.5 فى اى منطقه فى البحرالاحمر او شمال كردفان او شمال دارفور بالاستفاده من انشاء مزارع شمسيه لتغذيه التجمعات والمشاريع بالطاقه .مشكلتكانك بتفتكر الكلام لمصلحه المدن فقط وداير تجر الموضوع زى الكاونتربوينت
مناخ مناخ وطقس المناطق الشماليه يختلف عن مناخ وطقس المناطق الجنوبيه (بما فيها الخرطوم وشندى وعطبره) واى طالب مدرسه يعرف هذه المعلومات ويعرف الفرق فى المناخ شمالاوجنوبا .. واعذرنى ما ح ارد نانى ...الردود كافيه للمتمعن فى القراءه .... ولاداعى للدخول فى تفاصيل واصطلاحات ولو كنت هنا فى السودان كان مديتك بمراجع من مكتبتى عن الموضوع .واظن ممكن تتواصل عبر الانترنت مع اى قسم كهرباء او فيزياء فى بلدك التى تقيم بها وضمن مناهجها الطاقات المتجدده. بدل الجدل لاجل الجدل
سلام عليكم
08-26-2017, 00:37 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: الخلايا الشمسيه حساسه وذات مردود طاقه (كفاءه منخفضه) ومردود الطاقه يعتمد على شده الاشعه الشمسيه الساقطه وزاويه سقوط الاشعه على الخليه +++ لكن فى فتره الخريفيصعب الحصول على طاقه ذات مردود اذا لم تنعدم لانه (ببساطه دى طاقه تعتمد على ضوء الشمس ) وانت مصر تعملها حجه وموضوع طويل +++ نعم فى اوروبا تستخدم الخلايا لكن ليست امداد دائم بسبب شده الاشعه الساقطه هل الشده تبلغ عتبه الشده اللازمه لانتاج طاقه كهربيه طول ايام السنه ؟وكل طقس؟؟ +++ اما فى السودان انسب نوع للمزارع الشمسيه هو نفس نوع محطه نور فى المغرب (راجع الفيديو).وامكانيه تخزين الطاقه الحراريه للاستفاده منها ليلا. +++ انت متجاهل امكانيه تطوير مجتمعات ومساريع انتاجيه شمال 17.5 فى اى منطقه فى البحرالاحمر او شمال كردفان او شمال دارفور بالاستفاده من انشاء مزارع شمسيه لتغذيه التجمعات والمشاريع بالطاقه +++ طقس المناطق الشماليه يختلف عن مناخ وطقس المناطق الجنوبيه (بما فيها الخرطوم وشندى وعطبره) واى طالب مدرسه يعرف هذه المعلومات ويعرف الفرق +++ واعذرنى ما ح ارد نانى ...الردود كافيه للمتمعن فى القراءه .... ولاداعى للدخول فى تفاصيل واصطلاحات ولو كنت هنا فى السودان كان مديتك بمراجع من مكتبتى عن الموضوع
حساسة لشنو؟ لو كانت حساسيتها للضوء فدا عز الطلب ولو حساسيتها لحاجة تانية ورينا ليها شنو دي. وكلامك عن شدة الأشعة وزاوية السقوط دا كله سمعنا بيهو لماماً، بس ما حيقنع زول بأنو المطلوب (حرارة) وليس مجرد ضوء، والزاوية للوح دا شي ممكن ضبطه في أي بقعه في العالم! +++ لاتنعدم ولا حاجة، وتظل الخلايا تنتج الكهرباء والماء يخر من سطحها ولو عندك اعتراض حاول تثبت كلامك دا، ورينا من وين جبت حقيقة إنعدام الطاقة دي +++ ويعني شمال خط 17.5 الشمس شغالة بالليل وردية؟ وهل عتبة الشدة دي غير متوفرة في الجزيرة أو الدالي والمزموم مثلاً مافي حاجة اسمها إمداد دائم بدون احتفاظ بالطاقة أثناء ساعات الليل وفي دي تستوي أوروبا مع عطبرة مع ميدان أبوجنزير انت لو احترمت عقولنا فيها حاجة؟ +++ بس دا ما كلامك الأول! انت نظريتك الخطية كانت عن الخلايا الكهربية وليس المرايات العاكسة +++ أنا ما متجاهلها، انت المتجاهل لكل المجتمع جنوب خطك الوهمي غير المبرر دا عندك أي حسابات أو بيانات أرصاد متراكمة للخمسين سنة الفاتت مكنتك من الوصول للخط دا؟ ولا أخنق فطس ساكت؟ +++ فهل التقسيم المناخي (جنوبية) و(شمالية) يبدأ عند الخط 17.5؟ قووووول بيختلف، ما عندك أي مبرر علمي لتركيز مشروع يمول من الخزينة العامة على أساس أن العتبة جنوب الخط كعبة وفي شماله العتبة قزاز والسلم نايلو في نايلو ولو عندك أطلعنا عليهو بدون ما تتحجج بأنو دي أسرار زي عملة محمد مختار بتاع السيلوتيب +++ لا لا أنا دا ما تخاف علي من التفاصيل والمصطلحات كلو كلو، أنا أخو (التفاصيل) حساب معاك، معلومات عامة معاك، كوار معاك، إنجليزي معاك، وزندية ساكت معاك يلا أديني أسماء المراجع دي وخليني أتعلم شوية.
لأنو باين الموضوع كبير، كمان لو كنت مسؤول عن المشروع، أصلو ما بخليك تدقسنا.
أها، وين مرجعك لاختيار خط العرض 17.5 شمال لتركيز مشاريع الطاقة الشمسية؟ اسمو (latitude) مش؟ قول واحد.
08-27-2017, 08:37 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: انا زول ( science ) وكلامنا فى المواضيع دى لازم يكون مبنى على (facts ) وليس على ( emotions ) والواحد بيناقش الامور ويبنى ارائه على اساس انو انسان ينتمى الى البشريه وهذا العالم المسمى كره ارضيه فى المقام الاول
قلت كدة؟ خير اعتبرني بتاع دبلوم كهرباء سيارات متخصص صيانة مقنيتات وصنفرة بلوتين ولف ضفيرة يعني قطع شك كمان بنتمي للبشرية والكرة الأرضية دي انتهينا منها.
Fact 1
Fact 2
Fact 3
هسع شوف الحراية دي صاقعة في البلد كيفن! تقوم تجير الخزينة العامة شمال خط 17.5؟ لو بس بمعايير الكفاءة مقابل درجة الحرارة بطلع كلامك من باب (emotions) دا لو ما (corruption) شفت كيف! خليك من باقي (science) و (facts)
هل لديك أقوال أخرى؟ الخط 17.5 دا اتحصلت عليهو كيفن؟
08-27-2017, 10:58 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
*كل الردود على تساؤلاتك موجودة في مداخلاتي للشخص اللى عاوز يعرف فكره عن وجهة نظري في الموضوع. *الدوران حول نقطه لاستغلالها يسذاجه سياسيا في الموضوع لا يستحق الرد. *بدلا عن البحث في الانترنت ليومين لتأتى وتلقى ما جمعته من خرط دون (شرح)للقارئ في منبر عام (يختلف عن ما تقدمه وتقوله في منبر متخصص) مراعاه لخلفيه القارئ حول الرموز والمصطلحات !!! *بدلا عن الجدال لأجل الجدال في الالحاح في الرد على مداخله في بوست ليس لك وليس لى .... قدم رأيك ورؤيتك حول الموضوع المعبرة عنك اذا كان لديك ما تقدمه. *توليد الطاقة الشمسية ليس الخلايا الشمسية فقط (رغم تعدد أنواعها) .............. *قدم مقارنه بين تكلفه والطاقة المولدة لمساحة محدده لمزرعة شمسيه مكوناتها الخلايا الشمسية ونفس المساحة لمزرعة شمسيه قائمه على المرايا العاكسة. *الانترنت يقدم الغث والسمين من المعلومات ولايعنى ان اى شخص يجمع معلومات من الشبكة يضع نفسه كان صاحب تخصص. شايفك مره عامل اقتصادي في بوست المال ومره موسيقى خاتى راسك بى راس موسيقى متخصص !!! * اتعلم تقدم وجهه نظرك الخاصة بك وعدم ترصد الاخرين واثاره نقاشات انصرافيه تخدم مصلحه نظام يطلق كتائبه لتكميم افواه واقلام كل من يتنفس بطرح رايه. *مجادله الاخرين لا تصنع قيمه للمجادل وانما خصما عنه. * عليه قدم طرحك انت المعبر طالما انت متفرغ للبحث على الانترنت 24 ساعه لتتخصص في كل علوم الدنيا حتى تناقش كل خلق الله فى كل العلوم والمعارف.. والسلام ختام
*كل الردود على تساؤلاتك موجودة في مداخلاتي للشخص اللى عاوز يعرف فكره عن وجهة نظري في الموضوع. +++ *الدوران حول نقطه لاستغلالها يسذاجه سياسيا في الموضوع لا يستحق الرد. +++ *بدلا عن البحث في الانترنت ليومين لتأتى وتلقى ما جمعته من خرط دون (شرح)للقارئ في منبر عام (يختلف عن ما تقدمه وتقوله في منبر متخصص) مراعاه لخلفيه القارئ حول الرموز والمصطلحات !!! +++ *بدلا عن الجدال لأجل الجدال في الالحاح في الرد على مداخله في بوست ليس لك وليس لى .... قدم رأيك ورؤيتك حول الموضوع المعبرة عنك اذا كان لديك ما تقدمه. +++ *توليد الطاقة الشمسية ليس الخلايا الشمسية فقط (رغم تعدد أنواعها) .............. +++ *قدم مقارنه بين تكلفه والطاقة المولدة لمساحة محدده لمزرعة شمسيه مكوناتها الخلايا الشمسية ونفس المساحة لمزرعة شمسيه قائمه على المرايا العاكسة. +++ *الانترنت يقدم الغث والسمين من المعلومات ولايعنى ان اى شخص يجمع معلومات من الشبكة يضع نفسه كان صاحب تخصص. شايفك مره عامل اقتصادي في بوست المال ومره موسيقى خاتى راسك بى راس موسيقى متخصص !!! +++ * اتعلم تقدم وجهه نظرك الخاصة بك وعدم ترصد الاخرين واثاره نقاشات انصرافيه تخدم مصلحه نظام يطلق كتائبه لتكميم افواه واقلام كل من يتنفس بطرح رايه. +++ *مجادله الاخرين لا تصنع قيمه للمجادل وانما خصما عنه. +++ * عليه قدم طرحك انت المعبر طالما انت متفرغ للبحث على الانترنت 24 ساعه لتتخصص في كل علوم الدنيا حتى تناقش كل خلق الله فى كل العلوم والمعارف..
أهاااا قمينا، زي ما قال الخواجة!
أولاً أنا بعتبر نصيحتك دي رد، لأنها فيها نوع من التهكم واللولوة، جايز رد على طريقتي في التداخل لكن كمان طرحك مستفز وفيهو مواربة.
مافي ولا رد على سؤالي المحدد من البداية: كيف تحصلت على الرقم 17.5 باعتبار المناطق شماله هي (الأنسب) لمشاريع توليد الطاقة الشمسية الكبيرة؟
مافي أي علاقة بين سؤالي والسياسة، بل أول من طرق السياسة هو أنت بكلامك عن (إرادة سياسية) بينما توجهي أنا علمي بحت، ونعم ألمحت إلى أن مقترحك تشوبه رائحة سياسية، ولسة أنا مصر على ذلك، وعندك أنت فرصة الدحض العلمي، لو أجبت على السؤال أعلاه بدون مواربة أو لخبطة للأمور. تلميحي عن (المكر والخديعة) ودي قد تكون بدافع من شبهة فساد أو طمع أو تحيز أو جهوية.
طلبت أنا منك تزويدي بعناوين المراجع ولم تفعل! وكذلك تقليلك لما وضعت على أنه لا يناسب المنبر العام مردود عليك! لأن الرقم الذي توصلت إليه أيضاً ليس من (مقررات) بوستات المنبر يا عاصم، وحتى محاولتك لإخفاء المعلومة لا تناسب المنبر، فالناس هنا ليس لديها الوقت لمعرفة أين يقع الخط 17.5 ولو كنت حريص على عدم إقحام الناس في العلوم التخصصية (كما تزعم وتحاول) كان يكفي أن تقول (المناطق شمال عطبرة) أو أي قرية بطول ذلك الخط من شرق السودان حتى غربه، ولكنك اكتفيت بالإظلام وختمتها بكلمة (وشكراً).
وأنا أيضاً لم أجد مدينة كبيرة بطول الخط سوى عطبرة وكان بمقدوري أن أذكر (أم كربة) دغمسة مني زيك كدة، وزول يلقاها مافي. بعدين ما تشفق على القاريء، الأمور هنا واضحة وإذا أنا شعرت بغموض فسأحاول شرح ما وضعته من (خرط) وبدون مصطلحات.
أما بحثي يومين في الانترنت فدي ما حجة ليك كلو كلو! أنا عندي ستة مداخلات يومياً وعندي أولويات، ولو قلت داير أنا ممكن أصب جام الست مداخلات دي كلها هنا وأضريها بدون هواء ذاتو لكن ما حيعجبك وحنسمع الكوراك.
لا يوجد جدال هنا، يوجد سؤال! تحاول أنت المراوغة في الإجابة عليه، وبالتأكيد لي ما أقدمه وقلته بالفعل أن كل السودان يقع في منطقة مدارية مناسبة لتوليد الطاقة الشمسية.
أيوااااا جيتني في بكاني الدايرو: شوف يا زول البوست دا عن الخلايا الضوئية الكهربية (photovoltaic) يعني البتولد الكهرباء مباشرة، مش البتسخن الموية وتحولها لبخار وبعدين توربين ومنه لمولد كهرباء، وانت عارف كدة كويس، قول لي ليه؟
في أول مداخلة مذكورة في السعودية التي أتاحتها للمنازل.
جيت انت أكدت نفس نوع الخلايا بذكرك للإمارات، يعني عارف إنها photovoltaic بدليل ذكرك لأنو الشركة (تشتري) منهم الكهرباء، ما موية حارة.
وظاهرة من شكلها في الصورة إنها ما (مرايات) أما لو ما عارفها فدا يقدح في (التخصص) بتاعك انت وليس في خبرتي أنا بالبوبينات والكتاوت والشكبزور رغم تهويشك بالمصطلحات ومحاولة إخافتنا بكلمتين (science, facts) الما سمعنا بيهن قبل كدة لا أنا ولا المترجم البارع القال على الرسامين (ملونين).
لحد النقطة دي انت بتتكلم عن (photovoltaic) وختمت المداخلة بالجملة دي:
Quote: فى السودان الامر يحتاج توفر اراده سياسيه (حقيقيه) لحل مشكله الطاقه فى السودان . انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه لتجاوز وتقليل مشاكل انتاج الطاقه الكهرمائيه .
وشكرا
بعدها جيت أنا سألتك سؤال واضح جداً وعن سبب اختيارك للموقع وقلت ليك (أمكان أنزلكه الله أم هو المكر والخديعة؟) وسهلت للناس معرفة الخط دا وين.
وهسع عندك الفرصة تجاوب وتقول (هذا مكان أنزلنيه ربي) وبخليك تذهب أنت وربك تكاتلا، وأنا هنا قاااااعد زي ملكة بريطانيا، تمشوا وتجيني وتشرح الحصل شنو لقيت كلامي ولا كلامك الصاح، الحكاية (facts) ما (emotions)، بعد داك حأقول ليك بطل المكر والخديعة ونتصافى وانت تمشي الجنة وأنا (قاعد) في محلي دا عندي باقي مهام داير أنجزها.
جيت بعد داك بررت لكلامك بالخريف والمطر والغيوم:
Quote: وحديثى عن مزرعه شمسيه بمساحه كبيره بعشرات الافدنه لانتاج طاقه حسب المذكورفى المداخله (850 ميقاواط مثلا وقارن مع معدلات انتاج موجودهاو مقترحه اوردتها فى المداخله للمقارنه ). اذن ايهما انسب منطقه غائمه وممطره 4 او 5 شهور فى السه تخرجفيها المزرعه عن الانتاج اغلب الوقت خلال فصل الامطار ام ام منطقه ليكون فيها تخرج المزرعه عن الخدمه غالبا لظروف الصيانه .
وقلت ليك الخلايا تحول الضوء ولا ينعدم انتاجها للكهرباء بسبب المطر، ولا توجد محطة خلايا شمسية لا تخرج عن الخدمة، أساساً حتخرج عن الانتاج في كل ليلة، يعني نص السنة هي واقفة، لاحظ لغاية النقطة دي انت ما قررت تلوي الكلام أو توفق أوضاعك وتقول (أنا قاصد مرايات) لتسخين الموية، وأصريت على طرحك الغلط بالسكات وتجاهل السؤال الواضح.
جيت تاني طلعتني ما مركز وما بحاول أفهم الكلام بدون ما تقصر الكلام وتقول كيف حسبت 17.5:
Quote: مشكلتك ماداير تركز و(تحاول ) تفهم ماكتبته سابقا ...شمال الخط اياه للمزارع الشمسيه ذات الانتاج العالى ...تحدثت عن تنويع مصادر منظومه الطاقه. الخلايا الشمسيه حساسه وذات مردود طاقه (كفاءه منخفضه) ومردود الطاقه يعتمد على شده الاشعه الشمسيه الساقطه وزاويه سقوط الاشعه على الخليه حتى الان ممكن تستخدم فى البيوت مساعد للامداد الكهربائى الرئيسى ..لكن فى فتره الخريفيصعب الحصول على طاقه ذات مردود اذا لم تنعدم لانه (ببساطه دى طاقه تعتمد على ضوء الشمس ) وانت مصر تعملها حجه وموضوع طويل .
وسألتك حساسة لشنو وما جاوبت بحكم تخصصك، بل قلت لي (كاونتربوينت) وأنا ما عارف دا ياتو نوع من الخلايا الشمسية، والله القدوس.
لغاية المرحلة دي انت بتتكلم عن خلايا ضوئية كهربية (photovoltaic) وبتتحجج باختلاف المناخات وأكدت على ذلك (بتوجيهي) لأقسام الكهرباء والفيزياء في بلدي، تمام؟.
يادوووووبك هنا فطنت لغلطتك ودايرني أعمل ليك مقارنة بين الخلايا الشمسية والمرايا العاكسة؟ يعني كلامك الأول كله طلع مجرد مكر وخديعة، شفت كيف!
بعدين ليه المقارنة؟ عندنا موضوع مطروح وواضح،انت قلت فيهو رأيك وطلع كلامك بعيد عن المنطق والحقائق والحسابات ليه عايز تغيرو قبال ما تعتذر عن غلطك وتقول 17.5 دي من بنات أفكاري ساكت؟
دي برضها ما حجة ليك! اقتصادي ولا بتاع موسيقى دا موضوع تاني، أنا هنا دايرك (تشوفني خاتي راصي) براس متخصص خلايا شمشية عندك مانع؟
جبت حساباتك وفندت اختيارك للخط 17.5 بديك تعظيم سلام، قعدت تكلمني عن الكاونتربوينت حتفقد مصداقيتك هنا، فاحترم عقولنا، المخططات والخرائط دي غثة ولا سمينة؟ واعتراضك عليها شنو؟
ما ياها وجهة نظري قدمتها ليك! وقلت إنو كلامك القطعتو من راصك دا (17.5) يا إما مكان أنزلكه الله يا مكر وخديعة، لكن حسابات ما بتقدر تقنعني بيهو ومنطق ما بتقدر تقنع أي زول هنا وحقائق أي قدامك وبالألوان، وين (الانصرافية) هنا، كلمني بالله يا عاصم؟ بعدين شنو نظام وتكميم أفواه وكتائب؟ جيتك أنا دا براي بنانا، شيطاني ذاتو خليتو وراء، تقول أنا متربص بيك وبطاردك! الزول يعني يصدق الوحي المنزل على أي عضو هنا ولا كيفن؟ بعدين يكمموا فاهك في شنو؟ توصيتك بحصر مشاريع الطاقة الشمسية شمال عطبرة؟ فليكن إذا، أيوة تتكمم بالمنطق والحسابات والإقناع، طالما الصالح العام لكل السودانيين يتطلب إسكات صوت جهوي تضليلي زي دا. انت قلت (زول بتاع علم وحقائق) وسؤالي وااااااحد ردك يكون بأنك استخدمت معادلات كذا أو استنبطت من البيانات المرصودة لفترة كذا أو بناء على تجربة واقعية في منطقة كذا، لكن طاااااخ 17.5 ما بقبلا منك دُت إلا أشوف خاتم النبوة بعيني اليمين.
we hope to differ.
طرحي قدمتو فوق، كل مناطق السودان تصلح للخلايا الشمسية الكهربية، ومافي أي واقع أو حقيقة علمية فيزيائية تقرر جملتك (أنسب الأماكن شمال خط 17.5) بل المناطق الانت اعتبرتها أنسب بناء على تخصصك قد تكون الأسوأ نسبياً من واقع خصائص الخلايا الشمسية الكهربية (Fact 1)، والمخطط عندك فوق ومشفوع بالخارطة الحرارية للسودان وكمان مخطط (GHI)، كذلك من واقع تلف الخلايا (degradation) بالإجهاد الحراري لأنو المناطق دي فعلياً واقعة في الصحراء، وكل الطرح والمخططات دي أنا وجهتها ليك لأنك زعمت التخصص، بدون شرح، ولو داير أنا (قاعد) وما بقول ليك في سبيل اللاهي غمنا وأيوة نعم متفرغ 24 ساعة للبحث في الانترنت، كعبة دي؟ أصلها دي ما مشكلة، وبرضو عايز أناقش كل خلق الله في العلوم والمعارف، طالما الكلام يمسني كمواطن، ما كلفت الدولة شيء ولا نازعت متخصص في كرتونته ومخصصاته ولا غبشت رأي عام أو ضللت مسؤول سياسي ولا فتحت صيدلية قصاد صيدلية زول ولا زعمت أني أسمح من (زول) أو بطني أنضف من جلدو.
بعدين شمال خطك دا شرقاً مافي غير هيا وسنكات وسواكن وبورتسودان وغرباً مافي غير أوسلي والدبة والقولد ودنقلا وكريمة وحلفا، عطبرة (18) كيلو واعتذر عن معلومة سابقة، فالخط يمر بعطبرة فعلياً وليس شمالها. بل في المنطقة الريفية شمال المدينة وجنوب دارمالي، وهنالك مشاريع ري محوري كثيرة بحاجة للكهرباء!
كردفان ودارفور برة الخط، أصلاً، ولا حتى الواحات ما جاي بجنبها، أقرب مدينة الفاشر (500) كيلو نقول ما عندهم شمس.
مستعيناً بالخريطة الجوية أدناه حدد إلي أي منطقة بالضبط تقدم الخدمة بتوصيتك هذه؟ 1- القلابات 2- دلقو 3- كتم 4- الرهد
17.5 !!!؟ هسع النص دا نظام تأكيد لمصداقيتك الأكاديمية ولا نتيجة حسابات مضنية؟
08-29-2017, 03:57 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
أيوة طبعاً مكر وخديعة في لبوس (facts) و(science) ومراجع علمية معقدة ولو عندك اعتراض أو تفنيد يا عاصم علي تعال قدم حججك هنا تحت الشمس وما تقول لي (طاردتني) أو (كاونتربوينت) أطلع الميدان يا حميدان!
أها، الخط 17.5 دا حسبتو كيف؟ جنس زرزرة.
09-10-2017, 10:00 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ولاداعى للدخول فى تفاصيل واصطلاحات ولو كنت هنا فى السودان كان مديتك بمراجع من مكتبتى عن الموضوع
في داعي يا أخ عاصم! لأنو الموضوع بعد دا بقى تفاصيل، ولا رأيك شنو؟ والمطلوب أسماء المراجع فقط، أو لو توفر الوقت أطرح المعلومة التي تدعم مقولتك
أنا قلت العندي، وأنت ملزم بواحدة من اتنين: 1- إنكار تفسيري لمقولتك والدفع بطريقة علمية بما يضحدها. 2- الموافقة على ما عرضته أنا والاعتذار عن التضليل المتعمد للناس.
هكذا يكون التعاطي في المنابر، في الشأن العلمي.
09-19-2017, 12:32 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: كدي اهم حاجه ناس الجمارك حقهم كم لو الزول داير يجيب شرائح استخدام منزلي ؟ في زول عندو تجربه زي دي ؟ لانها ما غاليه الشرائح البتتركب في اسطح المنازل دي
يا معاوية محتاجين لي تنوير كامل زي توفر فنيين للتركيب وطريقة توصيلها بالمنزل وطريقة عملها مع الكهرباء العادية بالتناوب .. وهكذا ...
يا ريت لو في شخص جرّب الشغلانية دي في السودان يدّينا تنوير ...
ومفروض تكون معفية من الجمارك ومن أيّة رسوم إضافية لأنّها بتساعد الدولة الما قادرة توفّر الكهرباء للمواطنين !!
09-19-2017, 12:51 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
قبل كدا سكيت الموضوع دا ولقيتا ما صعبه ممكن بي الكتلوج تتوصل (استخدام البيت )..بس العقبه دايما عندنا الجمارك (هادم اللذات) لو بدخلوها مجان الشغله ما مكلفه
09-19-2017, 12:57 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
قبل يومين قريت في صفحه صدقات انهم عندهم مشروع بتاع سوقيا في احدي القري المشروع مخطط انو يشتغل بي الطاقه الشمسيه ..
Quote: يعلن مجتمع صدقات عن البدء في تنفيذ مشروع محطة مياه قرية عرداية -ريفي كازقيل -ولاية شمال كردفان والتي يبلغ عدد سكانها حوالي 4500 نسمه بالإضافة إلي الثروة الحيوانية الكبيرة يشمل المشروع : -حفر بئر بعمق 250 قدم -تركيب طلمبة غاطسة -تركيب وحدة طاقة شمسية -تركيب خزان GRP سعة 24000 لتر مكعب -تسوير المحطة التكلفة التقديرية للمشروع 625,000 ج للإستفسار 0910010077 0155188155
معناها في تجارب ميدانيه
09-20-2017, 06:24 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
المشكلة الاساسية في السودان لاستخدام الطاقة الشمسية على نطاق واسع هي القوانين وعلى فكرة القانون لا يسمح لاي مواطن او جهة اعتبارية باقامة مصدر مستقل لامداد الطاقة الكهربائية بدون موافقة الجهة المسؤولة (شركة الكهرباء) واللي عادة بترفض في حالة انو اسلاكها بتصل لغاية الجهة دي يعني ببساطة يا معاوية لو داير تشغل بيتك بالطاقة الشمسية وانت في نص الخرطوم او حتة مغطاة بالشبكة القومية ما بدوك تصريح ولو ركبتها بجو ينزلوها ليك القانون على ما اعتقد شغالين على تغييره لكن طبعا الحكومة يومها بسنة ثانيا في حالة انظمة المنازل هناك نوعين : 1- المتصل مع الشبكة وهو يحتوي على خلايا شمسية ومحول (inverter ) ولا يحتاج الى بطاريات وده الارخص لكن في السودان مع انقطاع التيار الكهربائي المتكرر لن تستطيع الاستفادة منه لانه في حالة انقطاع التيار الكهربائي سيتوقف امدادك بالطاقة ايضا من الخلايا وده بينفع في دول الامداد الكهربائي فيها مستقر لتستفيد من بيع الفائض للشبكة القومية او تخفيض فواتيرك (طبق هذا النظام في السعودية ومطبق في مصر والامارات و اوروبا وامريكا ودول اخرى كثيرة جدا) العائق الان في السودان هو القانون كما ذكرت لانو ما مسموح ليك تعمل مزامنة مع الشبكة القومية والعداد الراكب دلوقتي في البيوت ما بيقبل الامداد العكسي وغير كده ما محدد سعر للطاقة دي تبيع بيهو لشركة الكهرباء 2- النوع التاني وهو المستقل عن الشبكة القومية وده بيتكون من خلايا شمسية وبطاريات و محول وجهاز ضبط شحن البطاريات وده تكلفتو اعلى لكن امداده مستقر وهو ايضا غير مسموح به في المناطق المغطاة بالشبكة القومية خاصة المنازل والمصانع الخ الخ اعتقد ان الخطوة الاولى هي العمل على تغيير القوانين بسرعة ومحاولة الاستفادة من المساحات المتوفرة في بعض المناطق السكنية وكمان تبني سياسة مالية تسمح للبنوك بتمويل المواطنين لاقامة مثل هذه المشاريع الصغيرة بشروط ميسرة زي ما حاصل في مصر حيث تتحمل الحكومة المصرية الفوائد البنكية ويدفع المواطن فقط مبلغ القرض الاساسي
09-20-2017, 07:01 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
بالنسبة للقانون قرأت قبل كدا .. لكن وين ما عارف احتمال هنا في المنبر إنّو القانون بيلزمك فقط إذا وقعت عقد مع شركة الكهرباء بتوصيل الكهرباء لمنزلك !! بمعنى إذا لم تقم بتوصيل أية كهرباء قبل كدا من شركة الكهرباء ولم تقم بتوقيع أي عقد معهم فأنت غير ملزم بهذا القانون ...
09-20-2017, 08:21 AM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
يا صبري ببساطة السودان لا يتوفر به عداد يدور للخلف هناك نظامين لاستغلال الطاقة الشمسية في المنازل
1- ىالنظام الفردي وهذا لا يكون مرتبط بخط الكهرباء العامة
2- نظام مزدوج (On Grid System) مرتبط بالكهرباء العامة وهذا يحتاج لعداد خاص يدور للخلف لعملية (Back-Feeding) وهذا النظام خطر جداً لذلك لا يسمح به إلا بتصدديق رسمي من شركة الكهرباء وبتوصيل من جهة مختصة ومدربة على تفيذ هذه التوصيلات بما يضمن سلامة المنزل وسلامة الشبكة العامة.
09-20-2017, 08:43 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
المشكلة في السودان انو الجسم الرقابي هو نفسه الجسم المقدم للخدمة في مجال الطاقة الكهربائية عشان كده شركة الكهرباء غير متحمسة لانها تسمح لناس تانيين يقدمو نفس الخدمة اتمنى انو تتنقل نفس طريقة عمل شركات الاتصالات لمجالات خدمية اخرى اي فصل الجسم الرقابي عن مقدم الخدمة وبكدة القطاع حيطور في السعودية الان هناك هيئة الانتاج المشترك هي الجسم الرقابي وتسمح لشركات اخرى غير الشركة السعودية للكهرباء بتقديم خدمة تزويد المستهلكين الكبار بالطاقة والهيئة هي التي تتحكم في اسعار هذه الخدمة وجودتها ما دام الحكومة عملت شركات للانتاج الكهربائي والنقل والتوزيع وهي شركات ربحية فمن باب اولى تفتح المجال وتغير القوانين لانو بالمنافسة الخدمة حتتصلح واصلا الحكومة ليست لها موارد لاقامة محطات جديدة فدخول مستثمرين في القطاع حيطورو اكتر وتتحسن جودة الخدمة المقدمة وبكده تطلع الحكومة من القصة وتكون جهة اشرافية ورقابية لحماية المستهلك النهائي
09-20-2017, 09:46 AM
جمال الباقر جمال الباقر
تاريخ التسجيل: 12-14-2008
مجموع المشاركات: 2237
Quote: المشكلة الاساسية في السودان لاستخدام الطاقة الشمسية على نطاق واسع هي القوانين وعلى فكرة القانون لا يسمح لاي مواطن او جهة اعتبارية باقامة مصدر مستقل لامداد الطاقة الكهربائية بدون موافقة الجهة المسؤولة (شركة الكهرباء) واللي عادة بترفض في حالة انو اسلاكها بتصل لغاية الجهة دي يعني ببساطة يا معاوية لو داير تشغل بيتك بالطاقة الشمسية وانت في نص الخرطوم او حتة مغطاة بالشبكة القومية ما بدوك تصريح ولو ركبتها بجو ينزلوها ليك القانون على ما اعتقد شغالين على تغييره لكن طبعا الحكومة يومها بسنة ثانيا في حالة انظمة المنازل هناك نوعين : 1- المتصل مع الشبكة وهو يحتوي على خلايا شمسية ومحول (inverter ) ولا يحتاج الى بطاريات وده الارخص لكن في السودان مع انقطاع التيار الكهربائي المتكرر لن تستطيع الاستفادة منه لانه في حالة انقطاع التيار الكهربائي سيتوقف امدادك بالطاقة ايضا من الخلايا وده بينفع في دول الامداد الكهربائي فيها مستقر لتستفيد من بيع الفائض للشبكة القومية او تخفيض فواتيرك (طبق هذا النظام في السعودية ومطبق في مصر والامارات و اوروبا وامريكا ودول اخرى كثيرة جدا) العائق الان في السودان هو القانون كما ذكرت لانو ما مسموح ليك تعمل مزامنة مع الشبكة القومية والعداد الراكب دلوقتي في البيوت ما بيقبل الامداد العكسي وغير كده ما محدد سعر للطاقة دي تبيع بيهو لشركة الكهرباء 2- النوع التاني وهو المستقل عن الشبكة القومية وده بيتكون من خلايا شمسية وبطاريات و محول وجهاز ضبط شحن البطاريات وده تكلفتو اعلى لكن امداده مستقر وهو ايضا غير مسموح به في المناطق المغطاة بالشبكة القومية خاصة المنازل والمصانع الخ الخ اعتقد ان الخطوة الاولى هي العمل على تغيير القوانين بسرعة ومحاولة الاستفادة من المساحات المتوفرة في بعض المناطق السكنية وكمان تبني سياسة مالية تسمح للبنوك بتمويل المواطنين لاقامة مثل هذه المشاريع الصغيرة بشروط ميسرة زي ما حاصل في مصر حيث تتحمل الحكومة المصرية الفوائد البنكية ويدفع المواطن فقط مبلغ القرض الاساسي
تجدني دائما ابحث عن ردودك في مثل هكذا مواضيع ولا يخيب ظني فتاتي بالمفيد شكرا لك محمد ابراهيم علي ما تفضلت به من شرح وما تضفضل به دائما
وشكرا ايضا لصاحب البوست
09-20-2017, 04:26 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: افضل المناطق للاستفادة من الطاقة الشمسية في السودان و باقل تكلفة هي الشمال و الشمال الغربي للسودان يمكن مراجعة الخريطية ادناه :
"الخريطية" الجبتها دي يا مدثر مش ياها بتشبه الخريطية بتاعتي في Fact 3؟ ولا أنا موهوم ساكت؟
طيب، لما تقول (أفضل) بتقصد شنو؟ نقول مثلاً مناطق زي كوستي والأبيض (ما مناسبة)؟ بورتسودان والقلابات مثلاً (ما مناسبة)؟ وفي الخريطية الجبتها دي نفهم مثلاً إنو الحتة المحمرة شديد دي (أنسب) منطقة مطلقاً؟
رأيك شنو يا عاصم علي؟ دايرين (science) نحنا، أنا ومدثر أخوي ديل جرمندية ساكت.
09-20-2017, 04:40 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
دبي دي مساحتها أصغر من أمدرمان دشنت أكبر مشروع مركز للطاقة الشمسية في العالم لإنتاج 5ألف ميقاواط بتكلقة تبلغ تقريا 18 مليار دولار
في السابق عندها حوالي 800 ميقاواط من الطاقة الشمسية تدخل الي شبكتها ...
السؤال هنا أيهما أرخص إنتاج الطاقة للسودان إسترتيجيا ؟ من :( الشمس / الوقود/التوليد المائي) المقارنة هنا بين : 1- تكلفة التأسيس .. 2- تكلفة التشغيل .. 3- تكلفة الصيانة..
09-20-2017, 04:41 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ثانيا في حالة انظمة المنازل هناك نوعين : 1- المتصل مع الشبكة وهو يحتوي على خلايا شمسية ومحول (inverter ) ولا يحتاج الى بطاريات وده الارخص لكن في السودان مع انقطاع التيار الكهربائي المتكرر لن تستطيع الاستفادة منه لانه في حالة انقطاع التيار الكهربائي سيتوقف امدادك بالطاقة ايضا من الخلايا وده بينفع في دول الامداد الكهربائي فيها مستقر لتستفيد من بيع الفائض للشبكة القومية او تخفيض فواتيرك (طبق هذا النظام في السعودية ومطبق في مصر والامارات و اوروبا وامريكا ودول اخرى كثيرة جدا) العائق الان في السودان هو القانون كما ذكرت لانو ما مسموح ليك تعمل مزامنة مع الشبكة القومية والعداد الراكب دلوقتي في البيوت ما بيقبل الامداد العكسي وغير كده ما محدد سعر للطاقة دي تبيع بيهو لشركة الكهرباء
سلامات ود ابراهيم و حمدالله ع السلامة الجابك يجيب عقابك ان شاء الله :) ياخي الحتة دي ما فهمتها كدي وقعها لي,ليه انقطاع تيار الحكومة يوقف امدادك من الخلايا, مش اساسا هم منفصلين و العلاقة الوحيدة في حالة تحويل فائض استهلاكك للشبكة او رجوعك للشبكة بالليل مثلا او في حالة ضعف او توقف الامداد من الخلايا؟
09-20-2017, 04:46 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: المشكلة في السودان انو الجسم الرقابي هو نفسه الجسم المقدم للخدمة
نقطة مهمة يا محمد إبراهيم.. بس من المفترض الا تمنع هذه الجهة المواطن من تركيب أقراص شمسية للإستفادة من الطاقة للإستخدام للأغراض الخاصة. اللهم الا اذا قامت شركة بتركيب محطة للطاقة الشمسية بغرض بيعها للمواطن. لا دايرين يرحموا لا دايرين يخلوا المواطن يستفيد من الشمش الحرقتو دى...تعطيل فى الاستراد وتعطيل فى التركيب
تحية خاصة .. .ليك زمن ماظاهر وسائلين منك..
كل التحايا..
09-20-2017, 05:02 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: ياخي الحتة دي ما فهمتها كدي وقعها لي,ليه انقطاع تيار الحكومة يوقف امدادك من الخلايا, مش اساسا هم منفصلين و العلاقة الوحيدة في حالة تحويل فائض استهلاكك للشبكة او رجوعك للشبكة بالليل مثلا او في حالة ضعف او توقف الامداد من الخلايا؟
يا ود البشري لغاية ما يجي أبراهيم النديك العندي
المشاريع الكبيره لإنتاج الطاقة الشمسية بتكون موصله بالشبكة القومية من دون تخزيـن , يعني إنتاج وتووش علي الشبكة \ إنقطاع الإمداد الرئيسي من الشبكة ما عنده علاقة بي إنتاج الخلايا الشمسية لأي سبب إذا إنقطع عنك الإمداد ممكن الكهرباء تكون ماشه حته تانية الكلام لا ينطبق علي الطاقة المنتجة والمخزنة في البطاريات
09-20-2017, 08:05 PM
Frankly Frankly
تاريخ التسجيل: 02-05-2002
مجموع المشاركات: 35211
1- تصميم مرتبط بالشبكة بدونن بطاريات تخزين وهذا يعتمد على الإمداد الكهربائي ليلاً من الشبكة وغالباً ما تكون مساوية أو قريبة لما أضافه للشبكة نهاراً 2- تصميم مرتبط بالشبكة وله بطاريات تخزين ويسمى هذا النظام بالهايبريدHybrid لأانه يزاوج بين الفردي (Off Grid) و(On Grid)وهذا يعمل ليلاً وفي حال انقطاع التيار الكهربائي العام ولا يسحب من الشبكة إلا ما يزيد عن طاقة تخزين البطاريات
09-20-2017, 10:59 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
في زول عندو فكره انو في عقد موقع بين المستخدم والشركه القوميه للكهرباء ولا الزول بشتري العداد بي اسمو وخلاص ؟ لانو لو مافي عقد وموضح فيهو شروط الخدمه والاستخدام يبقي بيني وبينوم مافي اي التزام قانوني ..
09-21-2017, 06:18 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
Quote: ياخي الحتة دي ما فهمتها كدي وقعها لي,ليه انقطاع تيار الحكومة يوقف امدادك من الخلايا, مش اساسا هم منفصلين و العلاقة الوحيدة في حالة تحويل فائض استهلاكك للشبكة او رجوعك للشبكة بالليل مثلا او في حالة ضعف او توقف الامداد من الخلايا؟
حبابك يا رمادي الموضوع له علاقة بالسلامة فهناك احتمال ان يزيد انتاجك من الخلايا الشمسية عن حاجتك وتبدا التغذية العكسية في الشبكة التي من المحتمل ان هناك عمليات صيانة تجري فيها في نفس الوقت فتشكل خطرا على سلامة العاملين او المعدات البيحصل انو Inverter بيعمل Synchronization مع الشبكة القومية وبيكون في لحظات مثلا استهلاكك اعلى من معدل انتاج الخلايا الشمسية فعادي بيحصل تعويض للفرق ده من الشبكة او لو انتاجك اعلى انت بتغذي الشبكة بالفائض عشان كده في الكود بتاع التوصيل بيلزم مصنع ال Inverter بتاع الانظمة دي انو يجي بمواصفة معينة وهي انو يفصل الكهرباء خالص من المستهلك ويعمل Switch Off في حالة انقطاع التيار من الشبكة
09-21-2017, 07:27 AM
احمد الشيخ احمد الشيخ
تاريخ التسجيل: 12-23-2014
مجموع المشاركات: 784
بوست جميل ومهم لو فكرت اعمل مصنع في السودان لانتاج الخلايا الشمسية الرأي شنو والخطوات المطلوبة شنو ، والجهات الفي السودان الممكن تعمل دراسة جدوى علمية متخصصة في الموضوع دا منو
09-21-2017, 07:48 AM
آدم صيام آدم صيام
تاريخ التسجيل: 03-11-2008
مجموع المشاركات: 5736
Quote: ما هي أنظمة الطاقة الشمسية للمنازل؟أنظمة الطاقة الشمسية تستطيع تحول أشعة الشمس الي أي شكل من أشكال الطاقة التي تلبي احتياجاتنا اليومية داخل المنزل مثل : • الألواح الشمسية الفولتوضوئية • السخانات الشمسية • أجهزة طهو الطعام بالطاقة الشمسية
أنظمة الطاقة الشمسية للمنازل عبارة عن تكنولوجيا تقوم بتحويل أشعة الشمس الساقطة علي الألواح الفولتوضوئية، إلى طاقة كهربية تستطيع استخدامها لتلبية احتياجاتنا داخل المنزل.
ويعتمد علي حجم النظام نفسه ومدي استهلاك الكهرباء والموقع الجغرافي، فشدة الإشعاع الشمسي يختلف من بلد إلى أخر.
وتعتبر مصر من البلاد التي تتمتع بضوء الشمس معظم أوقات العام، وبنسبة عالية ويصل متوسط فترة سطوع الشمس الى 6 ساعات تقريبا. فالنظام الشمسي سيقوم خلال تلك المدة بإنتاج الطاقة التي سيحتاجها المنزل ويقوم بتخزينها في بطاريات لاستخدامها عند الحاجة .
أول نظام الطاقة الشمسية للمنازل، هو النظام الفردي يعمل دون الاتصال بشبكات الخط العمومي للكهرباء، ويعرف باسم off Grid ، ويتطلب هذا النظام وجود بطاريات لتخزين الطاقة الكهربية الزائدة عن الاستخدام لاستخدامها في الليل. وبالطبع يمكن أن يعمل هذا النظام في منزل يوجد به كهرباء علي الخط الأرضي أيضا.
ولحساب حجم النظام المطلوب يتم حساب حجم الأحمال المطلوبة ليلا ونهارا طبقا للأجهزة الكهربائية الموجودة وتقديرها بالكيلووات وبناء عليه يتم تحديد حجم مصفوفة الألواح الشمسية وعدد الألواح وقدرتها الكهربية، كذلك قدرة محول التيار المطلوب وتحديد حجم البطاريات المطلوبة وعددها وسعتها
يبلغ العمر الافتراضي للخلايا الشمسية "عمر الخلايا الشمسية" حوالي 25 سنة، وتتطلب صيانة بسيطة بينما يبلغ العمر الافتراضي للبطاريات من عامين حتى أربعة أعوام.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohammed Ahmed Saeed
Asim Ali
MOHAMMED ELSHEIKH
أحمد الشايقي
حاتم إبراهيم
سيف اليزل سعد عمر
Abureesh
مدثر صديق
أيمن محمود
Hassan Farah
Frankly
Maawya Hussein
محمد إبراهيم علي
جمال الباقر
عبدالعظيم عثمان
محمد البشرى الخضر
احمد الشيخ
آدم صيام
فيس بوك
تويتر
انستقرام
يوتيوب
بنتيريست