|
Re: أرض للبيع السريع: مساحتها ألف متر مربع بسع (Re: النذير حجازي)
|
هاهاها@ عووضة يا عووضة تعرف في واحد من التلاتة ديل مُلخبط: يا أنا مُلخبط يا إنت مُلخبط يا إما حمد ملخبط إنت قلت عد حسين وكافوري وشرق النيل على الرغم من إني ما بعرف السودان إلا من الذاكرة بعرف إنو عد حسين في الخرطوم والباقين في بحري، اللي بجيب الخرطوم لي بحري شنو؟ هاهاها وخبطني أكتر حمد رد على مداختك اللي أنا إفتكرتها نكتة ومشاغلة قال ليك وين لي حي النسيم ؟ هاهاها علشان كدا حيرني أكتر ، وحسيت نفسي أنا المُلخبط هاهاه إلا يكونوا عد حسين دي حولوها بحري أو في بحري في عد حسين تانية، لأنو عد حسين دي جمب مايو بعد الصحافات والحزام الأخضر أما حي النسيم دا والله يطرشني ما سمعت بيهو كلو كلو
| |
|
|
|
|
|
|
Re: أرض للبيع السريع: مساحتها ألف متر مربع بسع (Re: النذير حجازي)
|
النذير ياخي عذبتنا عد بابكر غرب مدينة. الصحفيين والوادي الأخضر ...... نصيحتي ليك لو عندك قروش ما تفوت القطعة دي على مسؤ ليتي السعر دا عالي شوية لكين ما حتندم اول حاجة الخرطوم خلاس اتقفلت تاني مافيها طريقة...يعني المستقبل ماشي علي شرق النيل بعدين الشارع الدائري دا حي شديد وماشي لحدي مصفاة الجيلي مساحة القطعة مغرية. يعني لو لقيت عليها. من احد الجيران ٥٠٠ ولا الف. متر يكون عندك نص مزرعة. وسكن في نفس الوقت ...... انا والله لو هسي ما متضايق شوية كان اشتريتها تسلفني؟
| |
|
|
|
|
|
|
Re: أرض للبيع السريع: مساحتها ألف متر مربع بسع (Re: عثمان عووضة)
|
هي فعلا الأرض مغرية زمان أنا واحد قال لي اشتري في أم ضريوة بخمسة ألف قلت ليهو انت موهوم هسة أم ضريوة درجة أولى
انا الأحياء الجديدة دي ما بعرفها وهسة القطعة دي ما قادر اتخيلها بس في إجازتي دي واحد قال لي في قطع في النسيم ب 200 ألف مشيت بشارع حلة كوكو دا لحدي تقاطع الدائري قال على يمينك دي النسيم شمالها في مزرعة ومصنع قالوا حقات كرتي .
بس أنا عندي فلسفة في شراء الأراضي دي يعني حسب وضعك الأسري من حيث المراحل التعليمية يعني لو عندك ناس يا دوب حيخشوا الجامعة حتتمقلب لو سكنت بعيد لأنو لو عندك سيارة عايز ليك يوميا 3 جالون بنزين بـ 80 جنيه غير مصاريف الجامعة ولو ما عندك عربية إلا يقوموا نص الليل ويجوك راجعين نص الليل التاني
أحسن تأجر في نص الخرطوم دي
| |
|
|
|
|
|
|
Re: أرض للبيع السريع: مساحتها ألف متر مربع بسع (Re: عثمان عووضة)
|
بالمناسبة المنطقة اكتر. منطقة حية على طول الطريق الدائري. فيها تلاتة مطاعم تقريبا وعدد من المقاهي و دكاكين لاسبيرات الشاحنات و ورش تصليح شاحنات وتبعد المنطقة من كبري المنشية بحوالي ٢٧ دقيقة بس مشي بتاع قلب .... احييي...لو كان الفلس رجلا لقتلته 😈😈
| |
|
|
|
|
|
|
Re: أرض للبيع السريع: مساحتها ألف متر مربع بسع (Re: عبد العزيز محمد عمر)
|
شكراً يا شباب على التفاعل مع البوست، ومعليش في التأخير في الرد، لأن بكتب كل عطلة نهاية الإسبوع، ويا حبيبنا عووضة كدا إنت سلفي خليني أوصل النت في البيت وإتواصل معاكم أول الأرض ملحوقة هاهاهاها ويا عبد العزيز أنا إتصل على المالك الإسبوع الفات وقال لي يا جماعة في ألف متر مربع شهادة بحث؟!
تحياتي وتقديري للجميع بدون فرز
| |
|
|
|
|
|
|
|