|
|
|
 Re: مصر .. رئيس السودان يتعهد بتوفير الاحتياجا (Re: doma)
|
سلامات يا عبادي ..
تعهد الرئيس السوداني عمر البشير ، بأن توفر بلاده المنتجات والاحتياجات الغذائية لكافة الدول العربية، خلال الفترة القادمة،
الكلام ده قالوا في خطاب الثورة رقم (1)
بس ما قال كافة الدول العربية، قال اكتفاء داخلي بس
طيب .. حتي الان 27 سنة والاكتفاء ما تم
فيا ربي يكون قاصد شنو بافترة القادمة دي؟
| |
 
|
|
|
|
|
|
|
 Re: مصر .. رئيس السودان يتعهد بتوفير الاحتياجا (Re: عماد الدين الطيب عمر)
|
يا سيد محمد بشير...مثل هذا الخطاب الاستفزازى لاينبغى ان يكون فى الهواء الطلق لانه برسم الواقع هذا النظام فشل فى انجاز ملف التنمية فى بلد غنى بالموارد يحتاج لارادة سياسية
تضبط الموارد وتحاصر منابع الفساد وتضع حد لترهل الجهاز البروقراطى...وليس مثل هذا الكلام المجانى فى منتديات الحماس والارتجال..والله عيب كبير مرور 27 عام فى بلد غنى
بالموارد ومازال يعالج اختلالات الاقتصاد وهيكلته عن طريق المواطن الكحيان بسياسة رفع الدعم عن السلع ومع ذلك ياتى قمة الهرم السلطوى ويدعى توفير الاحتياجات للبلاد العربية
هذا منطق لا يستقيم مع ظاهر الحال المائل..وضعتونا فى خيارات بائسة بين نظام يضمن لحد ما حفظ الامن والاستقرار مع فتح معركة شرسة للحصول على القوت والخدمات وبين
العشم فى تغيير يأتى بالفوضى مع استمرار معركة القوت والخدمات على اشدها وهنا مكمن الخطورة بدل ان يخوض المواطن معركة القوت والخدمات يضاف اليه معركة الامن
من اجل البقاء هذه هى الصورة المأساوية لمالات الاوضاع وللاسف راس الدولة وتنظيمه بعيد كل البعد عن ادراك هذه الازمة ومعالجتها والتى لا تجتاج لمعجزة اكثر من منهج التطهرية
والمحاسبة وضبط الانفاق وتنفجير طاقات الانتاج فى بلد غنى بموارده.
| |
|
|
|
|
|
|
|
|
|
Re: مصر .. رئيس السودان يتعهد بتوفير الاحتياجا (Re: محمد بشير عبادى)
|
لسودان بلد كما معروف موفور الموارد فقط تحتاج للتخطيط العلمي السليم والإدارة الرشيدة ، بعدها السودان فعلاً سيكون سلة غذاء العالم وليس العرب وحدهم
----------------------------------------
و السبعة و عشرين سنة الفاتن ديل ما كان في تخطيط علمي سليم و إدارة رشيدة يعني و لا شنو ؟
بعدين ياخ خلونا نكتفي نحنا في الأول بعدين تشوفوا باقي الدول العربية و لا العالم
أصحوا يا أرزقية النظام
بعض الناس بقت تاكل من الكُوش و باقي طاولات المطاعم
الناس بقت تاكلها وجبة واحدة في اليوم
كتير من التلاميذ بيمشوا المدارس و ما معاهم وجبة الفطور أو قيمتها
و كتير منهم بقوا يمشوا مدارسهم على رجولهم لأنو ما عندهم حق المواصلات
إنتو ما عايشين في البلد و لا شنو ؟
ما شايفين الحال الوصلت ليها ؟
| |
|
|
|
|
|
|
| |
محمد بشير عبادى
doma
عمر التاج
على تاج الدين على
kamal omer
فيس بوك
تويتر
انستقرام
يوتيوب
بنتيريست