كلمات العبادي http://m.sm3na.com/audio/fac511995092http://m.sm3na.com/audio/fac511995092 عج بى واخد سنده بالدرب التحت تجاه ربوع هنده بوصيك قبل تبدا سيرك داك طريقك صابق الربده منك بعيد جبده حى هنده المراد ميل بى ربوع عبده اطوى الارض واضرع من افكارنا سيرك يالفيات اسرع ميل على المشرع لا تريع القطيع بتجفل الادرع شوف سايق الفيات الليله كيفن هاش والشدر الكبار بقى شوفنا ليهو طشاش قولي دحين وين ماش فارقت الطريق أتيامن الرماش شقا حشا الطريق واتيمم الحلال زفنو الكلاب مانالن إلا علال فاضلات ثواني قلال بينك والغروب داك مشرع الشلال يازين الشباب ياطيب الأخلاق يا أمين الصديق والناس على الإطلاق من ايدى الصناعة يبعد المعلاق انظر للطبيعة ومجد الخلاق انزل ياصديق وشوف يد القدرة شوف حسن البداوه الما لمس بدره وراد النهر هم اردونى لم اردى الكاتلين الصفار أم نضرة الخضره
شوف النهرماربي خشوع تقول هجسان او مر المنام بي مقلة النعسان جلت قدرتو مااكفر الانسان كم ينسى الجميل كم يجحد الاحسان مانفرن تقول سابق الكلام الفه عطشان قلت ليهن وصحت البلفه مافيش كاس قريب قالن بدون كلفه تشرب بكفوفنا حتى تتكفى.
02-10-2017, 08:01 PM
احمد حمودى احمد حمودى
تاريخ التسجيل: 01-11-2013
مجموع المشاركات: 4364
اها وبعدين..؟ عوض..حبابك يا صديقي ، من ارض يغطيها بياض الجليد ، ودرجة حرارة قرابة العشرين تحت الصفر ، في ام طرقا عراض ، وبسأل: مالك معاها يا صديقي؟..
الروايات تعددت ، وايضا هناك روايات كثيرة تذكر حضور الأمين برهان ، وكنت سأضيفه هنا (عقلي انشغل بهواك) في لحظة خيانة مسروقة وتماهي مع (ربوع هنده) ، ولكن..!!
عوض جاه الرسول وشركاه سلام يغشاكم دي كانت مرحلة التجديد و انتقال العبادي وابوصلاح من الدوباي ورميات محمد ودالفكي وغناء الحلق ..... الى افاق الاغنية المكتملة الجميلة الثرة بالمعاني والاخيلة الشعرية والوجدانية .. ممكن نسميها الاغنية الكاملة والمكتملة الروايات كثيرة ولكن انا عارف ان الحبيب (كبر) ما بجي فاضي اصلا لازم يهدي ولو مفتاح مع انه هذه المرة جاب تفاح تدلى مع (هُندة) والمشهور بـ (حسناء الرماش) ولاجل عيونها الواسعة الكبيرة ووجهها البشبه القمر وهو يتسحب من خلف الغيوم السوداء اتفق العبادي وسرور والامين برهان انهم يرجعوا للخرطوم بالدرب التحت الناحية اليمنى للبحر وسرور هو كان سايق اللوري الفيات ... العبادي وبرهان لقوهو راجع من قافلة رحلة صيد كبيرة عملوها للمندوب السامي الانجليزي اسمو السير (برسي) وكان سرور قاعد مع زين العابدين كوكو ودا كان نائب مامور (سنجة)
دي كانت مرحلة التجديد و انتقال العبادي وابوصلاح من الدوباي ورميات محمد ودالفكي وغناء الحلق ..... الى افاق الاغنية المكتملة الجميلة الثرة بالمعاني والاخيلة الشعرية والوجدانية .. ممكن نسميها الاغنية الكاملة والمكتملة الروايات كثيرة ولكن انا عارف ان الحبيب (كبر) ما بجي فاضي اصلا لازم يهدي ولو مفتاح مع انه هذه المرة جاب تفاح تدلى مع (هُندة) والمشهور بـ (حسناء الرماش) ولاجل عيونها الواسعة الكبيرة ووجهها البشبه القمر وهو يتسحب من خلف الغيوم السوداء اتفق العبادي وسرور والامين برهان انهم يرجعوا للخرطوم بالدرب التحت الناحية اليمنى للبحر وسرور هو كان سايق اللوري الفيات ... العبادي وبرهان لقوهو راجع من قافلة رحلة صيد كبيرة عملوها للمندوب السامي الانجليزي اسمو السير (برسي) وكان سرور قاعد مع زين العابدين كوكو ودا كان نائب مامور (سنجة) ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ Ahmed Yassin ويغشاك السلام والرحمةحقيقة أغنية كاملة ومكتملة ، وإتلموا عليها فطاحلة ونجضوها نجاض
اللحو عندو طلعات كده بتفوت بالواحد ياااااااااااااااااخ..!! ـــــــــــــــــــــــــــــــــــــــــــــــــــــــــــــــــــــــــــــــــــــــ أستاذنا كبر ياصاح . أها قلتا لي عندو طلعات بتفوت بالواحد ؟ وبالمناسبة كُرم بالأمس في نادي الدرايسة بعد عودته من رحلة العلاج بالقاهرة نسأل الله له دوام الصحة بقدر ما أثرى الساحة الفنية بأعذب الألحان .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد حمودى
Kabar
كمال علي الزين
Ahmed Yassin
فيس بوك
تويتر
انستقرام
يوتيوب
بنتيريست