|
|
 معقولة ده ود الوزير الكفت ال9 كيلو دهب والبتاعات ؟
|
01:48 PM Mar, 07 2015
سودانيز أون لاين
Osman Musa -
مكتبتي في سودانيزاونلاين
صديق من الشباب المساكين تجار الجلاكسي لزوم لقمة العيش الصعبت .
قابلتو ماشي كداري بعد زمن في المسافة الفاصلة بين محطة بنياس ومحطة الأتحاد في دبي .
بعد السلام وفي نص حكايتو لي عن موت صديق عزيز . قطع كلامو ..
يا جماعة .
يا جماعة يا جماعة ه ه ههها هي . ده ما ياهو ود الوزير الكفت الشغلات عن طريق الصالة المكندشة .
قلتلو يا أخوي أنا البلد خليتو وهم كانوا منشغلين بي الحرب وديك الأيامات مافي زول أتلفت للكفت عبر المطارات .
دحين يا أخوي حدثني عنو ..
وتعال نباريهو زنقة زنقة .
|
|
  
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
ونحنا متابعنو من بعيد لي بعيد .
سألت صاحبي : ياخ أنت متاكد ده ود وزير ؟
صحيح الزول لابس تي شيرت ماركة فرزاتشي وساعة ROLEX سعرها 40 ألف درهم يعني سعرها قدر رأس مالك
البتتاجربو ده مرتين .
بس أحتمال ما يكون ود وزير . أحتمال أبوهو عندو صالون حلاقة ههههههههههها .
وأحتمال برضو أنت تكون ملخبت شكلو .. بعد ما ضربك ال HEPATITIS B وخلاك تشوف طشاش طشاش .
قال لي : يازول أنت ضارب أمريكا دي وما جايب خبر .. هبتايتيز شنو البجيب لي طشاش ؟
نحنا صاحين .
ومفنجلين عيونا زي الريال أبوعشرين لي جماعة الكفت ديل . كدي ألكع النحصل الزول .
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
الزول دخل محل مقابل أشارة المرور وبعد أقل من
دقيقتين طلع و في يدو كيس و طلع معاهو هندي نوع أبو عمة قطية دأك .
في لحظة الطلعة وقفت عربية BMW بلو شالتو مع الهندي . وتاني ما تشوف الا طشاش طشاش .
يمكن يا جماعة طشاش الهبتايتيز ده أكتسح البحر والبر ؟
يجوز صحيح الحاصل ده ؟
وهو البلد كلو فيهو كم كيلو ؟
تركتو صاحبي يمشي يكمل مشترواتو عشان يتخارج من دفع الفندق وصرف دبي البشيل الربح .
وأنا مشيت ألحق معايشي .
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
كان بيضرب في أسعار مشتروات تلفوناتو لحظة فارقتو في مفرق بنياس .
هو رجع جهات بناية قرقاش وأنا مشيت منو وأنا
أردد في مقطع قصيدة عزيزنا الشاعر الشاب / عمار المعتصم
البقول فيها :
بلادٌ بلا رجليـن .. تحبو على الأسـى
ونحنُ بلا عينيـن ،، نبكي ،، ونصبرُ
وصوتُ البُكـا يمتدُّ فينـا كأنـنا
ـ وقد ضاقَ عنَّـا البحرُ والنهرُ ـ قُـصَّـرُ
بلادٌ ،، كأنَّ الصمتَ أرخى حجابهُ
عليهـا ، وناداها إلى الموتِ قيصـرُ
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
زولي تاجر الجلاكسي لقيتو حرفنتو ما بس في شغلو المكربو .
زولي لقيتو ناقش خبر الشرق والغرب .. تشوفو تقول الزول دأقس . الا بعد يفك الحنك تلقاهو ولا ناس ال T M Z .
زولنا لقيتو عارف مكان المعمل الاتعملت فيهو الشيشنة للتسعة كيلو . و كابور الهندي المشتري . وقاعة مسرح الخروج .
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
Quote:
أنا بتخيل الجيل القعد في السودان ولحس الزلط .. ده جيل عظيم .. ده جيل أتعلم الكتير وصبر علي الكتير .
وبتخيل ده جيل أحسن مننا نحنا المرقنا . لا قطعة في الوأدي الأخضر ولا حمص شاكيرا . |
انا كمان لاحظت نفس الشيء ، رغم التعليم السيء ، لكن مفتحين و اتحرروا من عقد كتيرة كانت تؤثر سلبا على شخصية السوداني ..
سلام عثمان
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: درديري كباشي)
|
عزيزنا الدرديري
سلامات
كيفك وكيف الحال ؟
.. وزي ما قال عمك حبيبنا الراحل الطيب صالح
هل حرائر النساء من " سودري " و " حمرة الوز " و " حمرة الشيخ "
ما زلن يتسولنّ في شوارع الخرطوم ؟ هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
..
الباسطة يا الدرديري أخوي يا حليل الباسطة .
ديل عندهم تحلية أم علي بي المتر والدهب بي الطن .. ياخ الزول الدخل صالون الحلاقة في الخرطوم ودفع بي اليورو ما سمعتبو ؟ هههها
..
تحياتي وخليك قريب
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
قلتلو الولد ده طوالي بجي ؟
وفي كل مره بيدخل بي 9 ؟
قال لي : لا لا
هو ما براهو .. ولا هو وأحد ولا أتنين .
الجماعة دقشة ناس .
قلتلو : طيب الكيلو بيكلف الوأحد منهم كم في السودان ؟
قال لي : يكلف كم شنو ؟
الشغل ده خمسين في المية منو مصادر من المساكين في وأدي قبقبة .
قلع عديل .
الجماعة ديل عندهم ناس هناك للقلع .
وعندهم برضو في الصالة المكندشة والهندي أبوعمة قطية في الانتظار .
الشغلة محبوكة .. تقول لي جلاكس وشوأحن
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب والبتاعات ؟ (Re: Osman Musa)
|
والله يا عثمان حاجة تحير ..
تعال عندنا بي جاي وإنت تسمع وتشوف العجب ..
يقولو ليك شفت الزول الطلع هسع؟!
تقول ليهم آآي ..
يقولو ليك ده ود فلان الفلاني وجايي معاهو كم مليون دولار عاوز يستثمرهم هنا !!
تسكت تموت من المغسة ..
تنضم يقولو عليك مناتل !!!
غايتو بنسكت لكن ..
هم ما يستثمرو فسادهم ده في السودان زي الفاسدين المحترمين ناس أحمد عز وهلمجرا يا عثمان !!
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب (Re: محمد حيدر المشرف)
|
يا شيخي
انت جيت من وين والجابك بي جاي شنو ومالك ومال اولاد الوزراء .. ما تخليهم يسترزقوا
ياخي .. علي الاقل يكون بيناتنا ناس عندها حاجة
نحن اخي شعب محظوظ ف(ملبوعاتنا) لا تجد صعوبة في مغادرة مطاراتنا بالتسعه والعشرة
كيلوا بينما في الهند يشمون رائحة سبيكة الدهب من الرنوي .. شوف بالله الهنود المساكين ديل
تعبانين كيف وما لاقين اي فرصه
تصور .. أنا في مطار الخرطوم ضابط الجمارك شك في شنطة يدي وقال لي تعال خلينا نشوف
السامسونايت دي فيها شنو ...... والله كدت ابكي وانا افتح شنطة يدي .. وبها الجواز واوراق بها
كلمة سالقيها في اجتماع المجلس الاستشاري للهلال وصندوقين سجاير وكيس الادوية التي استعين
بها علي الحياة .. وللاسف ليس من بينها ما يعين علي محن الزمان الذي جعل مثلي يفتشوه في
مطار الخرطوم .. دنيا فرندقس ..
ولكنني كل ما نزلت الخرطوم وجدت اهلي (احرف) في التعامل مع الحياة
يا عثمان ياخي نحن شعب لا يهزه شيء فقد ذبحنا كتشنر واحرقنا الدفتردار وضربنا سير لي ستاك
وربنا انقذ مننا محمد نجيب .. ولم نجد في كل ذلك فائده .. فتركنا الدرب للحكام .. اللي عايز يقعد علي
كيفه واللي عايز يمشي علي كيفه .. سته ، ستاشر ، سته وعشرين .. البريحك .. جاي تزرزرنا في
حبة دهب ؟ ! .. ياخي والله امريكا دي خربتكم وبوظت اخلاقكم .....
واصل اخي فالمتعة ان تشاهد كيف يعافر الاخرون .. وانت عاجز
عمرعلي حسن
| |
|
|
|
|
|
|
|
|
|
Re: معقولة ده ود الوزير الكفت ال9 كيلو دهب (Re: محمد حيدر المشرف)
|
عزيزنا د / المشرف
سلامات
تخيل يا د / 9 كيلو في فد يوم .
وبي الصالة المكندشة .. طيب ياخ وين القناعة بي قسمة ربنا ؟
وين العدالة ؟
..
سمعنا يا ود المشرف عن كتاب صدر من مركز هارفارد للأبحاث التربوية والسياسية .
أسم الكتاب ( من يحقق الحلم )
قالوا الكتاب بيتكلم عن النجاح والثروة والوطنية والطرق الصحيحة للتجارة وقيادة البلدان الي التقدم والتحرر .
بتخيل زولنا ده لو باعلو خمسة جرامات من التسعة كيلو ديل وأخدلو بيهن كتاب كان أنعدل .
بس القصة وكت تهيص يا دكتور أهو بيحصل متل ده الدافوري الصعب ..
تحياتي وجزيل شكري علي المتابعة
| |
|
|
|
|
|
|
| |
Osman Musa
Abdullah Idrees
MOHAMMED ELSHEIKH
محمد حيدر المشرف
فيس بوك
تويتر
انستقرام
يوتيوب
بنتيريست