|
|
|
 Re: عامان هنا .. هل كان الأمر يستحق (Re: عبدالحفيظ ابوسن)
|
دخلت متوجسا مرتابا بكراعي اليمين تيمنا باليمن !
وكنت كلص بعد ان توهط ضهر الحيطة فنظر ورأي انه بيت عزابة من قرية نائية . فرأي الحوش متكدسا بالنائمين وبعضهم مدبل العنقريب
نظر نحوهم وتناوشته الهواجس .. يتلب جوة ولا برة
هل سيرجع غانما ام مجلودا مدقوقا
دخلت علي اطراف اصابعي كشاب نزق لعوب لوالد صعب ما برضي الخمج .. اتي في هزيع الليل منتشيا طربا
| |
 
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
مرتابا
متوجسا
خائفا
فالمنبر يعج بالاسماء الضخمة ذات الوزن
والكتاب والشعراء والغاوون
مافي لعب تغلط تتصقع في راسك زي الما حصل حاجة .. وراسك كلو يقوم عوار .. ونحن ناس سكري وصداع مستديم وموروث
يا ولد انت ما قدر ديل .. خليك بعيد
وخليتني بعيد لسنوات لم تحدثني نفسي بالولوج
ولكن بعض الاصحاب ك صلاح النعمان و اشراقة مصطفي اصرا
خش ياخ
وسودانيز اوسع
وخشيت
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
وتوقفت كم مرة اسأل نفسي في اصرار
لماذا تكتب ؟
للمتعة الذهنية
للشهرة
لاستعراض مهاراتك
ام اني
اعتقد ان الكتابة هل ممارسة لفعل سياسي و اجتماعي بغرض التغيير والتوعية والتعلم واكتساب معارفا جديدة
او
إلقاء حجر في بركة ساكنة
ام
لكتابة تاريخ الناس واخراج ما احسه تجاههم من ود وحب ونشوي
ام
مشاركة الآخرين الهموم والفرح
هل أكتب من اجل نفسي ام من اجل الآخرين
وغيرها من الاسئلة
اجاوبها حينا وتعجزني احايين
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
قال كجراي
ﺍﻗﻮﻝ ﻟﺜﻠﺔ ﺍﻻﺣﺒﺎﺏ ﻻ ﺗﺄﺳﻮﺍ
ﺍﺫﺍ ﻣﺎ ﺭﻥ ﺻﻮﺕ ﺍﻟﺤﺰﻥ
ﻳﻘﻄﺮ ﻣﻦ ﻛﺘﺎﺑﺎﺗﻲ
ﻓﺈﻥ ﺍﻟﺤﺰﻥ ﻳﻮﻗﻈﻨﻲ
ﻳﻼﺣﻘﻨﻲ ﻳﻠﻮﻥ ﺩﻏﻞ ﻣﺄﺳﺎﺗﻲ
ﺍﻧﺎ ﻣﻦ ﺍﻣﺔ ﺳﻜﺮﻯ ﺑﺨﻤﺮ ﺍﻟﺼﺒﺮ
ﺗﺨﺮﺱ ﺻﻮﺕ ﺁﻫﺎﺗﻲ
ﻭ ﺗﺨﻨﻖ ﻟﻲ ﻋﺒﺎﺭﺍﺗﻲ
ﻳﻤﺮ ﺍﻟﻌﺎﻡ ﺗﻠﻮ ﺍﻟﻌﺎﻡ
ﻻ ﺍﻻﺣﻼﻡ ﺗﺼﺪﻕ ﻻ ﺭﻛﺎﻡ
ﺍﻟﻬﻢ ﻳﺴﻘﻂ ﻣﻦ ﺣﺴﺎﺑﺎﺗﻲ
ﻭ ﻳﺨﺠﻠﻨﻲ ﺍﻣﺘﺪﺍﺩ ﺍﻟﺼﻤﺖ
ﻟﻮﻥ ﺍﻟﺼﻤﺖ ﻋﺮﻯ ﺍﻟﺼﻤﺖ
ﻓﻲ ﺟﺪﺏ ﺍﻟﻤﺴﺎﻓﺎﺕ
ﺗﺴﺎﺋﻠﻨﻲ ﻋﺼﺎﺑﺎﺕ ﻣﻦ ﺍﻟﺸﻌﺮﺍﺀ
ﻭ ﺍﻟﻔﻘﺮﺍﺀ ﻋﻦ ﻧﺎﺭ ﺗﻤﺪ ﻟﺴﺎﻧﻬﺎ
ﺍﻟﻤﺴﻌﻮﺭ ﻓﻲ ﺳﺎﺣﺎﺗﻲ
ﻭﻋﻦ ﻋﺒﻖ ﻣﻦ ﺍﻟﻜﺎﻓﻮﺭ
ﻋﻦ ﻗﺒﺲ ﻣﻦ ﺍﻟﺪﻳﺠﻮﺭ
ﻛﺎﻥ ﻳﻀﺊ ﻓﻲ ﻛﻞ ﺍﻟﻤﺴﺎﻓﺎﺕ
ﻣﺎﺫﺍ ﻳﺎ ﺭﻓﺎﻕ ﺍﻟﺪﺭﺏ ﻣﺎ ﺩﺍﻣﺖ
ﺗﺰﻟﺰﻟﻨﺎ ﺭﻳﺎﺡ ﺍﻟﻘﻬﺮ ﻭ ﺍﻻﺣﺒﺎﻁ
ﻓﻲ ﻋﻘﻢ ﺍﻟﺒﺪﺍﻳﺎﺕ
ﻭ ﻫﺄﻧﺬﺍ ﻛﻤﺠذﻭﺏ ﻳﺴﻴﺮ ﻋﻠﻰ
ﻫﻮﺍﻩ ﻳﺠﺪ ﻳﻈﻬﺮ ﻓﻲ ﺟﻤﻮﻉ
ﺍﻟﺴﻔﺮ ﻓﻲ ﻛﻞ ﺍﻟﻘﻄﺎﺭﺍﺕ
ﻓﻴﺎ ﺷﻤﺴﺎ ﺗﻐﻴﺐ ﻫﻨﺎﻙ
ﻭﺭﺍ ﺍﻟﺒﺮﺯﺥ ﺍﻟﻤﻤﺘﺪ ﻓﻲ
ﺍﻗﺼﻰ ﺍﻟﻤﺪﺍﺭﺍﺕ
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
كل 16 مارس من كل سنة وأنت طيب وفاعل ومتجدد إن شاء الله..رغم إن الفكرة عجبتك ونفذتها ده شىء طيب ورغم إنك لم تأتى بباقة ورد فى عيد ميلادى ألأسفيرى 17 فبراير إلا أنى أتيت مباركاً وفرحاً لك بدوام التواصل ...لك التحية والمتداخلين.
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
ود أبوسن تحياتي الطيبات ياخي !
في النكتة الشهيرة امر مدير المستشفي من دخول الناس علي المرضي ووجه كلامه الي الغفير ان لايدخل احدا حتي لو وزير الصحة زاتووو ،اهاا الوزير جا وعندما هم بالدخول قال مافي طريقة قال ليهو انا وزير الصحة !
وهنا جاءتالرد الناسب للشخص المناسب انت بالذات مابتدخل !!!
اهااا انت بالذات مفروض تكون هنا ياخي قلم أنيق بعيد عن التهاتر اقسم بالله الواحد بنتظر اي بوست ليك يتابعوا !!
دمت موفور الصحة والعافية !!
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
سلام ود آب سن و سلام كتير لمن تداخل يرفع من روح صاحب البوست المعنوية المهم من كتابة البوست دا واضح انا صاحبنا وجوده ما كان مهم لأنه لم يحس بألم المواطن و الوطن لأن كتاباته كلها لا تسمن و لا تغنى من جوع ليته ما حضر
تحياتى
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
مرحبا صديق
وكتر خيرك ان افصحت عن صدق قول وبذلت لي نصحك غير هياب ورحم الله رجلا اهدي لي عيوبي
وكتر خيرهم ان هم شدوا من ازري ورفعوا معنوياتي فلهم صدق المواساة
لا توجد كتابة لا تسمن ولا تغن عن جوع .. بل توجد كتابات تسمن وتغني عن جوع وغيرها تفقر الانسانية وطيب المشاعر
سأسعي جاهدا لان اكون كما وددت وان تنكبت صراط الوطن
كتر خير
كثير ود واحترام
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
يقول سادتنا المتصوفة عليهم رضوان الله أن
" الطريق لمن صدق ، وليس لمن سبق "
وأقول أنا العبد الفقير لربه
أن الكثيرون يكتبون في سودانيزأونلاين ، لكن قليلون من يستطيعون ( فرض ) بصمة خاصة بهم وبكتاباتهم
لقد صدقت الطريق
وأصبحت رجل بصمة
وصاحب بصمة خاصة بك
تحياتي
| |
|
|
|
|
|
|
|
|
Re: عامان هنا .. هل كان الأمر يستحق (Re: عادل البراري)
|
عذرا للرد الراتب
مرحبا صديق
هههههه الشيخ عبدالحفيظ لم احظ بهذا اللقب طوال عمري الاسفيري وتمسكا بحسن الظن اشكرك
رأي في الانقاذ والسلطة بذلته هنا عبر عديد من الردود والبوستات . وعجبت لسؤالك ان كنت قرأت لي سابقا .
التحية والشكر لك
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
مرحبا عاطف
تشكر والله
هو رد اعجبني فللصوفية الاصيلة محبة وقرت في قلبي ولقدامي الاعضاء احترام خاص أكنه لهم . فهم من صنع هذا الصرح حتي وجدناه مشيدا متين البنيان ونسعي كجدد علي ان نحافظ علي لمعان طلائه وترتيب اثاثه
قال ود ريا
فوت الكليمة
وادي اللقيمة
وبالليل اخدلك قويمة
تكون من اهل النهيمة
اللهم اجعلنا من النافعين لوطنهم وانفسهم
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
كل سنة وانت طيب ابوسن
انت اضافة قيمة للمنبر فكنت معتدلاً في طرحك جرياً في مقالاتك ومشاركاتك .
انت المستنير الذي كتب لنا وزودنا بالكثير .
انت العفوي الكريم في كتاباتك .
التحية لك واكثر ما اعجبنى انك تكتب من السودان فرغم ظروف الشبكة ولكنك كسرت الحاجز بمشاركاتك الجيدة .
التحية لك على تلك المساهمات التى يحفظها التاريخ لك .
ويشرفنى ان اقول لك اننى اسعد بوجودك هنا وحريص على متابعة كل اعمالك .
كن بخير وعافية
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
يا دفعه ... سلامات ..
ونهنئك بالشمعه الثانيه .. وان شاء الله تطفي عشرة وكفاك ..
طبعا الكتابة في الوقت الحاضر بقت صعبه لاسباب كثيره .. ودا ما مجالو
المهم .. شايفك نشط ,, وبرااااي شديد ..  الله يديك العافيه ...
تحياتي يا برنس ....
| |
|
|
|
|
|
|
|
|
|
Re: عامان هنا .. هل كان الأمر يستحق (Re: النعمان خوجلى)
|
حفيض اخوى
عساك طيب
فى الاول كيف حال عمنا العيان اتمنى انه بقى طيب ؟
تانى حاجة مش طلعنا "مسكرين ؟" يعنى عندنا سكرى الله يقرفه ياخ
مسخ على حياتى
حمانى الحاجات البحبها واولها الباسطة
وليس اخرها البسبوسه
قلت لى تستاهل ولا ما تساهل؟
زمان كنا بنلعب البلى مع اخوانى واولاد الحلة
فى جملة كدا بتتقال لغاية الان ماعارفة معناها
" يستاهل "
وبتتقال وين فى ياتو سياق الله اعلم ؟ لانه الزمن طال
دحين كان لقيت اجابة لسؤالى ، ابقى قاعد
حواك الخير وضراك المحبة
يا انبل زول وكل سنة وانت طيب
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
سلام يا ودا أبسن الدفعة والصديق وأخو الأخوان
طبعا وجودك مهم لما يتميز به قلمك من عفوية وتلقائية وبساطة وخوة كأنه مزيج سحري خلط بالحبر الذي تكتب به .
سبقناك بشهور لكن فقتنا بهذا القلب الكبير والصدر الواسع الذي وسع الجميع و ندر نوعه في هذا الزمن وبالذات في السودان ..
عندك مناعة مدهشة ضد الخصام حتى مع المختلفين معك . مدرسة يحتاج أن يتعلم منها القادة والسياسيون والرياضيون . وكل من تطرف وتعصب لرأيه أو اتجاهه .
كتابتك بتذكرني زمان زمن كنا نلتقط الثمار من الاشجار ومن الأرض ونأكلها دون غسل أو حتى تنظيف .. لا نصاب بأمراض ولا أي وعكة كأن الجراثيم لم تكن تعرف أنها ممكن أن تدخل الينا من هذا الباب ..
الأنسان كلما زاد حرصه على صحته فلتت منه .. وكذلك منك تعلمت أن الكاتب كلما زاد حرصه على تنميق قلمه واختيار عباراته هرب منه القراء .
كن كما كنت وسنكون
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
سلمي يا سلامة
حبابك يا خية
كلنا مسكرين العافية ان شاء الله .. واخوك سنيرك فيهو
عمي صديق اب سن لسة تراهاهو مع الدكاترة .. وهو شخص لطيف وذو حكاوي وطرف وذكاء . اقرب اعمامنا لنا نحن اولاد محمد علي اب سن . ربنا يرفعو
اي يستاهل حقت خرت البلي .. والسؤال صعب لأنو الكتابة ادمان وتعويض عن ممارسة العمل السياسي الجماهيري بفعل المرض والكبر
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
كيف مايستحق ياشيخ العرب
حوش بكرى ده رغم انه فيهو دِبُّوىْ كتير
لكن انواركم بترَجِّعو لى جَحَّارو
بكرى ده بقا سبب فى تعريفنا بيكم
دى يمكن تخارجوا بعدين ده كان ماجابوا ليهو
ملفات العلمانيين ,, لكن كان اعتبروها ليهو
العفش داخل البص على مسؤلية صاحبو
يمكن يلقى ليهو فرقة...
سلام ياصاحب ـ وتحياتى عبرك لسماعين ودعباس
الذى لايعيبه سوى لونو الازرق ,,
| |
|
|
|
|
|
|
|
|
|
Re: عامان هنا .. هل كان الأمر يستحق (Re: مهيرة)
|
مرحبا درديري
وحبابك
تشكر والله
يا ليتني كما تقول
هذه شهادة تجعلني احس انني عاجزا عن الرد
تعرف
عطفا علي كلامك
انت الحاصل شنو ؟ خلي الفواكهة البناكلها بدون غسيل وبي قشرتها . ولا الاكل البايت دون تلاجة
شوف الرملة الكنا بنلعب فيها . هسة منعنا منها شفعان . ظهرت فيها دودة بتخش جوة الجسم وتتوالد . وبتكون تحت الجلد مباشرة . ومرات بتصل العين وتقفلها . قالوا من الرملة
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
الأخ/ أبوسن
تحياتي
كنت أظنك ( مغترب) وتتساءل هل الغربة تستحق أن تمكث بها عامين؟
غير أني وجدتك تسأل سؤالا لا يستحق أن يسأل أصلا، وحبث أنك سألت
وقد أجمعت معظم الإجابات السابقة، بأنه يستحق، وأقول بأنه يستحق.
وإنت بالذات أحذرك أن تسأل هكذا سؤال مرة ثانية.......
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
مرحبا حماد وحبابك
وكتر خيرك والله
هي اسئلة تلح علي الذهن .
هل يستحق الامر ان تسمع احيانا قولا غليظا
ان تتعرض للهجوم دون سبب
وانت تبذل مجهودا مستقطعا من زمنك ومن مالك في ظروف السودان
وبل يشغل المنبر حيزا من واجباتك الاسرية وتجاه مجتمعك
اشكرك لحسن ظنك بي
| |
|
|
|
|
|
|
|
|
|
Re: عامان هنا .. هل كان الأمر يستحق (Re: عبدالحفيظ ابوسن)
|
Quote: هي اسئلة تلح علي الذهن .
هل يستحق الامر ان تسمع احيانا قولا غليظا
ان تتعرض للهجوم دون سبب
وانت تبذل مجهودا مستقطعا من زمنك ومن مالك في ظروف السودان
وبل يشغل المنبر حيزا من واجباتك الاسرية وتجاه مجتمعك |
أظن الكلام دا عضم البوست
ومن ثم يتضح سؤال العنوان
ودا يعيدني لقراءة المداخلات والردود من جديد
صحيح: هل استحق الأمر؟ بحساب الربح والخسارة (مادياً، معنوياً، أخلاقياً .. الخ)!
أنا شخصيا يكفيني إعادة اكتشاف معرفتنا من جديد على صفحات هذا المنبر
-بعد اكتر من كم وتلاتين سنة على أولى كوستي القوز-
وعليه فالأمر يستحق (من ناحية أنانية جدا، لأنني شفت مصلحتي)
دامت المودة
| |
|
|
|
|
|
|
| |
عبدالحفيظ ابوسن
ismeil abbas
Shaker Hamid
عادل البراري
الشامي الحبر عبدالوهاب
سامي عطا المنان
صديق مهدى على
عاطف عمر
محمد عبد الله حرسم
محمد البشرى الخضر
فتح العليم محمد أبوالقاسم
جعفر محي الدين
محمد مجيدو
سلمى الشيخ سلامة
عباس محمود
عبدالعزيز الفاضلابى
مهيرة
خالد علي محجوب المنسي
معاوية الزبير
فيس بوك
تويتر
انستقرام
يوتيوب
بنتيريست